|
|
 Re: الغزالات الحرة: نقارة ام بقو يا تــوما..! (Re: توما)
|
ول ابا تبارك..حبابك يا صديقي
كتر خيرك على المرور من هنا..
الواحد مرات يا تبارك.. عندو احساس كده بيقوم يخليهو يخاف عدييل.. لأن الموضوع احتمال تكون فيه شبهة ولاية (بفهم اهلك الصوفيين)..!
امبارح بعد ما كتبت ردي للصديق توما.. عرجت على خيطك (سلفيين..اصولييين..الخ)..و قريت الخيط..و جاني احساس اقوم اخط نقارتي دي في نص البوست..و لكني انشغلت عن الفكرة.. لأكتشف انك جيت ماري بي هنا..
عليك الله يا تبارك ياخي.. اهلنا بيقولوا الوصاة بالمهلة.. ياخي اقري سلام و تحياتي الحارة للشاب الوافر شيخ الدين ( قاعد اسمع حاجاتو)..و هو من دون خلق الله في السودان ده ، بالطبع معه قلة قليلة ، دوما اتمنى أن تقع مثل هذه الأشياء علي عينه..و اعرف جيدا أنها ستكون منجم كنز بالنسبة له مثلما كانت لوليد عبد الحميد(وهو احد الأصدقاء الذين صدف انو قاعد ابراهم بمثل هذه الأمور)..و ربما ستكون بتعني حاجة لبت السودان العظيمة سنيورة رشا شيخ الدين (ياخي الزولة دي يكفي انها علمت اهل الدار في كندا ، الهنود الحمر ، انهم يسمعوا عذارى الحي و يتفاعلوا معاها زي الترتيب)..المهم..
فتحت المادة يا تبارك في وسط زملائي و زميلاتي في محل الشغل..وكل واحد/ة (يا سبحان الله) عندو او عندها زاوية شوف عجيبة..بعضهم البيقول ليك شباب و شبات رياضيين..و رياضيات..بعضهم بعاين للأكسسوار..بعضهم بعاين للإيقاع..و بيحاول يفرز الرقص مع ياتو ايقاع بالظبط (مع النقارة ولا مع التمبل)..بعضهم بيسال يا ربي الناس ديل عملوا كم بروفة..!!
طبعا الإستغراب كان لمن قلت ليهم التصوير هو تصوير زول هاوي..و انو الناس ديل ..ممكن واحد فيهم يكون سارح بالبقر..و جا راجع لقى النقارة و دخل فيها تووش..!
واحدة قريبتي افريكان.. عجبتها فكرة السكسك..واحدة تانية سألت عن الكشكوش في ارجل الشبان..!
و انا اشيل و انداح..و في نص الإندياح اتذكرت شيخ عبد الحي يوسف.. يا ربي الزول ده بيتكلم عن ياتو سودان بالضبط..؟..
شفت يا قريبي كيف الحاجات بتكون اكتر حميمية لمن تكون طبيعية؟..طبعا المدهش عيال ابا و بنات ابا ديل (ناس النقارة ديل).. اول حليفة ليهم يقولوا ليك (وحاة سيدي المهدي و خليفتا)..!!
كتر خيرك يا صاحب في الزمن الضيق..و بعد شوية ح نلحق المادة بمواد اخرى عن المردوم..و الدرملي..و نبسط المفاتيح عسى و لعل اهلنا في السودان يفهموا ليه ابينا حديث الدغمسة اياه..!
الكلام يا تبارك بيجي بالسؤال..و ارجوك..تقعد معانا هنا..و تسأل عشان نقدر نقدم الإضاءات المفيدة..
دراما ساكت.. ياخي منعول ابو الجمال ظاطو..!
تخيل كيف يكون الحال لو ما كنت سوداني؟!!!
و دمت..
كبر
|
|
 
|
|
|
|
|
| العنوان |
الكاتب |
Date |
| الغزالات الحرة: نقارة ام بقو يا تــوما..! | Kabar | 08-08-11, 10:47 AM |
| Re: الغزالات الحرة: نقارة ام بقو يا تــوما..! | توما | 08-08-11, 01:37 PM |
| Re: الغزالات الحرة: نقارة ام بقو يا تــوما..! | Kabar | 08-09-11, 07:18 AM |
| Re: الغزالات الحرة: نقارة ام بقو يا تــوما..! | تبارك شيخ الدين جبريل | 08-09-11, 07:55 AM |
| Re: الغزالات الحرة: نقارة ام بقو يا تــوما..! | توما | 08-09-11, 09:44 AM |
| Re: الغزالات الحرة: نقارة ام بقو يا تــوما..! | توما | 08-09-11, 10:16 AM |
| Re: الغزالات الحرة: نقارة ام بقو يا تــوما..! | Kabar | 08-10-11, 09:58 AM |
| Re: الغزالات الحرة: نقارة ام بقو يا تــوما..! | Kabar | 08-10-11, 10:30 AM |
| Re: الغزالات الحرة: نقارة ام بقو يا تــوما..! | Kabar | 08-10-11, 11:24 AM |
| Re: الغزالات الحرة: نقارة ام بقو يا تــوما..! | تبارك شيخ الدين جبريل | 08-10-11, 01:49 PM |
| Re: الغزالات الحرة: نقارة ام بقو يا تــوما..! | توما | 08-10-11, 09:46 PM |
| Re: الغزالات الحرة: نقارة ام بقو يا تــوما..! | ادم الهلباوى | 08-10-11, 11:21 PM |
| Re: الغزالات الحرة: نقارة ام بقو يا تــوما..! | ادم الهلباوى | 08-10-11, 11:45 PM |
| Re: الغزالات الحرة: نقارة ام بقو يا تــوما..! | ادم الهلباوى | 08-11-11, 00:04 AM |
| Re: الغزالات الحرة: نقارة ام بقو يا تــوما..! | Kabar | 08-13-11, 08:20 AM |
| Re: الغزالات الحرة: نقارة ام بقو يا تــوما..! | Kabar | 08-13-11, 08:42 AM |
| Re: الغزالات الحرة: نقارة ام بقو يا تــوما..! | Kabar | 08-13-11, 08:46 AM |
| Re: الغزالات الحرة: نقارة ام بقو يا تــوما..! | Kabar | 08-13-11, 08:56 AM |
| Re: الغزالات الحرة: نقارة ام بقو يا تــوما..! | Kabar | 08-13-11, 09:00 AM |
| Re: الغزالات الحرة: نقارة ام بقو يا تــوما..! | Kabar | 08-13-11, 09:07 AM |
| Re: الغزالات الحرة: نقارة ام بقو يا تــوما..! | Kabar | 08-13-11, 09:31 AM |
| Re: الغزالات الحرة: نقارة ام بقو يا تــوما..! | توما | 08-17-11, 12:16 PM |
|
| |
Kabar
فيس بوك
تويتر
انستقرام
يوتيوب
بنتيريست