الحقيقه حول نهب و سرقات المنازل .. *هل يمكنك العودة إلى الخرطوم الآن؟*

12:17 PM October, 06 2023

سودانيز اون لاين
يحي قباني-فى الدنيا العجيبة
مكتبتى
رابط مختصر

بدون زعل
دعوة لاعادة التفكير فى المكاسب و الامتيازات الاجتماعية و دولة العدالة . و لماذا التغيير لابد ان يكون جذري .
الحقيقه حول نهب و سرقات المنازل .
*هل يمكنك العودة إلى الخرطوم الآن؟*
عبد الحفيظ مريود

صديقنا وحبيبنا عماد الباشا رباطابى/ عبابسى من قرية "ندى".. لكنه أدروب كامل الدسم وذلك لأنه تربى فى مدينة "جبيت"، وعاش حياة البداوة البجاوية. يعرف لغة البداويت، بل يعتبر حجة فيها وفى كل ما يتعلق بالشرق. عماد الباشا فراعى.. خريج جامعة القاهرة فرع الخرطوم، ثمانينات القرن الماضى. وأحد شهود العيان على موت "الشهيدين" بلل والأقرع، شهيدى أحداث الفرع، واللذين يتهم الاسلاميون ياسر عرمان بقتلهما.. عماد الباشا فى مرة من المرات - بعد رواج قصة أن ياسر عرمان مجرم - كان يتحدث إلى شباب اسلاميين فى محفل خاص.. سرد روايته.. القصة التى كان حاضرا تفاصيلها ويعرف من قتل "الشهيدين".. حين فرغ من المحفل، تلقى توبيخات تنظيمية وأوامر واضحة بعدم "ذكر ما جرى"، أبدا.. كما سمى جمال الغيطانى إحدى رواياته. التنظيم قال إن من قتلهما هو ياسر عرمان، إذن هو ياسر عرمان... شايف كيف؟ عماد الباشا مقيم فى مدينة شندى، الآن.. لطيف، حلو المعشر، صافى القلب، كالأطفال.. يمكن لأى أحد أن يتحقق من ذلك.. تنطمر الحقائق فى رمال تتكاثب، فيصبح الحصول عليها ضربا من المستحيل. ينكتب التأريخ وفقا للرواية السائدة.. ولأن السودانيين يحبون الترطيب وينفرون من التعب، فلن يقدم أحدهم على التحقق من شيء.. تسمع الحكاية، تزيد عليها من عندك، وتصدرها للآخرين. شايف كيف؟ عماد الباشا عام ١٩٨٨م، جاءه صديق صحافى وكاتب سعودى، اسمه محمد الصفار. الصفار فى زيارته للسودان، كان مصرا بعد أن تفرج على الخرطوم الراقية، أن يزور المناطق البسيطة الفقيرة.. فنظم له عماد الباشا وأصدقاؤه زيارات لهوامش الخرطوم.. بعد الزيارات قدم ملاحظة دقيقة (سيجرى عليكم ما جرى فى زنجبار، إذا لم تتداركوا الفوارق الهائلة هذه). لم يهتم أحد - بالطبع - لملاحظته.. الجميع لا يعرف السودانيين.. ذلك أننا شعب طيب، متسامح، صبور، متدين، يقدم قيمه ومبادئه على كل شيء... وليس هناك من "فوارق" فى مجتمعنا.. هل ننتظر واحدا سعوديا - كمان - ليقول لنا كيف نتعامل مع مجتمعاتنا؟ كيف ندير اختلافاتنا وفوارقنا الطبقية؟ شايف؟ يستحضر عماد الباشا ملاحظات صديقه السعودى كلها، عام ١٩٨٨م، فيما نتحادث محادثات طويلة، بداية الحرب.. يتصل بى من شندى قلقا، متسائلا بذكاء مكين... بقلب حريص على العدل (يا مريود نحنا ممكن نكون فرطنا بشدة فى العدالة الاجتماعية.. لكن بفتكر إنو ممكن نلحق الحاجات الباقية... لأنو النسيج الاجتماعى عندنا لسه فيهو أمل).. ستزعل - أنت تحديدا - من السودانيين "الآخرين" الذين استباحوا الخرطوم. سرقوا سيارتك/سياراتك.. كسروا الخزائن، أخذوا الدهب، الشاشات، اللابتوبات... هذا سلوك لا يشبهنا.. وتزعل أكثر حين يخبرك أحدهم أن الستائر المعلقة، السجادات، أدوات تجميل زوجتك، الملابس، الملايات.. كلها ذهبت إلى الأسواق.. هذا طبعا بعد الثلاجة، الانابيب، الفرن، المايكرويف، وجميع عدة المطبخ واطقم الأشياء النسائية الجميلة. ولأنهم فعلوا ذلك، فهم ليسوا "سودانيين".. لا يشبهوننا... لكن الذين ما يزالون فى الخرطوم، سيحدثونك عن أطياف هؤلاء (الذين لا يشبهوننا).. ستكتشف أن كثيرين جدا ممن تعرفهم ضالعين فى "سرقة ممتلكاتك"، والتى لم تعد "تملكها"، كأنما لا يعرفونك... شايف كيف؟ السرقة خشوم بيوت... يمكن للدعامة أو مستنفريهم أن يكسروا البيت.. بإرشادات من بعض شباب الحى، الأحياء المجاورة.. بأن هناك سيارة، بوكسى، أكثر من سيارة.. والمرشد - الذى هو من ناس الحلة - سيكون قد قبض ثمن "المعلومة".. فى الدخلة هذه، ستفقد سيارتك، دهب زوجتك، دولاراتك أو العملات الأخرى الموجودة.. بقية "حاجاتك" ستفقدها لأن الآخرين هم سيتولون الباقى... و"الآخرون" هذه مفتوحة على عوالم كثيرة لم تكن فى حساباتك.. سيخبرك من بقى من المواطنين فى الخرطوم أن هناك أحياء بكاملها، ستصحو صباحا وتتوجه إلى أحياء أخرى لتنظفها من كل شيء.. الأم، الأب، الأبناء والبنات... كل شخص فى المنزل سيخرج صباحا ليأخذ "حقه" من بيتك، عمارتك، دكانك، مخازنك، شركاتك، وكل ما "تملك"... فى المناطق التى تقع تحت سيطرة الجيش، على قلتها، سيخبرك من لا يزال مرابطا فى الخرطوم، أن الجيش السودانى بنفسه يقوم بكسر بيتك وأخذ ممتلكاتك وبيعها... بعضكم لن يصدق أن (الحارس مالنا ودمنا) يكسر بيوتنا ويسرقنا.. وهو جزء من (العمى القومى).. ذلك أن الجيش السودانى كان يفعل ذلك وأكثر، فى مناطق الحروبات.. لكن ناس الخرطوم لا يعرفون. لكنهم يعرفون أن الشرطة السودانية - أفرادا وضباطا - يفعلون كل شيء مشين: رشاوي، نهب، سرقة، تنسيق مع اللصوص، ضرب متهمين حتى الموت، أحيانا.. تلفيق اتهامات لك وحبسك ومحاكمتك، ضرب متظاهرين سلميين، كل شيء، تقريبا... فما الذى يدفعك لتصدق أن الشرطة تفعل ذلك، فيما لا يفعل الجيش والدعم السريع أفعالا مشينة (لا تشبهنا).. حسنا... هل تعتقد أن الذى نهبك شخصا لا تعرفه ولا يعرفك؟ الاختلالات الاجتماعية، الناشئة عن انعدام العدالة فى التعليم، البيئة، الفرص، هى جزء من (العمى القومى).. ستسخر - على الوسائط - لأن هناك أميين، لا يعرفون القراءة والكتابة فى السودان.. لكنك لن تتوقف للحظة لتتساءل: لماذا لا يزال هناك أميون؟ لماذا لا يزال هناك أناس لا يعرفون الكهرباء ولا الأدوات الكهربائية؟ لماذا لا يزال هناك أناس لا يملكون بيوتا، سيارات، حسابات بنكية؟ ستواصل سخريتك - بالطبع - دون أن تشغل بالك بالآتى: هل ستستمر الأوضاع هذه، فى الاجيال القادمة؟ هل سيتم توريث الفقر، الجهل، انعدام الفرص للأجيال القادمة، فيما يتم توريث نقيضه فى الجانب الآخر؟ شايف؟ لقد تم نهبك - سيدى/ سيدتى - من قبل الذين لم يحضروا إلى تفكيرك.. الذين هم خارج النظام (السيستم)، الذى تم تصميمه، وليس ثمة من طريقة لاصلاحه، لأن إصلاحه سيكلفك أشياء لا تحب أن تفقدها.. ينبغى أن يظل كل شيء، وكل أحد فى مكانه (الطبيعى). شايف كيف؟ تأخر الانفجار، جاء فى ظروف غير ملائمة، لبعضهم. ستدخلك حيرة، غضب، غبن، رغبة فى انقضاء الكابوس، رغبة فى الانتقام، ربما، تدابير وإجراءات قادمة، كى لا يتكرر ذلك لك أو لأولادك واحفادك.. وذلك طبيعى.. لكن يتوجب أن تطور التفكير فى القادم على أسس معالجة جذور الظاهرة/الانفجار. لن يسعفك الارتكاز على (العمى القومى).. العمى القومى قد يخدعك: الجيش، أبطال هيئة العمليات، البراء بن مالك ومسيلمة وإبن سلول سينظفون الخرطوم والسودان عامة من الجنجويد.. سنسترد ممتلكاتنا المنهوبة.. سنقدم من بقى من الجنجويد على قيد الحياة للمحاكمة.. أو نقطعهم إربا بسكين البصل.. وذلك لأن هناك آلة تضخ باستمرار، فيما أنت نازح فى شندى، عطبرة، كوستى، مدنى، بورتسودان، كسلا.... الخ.. أو أنت لاجئ فى مصر، تشاد، إثيوبيا، ارتيريا بأن (الجيش يمشط المنطقة الفلانية أو يدمر ٦٥ تاتشر دعم سريع ويقتل ٣٥٠ منهم) أو (العمل الخاص يذبح ٢٧ متمردا فى جبرة، حى النصر، المنشية)... ستنتفخ... وتتلمظ... (دا ما جيش بداوس).. وربما تحدثك نفسك أن تؤلف قصيدة فى مدح الجيش.. لكن سيصدمك شخص مقيم فى الخرطوم بأن ذلك كله (طلس).. وأن لا شيء على الأرض. عليك أن تعيد ترتيب ذهنك... كيف ترجع إلى الخرطوم؟ وحين ترجع كيف تبنى بلدا محترما، حكومة مسؤولة، مؤسسات قومية من جيش، شرطة، أمن وكل شيء.. ذلك هو ما يضمن أن "ممتلكاتك" لن تنهب فى الحرب القادمة، ولا ممتلكات أبنائك وأحفادك.. شايف كيف؟

يا ريت الناس تقرأ المقال ده بعقلية مفتوحة و صدر رحب

لانو لو كلنا فهمنا الكلام ده ممكن نبدا من هنا لاعادة بناء السودان

يا ريت تعرف يا مواطن .. صليحك من عدوك ..

