للدفاع عن اسرتى وعن نفسى ، عند الضرورة. فهل هناك من الاعضاء من له سابق خبرة فى الحصول على تصريح بامتلاك سلاح نارى ؟. وما هى الانواع المصرح بامتلاكها ، واسعارها ، والاهم هل هناك جهة تقوم بالتدريب بشكل قانونى على كيفية استخدامه ؟.
Post: #2 Title: Re: اين اتعلم استخدام السلاح النارى ؟. Author: Biraima M Adam Date: 03-19-2021, 08:48 PM Parent: #1
شاهين سلام يا ول أبا ..
أنت تمارس حق مشروع .. هو حق الدفاع عن نفسك وأسرتك ومالك .. وهذا حق ديني وحق عالمي ... حق الدفاع عن النفس.
ما في زول ح يدربك .. وليس هناك هناك رخصة للسلاح .. أذهب السوق الأسود أشتري السلاح الذي يعجبك .. وإذهب الغابة وأتدرب علي ضرب جزوع الأشجار والطيور .. ولو أنت رجل بيئة، شيل ليك كم قطع بيض تدرّب عليه بدل الاشجار والطيور، وضعه في رأس عود يابس ثم نشن .. ولن تكون ماهر ما لم تربط خيط بين شجرتين .. وتنيش الخيط عدة مرات ..
الله يعينك .. أدرب ..
بريمة
Post: #3 Title: Re: اين اتعلم استخدام السلاح النارى ؟. Author: Arif Nashed Date: 03-19-2021, 08:55 PM Parent: #2
شاهين وضيفك بريمة تحياتي. السيولة الأمنية الحاصلة في البلد تستدعي اقتناء أي سلاح لتدافع به عن أسرتك ومالك. وحقيقة أفكر في نفس الموضوع عند عودتي سواء كان بترخيص او بدونه.
Post: #4 Title: Re: اين اتعلم استخدام السلاح النارى ؟. Author: Asim Ali Date: 03-19-2021, 09:12 PM Parent: #3
سلام عليكم صاحب البوست وضيوفو يازول ماتسمع كلام بريمه . بريمه بيشرح على الطريقه الامريكيه . اعتقد اقرب طريقه تعرف التفاصيل والخطوات تمشى لمحل من محلات بيع الاسلحه والذخائر فى الخرطوم بيدوك النجيضه كان تدريب او ترخيص لانو اعتقد انو حتى شراء لسلاح النارى والذخيره بيتم بالتنسيق مع الشرطه واعتقد دى اسلم طريقه سلاح مرخص بيطلعك من اى مشاكل ممكن يخلقها ليك السلاح غير المرخص حتى لو دفاع عن النفس تحياتى
Post: #5 Title: Re: اين اتعلم استخدام السلاح النارى ؟. Author: Biraima M Adam Date: 03-19-2021, 10:01 PM Parent: #4
عاصم، سلام .. في أمريكا هنا .. الترخيص ساهل .. لكن مالم تأتي بشهادة تدريب .. ما في مكان يبيع ليك السلاح ..
في السودان، وفي غرب السودان، منذ عام 1983م نحن ودينا بهائمنا السوق بالهبل .. وأي شاب أشتري السلاح الذي يعجبه .. الجيم ثري والكلاشنكوف. لا حكومة لا زفت ..
ما أظن بالطرق الرسمية يسمحوا ليك بشراء سلاح مثل الكلاشنكوف والجيم ثري، يسمحوا ليك ببندقية الصيد .. و دي ما بتحل مشكلتك.
بريمة
Post: #6 Title: Re: اين اتعلم استخدام السلاح النارى ؟. Author: Asim Ali Date: 03-19-2021, 10:43 PM Parent: #5
سلام بريمه يعنى هسى الزول لو راعى وعندو مراح داير يرخص سلاح كلاش او ج 3ليهو ولى للمعاهو مافى طريقه ليهو فى السودان .؟ كلامى للاخ شاهين على فض انو حمايه فى المدينه فى المسدسات بدت تظهر بل والاعرب اصبح الصاقع الكهربى من اسلحه الدفاع عن النفس حتى بالنسبه للشباب
اول مرة يا عاصم اعرف انه في محلات في الخرطوم لبيعوالسلاح والذخيرة!!!! لكن يا شاهين اذا داير تدرب على اي نوع من انواع السلاخ، ما عليك الا تمشي الحديقة الدولية وهناك حتلقى مليشيات الحركات المسلحة محتلة الحديقة واطلب من اي واحد فيهم يدربك ،، وحيدربك مجان اذا قلت ليهو انت داير تنضم ليهم.. واحتمال يدوك بندقية سريعة الطلقات مجانا...
