هل الأزمة الإقتصادية هي سبب الفشل السياسي؟

04:01 PM January, 01 2022

سودانيز اون لاين
نعمات عماد-khartoum
مكتبتى
رابط مختصر

أم إن العكس صحيح؟
هل هي حلقة مفرغة؟
أي ثقب أسود يبتلع موارد السودان؟
هل من يتحكم في الموارد الآن هو الحاكم
الحقيقي للسودان؟
جبريل يتسول كما كان المخلوع يتسول،
فأين هي موارد السودان؟
هل ستنجح أي حكومة بدون السيطرة الكاملة
على الموارد و إدارتها بحزم لمصلحة الوطن؟
القتلة و الإنتهازيين و المليشيات، على ماذا
يتكالبون إذا كانت البلد تمر بأسوأ أزمة إقتصادية؟
ما دور المحاور الخارجية في الأزمة الإقتصادية؟

تحياتى العزيزة نعمات~
والأمانى ليك وللشعب السودانى بالأمن والأمان والنصر المبين.
أسئلة فى الصميم، ومحتاجة للنقاش.
سأعود ليك بالسنتين تبعى

سلام دكتورة نعمات و ضيفتك العزيزة هدى
اكيد السياسيين هم اس مشاكل السودان
و بقول السياسيين و ليس السياسة لأن السياسة بريئة من خطايا ممارسيها
و ظهر لنا جليا جهلهم و فقدهم للوطنية و النزاهة ..

تحياتي

هدى يا عزيزة
في إنتظار رأيك الثاقب في علاقة الإقتصاد السوداني
بالعبارة الشهيرة (السودان بلد غني بالموارد)... أين هي؟
،،،،،،،،،،
هل يمكن إصلاح الإقتصاد في وجود مليشيا و كيزان
يستولون على مصادر الدخل القومي السوداني؟

Quote: هل الأزمة الإقتصادية هي سبب الفشل السياسي؟

سلمات يا نعمات عماد

ابداً الازمة الاقتصادية كان فى طريقها الى حل جزرى ولكن العسكر وخاصة اكرر خاصة اكرر خاصة حميدتى
هو الذى يقف فى طريق انطلاق البلد نحو تحقيق اهدافها السياسية والاقتصادية
حميدتى يريد ان يحكم بكل ما اوتي من قوة ومهما رفض الرافضون .
مشكلة السودان تتلخص فى شخص اسمو حميدتى يريد ان يحكم السودان
وفى سبيل ذلك جعل كل الحركات المسلحة تحت امرته وبعض النافذين فى القوات المسلحة ورجال الادارة الاهلية
ولو اراد ان يحكم بالحركات المسلحة والنافذين فى القوات المسلحة والادارة الاهلية فالشارع لا يسع الجميع .
فالشارع الذى اسقط البشير فى امكانه اسقاط حميدتي والبرهان ومن شايعهم .

السيناريو المرسوم لوصول حميدتي للحكم هو :

كلفتة الفترة الانتقالية باي طريقة والوصول الى مرحلة انتخابات هزلية مخجوجة مثل انتخابات الكيزان
وبدعم كبير من الادارات الاهلية فى جميع انحاء السودان .
فى الفترة الاخيرة زار حميدتى تقريبا جميع ولايات السودان والتقى بالذات مع الادارات الاهلية فى تلك
الولايات .

السيناريو دا يا حميدتى تلقاهو عند الغافل .

Quote: أكيد هم اس مشاكل السودان ........ و ظهر لنا جليا جهلهم و فقدهم للوطنية و النزاهة ..

و عليكم السلام ابوحسين
الحقيقة إن العبارات في المقتبس تنطبق على الكيزان، اللجنة الأمنية،
القتلة برهان و حميدتي،المرتزقة جبريل و مناوي ،الإنتهازيين مثل
أردول و هجو و عسكوري و عقار و كل زبالة الميثاق الوطني.
و هذا لا ينفي إن لبعض الأحزاب كوارثها و قصورها ،خاصة بعد
إختراقها و تفتيتها بواسطة الكيزان.

