هل قرأ اتحاد ابناء المسيرية ما جاء في مذكرة اكامبو حول ابادة المسيرية؟

Quote: وكلامك ده سمح...الا بريمه ما بيدخل لراسه بريمه عنده مشكلة اسمها عروبة وقبائل عربيه وكلمة كل دي اكيد بيفهمها حسب فهمه المعوج كل اهلنا البقارة او بالكثير يمكن يعتبرها تشمل الاباله وطبعا هذا لا يعني الدينكا كبقارة ولا الزغاوة كاباله هذا عند بريمه. بريمه هو من الاشكال الممكن ببساطة تتهور وتصدر بينات باسم اثنيات مثل هذه زي ادعائه بانه في بيان باسم ابناء البقارة بالرياض... ادانوا فيه هجوم د.خليل ابراهيم على ام درمان ؟؟؟وكانه ممكن فعلا يوم ان يتفقوا ويصدروا بيان موحد؟؟؟ بريمه انت تستحق الاشفاق ليه عارف لانك لا تعرف الآلايات القانونيه يازول قلت انت شاهد على جارئم ابادة طالب بالتحقيق فيها ولعلمك ما زول بيفتكر انه دي ابادة ممكن يطلق عليها ابادة. المهم كونك ترغب في نكش التحقيقي هذا من حقك..ولكن من حق الآخرين عليك ان تحترم حقوقهم وهي ابسطا رؤيتهم للعدالة تطول المجرمين. مش تدعي انه اكامبو بيخرف!! بعدين يا اخي انت راجل يفترض متعلم...وبالتالي تحترم التخصص مش بس بجربنديه عايز تفتي في كل شيئ طيب كبر ده رجل قانوني واهو اكد لك انه زول زي اوكلامبو لا يمكن يتشوبر ويبوظ اسمه العالمي ويتهم شخصا بلا ادلة؟؟؟؟ومال لماذا التحقيق و التمحيص للادلة اخذ فوق ال 3 سنوات؟؟؟كله عشان الدقة وعشان المحكمة نفسها لا تورط نفسها في امور لا ترتقي لاسم جرائم دوليه! فحقوا تكتفي باالفتاء في شؤن الغابات وتخلي القانون للناسه.