حبيبنا المستنير/ابوبكر عباس.. أرجو المزيد من الشرح لمداخلتك في بوست بكري

08:05 AM May, 28 2023

سودانيز اون لاين
علي عبدالوهاب عثمان-جدة
مكتبتى
رابط مختصر

تحياتي المستنير / ابوبكر تحياتي يا جميل
لقد اثرت كلام في غاية الأهمية في بوست بكري أبوبكر
المزيد من التعليق .. لأهمية الموضوع
أكثر ما استغربت تصديقاً لكلامك ( حديث منسوب للمبدع / بركة ساكن )
في موقف ضد الدعم السريع ..

المداخلة في بوست حبيبنا بكري أبوبكر

Quote: يا منتصر، اتهام فتحي لعزت بأنه جنجويد ما فيهو قراءة مستقبل، في الزمن داك ممكن لو إختلفت مع أي زول من عرب كردفان ودارفور تقول ليهو جنجويد. أصدقاءنا المثقفين من دارفور وكردفان من كل الاتجاهات السياسية في حاجة بتجمعهم كلهم وهي الانحياز القبلي عندهم قبل الايدولوجيا، يعني مثلاً في هذا الصراع تجد كل المثقفين من عرب كردفان ودارفور مع الدعم السريع، في حين أن المثقفين من زرقة السودان عموماً في موقف ترقب، بمعنى آخر خيارات الوجود لأهلهم دائماً حاضرة في مواقفهم، القصّة دي نحن مثقفي الجلابة لا نعاني منها حتى الآن وعادي تلقى مثقف جلابي في هذه الحرب واقف مع الدعم. الوحيد الممكن يكون استثناء من الأصدقاء الذين عرفتهم واتابعهم من عرب وزرقة الغرب هو صديقي حامد شارف

Quote: القصّة دي نحن مثقفي الجلابة لا نعاني منها حتى الآن وعادي تلقى مثقف جلابي في هذه الحرب واقف مع الدعم.

مرحب علي الزنديق بك قصده ممكن تلقى مثقفي الجلابة بعضهم يؤيد حميدتي وبعضهم يؤيد الجيش ولكن مثقفي أبناء القبائل العربية سواء كانو من اليسار أو اليمين أو من كفار قريش سيقفون وراء حميدتي يعني تزول كل الإيدولجيات ويكون الولاء للقبيلة

مساء الخير
موسم المبالغات المفرطة
خخخخخخ

Quote: قصده ممكن تلقى مثقفي الجلابة بعضهم يؤيد حميدتي وبعضهم يؤيد الجيش ولكن مثقفي أبناء القبائل العربية سواء كانو من اليسار أو اليمين أو من كفار قريش سيقفون وراء حميدتي يعني تزول كل الإيدولجيات ويكون الولاء للقبيلة

تحياتي الحبيب منتصر .. ما شاء الله لديك جرعات مركزة تغني عن كتابة صفحات
نعم الحبيب منتصر لدينا في الشمال الكثير من الكتاب والمثقفين العكس تجدهم في حركات الكفاح
في دارفور وجبال النوبة ... الخ والحركة الشعبية .. وبعد الانتصار أو تحقيق الاهداف ألاحظ أن هذه الحركات
تميل إلى ابناء قبائلها ويرجع هؤلاء إلى نقطة البداية .. ثم البدء في نضال آخر
مثال : قريبنا محمد جلال هاشم .. وكذلك ياسر عرمان ( قرنق ثم الحلو ثم عقار ) والآن لا أعرف اين اتجاهه
داخل دائرة محليتنا كثيرين من القادة كيزان (بكري حسن صالح ، عبدالرحيم محمد حسين ) تجد في القروبات أبناء عمومتهم ضدهم
وأيضا اليوم هناك مؤيدين للدعم السريع في القروبات ( الواتساب مهم لمعرفة توجهات الناس )

تحياتي الحبيب منتصر شكرا لحضورك الجميل

Quote: مساء الخير موسم المبالغات المفرطة خخخخخخ

حبيبنا الجميل طلحة .. تحياتي
أرجوك يا جميل شوية توضيح للمداخلة

مودتي الحبيب طلحة

على العكس في المجتمع الغربي الانتماء حزبي
أقصد أن هناك بعض عائلات حزب جمهوري أو الديمقراطي
لأكثر من قرن لا يمكن أن يغيروا توجههم
الانتماء بالوراثة .. في المقابل عندنا الاتحادي والامة ولو انحسر هذا التوجه
مع الاجيال الحالية

ولكن الاخطر هو التوجه القبلي
نعم القبيلة منظومة مجتمعية ضابطة للأمن في المناطق النائية
والكن المشكلة في القبلية واقحام السياسة ..

