|
Re: افادة (Re: Ahlalawad)
|
شكرا ليك كتير يا حبيبنا علي الاهتمام ام بخصوص موضوع القوه القاهره في القانون التجاري وقبل ما اشرح ليك الحته دي في توضيح بسيطه انه القوه القاهره القواعد المنظمه ليها بتكون في القانون المدني وليس التجاري ود ما بفرق كتير لانه القانون المدني هو الاصل والتجاري فرع من المدني في راي بعض الفقهاء وانا بأيد الراي دا لنه العلاقات التجاريه نوع خاص منالاتزامات المدنيه خصوهبي قواعد ونوصوص خاصه تبعا لخصوصيه العلاقات التجاريه عشان كدا اذا ما لقينا نص بنطبق علي العلاقه التجاريه والكيس الفيها بنرجع للقانون المدني عشان كدا في حته القوه القاهره دي برنجع للقانون المدني لانه ما منصوص عليها في القانون التجاري والقوه القاهره يمكن تعرفيها علي انها ظروف تجعل تنفيذ الالتزام الناتج من العقد برهق المدين بتنفيذ اللالتزام مما يجعل المحكمه تتدخل وتفسخ العقد او ممكن ادفع بيها الشخص في المحكمه اذا كان مدعي عليه بالخلال بالمسئوليه العقديه وعشان تنجح القوه القاهر ه كسبب للفسخ او كدفع للمسئوليه لابدمن توافر شروط معينه وهي 1ان يكون حادث عام غير متوقع الحدوث بمعني انه اذا كانت متوقعه ما بتكون سبب لفسخ العقد يعني مثال انه اتفقت شركه ترحيل علي ترحيل بضاعه لمنطقه جوبا ولكن قبل تفيذ العقد امتدت الحرب لمدينه جوبا مثلا هنا مافي قوه قاهره لانه اساسا وابتداء انه جوبا معروف بانها منطقه عمليات فبالتالي القوه القاهره كان متوقعه عند ابرام العقد 2انه القوه القاهر تجعل تفيذ العقد صعب والا يشترط انه يكون مستحيل وصعب هنا نقصد بيها انه ممكن اتفنذ لكن بسبب خساره كبيره علي المتعاقد البقع عليه عبء التفيذ
وطبعا للمحكمه سلطه تقدريه في تقدير القوه القاهره منحيث كونها متوفره ام لا وفي الحاله دي المحكه اذا قضت بوجود القوه القاهره بحق ليها انها تفسخ العقد وترجع الحال كما لوكان كان قبل العقد وانشاء الله تكون لقيت العايزه يا حبيبنا الخواض مع التحيه
|
|
|
|
|
|
|
العنوان |
الكاتب |
Date |
ثــــقافه قانونيـــة | 7abib_alkul | 03-21-02, 11:17 AM |
افادة | Ahlalawad | 03-21-02, 12:10 PM |
Re: افادة | 7abib_alkul | 03-21-02, 12:56 PM |
Re: افادة | yasiko | 03-21-02, 01:54 PM |
Re: ثــــقافه قانونيـــة | bob | 03-23-02, 08:17 AM |
Re: ثــــقافه قانونيـــة | rummana | 03-23-02, 08:44 AM |
Re: ثــــقافه قانونيـــة | قرشـــو | 03-23-02, 08:56 AM |
القانون | Ahlalawad | 03-23-02, 08:59 AM |
Re: القانون | قرشـــو | 03-23-02, 09:01 AM |
قرشو | Ahlalawad | 03-23-02, 09:24 AM |
Re: قرشو | 7abib_alkul | 03-23-02, 09:46 PM |
|
|
|