|
من ذاكرة الزول
|
شباب عندي ليكم ركن جديد داير اسميهو ليكم من ذاكرة الزول ارجو ان ينال اعجابكم فيه قصص طريفه هههههههههههه يكه الحلقه الاولى جارنا التفتيحه عند وفاة جدتي رحمة الله عليها ذهبت مع جارنا حيطه بالحيطه عشان نشتري خروف وطبعا جارنا تاجر تفتيحه شديد ركبنا في البوكس بتاعو وشلت معاي مبلغ 6000 جنيه مشينا لي شارع المنطقه الصناعيه بامدرمان حيث يتواجد بايعو الخرفان بي كثره وسالني جاري شايل معاك كم قلت ليهو 6000 جنيه قال لي ح ناخد احسن خروف ههههههههه يكه وقفنا جم واحد بتاع خرفان ودار الحوار التاني بين جارنا وبتاع الخرفان جارنا : يازول الخروف الواقف براهو داك بي كم البائع يمسك خروف تاني دا بي 12000 جارنا : لا يازول انا قلت ليك الواقف براهو داك الاحمر ابو قرون البائع : دا بي 15000 جنيه جارنا : يازول ها نحن ناس بهائم ماتلعب علينا طبعا جارنا من منطقة ريفي ود حامد البائع : اها يازول بتدفع كم انت اخترت بهيمه كويسه جارنا عندنا خمسة الاف جينه قلت شنو البائع : يترك الخروف يذهب وسط الخرفان خمسه الف والله لو اضبحو واديهو الكلاب ما ابيعو بي خمسه الف ههههههه جارنا : خلاص معاك سلامه يحرك عربيته قليلا البائع : يازول بي 14 الف اشتريت جارنا يحرك العربيه قليلا 12 ثم 11 جارنا : يازول ماتاخرنا نحن الخروف دا عايزنو لي بكاء مش لي عرس قلت شنو البائع : عشره الف كويسه جارنا : قلت ليك يازول نحن ناس بهائم والخرفان ديل بنسعاهم عندنا في البلد ما تتكلم معانا كتير البائع خلاص انت بتدفع كم جارنا : انا عند خمسه الف وخمسمائه البائع لا لا لا يازول مابائع ليك جارنا خلاص ويحرك البوكس قليلا البائع خلاص يازول بي تمانيه الف ثم سبعه الف ثم اخيرا سته الاف جنيه جارنا خلاص يازول ارفعو في البوكس ويقوم البائع بربط الخروف في البوكس ودفعت المبلغ للبائع البائع والله يازول ده تمن القش الاكلو هههههههههه جارنا يدير البوكس وشاف بالمرايه واحد ركب مع الخروف واتضح انه ضباح هههههههه يكه جارنا قال لي الليله اطبق ليك في الزول ده نظريه وذهبنا الى شارع الثوره بالشنقيطي وبعد مسافة طويله جارنا يوقف البوكس وينادي الزول الراكب بي وراء تعال يازول انا فجاءة عاينت بالمرايه شفتك ماشي وين الضباح قال ليهو ماشي اضبح ليكم الخروف جارنا : يازول نحن جنازتنا حاضره ويمكن الموضوع ده يتاجل لي بكره ههههه الكلام ده كان تاني يوم الوفاة الضباح ينزل من البوكس خلاص اديني حق المواصلات عشان ارجع جارنا يدخل يدو في جيبو ويطلع حقة الصاعوت قال ليهو والله انا حق الموصلات ماعندي لكن خت ليك سفه كبيره كده واتوكل علي الله هههههههههههههههههههههههه يكه الضباح يشيل العلبه ويخت ليهو سفه تاريخيه وقال ليهو والله انت زول صعب خلاص ههههههههههههههههه يكه وانا ضحكته لحدي ماوصلنا البيت وبعد داك بالرجاله سكته لانو الناس كانو قاعدين هههههههههههههههه يكه زاتو
|
|
|
|
|
|
|
العنوان |
الكاتب |
Date |
من ذاكرة الزول | ALZOLZATOO | 08-10-02, 04:27 PM |
Re: من ذاكرة الزول | اساسي | 08-10-02, 04:41 PM |
Re: من ذاكرة الزول | ALZOLZATOO | 08-10-02, 05:02 PM |
Re: من ذاكرة الزول | اساسي | 08-10-02, 05:34 PM |
Re: من ذاكرة الزول | ALZOLZATOO | 08-10-02, 05:38 PM |
Re: من ذاكرة الزول | 7abib_alkul | 08-11-02, 10:18 AM |
Re: من ذاكرة الزول | ALZOLZATOO | 08-11-02, 10:27 AM |
Re: من ذاكرة الزول | omarmahdi | 08-11-02, 10:05 PM |
Re: من ذاكرة الزول | Wad Aljaili | 08-12-02, 01:46 AM |
Re: من ذاكرة الزول | منعم | 08-12-02, 03:35 AM |
Re: من ذاكرة الزول | ALZOLZATOO | 08-12-02, 06:32 AM |
من ذاكرة الزول | garjah | 08-12-02, 04:10 PM |
Re: من ذاكرة الزول | willeim andrea | 08-12-02, 05:15 PM |
Re: من ذاكرة الزول | ALZOLZATOO | 08-12-02, 05:20 PM |
Re: من ذاكرة الزول | zico | 01-05-03, 08:08 PM |
|
|
|