|
Re: من ينافس إمرأة مجمعة تلفزيونياً (Re: حليمة محمد عبد الرحمن)
|
حليمة ... العظيمة
نفسي إتقطع وأنا جاري بوراك أقرا صريراتك الحليتيهن! يا للعجب.. وهو بالله في كلام قدر دا وأنا ما عارفو؟ صريراتك ديل كنتي خاتاهن وين؟
أولاً : كل شئ اتغير.. نظرتنا للجمال.. أدوات الجمال.. وما عارفين نحب ياتو.. نسيب ياتو.. كما كان يغني الفنان حمدالريح من كلمات الشاعر سليمان عبدالجليل في السبعينيات.. هسع طبعاً القصة إتعقدت أكتر. قال ليها:
يا الخاتفة ليك لونين ختف واحد نزل حتى الكراع وواحد وقف عند الكتف
شفتي المصيبة دي؟
تانياً: اللغة ذاتها اتغيرت: المرة الكانت تشيل الحطب من قيف أب روف وتحوم بيهو المطارات وتقعد تشرح لناس الجمارك في مطار جدة بعملوا بيهو شنو.. بقوا يسموها( حمالة الحطب) !!
وقصيدة رومانسية جميلة رقيقة للامين برهان كان بغنيها الحاج محمد احمد سرور بتقول:
أطرد الأحلام يا جميل أصحى قوم نقضي الليل في ضفاف النيل ننشد الفسحة فجأة وبدون أن ندري إنتقلت الكلمة البريئة (الفسحة) من ضفاف النيل وبقت في (المختبرات) ومعامل الفحص. فأصبح من الصعب أن يدعو حبيب حبيبته لينشدا الفسحة في ضفاف النيل. دا حتى يبقى قلة ذوق. وكنا مبسوطين نغني مع الفنان أبوداؤود من كلمات الشاعر عبيد عبدالرحمن في (زاد أزاي يا صاحي واعتراني نحول) قائلين في براءة تامة : (العوازل بيني وبين حبيبي تحول) وإلي زمن قريب لحدى مطلع التمانينيات كنا نشيل مع الفنان سيد خليفة (ظلموك يا قلبي عوازل.. أنا مالي ومال العازل)
ووالله أحلف صادقاً.. ما كنا قاصدين حاجة. حتى أطل علينا فجر الأيدز.. فإذا بنا ننكتم وهو تاني في زول بقدر يجيب طاري الغنا دا؟ مقاييس الجمال اتغيرت واللغة التي كنا نعبر بها عن الجمال والحب في تغير مستمر. ولذلك قام
أخونا وشيخنا الذي علمنا السحر شمس الدين حسن خليفة قال لي:
أنسب حاجة نخش سوق الخضار ونطلع قصايدنا من هناك .. إلا إذا الناس خلو أكل الخضار فكانت هذه القصيدة (البنت الحديقة .. المجمعة من سوق الخضار) أقول قولي هذا وأستغفر الله لي ولكن: يا شتلة يسقيك السحاب الساري وإنتي تفرهدي يا الساكنة في قلوب المتاعيس ترقدي وتتمددي يا سارقة أوصاف الخضار ومن المزارع تشردي شعرك (شمار) بس ماهو أخضر في الرقاد تتوسدي سنك (فجل) زايد بياض هاك قلبي عضي وأهردي والساق شبه (عجورة) رخصة متينة لما تمددي والرقبة (موز) صومالي إلا عديلة زي جيد الجدي والعين تقول (زيتونة) سودا حكاية لما تغرودي وضراعك (الكوسة) المدغلبة قايمة بي لون عسجدي لونك (قرع) دابو استوى معروض خلاص للبيع ردي READY عطرك تقول (شمام) وصل من كوستي أصفر (كدي كدي) كان للخدود ديك (يالطماطم) والشفايف (كركدي) مالي في حبك (خيار) قلبي المعاك بتقيدي مفتون زمان بي (خدرتك) مفروك منجض وحدي ما حظى (أسود) زي عيونك وإنتي صبري تبددي وأنا برضي (بنجر) بي وراك وبحصلك ما بتنفدي بلقاك ولي بيتكم (بصل) آخر المطاف إتأكدي بقلب عليك سوق الخضار عاد وين تزوغي وتلبدي؟
والله يديكي العافية كان قلبتي علينا سوق الخضار.
|
|
|
|
|
|
|
العنوان |
الكاتب |
Date |
من ينافس إمرأة مجمعة تلفزيونياً | Rayah | 10-21-07, 04:10 PM |
Re: من ينافس إمرأة مجمعة تلفزيونياً | Shayma | 10-21-07, 05:33 PM |
Re: من ينافس إمرأة مجمعة تلفزيونياً | حليمة محمد عبد الرحمن | 10-21-07, 05:55 PM |
Re: من ينافس إمرأة مجمعة تلفزيونياً | حليمة محمد عبد الرحمن | 10-21-07, 05:58 PM |
Re: من ينافس إمرأة مجمعة تلفزيونياً | حليمة محمد عبد الرحمن | 10-21-07, 06:01 PM |
Re: من ينافس إمرأة مجمعة تلفزيونياً | حليمة محمد عبد الرحمن | 10-21-07, 06:13 PM |
Re: من ينافس إمرأة مجمعة تلفزيونياً | Rayah | 10-21-07, 08:56 PM |
Re: من ينافس إمرأة مجمعة تلفزيونياً | سلمى الشيخ سلامة | 10-21-07, 10:36 PM |
Re: من ينافس إمرأة مجمعة تلفزيونياً | Ashraf el-Halabi | 10-21-07, 10:58 PM |
Re: من ينافس إمرأة مجمعة تلفزيونياً | Muna Khugali | 10-21-07, 11:09 PM |
Re: من ينافس إمرأة مجمعة تلفزيونياً | jini | 10-21-07, 11:14 PM |
Re: من ينافس إمرأة مجمعة تلفزيونياً | Rayah | 10-22-07, 00:20 AM |
Re: من ينافس إمرأة مجمعة تلفزيونياً | abubakr | 10-22-07, 03:27 AM |
Re: من ينافس إمرأة مجمعة تلفزيونياً | Shayma | 10-22-07, 07:02 AM |
Re: من ينافس إمرأة مجمعة تلفزيونياً | Rayah | 10-26-07, 02:56 PM |
Re: من ينافس إمرأة مجمعة تلفزيونياً | Nasr | 10-26-07, 04:44 PM |
Re: من ينافس إمرأة مجمعة تلفزيونياً | Rayah | 10-27-07, 06:46 PM |
Re: من ينافس إمرأة مجمعة تلفزيونياً | خالد علي محجوب المنسي | 10-27-07, 08:54 PM |
Re: من ينافس إمرأة مجمعة تلفزيونياً | Rayah | 11-02-07, 09:40 AM |
|
|
|