|
|
 ابتسامـــــة ساخـرة ضـد رجــل كــاذب!!؟
|
(غنى يا خرطوم غنى…) التفتت دونما وعى منها الى مصدر هذا الصياح … وجدت شابا يحيط فمه بكفيه فى محاولة لجعل صوته اعلى .. على قسماته ارتسمت كل معالم الجدية ..يتحرك تحت تلك الشجرة الكبيرة فى كل الاتجاهات مرددا بقية القصيدة داعيا الطلاب للتجمع .. تسير مع السائرين لتقف فى الصف الاول منتظرة لما سيقول ..يتخذ عدد الموجودين اسم تجمهر .. ويبدا هو (هل قدرّتى الرقعة الواقعة بين الليلة واحلام بكره ..وكيف ح تملئ الحتة الواسعة بين الواقع وبين الفكرة.. الليلة يا جماعة ح نتكلم عن المراة ..دورها شنو ..مافى العالم ..ولا فى حياتها ..لكن هنا ..معانا..فى الجامعة دى ..ليه البنات دورهم هامشى ..ليه ما بشاركوا برايهم ..ليه بس بحلموا وما بفكروا كيف يحولوا الحلم لواقع ..نحن محتاجين ليكم يا زميلات.. لازم تفهموا دوركم شنو ..الخ ..الخ ) يستمر هو ..وتندهش هى ..كلماته تصيبها فى العمق ..فلها احلام كثيرة وتحتاج تحويلها الى واقع .. تفيق من دهشتها على صوته مجددا( اها قلتو شنو ..انا ما عندى مانع اجاوب اى سؤال ..اى واحدة فيكم عندها استفسار ..سؤال ..انتقاد ..اى حاجة قولوا ..ح اسمعكم.. المحتاجة اى شئ تقول ..كتب ..شعر ..مقالات..اى شئ ممكن نوفره ليها..بس لازم تعرفوا انه الجامعة ما اكاديميات بس ..دى نموذج مصغر للدنيا من بره ..هى البتكون ليك شخصيتك) تحولت الدهشة داخلها الى اعجاب .
انفض ركن النقاش ..ذهبت مع الذاهبين ..ذهنها يردد كلماته ..ولجت الداخلية ومن ثم غرفتها لتجد صديقتها تصيح فيها (اتاخرتى ليه ياخى ..مش عارفة اننا مارقين!؟) سالتها(مارقين وين!؟)..الصديقة غاضبة(بالغتى لكن مش الليلة الجلسة العاملينها لتهانى عشان بقت كويسة ..نسيتى!!؟) تستدرك(ايوااااااا ..اى والله ..دقائق طيب هسه بجهز).
هناك على النجيلة جلس الاغلبية والبعض لم يحضر بعد..مرت عشر دقائق بين سلامات ومشتاقين ..حضر هو فجلس مباشرة (ازيكم كلكم ..بالجملة كده..انتو كتار وانا تعبان ..اها) يمازحه احدهم (ياخى طيب سلم على الجكس بس) يرد (هو انا الليلة غير الجكس ده التعبنى منو..من الصباح اكورك ليهم) يضحك الجميع .
يكتمل الحضور مد اليه احدهم يده بالعود ( يلا سمعنا حاجة) ..فوجئت بحنجرته التى تمتلك كل هذه المواهب وبدأ يصدح ( ندهتك والعمر ساحات ..فصولها سحابها ما رش .. ترجى قدومك الدهشة ..رجيتك والزمن حسرات ..وغنيتك امل ضايع.. فرح عدا .. ونجم طش..وحسيتك برغم اساى ..وطن فى دمى بتمشا) كانت تلك الرميه التى حولت اعجابها اى شىء ما … استرسل صادحاً ( احلم … احلم ..وبرضك افرح خلى بكره الجاى فآلك ..لا الرياح بتهز غصونك ..لا الحزن يوصل مجالك ..ما العمر زهراته جفن وانت تائه فى انشغالك ..ما الفرح منك بعدى زى جريك وراء ظلالك ..وانت تائه فى انشغالك) كانت تلك الاغنية التى حولت شيئها الما الى شئ اعمق!.. انزعجت من نفسها ..كيف هذا وهى لا تعرف عنه سوى (اسمه) !.. ربما هو انجذاب او اعجاب ..ظلت تغالط نفسها لاسابيع الى ان صادفته فى الكافتيريا فى ذلك اليوم (سلامات يا …… كيفك ..مش انتى الكنتى معانا فى الجلسة ؟) .. ( ايوه انا )… (كويس انك بتعرفى تتكلمى .. اصلك فضلتى الجلسة كلها ساكتة) ..(انا كنت مستمتعة بغناكم وشعركم عشان كده ساكتة)..(وانتى ما بتعرفى تغنى ولا تقولى شعر!!؟).. (يارييييت) ..(ليه ياريت ..اقرى ..احفظى ..وقولى زينا ..ساهلة) يستمر الحديث الى (هاك الديوان ده .. بكره تجئ تسمعى لى منه قصيدة ..فاهمة) يضحك وتضحك معه. تلتهم ديوانه التهاما..تحفظه عن ظهر قلب ..تحضر فى الموعد وتبدأ التسميع (فى غيابك لا قريت وشا موالف ..لا قرتنى عيون صديقة..الخ) يصفق(تمااااااام ..انتى كدا) ..تتوالى الدواويين ..تتبعها الروايات ..كل ضروب الثقافة.. يبذر فيها انسانة مختلفة.