Post: #8 Title: Re: اين اتعلم استخدام السلاح النارى ؟. Author: ترهاقا Date: 03-20-2021, 00:58 AM Parent: #7
الاخ شاهين سلام ،
الاخ عاصم ، في ولاية نورث كارولينا بتشتري رشاش ولا رخصة ولا بطيخ ومحلات بيع الاسلحة أكتر من الرز ، حتى تخيل المتجر المعروف (وول مارت) بتقدر تشتري منه رشاش عدييل ، كلو المطلوب العمر يكون اكبر من (18) سنة على عكس الولايات الغربية زي كاليفورنيا.
Post: #9 Title: Re: اين اتعلم استخدام السلاح النارى ؟. Author: Asim Ali Date: 03-20-2021, 01:22 AM Parent: #8
Quote: اول مرة يا عاصم اعرف انه في محلات في الخرطوم لبيعوالسلاح والذخيرة!!!!
دى يا امتثال اسلحه خفيفه وصيد او مسدسات ---
Quote: في ولاية نورث كارولينا بتشتري رشاش ولا رخصة ولا بطيخ ومحلات بيع الاسلحة أكتر من الرز ، حتى تخيل المتجر المعروف (وول مارت) بتقدر تشتري منه رشاش عدييل ، كلو المطلوب العمر يكون اكبر من (18) سنة على عكس الولايات الغربية زي كاليفورنيا.
بتذكر خالنا كان ضمن وفد الرياضه العسكريه لدوره كره سله فى نهايه السبيعنات ما متاكد وين وفى جوله تسوق دخلو محل اسلحه ووحب يشترى مسدس من الحجم الصغير -بحجم قبضه اليد- المهم صاحب قال لينا انو صاحب المحل رفض يبيع ليهو الابتصريح او ماشابه لولا تدخل الضابط المرافق ليهم . من كلالامك دا معناها كانو فى ولايه من الغربيه . . غاتو قصه امتلاك مسئوليه فى كل الاحوال ربنا يلطف بالناس من الانفلات لو كل زول شال سلاح....ما كل الناس عندها حسن التقدير ومسئوليه رد الفعل وضبط النفس
Post: #10 Title: Re: اين اتعلم استخدام السلاح النارى ؟. Author: Mahjob Abdalla Date: 03-20-2021, 01:48 AM Parent: #9
تعرف يا زعيم, احيانا السلاح زى الفيها سحر, اول ما تملك قطعة منها بتلقى نفسك تحولت من خانة الذى يتجنب المشاكل الي خانة المهاجم, سايكلوجيا لانك مهيا و بنسبة كبيرة انك ستكون المنتصر و لذلك لن تتردد في المواجهة. حاليا لو سمعت بمشكلة تحاول سوف تحاول بقدر الامكان تجنبها ليس جبنا و لكن فقط تجنبا للمشاكل. بعد غدا ستجد نفسك في العكس تماما, عندما ترى مشكلة ما, تحاول الدخول توش فيها و ابراز بطاقة القوى. و في الغالب اول ضحاياك سوف يكون انسانا بريئا, فأعمل حسابك. انت رجل تحمل اليقين و في حوار ما في هذا المكان تحدثت عن اليقين في اطار فلسفى مهم. انا شخصيا تعملت شيئا من ذلك الحوار رغم انى لم اكن طرفا فيه. عموما خليك علي يقينك و لن تصيبك مصيبة و كذلك لن تستطيع حماية اى شخص او حتى شخصك ان كان ذلك مكتوبا في القدر.