‏السلام يغشى الجميع~

العزيز أبو حسين (تانى الإسم بالعربى بس ، تعبتنا بتغيير الكيبورد عربى/إنقليزى 😀)

مقدمة قد لا تبدو لها علاقة بموضوع العزيزة نعمات

زمنى كله بقول على السودان "البلاد العامرة بناسها", من كثرة المحبة والعرفان.
يعنى ثروتها إنسانها بكل إنسانيته، وواضح إنه القتلة عارفين الموضوع دا عشان كدا شغالين إبادة وتشريد، وتهجير كفاءت.
خاطرة:
كَثر خير الدنيا وكَثر خير الوالد خلتنى أشوف بعض المناطق فى السودان أستحضر منهم:-
-منطقة وصف أطفالها حميد"شفع العرب الفقارى - اليفنو الشايلها إيدهم ويجروا كابسين القطارة"
شفت المنظر دا عيانا بيانا وقطار الشمالية يقطع الصحراء شفت الأطفال وكيف يجروا وراء القطر بملابسهم البالية ،مادين إيديهم الصغار النحاف وينادوا رغى رغى (من السرعة ولهجتهم ما بيتموا كلمة رغيف)، وبنفس ما وصفهم حميد - عليه السلام يوم مات ويوم يبعث من ظلام الموت حيا- كما كتب درويش فى قصيدته أحمد العربى.
- وفى زيارة أخرى لمنطقة كادقلى زرنا أسرة فى مرتفع (جبل ) حتى شكل الأغنام متحور لمعايشة الطبيعة الجبلية!المهم فى الزيارة ،الدنيا كانت مغربية، الأم عندها حلة فى النار وطفلها يلعب جوارها من غير هدوم ..
رجعت حزينة وفى بالى ما حدثت به تلك المرأة سيدنا عمر بن الخطاب عليه السلام " أغلى الحصى فى النار .." طبعا الفى الحلة يومها ما كان حصى وما كان غذاء مفيد .
*المناطق دى بقت مناطق ذهب ، يعمل فيها أصحاب الحق (التعدين البدائى) فى ظروف لا تخطر على البال ويذهب ناتج عرقهم كما نعرف جميعا للقتلة وشركائهم.

سأواصل

Quote: العزيز أبو حسين (تانى الإسم بالعربى بس ، تعبتنا بتغيير الكيبورد عربى/إنقليزى 😀)

🤣🤣🤣🤣🤣🤣🤣🤣
عفيتك يا هدوية اكتبي زي ما عايزة .... 🤣🤣🤣🤣🤣

السلام عليكم جميعاً .. وكل عام وأنتم بخير ..
سنة جديدة سعيدة على كل قُطرنا الحبيب آل. تليد ..
السودان الوطن الواحد ..
ثائرٌ جااااااد في سبيل التغيير الإيجابي برغم تراكُم
التحديات .. وَ ضِمنها، رزالات محلية وإقليمية ودولية معروووووفا ..!

التحية ليك الأخت د. نعمات،
وبدء إجابتي على سؤالك:

Quote: Re: هل الأزمة الاقتصادية هي سبب الفشل السياسي؟

لا بالطبع

أما عن:

Quote: ما دور المحاور الخارجية في الأزمة الإقتصادية...؟!

أعتقد أن دور المحاور الخارجية في الأزمة الاقتصادية السودانية، فهو الدور
ذو القِدح المــُــعلــَّى في الأزمة السودانية اقتصاداً واجتماعاً وسياسة وثقافة وَ
هــَلمــّجــَرّا.

وذاك تحدّينا الأكبر! وسننتصر بإذن الله تعالى..

لكم خالص التحايا وكل عام وأنتم جميعا بخير
المعادلة الاقتصادية حلها وضبطها
لتحقيق وضع اقتصادي أفضل هي دخل مقابل انفاق
و دون ضبط الإنفاق أولا لا فائدة من زيادة الدخل
لا بد من تقليل الوظائف الحكومية
بهيكلة جديدة
يقوليك الإنجليز سابو لينا خدمة مدنية متميزة!
والحقيقة سابو لينا بلا كبير هو سبب معظم معضلات بلدنا
لأنها من سماتها الترهل والتعقيد والبروقراطية
والمطاولات بين المكاتب والطاولات والشبابيك
وسغل المحسوبية والوساطات
ولابد كذلك من دمج الوزارات وتقليلها
في دول أوربا سبعة وزارات فقط
ونحن جيوش من الموظفين في كل مرفق حكومي!
حينما يكون راتب الشرطي أو الموظف في شرطة
الجمارك وأي موظف في مرفق حكومي لا يكفيه
يسبب ذلك التجاوزات بسبب الرشاوي
وكذلك عدم وجود خطط وبرامج وانفتاح على
الأفكار والمفكرين وأصحاب المشاريع والبرامج
والرؤى والخطط بسبب سيطرة
الأحزاب وتكالبها وعراكها وجعل ميدان
السلطة وخدمات المواطن حلبة مصارعة
من أجل كرسي السلطة!

