حملة صيانة ضخمه جداً بمنطقة وسط الخرطوم وترحيل مواقف المواصلات (صور)

Quote: تحية وإحتراما البوست ده بسيط وواضح والقصد منو متابعة المستجدات في اهم منطقة في الخرطوم وفي بوست زيو لم نجد فيهو دمغ الناس بتصنيفات هي فيهم ام لا ؟ ما الداعي للسندكالية والسدناوية والكيزانوية والمتصالحية والمتعارضية والجروا خلو البلد والركزو والثبتو والغرقوافي بوست بتكلم عن كورة الشراب .. ياجماعة العندوا حاجة مع ود فرح ابسط قواعد الديقراطية عدم مصادرة رأي الأخر خلونا نستفيد من الحاصل شنو في هذه المنطقة لو كنتوا في السودان في الفترة الأخيرة ومريتوا من وسط العاصمة وشفتوا كمبة الخلق حتى الوافدين من الصين الى هاواي والله العظيم انتوا فاكريني ببالغ لكن دي الحقيقة واكتر ناس تعبانة من هذه المسألة الطالبات الجامعيات من كل النواحي .. انا في اعتقادي ان هذه العملية من اهم واكبر نجاح لمعتمدية وبلدية وولاية الخرطوم وهو ده اساسا دورهم الحقيقي هو خلق متنفس للناس وسط الخرطوم ,,وتنظيم العاصمة من الناحية البيئية وهذا يحتاج الى جهد متواصل ليس مستحيل ولكن شوية إهتمام ووتخطيط وتنفيذ بوسائل بسيطة وعون زاتي والإستفادة من القوات النظامية وغير النظامية وقوات الدفاع الشعبي البجويبوها تدرب وتعسكر على الفاضي ممكن العاصمة تكون من اجمل العواصم من الأشياء الإيجابية ان المواصلات اصبحت دائرية ويمكن ان تصل الى ايى مكان المهم في المواقف الجديدة هل الحافلة بتنزل الناس عند جامع فاروق لو جاي من ادرمان وبعدين بتواصل الى اخر محطة وكذالك الجاين من بحري ومن بري هل في معالجة للمسافة من المواقف الى وسط السوق ؟؟الرجاء مدنا بالصور والتطورات والخطوات الإيجابية في المسألة مافي شئ مقدس الناس عايزة تعيش الف سنة في ذكريات ما ليها معنى يعني شنو وسطالخرطوم اهميتو اذا بقى مببولة مش احسن تبقة الحوائط جميلة ومنورة بالبوهية البيضاء ولايوجد عليها عبارات مثل ( ممنوع البول هنا ياحمار ) ياجماعةزي ما كتب واحد النشالين مشو الموقف الجديد !!وانا بقول النشالين براهم ؟؟الحتة لمت لمة. الخرطوم في الفترة الأخيرة اتملت عربات وناس يعني لو رجعوا المغتربين البرة والله الواحد فيكم بالليل الا تنوم في القطينة.. الزحمة السمةالسائدة للعاصمة او بالأحرى العاصمة شاخت ولم تتجدد منذ خمسون عاما هذه حقيقة مرةوالأن حينما نفضت عن نفسها القبح نقف ضدها لانو القروش حيكون اكلوها يعني هي بقت على قروش ميدان الأمم وشارع الجامع والله كوميديامفجعةالله يغطينا من الناس الابعجبة العجب ولا الصيام في اشياء جميلة ولايجب علينا ان ننكرها والله العظيم عاجباني الكباري عجب ما ليه حد وتجولت فيها وانا مستمتع ولم اشعر سوى انني انا الهندستها ونفذتها كبري المك نمر جمال وشموخ كبري الجريف وكبري توتي الطائر اتمنى ان نشاهدها ياودفرح ورينا تطورات الواقف السلبيات والإيجابيات وتول وسط الخرطوم ودمت