|
Re: سميــــــــني قمرك للسما ( قصيدة عامية ) (Re: مجدي عبدالرحيم فضل)
|
سميني لي ليلك نغم سميني للخرطوم حبيب يا ساطعة زي جرح الوطن يا سائلة ما لاقية البجيب يا طالعة مِن تحت الرماد ترسِف .. تتاتي على الجراح مطلية بالدم والأحِن محروقة زي «تبت» «مرول» منهوبة زي دارفور ضحى يا غارقة في غيهب فتن يا ضايعة بين نشرة مسا ومانشيت جريدة وبعض ظن سميني قمرك للسما سميني سلوى وغيم ومن شان نستريح في ضُل أساك نَفرِد جراحنا على التُراب نشفيها نتحزّم .. نَلمِ - رغم الضلام - كل الدروب التايهة في شارع هواك سميني خبرك ومبتداك مِن تاني ما تبكي الدِمن سميني وجعك والجنون ما كان .. وما يمكن يكون سميني للتايهين وطن شان الأيادي الحمرا تتلافى الهوى وما ندفع السودان ثمن شان الجراح الغايرة بي عمق البلد نلقالة يا عالم دوا شان القبايل الضيّعت إيمانها تصحى مِن السُبات نِتلم على كلمة سوا شان البشر تلقي السلاح تتواري ظلمات الخصام شان أرضنا البارت تقوم تتباهي خُضرة وإبتسام شان المسير يا اخوانا يبقى إلى الأمام شان التَدَيُّن .. يبقى في الدم ما العباءات والكلام . شان الوطن يبقى البدايات والفواصل والمُرام سميني قمرك للسما سميني لى دارفور سلام سميني للسودان سلام سلام . سلام . سلام
|
|
|
|
|
|
|
العنوان |
الكاتب |
Date |
سميــــــــني قمرك للسما ( قصيدة عامية ) | أحمد النور منزول | 04-29-07, 11:57 AM |
Re: سميــــــــني قمرك للسما ( قصيدة عامية ) | فضيلي جماع | 04-29-07, 12:55 PM |
Re: سميــــــــني قمرك للسما ( قصيدة عامية ) | nazar hussien | 04-29-07, 03:54 PM |
Re: سميــــــــني قمرك للسما ( قصيدة عامية ) | فضيلي جماع | 04-29-07, 10:46 PM |
Re: سميــــــــني قمرك للسما ( قصيدة عامية ) | nazar hussien | 04-30-07, 06:23 AM |
Re: سميــــــــني قمرك للسما ( قصيدة عامية ) | أحمد النور منزول | 05-02-07, 01:03 PM |
Re: سميــــــــني قمرك للسما ( قصيدة عامية ) | أحمد النور منزول | 05-01-07, 01:04 PM |
Re: سميــــــــني قمرك للسما ( قصيدة عامية ) | أحمد النور منزول | 04-30-07, 12:28 PM |
Re: سميــــــــني قمرك للسما ( قصيدة عامية ) | مجدي عبدالرحيم فضل | 05-02-07, 01:39 PM |
Re: سميــــــــني قمرك للسما ( قصيدة عامية ) | هاشم أحمد خلف الله | 05-02-07, 01:46 PM |
Re: سميــــــــني قمرك للسما ( قصيدة عامية ) | أحمد النور منزول | 05-03-07, 02:48 PM |
Re: سميــــــــني قمرك للسما ( قصيدة عامية ) | أحمد النور منزول | 05-03-07, 02:20 PM |
Re: سميــــــــني قمرك للسما ( قصيدة عامية ) | أحمد النور منزول | 06-03-07, 09:59 AM |
Re: سميــــــــني قمرك للسما ( قصيدة عامية ) | فضيلي جماع | 05-02-07, 03:05 PM |
Re: سميــــــــني قمرك للسما ( قصيدة عامية ) | أحمد النور منزول | 05-03-07, 02:56 PM |
Re: سميــــــــني قمرك للسما ( قصيدة عامية ) | أحمد النور منزول | 05-05-07, 01:42 PM |
Re: سميــــــــني قمرك للسما ( قصيدة عامية ) | أحمد النور منزول | 05-07-07, 01:30 PM |
Re: سميــــــــني قمرك للسما ( قصيدة عامية ) | أحمد النور منزول | 05-20-07, 02:48 PM |
Re: سميــــــــني قمرك للسما ( قصيدة عامية ) | أحمد النور منزول | 05-22-07, 02:09 PM |
|
|
|