|
|
 Re: نكات (Re: eyes of liberty)
|
سلامات يا اهلنا شكرا ليك اخى المسافه اىىى و الله الواحد ليهو زمن ما ضحك فى البورد ده ... احسن ندور نكات.. هاكم ديل و انشاء الله يعجبوكم بس.
*حد شين شنه مـــرة..وبيحب ليه بنت حلوة شديد ، قامت البنت قالت ليه تجي عندنا البيت تطلبني من امي..والراجل الشين ده خايف من ام البنت تعقدوا لأنه شين شديد وهي لسانها طويل..المهم قام مشى ..من خشم الباب الأم صرت وشها وقعدت..قام قال ليها : يا خاله انا صراحة مهندس وعندي بيت ومن اسره كويسه وعاوز اتزوج بنتك...قامت الام وقفت وعاوزة تهزؤا وتنبزوا..بتها عشان تنقذ الموقف قامت بسرعة وقالت: يمه الراجل دة كويس جدا جدا ..غني وعندة شغل خاص وبيحبني جدا وانا كمان بحبة وفوق ده كله هو راجل عصامي....الام استغربت شديد وقالت ليها : عصامي..عصامي كيف يعني؟؟؟...قامت البنت قالت: عصامي يا امي يعني راجل كون نفسه بنفسه ...........الأم:
والله يا بنتي وانا اقول من ماشفته قلت دي اصلها ما خلقة ربنا
· واحد ادروب سافر الى كسلا بحافلة جديدة لنج والسواق من قام لحدى ما وصل مشغل اذاعة القران وصاحبنا الشغلة دى ما ركبت ليو فى راسوا ولما وصل سالة احد اقربائه جيت بشنوا فرد عليه , جيت بالجامع ده
· شايقي كسلان ومزوج ليه ثلاثة وبعدين بشدت ماهو كسلان نايم في الحوش وجات مرته دقت الباب قال ليها مين قالت أنا فلانا بشدت ماهو كسلان مادير يفتح الباب قال ليها طلقانا
*واحد رباطابى معزوم عشاء مع واحد صاحبو مشى لقى الكهرباء قاطعة عن صاحبو قعدو يتونسو مسافة الرباطابى جاع جوعه شديدة قال لى صاحبو ياخى الزمن فات وانا جيعان ياخى طلع لينا العشاء داء صاحبو قال ليه ياخى العشاء ما بطلع إلا الكهرباء تجى... الرباطابى قال لى اصلو عشاء ولا شريط فديو
هااااااااااااااااااااااااااااااااااااااااااااااااى هههههه يكااااااااااااااااا بجيكم راجع تانى
|
|
 
|
|
|
|
|
| العنوان |
الكاتب |
Date |
| نكات | Al-Masafaa | 05-23-02, 08:29 AM |
| Re: نكات | 3asoola | 05-23-02, 11:58 PM |
| Re: نكات | noon | 05-24-02, 00:26 AM |
| Re: نكات | motaz ali | 05-25-02, 02:34 AM |
| Re: نكات | Al-Masafaa | 05-26-02, 09:43 AM |
| Re: نكات | قاسم | 05-26-02, 10:17 AM |
 Re: نكات | Halema2 | 05-26-02, 10:25 AM |
| Re: نكات | قرشـــو | 05-26-02, 10:59 AM |
| Re: نكات | tasneem | 05-26-02, 11:19 AM |
| Re: نكات | sama7 | 05-26-02, 12:21 PM |
| Re: نكات | eyes of liberty | 05-26-02, 07:38 PM |
| Re: نكات | Canadian_Forces | 05-26-02, 07:56 PM |
| Re: نكات | motaz | 05-26-02, 11:24 PM |
| Re: نكات | 3asoola | 05-26-02, 11:50 PM |
| Re: نكات | Al-Masafaa | 05-27-02, 03:21 AM |
|
| |
فيس بوك
تويتر
انستقرام
يوتيوب
بنتيريست