تحياتى أخى حيدر حسن ميرغنى~ أتفق معاك تماما ما عندهم أى وجدان ولا أضعهم فى مرتبة البشر. عشان كدا لازم الشعب السودانى يتخلص من إحتلالهم للسودان وإيقاف جلبهم للمرتزقة. أضيف إليهم الكيزان ومليشياتهم (اندمجوا فى الجنجويد) وكل لوردات الحرب ومرتزقتهم أيضا•
تحياتى أخى العزيز المحترم ، أبو حسين ~ كلامك صاح تجفيف أموالهم الملوثة واجب. لقوا يدهم فى غفلة من الشعب السودانى المتسامح. لكن الوعى الإنفجر دا تانى ما بيديهم فرصة.
تحياتى وسلامى أخى المحترم ،أبو حسين حقيقة لازم الهم يكون السودان، نحافظ عليه* المضحك السودان ما هو الخرطوم ولا حتى الشمال ، االجنجويد ولوردات الحرب شردوا سكان السودان وبدلوهم بجماعات من تشاد، أفريقيا الوسطى، النيجر،مالى وغيرها. والجنجويد يلقطوا فى مجموعات طوارق وشنو وشنو (أوهام اللون الفاتح) * وكمان واضح الشرق - الأثيوبين والأرتريين لاعبين علينا وشغالين إستيطان| صديقتى حكت زميلتها السورية جاءت الدولة المعنية طبيبة بجواز سودانى من الخرطوم وقالت تشتم فى السودان وكيف الشوارع مكسرة وغيره ( الحسنة فى المنعول…)
أخى المحترم أبو حسين بمناسبة يوم الجمعة وعبارة "جمعة مباركة والسودانيين المشتتين فى أرجاء الدنيا واحدة رسلت لصاحبتها والله كان ما اليوم يوم الأثنين ، كنت قلت ليك جمعة مباركة. والمضحك زيادة كان يوم الثلاثاء عندهم.😀 "
المحترمة هدوية بي مناسبة اللخبطة في الايام قبل اسبوعين كدا قلت لي ام حسين الليلة الثلاثاء قالت لي الليلة الاربعاء يابت الناس الليلة الثلاثاء و الله الليلة الاربعاء احترمت نفسي و سكت بعد شوية رجعت للموبايل لقيت فعلا اليوم الاربعاء ايام عملنا ٥ ايام من الاحد لحدي الخميس بقوم بحسب القمصان اللبستها في الاسبوع قميص واحد معناها اليوم الاحد قميصين معناها اليوم الاثنين و هكذا و متذكر كويس انو الاسبوع دا انا لبست ٣ قمصان كيف اليوم الاربعاء اليوم كلو انا بفكر في المشكلة العويصة دي ... اخيييييييييرا اتذكرت انو في يوم انا مشيت الشغل بالجلابية ... 🤣🤣🤣🤣🤣🤣 الغربة بهدلة شديدة .... يا بلدي يا حبوب ترم يا ابو جلابية و توب ..... 🎼🎵🎶
العزيز أخى المحترم أبو حسين~ ضحكت بصوت عالى 😀 اللخبطة الوقعت علينا كلها سببها المرتزقة والجنجويد والله اليوم كله نفكر فى الحلول وتحرير البلد منهم. *تسقط كتائب الجنجويد والنصر للشعب السودانى العظيم
شوفوا الجنجويدى القاتل محمد كوشيب دا قال شنو وبعد الثورة كمان- مجرم وعينه قوية شوفوا قال شنو عن الشهيد المعلم الخير اعترف بالقتل "زى النوعية دي نحنا قاتلينها كتير فى الحقيقة". وهو أصلا ما عنده علاقة بالتعليم - كان ممرض بالسلاح الطبى *وكمان كانهم بيعرفوا الله أو الدين ، يكبروا للمجرم القاتل
الأخ المحترم ، أبو حسين إنت ميناوى اليومين دى وين؟ لحقته ترمب 😀ولا الرئيس الروسى المجرم الآخر دا كمان * القاتل حميدتى يكون مشى قال للروس عايزين مرتزقة ؟ يكون قالوا ليه "ذهب" بس لأنه حيتكشفوا إنهم مرتزقة أفارقة - أظن فاغنر جابت سوريين
بتنا المحترمة هدوية مناوي خبأ نجمه و اليومين ديل اردأ زول خاطف الأضواء كان بتهمك اخبارو بجيبا ليك 🤣🤣🤣🤣🤣🤣 اردأ زول إتشرشح من واحد جنوبي بي فهم و رواقة ....
سلام أخ ترهاقا وشكرا على الڤيديو قدر فى الدنيا دى ما شفت عجايب , كل يوم نوع جديد هذا المنافق ،المهووس ،ماسح بلاط القتلة ورجغ ورجغ ،هو هو- يدرب فى مليشيات بالواضح| *أيام الثورة الأولى والإعتصام ، بعض الشباب حاصروه أمام مغلق عيونه من الخوف طلعت من مكانها. دا معتوه مجرم زى وزى ناس مناوى وباقى القتلة.