كتب احد الاصدقاء معقبا على المقل اعلاه:
ــــــــــــــــــــــــــــــــــــــــــــــــــــــــــــ
فعلا السودان عايز فرمته
يمكن الحرب دي يكون بعدها خير اذا تبقي الجزء البسيط الممكن يعمل فرق
لكن الغالبية اصبحت مسخ للانسان السوداني للاسف

ـــــــــــــــــــــــــــــــــــــــــــــــــــــــــــ

تحياتي يا باشمهندس
حاسألك سؤال اتمنى ان تقرأه بفهم
عمرك سمعت وعلى مدى عمرك ان احد افراد الجيش دخل بيت احد المواطنين
روع الآمنين .. اغتصب.. فتح الخزائن سرق ونهب؟

Quote: حياتي يا باشمهندس حاسألك سؤال اتمنى ان تقرأه بفهم عمرك سمعت وعلى مدى عمرك ان احد افراد الجيش دخل بيت احد المواطنين روع الآمنين .. اغتصب.. فتح الخزائن سرق ونهب؟

سلام يا فنان
سوالك ده بيدل على انك بعيد جدا من ان نصل لحتة نقاش عملي
انت لساك بتقول جيش !؟؟؟

عليك الله عيد قراءة المقال بعقلية حيادية و نشوف ..

عجبا، احمد يس امبس!!!!
ومن اشعل محارق الابادة للملايين ان لم تكن مليشيا جلابتك هذه ياابوحميد؟

منو تحت الطربيزة وو"فغن" للكتاب والسنة مكوش علي 80% من اقتصادك؟

اذا الجنجويد تخصصم نهب واغتصاب، فمن صنع الجنجويد؟

مش ياهو ذات مليشيا دويلة الجلابة المنفردة بالسلطة من 56م تاريخ "استغلال" دويلة الجلابة؟

ياريت، ياريت تعو الدرس ياعزيزي ياريت باجلابة، ياريت!!!

نعم عقليتنا دي هي سبب كل الشايفنو أو عايشنو الان واللحظة، بل منذ تسعينات القرن ال١٩م!!!

نعم نحنو، سبب/اداة دمار السودان الجاري، اعترف كجلابي!!

دعكم من فريع لي مليشيا دويلة الجلابة اي الجنجويد خريج كلية مليشيا الجلابة:
ماذا عن ممارسات الدويلة ذات نفسها الخاصة حصريا بأمثال احمد ياسين وبشاشا؟
اشمعنا احمد يسين ماشايف ده، ولكن شايف كل شيء سوو أو بسوو فيهو الجنجويد، ولكن ليس جلابتو!!!
هل ده صدفة؟؟
عيب الشوم يا "احمس" اخوي تفكر بالطريقة دي!!!

الفردة قباني،
اول الغيث قطرة!!!
رغم انف الالم كماغيري ولكني بالقلب متفائل أو بالعقل مرعوب!!
البحصل ده ولادة قيصرية، نعم غسيل بالنار للجوانا مركوز كنتيجة لقرون العبودية... أو ماتنسي طبقا للتقويم الكوشي موعدنا في 2060م!!!

Quote: عمرك سمعت وعلى مدى عمرك ان احد افراد الجيش دخل بيت احد المواطنين روع الآمنين .. اغتصب.. فتح الخزائن سرق ونهب؟

سلام باشمهندس قبانى و احمد ياسين و بشاشا,
نعم بحكم انى خارج السودان, اقول سمعت و لم ارى و لكن من افراد مقربين داخل الاسرة شافوها بعيونهم.

ثانيا, كنت في زيارة ل مدينة جوبا في زمن ما و قد زارنا احد الضباط قريب زميل لنا. كان ذلك بعد محاولة الحركة الشعبية دخول مدينة جوبا في عام 1992 و الحكى كان عن احدى الاحياء التى منها انطلقت المجموعة التى هاجمت قيادة الجيش. حسب الحكى انو الحى اتمسح تماما و لا حتى جدادة ما طلعت منها. يعنى كان مجموعة دبابات تحركت جانبا الى جانب و خلفهم جنود مشاة لو الدبابة ما داست الجدادة المشاه بالرشاشات قامو بالواجب.
طبعا نحن شفنا اثار ما تبقى من الحى.

بالنسبة للقطاطى يتم حرقها و الابار يتم ردمها حتى يتم تهجير سكانها لكى لا يقدمو مساعدات للمتمردين.

Quote: الفردة قباني، اول الغيث قطرة!!! رغم انف الالم كماغيري ولكني بالقلب متفائل أو بالعقل مرعوب!! البحصل ده ولادة قيصرية، نعم غسيل بالنار للجوانا مركوز كنتيجة لقرون العبودية... أو ماتنسي طبقا للتقويم الكوشي موعدنا في 2060م!!!

كمال يا فردة الزمن الذي مضى ..
اما انا فبالعقل و القلب مرعوب ..
لما القى انسان كمثل صديقي احمد ياسين يكون (هكذا) ظنه و تفكيره فكيف لي ان اتفاءل يا صديقي؟
المشوار طويل طويل طويل .. و الحاصل ده لو ما علم الانسان السوداني
الا بعد ده رب العالمين ينزل جنود من عنده كل واحد شايل بسطونة و يجلدونا واحد واحد !!!

تحياتي يا قباني
والزملاء الأعزاء الحاضرين

بعيد عن تفاضل وتمايز وتكامل اطراف الاقتتال

انا شخصيا كنت بقول للناس ومن بداية المأساة دي

انه العقل والمنطق والحاجة والحوجة
كل بقول انه الشي الحصل ده كان لازم يحصل
يمكن استنادا علي مقولة آخر العلاج الكي

وحتى لو بقى حرق شديد ومؤلم وقاتل مش كي وخلاص
شريطة يكون هو هو العلاج
او يمكن كمان تفاؤل يستصحب معاه المقولة الماثورة التانية البتقول
رب ضارة نافعة

بلدنا يا قباني مأزومة بالجد والله
ومليانة بالاورام شديدة الخبث والخطورة

ومحتاجة شغل جراحي كتير وصعب

واول جراحة لازم تكون في العقول والارواح

نحن قنعنا من خيرا فيها

الأمل والتمني دا عايزنه يتحقق ل وليداتنا وبنياتنا
في الاجيال الجاية

بمناسبة حقيقة النهب والسرقات

بيتي في امدرمان اتسرق كله والله
وضاع جهد وتعب وشقاء وغربة ٣٠ سنة
كل شي واي شي اتسرق وضاع

بس الحمد لله الحيطان والابواب والشجر لسه موجودين ما اتسرقو

Quote: سلام باشمهندس قبانى و احمد ياسين و بشاشا, نعم بحكم انى خارج السودان, اقول سمعت و لم ارى و لكن من افراد مقربين داخل الاسرة شافوها بعيونهم.

محجوب يا حبيب ..

هناك انفصال تام بين اهل الوسط و الشمال عن بقية البلاد .. الناس فهمها محصور انه الدنيا كلها هي الخرطوم و الشمالية و الما بنضم زيهم ما سوداني ..

مشكلتنا الحقيقية هي ( الانسان السوداني ) ..

Quote: بالنسبة للقطاطى يتم حرقها و الابار يتم ردمها حتى يتم تهجير سكانها لكى لا يقدمو مساعدات للمتمردين.

تعرف يا محجوب منذ الازل .. اهل الشمال القابضين على السلطة (دائما) .. سموا اهل الجنوب ( المتمردين) .. و سمو اهل دارفور المليشيات المتمرده و التشاديين الخ ..
و كانهم من بلاد اخرى غير السودان ..

مشوارنا طوييييييل يا صاحبي ..

الأخ الكريم ليس بالضرورة ان كلمة متمرد تعني الاجنبي
اما عن الجنوب
فحق لاهل الشمال ان يسموا الحركة التي اندلعت في ١٩٥٥ بالتمرد
وقتها لم تكن لحكومة الشمال اسنان فقد ولدت للتو
حتى ان الاستعمار لم يخرج بعد رسميا
وقتها ( تمردت) وحدة عسكرية قوامها ابناء الجنوب وقاموا بذبح وقتل ابناء الشمال من زملاءهم العسكريين
ولم يكتفوا بذلك بل طال القتل المدنيين من ابناء الشمال
وكان من ضمن القتلى نساء و أطفال

وقتها لم يخرج السودان من رحم الاستعمار
ولم يتبين اهل الجنوب ماذا ستفعل بهم حكومة الشمال

فهل لا يشفع لك ذلك إطلاق اسم ( تمرد) على هذا الفصيل الجنوبي؟!!!

سلام قباني والجميع
وشكرا على جلب المقال

نعم طريقنا طويل لكن ما عندنا خيار غير أن نمشيهو.

يا حليل الجمهوريين القالوا في كتابهم : "ساووا السودانيين في الفقر إلى أن يتساووا في الغنى"

Quote: إن المقترحات الثورية التى يحملها هذا الكتاب إنما قصد بها المعالجة المرحلية لواقع معاش، والاّ فإن العلاج الجذرى للمشاكل الإقتصادية، إنما يقوم بنيانه على الإشتراكية.. ولكن من المعلوم أن التطبيق الإشتراكى لا يقوم فى فراغ، وإنما هو يأخذ فى إعتباره الواقع الإقتصادى المعاش، فيرتفع بـه، ويتخذ حياله الخطوات العملية التى تطامن من سلبياته، وتجعله ممهدا للتغيير، وللتطبيق الإشتراكى الذى يحتاج، أول ما يحتاج، الى وضع أولويات تأميم وسائل الإنتاج، كما يحتاج الى وضع الضوابط التى تؤمن مساره، وتجنبه مخاطر الإنتكاس.. وفوق كل ذلك، فإن النهج الإشتراكى، ليكون واقعيا، وعمليا، إنما يحتاج، أشد الحاجة، الى التربية الفردية والإجتماعية.. وتفصيل هذا الأمر وارد فى كتبنا الأساسية مثل (الرسالة الثانية من الاسلام) لمن يريد الرجوع اليها من القراء الكرام.. إننا نعلم أن معالجتنا التى نسهم بها فى هذا الكتاب إنما تجرى لنظام إقتصاد رأسمالى، أردنا أن نطامن من غلوائه، وأن نجعله معبرا نحو الحل الأساسى لمصاعب الحياة الإقتصادية والإجتماعية، ذلك الحل الذى يقوم على نهج متكامل ذى ثلاث شعب: المساواة السياسية، المساوة الإقتصادية، والمساواة الاجتماعية..

