تجربتي مع السنسرة وحرية التعبير في سودانيز اونلاين..!!!

Quote: بعد القراءه اتفق تماما مع ماذهبت اليه ياكبر للاسباب الاتيه: 1-واضح تماما انو فى فكر ممنهج ومنظم لاسكات صوتك لانو للامانه معظم المواضيع البتداخل فيها بكون نقاشك مبنى على وقائع مثبته وحقايق علميه او تاريخيه ببينات وهذا مالايريده الجميع هنا وانت واقف ليهم حجر عثره. يعنى الواحد فيهم عايز يجى يونس الناس عن اغتيال واغتصاب واباده وداير الناس تبصم بالعشره ومن غير ماتناقش والموضوع يكبر وخلاص. من متابعتى لكثير من المواضيع كان تدخلك حاسم وافسد كل البنوهو وانا اذكر ليك على سبيل المثال موضوع عن منظمة سيف دارفور وموضوع عن النوبه حقيقى كانو خير مايكون واصابو الجميع فى مقتل. 2-خطك الرامى لقول الحق والداعم لفكرة السلام وايقاف الحرب ومؤازرة الحوار الوطنى ماعاجب كتير من جوقة المنبر الموجودين تمامة عدد وعايشين على التسبيح بحمد عرمان والشكر لمناوى وعبدالواحد.ديل كلهم ايديهم فى المويه وبطونهم فى العسل ومايغرك تنوضلهم ده لو بيدهم مايفضل نوباوى ولاغرابى عايش بس هم يصلو واسيادهم للعايزنو وديل حاليا سلاحهم معاك الاتهام بالكوزنه والاغتيال الشخصى باوصاف السكر والعطال وديل فعلا اتز تايم تو اقنور زيم لانو الببارى الجداد بوديهو الكوشه فخليهم لانهم اصرا ترباية كوش شيوعيه لاهم لهم الا المصلحه الشخصيه. 3-الفارق الثقافى طبعا بينك وبين النطيحه والمترديه من معظم الاعضاء خلق نوع من الحقد تجاهك لذلك عايزنك باى شكل من الاشكال تنزل لمستوى فكرهم الضحل وتكتب ردود على شاكلة الثوره والنضال وخيار الشعب وخيار الباذنجان وغيرو وديل للامانه بستهلكوك وفعلا تجاهلهم لابد منه. من ماسبق اعلاه اؤيد ماذهبت اليه يمقاطعة المذكورين اعلاه وخصوصا ابروضه والجنوبى لانهم ديل تمامة عدد وانت ارفع من انك تتداخل معاهم حتى وان احسنو الفكره لانها اكيد مش فكرتهم وانما امتطاء عضويه ليس الا عشان كده تجاهل ردودهم ومواضيعهم اكسبك زمنك واساعد فى الانصراف لمافيه جدوى وماستترتب عليهو فائده للقارى. ذى ماقلت ليك حتستمر الحرب القذره ولكن سيلهثون حتى حين وبعداك حيشوفو اقرب ضل بارد ويتمددو فيه وان طال اتهامهم بكوزنتك او الارتماء فى حضن الكيزان. الامل الان والعمل ايضا لوقف الحرب وانتشار الامن والسلام وبعدها فليذهب الكيزان ومن عارضهم الى الجحيم وهذا دور كل سودانى قلبو على الوطن ان يلتف خلف الفكره دى وطز فى المعارضه وطز فى الكيزان وطز فى الحركات المسلحه والشعبيه لو مانعم اهلنا المساكين فى القرى والوديان بالامن والسلام.