Quote: هذا الزمان رجاله غرابة من عينة الفارس حميدتى، والزعيم القائد موسي هلال .. ونساء غرباويات فارسات امثال فاطمة الباتيل، زهرة الضو، الدوشكا، الخابور والشباية .. وغيرهن من تغنن بالفروسية وألهبن حماسة الفرسان ..
متعة قراءة بريمة لا تشبها متعة اخرى .. يأخذك الاعتقاد بأن الرجل حتما "قاعد يهظر" فبل أن يتسرب اليك الشك في كونه جادا جدا وصاحب ايمان حقيقي بترهاته التي يبذلها لعابري سبيل هذا المنبر .. ..
انظر لهذه الاستيتمنت القوية .. ( هذا الزمان رجالو غرابه ) ..
ثم لا تنتهي من غرابة هذه الاستيتمنت حتى تقرأ التي هي بعدها (ونساءه غرباويات) ..
هنا لا يمكنك الا ان تتوقع البقية (وأطفاله غرابه) .. (وأجنته غرابه) .. و (تلاميذو غرابة) .. و (شبابو غرابة) و (شاباتو غرابه)
.. شكرا بريمة ياخ .. فلقد صنعت يومي يا رجل .. يجب ان تكافيء نفسك بباربيكيو كارب في الباك يارد للافطار .. وبحلومر غرابي باااااارد .. ف .. (حلومر هذا الزمان, حتما, غرابي بدوره)
06-25-2016, 03:26 PM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
Quote: متعة قراءة بريمة لا تشبها متعة اخرى .. يأخذك الاعتقاد بأن الرجل حتما "قاعد يهظر" فبل أن يتسرب اليك الشك في كونه جادا جدا وصاحب ايمان حقيقي بترهاته التي يبذلها لعابري سبيل هذا المنبر .. ..
محمد حيدر.
أها أنت كده أثبت لي بأنك غير متابع جيد لأحداث المنبر!
بريمة ده أنا مستمتع بيهو لي سنين، تقوم أنت هسع تكتشفوا؟
وفي ناس تانين برضو لازم تتابع كتاباتهم، ما ح أقول أسمائهم خايف تخطفهم مني، زي ما الجماعة خطفوا مني ود الباوقة وصلاح غريبة من قبل.
06-25-2016, 04:15 PM
كمال عباس كمال عباس
تاريخ التسجيل: 03-06-2009
مجموع المشاركات: 17143
تحياتي أخ المشرف ورمضان كريم الغريبة أن السيد بريمة كثيرا ما يكتب مهاجما ما أسماهم بالجلابة ـويتحدث عن إستغلال الجلابةلسواهم ـ وتجده في هذا البوست يؤكد علي هذا http://sudaneseonline.com/board/490/msg/%D8%B2%D9%86%D9%88%D8%AC-%D8%A7%D9%84%D8%B3%D9%88%D8%AF%D8%A7%D9%86-%D9%88%D8%A7%D9%84%D9%85%D9%88%D...78355.htmlولكنه يرفع ورقة الجلبنة فقط في وجه خصوم الإنقاذ من أبناء الشمال ولكنه يمدح ويشيد ببعض إبناء الغرب الذين إرتضوا بدور ـ الإداة والدمية ـ التي تحركها الإنقاذ ـ وقيادتها المتنفذةالتي تُنسب للجلابة ! ــ إن يوظف الغرابي كدمية في يد البشير ـ يقتل ويدمر ويقوم بالأعمال القذرة ـ فهذه محمدة تستحق التطبيل والتمجيد في نظر بريمة أما إن إختار الغرابي معسكر معارضة الإنقاذ وتصدي لها فإنه مغفل نافع وغبي تحركه أصابع الجلابة!* علما بأن البشير هو من صدر عنه حديث الغرباوية وحزب البشير هو من صدر عنه تصور مثلث حمدي ( الجهوي والعنصري) الذي يقصئ معظم الغرابة !* الغريبة ــ أن قادة البشير في مجلسهم الوطني يبررون الإستعانة بمليشيات حميدتي وموسي هلال بأنها رخيصة وغير مُكلفة! إذا الإنقاذ تقوم بتوظيف هولاء كمرتزقة ـ تستخدمهم من دون أن تحترمهم ثم تلفظ أو تهمش بعضهم وتحرقـهم كموسي هلال ـ لصالح قيادات جديدة ، مما دفع موسي لكشف بُعد المؤامرة ومحاولة التصالح مع من دفعته الإنقاذ لقتاله! *معظم أهل في الغرب كما في بقية مناحي الوطن المكلوم يعوون جيدا ـ أن العدو الذي دمر لوطن وأهدر موارده وأذل شعبه ومزق نسيجه الإجتماعي وفاقم الفتن القبلية والعرقية في ربوعه هو الإنقاذ! ويعلم أهلنا البقارة جيدا بأن الإنقاذ هي من فرط في حقوقهم في أبيي وجعلهم مجرد ترانزيست حيث أقر بأن أبيي تخص مشائخ دينكا نقوك التسعة !. أرجو أن تتمعن وبدقة في هذه الديباجة والمبدأ الاساسي الوارد في برتـكول أبيي ء بين حكومة السودان والحركة الشعبية لتحرير السودان ء المؤرخ في السادس والعشرون من مايو ء004م يقول البرتكول ........
Quote: مبادئ الاتفاق بشأن أبيي :أ(أ) بصفة عامة :أ(أ)(أ) أبيي جسر بين الشمال والجنوب ، يربط شعب السودان .أ(أ)(ء) يعرف الاقليم كمنطقة نظارات الدينكا نجوك التسعة المنقولة لكردفان في أص0خم .أ(أ)(ع) يحتفظ المسيرية وبقية المجموعات الرعوية الاخري بحقوقهم التقليدية في رعي الماشية والانتقال عبر منطقة أبيي... بروتكول أبيي هذا ماوقعت عليه حكومة السودان وبصمت عليه بشهود أطراف خارجية **تلاحظ أن البرتكول يثبت أن ء أبيي نقلت نقلا لكردفان نقلا عامأص0خ أي أنها لم تكون تابعة كردفان! والأخطر أن البرتكول يثبت ويعرف منطقة أبيي بأنها منطقة نظارات الدينكا نجوك التسعة!!منطقة من ؟ دينكا نجوك !!ماهو وضع المسيرية في أبيي؟ يحتفظ المسيرية وبقية المجموعات الرعوية الاخري بحقوقهم التقليدية في رعي الماشية والانتقال عبر منطقة أبيي إذا فالبرتكول وهب المسيرية حق المرور عبر أبيي ء يعني ترانسيت!! وعبور ! أي أنه وبوضوح لم يكفل للمسيرية حق الإقامة "والمواطنة" بأبيي** ما الخطورة في تثبيت حق دينكا نقوك في الارض والمواطنة والاقامةوحصر مصير المسيرية في الرعي والمرور ؟* الخطورة أن نيفاشا وضعت تقرير مصير نيفاشا في يد سكانها ء أي بالتصويت ء تبعيتها للشمال والجنوب يحددها التصويت !فمن من حقه التصويت المقيم وصاحب المنطقة أم العابر ؟ ** هل كان الإحتكام لمحاكم لاهاي في ظل هذا الإتفاق القاطع مصيبا ؟** محكمة لاهاي بنت علي برتكول أبيي وأعطت البترول للإنقاذ والارض الموارد المائية للدينكا !
* الخلاصة في إعتقاد أن بريمة مهموم ببقاء الإنقاذ والترويج لخطابها أكثر من إهتمامه بالغرابة والبقارة ـ لذا يرتضي بهذا الدور ـ يمجد من يتحالف مع الإنقاذ ويخدم أجندتها ويهاجم من يعادي الإنقاذ ويصفه بأنه يموت من أجل الجلابة ! هذا الدور مكشوف والتذاكي في لعبه واضح ,,,,,,,,,,,,,,
بريمة ول أبا البقاري الشفيف صاحب القلم الممتع حقا وليس تريقة كما أشار صاحب البوست. التحية لك وأنت تقاتل بقلمك عن أفكارك واراءك رغم اختلافنا معك فيها. لك التحية وانت لا تكترث للذين جندوا اقلامهم في هذا المنبر للشخصنة و إغتيال الشخصيات. مالو لو أصل بريمة للبقارة؟ ما ياها بوستات كتيرة فتحت لتمجيد عيال دار جعل. أمضي يا بريمة في مشروعك الثقافي الداعم لتأصيل الموروث والفلكلور البقاري. انت رجل أصيل.
06-25-2016, 07:29 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
وهذا قلم عنصري آخر لا يقل متعة عن بريمة .. والذي اعلمه جيدا أن دانات حميدتي لا تنزل على المحميه وبربر ودنقلا .. من شاء تمجيد قتله اهلو وناسو .. فليقاتل بقلمه في سودانيزاونلاين كما تقاتلوا ..
ويا بريمه ده ما اسمو تشتيت كوره يا صديقي .. ده ياهو الشايفو ده ذاتو .. فتعال بي هنا آ زول ..
ما بين الانتماء الجهوي /غرابة/ و ما يكتبه عنصري الجانب الآخر. و بين انتماء العروبة تبعه, و صعوبة الدفاع عنه أمام الآخرين. و بين تأيد الانقاذ و مواقف الانقاذ في دارفور و غيرها و التهميش لبني جلدته من قبل الانقاذ.يعيش حالة انفصام فريدة. أن تكون غرابي و تنتمي للمنطقة بكل ما تملك, تقفل أبواب المودة تجاه الإنقاذ. أو تكون انقاذيا و تترك نفسك للإنقاذ ضد كل موروثك و إنسانيتك. اول خطوات العلاج, محتاج يمشي السودان كتير.
06-25-2016, 08:26 PM
كمال عباس كمال عباس
تاريخ التسجيل: 03-06-2009
مجموع المشاركات: 17143
Quote: كمال عباس أقرأ الأتى وبطل الترهات .. ((: ويقول المحلل العسكري (الذي طلب عدم ذكر اسمه) لـ"العربي الجديد"، إنّ "الشرطة والجيش لديهم نظام وتقاليد راسخة لا يمكن تجاوزها. لذلك اقتنعت الحكومة بأنّ قتال المليشيات أفضل، باعتبارها مرنة، فضلاً عن أن الجيوش وُجدت لقتال مثيلاتها، ما يصعّب عليها مواجهة التمرد القائم على حرب العصابات".))
حلوة ترهات دي جبتها من وين ؟ الوصفك بيها منو؟ الكلام الذي إقتبسته ولفحته كما أرخميدس ( وجدتها ,,وجدتها!) حجة عليك ! فيه إشادة بالجيش والشرطة بإعتبار أن (لديهم نظام وتقاليد راسخة لا يمكن تجاوزها. ) مما يعني الجنجويد والمليشات لا تتمتع بنظام وتقاليد راسخة ! ما فضل إلا أن يقول مرتزقة بل قالها صراحة حيث وصفك جماعتك بأنهم "كما أن للتجييش الشعبي حساباته، فهم يبحثون عن ملكية أرض وزعامة وأموال" يبحثون عن ملكية أرض وزعامة وأموال"!! وواصل المحلل العسكري الذي (يهلل له بريمة ويتلقف كلامه) مقرا بفشل نظام الجنجويد والمليشيات الأهلية .
Quote: ويؤكد المصدر أنّ كل التجارب أثبتت فشل الاعتماد على النظام الأهلي، ما يفرض على الحكومة أن تعمل على جمع كل السلاح المتفلّت الذي يقدر بـ4 مليون قطعة، بين ثقيلة وخفيفة، قبل أن ينقلب الوضع عليها عبر وسائل ترهيب أخرى. ويعتبر المصدر أنّ بقاء الوضع على حاله، من شأنه أن يخلق تمرداً جديداً في مواجهة الحكومة، يؤدي إلى تحالفات مع الحركات المسلحة الدارفورية، وتنتهي باستقلال الإقليم أسوة بالجنوب. )
إذا جاء بريمة ليكحلها فعماها ! وأكد أنه مجرد مطبل للإنقاذ ولايهم الغرب ولا تهمه قضايا البقارةولايملك القدرة علي التصدي علي هذا التوصيف والمعطي الحي
( يرفع ورقة الجلبنة فقط في وجه خصوم الإنقاذ من أبناء الشمال ولكنه يمدح ويشيد ببعض إبناء الغرب الذين إرتضوا بدور ـ الإداة والدمية ـ التي تحركها الإنقاذ ـ وقيادتها المتنفذة التي تُنسب للجلابة ! ــ إن يوظف الغرابي كدمية في يد البشير ـ يقتل ويدمر ويقوم بالأعمال القذرة ـ فهذه محمدة تستحق التطبيل والتمجيد في نظر بريمة أما إن إختار الغرابي معسكر معارضة الإنقاذ وتصدي لها فإنه مغفل نافع وغبي تحركه أصابع الجلابة! * علما بأن البشير هو من صدر عنه حديث الغرباوية وحزب البشير هو من صدر عنه تصور مثلث حمدي ( الجهوي والعنصري) الذي يقصئ معظم الغرابة ! * الغريبة ــ أن قادة البشير في مجلسهم الوطني يبررون الإستعانة بمليشيات حميدتي وموسي هلال بأنها رخيصة وغير مُكلفة! إذا الإنقاذ تقوم بتوظيف هولاء كمرتزقة ـ تستخدمهم من دون أن تحترمهم ثم تلفظ أو تهمش بعضهم وتحرقـهم كموسي هلال ـ لصالح قيادات جديدة ، مما دفع موسي لكشف بُعد المؤامرة ومحاولة التصالح مع من دفعته الإنقاذ لقتاله!