العندو دين .. ما بسرق البلد العبادو موحدين .. العندو دين .. ما ببني قصرو العالي فوق جوع الغلابة المسلمين .. العندو دين .. ما بسمي اعداء الوطن جند الوطن والحادبين .. العندو دين .. ما بسمي من قالو الحقيقة المرة خونة ومارقين ..
بل أبحثوا عن من يحمي اللص ليسرقكم ويسلط البندقية علي جماجمكم
والسرقة ليست سرقة المال
انما هي سرقة الحرية والأمن والأمان
سرقة العزة والكرامة والشرف
إنسان تابع بلا شرف ولا كرامة لا خير في ان يعيش
يا سلام على الكلمات الصادقة الحكيمة العزيزة هدى بوستاتك و مداخلاتك فعلاً تستحق مكتبة تجمعها. و شكراً لاقتراحك مكتبات للأعضاء بالداخل ، مؤكد أننا كلنا داخل السودان ممنونون للسيد بكري ابوبكر على هذا المتنفس و المدرسة . و المكتبة كان جات ما بناباها 😂🌿☘️💐
Quote: يا سلام على الكلمات الصادقة الحكيمةالعزيزة هدى بوستاتك و مداخلاتك فعلاً تستحق مكتبة تجمعها.و شكراً لاقتراحك مكتبات للأعضاء بالداخل ،مؤكد أننا كلنا داخل السودان ممنونون للسيد بكرى ابوبكر على هذا المتنفس و المدرسة .و المكتبة كان جات ما بناباها 😂🌿☘️💐
تحياتى وسلامى العزيزة دكتورة نعمات المكتبة بالتأكيد عايزاها ليكى إنتى ، والله أنا حافظة فى رأسى خيطك 2019 الكشفتى فيه تهافت الجماعات من أيام المطاولات ديك.وغيرك القاعدين فى السودان ،وأعنى النوع الكاشف قصة القتلة العسكر وكيزانهم والجنجويد وكيزانهم وكلها مليشيات ولوردات حرب وحركات إرتزاق ضد الشعب السودانى الصامد.
Quote: لو ادوها المكتبة انا غايتو الا اخلي المنبر .... 🤣🤣🤣🤣
ما ياها دى زاتها الحسادة مقدما😀 ثم إنه إنت ما عندك طريقة تخلى المنبر إطلاقا ، فى جماعات كثيرة لازم تعلق فيهم نجيهة ، تلحقهم ترمب. وكلها ٣ سنوات شايفاه بدأ يجهز عايز يجئ يظهر تانى لو ما دخلوه سجن ولا مصيبة. * أيام ترمب واحد قال تصريحات ترمب زى القاتل البشير بس بالإنجليزى.
تحياتى اخى المحترم ، أبو حسين~ نجيهة الجماعة ديل فى ميزان حسناتك عديل كدا. لكن الحسادة تشوف ليها طريقة 😀 *بمناسبة أردأ زول شايفة فى الراكوبة هو وعسكروى (الغواصات) الجنجويد عاملين معاهم إجتماع ، ما بنقله خوفا على نفسى من "جرجير". لكن أكيد الكيزان وطنى دخلوا زمان الجنجويد الرباطة فى بطنهم. أما الكيزان الشعبى - الدباب ولا داسيها من جريته على بيت الترابى ديك [/B
ال thug زعيم الجنجويد (تحت رئاسة المؤتمر الوطنى الكيزان)* فَلَيسَ مِنَ الكِرامِ ولا كرامة إذا لَبِسَ البدلة كانَ قاتلا وقاتلا إذا نَزَعَ البدلة جمعت خيانة وجَمَعتَ غدرا كذاك الغدر تَتبَعُهُ الخيانة فإن تَكُ قَد أصَبتَ نَعِيمَ دنيا فلا تَفرَح فَقَد دنت القِيامَه
الدكتور أبى أحمد (رغما عن رأى غير الإيجابى فيه) غير التعليم المدنى ، تخرج فى الكلية الحربية ايضا - يعنى ما فريق خلاء وسرقة . وكمان رئيس ومنتخب ويعرف البروتوكلات. عشان كدا مقلع عيونه من الخلعة بسبب قبضة الthug دا ليه. يوم ترمب خجَ للرئيس الفرنسى يده عند السلام ، يضحكوا عليه الزمن كله!
الغزوة دى ياتها ومتين؟ وشرحها كيف ؟ غزوة ضد الشعب السودانى والشعب كله تقريبا ضد القاتل البشير ؟ الآن المؤتمر الوطنى حاضنة الجنجويد والمؤتمر الشعبى حاضنة حركات الإرتزاق. مقتطفات من الڤيديو المرفق: * الأسرى ما تقتلوهم *إنت فى الحرب اضرب زى ما عايز الاسرى اربطوهم * فى المعركة لازم يخافوا منكم *الدباب المتلون يشكر فى الحركة الشعبية وقال إنها سلمت الأسرى فى حين جماعة القاتل البشير -والدباب ناسى إنه كان واحد منهم - قال قتلوا الأسرى. * النساء والأطفال ! *قال جاى يحكم هسه كيف مع الجنجويد وكيزان الوطنى وغيره *غايتو كل يوم نراجع محن البقدر يسمع الفيديو - نفاق مبالغ وكذب ولغة هابطة لزجة * دمر أمارات قاليهم بلزوجة وضحكة كما الترابى العمارات ما تدمروها شيلوها المهزلة : *اتقابلوا فى الخرطوم ورجعوا من ليبيا وفنادق الدوحة بعد الثوار بسلمية أزاحوا البشير وهم اتفقوا مع الجنجويد تحت التربيزة( محفوظة لميناوى)
قال الإتفاق تحت التربيزة كان “Gentlemen talk” بجده!
