|
Re: مع وصول موفد البشير الي أمري .المتأثرون يرفضون وجود أسامة عبد الله في لجنة التحقيق (Re: ahmed haneen)
|
Quote: " لم تكن الشرطة مستعجلة وكان يمكن حدوث كارثة اذا لم تتدخل الشرطة، وليس لديها خيار سوي التدخل لحفظ الامن والا نكون قد تقاعسنا عن اداء واجبنا " |
هي الشرطه بقي واجيها قتل المواطنيين...! ثم ثانيا يا سعادة القريق، الناس ديل الشرطه لقتم عند السد ولا في قراهم علي بعد حوالي عشره كيلو من السد.. الشرطه بتأمن شنو هناك.... ولا جايه فازعه مع القتله بتاعين ادارة السد.. ياسعادة الفريق الموضوع اصبح واضح كالشمس ، المجموعه بتاعت القتله الحراميه بتاعين السد باعوا أرضنا وجاء وقت التسليم وماقادرين يسلموا لانه الناس موجودين... نحن راينا في هذا الموضوع أوضح من الشمس... اعلنا مرارا اننا مارافضين المشروع، كل المطالبين بيه انه نبقي حول بحيرة الخزان ولكن ادارة السد لانها باعت الارض ( مصره) تهجر الناس للصحاري... في مسؤول كبير (خالص) ( إعترف) قي إجتماع رسمي إنه إدارة السد باعت الارض وعايزين يبنوا فنادق في ارضنا... بحكم موقعك كان تسال قبل ما تورط الشرطه بهذه الصوره... كان تسال إنه إدارة السد رافضه تتفاوض مع المتأثرين ليه؟
القضيه ياسعادة الفريق واضحه ... يقتلونا ويستخدموا ضدنا عنف الدوله من اجل مصالحهم الخاصه، الان قتلوا خمسه من اخواننا لسه باقي ليهم زي خمسين الف... جاهزين للموت... بعد يكملونا الارض مبروكه عليهم فاضيه... الكلام ديه ما أول مره نقولوا قلنا ليهم قبل كده عشرين مره.. ياناس الشرطه نحن ما عندنا معاكم قضيه ، بس موضوع دمنا ده ابعدوا منه... وكت العداله بقت منهاره نحن عارفين محل دمنا وين وحقنا بناخده الموضوع ديه ما محل جدل بيناتنا... وياسعادة الفريق .... لحدة هنا كتر خيرك....
|
|
|
|
|
|
|
|
|