*معظم أهل في الغرب كما في بقية مناحي الوطن المكلوم يعوون جيدا ـ أن العدو الذي دمر لوطن وأهدر موارده وأذل شعبه ومزق نسيجه الإجتماعي وفاقم الفتن القبلية والعرقية في ربوعه هو الإنقاذ! ويعلم أهلنا البقارة جيدا بأن الإنقاذ هي من فرط في حقوقهم في أبيي وجعلهم مجرد ترانزيست حيث أقر بأن أبيي تخص مشائخ دينكا نقوك التسعة !
06-25-2016, 08:46 PM
لطفى العمده لطفى العمده
تاريخ التسجيل: 01-12-2013
مجموع المشاركات: 495
لا أدري ما هو الذنب العظيم الذى ارتكبه بريمه فالرجل ( غربن الذمن ) من باب التفاخر حتي ولو كان هذا التفاخر سمته قبليه فهو من النوع الحماسي بدليل أنه لم يصف غيره بالدونيه لكن بريمه وصم بمحاباة الانقاذ فى نظر الكثيرين في هذا المنبر فكل ما كتب حرفا حرف الي ما غير معناه كم من جعلي وشايقي وحساني وغيرهم القبليين تسيدوا العالم بالكلام ولم يحاربهم احد اللهم الا اذا كنتم ترون انه جاء بما ليس فيه وهذه العنصريه عينها بريمه سرده رائع
06-25-2016, 08:36 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
Quote: ولكنه يرفع ورقة الجلبنة فقط في وجه خصوم الإنقاذ من أبناء الشمال ولكنه يمدح ويشيد ببعض إبناء الغرب الذين إرتضوا بدور ـ الإداة والدمية ـ التي تحركها الإنقاذ ـ وقيادتها المتنفذةالتي تُنسب للجلابة ! ــ إن يوظف الغرابي كدمية في يد البشير ـ يقتل ويدمر ويقوم بالأعمال القذرة ـ فهذه محمدة تستحق التطبيل والتمجيد في نظر بريمة
هذا توصيف دقيق .. والمدهش اكثر حمية اخونا اسماعيل دي .. تناسى كل شيء وجاء وفي قلبه الكثير من الجاهلية نحوي لمجرد انتقاد الاخ بريمة باسلوب ساخر .. وكأني به يقول " كييييف زول جلابي يسخر من زول "غرابي" وحقيقة انا توصيفات جلابي وغرابي اتجنبها تماما ولكن لا مفر من ايرادها في سبيل التعليق عليها ..
ثم وان اسماعيل هذا يتجاوز كل الوضوح الواضح جدا في كلامي ويسألني كمن يتهمني (ومالو لو كان بريمة بقاري) ؟!!
الامر عندهم هؤلاء العنصريون سواء .. ذات المنطلقات العنصرية الضيقة .. بل وعادوا يمارسون الابتزاز ضد الذين هم ضد العنصرية ..
ما هذا الهراء الذي يمارسونه يا كمال ؟! وهل يتصورون ان يخيفون احدا بهذا الابتزاز الرخيص ؟!!
مودتي يا استاذ
06-26-2016, 11:28 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2813
Quote: سلام اسماعيل أي من افكار بريمة واراؤه البتختلف معه فيها
هو لا يتفق معه الا في مسالة جغرافية واحدة وهي انتماءه لبقعة محددة من بقاع السودان .. ولا يختلف معي الا لذات السبب .. انتمائي لبقعة محددة من بقع السودان
ليس من سبب يأتي به ليقول ما قال الا اعلاه ..
06-25-2016, 09:01 PM
munswor almophtah munswor almophtah
تاريخ التسجيل: 12-02-2004
مجموع المشاركات: 19368
يا ود المشرف ياخ إنت زول بقعه ساكت وما تداقر بريمه دا وعنده نظره ينبغى أن تؤخذ كما هى وبعلاتها عجبتك فلك لحظة المتعه بذلك وجدتها حامضه هنالك من يعشق الليمون ياخ أنا لى كم يوم عاوز أرشحك المستنير التانى مع أبوبكر لدرجه من إستقلاليتك ودرجة من تنوير تبثه عله يفك أمية الورجاغه ولك السلام.
منصور
06-25-2016, 09:03 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
شكرا لطفي .. رأى محترم نختلف معه ونرى عدم المامه بالتفاصيل او تجاهله للتفاصيل الواضحة ..
نختلف مع خطاب بريمة اختلافا فكريا مؤسسا وعلى خلفية جيدة بمآلات مثل هذا الخطاب على مستقبل الوطن .. وهو - للاسف خطاب ممتد - وليس مقصورا على الاخ العزيز بريمة .. تتجلى منه صورا كثيرة.. فالمليشيات القبلية ككتيبة اولاد شندي نرفضها كرفضنا لمليشيات حميدتي .. الامر عندنا سواء وبريمة الذي يتبجح برجولة وفروسية هذه المليشيا القبلية نتصدى له .. كما قد نتصدى لمن قد يتبجح بفروسية ورجولة مليشيا اولاد شندي وابناء الحجار الكريمة .. هذا كله عفن انقاذي وقاذورات لافكرية يتوجب التصدي لها .. لا يرتكبها الا عنصري او زول مغيب ساي ..فان كنت لا ترى هذه التفاصيل او تتجاهلها .. لا نملك الا احترام رأيك .. ولكن دلالات هذا الخطاب اوضح من شمس الظهيرة ..
تنبيه .. تم حذف جزء من الماخلة لمحتواه شديد السلبية على المآلات الوطنية من ناحية .. ولمعرفة كل الناس بفحواه من ناحية أخرى .. وكان توصيفا حقيقيا ولكن من الافضل عدم ترويجه واعادة تدويره حتى بالنقد .. لا ادخله في باب المسكوت عنه ولكني لا اريد ترويجه بالكتابة . كامل اعتذاري
قائد قوات الدعم السريع، محمد حمدان حميدتي:أغلب الذين يقومون بعمليات الاختطاف والنهب والقتل هم جنود يتبعون للقوات المسلحة!! .
Quote: وجه قائد قوات الدعم السريع، محمد حمدان حميدتي انتقادا علنيا للشرطة والجيش بسبب تعامل الشرطة مع المجرمين المقبوض عليهم وتراخي الجيش في حسم منسوبيه من الاشتراك في عمليات النهب والاختطاف بإقليم دارفور. وأضاف حميدتي: في احتفال بنيالا، يوم الاثنين، بقوله “أغلب الذين يقومون بعمليات الاختطاف والنهب والقتل هم جنود يتبعون للقوات المسلحة سواء دخلوا الجيش عبر بوابة حرس الحدود أو الترتيبات الأمنية وبعلم تام من الشرطة والجيش وخاصة الاستخبارات العسكرية".
Quote: ما بين الانتماء الجهوي /غرابة/ و ما يكتبه عنصري الجانب الآخر. و بين انتماء العروبة تبعه, و صعوبة الدفاع عنه أمام الآخرين. و بين تأيد الانقاذ و مواقف الانقاذ في دارفور و غيرها و التهميش لبني جلدته من قبل الانقاذ.يعيش حالة انفصام فريدة. أن تكون غرابي و تنتمي للمنطقة بكل ما تملك, تقفل أبواب المودة تجاه الإنقاذ. أو تكون انقاذيا و تترك نفسك للإنقاذ ضد كل موروثك و إنسانيتك. اول خطوات العلاج, محتاج يمشي السودان كتير.
الانقاذ تتلاعب بهذه المعاني السافلة كما تشاء .. وتمتلك الاموال اللازمة لتحريك الادوات بالريموت كنترول .. ولعل غرب السودان كان الساحة المفضلة للسلطة لاستثمار البئة القبلية والتلاعب بمكوناتها في سبيل خدمة اجنداتها .
06-25-2016, 09:12 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
يا ود المشرف بريمه ليس بِشرٍ كله، الليله أكان سقت أبوبكر دا ومشيت بدبح لكم تور وما يقوله قد يكون ردا لطعانٍ آخر ولكن لنا ثقه كبيره فى سلامة حقيقته وليس هو فقط بل كل الحوازمه وجميع البقاره وإن كانت غلظة فمن البيئه والرجل مستنير ومتمدن وواع لكل ما يقول ويفعل ولا أحسبه يقصد ما حسبته مهما كانت الإشاره ويا بريمه الزمن زمن سلام دس العده لليوم الأسود وتعال باش الله يديك العافيه ولغة الدواس خلها لوقتها!!
Quote: ريمة زي حميدتي وموسى هلال يحاولون جاهدين بان يجدو لهم موطىء قدم في دارفور في زمن الانقاذ الرديء فهم لا يجدون انفسهم الا بعد ان يستفردو بالضحية والتلذذ بالقتل والاغتصاب ونحن نعرف من هو العدو الحقيقي لاهل الجلد والراس من الدارفوريين. ما يسميهم بريمة بالجلابة المواطنيين الذين نعرفهم ويحاول بريمة النيل منهم بمناسبة او بدون مناسبة نجاورهم في السكن ولنا منهم اصدقاء عزيزين علينا لا نقبل امثال بريمة ان يرشهم بالماء ناهيك عن اي شيء اخر فاعداء الدارفوريين الحقيقين هم امثال بريمة ومن يناصرهم ومن يناصرونه وليس الجلابة كما يسميهم بريمة المواطنيين السودانيين الذين نعرفهم .
الموقف الانساني والوطني وااااحد يا مهاجر .. لو كنت من المتمة او من الجنية او كادوقلي او دنقلا .. وااااحد
السودان ده اتلمينا فوقو كلنا .. يا نتعلم نتعايش مع بعضنا البعض .. يا هو نبقى في ده الحال العلينا ده ..
مودتي آ زول
06-25-2016, 09:59 PM
Hassan Makkawi Hassan Makkawi
تاريخ التسجيل: 02-27-2008
مجموع المشاركات: 6157
Quote: لا أدري ما هو الذنب العظيم الذى ارتكبه بريمه فالرجل ( غربن الذمن ) من باب التفاخر حتي ولو كان هذا التفاخر سمته قبليه فهو من النوع الحماسي بدليل أنه لم يصف غيره بالدونيه لكن بريمه وصم بمحاباة الانقاذ فى نظر الكثيرين في هذا المنبر فكل ما كتب حرفا حرف الي ما غير معناه كم من جعلي وشايقي وحساني وغيرهم القبليين تسيدوا العالم بالكلام ولم يحاربهم احد اللهم الا اذا كنتم ترون انه جاء بما ليس فيه وهذه العنصريه عينها بريمه سرده رائع
ناس الشمال والله مثل السكينة الدكماء .. مهما تكرشها فى الحجر أو المبرد ما بتسن كلو كلو .. لكن ح يجئ اليوم الذي يعرف فيه ود المشرف ماذا أقصد .. الناس ديل غافلين عن الظرف التأريخي الذي تمر به البلد .. قاعدين حكامات ساكت مثل أخواتهم وجايين يتفاصحوا معنا .. نحن عايزين نشوف منظومات مسلحة من الدفاع الشعبي فى كل مدن الشمال تحمى القري من أي أعتداء .. وإذا لم يفعلوا سوف اظل اهاجمهم حتى يعوا الدرس الذي مررنا به ..
بريمة
06-26-2016, 03:21 AM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
Quote: يا ود المشرف بريمه ليس بِشرٍ كله، الليله أكان سقت أبوبكر دا ومشيت بدبح لكم تور وما يقوله قد يكون ردا لطعانٍ آخر ولكن لنا ثقه كبيره فى سلامة حقيقته وليس هو فقط بل كل الحوازمه وجميع البقاره وإن كانت غلظة فمن البيئه والرجل مستنير ومتمدن وواع لكل ما يقول ويفعل ولا أحسبه يقصد ما حسبته مهما كانت الإشاره ويا بريمه الزمن زمن سلام دس العده لليوم الأسود وتعال باش الله يديك العافيه ولغة الدواس خلها لوقتها!!