Post: #39 Title: Re: سودانى الجوا وجدانى بريده Author: اسماعيل عبد الله محمد Date: 04-12-2022, 07:51 AM Parent: #38
Post: #40 Title: Re: سودانى الجوا وجدانى بريده Author: اسماعيل عبد الله محمد Date: 04-12-2022, 12:36 PM Parent: #39
Quote: فرية تحالف الهامش مع العسكر
أمل الكردفاني
هجوم واسع على قوى الهامش هنا وهناك، والبحث عن أي هنة أو سقطة أو حتى حرف قاف قيل بالغين لكي يتم الطعن في الهامش، وأخيراً فرية تحالف الهامش مع العسكر، باعتبار أن العسكر هم من قتلوا أبناء الهامش فكيف يتحالفون معهم؟ وهذا كسؤال اليهود لمريم: ما كان أبوك امرأ سوء وما كانت أمك بغيا. طبعاً لكي أرد على هذه الورجغة رداً عاجلاً؛ سأذكر هؤلاء بأنه وطوال عشرين عاماً من القتل الممنهج والفتن التي وقعت في الشرق والغرب والجنوب والجنوب الغربي، طوال عقدين من الزمان لم تخرج مظاهرة واحدة تطالب بالقصاص لشهداء الهامش. تعلم الهامش أن يقف وحيداً ليدافع عن حقوقه في دولة يحكمها التماسيح وشبكات الفساد منذ سبعين عاماً، وإذا كان على الهامش أن يقتلع حقوقه فإن الغاية تبرر الوسيلة، ولا أسمى ولا اجل من غاية اقتلاع الحقوق. أما الكذَبة والضالون الذين يتصيدون أخطاء الهامش فهم متحالفون مع العسكر منذ الاستقلال، وانقلاباتهم المتتالية، حزباً يتلوه حزب، وأخيراً فنفس هؤلاء هم الذين شاركوا برلمان البشير، عن بكرة أبيهم فقط استجابة لأوامر أمريكا التي كانت تمهد لفصل الجنوب، وبعد أن فصلت الجنوب ألقت بهم لمزبلة التاريخ كما فعلت بحلفائها في أفغانستان وكما فعلت بزيلنسكي وغيرهما. ثم انقسموا ثم عادوا يتحدثون عن النضال ضد الدكتاتورية، ثم تحالفوا مع قوش الذي قادهم لواقعهم اليوم الذي يتباكون عليه، ويصورون الهامش كما لو أنه سبب بلاء السودان ليتنصلوا من مسؤوليتهم التاريخية منذ الاستقلال، وهم الذين رسموا الحاضر البائس جراء تحاسدهم ودسائسهم فيما بينهم، واليوم يريدون أن يتحالفوا ضد المهمشين في الشرق والغرب والجنوب والنوب الغربي كما تحالفوا من قبل ضد الجنوبيين منذ عام ١٩٥٥. وهكذا كان إعلامهم ومنابرهم يتنادون بفصل الجنوب ليذهب الجنوبيون (بعرقهم وعرقيهم) وكأن الدينكا هم من صنعوا العرقي للمك نمر حين أسكر اسماعيل باشا ليغدر به، والغدر من شيمهم فهم ليسوا أهل مواجهة ولا قتال، فلما أرسل إليهم محمد علي باشا بالدفتردار ومعهم جدنا يوسف عصمت تيران باشا فروا فرار الحمر المستنفرة من غضبة قسورة. ثم أصبحوا عبيداً للترك وعبيداً للبريطانيين فانقسموا كلٌ يتنادى باسم سيده، فما لهؤلاء القوم لا يكادون يفقهون قولاً. لا يا سادة. نحن نعرفكم كجوع بطوننا التي لم تجع أبداً، ونعرف دسائسكم التي توجهونها للهامش تضربونه من تحت الحزام وتستعدون لتنكلوا به أكثر مما نكلتم بأطفاله وعجزته من قبل، ولكن الواقع اختلف اليوم اختلافاً كبيراً. فلسوء حظ الجنوبيين كانت وسائل الإعلام محتكرة في إعلامكم، وما كنا نعرف بمطالب الجنوبيين المشروعة، وكنا نحسبهم كما أشعتم مجرد عبيد مجانين حاقدين على الإسلام، فتبين لنا كل هذا الضلال والتضليل، بل اكتشفنا أن الجنوبيين من أكثر شعوب الأرض تسامحاً دينياً، فإنك لتجد دينكاوي مسلم وشقيقه مسيحي ووالدته وثنية أو لا تعرف عن الدين شيئاً وهم ياكلون من قصعة واحدة ويعيشون تحت سقف بيت واحد. فأي ضلال وتضليل ذلك الذي أزهقت بسببه أرواح هؤلاء الأبرياء المساكين بلا جرم اقترفوه. واليوم تعود لنا نفس النبرة والأصوات والكلمات ضد قوى الهامش، محاولة شيطنة كل قياداتهم بدءً من ترك في الشرق وحتى مناوي في الغرب، وانت ماشي، فهل تظنون أن هذه الأكاذيب باتت تنطلي إلا على رهطكم وما رهطكم يوما برشيد؟ لا.. لقد أصبح العالم مفتوحاً على مصراعيه، وأصبحت الحقيقة تنتقل إلى كل مواطن قبل أن يرتد إليه طرفه، فيراها ويسمعها ويشاهدها حية على الهواء مباشرة. لذلك فهذه الحرب الإعلامية ضد الهامش لن تنفعكم، بل في الواقع ستعزلكم عن هذه الشعوب التي تحيط بكم، ولن تجدوا بعد ذلك إلا أن تصوتوا بانفصال أقاليمكم وانضمامكم (طوعاً أو كرهاً) تحت صولجان الحكم المصري وكرباجه، وكذلك كنتم من قبل فمنَّ الله عليكم فجحدتهم بما منَّ الله عليكم واستكبرتم وعلوتم علواً كبيراً، حتى نسيتم الله فأنساكم أنفسكم، ثم يأتي بكم لفيفا في يوم كان موعوداً. فأنتبهوا وارعووا واتقوا فتنة لا تصيبن الذين ظلموا منكم خآصة، فإن الله لا يظلم الناس شيئاً ولكن الناس أنفسهم يظلمون. وكان الله من وراء القصد هو الذي له الحكم الأعلى ولكن أكثر الناس لا يعلمون.
من بوست مجاور: لقاء تحت الزهور بعيد عن معسكرات اللاجئين* آخر لقاء لينا كان فى نيويورك* كلام ليس إلا - حصلت ثورة رغم عدم إكتمالها ازاحت واحد من القتلة. طيب الحرب تانى ليه - ومفاوضات عبثية ليه. المفروض تبدأ إعادة اللاجئين مباشرة والبناء بدل صرف أموال فى غير مكانها وإجتماعات عبثية فى جوبا واتفاقات تحت التربيزة* ورئيس الوزراء القال مهزلته بتاعت "شاف الأمل فى عيون الالاف!) ** ورص الوسائل ولا واحدة ما حصلت! يخلى المفاوضات للقتلة عشان يتفقوا على مصائب إضافية للاجئين وتبديل للسكان الأصلين والحرب لسه مدورة والقروش مدورة! وجلب المرتزقة مدور. *وحمدوك ولا اتفاوض - خلاها ل No Gentlemen يتفقوا تحت التربيزة 😀
Post: #43 Title: Re: سودانى الجوا وجدانى بريده Author: Biraima M Adam Date: 04-12-2022, 03:00 PM Parent: #42
الأخت هدي ميرغني، ممكن تعرفينا بنفسك .. أنتي منو؟ أنا أشك أنك شخصية وهمية تكتب بأسم مستعار .. لو سمحت صححي لي معلومتي دي ..
الأخ ABUHUSSEIN لا تعتدي به كثيراً .. لسانو حلو .. رغم الخصال السمحة في شخصية أبو حسين لكن هناك جانب سيئ لا تدانية شخصية أخري
Quote: the ISFJ is the master of the white lie, for better or for worse. They’re happy to tell you that your shoes match your outfit (they don’t), your new haircut looks great (it doesn’t), and the salsa you spilled on your shirt is practically invisible (it you looks like you were slimed on Nickelodeon).
والحمد الله .. طلع كذب أبيض .. لكن بينى بينكم برضو كذااااااااااااااااب! أكثر أنسان يحتاج المرء إلي الحذر الشديد لكي يأخذ منه شيئ .. لاحظوا في أرفاقاته إلي أعلي جاب، صورة فيها شيئ عن المحكمة الجنائية تدين زعيم مليشيا الجنجويد .. رغم أن قصد المحكمة هو كوشيب .. لكن أبت نفس أبو حسين إلا أن يقحم شخص أخر هو يعرفه في المعمعة بدون أي سبب ..
Quote: المتحدث في الفيديو هو الشهيد خليل ابراهيم, شقيق جبريل ابراهيم
تحياتى أخ محجوب~ الڤيديو تحت مكتوب "د. جبريل ابراهيم " عشان كدا قلت الدباب يتلون الأقوال فى الفيديو ديك وأفعال اليوم ما واحد. *لكن التحريض لغزوة زى حروب جنكيزخان ديك زمان - أسرى والنساء والأطفال وشنو وشنو غريبة يمشوا على القتلة عديل (مش الشعب السودانى المسالم) كان فى الخرطوم كان فى الفاشر حسب الهتاف.