سلام عليكم
الازمة الحاليه حلقة من حلقات الازمة المزمنة وحتى لو تجاوزناها حتبرزازمة فى رحم المستقبل القريب
ليه ؟
المشكله المزمنة سببها العقليه السودانيه والارادة الوطنيه (فرديا وجماعيا)
عندنا احزاب وعندنا قيادات وسياسيين وتخب مثقفة لكن تدور فى حلقه مفرغ وتستمتع بتكراراها من ديمقراطيه لمعارضه ومصالحه نظام ثم ثورة ...االخ

شعوب نهضت من رمادها كطائر الفينيق ووخلقت فى سماوات بعيدة (رواندا مثالا)
ونحنا نتخبط كطائر ينتف رشو بمنقارهويتخبط يريد الطيران !!!
.
عقليه وارادة تجعل من الاختلاف مكونات نسيج ملون متماسك
حينها فقط الاقتصاد والدور الانسانى كقوة ناعمه ستقدم السودان كدوله لها وزنها وهيبتها اقليميا ودوليا
لكن ان كنا نتصارع ولا نتقبل بعضنا بعضا عنصريا وجهويا وفكريا فمن الطبيعى ان يستغل الغريب الضعف دا ليسرق موارد السودان ويحاول البعض تحويله لحديقه خلفيه له
هل كانت دوله او حلف يجد الجراءة على فعل ماتفعله بعض الدول والاحلاف ما لم يجدو فى بعضنا ضعفا ورضوخ واستعداد ان يستعين بالعريب ينتصرر به على اخيه فى الوطن ؟
ويعكس المثل القائل (رغم بعض التحفظ على بعضه) -انا واخوى على ابن عمى وانا وابن عمى على الغريب - انعسكت الايه واصبحت انا والغريب على ابن عمى وانا وابن عمى على اخوى .
قال تعالى : (إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ )صدق الله العظيم
بخلاف ذلك لو اخرجت اثقالها من كنوز وموارد تحت اقدامنا ومتناول ايدينا لن نستفيد منها ما لم نتغير كانسان يتقبل اخيه فى الوطن ويسمو فوق الاهواء والانتماءات الادنى
تحياتى

سلام تانى~
ومعليش العزيزة نعمات جيت بمقدمة تانى فيها شوية معلومات "معروفة للجميع"،
القصد منها رفع البوست لمزيدا من النقاش ومحاولة لفهم بلاد الآخرين هاجمة على السودان ليه
——-٠

موارد السودان:
معادن؛
أرض غنية ؛
مساحة كبيرة؛
موقع مميز؛
مياه؛
ثروة حيوانية وزراعية

- لو استثنينا البترول الذى لم يكن له عائدا على الشعب السودانى (غير رش البعوض وتخفيف الملاريا فى تلك السنوات) سيطرة الكيزان وتفكيرهم فى حشو حساباتهم خارج السودان، حرمت الشعب السودانى من الإستفادة منه فى تعمير البلد ..
السودان غنى بالمعادن مثال
الذهب - ودا موضوع معلوم ومؤسف، واتكتب عنه الكثير. الذهب يتسرق ويتهرب على عينك يا شعب السودان، وطبعا الذهب معدن غير متجدد - يعنى بعد فترة ممكن كل ذهب السودان ينعدم.
والشباب عمرهم يضيع وتتشوه ملامحهم ، تكونى عارفة دكتورة نعمات كثير من الحالات زى ما شفت صور للمصابين (عيون، جلد وغيرها)؛
-الأرض الزراعية الغنية وكيف تُستهلك مثال بسيط زراعة البرسيم عن طريق شركات أمارتية وتشيله بلدها !
- موقع السودان المميز وكيف ممكن يكون ممر ويقصر مسافات الطيران- ودا أول ما اتحصلت عليه اسرائيل بعد لقائها مع القتلة؛
- المياه (عبر عنها الثوار بعبارة تشرح الفكرة كلها "نيلين وعطشانة"؛
- البحر الأحمر غير إنه ميناء - جواه كمان ثروات ، وفيه الشُعب المرجانية - من أجمل الشُعب المرجانية عالميا ، مع الإهمال الحاصل وصب زيوت السفن عليها ، لونها الجميل بدأ يزول تماما. مقارنة بمصر جهتها من نفس البحر مصايف ومنتجعات.
- الثروة الحيوانية: فى ثلاثةِ أسابيع دكتور قرنق الأخيرة ، مشى زيارة أمريكا (تقريبا وليس قطعا - كانت يوم 21 يونيو 2005) والتقى ببعض الأفراد من السودان الجنوبى (كلنا السودان وقتها) - حدثهم بشجاعته المعهودة تلك أنه لن يسمح بتصدير موارد السودان حتى يكتفى الشعب، وحثاهم على العودة إلى السودان بديلا عن الخبراء الأجانب . فى نفس الفترة جاء فى جريدة الواشنطن بوست (ملحقها الإسبوعى من كل يوم أحد) جاء الملحق كاملا عن الثروة الحيوانية بجنوب السودان- صور لحيوانات رغم سودانيتى عمرى كله ما كنت عارفة إنها موجودة فى السودان!
وبعدها حدس ما حدس (الحقوق محفوظة للكباشى)؛
- الكيزان حرقوا (وما زالوا يفعلون) النخيل - يحرقوا ثروة نادرة؛ يستوردوا شتول مريضة تقضى على النخيل الموجود وتدمر الأرض!
- الصمغ العربى وندرته (وجوده فى بعض بلاد ساحل أفريقيا زى السودان، السنغال الصومال)زى ما عارفين كلنا فوائده . كمان عارفين الشركات المريبة التى تعمل على تصديره (تُقرأ تهريبه) وتغتنى ولا يعود على الشعب السودانى منه عائد.
- مانجو وجوافة السودان (نكهة وطعم) ، الآن تُنتج فى مصر من غير طعم ؛
- الكركدى الكان سودانى أصبح معلب ومصدر -منتجات مصرية!
من المفارقات المضحكة النبق الإيرانى ودا بدون تعليق 😀


