الرابطة السودانية الامريكية بنيويورك تلغي تجميد نشاط سكرتيرها الاعلامي

Quote: معتصم سلامي، مابالضرورة يكونو كيزان بالفعل، ناس شرع الله وامريكا دنا عزابا. المهم انهم مع خط النظام لو شيوعيين ولا كيزان ولا حزب غمة او دعاة اتحاد تحت التاج المصري. فما نقعد نشرح بعوض هنا. او نفيك لعلاقة هذا الجسم المشبوه بنظام مجرمي الحرب، فضيحة حقيقة! المؤسف انك مصر تستصغر عقول حتي قواعدك او ده عيب ايها الثائر! اعترفت بي عضمة لسانك انو هم الانجزو حفل نيويورك الذي تظاهر فيه ضد ممثل نظام مجرمي الحرب، اسامة بينما انت الثائر من دارفور كنت محتفل مع المحتفلين بممثل من اغتصبو اختك مقبولة، ابادو قرابة النصف مليون او شردو اكثر من مليون من اهلك! نفسي اعرف انت شايل سلاح ليه اصلا؟ ارمي السلاح او موقفك بكون مفهوم. يا معتصم، يا تقبل لروحك ان تكون اداة لي جسم مشبوه باعتبارك ثائر، يا زي كلامنا ده يكون وضع متاريس امام ابناء دارفور؟ ليه بالتحديد المجموعة دي هبي المعيار لكل شئ في حياتك؟ المانع شنو تبادر بتكوين جسم خالي او معافي من شبهة التعامل مع النظام او تبني خطو؟ ما المانع؟ خايف من شنو؟ ليه بتفتكر الابتعادعن هذا الجسم المشبوه تلقائيا يمنع ابناء دارفور للتواصل مع ابناء الوطن، ليه؟ البخل المجموعة المشبهوة دي بالذات هم ابناء الوطن تحديدا وحصرا شنو؟ ده منطق غريب يوضح انك خاضع لي غسيل مخ شديد من قبل هؤلاء! بالعدم ورينا، ليه المجموعة دي تحديدا؟