Post: #51 Title: Re: سودانى الجوا وجدانى بريده Author: اسماعيل عبد الله محمد Date: 04-13-2022, 06:53 AM Parent: #50
Quote: يمشوا على القتلة عديل (مش الشعب السودانى المسالم) كان فى الخرطوم كان فى الفاشر حسب الهتاف.
قصدوا الخرطوم لأنها مكمن الداء. داء المحامي محمد شوكت وزعيمه الذي قال لو الغرباوية ركبا جعلي دا شرف ليها وليس اغتصاب. الخرطوم كرأس حية مستهدفة من زمن قرنق فشل قرنق في اقتحامها ونجح خليل ولن تتوقف النوايا في غزوها مادامت تستفز الغرباوي وتطلق عليه لفظ العب أب نخرين.
Post: #52 Title: Re: سودانى الجوا وجدانى بريده Author: اسماعيل عبد الله محمد Date: 04-13-2022, 07:11 AM Parent: #43
Quote: الأخت هدي ميرغني، ممكن تعرفينا بنفسك .. أنتي منو؟ أنا أشك أنك شخصية وهمية تكتب بأسم مستعار .. لو سمحت صححي لي معلومتي دي ..
ههههههه والله تكون مصيبة كبيرة يا ولدبوك لو طلعت رجل أب قلقات.
Post: #53 Title: Re: سودانى الجوا وجدانى بريده Author: اسماعيل عبد الله محمد Date: 04-13-2022, 07:19 AM Parent: #52
هؤلاء من صنع الوضع الراهن الأو مازال في قبضتكم حاكموه ولا تأخذكم به رأفة رابطة الدم لو كنتم صادقين. الثاني عند مليك مقتدر
Quote: الأول مازال في قبضتكم حاكموه ولا تأخذكم به رأفة رابطة الدم لو كنتم صادقين.
من هو المُخَاطْب؟ هل هم حكومة الإنقلابيين و الكيزان الذين أعادهم الإنقلابيون لمناصبهم؟ هل هم قوى الثورة التي يواجه الإنقلابيين سلميتها باستخدام القوة المفرطة؟ أم هم كان مبهم في خيالك؟
Quote: هؤلاء من صنع الوضع الراهن
هذا صحيح
Post: #55 Title: Re: سودانى الجوا وجدانى بريده Author: اسماعيل عبد الله محمد Date: 04-13-2022, 08:05 AM Parent: #54
الزميلة العزيزة هدى ميرغني ثورية ولا يوجد رابط بين كتاباتها و بين الحبر الذي يلمح العنصري شوكت بإنه كوز. لا تفجر في الخصومة.
Post: #57 Title: Re: سودانى الجوا وجدانى بريده Author: اسماعيل عبد الله محمد Date: 04-13-2022, 10:49 AM Parent: #56
Quote: الزميلة العزيزة هدى ميرغني ثورية ولا يوجد رابط بين كتاباتها و بين الحبر الذي يلمح العنصري شوكت بإنه كوز. لا تفجر في الخصومة.
عيال ام قطية دنقرهم واحد.
Post: #58 Title: Re: سودانى الجوا وجدانى بريده Author: علي عبدالوهاب عثمان Date: 04-13-2022, 11:19 AM Parent: #57
الاستاذة هدى تحياتي منقول من قروبات الشباب منتديات دنقلا الاصالة والتاريخ خلاف بين حميدتي وبرطم في التعيينات النص كما ورد في القروب
Quote: خلافات وتبادل الاتهامات خلال اجتماع مجلس السيادة الحراك السياسي كشفت تقارير صحافية، الأربعاء، عن أنّ اجتماع مجلس السيادة الذي انعقد الأثنين بالقصر الرئاسي، شهد تبادلاً للاتّهامات، بين نائب رئيس المجلس محمد حمدان دقلو، والعضو أبو القاسم برطم، بالانحياز الجهويّ ومراعاة المصالح الشخصية، على خلفية ترشيح الأخير لنائب محافظ بنك السودان المركزي. ووفقًا لما أشارت صحيفة الحراك السياسي الصادرة، الأربعاء، فإنّ حميدتي اتّهم برطم، بترشيح أحد أبناء الشمال، قال إنّه تجمعهما مصلحة خاصة، لتولي منصب نائب محافظ بنك السودان. بدوره ردّ برطم لحميدتي، واتّهمه بالسعي للسيطرة على بنك السودان المركزي، ووزارات المالية والطاقة والنفط، والمعادن وشركات البترول، بواسطة تعيين أبناء مناطق محدّدة من الموالين له. فيما اتّهم برطم حميدتي برفض تعيينات أبناء الشمال والوسط المؤهلين في مواقع قيادية بالدولة، ما دفع حميدتي لدمغ برطم بأنّه محرّض ضده من قبل آخرين بمجلس السيادة. وقالت الصحيفة، إنّ برطم ردّ ساخرًا لحميدتي، قائلا” إنني شخص نابغ وذو خبرة ومؤهل ولا أحتاج إلى شخصٍ أنّ يحرّضني على الاعتراض على الممارسات الخاطئة التي تمارسها في احتكار موارد البلاد لشركات الدعم السريع”. وفي السياق، دفعت المواجهات بين حميدتي وبرطم، رئيس المجلس عبد الفتاح البرهان، لرفع الاجتماع، وقالت الصحيفة، إنّ حميدتي ذهب عقب ذلك غاضبًا إلى رئيس المجلس بعد الاجتماع شاكيًا من الاتّهامات التي وجّهها عضو المجلس برطم له.
