|
|
 بت سودانية
|
ما اظن الوطن في يوم من الايام
كان بحوجة لبناته ونسائه من اللآن
ومازلنا نحن ..بعيدا جدا
عن كل تلك الهموم..نواصل الهروب
المخزي ..ونلصق بانفسنا
عار الحيرة ..نزج بانفسنا للحياة
من اضيق الامكنة!!!!!!
يا بت يا سودانية
يا اصيلة وطيبة...زي طيبة الارض
زي نيلنا صافية وكلك روقة
اهه...ماجه الزمن البستفزك
من جوه الخندق يداهمك
يهز جواك وطنا
لما تقيفي ..تشوفي الظلم اتحكر
ترفعي صوتك بكلمة حق
تصالحي بلدنا على الحرية
ماالزمن واقف ,راجي قرارك
ياخ..ما تحبي بلدنا,بيطلع خيرها!!
قولي سلام عليك يا نيل
ادينا بشارة
لما نورك يجهر ,يقهر لون الليل
يتحدى ظروفنا..يدينا اشارة
نشوف البكرة الجايي جوة عيونك
اخضر.....
تختي ايدينك فوق ايدي
صوتا يكسر قهر الفات
ويكسر الجايي كتييير
من غيرك و غصبا عنك
ختي ايدينك فوق اييدي
نعدي بعضنا,تبقى الثورة وشاحك
يكون العشق سلاحك
تواصلي ..تغني
غنية حب
كبييرة..كبيرة
للحرية
ويا بلدي يا حبوب
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست