|
Re: يا عيد معليش .. شعر هاشم صديق .. الى حيدر قاسم .. طلال عفيفي .. عثمان محمد صالح (Re: خالد العبيد)
|
تدعيات عامية " أ " يا عيد معليش
سبحان الله ناس يا عيد بتضحي خروف وناس عدمانه كفاها الشوف وناس تعبانه تفتش تيس وناس يا عيد بتضحي " رئيس " ...... ناس ما عندها غير سكين الحال مسكين فضيان الجيب وخروف في الغيب وكيس حلمان بي دستة عيش ... يا عيد معليش الناس الرؤسا الناس الوزرا الناس الخلفا أي معالي حاشية والي الناس المارقة الناس الخاشة ولاد السلطة شمار البوستة الناس الحاشة قاشرة وغاشة جناب الامرا كبار الخطبا ملوك السف وحتى العورا الكانو الرف قرود الشاشة الجهلا الباعو عشان العيش ديل يا عيد الصف الأول ونحنا تملي الصف الطيش .... يا عيد معليش سبحان الله ناس مزرورة تمش شقيش؟! لا كعكة طرية او حتى حلاوة قوية في كيس لا خروف مربوط لا ربة تجوط لا ضلعة وشية لا كبدة بشطة هشه ونيه لا راس بقرون مجدوع في خيش لا كراع لا " باع " لا عتوت ... لا تيس
يا عيد معليش ده قدرنامسطر وناس تتفنجر للشعب العربي تسدد خنجر وتضحي رئيس يا عيد معليش مسيخة اللمة تهاني شرود " زهماير " ضمة كلامنا مقطع مركوبنا مكعكع فرحنا مرقع الجيب مشروط شربانه العمة والناس بتصر والونسه تجر لحكاية العملة ...... حنغير ايه يا " صابر " بيه لو دينار أو حتى جنيه؟! ورونا قرش بي كم مليم ومتين حنفارق أكل النيم واسيادنا طناش
يا عيد معليش حايمين في الحلة وشوشنا غباش دموعنا ترقرق وبكره طشاش وناس يا عيد خروفهم جاي " بكامري " " الهاي " يضحك وهاش ملون صوفو تقول بس سيدو كمان نقاش برسيم نعناع وقرونو ضراع حنكوش ومسمسم تقول حيغني بنغمة باااع ...... سبحان الله ناس يا عيد بتضحي خروف وناس عدمانه كفاها الشوف وناس تعبانه تفتش تيس وناس يا عيد بتضحي رئيس ..... يا عيد معليش
|
|
|
|
|
|
|
|
|