كانت كل مقابلاتهم تنحصر فى هذا ..وقليلا من الحديث حول الجامعة ووضعها.. حتى ياتى يوم تجده غاية فى التوتر (فى شنو ..مالك زهجان!) ..(تخيلى الناس ديل بالله ..انا تعبان وكل يوم بكورك فى الشمس عشان فى الاخر اسمع كلام زى ده ..تخيلى قالوا عنى شنو ..ما عندى موضوع..والسمين الما بعرف يتكلم داك الليلة اتعلم الكلام وبقى يسئ لى) ..(مادام ما بعرف يتكلم ..سيبك منه ..ما تشتغل به ..واهدأ) تقوم من مكانها وتحضر له عصيرا (شفتى ديك كمان ..تتذكرى لما انا رشحتها معانا فى الانتخابات …صحى والله ..علمته نظم القوافى!!)..(انت عارف نفسك بتعمل فى شنو ..ما تشتغل بيهم ..خليك فى مبادئك) ..(الله يخليك لى ..انتى قايلاهم فاهمين زيك) تبتسم ويبتسم.
(تعرفى ..معاك بحس بارتياح غريب..) تطرق براسها ولا تجيب ..يفاجئها (احبك..) تكاد تنزع راسها عنها وهى ترفع اليه عينيها فى تعبير لا اسم له ..(بس انت ما بتعرف عنى حاجة!!)..(حاجة زى شنو ..اهلك واسرتك ..وساكنة وين ..ما ضرورى ..كفاية انى بعرفك انتى)…( لا ما كفاية لازم تعرفنى كويس لو احساسك ده جاد)..(صدقينى عمرى ما كنت جاد زى اللحظة دى ..اصلا من زمان بفتش عن واحدة زيك ..فاهمة وواعية ومثقفة ..خالية من العقد ..تناققشنى فى كل حاجة وما تعتبر كلامى اوامر ..حنينة ..تبقى لى ام وصديقة وحبيبة ..تحبنى واحبها)…(طيب القال ليك انا بحبك منو !؟) …(قلبى قال لى ) …(ما عارفة بس انا خايفة) … (ما تخافى ..اثقى فينى بس )…(بينا فى حواجز لازم نناقشها اول ) …( كل شئ ساهل ..مافى حاجز ح يقيف بينا مهما كان مادام بنحب بعض) .. يتحدثان فى كل شئ ..يتحبان ..تساله (انا ما عارفة الخلانى اتعلق بيك كده شنو فى الفترة البسيطة دى) ..(لانى صادق)..(وانا برضو صادقة ومدخرة ليك جواى كتير).