Quote: إن الأزمة الحاضرة ليست ناشئة، فى حقيقتها، من ضيق مواردنا القومية، ولا هى ناشئة كذلك، من ضيق فى حصيلتنا من المواد التموينية، بقدر ما هى ناشئة من قصور فى أخلاق الأفراد، وضمور فى حسهم الوطنى.. إن أزمتنا هى فى كلمتين: أزمة أخلاق.. وإننا لعلى يقين بأنه لن يستقيم لنا أمر من أمورنا السياسية، ولا الإقتصادية، ما لم نجد العلاج الشافي لهذه الأزمة الأخلاقية.. ولا يظننّ أحد أن أزمة الأخلاق هى أزمة الشعب السودانى وحده، كلاّ!! وإنما هى أزمة عالمية يتداعى من جرائها الموقف العالمي نحو هاوية سحيقة، لا منجاة للإنسانية منها الاّ بثورة فى الفكر، وثورة فى الأخلاق، تضع للناس موازين القيم الصحائح فى مواضعها، وتخط لهم طريق الخلاص..

وسارت الأمور إلى أن صدر منشور "هذا أو الطوفان" يدعون فيه إلى إلغاء قوانين سبتمبر التي جاءت بقطع أطراف السارقين الفقراء في زمن انتشرت فيه مجاعة في السودان.. وبدلا من تكريم الأستاذ محمود أقام له رأس النظام، النميري، بدفع من الإسلاميين ومن ورائهم السعودية تلك المحكمة الصورية وعلقوه على حبل المشنقة. وحشدوا الشعب السوداني المسكين ليشهد مقتله.


و "حدثني عن أخبار الشيخ الباسم في وجه الشنّاق"
قصيدة الشاعر العوض مصطفى أداء الفنان الدكتور ياسر مبيوع:

Quote: وابتسم راضيا للأستاذ العوض مصطفى الموقف أكبر من شعري الحزن الرابض في صدري و الغافل من بالذكر أفاق من قبل العاشرة المعلومة أشعل ذكرا في الأفاق يملؤني فخرا هذا الشامخ يفتح دربا للإطلاق إن ما إشتاق لهذا الصابر في البأساء فلا أشتاق المؤمن بالشعب العملاق الباذل للروح الغالي و المطلق من قيد الإشفاق يكفيني أني عشت زمانا كان له طعم و مذاق يكفيني أني كنت جليسك رغم شعور الإبن العاق فيا من كان بحضرته و الفكر به قيد و وثاق حدثني عن أخبار الشيخ الباسم في وجه الشناق هل كنت تشاهد أن الصبر علي البلواء له حذاق اليتم المر العيش الذل ، الخارج من جوف الإملاق الشعب له هذا الإخفاق السيف، السوط، الظلم له الويل له إن ما ينساق يا يوما يكشف فيه الساق و يجف لسان الظلم غدا من بهتة ذاك الأمر الشاق الرب له فينا ميثاق المكر السيء كم لله بأهل المكر السيء حاق فسلام يا كنز الأفراح و يا علم الحق الخفاق إن كنت رحلت فداء القوم فإني مشتاق مشتاق

ما قاله الاستاذ يا دكتور
هو المختصر المفيد لمشكلة ومعضلة انسان السودان والسودان
ولن تقوم لنا قائمة الا ببناء انسان خال من هذه العلة الاخلاقية

Quote: إن أزمتنا هى فى كلمتين: أزمة أخلاق.. وإننا لعلى يقين بأنه لن يستقيم لنا أمر من أمورنا السياسية، ولا الإقتصادية، ما لم نجد العلاج الشافي لهذه الأزمة الأخلاقية.

تحياتي يا قبقب
دائما تثير اوجاعنا
كأننا بلا وجع مقيم

سلام يا أخي الكنزي
الحمد لله على ظهورك في المنبر. وأرجو أن تكون أنت وأسرتك الكريمة وجميع من تحب على خير وبخير.

الحقيقة وباختصار اهل الخرطوم عاشوا معاناة اهل مناطق السودان الاخرى وبالذات دارفور والنوبة والنيل الأزرق على يد "القوات النظامية" والميليشيات، درس قاسي لكن لعل وعسى ينور بصيرة كل السودانيين حول "السودان"

اسهل شىء الكلام والتنظير.... بطبيعتتا نحن السودانيين... كلام×كلام
والمحصلة النهائية تساوي كم؟ خراب ودمار واغتصاب وتشرد ولاجئين
الشىء البجمعكم انكم في امريكا الشمالية
منو فيكم اقتحموا بيته و قتله اهله؟ منو فيكم اهانوهوا ومسحوا بى كرامته الارض ؟
في زول فيكم عاش الحرب دي؟
حريقة في الجيش وفي عبود ونميري والميرغني الكبير والصغير والمهدي والتعايشي
وفي بابكر عوض الله وفي القطينة الجاي منها.. وقبلهم حريقة في الترابي وفي دقلو
وفي اي مسؤل اتخرج من جامعة الخرطوم ومسك منصب.
انسونا شوية من نظريات الفلسفة الاغريقية دي.... ارحموا من مات ومن تشرد ومن اغتصبت
ومن مات سحقا وحرقا ومثقوباةبالرصاص وذبحا ونقص للدواء
انتوا قاعدين وين يا سادة؟

Quote: منو فيكم اقتحموا بيته و قتله اهله؟ منو فيكم اهانوهوا ومسحوا بى كرامته الارض ؟ في زول فيكم عاش الحرب دي؟

عيب الشوم يا اهمد امبس!!!

ده كلام شنو ياخي؟

يعني علنا بتقول الملايين الابيدو او شردو، من 1955م ما اهلك، وانتا قاعد جوا، او مش زينا في الضفة الاخري من المحيط؟

عشان كده، ياداااااب، حسيت بالحاصل من اهانة هي بطول وعرض 3/4 قرن، نعم من 1955م؟

والا قول لينا غضب ضجر كهذا، العمر ده كلو كان وين، لا لولا انو فعلا لا قول، ده جلدن ماجلدك، مش؟

معليش، للاسف او مادون ماتقصد، اي كلمة منك، بفضح الجواك!

اخ دكتور ياسر
شكرا للمشاعر الانسانية الاخوية تجاهي واسرتي وانت تقول:

Quote: سلام يا أخي الكنزي الحمد لله على ظهورك في المنبر. وأرجو أن تكون أنت وأسرتك الكريمة وجميع من تحب على خير وبخير.

ظهوري في المنبر نتج عن تواجدي في سنار للتواصل الاسري (جينا نحضر زواج احد اقاربنا)
وستغيب شمس ظهورنا متى عدنا لريفنا المنسي من كل شئ
لك ودي

مساء الخير
يا صفوة هذا مقال مشرط عمليات
لكن المشكلة الكبيرة انه طالما هناك أخوان متأسلمين
تجار دين سفلة فسقة فسدة فالعمليات الجراحية التى
أشار اليها المقال ستحتاج لزمن ليس بالقصير حتى
تندمل جراحها ويعود جسد الوطن معافي
وليس فقط الأخوان المتاسلمين بل مثلا زي أخونا
أحمد يسن الفوق دا مع كل احترامي وتقديري له
لكنه عاطفي أكثر مما ينبغي والدليل سؤاله (سمعت
ليك جياشي نهب) وهو سؤال للأسف عاطفيا جدا
جدا لأنه لو لم يسمع بأن جياشي نهب فهو بالتأكيد
لا يجهل بل يتجاهل أن بين صفوف الدعم السريع
جياشة تم انتدابهم في عهد النظام المقبور أو انتسبوا
بمحض ارادتهم لهذه القوات وبالتالي فلا يستقيم
أبدا سؤاله الإستنكاري ( سمعت ليك جياشي نهب)
هذا بافتراض أن العساكر الذين يقاتلون الآن في الخرطوم
هم ملائكة منزهون لدرجة أنهم اذا وجدوا كنزا من
الدهب أمامهم فلن تمتد له اياديهم
وهذا ليس اتهام لعساكر الجيش فهم أبرياء حتى تثبت
ادانتهم بالفعل لكن على أحمد يسن ومثله كثر النظر للامور
قياسا على هذا الفهم وحتما سيجد أن سؤاله لا يخلو من خطل
امثال أحمد يسن يحفرون تحت ارجلهم ولا يدرون .
................
يا أحمد يسن أنت بتقول في شنو ياخ ؟؟؟؟
مبالغة
بالجد

Quote: بلدنا يا قباني مأزومة بالجد والله ومليانة بالاورام شديدة الخبث والخطورة ومحتاجة شغل جراحي كتير وصعب واول جراحة لازم تكون في العقول والارواح

ابا ذر يا شاعر ..

بلدنا ما مأزومة .. المأزوم الانسان السوداني و عقليته العنصرية الصدئة ..

السودانيين محتاجين كل زول يفرمت رقبته بي رقبته .. و يضرب نفسو عشرين كف .. و يقول السودان ما بس الشماليه .. و السودانيين ما بس الجلابة .. السودانيين كل البشر و كل اللهجات الكم و اربعين و كل الالوان و كل بقاع المليون ميل بما فيهم الجنوب الحبيب ..

Quote: سلام قباني والجميع وشكرا على جلب المقال نعم طريقنا طويل لكن ما عندنا خيار غير أن نمشيهو. يا حليل الجمهوريين القالوا في كتابهم : "ساووا السودانيين في الفقر إلى أن يتساووا في الغنى"

دكتورنا يا جميل ..

طريقنا الطويل ده نمشيهوا برانا و لا كيف يا ياسر ؟ مش لازم كل الامراض تتعالج و كل السودانيين يفهموا بالاول وين مشكلتهم ؟

يجيك واحد كل ملامحه افريقية بحتة و يقول ليك ديل نيجيرين و تشاديين ..
يجيك زول زي مهدي ابراهيم انفه الافريقي البحت يكاد يلامس اذنيه و يقول ليك ناس جون قرنق دايرين يطمسوا هويتنا العربية ..
( دي شوف عيني و سمع اضاني حضورا في حلة حمد 1986)

يجيك واحد شايقي بالميلاد و ملامحه هوساوية 100% يقول ليك انا جدي العباس و ديل اجانب !!!