Post: #11 Title: Re: اين اتعلم استخدام السلاح النارى ؟. Author: Biraima M Adam Date: 03-20-2021, 11:01 AM Parent: #10
Quote: تعرف يا زعيم, احيانا السلاح زى الفيها سحر, اول ما تملك قطعة منها بتلقى نفسك تحولت من خانة الذى يتجنب المشاكل الي خانة المهاجم, سايكلوجيا لانك مهيا و بنسبة كبيرة انك ستكون المنتصر و لذلك لن تتردد في المواجهة. حاليا لو سمعت بمشكلة تحاول سوف تحاول بقدر الامكان تجنبها ليس جبنا و لكن فقط تجنبا للمشاكل. بعد غدا ستجد نفسك في العكس تماما, عندما ترى مشكلة ما, تحاول الدخول توش فيها و ابراز بطاقة القوى. و في الغالب اول ضحاياك سوف يكون انسانا بريئا, فأعمل حسابك. انت رجل تحمل اليقين و في حوار ما في هذا المكان تحدثت عن اليقين في اطار فلسفى مهم. انا شخصيا تعملت شيئا من ذلك الحوار رغم انى لم اكن طرفا فيه. عموما خليك علي يقينك و لن تصيبك مصيبة و كذلك لن تستطيع حماية اى شخص او حتى شخصك ان كان ذلك مكتوبا في القدر.
يا ناس المنبر .. شايفين أسلوب ول أبا محجوب .. يا هو أسلوب الفور والتنجر والمساليت في دارفور .. مسالمين زي النعاج .. وأنا حينما دعوت للتسلح لم أدعو فقط الشمال .. أو الوسط أو الشرق .. لا والله .. دعوت كل أبناء السودان ومن يستطع حمل السلاح أن يتسلح .. أنتهى عهد السلم الأجتماعي .. واصبح السلاح فقط من يؤمن السلم للنفس والاسرة والمجتمع ..
والله لو كل زول فيكم عنده سلاح .. لن تجدوا حرامي يحوم بالليل في الخرطوم ينط الحيط وينقّص علي الناس نومهم ..
السلاح يضعك في مقام أسمى في المسؤولية الدينية و الفردية .. أنت لما تشهر سلاحك تعرف عواقب أشهاره دنيا وأخري .. وهذه المسؤولية يستطع كل منا يمارسها بحقها .. بحكم العقل والدين والخوف من المسؤوليات الجنائية المترتبة .. لو المساليت سمعوا ما كان ماتوا في أخرة الجرة .. وحسناً دعاهم الأخ أحمد كسلا للتسلح .. يحموا أنفسهم وأسرهم ومالهم .. بدل النواح ..
أقراوا .. القصة دي .. دعوتي ليها قديمة .. ومازال أبناء الشمال والوسط مصّرين يستبخسوا محاصصة هذا التفكير .. شاهين أول سوداني شمالي .. يقف علنا يريد حماية نفسه بنفسه ..
Post: #12 Title: Re: اين اتعلم استخدام السلاح النارى ؟. Author: Biraima M Adam Date: 03-20-2021, 11:46 AM Parent: #11
عاصم
Quote: سلام بريمه يعنى هسى الزول لو راعى وعندو مراح داير يرخص سلاح كلاش او ج 3ليهو ولى للمعاهو مافى طريقه ليهو فى السودان .؟ كلامى للاخ شاهين على فض انو حمايه فى المدينه فى المسدسات بدت تظهر بل والاعرب اصبح الصاقع الكهربى من اسلحه الدفاع عن النفس حتى بالنسبه للشباب
الحكومة لا تسلحك ولا ترخص ليك شراء السلاح .. إلا تنضم ليها كمجند أو دفاع.
الصاعق الكهربائي ممتاز .. بالذات مع ناس الختف وتلّب في المنازل ..
وبرضو الناس ما ينسوا بخاخات الشطة .. لو أنتم في غرفة وزول بخاكم بيه .. نصف ساعة ما تعرفوا صباح من غرب .. وهذا الشيئ حماية للبنات بالذات من الأغتصاب وجر شنط أيديهن.
ول ابا بريمة بس ...انا عاوزة بخاخة الشطة البتخلي الزول ما يعرف صباح من غرب... وهل البخاخات دي متوفرة في امريكا ومن وين نشتريها.... وكمان ادينا فكرة عن صاعقات الكهرباء. هل بنلقاها في امازون واسمها المصطلحي شنو بالانجليزي.. ...انا ماشة السودان نهائي في شهر يوليو ان شاء الله ، وبسمع الخرطوم بقت افظع من تكساس زمان والمليشيات المسلحة بتهدد وعصابات المواتر ارعبت الناس...والحياة بقت فوضى في غياب هيبة الحكومة الابدية..
يا بريمه سلام كلامى رأى شخصى و لا يمكن تعميمه علي مجموعة.
