Post: #1
Title: شهـــر ......عســــلنا
Author: سجيمان
Date: 02-16-2005, 05:40 AM
Parent: #0
عريس جديد وفي شهر العسل...... ركبنا انا وام الخير....ونتبسم ونضحك مع بعضنا بلا سبب..... كل مرة واحد يعاين للتاني ويفتح خشمو مبتسما..... فرحانين....ركبنا الباظات من الخرتوم لي كسلا......ونحن في الباظ برضو شغالين بسمات......وانا اخفف في دمي وانكت لي ام الخير وهي وحات الله خفت عليها وقلت انشاء الله بنت الناس دي ما تموت علي في الدرب من الضحك. الغريبة في نكته حكيتها مرة لي ابوي ونحن قاعدين نتغدا نفض ايدو من الاكل وانا عرفتو داير يدقني وقمت جاري ابوي ساكيني بالحوش ولما ما لحقني جدعني بالمركوب...ومحاربني ما بينضم معاي اسبوع كامل...عشان النكتة باااايخة وتمرض الما بيمرض نفس النكتة ام الخير ضحكت فيها لمن شرقت ودموعا جرت وانا قعدت ادق في ضهرا..واستعجبت... ابوي دا طيب داير يدقني لي شنو؟.. بعدددددين بعد خمسة سنين من العرس سعلت ام الخير.. قالت لي هوي يايابا هوي انا كنت قاعدة ابكي من صحي من المغصة ..........امي قالت لي يا سجيمان ان ما زرت سيدي الحسن اوعك تجي راجع......قلت لها نان يا يمه باقي لك سيدي الحسن ببقى فايق لو؟...هييييييييع.... قالت لي الله يسختك يا المسيخيت من يومك......جنبي في الباظ راجل كبير واظنو زهج من نكتي ومن ضحكنا انا وام الخير... قبل علي وقال لي وهو نازل..... قال لي ضحكك دا حدو قرررررررريب........نزلنا في كسلا....وقضينا ايامنا وبرضو انا اخفف في دمي وانكت ..العروس مسيكينة من تفتح عيونا من النوم اقابلها بي نكتة.. وانا برضو عين مفتحة وعين مغمدة...... وكمان..... اقوم من الصباح... وازحزح في الدولاب في عوضة الفندق... سعلتني ام الخير دا شنو دا؟..... قلت لها انا متعود اشيل حديد كل صباح...وحسي خرمت للحديد وداير اشيل دولاب ناس الفندق ديل.... انتي قايلة عضلاتي دي جايبا بي ساكت؟... ما من شيل الحديد...ووحات الله انا كنت كضاب الشي الوحيد الكنت بشيلو عنقريبي من العوضة للحوش ومن الحوش للعوضة....لكن لازم هي تعرف انها معرسة زول عضلات تبش.... وركبنا الباظ تاني لي بورسودان......وبرضو انا في نكتي وام الخير في ضحكها.....غايتو ان شاء الله ربنا يغفر لي......من العوارة الاتعاورتها علي بنيت الناس دي....... لكن اسوي شنو؟....
رجعنا من بورسودان بالطيارة....... انا وام الخير ......ام الخير اول مرة تركب طيارة...وانا ركبتها مرة واحدة قبال كدي.....اتكيفت وقت لقيت ام الخير ما ركبت طيارة قبال كدي.....وقعدت اتبوبر عليها.....واشرح لها قبال نركب.....