مشكلتنا عويصة و عقليتنا نتنة متعفنة .. دايره احلال لانها ما بتنضف ..

Quote: فحق لاهل الشمال ان يسموا الحركة التي اندلعت في ١٩٥٥ بالتمرد وقتها لم تكن لحكومة الشمال اسنان فقد ولدت للتو حتى ان الاستعمار لم يخرج بعد رسميا

اخونا زكريا فاضل,
عندى احساس انو الاخوة من جنوب السودان انتبهو لخدعة كبيرة يتم طبخها قبل التسليم و التسلم من الانجليز. هذا يطابق احساسى في الاسابيع الاولى من اغسطس 2019 و الطبخة التى تمت و منها انتجت هذه الحرب.
زى ما بقولو "التاريخ يعيد نفسو".

__________
ناسك قبل ما تكون ليهم اسنان بعملو العيب.

Quote: تحياتي يا قبقب دائما تثير اوجاعنا كأننا بلا وجع مقيم

شيخ علي .. بركة الشفناك طيب ..

الوجع الخرافي اصبح هو العادي يا ابو علوه ..

و البزيدنا الم .. طبيعة تفكير الانسان السوداني ..
الانسان السوداني بات في متاهة لا عودة منها ..
و الكيزان غير التجهيل .. كمان نجحوا في "سواطة " عقل الانسان السوداني ..

Quote: محجوب يا حبيب .. هناك انفصال تام بين اهل الوسط و الشمال عن بقية البلاد .. الناس فهمها محصور انه الدنيا كلها هي الخرطوم و الشمالية و الما بنضم زيهم ما سوداني .. مشكلتنا الحقيقية هي ( الانسان السوداني ) ..

انفصال وكمان "تام"، يا قباني؟
ده كلام غريب جدًا. يعني المجتمع السوداني سنة 56 ياهو ذاته المجتمع السوداني يوم 14 أبريل 2023؟

أكيد حصل تغيير وانفتاح داخلي زي أي مكان في العالم.

سنة 56 يا قباني كندا كان عدد المهاجرين فيها كم؟ وما هي درجة تقبُّل الماهاجرين في الوقت داك والآن.

إنت وأنا درجة انفتاحنا وتقبُّلنا للآخرين أكيد أفضل من أبواتنا، وأبواتنا أفضل من أجدادنا، وأكيد أحفادنا حا يكونوا أكثر انفتاحًا مننا، والسبب هو ال exposure لعوالم أرحب. وأظنك بتوافقني أنه الانغلاق ده كان حتى بين الجلابة. الآن دائرة التواصل اتسعت والأبواب بدأت تتفتح لأسباب معلومة.

الحكاية بالتدريج، يا قباني، ما خنّق فطّس. صحي لسه قدامنا كتير، ولكن التغيير ما كله بيكون بالحروب. أوباما وسوناك ما وصلوا على ظهر دبابة، والمجتمعات الغربية ما وصلت إلى ما وصلت إليه اليوم إلا بعد ما شبعوا قتال ودواس. نحن نعيش الآن ما عاشه الغرب قبل نحو قرن.

العافية درجات، يا حبيب.

Quote: عيب الشوم يا اهمد امبس!!! ده كلام شنو ياخي؟ يعني علنا بتقول الملايين الابيدو او شردو، من 1955م ما اهلك، وانتا قاعد جوا، او مش زينا في الضفة الاخري من المحيط؟ عشان كده، ياداااااب، حسيت بالحاصل من اهانة هي بطول وعرض 3/4 قرن، نعم من 1955م؟ والا قول لينا غضب ضجر كهذا، العمر ده كلو كان وين، لا لولا انو فعلا لا قول، ده جلدن ماجلدك، مش؟ معليش، للاسف او مادون ماتقصد، اي كلمة منك، بفضح الجواك!

بشبوشي العنصري الدنقلاوي التايواني فرحان وبيزأطط عشان القتل الحاصل في الخرطوم.

بسلامته كان عايز الجلابة كلهم بربطة المعلم يكونوا صحفيين ومراسلين حربيين ويكتبوا عن جرائم القتل والنهب اللي كانت حاصلة من سنة 56. والغريبة أنه هو حتى هذه اللحظة ربنا ما فتح عليهو يكتب حرف واحد يظهر فيه تعاطف مع ضحايا هذه الحرب، والسبب أنها حاصلة في الخرطوم معقل الجلابة.

نبرة التشفّي عندبوّاب البروف العنصري ده أعوذ بالله حاجة مقززة وتنمّ عن مرض نفسي بالدرب العديل.

يا قبقب
شكرا على ترحيبك
وانت تقول::

Quote: و الكيزان غير التجهيل .. كمان نجحوا في "سواطة " عقل الانسان السوداني ..

عقل انسان السودان مسيوط من عهد السيدين كما جاء في اطروحاتك
بس الكيزان
زادو الطين بلة
اها اقول ليك امس جاني تلفون قالو لي العمارة الساكن فيها انا طابق ارضي (بيت) اتنهبت كل الشقق وعددها عشرة
بس شغل تسعة طويلة
لانهم عجزوا للدخول لبيتي
لو كانو جنجا لا يصدهم حائط ولا باب


عشان كدا
اخوك متوكل ومسافر امدرمان ليس لغرض مادي بس اوراق هامة منها الجوازات

نسال الله السلامة
مع مودتي

Quote: فحق لاهل الشمال ان يسموا الحركة التي اندلعت في ١٩٥٥ بالتمرد

أعلاه نموذج آخر لي غنج، غرور، استعلاء الجلابة بقلم "الديك" أو تور" رقم ٢ ذكريا فضل!!

عزيزي القارئ:
ختيت بالك لي ظاهرة كيف حملة الدال من الجلابة في هذا الفضاء هم متذعمي، حاملي رايات حراك عفن كرور ايبولا الوعي الجلابي في هذا الفضاء الدمر بلدنا؟؟

هل صدفة انو الاحتلال الثنائي هو الوضع المقرر الحالي بغرض انتاج كارثة ايدذ الوعي الجلابي كامضي واخطر سلاح لتدمير السودان بالوكالة أو من دون مايفكو طلقة، أو يخسرو فلس واحد ولهذا رحلو بالمزيكة بعد مااكملو مشروع قنبلة الوعي الجلابي الذرية؟

اليس هذا عجيب بحق؟

اليس هذا مرعب، حد الرجفي؟

الديك، تور ده، الي اللحظة ماقادر ينسي ماحصل قبل قرابة ٣/٤ قرن في الجنوب كرد فعل لاحظ للسوو فيهم أمثال اب الجنجويد، النخاس الزبير باشا، والد وعي "مخيخ الديكة" هؤلاء!!!

نعم الجلابي ده بيستكثر مجرد رد فعل ضحايا قهرو، دون ادني اكتراث لي فعلو هو الي الثانية دعك من ٥٥م!!

والابشع وبكل وقاحة بسمي ثورة التحرر "تمرد" بي معني خروج "الفروخ" عن طوع مستعبديه الجلابة!!!

بذات الطريقة الديك أو تور رقم ١، محمد صديق الان بنظر لي بشاشا ك"غرابي حاقد" ياللنشوة لويعلم، العنقالي!!!!

نعم رجعنا لي أوائل التسعينات عند بداية الاسافير نعم ايام "سودان نت" لما كنتا انمط ك"غرابي حاقد" ثم "فلاتي" لانو في الزمن دااااك ماكانت هناك صور حينها، ولهذا وبناءا علي خطابنا كنتا انمط ك"غرابي حاقد" ياللشرف!!!

نعم كده قدرت اتغمص شخصية "الغرابي" واجلس في جحيم نار مقعدو، أو ده فتح لي ابواب في تأملي لي عقلية الجلابي لايمكن تلقطا مالم تمنح هكذا وسام، أو بي كده عايشت ولو لثواني طبيعة الجحيم العايشنو اهلي في المركز الاضحي هامش!!!

يا الهي!!

قنا ليكم، ولبشاشا جنود من الد اعداؤو، الحمدو لامون!!!!

نعم الديك أو تور رقم ١، محمد صديق لما يقول بشاشا "تايواني" أو ماجلابي اصلي، زيو، اعلم عزيز بشاشا فهذا مايعني في اللاوعي، نعم قاصد "غرابي حاقد" ولذا بشاشا في فهم الديك ده، "الغرابي الحاقد" في لا شعورو ، كايس يبيد الجلابة زي ماقال!!!

الاهبل لو يعلم، كان فرااا، كان فحط من المنبر ده، متي ما شاف اسم بشاشا في بوست، ولكن الاحمق ولانو مأمور كما تلك الناقة، فهو لايدري كيف هو بخدم طرحنا للطيش، أو هو بدلق الجواهو من "هرار" وعي نازي لامؤاخذة!!!

مدددددد!!!

سلام
احمد يسن كلامك مية المية
واختصارا للوقت والكلام كلنا نقدم اللوتري قالوا فتح و بعضنا على السنابك وناس تانيين على البصات ومن البصات ابواب السفارات اين ما كانت وخلوا السودان ده خرابة عشان ما يجوا الفشلة المشردين اللصوص يهدموا ويدمروا تعب ناس وشقا اعمارهم وثباتهم فى وطن على قدر حالو كهربته قاطعة اغلب الوقت ومواسير مصدية ومافيها موية ومدارسه ومعاهده بلا معلمين ومستشفياتو بلا ادوية ولا معدات وحكومات فاشلة تسيطر عليها اسر عديمة اخلاق وتربية تبيح السرقة والنهب والتسول باسم السودان تمارس اى فشل واى قبيح

Quote: انفصال وكمان "تام"، يا قباني؟ ده كلام غريب جدًا. يعني المجتمع السوداني سنة 56 ياهو ذاته المجتمع السوداني يوم 14 أبريل 2023؟ أكيد حصل تغيير وانفتاح داخلي زي أي مكان في العالم. سنة 56 يا قباني كندا كان عدد المهاجرين فيها كم؟ وما هي درجة تقبُّل الماهاجرين في الوقت داك والآن. إنت وأنا درجة انفتاحنا وتقبُّلنا للآخرين أكيد أفضل من أبواتنا، وأبواتنا أفضل من أجدادنا، وأكيد أحفادنا حا يكونوا أكثر انفتاحًا مننا، والسبب هو ال exposure لعوالم أرحب. وأظنك بتوافقني أنه الانغلاق ده كان حتى بين الجلابة. الآن دائرة التواصل اتسعت والأبواب بدأت تتفتح لأسباب معلومة. الحكاية بالتدريج، يا قباني، ما خنّق فطّس. صحي لسه قدامنا كتير، ولكن التغيير ما كله بيكون بالحروب. أوباما وسوناك ما وصلوا على ظهر دبابة، والمجتمعات الغربية ما وصلت إلى ما وصلت إليه اليوم إلا بعد ما شبعوا قتال ودواس. نحن نعيش الآن ما عاشه الغرب قبل نحو قرن. العافية درجات، يا حبيب.

