|
شهـــر ......عســــلنا
|
عريس جديد وفي شهر العسل...... ركبنا انا وام الخير....ونتبسم ونضحك مع بعضنا بلا سبب..... كل مرة واحد يعاين للتاني ويفتح خشمو مبتسما..... فرحانين....ركبنا الباظات من الخرتوم لي كسلا......ونحن في الباظ برضو شغالين بسمات......وانا اخفف في دمي وانكت لي ام الخير وهي وحات الله خفت عليها وقلت انشاء الله بنت الناس دي ما تموت علي في الدرب من الضحك. الغريبة في نكته حكيتها مرة لي ابوي ونحن قاعدين نتغدا نفض ايدو من الاكل وانا عرفتو داير يدقني وقمت جاري ابوي ساكيني بالحوش ولما ما لحقني جدعني بالمركوب...ومحاربني ما بينضم معاي اسبوع كامل...عشان النكتة باااايخة وتمرض الما بيمرض نفس النكتة ام الخير ضحكت فيها لمن شرقت ودموعا جرت وانا قعدت ادق في ضهرا..واستعجبت... ابوي دا طيب داير يدقني لي شنو؟.. بعدددددين بعد خمسة سنين من العرس سعلت ام الخير.. قالت لي هوي يايابا هوي انا كنت قاعدة ابكي من صحي من المغصة ..........امي قالت لي يا سجيمان ان ما زرت سيدي الحسن اوعك تجي راجع......قلت لها نان يا يمه باقي لك سيدي الحسن ببقى فايق لو؟...هييييييييع.... قالت لي الله يسختك يا المسيخيت من يومك......جنبي في الباظ راجل كبير واظنو زهج من نكتي ومن ضحكنا انا وام الخير... قبل علي وقال لي وهو نازل..... قال لي ضحكك دا حدو قرررررررريب........نزلنا في كسلا....وقضينا ايامنا وبرضو انا اخفف في دمي وانكت ..العروس مسيكينة من تفتح عيونا من النوم اقابلها بي نكتة.. وانا برضو عين مفتحة وعين مغمدة...... وكمان..... اقوم من الصباح... وازحزح في الدولاب في عوضة الفندق... سعلتني ام الخير دا شنو دا؟..... قلت لها انا متعود اشيل حديد كل صباح...وحسي خرمت للحديد وداير اشيل دولاب ناس الفندق ديل.... انتي قايلة عضلاتي دي جايبا بي ساكت؟... ما من شيل الحديد...ووحات الله انا كنت كضاب الشي الوحيد الكنت بشيلو عنقريبي من العوضة للحوش ومن الحوش للعوضة....لكن لازم هي تعرف انها معرسة زول عضلات تبش.... وركبنا الباظ تاني لي بورسودان......وبرضو انا في نكتي وام الخير في ضحكها.....غايتو ان شاء الله ربنا يغفر لي......من العوارة الاتعاورتها علي بنيت الناس دي....... لكن اسوي شنو؟.... رجعنا من بورسودان بالطيارة....... انا وام الخير ......ام الخير اول مرة تركب طيارة...وانا ركبتها مرة واحدة قبال كدي.....اتكيفت وقت لقيت ام الخير ما ركبت طيارة قبال كدي.....وقعدت اتبوبر عليها.....واشرح لها قبال نركب..... اها كمان كضبت علي ام الخير ..... الله يغفر لي غايتو...... قلت لها انا شاعر.....من زماااااااانك تيه...... علا داسي شعورتي من الناس.....وكان كتبت فيكي القصيدة دي:-
الزرزور المدنقر يشرب من ماسورة الحوش
زكرني الحنيّنة ام شعر سبيبي وما منكوش
ستي وست هواي وست الناس
القُمرية....... الحايمة تقدل في نُص الحوش
|
|
|
|
|
|
|
العنوان |
الكاتب |
Date |
شهـــر ......عســــلنا | سجيمان | 02-16-05, 05:40 AM |
Re: شهـــر ......عســــلنا | Elawad Eltayeb | 02-16-05, 05:49 AM |