شكراً يا ول ابا منصور المتاح .. وأنت كلك نظر .. يا هو كشفنا ليكم الخونة والمأجورين فى شمال السودان .. ديل يا ول ابا هم الذين باعوا السودان لتنظير جون قرنق .. أعرفوا المخطط ولا يلدغ المؤمن من جحر مرتين.
نعم بريمة ليس شرا محضا .. حتى ان هذه الجملة تظلمه, وأغلب ظني انو زول سوداني, آخر, جميل وطيب وكويس ولكن..
هذا الكلام مدان جدا وحتى لو كان يأتي في اي سياقات انفعالية مختلفة .. وهو مضر بطبيعته و في كل احوال .. والاسوأ من ذلك كونه مطردا لا منقطعا .. ظل الاخ بريمة مداوما عليه .. وبريمة لم اعرفه البارحة, فمنذ 2007 اتابع كتاباته ..
واما عن الحوازمة فالحديث طويل ودي شجون .. عرفتهم معرفة وثيقة من خلال اقرب الاصدقاء وفي مقدمتهم الاخ والصديق و "الفردة" محمد ابراهيم حميمة .. ترافقت انا وهو زمانا طويلا .. وهو رجل موسوعي وصاحب حكمة بالتأكيد ..
06-26-2016, 06:56 AM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
Adam Mohajer · University Of Khartoum الاخ محمد حيدر المشرف رمضان كريم بريمة كلب صيد زي حميدتي وموسى هلال يحاولون جاهدين بان يجدو لهم موطىء قدم في دارفور في زمن الانقاذ الرديء فهم لا يجدون انفسهم الا بعد ان يستفردو بالضحية والتلذذ بالقتل والاغتصاب ونحن نعرف من هو العدو الحقيقي لاهل الجلد والراس من الدارفوريين. ما يسميهم بريمة بالجلابة المواطنيين الذين نعرفهم ويحاول بريمة النيل منهم بمناسبة او بدون مناسبة نجاورهم في السكن ولنا منهم اصدقاء عزيزين علينا لا نقبل امثال بريمة ان يرشهم بالماء ناهيك عن اي شيء اخر فاعداء الدارفوريين الحقيقين هم امثال بريمة ومن يناصرهم ومن يناصرونه وليس الجلابة كما يسميهم بريمة المواطنيين السودانيين الذين نعرفهم فبريمة وامثاله مرضى يحتاجون لطبيب امراض نفسية. أعجبني · رد · 10 ساعة
06-26-2016, 06:49 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
اخونا اسماعيل اغضبه التهكم على بريمة .. والتهكم مقصود تماما ولكنه تهكما على التعالي والتجبر, لم نتهكم على بريمه الا لتعاليه وتجبره .. وانا أؤمن بذلك يا صديقي وهي مسألة محمودة ..
يقول البرغوثي .. شهوة لوجود الرجال الذين بنوا فى المضافه بيت الكرم وبيت النكات اللئيمه بيت التهكم من كل عال قوى وبيت المساء الطويل بطول الجدال واخبار كل البلاد كأن الحصيرةَ من تحتهمْ هيئةٌ للأُمَمْ
المسألة الثانية فيما يخص اسماعيل .. ان الحرب والقتال والموت والخراب لا تدور الا بين اهله وناسه .. وبالتالي تكون مسالة تمجيد ادوات هذه الحرب بمثابة رصاص اضافي ووقود ودعوة لاستمرار الحرب .. وكان من المتوقع من اسماعيل وغيره الوقوف في الضد من كل ذلك ولكن ... يبدو ان الجمرة بتحرق الواطيها دون غيره .. ولهم في الحرب مآرب أخرى واجندات مختلفة.
06-26-2016, 07:17 AM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
Quote: بريمة ول أبا البقاري الشفيف صاحب القلم الممتع حقا وليس تريقة كما أشار صاحب البوست. التحية لك وأنت تقاتل بقلمك عن أفكارك واراءك رغم اختلافنا معك فيها. لك التحية وانت لا تكترث للذين جندوا اقلامهم في هذا المنبر للشخصنة و إغتيال الشخصيات. مالو لو أصل بريمة للبقارة؟ ما ياها بوستات كتيرة فتحت لتمجيد عيال دار جعل. أمضي يا بريمة في مشروعك الثقافي الداعم لتأصيل الموروث والفلكلور البقاري. انت رجل أصيل.
الناس ديل بقولوا انا قاعد أكرههم .. والله يا ول أبا وأنا طالب جامعى قضيتنا فى رحلة لحلفا الجديدة واحد وعشرين يوماً قضيتنهن رقص مع شباب الحلفاوين .. والله الناس يقتلتهم الحنين إلي حلفا القديمة .. من هناك يا ول بدأ أرتباطي بالشمال والتعرف علي جذور مشاكل التهجير وأهمال الشمال وتدمير ثرواته الثقافية الهائلة .. فى شرقنا الحبيب مشيت بورتسودان وسواكن وهيا .. وكسلام وأربعات والرهد والقضارف وحتى جنوب النيل الأزرق الدمازين وغيرها .. الناس ديل واقع عليهم عبء الدنيا كله .. أطفالهم يجروا وراء العربات ممكن مسافر يرمى لهم كيس رغيف وكده .. مرة خطفت لي خمشة بلح ورميتها لهم .. شايفهم يلقطوا فيها من التراب ويأكلوا لا غسيل لا فيها سم ولا يهم .. يهمهم سد الرمق .. يا أخى أنا قعدت أبكي .. السودان كله مكلوم ..
لكن فقرنا شيئ وأن ياتى زول متمرد ومرتزق مدفوع الأجر من تشاد .. أو ليبيا أو أياً كان .. ويقع فيهم قتل دا ما لا نرضاه .. ونحن هنا نحمس الجلابة يمنعوا أنفسهم وأخواتهم مثل أم سروال دواسنا فى الفاضي ونحذرهم ان الحال صعب .. ونقول لهم أسألوا مجرب .. ح يجئ اليوم الذين يندمون فيها ندامة الكسعي .. ولن يعذر الدهر غافل.
بريمة
06-26-2016, 07:31 AM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
Quote: Adam Mohajer · University Of Khartoum الاخ محمد حيدر المشرف رمضان كريم بريمة كلب صيد زي حميدتي وموسى هلال يحاولون جاهدين بان يجدو لهم موطىء قدم في دارفور في زمن الانقاذ الرديء فهم لا يجدون انفسهم الا بعد ان يستفردو بالضحية والتلذذ بالقتل والاغتصاب ونحن نعرف من هو العدو الحقيقي لاهل الجلد والراس من الدارفوريين. ما يسميهم بريمة بالجلابة المواطنيين الذين نعرفهم ويحاول بريمة النيل منهم بمناسبة او بدون مناسبة نجاورهم في السكن ولنا منهم اصدقاء عزيزين علينا لا نقبل امثال بريمة ان يرشهم بالماء ناهيك عن اي شيء اخر فاعداء الدارفوريين الحقيقين هم امثال بريمة ومن يناصرهم ومن يناصرونه وليس الجلابة كما يسميهم بريمة المواطنيين السودانيين الذين نعرفهم فبريمة وامثاله مرضى يحتاجون لطبيب امراض نفسية. أعجبني · رد · 10 ساعة
يا مهاجر .. أنت عرفك بدارفور شنو ذاته .. أنت وحبوباتك مولود فى لقيط القطن فى حواشات سيدي الأمام عبد الرحمن .. أنت وأخوكم آدم صيام .. الله يكون فى عونكم .. سيدي شغلكم سخرة بعد أن أنتهت العبودية فى السودانية .. وإستمرارك وحبوباتك فى السخرة مفهوم هو حب للامام .. لكن تجوا انتم الابناء تكفروا بتراث سيدي وتتنكروا لسيدي السيد صادق ما حلوه منكم .. أبقوا عشرة علي حفر القنوات والجاسير وحراسة السرايا ..
هههاي الله يرحم ويغفر لسيدي الامام.
بريمة
06-26-2016, 08:21 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9024
بريمة محمد سلام صديقي العزيز بريمة ، صدق في الآونة الأخيرة ، بلغت من الشطط ، ربوة عالية ، جاءت بالهرج و المرج ، عن نفسي لم أرضه لك ، لك من الود الوافر ، ،،،،،،،
Quote: نحن عايزين نشوف منظومات مسلحة من الدفاع الشعبي فى كل مدن الشمال تحمى القري من أي أعتداء .. وإذا لم يفعلوا سوف اظل اهاجمهم حتى يعوا الدرس الذي مررنا به .. بريمة
والدفاع الشعبي تحمى مدن الشمال من شنو؟ يازول البوابة الشمالية لو انهارت السودان كلو حينتهى... صدقنى... قوات حميدتى تعسكر فى دنقلا حاضرة الشمال وهذا مؤشر ينذر بالخطر ... انهم يلعبون بالنار...
06-26-2016, 08:57 AM
Deng Deng
تاريخ التسجيل: 11-28-2002
مجموع المشاركات: 52550
Quote: يا مهاجر .. أنت عرفك بدارفور شنو ذاته .. أنت وحبوباتك مولود فى لقيط القطن فى حواشات سيدي الأمام عبد الرحمن .. أنت وأخوكم آدم صيام .. الله يكون فى عونكم .. سيدي شغلكم سخرة بعد أن أنتهت العبودية فى السودانية .. وإستمرارك وحبوباتك فى السخرة مفهوم هو حب للامام .. لكن تجوا انتم الابناء تكفروا بتراث سيدي وتتنكروا لسيدي السيد صادق ما حلوه منكم .. أبقوا عشرة علي حفر القنوات والجاسير وحراسة السرايا ..هههاي الله يرحم ويغفر لسيدي الامام.بريمة
العبار بريمة بلل.
ما هذا الغثاء يا رجل؟ أنت رجل أفريقي أسود وعايش في أمريكا، وتعرف جيدا ما هي العبودية، فكيف تتجرا أن تعاير الأخرين بأنهم أحفاد عبيد؟؟
بعدين أنت هنا تتهم الإمام عبد الرحمن المهدي علنا بأنه كان يستعبد الناس في مزارعه وأعماله، فهل تستطيع أثبات مثل هذه التهم؟
يا ناس حزب الأمة، تعالوا أنتفوا لحم العبار ده حلال عليكم، بس خلو لينا العضم.
بالمناسبة يا عبار يا كوز!
أنت قبل كده مش قلت أنك حزب أمة! فكيف تأتي الأن وتتهم الأمام عبد الرحمن المهدي بمثل هذه التهم؟؟
والله يا عبار البتعمل فيهو ده خرمجة في خرمجة، أحسن تبطل الكتابة من البتعمل فيهو ده.
أأنا غايتو توسط إليّ ذات مساء وفي العلن ول محمّد النور كبر لدى أمير كُتاب المنبر ول أبا بريمة قائلاً: "ول أبا بريمة يا صديقي، ول أبا أبا بكر دا غير؟ يحبنا ونحبّة، وتحب ناقته تور بقارة كردفان ودارفور، وبيبحث مثلنا عن حل للكلا والماء"
من اليوم داك بقيت أشوفو ويشوفني بزاوية مختلفة وأرى ما يرمي إليه بعين الرضا حتى لو فسخ صريمة الذوق العام. بالمناسبة: بريمة بلعب الموزة أحسن من الفاضل سانتو
فشنو؟ يا مشرف، أقول لك كما قال إبراهيم عوض لوردي حين سأله عن درب الغنا، قال ليهو: يا وردي، يا أخوي، درب الإستنارة دا صعب، أحسن ليك تقعد في دواك دا ولو عندك إمكانيات وردي (أحسبك تتفوق عليه)؛ فبريمة فعلا القراءة له مدهشة حد المتعة، ومدهشة دي ليست من باب التريقة حاول شوف الموزات في الكتابة
(عدل بواسطة أبوبكر عباس on 06-26-2016, 10:38 AM) (عدل بواسطة أبوبكر عباس on 06-26-2016, 11:12 AM)
06-26-2016, 01:06 PM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2813
Quote: اخونا اسماعيل اغضبه التهكم على بريمة .. والتهكم مقصود تماما ولكنه تهكما على التعالي والتجبر, لم نتهكم على بريمه الا لتعاليه وتجبره .. وانا أؤمن بذلك يا صديقي وهي مسألة محمودة ..
تعالي وتجبر شنو ؟ بالمناسبة التعالي والتجبر ده ماركة ام جلبنيزية 100%...
فاتح ليك بوست طويل وعريض للتهكم في زول لمجرد طرح رأيه ...
06-26-2016, 03:01 PM
وضاح عبدالرحمن جابر وضاح عبدالرحمن جابر
تاريخ التسجيل: 10-11-2012
مجموع المشاركات: 1986
Quote: لكن فقرنا شيئ وأن ياتى زول متمرد ومرتزق مدفوع الأجر من تشاد .. أو ليبيا أو أياً كان .. ويقع فيهم قتل دا ما لا نرضاه .. ونحن هنا نحمس الجلابة يمنعوا أنفسهم وأخواتهم مثل أم سروال دواسنا فى الفاضي ونحذرهم ان الحال صعب .. ونقول لهم أسألوا مجرب .. ح يجئ اليوم الذين يندمون فيها ندامة الكسعي .. ولن يعذر الدهر غافل.
