|
Re: جعليين العراق وجعليين السودان !!! (Re: SAMIR IBRAHIM)
|
الاخ العزيز سمير ابراهيم اول حاجة نحنا ماعرب ( الله يكتلنى ماعرب )لاننا ما بنشبه اى زول عربى ، والزول اللونو فاتح بنستنكرو بنسميهو (حلبى )امعانا فى الاذلال والزول الما بعرف الحاجات كويس بنسميهو ( عربى ) يقول ليك (دا عربى ساكت ) وتانى حاجة ( هنا ) العرب ( المشارقة والمغاربة ) ما بتعاملوا معانا الا المصريين ، مرة مشيت اقدم لى وظيفة فى واشنطن (وكالة عربية ) وكانوا عايزين (برامجيين اذاعة وتلفزيون ) اعتقدت انى ( عربية)وقدمت ورقى ولمن سالت بعد فترة ، قالو لى انتى ما عربية (يعنى ترماى )كيف الكلام دا ؟ قالو لى العربى دا البنعرفو ( وقدموا لى خريطة للبلاد العربية لم يكن بينها (السودان، او الصومال ، او موريتانيا) وديل ( بتلصقوا فى العرب ) هكذا حدثت نفسى وخرجت الشاهد ان الافارقة يتعاملون معنا الى حد كبير باريحية لذلك اليت على نفسى ان لا اسمى نفسى سوى سودانية ، لايهم انتمائى العربى او الافريقى لكنى امتد فى تلك المساحة سودانية وسودانية فقط مع كل تقديرى لما تراه من انتماء
|
|
|
|
|
|
|
|
|