|
Re: أهدانــا خالد المحــرب .. ( يوســف البنا ) (Re: tmbis)
|
وين يالبري دودة كيده البفرج نار همومي وشري عفستبو العبوس فارس العجاجها يطري سابل عرضو وافر وحاشا مو متعري
دفاع البداني التيه بقون وعشنق فوق ضيفانو طرباناً بتيتل شنق فارس الدنقلن ندل ضحيوه اتخنق روى العطشانه في عصر التريه الزنق
رحل العندو لي كل ود فراش تقدير ماصع ديما طول ليلو ونهارو هدير يوم دبتي الخيول والمعركة ام قصطير بيطرا متبر القدم الحداهو قصير
رحل الجودو مابتحاكا دربو مزالق رحل الببسط الدعجا الوضيبها كلالق رحل البدفر الوتر جاهو مشالق رحل الكفو زي سيل المطور الدالق
قول ليي اردب رحل الفي المحول بدي الضعاف بالاردب رحل المن حمول الغير مكرك سردب النيل الدغورو اتراشا طربان هردب
بِدفع ديما مابهم من غناهو وفقرو عارف كل حياً بندمر في مقرو الجزر السمان لي ضيفو وارك عقرو فارس زقرت اليوم البخوجل صقرو
رجلو تقيلة في كبد المحاصات حارنه ايا جبارة العامة البراشي عمارنا عليهو تعج تنوح ست الحشا المتمارنا والنوق برضو حنن قالن ايا حدارنا
آدم في البلد نواره تبكي العمة سارفا دموعا فاقده حدارا فقدنوا العوادي الفي المحل دواره خت الهيجه بكري وناقتو نافره حوارا
الطامة البتاخد سيدا كم لازمها حدود السمتا نجض كيتا ووسمها رحل المونتو في سنين المحول قسمها ياعلي فرقو جرح كبدتي وسممها
رحل البي الخمام بمصع ويطبق الزيمه رحل البفرج الكربه ويفك الضيمه رحل العندو في كل المجالات قيمه رحل الببسط الدعجه البقود هضليما
رحل الجودو مو سخله وعتود دغاي رحل البدفع الدرشي ويداني الناي رحل الدارو لليتمى المساكين تاي رحل الليدو سارية السما الدوداي
هل ودوبا ياابوعروض والموت اصلو حقاً واجباً مفروض محور فرقك اتواتانا كي ونجوض اللاقانا كلو يعج تقول معضوض
فقد العامه ابكوا وخنقوا النقارة صعيداً وشرق وسافل وبالغرب لابارا فوقوا ضيفوا يتعقبوا وفراحا بطارا صمد امات سبيب الحمحمن في الدارا
فوايدك زاتا مالا حدود ومابتتكافى من الريبه نفسك ياابشنب عوافه قشاش دمعة الدعجه المضمر هافا هل ودوبا يابقدم العبوس عسافا
دابي المربط الحجر دروبو ودكك درداق للجز في الهامه ضربك ونكك متلك مالاقاني مقطوع شكك خصيمك ديمه في الهرسة البتاخدو ملكك كان الموت بشاور اصلو مابنديك لكن العمر عند الولاو شريك خيراً سيتو في الدنيا العبوس راجيك ياابقدم المجالات كلها بتبكيك
فرقك في الضمير فتق جروحو وخزن بلدك كلو فاقدك مرخ و سمر وقوزن ناس وادي الرسن والرفدي برضو بعزن لي فارس المغارات ام مدافعن رزن
ابكو علي العزيزنسبو ومنسل حر قشاش دمعة الدعجة الوضيبها بجر رقد فار المغارات ام خيولاً غر بت الحسكنيت رزمت وابت ما تدر
فاقداك الغفارات ام عبرتاً ضارعا والوعر التقرقر في الاسود متصارعه سكيمك على عدل الردوف متسارعه ياابشنباً ملوى عالية ناقتك وفارعه
دفاع البشابه قجة الشراك حلال البضيق عن زقرة الكوراك كل الحيه سارفه دموعا تبقي وراك رحل الصيد روايق همل الشراك
اياك فارس الخوده البركز الصف غير الطيبات بي شينه مااتوصف اصلو الدنيا متى ماتدور بتخطف كف كان ببقالي في كفنك معاك بلَف
راح سيف السحابة الديمه جايبه النصر شروق وغروب وصعيداً وبنفقد لامصر يابركة برا ويس وسورة العصر تدخل الجنة لوج عالي وسكونك قصر
|
|
![Edit](https://sudaneseonline.com/db/blank.gif)
|
|
|
|
|
العنوان |
الكاتب |
Date |
أهدانــا خالد المحــرب .. ( يوســف البنا ) | tmbis | 06-14-07, 09:26 AM |
Re: أهدانــا خالد المحــرب .. ( يوســف البنا ) | أحمد الشايقي | 06-14-07, 09:30 AM |