Quote: خلافات وتبادل الاتهامات خلال اجتماع مجلس السيادة الحراك السياسي كشفت تقارير صحافية، الأربعاء، عن أنّ اجتماع مجلس السيادة الذي انعقد الأثنين بالقصر الرئاسي، شهد تبادلاً للاتّهامات، بين نائب رئيس المجلس محمد حمدان دقلو، والعضو أبو القاسم برطم، بالانحياز الجهويّ ومراعاة المصالح الشخصية، على خلفية ترشيح الأخير لنائب محافظ بنك السودان المركزي. ووفقًا لما أشارت صحيفة الحراك السياسي الصادرة، الأربعاء، فإنّ حميدتي اتّهم برطم، بترشيح أحد أبناء الشمال، قال إنّه تجمعهما مصلحة خاصة، لتولي منصب نائب محافظ بنك السودان. بدوره ردّ برطم لحميدتي، واتّهمه بالسعي للسيطرة على بنك السودان المركزي، ووزارات المالية والطاقة والنفط، والمعادن وشركات البترول، بواسطة تعيين أبناء مناطق محدّدة من الموالين له. فيما اتّهم برطم حميدتي برفض تعيينات أبناء الشمال والوسط المؤهلين في مواقع قيادية بالدولة، ما دفع حميدتي لدمغ برطم بأنّه محرّض ضده من قبل آخرين بمجلس السيادة. وقالت الصحيفة، إنّ برطم ردّ ساخرًا لحميدتي، قائلا” إنني شخص نابغ وذو خبرة ومؤهل ولا أحتاج إلى شخصٍ أنّ يحرّضني على الاعتراض على الممارسات الخاطئة التي تمارسها في احتكار موارد البلاد لشركات الدعم السريع”. وفي السياق، دفعت المواجهات بين حميدتي وبرطم، رئيس المجلس عبد الفتاح البرهان، لرفع الاجتماع، وقالت الصحيفة، إنّ حميدتي ذهب عقب ذلك غاضبًا إلى رئيس المجلس بعد الاجتماع شاكيًا من الاتّهامات التي وجّهها عضو المجلس برطم له.
Post: #59 Title: Re: سودانى الجوا وجدانى بريده Author: علي عبدالوهاب عثمان Date: 04-13-2022, 11:23 AM Parent: #58
الاستاذة هدى غير متأكد من صحة الموضوع ولكن هناك من جماعة برطم وربما أقرباءه في القروب
كان الله في عون الوطن
برطم انتهازي من الدرجة الأولى فقط يركض خلف المناصب ولم يخدم المنطقة بأي شيء .. لديه المال فقط تنقصه السلطة ووجد الفرصة بعد الثورة ..
تحياتى العزيزة دكتورة نعمات~ لك إحترامى الخاص ليك ولى أى حرف تكتبين. إنتى أول من كشفتى المتهافتين أيام المطاولات. المرأة السودانية عاملة للقتلة لخبطة وخوف بشجاعتها الباهرة. ودا طبعا مع إحترامى الأكيد للرجل السودانى المحترم، الأب ،الاخ، الزوج ،الأبناء، وزملاءنا المحترمين بهذا المنبر وفى العمل والدراسة والثوار فى الشارع تروس مع الثائرات. زى ما عارفة الجنجويد 'الرباطة بلقاطها' بعد مجزرة فض الإعتصام كانوا بيقولوا للشباب الواقف أمام آلة قتلهم وبدائتهم "أخواتكم أرجل منكم "! والقاتل حميدتى قال أختطفوا حمدوك عشان زوجات الوزراء ما يهاجموه! معليش يا عزيزة على الإطالة. شوفوا كيف غيرت شعر أبو دلامة المسكين:😀 اى جنجويدى: فَلَيسَ مِنَ الكِرامِ ولا كرامة إذا لَبِسَ البدلة كانَ كاذبا وكاذبا إذا نَزَعَ البدلة جمعت لزوجة وجَمَعتَ غدرا كذاك الغدر تَتبَعُهُ البلادة * ——مع الإعتذار الأكيد لذكرى الشاعر أبو دُلامة
الاستاذة هدى غير متأكد من صحة الموضوع ولكن هناك من جماعة برطم وربما أقرباءه في القروب
كان الله في عون الوطن
برطم انتهازي من الدرجة الأولى فقط يركض خلف المناصب ولم يخدم المنطقة بأي شيء .. لديه المال فقط تنقصه السلطة ووجد الفرصة بعد الثورة ..