كانت تنتظره كالعادة ..دخل الكافتيريا ..لمحها .. تظاهر بعدم رؤيتها ..وخرج!! ..قالت قد يعود ..طال انتظارها ولم يعود .. عادت الى غرفتها .. ظلت كل يوم تنتظر ولا يحضر ..تسال عنه فيقولون (هسه كان هنا).. تراه فى اركان النقاش ولا تجد فرصة لمحادثته اثناءها ..بعد الانتهاء منها يختفى فجاءة ولا تعرف اتجاهه..صادفته يوما فى بوابة الخروج..فبادرته(ممكن افهم الحاصل شنو!!)..(معليش يا غالية بس شوية مشاكل كده وبتنتهى وح افهمك كل حاجة ..يلا باى عشان مستعجل)..بعد ايام تصادفه مجددا (اصبرى يا غالية) ..(محتاجة منك كلمة واحدة بس!)..(الكلمة ح تجيك كلام ..وقريب يا غالية ..بس اصبرى ..لازم تتعودى على الصلابة من هسه!)..وتصبر ..طالت الايام ..وهى تنتظر فى نفس الميقات والمكان ..فى غرفتها ياكلها الخوف والقلق وتسمع المغنى يردد (انا سلمته قلبى وقايلو امين عليهو..) ..تفاجئه يوما وتسحبه من يده متسائلة (حدو وين ده !!)..(معليش يا غالية ..انا حاسى بيك ومقدر معاناتك معاى ..بس ظروف ..اعمل شنو ..تاكدى انك معاى معاى).. تصمت وتدعه يذهب.
تنتظم حبيبات الزمن لتشكل عقدا من ستون يوما..تقابل صديقهم المشترك فتساله (اخبارو شنو ..كويس !!؟).. يجيبها (اسمعى ..الزول ده شيليه من راسك ..قال الموضوع ده بالنسبة له منتهى..انا اسف ..لكن بقول ليك كده عشان مصلحتك) تساله محتارة (طيب ليه ..اسبابه شنو!) يجيب ..(قال حس انه اتسرع وكان لازم تعرفوا بعض اكتر من كده و …) تطلب منه انه ان يسكت (اوكى ..خلاص) تستاذنه فى الذهاب.
تدخل الكافتيريا ..تجده يجالس احدى الزميلات ..هى تمسك كتابا تتلو منه شيئا ..وهو ينظر اليها بصمت ..تذهب لصاحب الكافتيريا وتمد يدها بشريط تطلب تشغيله ..ليرتفع صوت ام كلثوم( انت ما بينك وبين الحب دنيا ..دنيا ما طولها ولا حتى فى خيالك..اما نفس الحب عندى حاجة تانية ..حاجة اغلى من حياتى ..ومن جمالك ..انت فين والحب فين ..ظالمو ليه دائما معاك ..ده انت لو حبيت يومين ..كان هواك خلاك ملاك ..ليه بتتجنى كده عالحب ليه ..انت عارف قبلها معنى الحب ايه!) … تجلس قبالتهم … فى عينيها نظرة خالية من الاحترام له وشفقة لها ..على وجهها ابتسامة ساخرة ..فى قلبها صوت يردد (كذّاب).
|
|
 
|
|
|
|
|
| العنوان |
الكاتب |
Date |
| ابتسامـــــة ساخـرة ضـد رجــل كــاذب!!؟ | dreams | 10-19-02, 12:47 PM |
| Re: ابتسامـــــة ساخـرة ضـد رجــل كــاذب!!؟ | منوت | 10-19-02, 01:41 PM |
| Re: ابتسامـــــة ساخـرة ضـد رجــل كــاذب!!؟ | dreams | 10-20-02, 09:16 AM |
| Re: ابتسامـــــة ساخـرة ضـد رجــل كــاذب!!؟ | ensana | 10-19-02, 01:43 PM |
| Re: ابتسامـــــة ساخـرة ضـد رجــل كــاذب!!؟ | dreams | 10-20-02, 09:24 AM |
 Re: ابتسامـــــة ساخـرة ضـد رجــل كــاذب!!؟ | وجن | 10-19-02, 02:16 PM |
| Re: ابتسامـــــة ساخـرة ضـد رجــل كــاذب!!؟ | dreams | 10-20-02, 09:30 AM |
| Re: ابتسامـــــة ساخـرة ضـد رجــل كــاذب!!؟ | Elmosley | 10-19-02, 02:58 PM |
| Re: ابتسامـــــة ساخـرة ضـد رجــل كــاذب!!؟ | النورس الحزين | 10-19-02, 03:47 PM |
| Re: ابتسامـــــة ساخـرة ضـد رجــل كــاذب!!؟ | قرشـــو | 10-20-02, 09:30 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-20-02, 10:41 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-20-02, 09:38 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-20-02, 09:34 AM |
| Re: ابتسامـــــة ساخـرة ضـد رجــل كــاذب!!؟ | اساسي | 10-20-02, 10:11 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-20-02, 10:48 AM |