لبريمه وجهه نظر جديرة بالاحترام والنقاش
حتى الان الولايات الشمالية ما ضاقت الويلات والحروب الضايقنها ناس جنوب كردفن فالنظر للاشياء في وقت الحرب والسلم يختلف
وكلام بريمه صحيح اهل الوسط والشمال غافلين
والحكومه سايقة البلد نحو المزيد من الحروب الاهلية والمزيد من التجيييش والتسليح على أسس عرقية ومناطقيه غرب وجنوب وشرق السودان .. حروب واسلحه وانفجار ينتظر ساعة الصفر
الوسط والشمال معتمد على الحكومه انها تحميه
والحكومه ما قادره تحمى روحها .. فاستعانت باهل بريمه ده عشان تحمي روحها
لحدى هنا الناس كانت ممتعضه وساكته
اها الان اتضح انه الحكومه ما قادره توفر الحماية للوسط او الشمالية فاستدعت أيضا اهل بريمه لحماية الوسط والشمال ..
فحقا ان لبريمه ان يمد رجليه !! اذا أراد ان يتفاخر لكن ما اعتقد ده الموضوع
الموضوع يا دكتور في تباعد كبير في الإحساس بالمشكلة السودانية .. ما بين أولاد النيل والبقية وحتى الان (احنا) - أولاد النيل - الأكثر غشامه وعمى عن الذى يدور حولنا - وهذا ما يقصده بريمه وانا اتفق معه
يجب ان تقف الحروب .. واذا كنا ما قادرين نشيل الحكومه ونحافظ على البلد
فحقو نكون مستعدين لما بعد سقوطها المحتوم !!
06-26-2016, 07:28 PM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2813
وفي الختام الأخ بريمة يتحمل مسؤلية الإسفاف والهتر ومحاولة تمزيق النسيج الإجتماعي للوطن وإذكاء الفتن العرقية والجهوية ... ومحاولته اليائسة لتحويل البقارة وما أسماهم بالغرابة ـ لرصيد وكم يتبع الإنقاذ ويدافع عن أجندتها ويشيل وش القباحة في وجه خصومها ـ ـبل والسعي لتحويلهم لمجرد دمي وأدوات في يد السفاح عمر البشير الذي فرط في أرض الوطن ومكتسبات البقارة في أبيي أنظر يكتب بريمة عن السفاح البشير ,,
Quote: ............06-02-2015, 04:22 AM]. أ نت ما عارف الرئيس عمر البشير . ما عارف الرئيس عمر البشير .. نحن نعتبروه بقاري عدييل .. لو فيكم واحد مس الرئيس بسؤ .. الا كن تدخلوا تحت التراب .. يوم داك بنسوها ليكم ضيقة نحن البقارة.
.............. ............ أنظر كيف يتكلم بإسم البقارة ويحشدهم لحماية السفاح الذي فرط في التراب والسيادة الوطنية* البقارة كما أهلنا في إقاصي دارفور جزء من نسيجنا الإجتماعي وتركيبتنا الوطنية ـ والقبلية إسهمت وتسهم مع غيرها في رفعة الوطن وتكتوي بنار الإنقاذ وسياستها المدمرة ــ لانرضي المساس بهاأو تحقيرها أو الحط من قدرها ــ وفي هذا المقام أحي شاعرنا الوطني والقومي فضيلي جماع ذلك الأديب المثقف الذي إنحاز لقضايا أهله وطنه وقف في وجه الإنقاذ ـ.. إنه نموذج للمثقف الواعي بذاته ودوره وبمصالح أهله ووطنه ــوالواعي بحجم كوارث سلطة الإنقاذ! ,,,,,,
الأخ إسماعيل عبد الله محمد ـــ تحية الاتري كيف يسئ بريمة لأهله وللبقارة وأهل الغرب ـ بمحاولة تحويلهم لتبع وأدوات في يد الإنقاذ وتمزيق النسيج الإجتماعي لغرب السودان بواسطة أدوات تحركها السلطة ماهو رأيك في كلام بريمة الآتي
Quote: ............06-02-2015, 04:22 AM]. أ نت ما عارف الرئيس عمر البشير . ما عارف الرئيس عمر البشير .. نحن نعتبروه بقاري عدييل .. لو فيكم واحد مس الرئيس بسؤ .. الا كن تدخلوا تحت التراب .. يوم داك بنسوها ليكم ضيقة نحن البقارة.
والله يا ابوبكر ماعارف موضوعكم شنو هنا لكن لى فتره محمد المشرف دا مالاقيهو فى صفحتي وبسمع أخبارو فى نواحي الفيس قلت يكون حظرني لأى سبب من الأسباب الملحقة (بعلم نفس الأسافير)
هههههه مسخرة الجلابة اضاعت السودان نفس هذا الاستهبال حدث فى عهد الحكومات السابقة والأشخاص نفس الأشخاص من بدرية سليمان الى البقرة الضاحكة عمر محمد الطيب والفاتح عروة اي بطريقة نفس حكومات الجلابة وتجار الرقيق متعلميهم وخماريهم متفقون على سبهللية إدارة الدولة السودانية.
06-27-2016, 08:01 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
Quote: خونا وضاح عبدالرحمن جابر في مداخلة واحد شرح لكم مشاكل السودان كلها ويا بكري ابوبكر مفروض مداخلة وضاح دي تعلقها فوق في المنبر وشكرا جزيلا يا وضاح عبدالرحمن
تحياتي لعلي وللاخ وضاح ..
أعتقد أنو بالفعل مداخلة وضاح تشرح مشكلة من مشاكل الوطن الكبيرة ..
ساستطرد لاحقا ولكن المسألة الاساسية هي الكم الكبير في التناقض والذي يمكن ايجازه فيما يلي ..
1- لبريمة محمد مسار فكري خاطيء بيد انه متماسك لا يحيد عنه يمنة ولا يسرة ... في هذا المسار تتقاطع طرق تفكير ومصالح بين بريمة والسلطة .. وهي تقاطعات ليست ناتجة عن انتماءات فكرية/ايدلوجية, ولو كان عمر البشير بذات فظاعاته السلطوية يساري .. لما تغير مسار بريمة قيد انمله ..
2- تتناقض مداخلة وضاح مع نفسها كثيرا .. انظر السطر الاول ثم انظر ما يليه ..
Quote: وكلام بريمه صحيح اهل الوسط والشمال غافلين
,,,,,,,,,,,,,
والحكومه سايقة البلد نحو المزيد من الحروب الاهلية والمزيد من التجيييش والتسليح على أسس عرقية ومناطقيه غرب وجنوب وشرق السودان .. حروب واسلحه وانفجار ينتظر ساعة الصفر
لا اعلم كيف يكون كلام بريمة صحيح وتكون الحكومة سايقة البلد نحو مزيد من الحروب الاهلية ؟!!
ثم كيف يكون الناس غافلين .. غافلين عن شنو بالتحديد ؟! الجميع يعلم انو الحكومة سايقه البلد نحو كل ما قاله وضاح .. فكيف يكونو غافلين ؟! ثم ما هو الموقف من الوعى بالذي خطه وضاح بقلمه (ان الحكومة سايقة البلد الخ الخ ) .. هل يكون بأن يقول الناس انو كلام بريمة صاح ولا يرفضو الفكرة دي كلها .. فكرة سواقة البلد نحو مزيد من الحروبات الاهلية ؟!!
كلام وضاح كلام مدور كتير في الوسط والشمال .. ولا احد غافل عنو ولا يحزنون .. شخصيا انا اعلمه وارفضه تماما .. هذه افتك دعاية سلطوية تم الترويج لها جيدا .. وعندها مستويات كتيرة ..
المستوى الاول يخاطب مخاوف اهل الشمال والوسط من اهل الغرب كمجموع واحد ..
والمستوى الثاني يمدد حدود الدائرة ليدخل القبائل العربية في دارفور كحليف لاهل الوسط والشمال بمسوغات ذات طبيعة اثنية وطبيعة تأريخية وتداخلات إجتماعية وإقتصادية موجودة بالفعل .. وبالتالي هم يُستخدمون كخط دفاع متقدم يعمل لحماية اهل الشمال والوسط من المصير القاتم والمضمر والذي يعتمل ويغلي في صدور القبايل الونجية الدارفورية
المستوى الثالث يعمل ويسعى بالفرقة بين القبائل الدارفورية فيما بينها ويجب ان ينعكس ذلك عند جمهور اهل الشمال كذكاء حكومي ويدخل في باب شغل الاعداء بأنفسهم والقدرة على اللعب بالبيضه والحجر (وهو الامر الذي لا يليق اصلا بحكومة محترمة بالتأكيد) ..
سؤالي هو: ماهو المصير المحتمل لبيئة وطنية تعتمل فيها مثل هذه التصورات البذيئة .. اليس من الطبيعي ان تمضي هذه البيئة لمزيد من الحروبات ..
نحن في شمال السودان وتاريخيا لم ينالنا سوء وعلى الاطلاق من كل هذه القبائل المسماة زنجية .. ولو كانت لاهل الشمال بعض المرارات التاريخية تجاه اهل الغرب .. فلقد كانت بالتأكيد مرارت بعيدة كل البعد عن هذه القبائل التي تعمل السلطة الحاكمة الان على التلويح بها كفزاعة لاهل الشمال ..
وحتى باستحضار المرارات القديمة خلال الفترة المهدية والتي اصلا لم يكن مصدرها هذه القبائل (ذات الاصل غير العربي ومشوها كده عليكم الله) .. فلقد ابادت أوروبا بعضها البعض بما لا يقارن قبل اقل من 100 عام .. وتم تخطي كل ذلك .. بيد ان الاوربيين لم يتخطوا كل ذلك بتكريس المعاني السلبية والدعاية السودان والخطابات العنصرية وتغذية مخاوف الناس من بعضهم البعض .. اليس كذلك يا على ويا وضاح ؟
ما اقوله ان الموقف الصحيح ليس موقف بريمة وذلك باستحضار ذات الكلام القالو وضاح .. هذا تكريس للازمة وترويج لذات الدعاية السلطوية السوداء .. الموقف الصحيح اوضح ما يكون وكما الصباح ..
ساعود لاحقا للتفصيل ..
احترامي الكبير لوضاح وعلى بوب ..
06-27-2016, 08:14 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
كانت هناك مخاشنة واختلاف حاد بيني وبينك حول تعاملي (الحاد ربما) مع احد اصدقاءك في الفيس (كائن سلطوي كده) .. واذكر لو لم تخني الذاكرة طلبت مني مغادرة الصفحة وقد كان ..
هذا آخر عهدي بصفحتك يا عزيزي .. إستجابة لطلبك بمغادرة الصفحة/الحساب .. لا يوجد باب بالتاكيد ولا تتوافر وسيلة عير الحذف ..
نحنا ناس اهل يا حاتم .. ويمكن نكون اصدقاء الى حد ما .. ومثل هذه المواقف الصغيرة لا تستحق ولكنها مؤذية جدا .. وذلك من الافضل تجنبها تماما لمصلحة الحياة الحقيقية ..
مودتي واحترامي
06-27-2016, 08:30 PM
حاتم الياس حاتم الياس
تاريخ التسجيل: 08-25-2004
مجموع المشاركات: 1981
يامحمد لا اذكر هذا الأمر وربما حدث فعلاً ولكنك لو انتبهت لمعظم اصدقائنا القدامي من هذا المنبر (ما الجنجويد الجداد ديل ولادينق بالطبع) تمتاز معرفتنا بشكل عميق جدا من معرفة بعض حتى طرق الكتابة والتعبير أصبحت محفوظه ولأن سودانيز أون لاين أتاح للكثيرين منا تجربه ضخمه فى سبر غور اسرار الكتابة الأسفيرية , أذكر اننى مره طلبت من تبلدينا وتمبس ايضاً الخروج من صفحتى وخرجوا من حوار كان عاضى كدا واخدوا الموضوع عادي , لكن بمعرفتنا اللصيقة مع بعض ايضاً نملك معرفة الأشارات والسياق وغيرها من الأمورالمضمره فى حكينا وتعليقاتنا , عموماً دعنى أعتذر لك هنا علناً اٍن وصلك مايسئ أليك مني....وأنت قريبى فى مقام الحوار والنقاش وهذا أعلى مقاما لأنه مقام عقل ووعي قبل أن تكون قريبى بعصبية الدم والأهلية وصعوبية أهلك الطيباب
تحياتي لكل الاصدقاء .. اضفتم لمتعة قراءة بريمة متعة اضافية يا صحاب ..