آمنت بالله يا محمد صديق !!

كلامك ده نفسوا عين الانفصال التام !!!

ياخي علاقة تقبل كندا للمهاجرين شنو بين انفصالك التام بينك و بين اهل بلدك !!!!!!!!!!!!!!!!!!!!
مهاجرين كندا جوها من جوه كندا !!!!!!!!!!
ياخ ناس الغرب و الجنوب ديل ما دول تانية و الله العظيم عشان تستوعبهم و تتقبلهم يا محمد ..

مصيبتنا كبيرة و الله العظيم ..

Quote: آمنت بالله يا محمد صديق !! كلامك ده نفسوا عين الانفصال التام !!! ياخي علاقة تقبل كندا للمهاجرين شنو بين انفصالك التام بينك و بين اهل بلدك !!!!!!!!!!!!!!!!!!!! مهاجرين كندا جوها من جوه كندا !!!!!!!!!! ياخ ناس الغرب و الجنوب ديل ما دول تانية و الله العظيم عشان تستوعبهم و تتقبلهم يا محمد .. مصيبتنا كبيرة و الله العظيم ..

مالك يا قباني بقيت زي دكتور المشرّف بتمسك المثال من ضنبه.

مثالي واضح وهو عن التقبُّل عمومًا، وليس تطابق الحال بين السودان وكندا، وكذلك مثالي عن أوباما وسوناك اللي مقصود منه أنه السودانيين الجلابة الآن "أكثر انفتاحًا" فيما يتعلق بتقبُّل أن يحكمهم واحد ما جلابي.

إنت بعضمة لسانك قلت الجلابة ما بشوفوا غيرهم سودانيين، وأنا ما غالطتك في الكلام ده، بل استوقفتني كلمة "تام" دي اللي أطلقتها بدون أي قياس. ملاحظتي على كلامك أنه الحال ما ياهو نفس الحال زمان، بل في تطور وإن كان بطيئًا في المجتمع بشأن تقبُّل فئات المجتمع لبعضها. ولما أقول في تطور وأنه الحل تدريجي معناها أنا أقرّ بكلامك ولكن أختلف معاك في حكااية أنه تقبُّل السودانيين لبعضهم في الخمسينيات والستينيات ما زي تقبُّلهم لبعض الآن. إنت شكلك عايز الكلام يجي منك ولو زول غيرك وخصوصًا جلابي قال نفس كلامك بطريقة تانية بتعتبره عدم تقبُّل للآخرين.

ده مثال تاني لفكرة التقبُّل وارجو إنك ما تقول ما عنده علاقة.

زمان لو اتقدم واحد لواحدة من نفس الحلّة خليك من قبيلة تانية كانوا بستشيروا أولاد الأعمام والعمات والخيلان والخالات وإذا ما في واحد منهم دقّ سدره وقال بيغطي قدحه بعد داك ممكن يوافقوا على الغريب من نفس الحلّة. الآن الكلام ده ما حاصل زي زمان والناس بدأت في التداخل والتصاهر. الأجيال الجديدة قطعًا أفضل مننا في هذا الجانب.

أنا لاحظت يا قباني أنه عندك آراء متشددة وفي كلامك عن حلها بتكون ما واقعي. والملاحظة التانية أنك بتتعامل مع المشاكل المجتمعية "المزمنة" تعامل المشاكل بين الأفراد. المشاكل المجتمعية المزمنة عايزة زمن طويل للحدّ منها وليس معالجتها تمامًا، وجزء من العلاج بيكون من حراك المجتمع نفسه بالإضافة لعوامل أخرى، وفي هذه الحالة الهجرات الداخلية والخارجية والتعليم ووسائل التواصل الحديثة.

Quote: نعم الديك أو تور رقم ١، محمد صديق لما يقول بشاشا "تايواني" أو ماجلابي اصلي، زيو، اعلم عزيز بشاشا فهذا مايعني في اللاوعي، نعم قاصد "غرابي حاقد" ولذا بشاشا في فهم الديك ده، "الغرابي الحاقد" في لا شعورو ، كايس يبيد الجلابة زي ماقال!!!

قرقرقرقر

المدلّس بوّاب البروف العنصري الدنقلاوي التايواني بشبوشي. ده كلّه ما بيحلّك.

إنت لو زول ما بتاع لولوة بس خليك شجاع وأنكر قدّام الناس أنه ما في دناقلة يابانيين بيقولوا ليك إنك ما دنقلاوي أصلي. طبعًا ما بتقدر تنكر.

قلت لي يبيدوا الجلابة عديل يا مدلّس؟ قرقرقرقرقر

أصلاً ما عندك طريقة غير التدليس عشان تخارج نفسك. منو اللي جاب سيرة جلابي أصلي؟

انا قلت ليك أولاد شقيقتي أبوهم دنقلاوي وبالطبع أمهم ما دنقلاوية، ولذلك هم دناقلة "تايوانيين" زيّك بالضبط، لكن هم ما فارقة معاهم لأنهم نشأوا في مجتمع منفتح. إنت نشأت في دنقلا العجوز وكانوا بيقولوا ليك إنت ما دنقلاوي ياباني، والحكاية عملت ليك شرخ نفسي مش لو مشيت أمريكا، لو طلعت القمرة حا تشيلوا معاك.

Quote: سنة 56 يا قباني كندا كان عدد المهاجرين فيها كم؟ وما هي درجة تقبُّل الماهاجرين في الوقت داك والآن.

عوووووووووووووووووووووووووووووك!!!!

عييييييييييييييييييييييييييييييييييييييك!!!!!!

نعم يفوق الخيال، كونو من دون مايشعر، يحس، ينتبه، يقصد، الديك، تور يدلق الجواهو ده، وبمثل هكذا براءة!!!

الديك، او تور ده، الجلابي القح، زي ما كررنا الكلام بنظر للسودان كدولة مهاجرين كما امريكا وكندا، تخيلو هذا!!!

كجلابي، فالود "انجلو ساكسون" لاحظو، نعم ود بيضا، او غيرو زي ماكررنا القول وافدين، نعم اجانب في وعيو، ولذا ابادم وشردم بلا رحمة بالملايين، من بعد بيعم بالاقة، كنخاس، للترك!!!

لذا هو فاهم مشكلتنا في السودان هي ذات مشاكل امريكا، بتاعة بيض اي امثالو في مواجهة سود اي "الزرقة"!!

تخيلو هذا، ياخلق!!

لاحظو الجلابة مقارنة بي بيض امريكا، من حيث عدد السكان، ولا بعادلو 5% من السكان لاحظو!!

اهما نقطة هنا، كيف المخلوق ده بنظر للماشمالي ك"غير"، وهذا مفصلي عشان تفهم ماهو سر محارق الابادة للملايين!!!

ايوا لانهم "غير"!!

لذا مفهوم "تايواني" النازي الابارثيدي ده الحايم بيهو المريض ده، ماعابر ولاصدفة، وهذا هو منطلق مفهوم/صيغة "غير" في وعيو الموبوء، الملوث، الجلابي، سبب/اداة دمارنا!

ولهذا ابادة "التايوان" نعم "الوافدين" اي "الزرقة" او بالملايين، بطول وعرض 3/4 قرن، مابحرك في امثالو شعرة!!!

قارنو هذا، بالهلع الحالي، من ذات جنجويدم لما قلب علي كيزانم، وكانو زي الحاصل ده اصلا ماحصل من 1955م!!

المضحك حد الاغماء، وين؟

انو الان بنظر لي بشاشا بي سبب كلام بشاشا ده، ك"غرابي حاقد"، ولهذا او من دون مايفكر هو بقول علي جلابي زيو اي بشاشا "عنصري" من فرط الافلاس، لانو ماعارف زاتو يقول شنو كرد علي كلام شاهد ملك، ولذا بلجأ لذات الخطاب المصمم لارهاب "الغرابة" وهذا مضحك!!

اهما نقطة هنا، انو كيف النازي ده، علنا، كتابة، علي الملا، هو بنظر لمهمشيه ك:
"غــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــير"،
وهذا مفصلي، اكرر!!
وقع ليكم كلامنا؟

Quote: مالك يا قباني بقيت زي دكتور المشرّف بتمسك المثال من ضنبه. مثالي واضح وهو عن التقبُّل عمومًا، وليس تطابق الحال بين السودان وكندا، وكذلك مثالي عن أوباما وسوناك اللي مقصود منه أنه السودانيين الجلابة الآن "أكثر انفتاحًا" فيما يتعلق بتقبُّل أن يحكمهم واحد ما جلابي. إنت بعضمة لسانك قلت الجلابة ما بشوفوا غيرهم سودانيين، وأنا ما غالطتك في الكلام ده، بل استوقفتني كلمة "تام" دي اللي أطلقتها بدون أي قياس. ملاحظتي على كلامك أنه الحال ما ياهو نفس الحال زمان، بل في تطور وإن كان بطيئًا في المجتمع بشأن تقبُّل فئات المجتمع لبعضها. ولما أقول في تطور وأنه الحل تدريجي معناها أنا أقرّ بكلامك ولكن أختلف معاك في حكااية أنه تقبُّل السودانيين لبعضهم في الخمسينيات والستينيات ما زي تقبُّلهم لبعض الآن. إنت شكلك عايز الكلام يجي منك ولو زول غيرك وخصوصًا جلابي قال نفس كلامك بطريقة تانية بتعتبره عدم تقبُّل للآخرين. ده مثال تاني لفكرة التقبُّل وارجو إنك ما تقول ما عنده علاقة. زمان لو اتقدم واحد لواحدة من نفس الحلّة خليك من قبيلة تانية كانوا بستشيروا أولاد الأعمام والعمات والخيلان والخالات وإذا ما في واحد منهم دقّ سدره وقال بيغطي قدحه بعد داك ممكن يوافقوا على الغريب من نفس الحلّة. الآن الكلام ده ما حاصل زي زمان والناس بدأت في التداخل والتصاهر. الأجيال الجديدة قطعًا أفضل مننا في هذا الجانب. أنا لاحظت يا قباني أنه عندك آراء متشددة وفي كلامك عن حلها بتكون ما واقعي. والملاحظة التانية أنك بتتعامل مع المشاكل المجتمعية "المزمنة" تعامل المشاكل بين الأفراد. المشاكل المجتمعية المزمنة عايزة زمن طويل للحدّ منها وليس معالجتها تمامًا، وجزء من العلاج بيكون من حراك المجتمع نفسه بالإضافة لعوامل أخرى، وفي هذه الحالة الهجرات الداخلية والخارجية والتعليم ووسائل التواصل الحديثة.

