قيادي بالحركة شمال يهدد عبدالرحمن عزاز بالتصفية الجسدية..!!

Quote: غايتو يا كبر الله يعينك على لولوة أخونا خالد كودي لأنه الراجل الظاهر عنده خيار وفقوس . عفاف تاور تكتب تهديد لقادة الحركه القتلوا أهلها يقوم خالد كودي يدين بصوره خجوله عفاف وينعل ليك أبو المحامين والحكومه، قيادي بالحركه الشعبيه يهدد ليه مواطن أعزل ويقول ليه بنصلك ونؤدبك ووراك والزمن طويل، يعني تهديد مفتوح من حيث الزمان والمكان والكيفيه والهدف (يعني بنصلك إنت أو أبوك أو أخوك أو أختك أو أي واحد من أهلك) وخالد كودي يعمل غمران. خالد كودي على حسب متابعتي من مثقفي الحركه الشعبيه وراجل بروفيسور ومفروض يكون من مفكري الحركه وواضعي الإستراتجيات يرى أن هذا المواطن طالما لا ينتمي لقبيلته فهو إذن هدف مُباح ويقعد يتنتح في إنه دي تصفيه ولا ما تصفيه، يا أخي قول جاءه وأداهو كف بس، هل ده مقبول عندك؟ الشي البعرفو في الناس المفكرين بتعاملوا بشوية دبلوماسيه، يعني تدين أسلوب التهديد أي كان نوعه أول وبعد داك كان عندك عكلته تتعكلتها. ياخي مسألة بروفيسور ومفكر دي خليها، كفنان ساي وين إحساسك المرهف بتاع الفنانين داك ولوحاتك التي تنقط إنسانيه؟ والله الواحد كان متخيل ردك يكون عباره عن لوحه تختلط فيها الألوان ويقف كثيرا عندها من يفهمون في الفن ويكتبوا من خلالها آلاف القصص والروايات التي تدين الظلم، وللا اللوحات برضو عندك للإستهلاك التجاري؟