في الجانب الاخر كلامى هنا مطابق لكلامك. يعنى انتو في الاول حسيتو بأنو في تهديد عليكم من جهة ما و اشتريتو سلاح لحماية انفسكم, لكن هل توقفتم عند ذلك الحد (دفاع عن النفس)؟ طبعا لا, بدأتم الهجوم و القتل و قدتم خدماتكم للاخرين مقابل المال و التى نتجت عنه المحارق التى نراها.
محجوب كلام بدر الدين ود الامير اصلو ما بقع الواطة...وانا معترفة بكلامه فانا ريفية قروية بدوية ..لكن فجأة لقيت نفسي في عاصمة العالم ومن عاصمة العالم نيويورك انطلقت اشوف كبريات مدن العالم ومنها جنيف وباريس وبون ومونتريال ومدن اخرى وخايفة التقاليد الريفية والبدوية تختفي من طبيعتي،،وخاصة وانا بعيش وسط برجوازيات وقربت ابقى برجوازية زيهن ههههههههههه . هسع انت يا محجوب ما صعبت لينا طريقة الحصول للصاعقة الكهربائية لانها اذا بقت الtaser حقت البوليس فده معناه ما حيكون موجود في السوق....
حافظ بشير انت نسيت الطاقة الشمسية ....حنطلع الكهرباء من الطاقة الشمسية وفي اكتر من الشمس في السودان!!؟؟ بس ما تقول لينا كمان الشمس حتروح من السودان كمان،،،
استاذنا شاهين تصاريح الأسلحة موقوفة ، أسعى سلاح كيري بس لأنه أفضل أن تحاكم وانت على قيد الحياة بحيازة سلاح غير مرخص من أن لا تستطيع الدفاع عن نفسك وبيتك ويترحم الناس عليك
منتصر شكرا على النصيحة فعلا رجعت لي امازون ووجدت اشكال وانواع من ال Tasers بس ما عارفة انت ليه بتقول ما تشتري التيسر المسدس ،،،والحمد لله لقيت برضه chargers تعمل بالشمس solar لانه حافظ متشاءم الكهرباء ما حتتصلح في السودان... المهم اشتريت الشاحنة البتعمل بالطاقة الشمسية،،، ولم اختار بعد نوع ال Taser ,,,... وحارجع الان ابحث عن بخاخات الشطة في امازون،،،، حنتسلح بجميع انواع الاسلحة...واحتمال كمان ندرب على السلاح على يد مليشيات الحركات المسلحة ...ده اذا ما انضمينا ليهم رسمي،،،هههههههه
Post: #21 Title: Re: اين اتعلم استخدام السلاح النارى ؟. Author: Biraima M Adam Date: 03-20-2021, 07:01 PM Parent: #13
إمتثال، في أمازون أكتبي Pepper Spray .. بالنسبة للصاعق الكهربائي أكتبي: Electric Tazers
شوفي الجماعة ديل عايزين يتحدوا صاحب المتجر .. بخاهم .. خلاهم طاشين شبكة ..
بريمة
Post: #23 Title: Re: اين اتعلم استخدام السلاح النارى ؟. Author: Biraima M Adam Date: 03-20-2021, 07:24 PM Parent: #21
Quote: يا بريمه سلام كلامى رأى شخصى و لا يمكن تعميمه علي مجموعة.
في الجانب الاخر كلامى هنا مطابق لكلامك. يعنى انتو في الاول حسيتو بأنو في تهديد عليكم من جهة ما و اشتريتو سلاح لحماية انفسكم, لكن هل توقفتم عند ذلك الحد (دفاع عن النفس)؟ طبعا لا, بدأتم الهجوم و القتل و قدتم خدماتكم للاخرين مقابل المال و التى نتجت عنه المحارق التى نراها.
بالطبع يا ول أبا محجوب .. ما ح نحمل كلامك أكثر مما يحتمل .. لكن الأنسان أبن بيئته .. أنا وأنت خرجنا من بيئة غرب السودان .. لكننا نختلف في الحواضن الثقافية .. أنا كرجل خرج من البادية أؤمن أن حمايتي في سلاحي من بعد ربي .. وأنت تري حمايتك في الدولة (البوليس) من بعد الله .. من الصعب تقتنع بما أقول .. نفس راي أبناء الشمال من أصدقائي .. الواحد فيهم يحلف ما حصل مسك سكين إلا لذبح خروف العيد .. شخصي، منذ كان عمري 11 سنة والله عندي سكين لها قنطرة .. وللكوع ..