يا محمد صديق

ما توقعتك مأزوم بالشكل ده ..

الله يعينك على نفسك ياخي

Quote: السودانيين محتاجين كل زول يفرمت رقبته بي رقبته .. و يضرب نفسو عشرين كف .. و يقول السودان ما بس الشماليه .. و السودانيين ما بس الجلابة .. السودانيين كل البشر و كل اللهجات الكم و اربعين و كل الالوان و كل بقاع المليون ميل بما فيهم الجنوب الحبيب ..

يا ول أبا يحي قبانى، أي زول لم يخرج من محيط العالم العربي، لا يفهم ما تقول .. diversity and inclusiveness.. ما يسمى بالوحدة في التنوع .. يكون ما سمعوا بها ..

والله السودان، وأنا حمت دول وبلدان كتيرة .. لا تصدقوا أن قلت لكم نحن من أجمل شعوب الأرض في حسن التعامل وفي كل مكان تذهب إليه .. ومشيت شرق السودان، بقصد زيارة شرق السودان، وأنا جاي من بادية البقارة بغرب السودان، ومشيت بورتسودان، الكورنيش .. وآكلة مثل مخبازة .. والله أستمعت تقول أنا في بلد أخر طردتنى بس السخانة ..

نفس الشيئ في الشمال، وحلفا الجديدة .. والدمازين .. والجبال، تنوع وجمال منقطع النظير ..

والغريبة في كل البقاع التى زرتها في السودان .. لها نكهة خاصة في المكان وبصمة متفردة .. أبداً لا تنساها ..

نحن محتاج نخرجوا من الأنا .. والله أضعنا وطن فيه كل صفات الجمال والتفرد.

بريمة

Quote: مساء الخير يا صفوة هذا مقال مشرط عمليات لكن المشكلة الكبيرة انه طالما هناك أخوان متأسلمين تجار دين سفلة فسقة فسدة فالعمليات الجراحية التى أشار اليها المقال ستحتاج لزمن ليس بالقصير حتى تندمل جراحها ويعود جسد الوطن معافي وليس فقط الأخوان المتاسلمين بل مثلا زي أخونا أحمد يسن الفوق دا مع كل احترامي وتقديري له لكنه عاطفي أكثر مما ينبغي والدليل سؤاله (سمعت ليك جياشي نهب) وهو سؤال للأسف عاطفيا جدا جدا لأنه لو لم يسمع بأن جياشي نهب فهو بالتأكيد لا يجهل بل يتجاهل أن بين صفوف الدعم السريع جياشة تم انتدابهم في عهد النظام المقبور أو انتسبوا بمحض ارادتهم لهذه القوات وبالتالي فلا يستقيم أبدا سؤاله الإستنكاري ( سمعت ليك جياشي نهب) هذا بافتراض أن العساكر الذين يقاتلون الآن في الخرطوم هم ملائكة منزهون لدرجة أنهم اذا وجدوا كنزا من الدهب أمامهم فلن تمتد له اياديهم وهذا ليس اتهام لعساكر الجيش فهم أبرياء حتى تثبت ادانتهم بالفعل لكن على أحمد يسن ومثله كثر النظر للامور قياسا على هذا الفهم وحتما سيجد أن سؤاله لا يخلو من خطل امثال أحمد يسن يحفرون تحت ارجلهم ولا يدرون . ................ يا أحمد يسن أنت بتقول في شنو ياخ ؟؟؟؟ مبالغة بالجد

طلحة يا صفوة يا معتق ..

هل صدفة ان يتفق الصفوة على مكان العلة ؟

ياخي الناس في غفلة و في جُب عميق حفره الكيزان و خلقوا من كل انسان سوداني كوز موازي بداخله ..

https://x.com/Sudan_tweet/status/1710581125892976718؟s=20https://x.com/Sudan_tweet/status/1710581125892976718؟s=20

https://x.com/Sudan_tweet/status/1710581125892976718؟s=20https://x.com/Sudan_tweet/status/1710581125892976718؟s=20

Quote: يا محمد صديق ما توقعتك مأزوم بالشكل ده .. الله يعينك على نفسك ياخي

يا قباني، تعليقك ده هروب وحيلة العاجز عن مقارعة الحجة بالحجة.

إنت فاتح ليك بوست عن موضوع أكيد حا تختلف الآراء بشأنه، والمفروض لما زول يكتب ليك تعليق طويل ما تجي وتكتب ليهو مجرّد انطباع في سطرين بس لأنه كلامه ما عجبك.

غايتو إلا تكون فاتح البوست ومتوقع أنه ما في زول حا يجي يقول آراء مخالفة لآرائك.

الصحيح أنك توضّح لي وللقراء شنو في تعليقي "بالضبط" بيدُل على أني مأزوم.

وما دام جات منك، اسمح لي أقول ليك أني من زمان حاسّي إنك مأزوم والسبب زي ما قلت ليك في تعليق سابق تشددك وفجورك في الخصومة. تأكد يا قباني أنه أي زول بيتناول شأن عام وما بيكون مرِن وآراؤه مبنية على رغبات شخصية وإذا ما اتحققت يقوم يحرد وبتمسك بآرائه، عنده أزمة المفروض يشوفها سريع ويلحق نفسه. هل تصدّق أنه بشبوشي الدنقلاوي التايواني ده بعد ملاواتي معاهو دي أنا ممكن أتصالح معاهو لو تأكدت أنه ممكن يغيّر من آرائه. طبعًا ده مستبعد، لكن أنا ما بقفّل رأسي وأقول إني ما ممكن أبدًا ما أتصالح معاهو. وحتى القحاطة ديل بالرغم من أخطائهم الكتيرة ما في ما يمنع أنهم في يوم الأيام يعودوا إلى صوابهم. لو أنا تمسّكت بأنهم من المستحيل يتعيّروا يبقى أنا مأزوم صجي زي ما وصفتني.

المهم، هسي لو إنت عايز نقاش مثمر رد لي على الأسئلة دي:

هل إنت محسوب من الجلابة؟

وإذا ما محسوب من الجلابة، ممكن نصنّفك كيف؟

وإذا كنت جلابي، ما هي العوامل التب جعلتك مختلفًا عن أهلك الجلابة وبتنظر ليهم على أنه تفكيرهم خطأ ومأزومين؟

أليس اختلافك عن مجتمعك ده بيصب في نفس اتجاه كلامي في تعليقي اللي وصفتني فيهو بأني مأزوم عن أنه في عوامل بتخلّي الشخص يتمرّد على ممارسات سيئة في مجتمعه؟

وليه بتتكلم عن الجلابة بصيغة الجمع وكأنه ما في ولا جلابي واحد غيرك ومعاك "|فردتك" بشبوشي الدنقلاوي التايواني ممكن يكون بيحمل نفس أفكارك؟

وحتى لو ما كنت جلابي وما عايز تقول تصنيفك أو ما بتؤمن بالتصنيف، شنو اللي خلاك مختلف عن غيرك من السودانيين عمومًا، وأظن إنك عشت أغلب عمرك بما فيه فترة النشأة وتشكُّل الشخصية في السودان وسط مجتمعه المأزوم؟

بس ما تقول لي إنك زي بشبوشي الدنقلاوي التابواني ركبت سفينة عم عوض وكنت من الناجين من طوفان العنصرية الذي اجتاح الجلابة عن بكرة أبيهم.

أرجو إنك تجاوب على أسئلتي التي لها ما بعدها، ولو تهرّبت وما وجاويت، معناها إنت نفسَك قصير في النقاش أو أسئلتي دي حا تدخلك في جحر ضب. وأنا مستعد أناقشك بكل أريحية لمدة 10 سنوات قادمات.

سلام واحترام اخى باشمهندس قبانى وللجميع ~
صاحب هذا المكتوب يتحدث عن فئتين
١- من يملكون الكثير وهؤلاء سيعودوا كما كانوا او آكثر مثالا وليس حصرا:
- البرير تبع حزب الأمة فى لقاءٍ مع الجزيرة (أحمد طه) اكد على احتلال الجنجويد لمنازل المواطنين متبسما ان منزله به الجنجويد
- سلطان دار مساليت بعد ان سرد كل المآسى التى وقعت على المساليت فى "الجنينة" قال أن منزله "بالخرطوم" يستخدمه الجنجويد لعلاج المصابين منهم!
-شركات أسامة داوؤد وما أدراك ما أسامة داوؤد (تبع كل الحكومات) ودا طبعا أول وأخطر مثال
-وغيرهم من بعض كبار أصحاب شركات السيارات وغيرها
*هؤلاء ان عاد الوطن (بطريقتهم هم) ستعود لهم أملاكهم وأكثر !
٢- الفئة الأخرى : من أخذ حق الغير (أو افترض انه حقه) - فى رواية قبل شهور (لا أدرى مقدار مصداقيتها) عن 13 شخص حاولوا اقتحام بنك ، لقوا الحارس رجعوا أخبروا الجنجويد ، الحارس هرب وهم سرقوا القروش الجنجويد قتل ال 13 واخذ المال (ان صدقت الرواية تمنيت لو هذا المال ذهب للسارقين الأوائل وليس الجنجويد.)

…يا صاحب المكتوب معظم السودانين ، نملك القليل ولكن لا ننتمي لفرقة اصحاب السجاد والأواني الفاخرة وغيره من جانب؛
…ومن الجانب الآخر - لم ولن نصل أبدًا لدرجة اخذ شيئا بطريقة غير قانونية
هذا الكاتب لم ينصف غالبية الشعب السودانى فى كل انحاء الوطن - العاملات و الموظفات البسيطات عائدات من العمل والارهاق باديا على وجوههن - بدايات ونهايات اليوم ما بين العمل والبيت
العمال والموظفين يجرون بين المواصلات (مناظر لن أنساها ، ان يحمل أحدهم بطيخة لأطفاله وهو يلحق حافلة ) اصعب حاجة تكون شايل بطيخة وجارى

*اما من يرددون قصة الشعب السودانى لازم يتغير وشنو وشنو ومحتاج "فرمتة" يا عارفى التكنولوجيا 😀 خليكم دقيقين لأنه واضح جدا إنكم لا تعرفون الشعب السودانى
*حيث البلاد ومواطنيها حمالة اوجه وانتم تعرفون وجها غير وجه غالبية الشعب السودانى
*معظم المعلقين هنا يبدو انهم لا يعرفون السواد الأعظم من الشعب السودانى فى كل أرجاء الوطن

…أخيرا يا صاحب المكتوب ، تصمت عن الأفيال الكيزان من الجانين ناهبى موارد السودان من البترول والذهب!