تحياتي الاستاذة هدى
تحياتى وإحترامى استاذنا على عبد الوهاب~ نورت البوست وأضفت لمعناه قيمة"سودانى الجوا وجدانى بريده", من كتاباتك عن السودان ومناطق ما اتشرفنا بزيارتها. أما شخص أمثال برطم الموهوم (صاحب البيت الأبيض 😀) لا يرجى منه خيرا. من يتحالف مع القتلة لا يفرق عنهم ، يقتلوا فى الشباب كل يوم ربنا ما فتح عليه بكلمة ، لكن يوم قسمة السلطة اسمه ظهر زعلان| كلهم إلى الجحيم ويبقى السودان وشعبه الصامد الصابر لك التقدير أستاذ على عبد الوهاب
Quote: وفي السياق، دفعت المواجهات بين حميدتي وبرطم، رئيس المجلس عبد الفتاح البرهان، لرفع الاجتماع، وقالت الصحيفة، إنّ حميدتي ذهب عقب ذلك غاضبًا إلى رئيس المجلس بعد الاجتماع شاكيًا من الاتّهامات التي وجّهها عضو المجلس برطم له.
الدعم ياهو الجنجويد.... الدعم فض الاعتصام الدعم هو الكتل الشهيد... الدعم ود البلطجة حاكمنا بالنار والحديد.... الدعم شافع ما بلغ تلقاهو يا اب احمد عميد... ***الدعم مرتزقة و تشاد من كم مشرد وكم طريد... *** يا جيشنا يا خيبة الجيوش قاعد تعاين من بعيد.... سموك حامي الشعب ساي لكن ولا مديتلو ايد... كم حامية ساكت وكم لواء كم فرقة ياوجع القصيد... ونجوم بتلمع في الكتوف ياخيبة العامل عقيد.... ان كنتو حق جند الله صاح ما كان بمشيكم بدائى .... وان كنتو حق جند الله صاح ما كان بمشيكم جنجويد
سلام أخى المحترم ، أبو حسين~ على قول حميد عليه السلام: هى كلها كمها الرباطة بلقاطها المرتزقة مأجورين ويوم مال السودان يكمل بيمشوا يسترزقوا فى حروب بلاد تانية. ونحن قاعدين فى بلدنا.
مليون سلام يا شعبنا أحرار... وحريتنا فى ايمانا بيك ثوار بنفتح لى الشمس فى ليلنا باب.. لى يوم جديد ابداً جذورك فينا تمتدّ.. وتجيك وبنفتديك وحا نفتديك ما بنرمى اسمك في التراب وعيونا تتوجه إليك انت المعلم والكتاب حا نغني ليك ونغني ليك ما بمرمى إسمك فى الكتاب واليزدريك.. يا ويلو من غضبك عليهو.. ومن مشيك يا ويلو من أجَلُو الوشيك يوم ينكسر قيد الحديد السونكى.. والزنزانه والسجن السميك وخطى الشهيد من حولو تهدر والنشيد وانت الشمس من بين ايديك تطلع عليك من كل باب مليون سلام يا شعبنا ومليون حباب
سلام أخى أبو الحسين وتأكيدًا لرأيك والأخ أبو حسين لابد من تجفيف موارد المرتزقة. * الخرطوم مدينة لا تعرف الاسرار: اسكان ضباط وجنود من جنسيات مختلفة تجري مجموعة متخصصة وافراد هذه الايام البحث عن مجمعات سكنية وشقق ، لإسكان اربعون الف اسرة من الضباط وضباط الصف والجنود التابعين للدعم السريع في العاصمة. معظمهم من جنسيات مختلفة : ) النيجر / نيجريا / الكنغو/ ليبيا( بعد ان استوفت هذه الاسر الشروط والاجــراءات الضرورية )رقم وطني وغيرها
الخرطوم - الميدان : أصدرت شركة سكر كنانة لإنتاج السكر خطابات فصل لما يزيد عن ٧٠٠ من العاملين بالشركة الحكومية العملاقة، دون إبداء أسباب. وشملت قوائم الفصل التي صدرت وتصدر تباعاً وبصورة شبه يومية، كل أقسام الشركة ومن مختلف الدرجات الوظيفية، حيث تتم مطالبة رؤساء الأقسام برفع كشف بالعاملين المستهدفين بالفصل – كما أفًاد أحد المهندسين المفصولين. وطبقا لصفحة ”نشرة عمال السودان“ المهتمة بأوضاع العمال، فإن نشر قوائم الفصل جاء بعد الزيارة التي قامت بها سلمى عبد الجبار، عضو مجلس السيادة الانقلابي للشركة، مما يطرح المزيد من التساؤلات. ويعد قسم الـزراعـة من أكثر الاقسام تعرضاً لعمليات الفصل حتى الآن.
* مقتطفات بتصرف من قصيدة حميد - ست الدار بت احمد جابر * حتى احكيلك بالتفصيل حاصل الحاصل يا بت أحمد جاني وفد في المصنع زاير . . وكان الوفد ده كيزانى لفّ وفات اليوم التاني جانا مدير المصنع فاير وشو حمار العمدة العاير قال المصنع فيهو خساير وقالوا يخفضوا مئتين (٧٠٠)عامل مئتي عامل في فد مرة مائتين عامل .. مائتين عامل يبقوا هوامل .. يبقوا هوامل ؟؟ ما يهموش .. الهم المصنع تفّ قراروا وفات في حالو العمال من سمعوا احتجوا .. سيرو موكب صامد وصامت احتجينا مع الإحتجو إتكلمنا كلام موضوعي قلنا المصنع حق الدولة .. والعمال أصحاب الحق هي اللي تقرر والتتولى هي البتحدد سير المصنع إيد العامل هي العاد تنتج ما المكنات الكيزانية (جاية من الدول الموالية للكيزان جميعها) زيت العامل ياهو البطلع ..