اها كمان كضبت علي ام الخير ..... الله يغفر لي غايتو...... قلت لها انا شاعر.....من زماااااااانك تيه...... علا داسي شعورتي من الناس.....وكان كتبت فيكي القصيدة دي:-
الزرزور المدنقر يشرب من ماسورة الحوش
زكرني الحنيّنة ام شعر سبيبي وما منكوش
ستي وست هواي وست الناس
القُمرية....... الحايمة تقدل في نُص الحوش
|
Post: #2
Title: Re: شهـــر ......عســــلنا
Author: Elawad Eltayeb
Date: 02-16-2005, 05:49 AM
هييع
أبشر لا باكر
|
Post: #6
Title: Re: شهـــر ......عســــلنا
Author: سجيمان
Date: 02-16-2005, 06:28 PM
Parent: #2
عوض الطيب
هييعين
|
Post: #3
Title: Re: شهـــر ......عســــلنا
Author: حمزاوي
Date: 02-16-2005, 06:26 AM
سجيمان ود عم بله
كيفنك يا جنا
انت اتزوجت في القرون الوسطي يا اخوي
زمن
حبيبي اكتب لي وانا اكتيب ليك
الزمن دا يا اخوي
جكيس ساي
وشيء ديجتال
وشيء موبايل
تلاقيني والاقيك
وعند اللقاء . . انا ما عايز اقول الحاجات البتحصل (البورد فيه قوانين)
|
Post: #4
Title: Re: شهـــر ......عســــلنا
Author: زول ساكت
Date: 02-16-2005, 06:53 AM
Parent: #3
| Quote: زكرني الحنيّنة ام شعر سبيبي وما منكوش |
سجيمان
تقصد شنو يعني
|
Post: #13
Title: Re: شهـــر ......عســــلنا
Author: سجيمان
Date: 02-17-2005, 08:58 AM
Parent: #4
اتوكلت علي الله
اقصد شعرا سبيبي وما قرقدي
|
Post: #11
Title: Re: شهـــر ......عســــلنا
Author: سجيمان
Date: 02-17-2005, 03:47 AM
Parent: #3
حمزاوي
Quote: وشيء ديجتال
وشيء موبايل |
موبايل عرفتو....ديجتال دا شنووووووو؟
اوعى يكوون نضم ود الموج صحي
|
Post: #5
Title: Re: شهـــر ......عســــلنا
Author: عمر الفاروق شيخ الدين
Date: 02-16-2005, 08:07 AM
سجيمان يا اخوي :
والله انت اظنك عرست في الزمن البيقولوا فيهو الليلة عازمين العريس والعروس حفلة بارطي!! ويوقمو يمشوا يلملموا الكراسي من الحلة شي احمر وشي مخطط ازرق بي ابيض وشي خشبي وشي ملوون ..
بالله انت من زمن الناس كانت بتمشي شهر العسل كسلا ومدني وبورتسودان والغرب ؟؟؟ والله لكن أم الخير ما عسلت !!! الناس اسة من ماليزيا ولي فوق ..
هييييييييييييييييييييييه دنيا !!!
|
Post: #7
Title: Re: شهـــر ......عســــلنا
Author: Rawia
Date: 02-16-2005, 07:03 PM
Parent: #5
كل سنه وانت وام الخير بالف خير
|
Post: #21
Title: Re: شهـــر ......عســــلنا
Author: سجيمان
Date: 02-18-2005, 09:57 AM
Parent: #7
راوية
| Quote: كل سنه وانت وام الخير بالف خير |
وانتي طيبة يا راوية
|
Post: #19
Title: Re: شهـــر ......عســــلنا
Author: سجيمان
Date: 02-18-2005, 04:36 AM
Parent: #5
عمر الفاروق
Quote: بالله انت من زمن الناس كانت بتمشي شهر العسل كسلا ومدني وبورتسودان والغرب ؟؟؟ والله لكن أم الخير ما عسلت !!! الناس اسة من ماليزيا ولي فوق ..
|
ايوا العسل كان في كسلا.... والناس يودعو العروس ويقعدو يبكو.....كانها ماشة ماليزيا.... انت يا عمر برضك من جيل البارطي؟
|
Post: #8
Title: Re: شهـــر ......عســــلنا
Author: عبود احمد النصيح
Date: 02-16-2005, 07:46 PM
ركز معانا شوية باسيجمان
انت ام الخير لسع في حيبلاتك
والله حصل امر الله
|
Post: #9
Title: Re: شهـــر ......عســــلنا
Author: ابو جهينة
Date: 02-17-2005, 00:01 AM
Parent: #8
عزيزي د. عادل ( سي جي )
شهورك كلها عسل بركة النبي ..
كل مرة واحد يعاين للتاني ويفتح خشمو مبتسما.....