#سييتغير السودان وسينتصر الشعب
* الغائب حميدتى بالنظر للمعطيات "كان" ح "outlive” جميعهم …
*اما التائه البرهان فيبدو الذهول والتوهان على ملامحه وفى عينيه
-لن يعود القتلة وكل من معهم

Quote: يا قباني، تعليقك ده هروب وحيلة العاجز عن مقارعة الحجة بالحجة. إنت فاتح ليك بوست عن موضوع أكيد حا تختلف الآراء بشأنه، والمفروض لما زول يكتب ليك تعليق طويل ما تجي وتكتب ليهو مجرّد انطباع في سطرين بس لأنه كلامه ما عجبك. غايتو إلا تكون فاتح البوست ومتوقع أنه ما في زول حا يجي يقول آراء مخالفة لآرائك. الصحيح أنك توضّح لي وللقراء شنو في تعليقي "بالضبط" بيدُل على أني مأزوم. وما دام جات منك، اسمح لي أقول ليك أني من زمان حاسّي إنك مأزوم والسبب زي ما قلت ليك في تعليق سابق تشددك وفجورك في الخصومة. تأكد يا قباني أنه أي زول بيتناول شأن عام وما بيكون مرِن وآراؤه مبنية على رغبات شخصية وإذا ما اتحققت يقوم يحرد وبتمسك بآرائه، عنده أزمة المفروض يشوفها سريع ويلحق نفسه. هل تصدّق أنه بشبوشي الدنقلاوي التايواني ده بعد ملاواتي معاهو دي أنا ممكن أتصالح معاهو لو تأكدت أنه ممكن يغيّر من آرائه. طبعًا ده مستبعد، لكن أنا ما بقفّل رأسي وأقول إني ما ممكن أبدًا ما أتصالح معاهو. وحتى القحاطة ديل بالرغم من أخطائهم الكتيرة ما في ما يمنع أنهم في يوم الأيام يعودوا إلى صوابهم. لو أنا تمسّكت بأنهم من المستحيل يتعيّروا يبقى أنا مأزوم صجي زي ما وصفتني. المهم، هسي لو إنت عايز نقاش مثمر رد لي على الأسئلة دي: هل إنت محسوب من الجلابة؟ وإذا ما محسوب من الجلابة، ممكن نصنّفك كيف؟ وإذا كنت جلابي، ما هي العوامل التب جعلتك مختلفًا عن أهلك الجلابة وبتنظر ليهم على أنه تفكيرهم خطأ ومأزومين؟ أليس اختلافك عن مجتمعك ده بيصب في نفس اتجاه كلامي في تعليقي اللي وصفتني فيهو بأني مأزوم عن أنه في عوامل بتخلّي الشخص يتمرّد على ممارسات سيئة في مجتمعه؟ وليه بتتكلم عن الجلابة بصيغة الجمع وكأنه ما في ولا جلابي واحد غيرك ومعاك "|فردتك" بشبوشي الدنقلاوي التايواني ممكن يكون بيحمل نفس أفكارك؟ وحتى لو ما كنت جلابي وما عايز تقول تصنيفك أو ما بتؤمن بالتصنيف، شنو اللي خلاك مختلف عن غيرك من السودانيين عمومًا، وأظن إنك عشت أغلب عمرك بما فيه فترة النشأة وتشكُّل الشخصية في السودان وسط مجتمعه المأزوم؟ بس ما تقول لي إنك زي بشبوشي الدنقلاوي التابواني ركبت سفينة عم عوض وكنت من الناجين من طوفان العنصرية الذي اجتاح الجلابة عن بكرة أبيهم. أرجو إنك تجاوب على أسئلتي التي لها ما بعدها، ولو تهرّبت وما وجاويت، معناها إنت نفسَك قصير في النقاش أو أسئلتي دي حا تدخلك في جحر ضب. وأنا مستعد أناقشك بكل أريحية لمدة 10 سنوات قادمات.

جبت كلامك هنا و حارد ليك على الشئ البستحق ..

Quote: يا قباني، تعليقك ده هروب وحيلة العاجز عن مقارعة الحجة بالحجة.

كدي وريني وين حجتك ردا على المقال المكتوب و على كلامي ؟

Quote: غايتو إلا تكون فاتح البوست ومتوقع أنه ما في زول حا يجي يقول آراء مخالفة لآرائك.

اذا ماك منتبه فالكلام ده بنطبق عليك انت ده يا محمد صديق لانك ما بتتقبل اي نقد او انك تكون غلط ..

Quote: الصحيح أنك توضّح لي وللقراء شنو في تعليقي "بالضبط" بيدُل على أني مأزوم.

انت للان ما فاهم مقارنتك باستقبال الكنديين و تقبلهم (للمهاجرين .. الجايين من دول و قارات اخرى) زمان و هسي ..
و مقارنة ذلك بابناء وطن واحد كانهم مهاجرين لبلد اسمه وسط وشمال السودان انها مصيبة و عنصرية متوغله في العفن !!!!!
في ازمة اكتر من كده ؟؟
عارف ليه انت ما شاعر انك مازوم .. لانه حوالينك ملايين فهمهم و شعورهم زي فهمك و شعورك العاجزين ديل ..

ما عندك شي يستحق النقاش ..

نسيت اضيف حاجة يا محمد صديق ..

مساككتك الطفولية لي بشاشا بقت ممجوجة .. فحقو تخليها ..
اضعف الايمان لو داير تستمر بيها .. فشوف مكان تاني و يا ريت ما تجيبها هنا في البوست ده .. ده بوست جاد و لا مكان لمثل حاجاتك دي هنا ..

Quote: الحقيقة وباختصار اهل الخرطوم عاشوا معاناة اهل مناطق السودان الاخرى وبالذات دارفور والنوبة والنيل الأزرق على يد "القوات النظامية" والميليشيات، درس قاسي لكن لعل وعسى ينور بصيرة كل السودانيين حول "السودان"

ده الكلام المفيد يا طارق ..

لعل الناس تفهم عشان يمشوا بعدها في الطريق الصحيح ..

Quote: المهم، هسي لو إنت عايز نقاش مثمر رد لي على الأسئلة دي: هل إنت محسوب من الجلابة؟ وإذا ما محسوب من الجلابة، ممكن نصنّفك كيف؟ وإذا كنت جلابي، ما هي العوامل التب جعلتك مختلفًا عن أهلك الجلابة وبتنظر ليهم على أنه تفكيرهم خطأ ومأزومين؟ أليس اختلافك عن مجتمعك ده بيصب في نفس اتجاه كلامي في تعليقي اللي وصفتني فيهو بأني مأزوم عن أنه في عوامل بتخلّي الشخص يتمرّد على ممارسات سيئة في مجتمعه؟ وليه بتتكلم عن الجلابة بصيغة الجمع وكأنه ما في ولا جلابي واحد غيرك ومعاك "|فردتك" بشبوشي الدنقلاوي التايواني ممكن يكون بيحمل نفس أفكارك؟ وحتى لو ما كنت جلابي وما عايز تقول تصنيفك أو ما بتؤمن بالتصنيف، شنو اللي خلاك مختلف عن غيرك من السودانيين عمومًا، وأظن إنك عشت أغلب عمرك بما فيه فترة النشأة وتشكُّل الشخصية في السودان وسط مجتمعه المأزوم؟ بس ما تقول لي إنك زي بشبوشي الدنقلاوي التابواني ركبت سفينة عم عوض وكنت من الناجين من طوفان العنصرية الذي اجتاح الجلابة عن بكرة أبيهم. أرجو إنك تجاوب على أسئلتي التي لها ما بعدها، ولو تهرّبت وما وجاويت، معناها إنت نفسَك قصير في النقاش أو أسئلتي دي حا تدخلك في جحر ضب. وأنا مستعد أناقشك بكل أريحية لمدة 10 سنوات قادمات. Editرد على الموضوع

عرفتك ما حا ترد على الأسئلة دي، لأنك للأسف تدّعي مثالية وما عندك أي قدرة على النقاش، وفهمك تعبان جدًا.

للأسف، إنت لا تختلف كثيرا عن "فردتك" بشاشا. ماسك ليك في أسطوانة وما بتقدر تطلع منها شبر وما عندك حيل للنقاش.

طبعًا أنا ما كان فايت علي إنك لا تختلف كثيرًا في التفكير عن بشاشا، ولكنك تحاول ألا تظهرها مثله.

منتظرين ردك على الأسئلة أعلاه، لأنها مهمة في تحديد طريقة تفكيرك والتعامل معاك.

نعم برضو قباني، طلع "تايواني" كما بشاشا!!

اها شفتو المخلوق ده، مسكون بالنقاء العرقي كيف، شغل كراهية ذات، عامل عربي جدو العباس، أو غيرو "تايوان" بي معني "دون"؟

هذا هو ذبدة وعصارة خطابنا بطول وعرض عشرات السنين، عن عفن ايدذ الوعي الجلابي الدمر بلدنا!!

من حيث حقائق التاريخ المجردة وبحكم الموقع الجغرافي، الجلابي يظل أكثر مخلوق في هذا الكون استعبد، استرق، عبر القرون ولهذا، يظل أكثر مخلوق في هذا الكون يكره من هو، وكنتيجة وكمخرج وكعلاج شغل Exhaling هو أباد من رأي في مرآة وجوهم، وجهه الملفوظ المكروه حد الانتحار، المعذبو!

لانو الجلابي، وكما اي "هاوس نقا" بشوف روحو بي عدسات مستعبديه اللاصقة، اي آل العباس، والكارثة هنا، نعم بدو الاعراب "أبناء السوداء" لاحظو، هاجر "النوباوية" علي التعتر ليهم!!!

شفتو مصيبة هؤلاء، قدر شنو؟

نعم قائمين فللي جاكين من اصلهم قاطعين البحر، عاملين عرب، أو لما وصلو الميس اهو أو لي التعتر ليهم، لقو ذات هاجر في انتظارم، ولهذا من المغسة عادو قاطعين البحر تاني عشان يبيدوا احفاد هاجر، بالانتنوف، من المغسة!!