| Re: ابتسامـــــة ساخـرة ضـد رجــل كــاذب!!؟ | omer-gerja | 10-20-02, 10:40 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-21-02, 10:46 AM |
 ابتسامـــــة ساخـرة ضـد رجــل كــاذب!!؟ | abas | 10-20-02, 10:42 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-20-02, 10:52 AM |
| Re: ابتسامـــــة ساخـرة ضـد رجــل كــاذب!!؟ | noha_g | 10-20-02, 12:22 PM |
| Re: ابتسامـــــة ساخـرة ضـد رجــل كــاذب!!؟ | dreams | 10-21-02, 10:24 AM |
| Re: ابتسامـــــة ساخـرة ضـد رجــل كــاذب!!؟ | AlRa7mabi | 10-20-02, 01:14 PM |
| Re: ابتسامـــــة ساخـرة ضـد رجــل كــاذب!!؟ | HAMZA SULIMAN | 10-20-02, 01:33 PM |
| Re: ابتسامـــــة ساخـرة ضـد رجــل كــاذب!!؟ | al_msaa | 10-20-02, 01:44 PM |
| Re: ابتسامـــــة ساخـرة ضـد رجــل كــاذب!!؟ | dreams | 10-21-02, 10:29 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-21-02, 10:28 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-21-02, 10:26 AM |
| Re: ابتسامـــــة ساخـرة ضـد رجــل كــاذب!!؟ | almulaomar | 10-20-02, 01:53 PM |
| Re: ابتسامـــــة ساخـرة ضـد رجــل كــاذب!!؟ | Tumadir | 10-21-02, 10:27 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-21-02, 10:49 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-21-02, 10:32 AM |
| Re: ابتسامـــــة ساخـرة ضـد رجــل كــاذب!!؟ | اسامة الخاتم | 10-21-02, 10:37 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-21-02, 10:52 AM |
| Re: ابتسامـــــة ساخـرة ضـد رجــل كــاذب!!؟ | celecon | 10-22-02, 09:49 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-22-02, 10:02 AM |
| Re: ابتسامـــــة ساخـرة ضـد رجــل كــاذب!!؟ | AlRa7mabi | 10-23-02, 06:01 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-23-02, 10:45 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-24-02, 11:51 AM |
| Re: ابتسامـــــة ساخـرة ضـد رجــل كــاذب!!؟ | REEL | 10-23-02, 11:07 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-24-02, 12:05 PM |
| Re: ابتسامـــــة ساخـرة ضـد رجــل كــاذب!!؟ | omer-gerja | 10-23-02, 11:22 AM |
| Re: ابتسامـــــة ساخـرة ضـد رجــل كــاذب!!؟ | AlRa7mabi | 10-24-02, 08:13 AM |
| Re: ابتسامـــــة ساخـرة ضـد رجــل كــاذب!!؟ | نور الهدى | 10-24-02, 09:48 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-24-02, 12:16 PM |
| Re: ابتسامـــــة ساخـرة ضـد رجــل كــاذب!!؟ | Tumadir | 10-24-02, 01:17 PM |
| Re: ابتسامـــــة ساخـرة ضـد رجــل كــاذب!!؟ | dreams | 10-26-02, 10:31 AM |
| Re: ابتسامـــــة ساخـرة ضـد رجــل كــاذب!!؟ | woroorrook | 10-26-02, 11:48 AM |
 روعه | الزومـــــــه | 10-26-02, 01:43 PM |
| Re: روعه | dreams | 10-27-02, 09:19 AM |
| Re: روعه | bamseka | 10-27-02, 09:31 AM |
| Re: روعه | dreams | 10-28-02, 10:37 AM |
| Re: روعه | hero | 10-28-02, 07:00 PM |
| Re: روعه | dreams | 10-30-02, 11:04 AM |
| Re: ابتسامـــــة ساخـرة ضـد رجــل كــاذب!!؟ | solara | 10-29-02, 00:13 AM |
| Re: ابتسامـــــة ساخـرة ضـد رجــل كــاذب!!؟ | dreams | 10-30-02, 11:06 AM |
| Re: ابتسامـــــة ساخـرة ضـد رجــل كــاذب!!؟ | zola123 | 02-04-03, 03:34 PM |
| Re: ابتسامـــــة ساخـرة ضـد رجــل كــاذب!!؟ | dreams | 02-06-03, 08:35 AM |
|
| |
فيس بوك
تويتر
انستقرام
يوتيوب
بنتيريست