دة طبعا بإعتبار ما سيكون ؟ 
| Quote: بعد خمسة سنين من العرس سعلت ام الخير.. قالت لي هوي يايابا هوي انا كنت قاعدة ابكي من صحي من المغصة |
كان كدة يا دكتور الضحك شرطنا .. يعني القرقرة أيام شهر العسل ديك كلها مغص يا ربي ولا شنو ؟ غايتو بسعل و بجيك صاد .. لوما رجعت أعرف إنو الكعة ماكنة ..
|
Post: #25
Title: Re: شهـــر ......عســــلنا
Author: سجيمان
Date: 02-18-2005, 10:40 PM
Parent: #9
الحبيب ابو جهينة
| Quote: يعني القرقرة أيام شهر العسل ديك كلها مغص يا ربي ولا شنو ؟ |
لا لا يا اخي ما كلها
لكن تسعين في المية
|
Post: #23
Title: Re: شهـــر ......عســــلنا
Author: سجيمان
Date: 02-18-2005, 12:27 PM
Parent: #8
عبود اخمد لنصيح
صاحب المر اخوي
وصاحب اخوك اخوك
| Quote: انت ام الخير لسع في حيبلاتك |
ايوا
وستظل ان شاء الله لحدي ما نموت....دي هي الخير والبركة
|
Post: #24
Title: Re: شهـــر ......عســــلنا
Author: عبود احمد النصيح
Date: 02-18-2005, 08:26 PM
Parent: #23
الله يدوم المعروف
|
Post: #10
Title: Re: شهـــر ......عســــلنا
Author: قرشـــو
Date: 02-17-2005, 01:17 AM
يا دكتور
الله يجازى محنك
 " /> ">
طيب هسع قاعد تحكى لى ام الخير نكت ولا كلام الراجل الكبير الكان جارك فى البص[/B] صدق
|
Post: #26
Title: Re: شهـــر ......عســــلنا
Author: سجيمان
Date: 02-19-2005, 03:49 AM
Parent: #10
قرشو
| Quote: طيب هسع قاعد تحكى لى ام الخير نكت ولا كلام الراجل الكبير الكان جارك فى البص صدق |
بحكي لكن..... ياااااااااالله... حتين تضحك
|
Post: #12
Title: Re: شهـــر ......عســــلنا
Author: Elmosley
Date: 02-17-2005, 04:40 AM
سجيمان صاحبي ام الخير خيرا عميم
|
Post: #14
Title: Re: شهـــر ......عســــلنا
Author: Mohamed A. Salih
Date: 02-17-2005, 09:53 AM
Parent: #12
د. سجيمان
انا معجب جدا بي كتاباتك وتعليقاتك
وعلي الحرام القال الرباطاب مساخ كضب
يعني الواحد يكون عندو sense of humor
اكتر من اللازم يقولو مسيخ
نرجع للموضوع .. حسع ام الخير رايها شنو فى
حكاية كونداليزا?
|
Post: #31
Title: Re: شهـــر ......عســــلنا
Author: سجيمان
Date: 02-19-2005, 01:06 PM
Parent: #14
Mohamed A. Salih
Quote: نرجع للموضوع .. حسع ام الخير رايها شنو فى
حكاية كونداليزا? |
والله با اخي تنقنق
لكن انا قلت ليها المرا دي وقت اعرسا...حتزهج من وزارة الخرجية الامريكية دي....وانا بحاولا..... تديها ليكي....
يا زول تقول نضمي دا شوية برد عليها
|
Post: #30
Title: Re: شهـــر ......عســــلنا
Author: سجيمان
Date: 02-19-2005, 10:06 AM
Parent: #12
الموصلي
| Quote: سجيمان صاحبي ام الخير خيرا عميم |
والله صدقت
وربنا يقدرني علي جزاها
|
Post: #15
Title: Re: شهـــر ......عســــلنا
Author: محمد الامين احمد
Date: 02-17-2005, 10:31 AM
| Quote: ولما ما لحقني جدعني بالمركوب |
سجمان يا حبيبنا اعمل حسابك
قالوا كولن باول قاعد يستفسر عن المراكيب.
و تحت تحت كده سمعت ليك انو كوندليزا رايس
عينت ليها مترجم مخصوص عشان يتابع كتباتك
|
Post: #32
Title: Re: شهـــر ......عســــلنا
Author: سجيمان
Date: 02-20-2005, 01:25 AM
Parent: #15
Quote: قالوا كولن باول قاعد يستفسر عن المراكيب.