نعم "ود البيضا" الانجلوساكسون، قال عايز حل امريكي قال، لي مشكلة "المهاجرين" ديل، اي "الزرقة" البجوهو من "المكسيك"، اقصد "تشاد"!!
لاحظو ده كلو، أو هو "عباسي" قن ال العباس هذا، جانا من عبر البحار، كما ناس الطرمبة، أو بعد ده، "سيد البلد" هو، أو "ود البلد" هو، تخيلو!!!
عييييييييييك!!
شئ يموخل، طريقة تفكير هؤلاء!!!

Quote: نعم "ود البيضا" الانجلوساكسون، قال عايز حل امريكي قال، لي مشكلة "المهاجرين" ديل، اي "الزرقة" البجوهو من "المكسيك"، اقصد "تشاد"!! لاحظو ده كلو، أو هو "عباسي" قن ال العباس هذا، جانا من عبر البحار، كما ناس الطرمبة، أو بعد ده، "سيد البلد" هو، أو "ود البلد" هو، تخيلو!!! عييييييييييك!! شئ يموخل، طريقة تفكير هؤلاء!!!

قرقرقرقرقرقر

بشبوشي الدنقلاوي التايواني هبَّ إلى نجدة فردته قباني وطوالي لفح المثال وبدأ عواسته.

Quote: بلدنا ما مأزومة .. المأزوم الانسان السوداني و عقليته العنصرية الصدئة .. السودانيين محتاجين كل زول يفرمت رقبته بي رقبته .. و يضرب نفسو عشرين كف .. و يقول السودان ما بس الشماليه .. و السودانيين ما بس الجلابة .. السودانيين كل البشر و كل اللهجات الكم و اربعين و كل الالوان و كل بقاع المليون ميل بما فيهم الجنوب الحبيب ..

صاحبك قباني با بشبوشي في الاقتباس أعلاه طارح نفسه زيّك على إنه مصلح اجتماعي.

بالله قول ليهو ما صاح منك تجي "بس" تنصح الناس تفرمط نفسها وتفكّهم عكس الهواء وما تدّيهم أيّ tips عن طريقتك اللي وصلت بيها إلى هذا الدرجة من المثالية. إنت عارفين أنك من قومة الجهل ما رضّعوك عنصرية زي باقي الجلابة لأنك ركبت سفينة أبوك عوض، الذي شذَّ عن مجتمعه ساكت كده وبدأ حملة نبذ العنصرية في السودان.

بالله خلّي قباني بورّينا الفرمطة اللي خلّته يوصل إلى المثالية دي بيعملوها كيف ووين وينوبه ثواب؟ ضروري يمسّك الناس الدرب الصاح ويكون فعل خيرًا في هذا المجتمع المأزوم.

إذا ما عمل كده، يبقى كلامه ده تنظير في تنظير وتعالوا شوفوني أنا مثالي ومختلف عن مجتمعي.، زي ما بتعمل إنت، يا بوّاب البروف.

ويا قباني حكاية أنه في أزمة بشر في السودان ده ما سبق صحفي إنت حقّقته أو جابه فردتك بشبوشي. الناس الآن بتبحث عن حلول، وأهو لقيناك ولقينا معاك بشبوشي عابرين في المجال ده ومنتظرين منكم تورّونا كيف نبقى مثاليين زيّكم.

المأزوم الحقيقي يا قباني وبشبوشي هو اللي شايف نفسه مختلف عن باقي مجتمعه بدون أيّ أسباب موضوعية. حاجة كده مثالية نبتت وسط هذا المجتمع المتأزم.

Quote: عقل انسان السودان مسيوط من عهد السيدين كما جاء في اطروحاتك بس الكيزان زادو الطين بلة اها اقول ليك امس جاني تلفون قالو لي العمارة الساكن فيها انا طابق ارضي (بيت) اتنهبت كل الشقق وعددها عشرة بس شغل تسعة طويلة لانهم عجزوا للدخول لبيتي لو كانو جنجا لا يصدهم حائط ولا باب

اديك العافية شيخ الكنزي و ربنا يهون القواسي ..

و يا ريت الناس تستخدم طايوفها و تفهم منو الطلع زيتهم و نهبهم .. و يبطلوا استفراغ العنصرية اللا ارادي ده ..

Quote: بلدنا ما مأزومة .. المأزوم الانسان السوداني و عقليته العنصرية الصدئة .. السودانيين محتاجين كل زول يفرمت رقبته بي رقبته .. و يضرب نفسو عشرين كف .. و يقول السودان ما بس الشماليه .. و السودانيين ما بس الجلابة .. السودانيين كل البشر و كل اللهجات الكم و اربعين و كل الالوان و كل بقاع المليون ميل بما فيهم الجنوب الحبيب ..

كلامك ده يا قباني قلتو لي بشبوشي زمااااااااان، بس الفرق أني ما كنت بستثتنى نفسي زي ما بيعمل بشبوشي وبتعمل إنت الآن.

Quote: إذا لم تعترف، يا أبو شريحتين، أنك مصاب كغيرك بوباء العنصرية، فهي المكابرة بعينها. كلنا نشأنا في مجتمع يكرّس للعنصرية والجهوية والقبلية. وقد ذكرت في نقاشات سابقة أن العنصرية شأنها شأن الصفات الذميمة الأخري- الكذب، والنفاق، والحسد- ستظل باقية بقاء الإنسان في الأرض، فإن أفلحنا في القضاء على الكذب والنفاق والحسد في النفس البشرية، فيا بشرانا بأن هناك دواء ناجعًا للعنصرية. لقد ذكرت ما تفضّل به الأخ أمير في منشوره هذا قبل 9 أعوام، إذ قلت إن العنصرية ارتبطت ارتباطًا وثيقًا بالاستعلاء ويفوت على كثير منا أن الشعور بالدونية قد يكون أبلغ أثرًا من الاستعلاء في تأجيج العنصرية.، وأضفت أنني أرى أن أي إنسان فيه شيء من العنصرية المكتسبة يختلف مقدارها من إنسان إلى آخر، وأن المفلح من قاومها وذجر نفسه وكبتها واستعاذ من الشيطان وذكّر نفسه بضرورة التخلص منها، وأن محاربة التمييز وتحقيق العدالة هما العتبة الأولى في طريق الحدّ من العنصرية. فاهم حاجة يا أبو شريحتين؟

Re: الخطاب العنصري المضاد لا يبني دولةRe: الخطاب العنصري المضاد لا يبني دولة
ونفس كلامي اللي قلت ليك هنا قلته زماااااان لفردتك بشبوشي:

Quote: مشكلة العنصرية، يا أبو شريحتين، في غيرك كتيرين من "أهلك الجلابة" بيرفضوها، لكن ما بطريقتك الساذجة والمتحاملة دي. هم ما زيّك بيدّعوا أنهم رضعوا محاربة العنصرية رضاعة من "معلميهم"، بل بيقولوا إنهم جاهدوا وتعبوا على أنفسهم عشان "يسلكوا طريق التخلّص" من هذا الوباء، وإنه في عوامل أخرى ساعدتهم على ذلك، منها الخروج من مجتمعاتهم الصغيرة والاختلاط بمجتمعات وثقافات أخرى داخل البلد وخارجها. يعني هم ما زيّك بيحاولوا يظهروا أنه ما فيهم ذرّة عنصرية، بل بيقولوا إنهم لسه شغّالين على أنفسهم وعلى إنهم يحصّنوا أولادهم ضد هذا الوباء. الخلاصة يا أبو شريحتين: العنصرية موجودة في كل أجناس البشر، مش عند الجلابة براهم، لكن إنت طبعًا محرّر سوقك بأهلك الجلابة بي إنك مركّب مكنة مصلح اجتماعي ما عنده أبسط مقومات النهوض بهذا الدور.

Re: الخطاب العنصري المضاد لا يبني دولةRe: الخطاب العنصري المضاد لا يبني دولة

دي ما ياها "الفرمطة" ذاتها اللي بتتكلم عنها إنت هنا، يا قباني؟

مش باها دي العوامل اللي ذكرتها ليك هنا وقلت إنها بتساعد الزول في أنه يتخلّص من إسار ممارسات مجتمعه الشائهة.

الخلاصة: بتفق معاك أنه في أزمة عنصرية في المجتمع السوداني، لكن بختلف معاك في أني بقول أنه في تطور حصل في المجتمع ونتيجته ظاهرة فيك وفي بشيوشي كمثال. في الخمسينيات ما كان في زي قباني وبشبوشي بيكتبوا كلامهم ده عن العنصرية في صحيفة "الأيام" و"الصحافة". الآن في وسائل تواصل اجتماعي لا يمكن السيطرة عليها من أيّ جهة، والناس خرجت من مجتمعاتها الصغيرة وحصل انصهار طبيعي "غير مستحث" ولا علاقة له بأي شخص أو جهة بعينها. طبعًا المشوار طويل ولا بدّ من تدخل مؤسسي لتبذ العنصرية، ومن ذلك إضافة تدريس النشأ عن الظواهر الاجتماعية السيئة زي دروس التربية الوطنية زمان. والأهم من كده أنه ما يجي يلكشر الناس عن العنصرية على أساس أنه منزَّه منها.

Quote: نسيت اضيف حاجة يا محمد صديق .. مساككتك الطفولية لي بشاشا بقت ممجوجة .. فحقو تخليها ..

نسيت برضو أقول ليك إنه موضوع "مساككتي" للعنصري التايواني بشبوشي حاجة بتخصّني أنا وبعرف كيف أديرها، وأيّ زول بينفخ كير العنصرية ويمارسها لو لقيت طريقة ما برفع منه، وعندي صبر وخبرة طويلة في هذا المجال في هذا المنبر وغيره.

ﻭﻃﻦ ﻣﺎ ليكا ﻓﻴﻬﻮ ﻭﻃﻦ
ﻣﺠﺮﺩ ﻭﺍﻃﺔ لَمَّت ﻧﺎﺱ
عَلَم لا غِيرة لا إحساس
ﺩِﻟِﻖ ﻣﻨﺘﻮﻑ ﻣﻦ أي ﻛﻔﻦ
ﻣﺼﺒّﻎ ﻇﻦ
حِمّيد

Quote: بلدنا ما مأزومة .. المأزوم الانسان السوداني و عقليته العنصرية الصدئة .. السودانيين محتاجين كل زول يفرمت رقبته بي رقبته .. و يضرب نفسو عشرين كف .. و يقول السودان ما بس الشماليه .. و السودانيين ما بس الجلابة .. السودانيين كل البشر و كل اللهجات الكم و اربعين و كل الالوان و كل بقاع المليون ميل بما فيهم الجنوب الحبيب ..

كلام من ذهب.

بريمة