|
Re: مع وصول موفد البشير الي أمري .المتأثرون يرفضون وجود أسامة عبد الله في لجنة التحقيق (Re: ahmed haneen)
|
يا حنيين
انت با اخي سيد العارفين...
الموقف كما هو ... نحن متمسكين بارضنا الي أخر رجل فينا... وهذا موقفنا الثابت والمعلن...
طبعا اهلنا قاعدين في أرضهم المن الله خلقهم قاعدين فيها... لا ضربوا زول لا طالبوا بي سلطه وبدفعوا في الضرائب والاتوات لحرامية الانقاذ ليهم 17 سنه... البنعرفه انه الحكومه بتقول في التلفزيون انها عايزه تبني سد... وتحت تحت عرفنا أنه السد بغرقنا.... طبعا لافي زول سالنا ولا في زول اشتغل بينا... نشوف ليك الحكومه جايبه الكراكات والقيامه قايمه والاف الصينيين ينقلوا في الحجار وادارة السد عامله ليهم مقاول بشتري ليهم الكلاب... لمن كملوا الكلاب في المنطقه.... الناس اجتمعوا وقرروا - طالما الحكايه ديه بتغرقهم- إنه أفضل ليهم يرحلوا مع المويه محل ما تقيف المويه يقعدوا... الحكومه كان عندها فايده تجي تساعدهم محل يقعدوا... ودا كان قرار الناس لانه الناس واعيه لاهمية الماء في منطقه زي شمال السودان... فجاءه اكتشفنا ليك انه الحكومه بانيه ليها كميه من البيوت في الصحراء وقالت حاترحل الناس ليها... اهلنا قالوا ما بفوتوا الميه شبر واحد... بس تعال شوف.... الحكومه جابت المليشبات ودورت رصاص فينابدون اي سبب.... يعني يانمشي الصحراء يا يبيدونا زي ناس دارفور.... نحن قرارانا إنه احسن نموت جنب المويه وفي أرضنا... زحه مافي...
طبعا بعد الاحداث ناس الحكومه عملوا ليهم لجنه براهم - اصلهم ما قاعدين يشاوروا زول... طبعا عشان يغتلسوا الموضوع ويكتلوه والناس تنسي وكده ... اهلنا قالوا والله دمهم ما بخلوه.. إلا كان كملوا... وقالوا دمهم عند أدارة السد والمسؤولين من القتل معروفين، يا إما الحكومه تحاكمهم أو اهلنا حياخدوا حقهم... نحن دمنا مر جدا... انا طبعا رهن اشارة أهلي ... روحي متبرع بيها ليهم .... ومرحبتين حباب الشر محل ما بتق وتنقد الرهيفه انشاء الله ما تتلتق...
طبعا قرار المواطنين والقواعد أنه ما في مسؤول يدخل المنطقه ... والراجل بتاع الشرطه الفوق ديه بحجي في الصحفيين ساكت ... المنطقه الان لا هو ولا رئيسه و لا الحراميه بتاعين ادارة السد بقدروا يخشوها... منطقتنا ديك ما في زول بعرفها غيرنا... تعرف ( تورا بورا) هي اوعر من تورا بورا لا جيش بقدر بخش لا طيارات ضربها بنفع لا دبابات بتمشي فيها.... وبعد كتلوا لينا خمسه البجينا هناك من الناس ديل طبعا بنرحب بيه ونشيلوا فوق راسنا ( ونقوم بالواجب) ما بنقصر... حاشا والله...
تابع معانا...
|
|
|
|
|
|
|
|
|