فقط دعوني اواصل حول هذه النقطة من كتابة الاخ العزيز وضاح .. وهي نقطة تساءل عنها هيثم الغالي كذلك ..
Quote: والحكومه ما قادره تحمى روحها .. فاستعانت باهل بريمه ده عشان تحمي روحها
ليسوا أهل بريمة في اعتقادي .. هي مليشيا ذات طبيعة اجرامية صرفة وتعمل خارج الاطار الهيكلي للدولة السودانية ولا تمثل أهل بريمة في شيء ..
وقصدت توضيح هذه الحقيقة وحتى لا يتم التعامل مع هذا التصور كمسلمة ..
هي مليشيا مسلحة اقتضى فقه الضرورة السلطوي أن يتم التعامل معها بعد التراجع الكبير في اداء الاقتصاد السوداني بعد الانفصال .. فتقلصت ايرادات الدولة المنكمشة اصلا بفعل الفساد .. وتحجمت قدرة الدولة على الصرف المكلف جدا على القوات النظامية .. فطبيعة هذه المليشيا تجعل من الانفاق عليها اقل وبكثير من الصرف على القوات المسلحة النظامية في حرب اهلية ..
هذه المليشيا تلبي حاجة السلطة كبديل غير مكلف نسبيا ومناسب لطبيعة الحرب الاهلية في مقابل الجيش السوداني ..
نشاهد الآن العديد من الشركات العالمية والمؤسسات يتعاملو مع سب كونتراكتور لاداء مهام لوجستية وادارية وامنية .. مثل هذه الشركات الصغيرة ال sub-contractors مكلفة نعم لا انها ولكن وفي نهاية المطاف بديل ارخص من زيادة العبء والظل الاداري على الشركات الكبيرة .. وهو ذات الامر بين السلطة الحاكمة وهذا التنظيم العسكري الاجرامي.
مهام هذه المليشيا .. 1- تؤول اليها كل العمليات العسكرية في دارفور بينما يبقى الجيش بعيدا قدر الامكان .. 2- مهام أمنية قذرة داخل العاصمة كما حدث في انتفاضة سبتمبر المجيدة ..
هل لا يستطيع الجيش السوداني القيام بذات المهمة الاولى .. الاجابة هي لا .. يمكنه ذلك ولكن بتكلفة اعلى ..
هل لا يستطيع جهاز الامن القيام بذات المهمة الثانية .. ذات الاجابة السابقة يضاف اليها عدم تلويث المؤسسة الامنية بدماء سودانية اخرى غير التي تلوثت بها سابقا ..
يبقى النظام ليس عاجزا عن انجاز ذات مهام هذه المليشيا ولكنه ببساطة لا يحتاج لذلك للاسباب أعلاه ..
بريمة لن يستطيع ان يمد رجليه اذن .. له ان يتباهى كما شاء ولكن لاشيء يدعو للتباهي بمرتزقة من شاكلة حميدتي وقواته .. الموضوع ليس رجولة زائدة او فحولة اسطورية في زمن قد تحرك فيها انثى صارخة الانوثة (نار منقد) صاروحا باليستيا بضغطة زر على الكمبيوتر وتكون لابسه جكسا في خط مافي وخالفه رجل على رجل كمان... نعم ... بريمة يبدو كثيرا كمن لم يعبر الاطلسي قط !!
كل ذلك ولم نتحدث بعد عن المآلات الكارثية لمثل هذا النهج السلطوي .. ولعمري لم أجد كما مثل هذه السلطة في تهديمها وتقويضها لاركان الوطن الذي تنمتي اليه ..
06-28-2016, 00:10 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
Quote: لأخ إسماعيل عبد الله محمد ـــ تحية الاتري في أن بريمة يسئ لأهله وللبقارة وأهل الغرب ـ بمحاولة تحويلهم لتبع وأدوات في يد الإنقاذ وتمزيق النسيج الإجتماعي لغرب السودان بواسطة أدوات تحركها السلطة ماهو رأيك في
ا
خونا اسماعيل ده زي الهلالابي القاعد يشجع مريخ كادقلي ضد الهلال لاسباب جههوية بحتة لا علاقة لها بالكورة ,,
Quote: البقارة كما أهلنا في إقاصي دارفور جزء من نسيجنا الإجتماعي وتركيبتنا الوطنية ـ والقبلية إسهمت وتسهم مع غيرها في رفعة الوطن وتكتوي بنار الإنقاذ وسياستها المدمرة ــ لانرضي المساس بهاأو تحقيرها أو الحط من قدرها ــ و ,,,,,,,,وفي هذا المقام أحي شاعرنا الوطني والقومي فضيلي جماع ذلك الأديب المثقف الذي إنحاز لقضايا أهله وطنه وقف في وجه الإنقاذ ـ ـ.. إنه نموذج للمثقف الواعي بذاته ودوره وبمصالح أهله ووطنه ــوالواعي بحجم كوارث سلطة الإنقاذ! ,,,,,,
Quote: نحن عايزين نشوف منظومات مسلحة من الدفاع الشعبي فى كل مدن الشمال تحمى القري من أي أعتداء
تدعو اذن لعسكرة المجتمع السوداني ضد المجتمع السوداني!!
تمت عسكرة المجتمع في اول سنوات الانقاذ وانتهى بنا المطاف لفقدان ثلث السودان والتحول لدولتين فاشلتين بدلا عن دولة واحدة ذات مقومات مستقبلية للنجاح .. 600 الف كيلومتر مربع من الارض شديدة الثراء كان من الممكن أن النهوض بها ومعها والمضي قدما بذلك السودان للامام بمعالجات وطنية/سياسية/اقتصادية .. ولكن السلطة الحاكمة, مثلك تماما, اختارت عسكرة المجتمع وأدخلت أهل السودان في ذلك النفق المظلم والذي انتهي بالتقسيم .. حتى أنهم يا بريمة غيروا زي التلاميذ الصغار للباس عسكري قبيح ..
وعسكرة المجتمع ضد المجتمع (لا في الضد من عدو خارجي) واحدة من أسوأ الافكار الشيطانية على الاطلاق ومهدد أمني خطير لا يمكن ان يتحول في يوم من الايام لخيار امني ناجح ..
وكما ذكرت أن التلويح بفزاعة القبائل غير العربية من اجل تخويف اهل الشمال لا تعدو اكثر من دعاية سلطوية سوداء وبذيئة .. وان مشاكل السودان لا تحل على الاطلاق بهذه الادوات البذيئة بل انها لا ولن تتفاقم الا بهذه الادوات والافكار السلطوية البذيئة ..
وده الفرق بينا وبينك يا بريمة في مسألة الحوار والحل السلمي .. اذ نؤمن امانا تماما بالحوار الحقيقي بين مختلف قوميات السودان والوصول لدولة سودانية حديثة لا يكون مبلغ همها عسكرة المجتمع ضد المجتمع او الاستعانة بالمليشيات والمرتزقة ..
06-28-2016, 11:25 AM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
Quote: وده الفرق بينا وبينك يا بريمة في مسألة الحوار والحل السلمي .. اذ نؤمن امانا تماما بالحوار الحقيقي بين مختلف قوميات السودان والوصول لدولة سودانية حديثة لا يكون مبلغ همها عسكرة المجتمع ضد المجتمع او الاستعانة بالمليشيات والمرتزقة ..
ود المشرف، سلام .. أهلنا قالوا الجمرة بتحرق الواطيها .. أنت يدك فى الموية البارده وتستطيع إجادة التنظير .. لكن لما تموت أمك وعمتك وخالتك وأختك ويتم أغتصابهن أمام عينك وقتها سوف تتحول إلي وحش كاسر وممكن تقتحم النار أم لهيب .. هذه الحروب تدور فى أراضينا منذ عام 1983م .. ونحن نعرف أجندتها وهدفها وغرضها الذي لا يتراءي للذين يصلهم الخطاب السياسي والأعلامى فقط .. أبسط شيئ التمرد لا يملك قوت يومه طوال هذا الزمن .. من أين يأكل؟ من ثروات سكان الهامش ! .. الدولة التى تتكلم عنها هى عبارة جنود وقيادة متمركزة فى نقاط .. ليس لها أنتشار فى أي بقعة حتى ممكن تصلك فى نفس اللحظة وتحمي ظهرك .. بعد أسبوعين ما يجوا .. نحن نتكلم عن ناس شايلين سلاح وقانونهم فى فوهة البندقية .. ما لم يكن لديك نفس الأدوات التى يحاربون بها .. ح تسلم كل ما تملك والله لو تركوك حي يكون أحسنوا فيك.
ود المشرف نحن فى زمن إستثنائي .. ويحتاج لمعالجات إستثنائية .. وأنا لا أطلب أكثر من الأستعداد لليوم الأسود .. ومن أستعد للحرب أمن شرها.
Quote: أهلنا قالوا الجمرة بتحرق الواطيها .. أنت يدك فى الموية البارده وتستطيع إجادة التنظير .. لكن لما تموت أمك وعمتك وخالتك وأختك ويتم أغتصابهن أمام عينك وقتها سوف تتحول إلي وحش كاسر وممكن تقتحم النار أم لهيب .. هذه الحروب تدور فى أراضينا منذ عام 1983م .. ونحن نعرف أجندتها وهدفها وغرضها الذي لا يتراءي للذين يصلهم الخطاب السياسي والأعلامى فقط .. أبسط شيئ التمرد لا يملك قوت يومه طوال هذا الزمن .. من أين يأكل؟ من ثروات سكان الهامش ! .. الدولة التى تتكلم عنها هى عبارة جنود وقيادة متمركزة فى نقاط .. ليس لها أنتشار فى أي بقعة حتى ممكن تصلك فى نفس اللحظة وتحمي ظهرك .. بعد أسبوعين ما يجوا .. نحن نتكلم عن ناس شايلين سلاح وقانونهم فى فوهة البندقية .. ما لم يكن لديك نفس الأدوات التى يحاربون بها .. ح تسلم كل ما تملك والله لو تركوك حي يكون أحسنوا فيك.
ود المشرف نحن فى زمن إستثنائي .. ويحتاج لمعالجات إستثنائية .. وأنا لا أطلب أكثر من الأستعداد لليوم الأسود .. ومن أستعد للحرب أمن شرها.
ده يا دكتور ملخص برضو لى كلامى الفوق وده الكلام الفلت ليك (لبريمه وجهه نظر جديره بالاحترام والنقاش)
يا دكتور انت يدك مش في المويه البارده وبس يدك في التلج عدييييل
06-28-2016, 01:21 PM
وضاح عبدالرحمن جابر وضاح عبدالرحمن جابر
تاريخ التسجيل: 10-11-2012
مجموع المشاركات: 1986
حماية الوسط والشمال من كل ما تحمى الدول مواطنيها منه الاخطار كبيره وكتيره فيها اخطار حاليه والحكومه موجوده وفيها اخطار حا تضاف بعد سقوط الدوله
نفس الاخطار الواجهتها سوريا وليبيبا عصابات .. مجموعات مسلحه متشدده .. جماعات قبلية مسلجه داخلية وخارجية (قادمة من دول الجوار)
ووووووووووو
ياخوى يكتبو شنو ويخلو شنو ده كلام ما بتكتب عاين حواليك حا تلقى كل اخطار الدنيا حاليا تحاصر السودان
اطراف السودان بتواجه الان مصيرها في ظل رقابه حكومية ضعيفه .. نتج عنها أراضي كتيره خارج سيطرة الحكومه وتحت سيطره دول أخرى وجماعات مسلحه .. مناطق الحدود عندها تحالفات مع الدول المحيطه بيها الغرب وتشاد مثلا .. جنوب السودان والحركه الشعبيه .. النيل الأزرق وجنوب السودان واثيوبيا الشرق واريتيريا
والدول لما تضعف بتاكلها الكلاب زيها زي اى جيفه في الكوشه .. حا تدخل مصر عشان تحمي حدودها والسد العالى .. والنيل حا تدخل اثيوبيا .. حا تدخل جنوب السودان وتشاد
هو منو الما حا يدخل السودان ؟
وقتها ما في جنجويد حا يجو يحموا الوسط والشمال كل زول حا يشوف ربه وين
والوسط والشمال . لا حليف له ولا جار
............
