|
|
 Re: سيناريو الغموض (Re: Kabar)
|
ما تبقى من السيناريو
في يوم تاني كان الفرد قاعدين في كافتيريا في انتظار النحل..مرت ساعة ساعتين تلاتة..الظاهر النحل عمل ليهم شرحبيل..الفرد عملوا محمد مسكين..طق اتذكروا انو عندهم صاحبا ليهم عامل عقد الجلاد..الفردة الأول قال للتاني يللا نعمل عبد العظيم حركة..في محطة المواصلات التاني قال للأول قح القحة الكبيرة..الأول قال للتاني وعزة الخالق انا عامل الكاشف..وانت قاعد تسوي شنو؟التاني قال ليهو انا عامل الدكتور علي شلش..قال خلاص نتطلع اول الشارع..ظهر واحد مبروك راكب حديدة شديدة شدة الحرامي السرق التلفزيون وكت المسلسل..قال ليهم كيف ياشباب..قالوا ليه تمام ..بس عندنا صاحبنا عامل عقد الجلاد والمواصلات قيلت..قال ليهم خلاص انا اعمل ليكم يوسف الموصلي..بس نغشى الطرمبة ديك نكب شوية جاز..في الطرمبة فجأة طبوا عليهم ناس امونة سليمان..قال ليهم يا شباب دقيقة..الفردة قال للفردة التاني..نعمل جاري وانا جارو..التاني قال ليهو انت داقس..واللـه ديل بوبي قارد..من هنا وبيت البعاتي طوالي..الظاهر ناس امونة سليمان سمعوا طرف الوسوسة..قالوا للفرد انتو و صاحبكم ده عاملين فيهادايرين تعملوا مشيل عفلق..وعازين تعملوا للحيط روج كمان؟ يللا قدامنا..قام الفردة التاني قال ليهم يا شباب واللـه الشاب ده عاوز يعمل لينا يوسف الموصلي
ساكت..نحن والله لا عاملين فيها ميشل عفلق ولا محمد ابراهيم نقد ولا حتى حامد بريمة..ناس امونة سليمان سدوا دي بطينة وده بعجينة..وعملوا نايـمين..وبعد شوية قام الفردة الأول قال للتاني..والله ديل عاملين فريد الأطرش..يافردة ما في طريقة الا نعمل تسليمة نسرين..
***
وحتى اللحظة لم تنتهي دقيقة ناس امونة سليمان
|
|
 
|
|
|
|
|
| العنوان |
الكاتب |
Date |
| سيناريو الغموض | Kabar | 04-24-03, 10:56 AM |
 Re: سيناريو الغموض | almulaomar | 04-24-03, 11:40 AM |
| Re: سيناريو الغموض | Elmosley | 04-24-03, 12:06 PM |
| Re: سيناريو الغموض | almulaomar | 04-24-03, 12:29 PM |
| Re: سيناريو الغموض | أبكر آدم إسماعيل | 04-27-03, 03:59 AM |
| Re: سيناريو الغموض | doma | 04-27-03, 06:30 AM |
| Re: سيناريو الغموض | أبنوسة | 04-27-03, 07:48 PM |
| Re: سيناريو الغموض | Kabar | 04-28-03, 07:42 PM |
| Re: سيناريو الغموض | Kabar | 04-28-03, 07:47 PM |
| Re: سيناريو الغموض | Kabar | 04-28-03, 07:52 PM |
| Re: سيناريو الغموض | Kabar | 04-28-03, 07:57 PM |
| Re: سيناريو الغموض | Kabar | 04-28-03, 08:01 PM |
| Re: سيناريو الغموض | Kabar | 04-28-03, 08:40 PM |
| Re: سيناريو الغموض | zumrawi | 04-28-03, 08:58 PM |
| Re: سيناريو الغموض | Agab Alfaya | 08-29-03, 07:55 PM |
|
| |
Kabar
فيس بوك
تويتر
انستقرام
يوتيوب
بنتيريست