|
Re: mmmm (Re: omar_ragab)
|
عمر حبيبنا كيف حالك و الحي بيك يا لذيذ انتا؟
صور الجن دي رهيبة تخوف لكن قالوا الجن بيخاف من الانسان خوف شديد جدا, انتا عارف بلاد الخواجات دي مليانه جنس جن اسكت ساكت
صاحبي كان ساكن في شقة من شقق تورنتو و كان ساكن معاهو جن , لكن كان جن ظريف جدا بيحب الهزار , باين عليهو ود نفاش الجن المهم زولنا دا , كان عيندو ريحة كدا عاجباهو و ختيها في الدولاب امام عينو و بيستخدما كل يوم عادي و يرجعا في محلها .....اها قام الجن دا اتسلط عليهو و بقي يحول ليك فتيل الريحة من مكانو.... يوم يختو في طربيزة المطبخ و يوم في الحمام و مرة كدا بالغ عديل و ختي فتيل الريحة في المطبخ مع علب البهارات........لا حوله جن عوير خلاص... اصلوا طبعا ما صدقتا كلامو ...فمشيت بنفسي و قضيت معاهو عطلة السبت لكن صاحبن الجن خلي فتيل الريحة و اشتغل في المصلاية شغل عجيب , دساها مننا عديل كدا لمن خلاينها و فرشنا الجرايد نصلي عليها....
الذيذة انو صاحبي دا قال لي لمن اقترحتا عليهو انو نقراء بعض الايات القرآنية عشان نطفشو من الشقة .... تعرف قال لي شنو : مالك عليهو سيبو و الله الزوول دا مونسني شديد خلاص و حا اشتري ليهو ريحتو براهو عشان يريحني مالك عليهو مطفشو خليهو هو اصلو هبشك ؟؟
صاحبي دا اصلو مهبوش فأهلوا بيطلق عليهم المجازيب ...كان سكعتا بيهوم !!!
سلام يا حبيب وهبشك الما ضراك
|
|
|
|
|
|
|
العنوان |
الكاتب |
Date |
real pictures for the gin | omar_ragab | 03-08-02, 07:49 PM |
mmmm | omar_ragab | 03-08-02, 07:54 PM |
mmmm | omar_ragab | 03-08-02, 08:11 PM |
Re: mmmm | eyes of liberty | 03-08-02, 08:57 PM |
Re: mmmm | EXORCIST7 | 03-09-02, 00:23 AM |
Re: mmmm | Rahmoon | 03-09-02, 02:03 AM |
Re: mmmm | manj | 03-09-02, 06:44 AM |
Re: mmmm | EXORCIST7 | 03-09-02, 03:29 PM |
Re: mmmm | قرشـــو | 03-09-02, 07:42 AM |
سلام | مهيد | 03-09-02, 06:40 AM |
Re: سلام | Rahmoon | 03-10-02, 03:27 AM |
Re: سلام | EXORCIST7 | 03-10-02, 09:43 AM |
salam min omar ragab | omar_ragab | 03-11-02, 09:29 PM |
Re: salam min omar ragab | manj | 03-12-02, 06:04 AM |
|
|
|