Re: شهـــر ......عســــلنا | سجيمان | 02-16-05, 06:28 PM |
Re: شهـــر ......عســــلنا | حمزاوي | 02-16-05, 06:26 AM |
Re: شهـــر ......عســــلنا | زول ساكت | 02-16-05, 06:53 AM |
Re: شهـــر ......عســــلنا | سجيمان | 02-17-05, 08:58 AM |
Re: شهـــر ......عســــلنا | سجيمان | 02-17-05, 03:47 AM |
Re: شهـــر ......عســــلنا | عمر الفاروق شيخ الدين | 02-16-05, 08:07 AM |
Re: شهـــر ......عســــلنا | Rawia | 02-16-05, 07:03 PM |
Re: شهـــر ......عســــلنا | سجيمان | 02-18-05, 09:57 AM |
Re: شهـــر ......عســــلنا | سجيمان | 02-18-05, 04:36 AM |
Re: شهـــر ......عســــلنا | عبود احمد النصيح | 02-16-05, 07:46 PM |
Re: شهـــر ......عســــلنا | ابو جهينة | 02-17-05, 00:01 AM |
Re: شهـــر ......عســــلنا | سجيمان | 02-18-05, 10:40 PM |
Re: شهـــر ......عســــلنا | سجيمان | 02-18-05, 12:27 PM |
Re: شهـــر ......عســــلنا | عبود احمد النصيح | 02-18-05, 08:26 PM |
Re: شهـــر ......عســــلنا | قرشـــو | 02-17-05, 01:17 AM |
Re: شهـــر ......عســــلنا | سجيمان | 02-19-05, 03:49 AM |
Re: شهـــر ......عســــلنا | Elmosley | 02-17-05, 04:40 AM |
Re: شهـــر ......عســــلنا | Mohamed A. Salih | 02-17-05, 09:53 AM |
Re: شهـــر ......عســــلنا | سجيمان | 02-19-05, 01:06 PM |
Re: شهـــر ......عســــلنا | سجيمان | 02-19-05, 10:06 AM |
Re: شهـــر ......عســــلنا | محمد الامين احمد | 02-17-05, 10:31 AM |
Re: شهـــر ......عســــلنا | سجيمان | 02-20-05, 01:25 AM |
Re: شهـــر ......عســــلنا | EMU إيمو | 02-17-05, 10:44 AM |
Re: شهـــر ......عســــلنا | سجيمان | 02-20-05, 03:14 AM |
Re: شهـــر ......عســــلنا | صديق الموج | 02-17-05, 02:01 PM |
Re: شهـــر ......عســــلنا | سجيمان | 02-20-05, 07:34 AM |
Re: شهـــر ......عســــلنا | jini | 02-17-05, 03:05 PM |
Re: شهـــر ......عســــلنا | soma | 02-18-05, 04:50 AM |
Re: شهـــر ......عســــلنا | سجيمان | 02-20-05, 10:03 AM |
Re: شهـــر ......عســــلنا | سجيمان | 02-20-05, 08:51 AM |
Re: شهـــر ......عســــلنا | mamkouna | 02-18-05, 10:55 AM |
Re: شهـــر ......عســــلنا | saif massad ali | 02-19-05, 05:03 AM |
Re: شهـــر ......عســــلنا | saifkeli | 02-19-05, 06:30 AM |
Re: شهـــر ......عســــلنا | أيمن حسين فراج | 02-19-05, 07:17 AM |
Re: شهـــر ......عســــلنا | Dr. Moiz Bakhiet | 02-20-05, 03:51 AM |
Re: شهـــر ......عســــلنا | سجيمان | 02-21-05, 03:54 AM |
Re: شهـــر ......عســــلنا | سجيمان | 02-20-05, 09:43 PM |
Re: شهـــر ......عســــلنا | سجيمان | 02-20-05, 09:21 PM |
Re: شهـــر ......عســــلنا | سجيمان | 02-20-05, 09:12 PM |
Re: شهـــر ......عســــلنا | سجيمان | 02-20-05, 11:38 AM |
Re: شهـــر ......عســــلنا | السفير | 02-21-05, 02:30 AM |
Re: شهـــر ......عســــلنا | سجيمان | 02-21-05, 07:54 AM |
|
|
|