و ماذا يفعل العـــبيد بمنصب نائب رئيس: النازية و غرب السودان??

Quote: كمال عباس تحيه ليك ولضيوفك الكرام دى زاوية شوف تانيه للازمه والربكه الراكبه (سنتر الخرتوم) ، الازمه يا كمال اخوى ماها ازمة ديقراطية اهل المركز وصراعهم على السلطه والموارد ! الازمه الحقيقيه ومشكلة السودان بدت من جدل على عبداللطيف وكشه فى اى المفهومين هو الاسلم (الشعب السودانى الكريم )ولا (الشعب العربى الاكرم) متى ما تمكنتم من تشخيص (المرض العضال) وبعقل مفتوح وقلب اكثر إنفتاحا كان الدواء فى متناول اليد الأزمه فى تقديرى منذ العام 1918 وليس العام 1989 حسب زاوية شوفكم !! وقياداتكم التى اسمت او اسميتموها (الحركه الوطنيه ) زورا وبهتانا وتلفيقا والتى فاقمت وراكمت (المرض العضال) بالوصفات الخاطئه. تمظهرات السرطنه والبتورات البدت والتفسخات وأعراض الموات الباديه فى وش المريض الكلنا شايفنها دى نتاج رعونة اكتر وليدات المركز تهورا وبلاده لا تعالجها التخديرات الموضعيه التى ينادى بها الصادق المهدى . الخلخله والهزات العنيفه والثورات البتسموها (تمردات )ما بحلها إحلال مريم الصادق المهدى لعلى محمود ولا ود الميرغنى لكرسى سلفا! الثوره الحقيقيه هى ثورة الاطراف والهامش ضد سنتر الخرتوم ماها ثورة (ابونقدح) ضد (ابو العفين)!!!!! والإنتفاضه الماشه بخطى بطيئه نتاج ضربات ناسا لبعضهم واخطائهم وتدخلات المركز السافله حينا والتخديرالحايم اليومين ديل فى النهايه ح تصل ويتم التغيير المن زواية شوفنا . (ولو بعد 21 سنه تانيه) سؤال سأعود لمعرفة ردك عليهو : ليه يا كمال عباس ما يتم الدفع بفكرة (المؤتمر القومى الجامع ) القدانا بيها الصادق المهدى ال21 سنه الفاتت دى؟؟؟ كأحسن إشاره من ناس سنتر الخرتوم لاطراف الازمه الحقيقيه (سودان الصادق ونافع والزول الواطه والميرغنىوكمان معاهم مناديبهم) وبقيةالاطراف الاخرى اكرر كل الاطراف للإتفاق على كيغية حكم السودان وكيفيةتوزيع ثرواتو والفدراليه الحقيقيه ويتم تشخيص سليم (للمرض العضال) والازمه الحقيقيه وبالتالى كتابة الروشته والوصفه السليمه .؟ ووضع خارطة إصلاح حقيقى بدء بديمقراطية الحقوق والحريات .؟ ويتم تنفيس ريح صرصر قد تقتلع السودان ذات نفسو من خريطة الوجود ! مش تنفيس هواء ساخن مكتوم فى صدور ناس المركز تجاه عصبتم الربوها فى دنقرم !! دى زاوية شوف بس مغايره للأزمه .