|
|
 Re: يا بِت من قهوة.. وشِدرةْ شوق نشوان.. (Re: عبد الله عقيد)
|
Quote:
ونّستَ عيونك
ونّستَ عيونك أمبارح
قالن لى عنِّك كم حاجة . .
تاتنِّى فى قيف البهجة سعيد
أدّنِّى مداخل وهّاجة . .
لى دُنيا بتفتح باب العيد
حنّست مِعادك بس ما جا . .
لاقنى بشوق وردات
عاشقات
سألنّى حبيبتك
مرتاحة . . ؟ ! !
هدلت قمرية فى شدر
البيت
صَحّت جوّاى غيمة
وواحة . . ! !
يا ومضة فرحى المجنونة
خلّينى أحبّك
برّاحة . .
خلّينى أحِسِّك فى
الحاجات
يأمرنى الشوق أمشى
وراهو . .
دِسِّينى فى دفتر
أحلامك
وأنا ضى عنوانك
بلقاهو . .
لو ضِعت فداكى
أنا الكسبان
لو حتّى خطاى عنِّك
تاهو . . !
|
أخوي ود عقيد...هسي دي ما غنية عدييييييل كدي....بس يجيك السقيد وشيل عودو الموزون ويغنيها ليك طلقيت ساكت لا بروفة ولا حفظ...بس تديه الورقة...
أنت يا صديقي تحتفي بالابداع سرا...وصديقك الأعيسر كذلك رجل بعيد عن الأضواء...ويقطر ابداع
قابلته ذات مساء...في منزل الفنان علي ابراهيم وقرأ لنا شعرا كأنه نبيذ...تونسنا حتي أذن الخروج...وكعادتنا السودانية وجدنا رابطا صديق يربطنا كمعرفة ممتدة وكنت أول مرة ألتقيه
|
|
 
|
|
|
|
|
| |
nazar hussien
فيس بوك
تويتر
انستقرام
يوتيوب
بنتيريست