العقوبات الأمريكية علي السودان..!!!

Quote: حزنك ياوطنى احزنى استاذنا كبر سلامات وعوافى ، موضوع النقاش فى العقوبات دى واثرا على المواطن فقط لا تتناطح عليه عنزتان. بغض النظر عن الكيزان ولا غيرهم فبقى واضح لكل صاحب طايوق انو الهدف من العقوبات دى المواطن السودانى وليس حكومتو، العقوبات دى الان وراء المواطن السودانى فى كل حته فى العالم طالما انت سودانى فكل الشركات العالميه بتتجنبك ومابتشغلك حتى لو مقطعا وتحديدا الامريكيه منها والبنوك بتتجنبك حتى لو مالك وعرق جبينك وخدمتك واسال الناس القاعده فى الخليج ده كلو وشوف لو فيهم واحد يقدر يفتح حساب فى سيتى بانك او اتش اس بى سى او ستاندر ولا غيرو فقط لانو س!ودانى ! أعجبني · رد · 50 دقيقة حزنك ياوطنى احزنى اسال ناس المنبر ديل كلهم وشوف لو تلقى بعرفو سودانى فى مجال قدر يتحصل على وظيفه فى شركه امريكيه وهو لسه سودانى فقط؟ الحكومه مافارقه معاها بل العكس الان هى المستفيد الوحيد منها لانها بقت شماعه ليها فى كل فشل والمواطن بدا يقتنع باعذارا دى. بل حتى العقوبات دى ما وقفت من نشاطا العسكرى بدليل انو الحصل فى دارفور وبحصل فى جنوب كردفان والنيل الازرق ده كلو حصل بعد سنين وسنين من العقوبات يعنى ماشغاله بيها فما يجو المسترزقين ويشبكونا مالم تقيف الحرب وحنك القصاص والعداله وغيرو لانو ده كلو حصل من الحكومه وحيحصل حتى لو ضاعفو العقوبات. أعجبني · رد · 39 دقيقة حزنك ياوطنى احزنى باختصار ياكبر اى شخص يقف فى طريق ازالة العقوبات دى ماهو الا عبارة عن طفيلى يريد ان يتلذذ ويستمتع بعذاب المواطن السودانى واكيد حيكون عايش بره البلد دى وماهاميهو . البحصل وراهو ودى مصيبتنا حاليا لانو مشاكل البلد الاخيره اظهرت لينا فئات طفيليه بدات تسترزق من مصايب البلد وسمعتو سواء كان ازرع حكوميه او معارضين او حركات مسلحه وكلهم المواطن تحت جزمتهم على قول البشير. خلو المواطن المسكين ده يعيش ياخوانا وتحرق الحكومه وتحرق معارضتا معاهم ياخ. أعجبني · رد · 32 دقيقة