سأواصل

لقاء دكتور جون قرنق أثناء زيارته لأمريكا كان يوم 17 يونيو وليس 21 يونيو من عام 2005 .

مرحب بكل الأراء النيرة للمتداخلين الأعزاء،
العزيزة هدى
واصلي مشكورة في التحليل المميز.

Quote: حميدتى هو الذى يقف فى طريق انطلاق البلد نحو تحقيق اهدافها السياسية والاقتصادية حميدتى يريد ان يحكم بكل ما اوتي من قوة ومهما رفض الرافضون . مشكلة السودان تتلخص فى شخص اسمو حميدتى يريد ان يحكم السودان وفى سبيل ذلك جعل كل الحركات المسلحة تحت امرته وبعض النافذين فى القوات المسلحة ورجال الادارة الاهلية

هذا هو الواقع للأسف، مضافاً إليه أطماع المحاور.
شكراً أ. علاء سيد أحمد

السلام عليكم دكتورة نعمات حابي أضيف ليك رأي من يحمل راية الثورة الاقتصادية السودانية من عشرة سنوات أولا في مسألة الموارد الاقتصادية حبى المولى تعالي كل بلدان العالم من خيرات الطبيعة فكل البلدان لها موارد متباينة متكاملة لكن يبقى المورد الأهم هو المقدرة على استثمار هبة الطبيعة ومنه تقاس الموارد عندما نقول الدهب مثلا السعودية تمتلك جملا كاملا من الذهب لا يتم حسابه ضمن موارد المملكة بل البترول والصناعة والسياحة بمعني ما يتم الاستفادة منه دي نقطة الحاجة التانية السياسة هي أحد فروع علم الاقتصاد كل الثورات العظيمة هي ثورات اقتصادية صرفة مثال الثورة الرأسمالية والفرنسية والماركسية حملت في جوفها نظم سياسية تنظمها والحاجة الثالثة والأخيرة في هذه العجالة بغياب الهدف الاقتصادي لأي أمه تسعى إليه لن تنجح في أي خطوة تمشيها نحو رفاهيتها واستقرارها نحن في السودان عندما تركنا المستعمر رسخ فينا هدف قومي موحد توجهه في من يحكم السودان وكيف يحكم السودان وهكذا أي هدف منشود الصفوة فقط المتعلمة أن يحكموا ويتحكموا فقط وهذا اس المشكلة السودانية فلو نلنا استقلالنا مثل باقي الدول بالدم والمقاومة من البديهيات كان وضعنا برنامج أساسه الاقتصاد ومصلحة السودان وكل برنامج اقتصادي يا دكتورة كما تعلمين يبدأ بالهدف

Quote: أعتقد أن دور المحاور الخارجية في الأزمة الاقتصادية السودانية، فهو الدور ذو القِدح المــُــعلــَّى في الأزمة السودانية اقتصاداً واجتماعاً وسياسة وثقافة وَ هــَلمــّجــَرّا. وذاك تحدّينا الأكبر! وسننتصر بإذن الله تعالى..

سلام أستاذ أبو جودة
شكراً لك و للمتداخلين الكرام لإثراء البوست.
أتفق معك، و أضيف إن سبب تدخُّل المحاور هو وجود رؤساء
و حكومات غير وطنية و فاسدة و هاربة من العدالة.
طبعاً أقصد المخلوع و الكيزان ثم اللجنة الأمنية بقيادة برهان
و المليشياوي حميدتي و شركاءه المرتزقة.

