|
|
 Re: البشير يستقبل الطيب صالح ويمنحه وسام الثقافة والفنون الذهبى / الصحافة (Re: ahmed haneen)
|
الاخ احمد حنين
كالعاده مبادر ودوما تطلعنا على اخبار الداخل,كثر الله خيرك,لكن بالله عليك
ما ملاحظ كلها اخبار محزنه
من سميوا مبدعين ماذا دهاهم؟؟؟؟؟؟؟؟؟؟؟؟
اولا وردى
وبعده الطيب صالح
وقبلهم اليمنى
والقائمه طويله انا متاكده.
كان الله فى عون شعب هؤلاء من يساهمون فى صياغة فكرهم.
خدر
والله اشفق عليك وقادره اعرف عمق الصدمه
لاحظت نفس صيغة السؤال عندما بلغوك بخبر
وردى ورفضه ادانة القرار
يا سيدى انساهم
نعمل ليهم شنو دى خياراتهم
وليس مسؤلين عن ثقتنا فيهم
ولا مكانتهم عندنا
نحن صنعناها لهم هم لم يسعوا اليها لذلك مسؤليتنا وحدنا الافاقه من الصدمه
زكرنى هذا بكتاب قديم كان مققر علينا فى الادب الانجليزى فى الثانوى العالى
بتاع اوسكار وايلد اسمه ( الزوج المثالى)
فى لحظة تكتشف الزوجه خيانة زوجها لهاوهى كانت تقدسه وتحترم ارائه
وتعتقد با لا احد فى خلق الله بيشبهه و اظنه كان سياسى كبير
قام يا سيدى عمل عمله زى عملة كلينتون
المهم المره شبكتوا لك كنت .....وكنت...........قايلاك............
المهم يعنى عاملاه اله
قال ليها انت من وضعتينى فى برج عاجى عالى وجعلت تصلى على
انا انسان عادى اخطأ واصيب واعشق واكره وارتكب النزوات!!!!!!!
يعنى الغلط طلع غلطها.
واكيد نحن الاخطأنا فى وضع الناس ديل فى غير اماكنهم
وليس هذا معناه التقليل من مكانتهم الفنيه او الابداعيه
لكنهم ليس اصحاب مواقف
وايضا فى دى لهم الحق
ليسوا مسألين عن اخطأنا او احلامنا او ثقتنا بهم.
الاخ عجب الفيا
يا اخوى سلام
اعجابك وتمجيدك للطيب صالح واضح و مكان تقدير
لكن زى ما قلت للاخريين ان يختلفوا معك او يتفقوا معك الست معى؟
اذا كان هذا الحق مكفول دعنى اقول لك موقفى من الطيب صالح
ليس وليد اليوم
لكنى من زمان حاسه انه فى هيلامانه فى موضوع ما بستاهل
لكن كنت بقول يا خوانى يمكن الناس دى شايفه حاجه انا ماشايفاها
فى الراجل ده.
دعنى افند لك احتجاجى عليه
اولا الرجل مقل بشكل ملفت فى عطائه,وكلنا نعرف ان الكتابه للكاتب الاصيل زى الادمان
لا يستطيع ان يتركهافكنت اتسأل انسان مثله بعد المجد والقبول والنجاح الذى لقيته رواياته
لماذا يتوقف؟؟؟؟؟؟؟؟؟؟؟؟؟؟؟؟
لماذا وهوالقادم من وطن مشتعل بالقضايا الجدا ساخنه!!!!!!!!!!!
حرب الجنوب الانقضاضات المتواليه على الديمقراطيات الهويه اوضاع المرأه السودانيه
حقوق الانسان فى السودان العنصري واخيرا دافور ,الخ من قضايا تحرك قلم اى انسان بيفك
الخط
خليك من روائى زيه.
وهو الروائى الذى ينتمى لبلد يعرف ان اقلامها لازالت مهمشه من الساحه العربيه
التى يحرص سيادته للادعاء باننا ننتمى لها.
يا سيدى نحن راضين ( اقصد بالانتماء للساحه العربيه) حتى اشعار اخر لكن الى ّّذلك الزمان
اليس كان من الاجدى للسودان
ان ياخذ الطيب صالح بايدى بعض من ابنائه الكتاب ويتبناهم ولو معنويا ويدفع لاعلاء
اسم السودان وسط اعرابه هؤلاء.
بعدين عافيه منها مرة عبدالله الطيب التى اقتصت لنا منه نحن النساء.
لم اعتقد ان تناول الطيب صالح للمرأه فى روايته خدم قضايانا باى شكل من الاشكال.
يا اخى عجب
صدقنى مع ثقتى فى محبتك النقيه للرجل واعرف انه لاغرض لك سوى الحق من وجهة نظرك
الا يا اخاى دعنى اهمس لك بهذه الامنيه
اتمنى ان يقبل الوسام
ويقبل منحه قطعة الارض وانشاء الله يبنوها ليه كمان بس عشان اقتنع بينى وبين نفسى
انه الزول ده ابد ما ظلمتوا فى يوم من الايام!
لا تبرر انه ذهب للخرطوم بعد التوقيع مع الحركه الشعبيه
وحياة خوتك الزول ده كان ماشى ماشى كان وقعوا وكان ما وقعوا بس هم زمان ما هببوا ليه
المهم يا شماتة الكيزان فينا وهم يرون نجاح سياساتهم كل يوم يجنون مزيد من المؤيدين
الطيب صالح الروائى والذى يفترض فيه الحساسيه المرهفه يذهب للسودان فى هذا الظرف
وما يمشى دارفور خليك من دارفور هل التقى باى من ساكنى العشوائى فى الخرطوم
وليس لانهم من دارفور بل لانهم يمثلوا شريحة من شرائح الفقراء والبؤساء السودانيين.
كنت اتمنى لو فعل عشان لما يجى ويقول (الناس ديل لقيتهم لطفاء)
فليعرف لماذا ثلاثه ارباع الشعب لا تتفق على لطفهم المزعوم هذا.
ولكم تقديرى
ولا تنسى هذا راى الشخصى.
تراجى.
|
|
 
|
|
|
|
|
| |
Tragie Mustafa
فيس بوك
تويتر
انستقرام
يوتيوب
بنتيريست