*ودرن الأيدي العمالية أنضف من لسنات الفجرة *ودين الدقن الشيطانية *ومن كرفتة البنك الدولي ..
الإهداء إلى حركات الإرتزاق ، التى أتى بها نضال الشعب السودانى السلمى وأصبحت القاتل لهم مع مرتزقة الجنجويد: وَكَمْ عَلَّمْتُـهُ نَظْمَ القَوَافي فَلَـمَّـا قَالَ قَافِيةً هَجـانِي
ولكل القتلة: فلا ظفِرتْ يمينُك حين ترمي وشُلَّتْ منك حاملةُ البَنانِ"
مليون سلام يا شعبنا .. ومليون حباب الإغتراب يا ابونا .. ما طول الغياب .. *الإحتلال* حال البخونك ويزدريك .. ونحن بين سُونكيهو .. والزنزانه والسجن السميك .. منك قُراب .. أحرار ... وحريتنا فى إيمـــانا بيك .. ثوار بنفتح لى الشمس فى ليلنا باب .. لى يوم جديد .. أبداً جذورك فينا تمتدّ .. وتجيــك .. وبنفتديك .. وحــــــا نفتديك .. ما بنرمى اسمك في التراب .. وعيونا تتوجه إليــك .. انت المعلم والكتاب .. حا نغني ليك .. ونغني ليك .. واليزدريك .. يا ويلو من غضبك عليهو .. ومن مشيك .. يا ويلو من أجَلُو الوشيك .. يوم ينكسر قيـد الحديد .. السونكى .. والزنزانــه .. والسجن السميك .. *وخطى الشهيـــد .. من حولو تهـــــدر .. والنشيد .. وانت الشمس من بين ايديك .. تطلع عليك .. من كل باب .. مليـون سلام .. يــــــا شعبنا .. ومليون حباب ..
الهبوط الناعم: نفس الوجوه عادت من جديد وبنفس دعوتها * وعبد الله على إبراهيم محكر كان فى نص الجماعة فى واشنطون يمكن عشان كدا.زعلان اليومين دى زيادة من الحزب الشيوعى السودانى. … …… لكن الواقع إختلف *الشعب شعب أقوى والردة مستحيلة
Quote: ……بالله أقراي شخصيتي .. في البوست الأول .. كما أرجو منك أن تأخذي الأمتحان .. وتكشفي لينا أبعاد شخصيتك لعلنا نصل لتسامح من خلال معرفة شخصياتنا .…. بريمة
من قريت الكلام الفى الكوت دا لافة فى رأسى عبارة شابة فى الأبيض كانت تهتف ضد القاتل المخلوع البشير فى بدايات الثورة السودانية الصعبة دى قالت فى آخر هتافها "غبى إنت ما بتفهم …" -المسألة ليست عن شخصى وأنا ما بعرفك ولا أرجو ذلك. #لا أتسامح مع نافخ الكير صاحب النوايا السؤ ضد غالبية الشعب السودانى…الذى تمنى للخرطوم ان تقوم قيامتها ..الخ، والذى احتفى بمجزرة فض إعتصام القيادة وكتب بكل إنعدام الضمير والحس بوسته ذاك "هدوا اللعب…" ! وهزأ فيه من شخص أكبر منه عمرا فى ڤيديو والجنجويد يضربون فيه أمام منزله. #وظهوره الأجوف وتشجيعه لإنقلاب القتلة الراهن #لا أ تسامح إطلاقا مع من يسئ للمرأة ويشبهها بالبيضة وكلام بدائى آخر يعكس دواخله، فكره وحاله.
المصير المحتوم ! كتبه زهير السراج *مرة ثانية وثالثة وعاشرة أقول .. بأن الذين يعتقدون ان جريمة فض الاعتصام كانت موجهة ضد ضحايا الثالث من يونيو الأسود (2019 ) فهم مخطئون، فهىَّ لم تكن موجهة ضد أولئك المعتصمين الأبرياء المسالمين الصائمين فقط، وإنما ضد الشعب السوداني بأكمله، بل ضد الإنسانية جمعاء .. لذلك أطلقت عليها القوانين الإنسانية اسم (الجرائم ضد الإنسانية) حتى لو كان ضحيتها شخص واحد فقط ، وذكرتها وجرَّمتها قبل ذلك كل الكتب السماوية، وقال فيها القرآن الكريم: (من قتل نفساً بغير نفسٍ أو فسادٍ في الأرض، فكأنما قتل الناس جميعاً)، وليس هنالك من تفسير لجملة (الناس جميعا) سوى (الإنسانية)، فماذا تعنى الإنسانية غير الإنسان ؟!