سلام أ. منتصر عبدالباسط
و كل عام وانتم بخير (آسفة للتأخير)
شكراً للمداخلة المفصلة التي أتفق معك في معظم النقاط
التي ذكرتها، مثل ضرورة زيادة الإنتاج و خفض الإنفاق
الحكومي و تقليل إستيراد السلع الكمالية و مكافحة الفساد
المالي و الإداري.
في الفقرة الأخيرة من مداخلتك أغفلت الإشارة لمسئولية
السلطة عن الإصلاح الإقتصادي و التخطيط الإستراتيجي،
عموماً المؤتمر الوطني المحلول هو أكثر حزب تنطبق عليه
الفقرة المقتبسة.

Quote: وكذلك عدم وجود خطط وبرامج وانفتاح على الأفكار والمفكرين وأصحاب المشاريع والبرامج والرؤى والخطط بسبب سيطرة الأحزاب وتكالبها وعراكها وجعل ميدان السلطة وخدمات المواطن حلبة مصارعة من أجل كرسي السلطة!

هل الأزمة الإقتصادية هي سبب الفشل السياسي؟
ربما
لكن من المؤكد ان الازمة الاقتصادية سببها الفشل الفشل السياسي

و عليكم السلام أ. عاصم
كما تفضلت ،فشل السياسيين في تأسيس دولة العدالة و المساواة نتج عنه فشل إقتصادي.
رغم جدية الموضوع تذكرت مقولة ع. الرحيم اللمبي:- (الفشل كل يوم يشهد الفشل) 😂

Quote: سلام عليكم الازمة الحاليه حلقة من حلقات الازمة المزمنة وحتى لو تجاوزناها حتبرزازمة فى رحم المستقبل القريب ليه ؟ المشكله المزمنة سببها العقليه السودانيه والارادة الوطنيه (فرديا وجماعيا) عندنا احزاب وعندنا قيادات وسياسيين وتخب مثقفة لكن تدور فى حلقه مفرغ وتستمتع بتكراراها من ديمقراطيه لمعارضه ومصالحه نظام ثم ثورة ...االخ شعوب نهضت من رمادها كطائر الفينيق ووخلقت فى سماوات بعيدة (رواندا مثالا) ونحنا نتخبط كطائر ينتف رشو بمنقارهويتخبط يريد الطيران !!! . عقليه وارادة تجعل من الاختلاف مكونات نسيج ملون متماسك حينها فقط الاقتصاد والدور الانسانى كقوة ناعمه ستقدم السودان كدوله لها وزنها وهيبتها اقليميا ودوليا لكن ان كنا نتصارع ولا نتقبل بعضنا بعضا عنصريا وجهويا وفكريا فمن الطبيعى ان يستغل الغريب الضعف دا ليسرق موارد السودان ويحاول البعض تحويله لحديقه خلفيه له هل كانت دوله او حلف يجد الجراءة على فعل ماتفعله بعض الدول والاحلاف ما لم يجدو فى بعضنا ضعفا ورضوخ واستعداد ان يستعين بالعريب ينتصرر به على اخيه فى الوطن ؟ ويعكس المثل القائل (رغم بعض التحفظ على بعضه) -انا واخوى على ابن عمى وانا وابن عمى على الغريب - انعسكت الايه واصبحت انا والغريب على ابن عمى وانا وابن عمى على اخوى . قال تعالى : (إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ )صدق الله العظيم بخلاف ذلك لو اخرجت اثقالها من كنوز وموارد تحت اقدامنا ومتناول ايدينا لن نستفيد منها ما لم نتغير كانسان يتقبل اخيه فى الوطن ويسمو فوق الاهواء والانتماءات الادنى تحياتى

اقتصاد الدول الشمولية الذي يعتمد على الموارد الطبيعية
فقط ما عاد يناسب السودان
لابد من اقتصاد يعتمد على المورد البشري
الذي يحسن التعامل مع المورد الطييعي أفقيا وراسيا
وتحويليا.
وهذا يحتاج رؤى وبرامج واستراتيجيات تعليمية
وادارية جديدة

والله يا منتصر ده البنادي بيه لمن صوتنا بح وراح
قولوا انتو أمكن الناس الامخاخها محجرة دي تستوبه منكم

الزميلات و الزملاء الكرام
رحبوا معي بالعائد بعد غياب الأستاذ الأمين عبدالرحمن عيسى.
،،،،،، ،،