وبرضو برجع أقول ليك ما كتبت الكلام محرض للمزيد من المناطقية والقبليه لكن الواقع بيتطلب وقفه قويه وده المقصود بالغفله الواقعين فيها اهل الشمال والوسط وما مقصود بيها عدم معرفة الحاصل .. (مقصود بيها صعف رده الفعل)
كل الأقاليم الأخرى لديها جيوش وقبائل مسلحه وتحارب في الحكومه عدا الوسط والشمال والذى يتهم الان .. بانه عنصري وداعم للحكومه وداعم للمذابح . ولم يتدخل لنصره الأقاليم الأخرى
كل الأقاليم الأخرى لديها أحزاب تتحدث باسمها وتحارب باسمها والوسط والشمال كيتيم الابوين
ههههههههههههههههههههههههه عيال ابا حبابكم ، سأعود اليكم ان شاء الله ، ول ابا القصير بلاع الطوال ، عيال ام جلبه سيتذكرون عندما تلد لهم بلا دره والله الا واخدين ينسبوا لمحمود ود احمد
06-28-2016, 01:34 PM
كمال عباس كمال عباس
تاريخ التسجيل: 03-06-2009
مجموع المشاركات: 17143
Quote: ده يا دكتور ملخص برضو لى كلامى الفوق وده الكلام الفلت ليك (لبريمه وجهه نظر جديره بالاحترام والنقاش) يا دكتور انت يدك مش في المويه البارده وبس يدك في التلج عدييييل.
لا ياأخ وضاح بريمة لايدافع عن أهله البقارة وإنما يدافع عن الإنقاذ وعن السفاح وقد أرتضي القيام بدور البوق ومخلب القط! ،بريمة يسعي يائسا لتحويل البقارة وما أسماهم بالغرابة ـ لرصيد وكم يتبع الإنقاذ ويدافع عن أجندتها ويشيل وش القباحة في وجه خصومها ـ ـبل والسعي لتحويلهم لمجرد دمي وأدوات في يد السفاح عمر البشير الذي فرط في أرض الوطن ومكتسبات البقارة في أبيي *بريمة
Quote: يرفع ورقة الجلبنة فقط في وجه خصوم الإنقاذ من أبناء الشمال ولكنه يمدح ويشيد ببعض إبناء الغرب الذين إرتضوا بدور ـ الإداة والدمية ـ التي تحركها الإنقاذ ـ وقيادتها المتنفذة التي تُنسب للجلابة ! ــ إن يوظف الغرابي كدمية في يد البشير ـ يقتل ويدمر ويقوم بالأعمال القذرة ـ فهذه محمدة تستحق التطبيل والتمجيد في نظر بريمة أما إن إختار الغرابي معسكر معارضة الإنقاذ وتصدي لها فإنه مغفل نافع وغبي تحركه أصابع الجلابة! * علما بأن البشير هو من صدر عنه حديث الغرباوية وحزب البشير هو من صدر عنه تصور مثلث حمدي ( الجهوي والعنصري) الذي يقصئ معظم الغرابة !.
*إذا الإنقاذ تقوم بتوظيف هولاء( الجنجويد وقوات حميدتي )كمرتزقة ـ تستخدمهم من دون أن تحترمهمثم تلفظ أو تهمش بعضهم وتحرقـهم كموسي هلال ـ لصالح قيادات جديدة ، مما دفع موسي لكشف بُعد المؤامرة ومحاولة التصالح مع من دفعته الإنقاذ لقتاله! *معظم أهل في الغرب كما في بقية مناحي الوطن المكلوم يعوون جيدا ـ أن العدو الذي دمر لوطن وأهدر موارده وأذل شعبه ومزق نسيجه الإجتماعي وفاقم الفتن القبلية والعرقية في ربوعه هو الإنقاذ! ويعلم أهلنا البقارة جيدا بأن الإنقاذ هي من فرط في حقوقهم في أبيي وجعلهم مجرد ترانزيست حيث أقر بأن أبيي تخص مشائخ دينكا نقوك التسعة ! * هذا هوبريمة إن كنت لاتعرفه ياوضاح ــأنظر لما قاله عن السفاح البشير
Quote: .06-02-2015, 04:22 AM أ نت ما عارف الرئيس عمر البشير . ما عارف الرئيس عمر البشير .. نحن نعتبروه بقاري عدييل .. لو فيكم واحد مس الرئيس بسؤ .. الا كن تدخلوا تحت التراب .. يوم داك بنسوها ليكم ضيقة نحن البقارة.
.............. ............ أنظر كيف يتكلم بإسم البقارة ويحشدهم لحماية السفاح الذي فرط في التراب والسيادة الوطنية* البقارة كما أهلنا في إقاصي دارفور جزء من نسيجنا الإجتماعي وتركيبتنا الوطنية ـ والقبلية إسهمت وتسهم مع غيرها في رفعة الوطن وتكتوي بنار الإنقاذ وسياستها المدمرة ــ لانرضي المساس بهاأو تحقيرها أو الحط من قدرها ــ وفي هذا المقام أحي شاعرنا الوطني والقومي فضيلي جماع ذلك الأديب المثقف الذي إنحاز لقضايا أهله وطنه وقف في وجه الإنقاذ ـ.. إنه نموذج للمثقف الواعي بذاته ودوره وبمصالح أهله ووطنه ــوالواعي بحجم كوارث سلطة الإنقاذ! ,,,,
06-28-2016, 02:02 PM
كمال عباس كمال عباس
تاريخ التسجيل: 03-06-2009
مجموع المشاركات: 17143
Quote: ده يا دكتور ملخص برضو لى كلامى الفوقوده الكلام الفلت ليك (لبريمه وجهه نظر جديره بالاحترام والنقاش)يا دكتور انت يدك مش في المويه البارده وبسيدك في التلج عدييييل
وهل تظن أن بريمة يده في النار أو هو مهموم بما أصاب ويصيب البقارة ؟ إعتقد أن بريمةمهموم بالدفاع عن الإنقاذ ومهتم بتبرئتها من القتل والدمار والنهب وتمزيق النسيج الإجتماعي للوطن وللغرب تحديدا !إنه يغض النظر عن تفريط الإنقاذ في أبيي وخيانتها للتراب والنسيج الوطني وتحقيرها لأهل الغرب (مثلث حمدي وحديث الغرباوية نموذجا ) وإستخد ام المليشيات كأدوات نموذج آخر!* فهل أبناء البقارة الذين أختاروا ـالإنضمام للحركات المسلحة في مواجهة جورالإنقاذ يدهم في الموية الباردة ـ وهل الكم الكبير من أبناء الغرب الذين يرفضون تجاوزات الحركات المسلحة وقبلهاكوارث ومجازر الإنقاذ أياديهم في الماء البارد!؟ وهل الكم الكبير الذي إختار معارضة الإنقاذوالتصدي لها يده في الثلوج وهل مادبو ـزعيم حزب الأمة المعارض يده في ثلوج واشنطن وهل يد شاعرنا فضيلي جماع في الهمبريب؟وهل قواعد وكوادر الأنصار من أبناء البقارة الذين يحملون الإنقاذ مسؤلية مايجري يدهم الموية الساقطة ! وهل العقلاء الذين يرفضون تمزيق الإنقاذ لنسيج دارفور وكردفان وإلهاب الفتن العرقية والقبلية وضرب أبناء المنطقة ببعضهم ـ أياديهم في الطرواة ؟* لك ياوضاح أن تتحدث عن غياب هيبة الدولة وضعف القوات النظامية ومخاطر الحروب وتداعياتها المرة ـ والخيارات الصعبة لأبناء المنطقة ــ ولكن لاإعتقد بأن مرتزقة الإنقاذ منجنجويد وقوات دعم سريع تشكل حلا لأنها جزء من الأزمة ـ ومجرد توابع للسلطة كما أهلنافي الشمال لم يحتموا ـ بقوات حميدتي ـيحتموا بها ضد من؟ فخصمهم هو الإنقاذ وهولاء هم سندها !!من يحتمي بالمليشيات ويوظفها في المهام القذرة هو النظام!! وختاما *معظم أهل في الغرب كما في بقية مناحي الوطن المكلوم يعوون جيدا ـ أن العدو الذي دمر لوطن وأهدر موارده وأذل شعبه ومزق نسيجه الإجتماعي وفاقم الفتن القبلية والعرقية في ربوعههو الإنقاذ
Quote: *معظم أهل في الغرب كما في بقية مناحي الوطن المكلوم يعوون جيدا ـ أن العدو الذي دمر لوطن وأهدر موارده وأذل شعبه ومزق نسيجه الإجتماعي وفاقم الفتن القبلية والعرقية في ربوعه هو الإنقاذ
يا حبيب (اهل الغرب) ده ماعون كبير .. شايل جواهو أصناف واشكال اختلفت واتضاربت مصالحهم وافترقت سبلهم
عرب كردفان متضررين من زمان من اى تمرد يحصل جنوب السودان والان التمرد جنوبهم وغربهم وشمالهم ..
والاكترية فيهم وان سلمنا (جدلا) بى انهم بنفقوا معاك في موضوع الإنقاذ ده .. الا انه المصالح على الأرض والتحالفات اتغيرت
الناس اختارت يا حبيب مواقفها .. والان الكتير منهم مواقفهم مع الحكومه .. مراعاة لمصالحهم ..
هناك .. هناك يا كمال حيث لا ايدلوجيات ولا هيكلية دولة .. هناك الولاء للجماعه .. وللقبيلة .. وللمكتسبات التاريخية فقط .. يا حبيب الموضوع بقى اكبر من انه نسمى الجماعات دى بالعصابات .. راجع المشاركات هنا في المنبر من أهلنا المنتمين لجنوب كردفان وراجع حواليك في الحياة من معارفك الموضوع ليس عصابات .. الموضوع مصالح قبلية ومناطقية (منطقية جا اعتقد انها ) ..
نعم الإنقاذ دمرت الوطن نعم الإنقاذ ساهمت في بروز القبلية نعم لكل سيئ عن الإنقاذ ؟
ثم ماذا بعد ؟ اهل الوسط والشمال الان مكتفين بهذه (النعم) اهل الأقاليم الأخرى ساعين انهم يلقوا حلول بى ضراعهم .. بى تحالفاتهم .. بى الجن الأحمر .. هم في حالة حراك
هذا هو المغزى من كل البوستين المفتوحين لنقد كلام بريمه
06-28-2016, 03:08 PM
وضاح عبدالرحمن جابر وضاح عبدالرحمن جابر
تاريخ التسجيل: 10-11-2012
مجموع المشاركات: 1986
Quote: وهل تظن أن بريمة يده في النار أو هو مهموم بما أصاب ويصيب البقارة ؟ إعتقد أن بريمةمهموم بالدفاع عن الإنقاذ ومهتم بتبرئتها من القتل والدمار والنهب وتمزيق النسيج الإجتماعي للوطن وللغرب تحديدا !إنه يغض النظر عن تفريط الإنقاذ في أبيي وخيانتها للتراب والنسيج الوطني وتحقيرها لأهل الغرب (مثلث حمدي وحديث الغرباوية نموذجا ) وإستخد ام المليشيات كأدوات نموذج آخر!* فهل أبناء البقارة الذين أختاروا ـالإنضمام للحركات المسلحة في مواجهة جورالإنقاذ يدهم في الموية الباردة ـ وهل الكم الكبير من أبناء الغرب الذين يرفضون تجاوزات الحركات المسلحة وقبلهاكوارث ومجازر الإنقاذ أياديهم في الماء البارد!؟ وهل الكم الكبير الذي إختار معارضة الإنقاذوالتصدي لها يده في الثلوج وهل مادبو ـزعيم حزب الأمة المعارض يده في ثلوج واشنطن وهل يد شاعرنا فضيلي جماع في الهمبريب؟وهل قواعد وكوادر الأنصار من أبناء البقارة الذين يحملون الإنقاذ مسؤلية مايجري يدهم الموية الساقطة ! وهل العقلاء الذين يرفضون تمزيق الإنقاذ لنسيج دارفور وكردفان وإلهاب الفتن العرقية والقبلية وضرب أبناء المنطقة ببعضهم ـ أياديهم في الطرواة ؟* لك ياوضاح أن تتحدث عن غياب هيبة الدولة وضعف القوات النظامية ومخاطر الحروب وتداعياتها المرة ـ والخيارات الصعبة لأبناء المنطقة ــ ولكن لاإعتقد بأن مرتزقة الإنقاذ منجنجويد وقوات دعم سريع تشكل حلا لأنها جزء من الأزمة ـ ومجرد توابع للسلطة كما أهلنافي الشمال لم يحتموا ـ بقوات حميدتي ـيحتموا بها ضد من؟ فخصمهم هو الإنقاذ وهولاء هم سندها !!من يحتمي بالمليشيات ويوظفها في المهام القذرة هو النظام!! وختاما *معظم أهل في الغرب كما في بقية مناحي الوطن المكلوم يعوون جيدا ـ أن العدو الذي دمر لوطن وأهدر موارده وأذل شعبه ومزق نسيجه الإجتماعي وفاقم الفتن القبلية والعرقية في ربوعههو الإنقاذ
يا كمال .. عندما يتحدث السلاح .. تختلف كل المعايير لا أحزاب .. لا حزب امه .. لا غيره
لما تحيط بيك حرب عليك الاختيار اما لطرف من الأطراف .. او النزوح والهروب من المنطقة ... ما في حل تانى يا حبيب
الجنجويد (اذا صحت التسميه او كانت مقبوله) اختاروا جانب الحكومه من زماااااان وانتهى الكلام مساله يكون في اعداد من اهل ج كردفان معارضين للحكومه وما مشاركين مع الجنجويد . دى حاجه طبيعية ومقبوله ..
