|
Re: غنيوة للخرطوم (Re: THE RAIN)
|
المطر الغزير بى برده وجماله .. المطر يا كريم فى فصل العمر .. انت فصلك مميز بالطبيعه الخلابه .. وانت طبعك مميز بالخصال السمحه ..
كلماتك معبره وجميله وعميقة المعانى .. واحساسك مرهف للغاية .. تسلم كتير يا شفيف.. ونشكرك على اهداءك لنا هذا النص المميز.. وكما ذكرت فى ردك للبدرى السمح ( يمكن أصله ما يكون فى مدينة فى العالم، حاضننها نهرين غير الخرطوم).. فعلا كلامك كان فى الصميم .. واليك يا المطر اهدى وزوارك تلك الابيات ..اتمنى ان تنال اعجابكم.. ونتمنى العوده قريبا والخرطوم وكل البلد الحنون غنى بخيرو الوفير وحبه الكثير .. ودمتم .. .. ** عشان نرجع **
عشان نرجع نتحكر فى الواطه ونتربع ...... نحسب الفات من الايام نعد اصبع فوق اصبع .... نخت العشره جمب العشرة نعد نجمع .... نقول للداير الرجعه صمدنا خلاص وما بنخضع ... ونقول للتائه مع الدنيا كفايه طمع .... عشان نرجع نخر ساجدين نخر نركع ... نسبح ديمه فى الرحمن وبى ايدينا نتضرع ... نتوسد ليلنا صبر نتحزم نضم ايدينا نتشجع ... بعد نرجع نشوف القمره يوم تطلع .. نجوم ساطعات لقاء عشاق لعب شفع ضفاف النيل والخضره جمال الخالق الابدع.. حبوبة تحجينا حكاوى السمحه من بلدى تتحلى بالصفات اجمع وعن والدهميم وكريم يقوم باكريه يحش يزرع وود حبوبه ديمه جسورلا يوم خاف ولا اتزعزع .. وعن فارس دوام حارس لا دبابة لا مدفع .. وبعد ارجع اكون سواح فى بلدى اشوف الكنت بيه بسمع ... شرقنا سواكن الشامخه جمال سنكات ومصوع .. وفى ضفاف القاش اقيف ارتاح وجبال توتيل هناك اروع .. وسط بلدى جزيرة الخير عطاها وفير لا بتكل ولا بتقنع .. وفى الخرطوم لقاء النيل زى عاشقين متعانقين من المنبع .. شمال الفن من مروى منبع التاريخ والمرتع .. حكاويهم شعر منسوج فى العايش والودع .. غربنا جمال وراحة بال نطوف ونشوف ونستمتع .. جنوبنا الحاضر الماضى بى خيراتو جاد ونفع وبعد أرجع اعانق بلدى بى لهفه عين تفرح وعين تدمع .. عين تفرح وعين تدمع .... عين تفرح وعين تدمع .....
|
|
|
|
|
|
|
العنوان |
الكاتب |
Date |
غنيوة للخرطوم | THE RAIN | 03-31-04, 01:31 PM |
Re: غنيوة للخرطوم | جورج بنيوتي | 03-31-04, 03:40 PM |
Re: غنيوة للخرطوم | THE RAIN | 04-01-04, 07:02 AM |
Re: غنيوة للخرطوم | sympatico | 04-01-04, 07:09 AM |
Re: غنيوة للخرطوم | THE RAIN | 04-01-04, 06:22 PM |
Re: غنيوة للخرطوم | Soumeta | 04-01-04, 10:29 AM |
Re: غنيوة للخرطوم | THE RAIN | 04-01-04, 09:19 PM |
Re: غنيوة للخرطوم | الجندرية | 04-01-04, 10:40 AM |
Re: غنيوة للخرطوم | خالد الحاج | 04-01-04, 10:50 AM |
Re: غنيوة للخرطوم | THE RAIN | 04-02-04, 07:38 PM |
Re: غنيوة للخرطوم | THE RAIN | 04-02-04, 08:29 AM |
Re: غنيوة للخرطوم | خضر حسين خليل | 04-01-04, 01:30 PM |
Re: غنيوة للخرطوم | THE RAIN | 04-03-04, 06:35 AM |
Re: غنيوة للخرطوم | Raja | 04-02-04, 03:14 AM |
Re: غنيوة للخرطوم | THE RAIN | 04-03-04, 06:37 AM |
Re: غنيوة للخرطوم | حبيب نورة | 04-03-04, 06:46 AM |
Re: غنيوة للخرطوم | THE RAIN | 04-03-04, 05:29 PM |
Re: غنيوة للخرطوم | بدرالدين شنا | 04-03-04, 08:08 AM |
Re: غنيوة للخرطوم | THE RAIN | 04-03-04, 08:22 PM |
Re: غنيوة للخرطوم | KOSTA | 04-04-04, 09:53 PM |
Re: غنيوة للخرطوم | Alia awadelkareem | 04-04-04, 10:02 PM |
Re: غنيوة للخرطوم | THE RAIN | 04-05-04, 09:17 AM |
Re: غنيوة للخرطوم | THE RAIN | 04-05-04, 09:15 AM |
Re: غنيوة للخرطوم | bushra suleiman | 04-04-04, 11:30 PM |
Re: غنيوة للخرطوم | THE RAIN | 04-05-04, 09:20 AM |
Re: غنيوة للخرطوم | soma | 04-05-04, 11:02 AM |
Re: غنيوة للخرطوم | THE RAIN | 04-05-04, 05:05 PM |
|
|
|