Quote: ——-٠ الأخت العزيزة هدى ميرغني أشكرك على الأمثلة التي تثبت بوضوح إن الفشل السياسي يقود لتردي الإقتصاد و إن الوطنيين المخلصين لم تتاح لهم الفرص للنهوض بالسودان حتى الآن، و لهذا الثورة مستمرة إلى أن نؤسس دولة مدنية ديمقراطية. موارد السودان: معادن؛ أرض غنية ؛ مساحة كبيرة؛ موقع مميز؛ مياه؛ ثروة حيوانية وزراعية - لو استثنينا البترول الذى لم يكن له عائدا على الشعب السودانى (غير رش البعوض وتخفيف الملاريا فى تلك السنوات) سيطرة الكيزان وتفكيرهم فى حشو حساباتهم خارج السودان، حرمت الشعب السودانى من الإستفادة منه فى تعمير البلد .. السودان غنى بالمعادن مثال الذهب - ودا موضوع معلوم ومؤسف، واتكتب عنه الكثير. الذهب يتسرق ويتهرب على عينك يا شعب السودان، وطبعا الذهب معدن غير متجدد - يعنى بعد فترة ممكن كل ذهب السودان ينعدم. والشباب عمرهم يضيع وتتشوه ملامحهم ، تكونى عارفة دكتورة نعمات كثير من الحالات زى ما شفت صور للمصابين (عيون، جلد وغيرها)؛ -الأرض الزراعية الغنية وكيف تُستهلك مثال بسيط زراعة البرسيم عن طريق شركات أمارتية وتشيله بلدها ! - موقع السودان المميز وكيف ممكن يكون ممر ويقصر مسافات الطيران- ودا أول ما اتحصلت عليه اسرائيل بعد لقائها مع القتلة؛ - المياه (عبر عنها الثوار بعبارة تشرح الفكرة كلها "نيلين وعطشانة"؛ - البحر الأحمر غير إنه ميناء - جواه كمان ثروات ، وفيه الشُعب المرجانية - من أجمل الشُعب المرجانية عالميا ، مع الإهمال الحاصل وصب زيوت السفن عليها ، لونها الجميل بدأ يزول تماما. مقارنة بمصر جهتها من نفس البحر مصايف ومنتجعات. - الثروة الحيوانية: فى ثلاثةِ أسابيع دكتور قرنق الأخيرة ، مشى زيارة أمريكا (تقريبا وليس قطعا - كانت يوم 21 يونيو 2005) والتقى ببعض الأفراد من السودان الجنوبى (كلنا السودان وقتها) - حدثهم بشجاعته المعهودة تلك أنه لن يسمح بتصدير موارد السودان حتى يكتفى الشعب، وحثاهم على العودة إلى السودان بديلا عن الخبراء الأجانب . فى نفس الفترة جاء فى جريدة الواشنطن بوست (ملحقها الإسبوعى من كل يوم أحد) جاء الملحق كاملا عن الثروة الحيوانية بجنوب السودان- صور لحيوانات رغم سودانيتى عمرى كله ما كنت عارفة إنها موجودة فى السودان! وبعدها حدس ما حدس (الحقوق محفوظة للكباشى)؛ - الكيزان حرقوا (وما زالوا يفعلون) النخيل - يحرقوا ثروة نادرة؛ يستوردوا شتول مريضة تقضى على النخيل الموجود وتدمر الأرض! - الصمغ العربى وندرته (وجوده فى بعض بلاد ساحل أفريقيا زى السودان، السنغال الصومال)زى ما عارفين كلنا فوائده . كمان عارفين الشركات المريبة التى تعمل على تصديره (تُقرأ تهريبه) وتغتنى ولا يعود على الشعب السودانى منه عائد. - مانجو وجوافة السودان (نكهة وطعم) ، الآن تُنتج فى مصر من غير طعم ؛ - الكركدى الكان سودانى أصبح معلب ومصدر -منتجات مصرية! من المفارقات المضحكة النبق الإيرانى ودا بدون تعليق 😀

الأمير توفيق
مداخلة رائعة،
فكرتك عن الطريقة التي نلنا بها استقلالنا تشبه المقولة الإنجليزية :
Easy come ,easy go !
مع إن الإستقلال أتى نتيجة لتراكم نضالات سابقة.