دى كلها يا حبيب قراءات للواقع .. وسرد للحقائق .. ودراسه للفات من احداث لكن جوهر الموضوع مثار الكلام عن المستقبل .. ليس الماضي ولا الحاضر .. عن المستقبل
الان انت يا كمال .. قرايتك شنو للمستقبل القريب كمان .. من واقع كل الاحداث . والنضم الاتكب هنا ..
قرايتك للمستقبل في واقع استمرار الحكومه شنو او سقوطها وانفراط عقد الدولة ؟ او سقوطها بموجب اتفاق مرضي ؟
السناريوهات دى متوقعه بى شده يا حبيب وموضوع انفراط عقد الدولة امر محتمل جدا .. السناريوهات دى بتعيدنا لجوهر موضوع بريمه
انه انتو يا ناس الوسط والشمال عندكم شنو ؟ ووضعكم شنو وانتو محاطين بالاسلجه حواليكم محاطين بى أقاليم عندها ولاءاتها القبلية قبل ولاءاتها القوميه
وقبل ما اعرف ردك ............. ردى انا .. انه ناس الوسط والشمال قدامهم واحد من تلاته :
1/ الانضمام للحكومه بصورة كامله .. وتحمل المسؤلية في الحرب والسلم 2/ تكوين جبهه معارضة قويه تسعى لايقاف الحرب والتوسط بين الحكومه والحركات المسلحه للخروج بالسودان من الازمه 3/ تكوين حركات مسلحه متمركزة في مناطقهم
06-28-2016, 04:45 PM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2813
يبقى رأيي موجود ورايك موجود .. وعلى الناس بذل مزيد من الجهود لتحري صلاحية اي قول وفكرة ...
ونعم قد تكون يدي في الموية أو في الثلج .. بيد اني وعلى الاقل ما زلت أفكر .. وما أطرحه هنا منتج عقلي لا يدوي .. لا علاقة له البته ببرودة او سخونة الايادي .. ولذلك من الافضل الرد على ما اطرحه بدلا عن محاولات تصنيفه او تقصي دوافعه ..
عندما نقول ان ذلك دعاية سلطوية سوداء .. يكون الرد ان ذلك ليس دعاية سلطوية بل واقع معاش .. عندها سأطالب بشواهد هذا الواقع .. ليتم الرد .. وهكذا (لا علاقة ببرودة الاطراف بالموضوع)
وعندما نقول وتاريخيا لم تهدد هذه القبائل المسماة زنجية اهل الشمال .. يكون الرد بايراد العكس ..
وعندما نقول ببذاءة ولا اخلاقية الدولة في الاستعانة بمليشيا مسلحة .. يكون الرد الطبيعي تبيان اخلاقية هذا السلوك السلطوي ..
وهكذا .. لا علاقة البتة لكل ذلك ببرودة الايادي يا وضاح ..
عموما تقبل احترامي
06-28-2016, 05:20 PM
كمال عباس كمال عباس
تاريخ التسجيل: 03-06-2009
مجموع المشاركات: 17143
Quote: لما تحيط بيك حرب عليك الاختيار اما لطرف من الأطراف .. او النزوح والهروب من المنطقة ... ما في حل تانى يا حبيب
بل هناك خيار وإختيارات ركن لها العقلاء .......... وهل إختيار الولاء للإنقاذ والدفاع عنها هو خيار البقارة؟ أم خيار بريمة؟ أعلم أن مجاميع كبيرة تختلف مع الحركات المسلحة ولكنها لاتضع يدها في يد الإنقاذ بل تعارضها قلنا عن بريمة
Quote: هل تظن أن بريمة يده في النار أو هو مهموم بما أصاب ويصيب البقارة ؟ إعتقد أن بريمةمهموم بالدفاع عن الإنقاذ ومهتم بتبرئتها من القتل والدمار والنهب وتمزيق النسيج الإجتماعي للوطن وللغرب تحديدا !إنه يغض النظر عن تفريط الإنقاذ في أبيي وخيانتها للتراب والنسيج الوطني وتحقيرها لأهل الغرب (مثلث حمدي وحديث الغرباوية نموذجا ) وإستخد ام المليشيات كأدوات نموذج آخر
سالنا هل إختيار الولاء للإنقاذ والدفاع عنها هو خيار البقارة؟ أم خيار بريمة؟ الإجابة تجدها هنا
Quote: فهل أبناء البقارة الذين أختاروا ـالإنضمام للحركات المسلحة في مواجهة جورالإنقاذ يدهم في الموية الباردة ـ وهل الكم الكبير من أبناء الغرب الذين يرفضون تجاوزات الحركات المسلحة وقبلهاكوارث ومجازر الإنقاذ أياديهم في الماء البارد!؟ وهل الكم الكبير الذي إختار معارضة الإنقاذوالتصدي لها يده في الثلوج وهل مادبو ـزعيم حزب الأمة المعارض يده في ثلوج واشنطن وهل يد شاعرنا فضيلي جماع في الهمبريب؟وهل قواعد وكوادر الأنصار من أبناء البقارة الذين يحملون الإنقاذ مسؤلية مايجري يدهم الموية الساقطة ! وهل العقلاء الذين يرفضون تمزيق الإنقاذ لنسيج دارفور وكردفان وإلهاب الفتن العرقية والقبلية وضرب أبناء المنطقة ببعضهم ـ أياديهم في الطرواة ؟* لك ياوضاح أن تتحدث عن غياب هيبة الدولة وضعف القوات النظامية ومخاطر الحروب وتداعياتها المرة ـ والخيارات الصعبة لأبناء المنطقة ــ ولكن لاإعتقد بأن مرتزقة الإنقاذ منجنجويد وقوات دعم سريع تشكل حلا لأنها جزء من الأزمة ـ ومجرد توابع للسلطة كما أهلنافي الشمال لم يحتموا ـ بقوات حميدتي ـيحتموا بها ضد من؟ فخصمهم هو الإنقاذ وهولاء هم سندها !!من يحتمي بالمليشيات ويوظفها في المهام القذرة هو النظام!!
.....
06-28-2016, 05:45 PM
كمال عباس كمال عباس
تاريخ التسجيل: 03-06-2009
مجموع المشاركات: 17143
Quote: اهل الوسط والشمال الان مكتفين بهذه (النعم)اهل الأقاليم الأخرى ساعين انهم يلقوا حلول بى ضراعهم .. بى تحالفاتهم .. بى الجن الأحمر .. هم في حالة حراكوقبلها كتبكل الأقاليم الأخرى لديها جيوش وقبائل مسلحه وتحارب في الحكومهعدا الوسط والشمال والذى يتهم الان .. بانه عنصري وداعم للحكومه وداعم للمذابح . ولم يتدخل لنصره الأقاليم الأخرىكل الأقاليم الأخرى لديها أحزاب تتحدث باسمها وتحارب باسمهاوالوسط والشمال كيتيم الابوين
بالمناسبة أهل الشرق أيضا لايحملون السلاح حاليا،،، السؤال ـ في وجه من تريد أن يحمل أهل الوسط والشمال السلاح ؟ من هو العدو ؟ وماهي الأهداف والخطط ـ وماهي الوسائل ؟* لو كنت أتبني الخيار المسلح لقلت الأولي أن يحمل أهل الوسط والشمال السلاح في وجه عدوهم الإساسي الإنقاذ (الذي أذلهم وشردهم ومزق الوطن وفرط في ترابه وسيادته ـوحرمهم منمجانية العلاج والتعليم (وربطهم ظلما بالتعالي والعنصرية وتهميش الغير) وحرمهم نعمةالحرية وتحكم فيهم بقوة الحديد والنار !* أما إني سألتني عن الحل فإني أري أن مدخله هو إسقاط النظام بإعتباره أس الداء ومكمن البلاء ـ وعودة هيبة الدولة ــ ودولة القانون والمؤسسات وإجتثاث مسببات الحروب والتهميش والإعتراف بالتنوع والتعدد والشروع في التنمية المتوازية ومحاصرةالنعرات الجهوية والقبليةالسالبة بالرهان علي الحس الوطني والخط القومي وإقامة دولة المواطنة والعدالة والمساواة ــ وبناء مؤسسات قومية وجيش وطني يعبر عن الجميع ويحمي الكل هذه بعض مؤشرات الحل ..وهذا هو المدخل الموضوعي والعقلاني .
(عدل بواسطة كمال عباس on 06-28-2016, 05:46 PM) (عدل بواسطة كمال عباس on 06-28-2016, 06:12 PM)
06-28-2016, 07:26 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
Quote: اهلنا من القبائل الغير عربية الدارفورية اهل الجلد والراس لم يتورطو يوما في ارتكاب حماقات ضد اهل الشمال او بالاحرى احداث المتمة ولقد ذكرت هنا من نافذة الفيس مرارا وتكرارا بان من ارتكب تلكم الجرائم هم الجنجويد اليوم اهل بريمة وصديق الغالي واسماعيل عبد الله وارتكبوها في درافور ضد اهلنا ولقد ظلمنا التاريخ كثيرا وكثيرا من اهلنا في الشمال لجهلهم بالحقائق والتعميم مخل والشر عم وشمل الجميع اهلنا والله اهل دين واخلاق والغريب بينهم محل احترام وتقدير.. لقد انصفتنا اليوم يا ود المشرف في هذا المنبر لم يقل هذا الكلام من من اهل السودان من قبل(الشمال) ونحي فيك قول الحق والمعرفة بالتاريخ والتحليل الممتاز لما يدور في السودان. لقد ارتكب الجنجويد اهل بريمة مذبحتين ضد اهلي في غرب دارفور في محلية كرينك قبل رمضان وفي شهر رمضان هذا وراح ضحيتها اكثر من ستين شخص واحتلوا اراضيهم الزراعية واعتبرها اراضي محررة لهم الرحمة والمغفرة.
نعم يا مهاجر .. تأريخيا لم يحدث ذلك, لم يشكل أهل الغرب من غير القبائل القلبية تهديدا لاهل الشمال وحتى ترفعهم الانقاذ كفزاعة لتخويف أهل الشمال .. ولا يوجد ادنى تهديد مستقبلى متى ما صحت أمور الدولة السودانية ووضعت في الاطار الصحيح ..
اذكر يا مهاجر الضجة التي أثيرت حول الكتاب الاسود.. حتى خيل لنا اننا اذا ما قرأناه لن نجد الا مخططات ابادة لشعوب شمال السودان .. وبالتأكيد كان الامر غير ذلك تماما, كان اشبه بدراسة او بحث اكاديمي حول اختلال موازين العدالة في الدولة السودانية فيما يتعلق بتوزيع الثروة والسلطة ..
والذاكرة الحية شهدت وحفظت ووعت تماما دلالات ما حدث في عملية الذراع الطويلة .. يختلف الناس ويتفقوا حولها ولكن لم تطلق رصاصة واحدة لصدر مواطن شمالي .. بينما هناك الكثير من الشكوك حول تورط مليشيا حميدتي في قتل شهداء سبتمبر.. وستبقى الشكوك في مكانها بعدما اتضحت اكذوبة تكوين لجان تحقيق ولم تكون لجنة تحقيق ولا يحزنون ..
لا نقول بان القبائل العربية في دارفور تشكل التهديد الحقيقي لانسان الشمال ... هذا كلام غير صحيح ولكننا في معرض فضح الادعاء الكاذب بان شعوب غرب السودان من غير القبائل العربية تشكل تهديدا لانسان الشمال .. وكان لابد من ذكر هذا تعيينا.
06-28-2016, 08:50 PM
وضاح عبدالرحمن جابر وضاح عبدالرحمن جابر
تاريخ التسجيل: 10-11-2012
مجموع المشاركات: 1986
يبقى رأيي موجود ورايك موجود .. وعلى الناس بذل مزيد من الجهود لتحري صلاحية اي قول وفكرة ...
ونعم قد تكون يدي في الموية أو في الثلج .. بيد اني وعلى الاقل ما زلت أفكر .. وما أطرحه هنا منتج عقلي لا يدوي .. لا علاقة له البته ببرودة او سخونة الايادي .. ولذلك من الافضل الرد على ما اطرحه بدلا عن محاولات تصنيفه او تقصي دوافعه ..
عندما نقول ان ذلك دعاية سلطوية سوداء .. يكون الرد ان ذلك ليس دعاية سلطوية بل واقع معاش .. عندها سأطالب بشواهد هذا الواقع .. ليتم الرد .. وهكذا (لا علاقة ببرودة الاطراف بالموضوع)
وعندما نقول وتاريخيا لم تهدد هذه القبائل المسماة زنجية اهل الشمال .. يكون الرد بايراد العكس ..