Re: أهدانــا خالد المحــرب .. ( يوســف البنا ) | tmbis | 06-14-07, 04:15 PM |
Re: أهدانــا خالد المحــرب .. ( يوســف البنا ) | tmbis | 06-14-07, 09:46 AM |
Re: أهدانــا خالد المحــرب .. ( يوســف البنا ) | Elkhawad | 06-14-07, 10:22 AM |
Re: أهدانــا خالد المحــرب .. ( يوســف البنا ) | مجاهد عبد الرحمن | 06-14-07, 10:26 AM |
Re: أهدانــا خالد المحــرب .. ( يوســف البنا ) | tmbis | 06-15-07, 08:23 PM |
Re: أهدانــا خالد المحــرب .. ( يوســف البنا ) | tmbis | 06-15-07, 08:02 PM |
Re: أهدانــا خالد المحــرب .. ( يوســف البنا ) | ahmed haneen | 06-14-07, 10:26 AM |
Re: أهدانــا خالد المحــرب .. ( يوســف البنا ) | Mohamed Abdelgaleel | 06-14-07, 10:53 AM |
Re: أهدانــا خالد المحــرب .. ( يوســف البنا ) | tmbis | 06-21-07, 08:12 AM |
Re: أهدانــا خالد المحــرب .. ( يوســف البنا ) | tmbis | 06-21-07, 07:55 AM |
Re: أهدانــا خالد المحــرب .. ( يوســف البنا ) | معتصم دفع الله | 06-14-07, 10:35 AM |
Re: أهدانــا خالد المحــرب .. ( يوســف البنا ) | عبد الله عقيد | 06-14-07, 10:52 AM |
Re: أهدانــا خالد المحــرب .. ( يوســف البنا ) | عبد الله عقيد | 06-14-07, 10:55 AM |
Re: أهدانــا خالد المحــرب .. ( يوســف البنا ) | حافظ العشا | 06-14-07, 11:14 AM |
Re: أهدانــا خالد المحــرب .. ( يوســف البنا ) | abuguta | 06-14-07, 11:40 AM |
Re: أهدانــا خالد المحــرب .. ( يوســف البنا ) | humida | 06-14-07, 05:42 PM |
Re: أهدانــا خالد المحــرب .. ( يوســف البنا ) | tmbis | 06-15-07, 03:14 AM |
Re: أهدانــا خالد المحــرب .. ( يوســف البنا ) | Ahmed Abdallah | 06-15-07, 03:21 AM |
Re: أهدانــا خالد المحــرب .. ( يوســف البنا ) | abubakr | 06-15-07, 07:38 AM |
Re: أهدانــا خالد المحــرب .. ( يوســف البنا ) | عفاف أبو حريرة | 06-15-07, 03:29 PM |
Re: أهدانــا خالد المحــرب .. ( يوســف البنا ) | الطيب شيقوق | 06-15-07, 04:15 PM |
Re: أهدانــا خالد المحــرب .. ( يوســف البنا ) | سهام نابرى | 06-15-07, 06:22 PM |
Re: أهدانــا خالد المحــرب .. ( يوســف البنا ) | حبيب نورة | 06-15-07, 07:52 PM |
Re: أهدانــا خالد المحــرب .. ( يوســف البنا ) | حبيب نورة | 06-15-07, 08:08 PM |
Re: أهدانــا خالد المحــرب .. ( يوســف البنا ) | خالد المحرب | 06-15-07, 11:54 PM |
Re: أهدانــا خالد المحــرب .. ( يوســف البنا ) | الجيلى أحمد | 06-16-07, 00:31 AM |
Re: أهدانــا خالد المحــرب .. ( يوســف البنا ) | tmbis | 06-16-07, 05:49 AM |
Re: أهدانــا خالد المحــرب .. ( يوســف البنا ) | زول ساكت | 06-16-07, 05:55 AM |
Re: أهدانــا خالد المحــرب .. ( يوســف البنا ) | tmbis | 06-16-07, 10:31 AM |
Re: أهدانــا خالد المحــرب .. ( يوســف البنا ) | ismeil abbas | 06-16-07, 12:09 PM |
Re: أهدانــا خالد المحــرب .. ( يوســف البنا ) | خالد المحرب | 06-17-07, 00:24 AM |
Re: أهدانــا خالد المحــرب .. ( يوســف البنا ) | عماد محمود علي | 06-17-07, 06:18 AM |
Re: أهدانــا خالد المحــرب .. ( يوســف البنا ) | عفاف أبو حريرة | 06-21-07, 04:32 AM |
Re: أهدانــا خالد المحــرب .. ( يوســف البنا ) | Khalid Saeed | 06-21-07, 12:17 PM |
Re: أهدانــا خالد المحــرب .. ( يوســف البنا ) | Mohamed Abdelgaleel | 06-21-07, 01:37 PM |
|
|
|