Quote: السلام عليكم دكتورة نعمات حابي أضيف ليك رأي من يحمل راية الثورة الاقتصادية السودانية من عشرة سنوات أولا في مسألة الموارد الاقتصادية حبى المولى تعالي كل بلدان العالم من خيرات الطبيعة فكل البلدان لها موارد متباينة متكاملة لكن يبقى المورد الأهم هو المقدرة على استثمار هبة الطبيعة ومنه تقاس الموارد عندما نقول الدهب مثلا السعودية تمتلك جملا كاملا من الذهب لا يتم حسابه ضمن موارد المملكة بل البترول والصناعة والسياحة بمعني ما يتم الاستفادة منه دي نقطة الحاجة التانية السياسة هي أحد فروع علم الاقتصاد كل الثورات العظيمة هي ثورات اقتصادية صرفة مثال الثورة الرأسمالية والفرنسية والماركسية حملت في جوفها نظم سياسية تنظمها والحاجة الثالثة والأخيرة في هذه العجالة بغياب الهدف الاقتصادي لأي أمه تسعى إليه لن تنجح في أي خطوة تمشيها نحو رفاهيتها واستقرارها نحن في السودان عندما تركنا المستعمر رسخ فينا هدف قومي موحد توجهه في من يحكم السودان وكيف يحكم السودان وهكذا أي هدف منشود الصفوة فقط المتعلمة أن يحكموا ويتحكموا فقط وهذا اس المشكلة السودانية فلو نلنا استقلالنا مثل باقي الدول بالدم والمقاومة من البديهيات كان وضعنا برنامج أساسه الاقتصاد ومصلحة السودان وكل برنامج اقتصادي يا دكتورة كما تعلمين يبدأ بالهدف

سلام يانعمات وضيوفك الكرام

الأزمة الإقتصادية الحالية فى السودان هى ناتجة

من تحكم جنرالات الجيش العملاء فى موارد البلاد

وثرواته الضخمة وتحويلها لمصالح دول محور الشر

التى تقوم بحمايتهم ومساندتهم للإستمرار فى حكم

البلاد بقوة البندقية

هذا المقتبس 👇أدناه يوضح بما لا يدع مجالا للشك

أن البرهان خائن للوطن وعميل لمصر وغيرها

ولا يهمه مصلحة البلاد أو المواطن

( امبارح العصر كنا في الملتقي بوفد يمثل قريتنا والقري المحاوره لمروي
والله الناس واقفه وقفه رجال لو قلت ليكم الجرارات المصريه بالالاف في كل الاتجاهين ممنوعه من المرور
المرور فقط للبصات السفريه والصوالين والاسعاف فقط
حتي دفارات التمور ممنوعه من المرور وحضر مندوب من رئاسه الجمهوريه
قال رسلو معاي مناديب منكم يقابلوا البرهان قالوا ليهو البرهان يجينا هنا
قال طيب ح نخفض ليكم قيمه الكهرباء قالوا ليها ما عايزين تخفيض
ترجع التسعيره القديمه حتي لو جانا البرهان برضو يرجع التسعيره القديمه
تتخيلوا المندوب طلب شنو قال خلاص لغايه ما يلبوا مطالبكم
خلو الجرارات الشاحنه الابل والبقر والقطن تمر قالوا ليهو لو سايقه البرهان ما بيمر من هنا
يعني الوسخ ده ما هماهو دفارات التمر والموالح الماشي الخرطوم الفيها ارزاق الناس
همهم مصالح اسيادم المصريين ما تتعطل العملاء العفن اولاد الوسخه )

———-

تحياتى

Quote: من المؤكد ان الازمة الاقتصادية سببها الفشل السياسي

مرحب أستاذ الأمين عبدالرحمن عيسى
أوضح دليل على صحة الإقتباس هو حجم ديون السودان منذ الإستقلال
و حتى سقوط النظام البائد .و تجلى الفشل السياسي في الإنقلابات و ما
يسمى بالحرب على التمرد.
شكراً لك.

سلام أ. عاصم
أخشى إن هناك الكثير من الصحة في ما ذكرته،
و هو ما عبّر عنه أمير توفيق بغياب الهدف، و ما يُعبّر عنه الموسيقار أحمد ياسين
دائماً بأننا لسنا أمة، و نفس الرأي موجود في مداخلة أ. منتصر الأخيرة،
فما الذي يحدث لنا؟ هل هو أمر قابل للتصحيح؟
أم الحل سيأتي تلقائياً بعد ذهاب أو إنزواء أجيالنا و تولي جيل ابنائنا زمام الأمور؟