و تحت تحت كده سمعت ليك انو كوندليزا رايس
عينت ليها مترجم مخصوص عشان يتابع كتباتك |
مترجم كوندي ساهل.....المشكلة في مراكيب كولن باول
|
Post: #16
Title: Re: شهـــر ......عســــلنا
Author: EMU إيمو
Date: 02-17-2005, 10:44 AM
وبعدين شهر العسل كان كم يوم؟
|
Post: #33
Title: Re: شهـــر ......عســــلنا
Author: سجيمان
Date: 02-20-2005, 03:14 AM
Parent: #16
ايمو
| Quote: وبعدين شهر العسل كان كم يوم؟ |
اسبوع بس
ومرقت اجري ورا المعايش
والجريه الياها لي حسي ما قلت احي يا العافية
|
Post: #17
Title: Re: شهـــر ......عســــلنا
Author: صديق الموج
Date: 02-17-2005, 02:01 PM
[رجعنا من بورسودان بالطيارة....... انا وام الخير QUOTE]
سجيمان نحن فاتحين خشمنا راجين باقى شهر العسل تقوم تقول لينا
رجعنا من بورسودان بالطيارة..غاينو جنس بوامة
|
Post: #35
Title: Re: شهـــر ......عســــلنا
Author: سجيمان
Date: 02-20-2005, 07:34 AM
Parent: #17
صديق الموج
Quote: سجيمان نحن فاتحين خشمنا راجين باقى شهر العسل تقوم تقول لينا
رجعنا من بورسودان بالطيارة..غاينو جنس بوامة |
نخلي معايشنا يا صديق اخوي ونقعد نباري شهر العسل؟
|
Post: #18
Title: Re: شهـــر ......عســــلنا
Author: jini
Date: 02-17-2005, 03:05 PM
| Quote: نزلنا في كسلا....وقضينا ايامنا |
والله نحن التاريخ والجغرافيا اتلخبطوا علينا
الفتوحات الإسلامية دي ما كانت في كسلا كان الغزاة يبمون شطر مصر!ّ
جني
|
Post: #20
Title: Re: شهـــر ......عســــلنا
Author: soma
Date: 02-18-2005, 04:50 AM
Parent: #18
سجيمان لوووووووووووول .. والله دى بالغت فيهاجد..
(ايوا العسل كان في كسلا....
والناس يودعو العروس ويقعدو يبكو.....
كانها ماشة ماليزيا....
انت يا عمر برضك من جيل البارطي؟)
لوووووووووووول .. يعنى الشعور واحد يا حليلا ام الخير والله
ما قلت لى يا سجيمان لما مشيتو كسلا ما غشيتو القضارف ؟
اتلومتو بالحيل ..نحن كنا هناك ..
كنا عملنا ليكم عيزومه كبيره اكبر من حقت العرس زاتها
بس اوعك تقول لى داير اعرس تانى ..
نحن زاتنا رحلنا من القضارف يا حليلا وحليل ناسها
شكرا على الاستراحات الظريفه يا سجيمان ..
|
Post: #37
Title: Re: شهـــر ......عســــلنا
Author: سجيمان
Date: 02-20-2005, 10:03 AM
Parent: #20
سوما
Quote: ما قلت لى يا سجيمان لما مشيتو كسلا ما غشيتو القضارف ؟
|
قربنا نغشاها...علا خفنا نضهب
|
Post: #36
Title: Re: شهـــر ......عســــلنا
Author: سجيمان
Date: 02-20-2005, 08:51 AM
Parent: #18
جني
Quote: الفتوحات الإسلامية دي ما كانت في كسلا كان الغزاة يبمون شطر مصر!ّ
|
جني الجن اليجننك اكتر ما انت مجنن!