اعذروني فقد اجتهاد متواضع .. والمرجعية مداخلة المستنير

ألاحظ أن المجتمع القبلي يسود في مناطق النشاط الرعوي
على العكس مناطق النشاط الزراعي
يعني عندنا مثلاً في ضواحي الدنيا نحن نهتم أكثر بالتراث النوبي
اللغة والفن خوفاً من الاندثار ولكن لا نعلي شأن الشخص في الممارسات السياسية وغيرها
فقط حافظاً للتراث وليس للحشد السياسي أو منازعة الآخرين

هلا أبو علوة وشكراً على اهتمامك بما يكتبه الفيلسوف أبوبكر عباس

سلام علي
المستنير مرشح ليكون مستشار للدعم السريع بعد إعادة هيكلتها وتطوير أهدافها عندما تصبح فرقة فض منازاعات / حفظ سلام
طبعا انا ساعي بجدية اكون مدير مكتبه في نيروبي واشيل شنطة أفكاره في سفرياته داخل وخارج القارة .
المهم لن ننسى سودانا الحبيب وقت الحارة

إختيار موفق يا حيدر..
ولو اتاها الطلق ، ناقة فى فى أرض البونت ، لأعمل المستنير بصارته🙈

بالضبط كده يا اسامة
انا اصلا من الحوار بتاعنو

تحياتي حبيبنا علي عبدالوهاب والضيوف المسجلين.. بكتب وانا راقد بالجوال
عشان كده حاختصر..بوست ممتاز جدا جدا...يمثل خلاصة كل النقاشات الحالية..
لفتت نظري عبارة بكور الاسبوع الماضي. وعلقت عليها اليوم...
توصيف واقعي وحقيقي يحتاج للنقاش والبحث....نريد تعليق ممن يعنيهم الأمر ...وخاصة بريمة.
الكلام كتير .لكن بكتب يا الله ويا أمين.

غريبة يا علي انه الاثنين لفتت نظرنا العبارة دي.

Quote: تحياتي حبيبنا علي عبدالوهاب والضيوف المسجلين.. بكتب وانا راقد بالجوال عشان كده حاختصر..بوست ممتاز جدا جدا...يمثل خلاصة كل النقاشات الحالية.. لفتت نظري عبارة بكور الاسبوع الماضي. وعلقت عليها اليوم... توصيف واقعي وحقيقي يحتاج للنقاش والبحث....نريد تعليق ممن يعنيهم الأمر ...وخاصة بريمة. الكلام كتير .لكن بكتب يا الله ويا أمين.

حبيبنا د. محمد تحياتي وحضورك دائما مفيد
نعم المستنير اختصر المشكلة وأساسها ( التحكم القبيلي)
حتى وسط النخب والمثقفين هي دي المشكلة وتحتاج الى حلول رغم أنها صعبة جداً
والدول التي تقل فيها مثل هذا السلوك مثال (مصر) تكون أكثر أمناً وتماسكاً مع مستقبل آمن
لأن الاختلاف سياسي في الغالب
تحياتي الحبيب د. محمد

لن تستطيع معه صبرا🙈

على عبدالوهاب
حبيبنا الرطانى
انا جيت ارمى التحية
للمستنر بكورى
باقى طلع عندو عقاب معنا
في اربجى ناس اب قناية

Quote: حبيبنا الرطانى انا جيت ارمى التحية للمستنر بكورى باقى طلع عندو عقاب معنا في اربجى ناس اب قناية

أميرنا الجميل بدر
مبروك لأربجي لازم يكون خلف جينة ذكاء
بعدين أنا كم مرة أقول ليك ((أربجي)) حقت الرطانة
لا بد من DNA

مودتي يا جميل

Quote: إختيار موفق يا حيدر.. ولو اتاها الطلق ، ناقة فى فى أرض البونت ، لأعمل المستنير بصارته🙈

حبيبنا أبارو
شكرا يا جميل على حضورك .. المستنير نجم المنبر
دائما اسمك يذكرني بمذيع أو مقدم برنامج رياضية لأذكر بالضبط
في الستينات كنا في اقاصي الشمال نتابع بالراديو (( أبارو)) كان اسم مميز

مع التحية

حبابك يا على يا رجل نقى
اصلا البطرى ده الإستنارة والنجومىّة جاتو من لحمتنا ، حمد اب دُنّانة
وحامد اب عصاية سيف وأحفادهم منهم آل ود اب قنابة وأبونا سعدابى طابية العشير
حليل هنا أم درمان وإذاعة ودمدنى ، مسكوا مكروفناتا ناس زعيط ومعيط ..
ونقول معاك يا على يا طيب ..
لا للحرب
إصلاح المؤسسة العسكرية والعدلية أساس الدولة الديمقراطية

Quote: المستنير مرشح ليكون مستشار للدعم السريع بعد إعادة هيكلتها وتطوير أهدافها عندما تصبح فرقة فض منازاعات / حفظ سلام طبعا انا ساعي بجدية اكون مدير مكتبه في نيروبي واشيل شنطة أفكاره في سفرياته داخل وخارج القارة . المهم لن ننسى سودانا الحبيب وقت الحارة

حبيبنا حيدر تحياتي يا جميل
شكرا لحضورك
المستنير أكبر من الدعم السريع والسودان
المفروض في منظمة دولية
تحياتي

المستنير الجميل أبوبكر تحياتي
بصراحة مداخلاتك مفيدة لأنها مباشرة دون اي تمويه
تخاطب المقصود مباشرة
واصل يا جميل