أنا لا أدعوا لتجييش الشعب السوداني .. مرحلة التجييش الممنهج .. تأتي مرحلة لاحقة .. حينما ترفع وتيرة الأحداث وحدة التحدي ..
الناس خايفه يا محجوب .. واحد من أثنين إما توفر لها الحماية .. أو تخليها تحمي نفسها بنفسها .. نحن حالنا الأن مثل صاحبة القطة: لا خلتها تذهب تأكل من خشاش الأرض ولم تطعمها حتي ماتت .. ودخلت بسببها النار ..
مسألة القتل والتعدي الجائر علي ممتلكات الناس .. لأن هناك طرف ضعيف، غير محمي لا بدولة وليس له سلاح .. وفي نفس الوقت عامل الدين أيضاً ضعيف في نفوس الناس ..
Quote: استاذنا شاهين تصاريح الأسلحة موقوفة ، أسعى سلاح كيري بس لأنه أفضل أن تحاكم وانت على قيد الحياة بحيازة سلاح غير مرخص من أن لا تستطيع الدفاع عن نفسك وبيتك ويترحم الناس عليك
الزول دا اداك النجيضة وكلام زي الفل با حبيبنا شاهيـن ..
كان في طرفة متداولة عن اليمن انه بيكون مكتوب تنبيه في الفندق : ممنوع الدخول بالاسلحة الثقيلة !
المسألة دي نفعت اليمنيين اليوم بعد الدق دا كله ومن جهات الأرض الاربعة والشعب صنديد.. فكلام بريمة ما ترموه واطة أهم شئ تكون عندك ترسانة عديل ليك وللمعاك والوراك .. ظروف آل دقلو دي ما معروفة
Post: #25 Title: Re: اين اتعلم استخدام السلاح النارى ؟. Author: ولياب Date: 03-21-2021, 06:18 AM Parent: #24
شاهين يا قريبي ، تحياتي
الفكرة سليمة والحق مشروع في الدفاع عن النفس في ظل بعض التفلتات الأمنية الأخيرة .
شخصياً طلبت من إبني أن يبحث عن مسدس ويشتريه من السوق شريطة أن يكون في
البيت ، ولا يستخدم إلا في الوضع الصحيح .
شوف لك مسدس مبدئياً . ونسأل الله أن يحفظ الجميع
Post: #26 Title: Re: اين اتعلم استخدام السلاح النارى ؟. Author: shaheen shaheen Date: 03-22-2021, 06:16 AM Parent: #25
شكرا لكم ، شكرا. على الملاحظات والتوجيهات. ربنا يحفظكم ، ويحفظنا ، ويحفظ هذا البلد المنكوب.
فاتني أن أقول أن مداخلة الهبيب محجوب هي من اكثر 10 مداخلات التي عجبتني في سودانيز اونلاين منذ بداية متابعتي له في العام 2003 فهي مداخلة ذات معنى متعدي إلى كثير من صروف الحياة
Quote: تعرف يا زعيم, احيانا السلاح زى الفيها سحر, اول ما تملك قطعة منها بتلقى نفسك تحولت من خانة الذى يتجنب المشاكل الي خانة المهاجم, سايكلوجيا لانك مهيا و بنسبة كبيرة انك ستكون المنتصر و لذلك لن تتردد في المواجهة. حاليا لو سمعت بمشكلة تحاول سوف تحاول بقدر الامكان تجنبها ليس جبنا و لكن فقط تجنبا للمشاكل. بعد غدا ستجد نفسك في العكس تماما, عندما ترى مشكلة ما, تحاول الدخول توش فيها و ابراز بطاقة القوى. و في الغالب اول ضحاياك سوف يكون انسانا بريئا, فأعمل حسابك. انت رجل تحمل اليقين و في حوار ما في هذا المكان تحدثت عن اليقين في اطار فلسفى مهم. انا شخصيا تعملت شيئا من ذلك الحوار رغم انى لم اكن طرفا فيه. عموما خليك علي يقينك و لن تصيبك مصيبة و كذلك لن تستطيع حماية اى شخص او حتى شخصك ان كان ذلك مكتوبا في القدر.
