حبيبنا المستنير/ابوبكر عباس.. أرجو المزيد من الشرح لمداخلتك في بوست بكري

Quote: يا منتصر، اتهام فتحي لعزت بأنه جنجويد ما فيهو قراءة مستقبل، في الزمن داك ممكن لو إختلفت مع أي زول من عرب كردفان ودارفور تقول ليهو جنجويد. أصدقاءنا المثقفين من دارفور وكردفان من كل الاتجاهات السياسية في حاجة بتجمعهم كلهم وهي الانحياز القبلي عندهم قبل الايدولوجيا، يعني مثلاً في هذا الصراع تجد كل المثقفين من عرب كردفان ودارفور مع الدعم السريع، في حين أن المثقفين من زرقة السودان عموماً في موقف ترقب، بمعنى آخر خيارات الوجود لأهلهم دائماً حاضرة في مواقفهم، القصّة دي نحن مثقفي الجلابة لا نعاني منها حتى الآن وعادي تلقى مثقف جلابي في هذه الحرب واقف مع الدعم. الوحيد الممكن يكون استثناء من الأصدقاء الذين عرفتهم واتابعهم من عرب وزرقة الغرب هو صديقي حامد شارف

Quote: القصّة دي نحن مثقفي الجلابة لا نعاني منها حتى الآن وعادي تلقى مثقف جلابي في هذه الحرب واقف مع الدعم.

Quote: قصده ممكن تلقى مثقفي الجلابة بعضهم يؤيد حميدتي وبعضهم يؤيد الجيش ولكن مثقفي أبناء القبائل العربية سواء كانو من اليسار أو اليمين أو من كفار قريش سيقفون وراء حميدتي يعني تزول كل الإيدولجيات ويكون الولاء للقبيلة

Quote: مساء الخير موسم المبالغات المفرطة خخخخخخ

Quote: تحياتي حبيبنا علي عبدالوهاب والضيوف المسجلين.. بكتب وانا راقد بالجوال عشان كده حاختصر..بوست ممتاز جدا جدا...يمثل خلاصة كل النقاشات الحالية.. لفتت نظري عبارة بكور الاسبوع الماضي. وعلقت عليها اليوم... توصيف واقعي وحقيقي يحتاج للنقاش والبحث....نريد تعليق ممن يعنيهم الأمر ...وخاصة بريمة. الكلام كتير .لكن بكتب يا الله ويا أمين.

Quote: حبيبنا الرطانى انا جيت ارمى التحية للمستنر بكورى باقى طلع عندو عقاب معنا في اربجى ناس اب قناية

Quote: إختيار موفق يا حيدر.. ولو اتاها الطلق ، ناقة فى فى أرض البونت ، لأعمل المستنير بصارته🙈

Quote: المستنير مرشح ليكون مستشار للدعم السريع بعد إعادة هيكلتها وتطوير أهدافها عندما تصبح فرقة فض منازاعات / حفظ سلام طبعا انا ساعي بجدية اكون مدير مكتبه في نيروبي واشيل شنطة أفكاره في سفرياته داخل وخارج القارة . المهم لن ننسى سودانا الحبيب وقت الحارة