|
Post: #22
Title: Re: شهـــر ......عســــلنا
Author: mamkouna
Date: 02-18-2005, 10:55 AM
| Quote: جنبي في الباظ راجل كبير واظنو زهج من نكتي ومن ضحكنا انا وام الخير... قبل علي وقال لي وهو نازل..... قال لي ضحكك دا حدو قرررررررريب....... |
اهااااااااا.......وصلت الحد ده و لا لسه؟؟؟؟؟؟
|
Post: #27
Title: Re: شهـــر ......عســــلنا
Author: saif massad ali
Date: 02-19-2005, 05:03 AM
Parent: #22
سجيمان اللمبة منو الطفاها انت ولا ام الخير
|
Post: #28
Title: Re: شهـــر ......عســــلنا
Author: saifkeli
Date: 02-19-2005, 06:30 AM
Parent: #27
أخوي سجيمان .. سلام مربع
Quote:
قال لي ضحكك دا حدو قرررررررريب........ |
الزول دة مو عارفك .. لا هسع تضحك .. والناس تضحك معاك
انت وأم والخير وكل الذين يمتعم نضمك ..
إن شاء الله ضحكاً دايماً ومعاهو إنبساط كمان
|
Post: #29
Title: Re: شهـــر ......عســــلنا
Author: أيمن حسين فراج
Date: 02-19-2005, 07:17 AM
Parent: #28
والله يا سجيمات أنت عسل هذا البورد
وأنا أقرأ لك باستمرار
محبتي
|
Post: #34
Title: Re: شهـــر ......عســــلنا
Author: Dr. Moiz Bakhiet
Date: 02-20-2005, 03:51 AM
Parent: #29
انت الطراك شهر العسل شنو هسة:
وللا أجيب ليك صورة فلانة الخلت الجماعة يخموا ويصروا ويتسجموا ويترمدوا..
|
Post: #43
Title: Re: شهـــر ......عســــلنا
Author: سجيمان
Date: 02-21-2005, 03:54 AM
Parent: #34
د.معز
Quote: انت الطراك شهر العسل شنو هسة:
|
احتفاءا بعيد الحب
| Quote: وللا أجيب ليك صورة فلانة الخلت الجماعة يخموا ويصروا ويتسجموا ويترمدوا |
برضو جيبا...... شعارنا"مثنى وثلاث ورباع"
|
Post: #41
Title: Re: شهـــر ......عســــلنا
Author: سجيمان
Date: 02-20-2005, 09:43 PM
Parent: #29
ايمن حسين فراج
Quote: والله يا سجيمات أنت عسل هذا البورد
وأنا أقرأ لك باستمرار
|
مما يسرني ويشرفتي..... ان تكون قارئ لما اكتب
|
Post: #40
Title: Re: شهـــر ......عســــلنا
Author: سجيمان
Date: 02-20-2005, 09:21 PM
Parent: #28
سيف كلي
| Quote: الزول دة مو عارفك .. لا هسع تضحك |
والله لو ما الضحك دا؟.....كان زمااااان لحقت افيّ
|
Post: #39
Title: Re: شهـــر ......عســــلنا
Author: سجيمان
Date: 02-20-2005, 09:12 PM
Parent: #27
سيف مساعد
Quote: سجيمان اللمبة منو الطفاها انت ولا ام الخير[/quopte]
الحمد لله..... الكهرباء كانت قاطعة
|
Post: #38
Title: Re: شهـــر ......عســــلنا
Author: سجيمان
Date: 02-20-2005, 11:38 AM
Parent: #22
ممكونة
| Quote: اهااااااااا.......وصلت الحد ده و لا لسه؟؟؟؟؟؟ |
زماااااااااااااااااااان
|
Post: #42
Title: Re: شهـــر ......عســــلنا
Author: السفير
Date: 02-21-2005, 02:30 AM
سلام يا سي جي والله الشوق بحر والرده كتاحه
اها(بدل وبعد)
تتخل ان انا اتمغست من النكته من دون ما اسمعا؟
سلام
مع التحه ل زول عارف روحو
|
Post: #44
Title: Re: شهـــر ......عســــلنا
Author: سجيمان
Date: 02-21-2005, 07:54 AM
Parent: #42
السفير..
ازيك
وبركة الجيتي
Quote: تتخل ان انا اتمغست من النكته من دون ما اسمعا؟
|
يعني لو قلتها ليكي وشفتيني حتفلقيني بالحجارة
|
|
|