ود جمعة ... السلام عليكم
| Quote: الاولى : ان قرعة التصفيات خدمت المنتخب الوطنى ووضعته فى مجموعة لا يوجد بها فريق كرة حقيقى بخلاف تونس فالمستوى الذى شهدناه ذهابا وايابا من موريسشص وسيشل يؤكد هذه الحقيقة |
أولا مبروك علينا الصعود والتأهل و بركة الشفناهو بعد ما كنا بنسمع بيهو سمع ... كل ما تجي لحظة بتاعت قفا نبكي ... ومن الزمن داك و إحنا بنقيف نبكي ونكيل التراب
أنا معاك إنو القرعة خدمتنا و كنا مرزقين في مجموعة زي دي ... لكن برضو زمان كنا بنطلع من فرق أقل مستوى مقارنة بأيام قفا نبكي ديك ...
الداير أقولو طالما كنا محظوظين و تأهلنا بسهولة علينا الإلتفات و الإهتمام لتجويد المستوى و مواكبة المرحلة القادمة لأنو بعد ده بقينا تحت العين عديل .... كلامي ده حسع بينطبق على كلامك , أكتر واحد حاني عليهو هو المدرب القدير ماذدا لأنو هسع الناس كلها بتصفق ليهو و رافعنوا فوق زي ما بيحصل ليهو مع المريخ لما يكون غالب .... لكن الله قال بقولو لو إتغلب لأنو أول واحد حيدوهو الكرت الأحمر و يقولوا ورينا عرض قفاك ... و شوية تاني يجوهو جارييين و شويتين ... الكرت الأحمر
نطالب بتبني المنتخب الوطني و رعايته الرعاية الكاملة منذ الآن و حتى النهائيات ... لأن علينا الظهور بمستوى مشرف يليق بالمنافسة و يعكس التطور و يثبت أن تأهلنا لم يكن بالصدفة و إن كان الحظ قد لعب دورا كبيرا .. يجب أن نثبت لهم إننا قادرون على الظهور مرات و مرات حتى لو القرعة أدتنا الوش التاني و رمتنا في مجموعة فيها (البرازيل - الأرجنتين - المانيا - أي سي ميلان)
أطيب الأمنيات أن يكون التأهل فاتحة خير لفوائد عظيمة نجنيها جميعا .... فوق فوق سودانا فوق
غباشي
فيس بوك
تويتر
انستقرام
يوتيوب
بنتيريست