هل قرأ اتحاد ابناء المسيرية ما جاء في مذكرة اكامبو حول ابادة المسيرية؟

Quote: الاخ كبر ، التحيات العاطرات اقرأ لك بإمعان ولكنى فوجئت بأنك علمت بإبادة للمسيرية من مذكرة أكامبو ، فأكامبو مجرد محامى إدعاء وظيفته يجمع المعلومات ويقدمها لقضاة ، وإنت كزول قاعد ربما فى امريكا يا كندا تعرف هذه المعلومة تماما وهذه المعلومات قد تكون صحيحة وبالعكس ، انا شخصيا فقدت المصداقية فى اكامبا لمن قال إبادة المسيرية، لأنو المسيرية عندهم وضع قوى فى الغرب ، حتى الحركات الدارفورية تحاشت الاحتكاك معهم ، أعلم ان حكومة الانقاذ لخبطت الدنيا فوق تحت وهنالك مقولة للشهيد محمود محمد طه قال فيها الجبهجية لو جو فى الحكم بإنقلاب وحتى بإنتخاب حيدخلوا السودان فى وضع لا يعلم به إلا الله وقد كان ، المسألة التانية يا استاذ كبر كم أنا مندهش إنو الدنيا مقلوبة فى إنو اكامبو طلب بإيقاف البشير ، هو مجرد طلب وفى قضاة حينظروا فى الامر ، يعنى حتى ناس البشير وسدنته ماخدين الكلام وكأنه خلاص القرار صدر بالقبض على البشير وجايطين الدنيا تهليل وتكبير فى النهاية هى أجندة امريكية وقرصة فى الاضان للصين ومسرح المعركة دارفور ولو على ناس البشير دييل يفرتقوا الليلة قبل بكرة ، قبل ما يعملوها لينا كلها سدود ونتهجر اكتر مما إتهجرنا ولك ودى