Quote: الازمة الحاليه حلقة من حلقات الازمة المزمنة وحتى لو تجاوزناها حتبرزازمة فى رحم المستقبل القريب ليه ؟ المشكله المزمنة سببها العقليه السودانيه والارادة الوطنيه (فرديا وجماعيا) عندنا احزاب وعندنا قيادات وسياسيين وتخب مثقفة لكن تدور فى حلقه مفرغ وتستمتع بتكراراها من ديمقراطيه لمعارضه ومصالحه نظام ثم ثورة ...االخ شعوب نهضت من رمادها كطائر الفينيق ووخلقت فى سماوات بعيدة (رواندا مثالا) ونحنا نتخبط كطائر ينتف رشو بمنقارهويتخبط يريد الطيران !!! . عقليه وارادة تجعل من الاختلاف مكونات نسيج ملون متماسك حينها فقط الاقتصاد والدور الانسانى كقوة ناعمه ستقدم السودان كدوله لها وزنها وهيبتها اقليميا ودوليا لكن ان كنا نتصارع ولا نتقبل بعضنا بعضا عنصريا وجهويا وفكريا فمن الطبيعى ان يستغل الغريب الضعف دا ليسرق موارد السودان ويحاول البعض تحويله لحديقه خلفيه له هل كانت دوله او حلف يجد الجراءة على فعل ماتفعله بعض الدول والاحلاف ما لم يجدو فى بعضنا ضعفا ورضوخ واستعداد ان يستعين بالعريب ينتصرر به على اخيه فى الوطن ؟ ويعكس المثل القائل (رغم بعض التحفظ على بعضه) -انا واخوى على ابن عمى وانا وابن عمى على الغريب - انعسكت الايه واصبحت انا والغريب على ابن عمى وانا وابن عمى على اخوى . قال تعالى : (إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ )صدق الله العظيم بخلاف ذلك لو اخرجت اثقالها من كنوز وموارد تحت اقدامنا ومتناول ايدينا لن نستفيد منها ما لم نتغير كانسان يتقبل اخيه فى الوطن ويسمو فوق الاهواء والانتماءات الادنى

Quote: اقتصاد الدول الشمولية الذي يعتمد على الموارد الطبيعية فقط ما عاد يناسب السودان لابد من اقتصاد يعتمد على المورد البشري الذي يحسن التعامل مع المورد الطييعي أفقيا وراسيا وتحويليا. وهذا يحتاج رؤى وبرامج واستراتيجيات تعليمية وادارية جديدة

كلام ممتاز يا أ. منتصر،
المشكلة الآن في من يسئ إدارة الموارد،
بدلاً من تنمية المورد البشري، يتم قتله
بالرصاص.
بدلاً من وضع الكفاءة المناسبة في المكان
المناسب يتم الفصل عن العمل و التهجير.
أذن لا بد من تأسيس دولة الحكم المدني الديمقراطي
و قيام مؤسسات تستثمر في تنمية و إدارة الموارد
و تنهض بالإقتصاد.

الحبيبة د. مهيرة
إجابتك على سؤال البوست جاءت بالدليل من قلب الحدث،
العملاء لا يستحون من قيامهم بتدمير إقتصاد السودان لصالح
شريكهم و حاميهم السيسي. أعتقد إن المعبر الشمالي هو أنسب
مكان للضغط على القتلة برهان و حميدتي ،بالتزامن مع الإحتجاجات
السلمية. التحية لأهل الشمال جميعهم و لكل الوطنيين الذين يحمون
البلد بسد الثغرات التي يصنعها الإنقلابيون العملاء.

Quote: أزمة الإقتصادية الحالية فى السودان هى ناتجة من تحكم جنرالات الجيش العملاء فى موارد البلاد وثرواته الضخمة وتحويلها لمصالح دول محور الشر التى تقوم بحمايتهم ومساندتهم للإستمرار فى حكم البلاد بقوة البندقية هذا المقتبس 👇أدناه يوضح بما لا يدع مجالا للشك أن البرهان خائن للوطن وعميل لمصر وغيرها ولا يهمه مصلحة البلاد أو المواطن ( امبارح العصر كنا في الملتقي بوفد يمثل قريتنا والقري المحاوره لمروي والله الناس واقفه وقفه رجال لو قلت ليكم الجرارات المصريه بالالاف في كل الاتجاهين ممنوعه من المرور المرور فقط للبصات السفريه والصوالين والاسعاف فقط حتي دفارات التمور ممنوعه من المرور وحضر مندوب من رئاسه الجمهوريه قال رسلو معاي مناديب منكم يقابلوا البرهان قالوا ليهو البرهان يجينا هنا قال طيب ح نخفض ليكم قيمه الكهرباء قالوا ليها ما عايزين تخفيض ترجع التسعيره القديمه حتي لو جانا البرهان برضو يرجع التسعيره القديمه تتخيلوا المندوب طلب شنو قال خلاص لغايه ما يلبوا مطالبكم خلو الجرارات الشاحنه الابل والبقر والقطن تمر قالوا ليهو لو سايقه البرهان ما بيمر من هنا يعني الوسخ ده ما هماهو دفارات التمر والموالح الماشي الخرطوم الفيها ارزاق الناس همهم مصالح اسيادم المصريين ما تتعطل العملاء العفن اولاد الوسخه )