وعندما نقول ببذاءة ولا اخلاقية الدولة في الاستعانة بمليشيا مسلحة .. يكون الرد الطبيعي تبيان اخلاقية هذا السلوك السلطوي ..
وهكذا .. لا علاقة البتة لكل ذلك ببرودة الايادي يا وضاح ..
عموما تقبل احترامي
لا لا لا .. يا دكتور .. مالك مشيت بعيد كده .. لافكارك ورايك كامل الاحترام والتقدير ومساله الموية البارده .. اكيد تفهم من السياق انو ما تناول شخصي ليك انت ابدا واضح الكلام انه مقصود بيها ردود أفعال الشمال والوسط .. بما فيها انا وانت وغيرنا من سكان هذا الإقليم وانا يدى كمان في القطب المتجمد عديل .. اها رايك شنو ؟
يا دكتور انا مارديت على مداخلتك لى بالتفصيل خوفا من تكرار الكلام وخروج النقاش لمحاوله الاقناع .. وده ابدا ما هدفى هنا ولا في اى بوست يا حبيبنا انا ما بتكلم عن زنوج وعرب وانت اشرت ليها كم مره .. وحتى لو كانت دى فكرة بريمه فانا ما اشرت ليها ولا ختيتها في الاقتباسات القلت انها فكرة جديرة بالنقاش من بريمه
ولا بنظر للامر على اساس انه في مهدد زنجي او اى عرق اخر انا بتكلم عن دولة اقاليمها مسلحه ... على أسس قبيلة هذا التسليح الان يخضع لتحالفات بعضها مع الحكومه وبعضها ضد الحكومه ومع دول اخري
الان التجمع الانت بتسميه عصابات ده تجمع مسلح لقبيله اتقابلت مصالحها مع مصالح الحكومه بكره ممكن التحالفات دى تتغير اهدافها والحروب (خصوصا) حروب العصابات والحروب القبلية .. لن تركن فيها على حسن النوايا ولن ترتاح لقراءة التاريخ وعدم حصول او حصول اعتداءات
انظر فقط عندما تنهار الدولة مثلما حصل في ليبيا وسوريا لن تنفع النوايا الطيبه .. ولن يعرف القاتل لماذا يقتل .. ولا المقتول فيما قتل ..
يادكتور مفهوم القومية والدولة والهيكلة .. ده الان في غرفة الإنعاش محتضر وفى الرمق الأخير ولا مجال لشفاءه البته السودان ما حايعود نفس السودان القديم الاحنا بنعرفه
انظر الان الى التحالفات السياسية فقط (غير العسكرية) لا توجد قواسم مشتركه تجمع الناس .. حتى الإنقاذ التي من المفترض ان توحدنا بكرهنا لها .. لانتوحد الأحزاب التي كانت تجمع بداخلها تحالفات منسجمه بين مختلف الأقاليم والخلفيات العرقيه .. تشرذمت الان .. بسبب اختلاف المصالح ومساله البقاء ومساله مين اليدو في المويه ومين اليدو في النار
هذا هو محور النقاش الأساسي المنبثق من موضوع بريمه والانا كوته وعلقت عليه
(ما هو مصير الوسط والشمال في حال اتساع رقعة الحرب وازدياد تسليح القبائل في الأقاليم) في ظل : 1/ التشكيك الدائم في الجيش وقدرته 2/ عدم وجود معارضة متفقه قادرة على التحرك السياسي 3/ مدنية اهل الوسط والشمال وبعدهم عن تكوين تجمعات عسكرية وزهدهم حتى في قومية السودان (بدون تعميم مخل) لكن أصبحت همومنا هي الهجرة والهروب من السودان لعيش حياه افضل ...
نقاشنا عن سوء الحكومه وافعالها اصبح حديث مكرر ومفهوم ومتفق عليه نقاشنا عن تسبب سياسة الحكومه في خلق هذه المشكلات الكبيره واحياء القديم منها برضو اصبح مكرر ومفهوم وبعضنا يحمل المسؤلية أيضا للأطراف الأخرى ويى نسب متفاوته ..
لكن !! هل ده بكفي ؟
06-29-2016, 09:42 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2813
Quote: نعم يا مهاجر .. تأريخيا لم يحدث ذلك, لم يشكل أهل الغرب من غير القبائل القلبية تهديدا لاهل الشمال وحتى ترفعهم الانقاذ كفزاعة لتخويف أهل الشمال .. ولا يوجد ادنى تهديد مستقبلى متى ما صحت أمور الدولة السودانية ووضعت في الاطار الصحيح ..
اذكر يا مهاجر الضجة التي أثيرت حول الكتاب الاسود.. حتى خيل لنا اننا اذا ما قرأناه لن نجد الا مخططات ابادة لشعوب شمال السودان .. وبالتأكيد كان الامر غير ذلك تماما, كان اشبه بدراسة او بحث اكاديمي حول اختلال موازين العدالة في الدولة السودانية فيما يتعلق بتوزيع الثروة والسلطة ..
والذاكرة الحية شهدت وحفظت ووعت تماما دلالات ما حدث في عملية الذراع الطويلة .. يختلف الناس ويتفقوا حولها ولكن لم تطلق رصاصة واحدة لصدر مواطن شمالي .. بينما هناك الكثير من الشكوك حول تورط مليشيا حميدتي في قتل شهداء سبتمبر.. وستبقى الشكوك في مكانها بعدما اتضحت اكذوبة تكوين لجان تحقيق ولم تكون لجنة تحقيق ولا يحزنون ..
لا نقول بان القبائل العربية في دارفور تشكل التهديد الحقيقي لانسان الشمال ... هذا كلام غير صحيح ولكننا في معرض فضح الادعاء الكاذب بان شعوب غرب السودان من غير القبائل العربية تشكل تهديدا لانسان الشمال .. وكان لابد من ذكر هذا تعيينا.
في دارفور بكل مكوناتها هنالك شبه اجماع حول نظرتهم للانسان الجلابي .. هي نفس نظرة السوداني للمصري , النظرة التقليدية , مستهبل , محتال , انتهازي , جبان ... خلونا نكون واقعيين ..
06-28-2016, 07:40 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
Quote: ود المشرف نحن فى زمن إستثنائي .. ويحتاج لمعالجات إستثنائية .. وأنا لا أطلب أكثر من الأستعداد لليوم الأسود .. ومن أستعد للحرب أمن شرها.
في هذا الزمن الاستثنائي بالتحديد يا صديقي .. يكون من حسن تدبير الامر الوطني أن يقف جميع اهل السودان في الضد من هذه السلطة الفاسدة وأدواتها البذيئة كمليشيا حميدتي وغيرها لتفادي اليوم الاسود وهو قريب أكاد أراه ..
وأعلم عزيزي اللا شيء قد يعجل بذاك اليوم الاسود الذي تحذره الا هذه السلطة الفاسدة وهذه الادوات البذيئة الفاكاها ترعى وتسرح في الوطن كما تشاء.
06-28-2016, 09:05 PM
Hatim Alhwary Hatim Alhwary
تاريخ التسجيل: 01-23-2013
مجموع المشاركات: 2418
مساء الخير كل ما اقرا لبريمة تزداد قناعتي بان السبب الرئيس لتخلف السودان واستمرار فشل الدولة الحديثة فيه يعود الى تركيبة الوعي الريفي الرعوي الغالبة فيه وهو وعي عصي على التغيير والتطور طالما ظلت الانساق الاقتصادية والاجتماعية قائمة هو وعي بطبيعته مقاوم للاستقرار والازدهار والتطور تحياتي
06-29-2016, 09:33 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2813
Quote: بان السبب الرئيس لتخلف السودان واستمرار فشل الدولة الحديثة فيه يعود الى تركيبة الوعي الريفي الرعوي الغالبة فيه وهو وعي عصي على التغيير والتطور طالما ظلت الانساق الاقتصادية والاجتماعية قائمة هو وعي بطبيعته مقاوم للاستقرار والازدهار والتطور
هذا الحديث ليس له اي اساس من الصحة و يجافي الواقع... استمرار فشل الدولة السودانية هو بسبب النخب المتمدنة اصلاً .. الى الان لم يصل الريفيون الى السلطة .. بنية الوعي الريفي اكثر قيمة من بنية الوعي المتمدن , الريف يعلمك الايثار والشجاعة و الكرم و الشهامة و اغاثة الملهوف و العدالة و الغيرة و النخوة .. بنية الوعي المتمدن لا تفيد الا في بلاد مؤسسة مثل الغرب , اما في بلادنا فهي لا تنتج الا اجيال فيها المياعة و الخوف و الجبن و الانانية و الخسة و النذالة و الدياثة ..
يا ابريمة عليك الله تعال اديهم من جراب البادية حاجة ....
زول في احياء الخرطوم العريقة عمره اكثر من ستين سنة اولاده و بناته انجبوا ... بخاف من الحرامي .... ههههههههههههههههه ...
06-28-2016, 09:29 PM
وضاح عبدالرحمن جابر وضاح عبدالرحمن جابر
تاريخ التسجيل: 10-11-2012
مجموع المشاركات: 1986
Quote: السؤال ـ في وجه من تريد أن يحمل أهل الوسط والشمال السلاح ؟
يا حبيبنا .. انا ما دعيت الناس لحمل لحمل السلاح .. سواء ضد الحكومه .. ولا ضد الحركات المسلحه انا بتكلم عن دولة اقاليمها تحمل السلاح على أسس قبلية ..
انا ضد حمل السلاح لحل المشكلات السودانية
هذه امنية ورأي .
انا بتكلم عن دوله تخوض حروب أهلية في غربها وشرقها وجنوبها .. عن بلد وصلت أسوأ مراحلها الاقتصادية وغير قادرة على الخروج من الازمه عن بلد أصبحت جيوشها تضم تشكيلات على أسس قبلية عن بلد لايبدو في افقها اى نوع من أنواع الحلول المقبولة بين أطرافها المتنازعه عن بلد قضت فيها الحكومه على كل احزابها ونقاباتها وهيئاتها التي من الممكن ان تعيد التوازن للحكم عن بلد أصبحت تدار من قبل الرجل الواحد . واجهزته الأمنية عن بلد لاتملك جيش محايد وله كلمته القويه
كل هذه الدلائل والمؤشرات تقودنا لانه اذا اهتز الحكم لاى سبب كان من الممكن ان تقع الدولة في مستنقع الفوضى وبالنظر لواقع الأقاليم نجد ان حركاتها المسلحه وبعض قبائلها لديها عمق داخل وخارج السودان . في ارتيريا واثيوبيا وتشاد وج السودان عشان كده كلامنا عن الوسط والشمال انه في تغافل (بارادته او من غير ارادته) . المطلوب منه شنو ؟ ومفروض يعمل شنو ؟ والحل شنو ؟
دى اسأله محتاجه الناس تتكلم فيها
06-29-2016, 00:06 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
ولكن وجهة نظر اخونا بريمة مختلفة جدا .. قد اكون مخطئا ولكن كان يبدو من كلامك تأييدك لحديث بريمة حول ان اهل الشمال غافلين تحت اطار عام يشيد ويحترم وجهة نظر بريمة
هذه الجملة (حديث بريمة صحيح) .. فيها تبني واضح لحديث بريمة حول غفلة اهل الشمال .. وحديث بريمه عن الغفلة المقصود بيهو ياهو كلامنا البنقول فوقو ده عن السلطة وكيف انها تثير وتضخم مخاوف اهل الشمال من القبائل الدارفورية غير العربية والتي لولا شجاعة وفروسية حميدتي ومليشيته من فرسان القبائل العربية (اوهم اهل بريمة الذين يتفاخر بهم = موضوع البوست) فسيأتي اليوم الذي يذبح فيه اهل الشمال في الطرقات على يد القبائل غير العربية .. وكل ذلك وفق مخيلة تفترض "خيابة اهل الشمال" مقابل "فروسية ورجولة وفحولة اهل بريمة) ..وهي المخيلة -بالمناسبة- مثار السخرية في بوستي هذا .. انا لا اسخر من بريمة كاخ وصديق ولكن يحق لي ان اسخر من مثل هذه المخيلة الموغلة في جاهليتها وغربتها عن العصر الذي نعيش فيه .. وأن ارفضها باعتبارها تكريس وتعميق للازمة الوطنية
ده ياهو تصور بريمة .. وده ياهو مصدر فخر بريمة .. ودي ياها وجهة نظر بريمة ..
بل ان بريمة تجاوز كل هذه الحقائق المثبته عنده تماما لمرحلة أن يمن على اهل الشمال بأن انقذهم الله بفروسية اهله ورجولتهم (رجال هذا الزمان) .. بل وبفروسية نساء قبيلته (نساء هذا الزمان) .. وعلينا ان نكون من عبادهم الشاكرين ..
دي وجهة نظر بريمة يا وضاح.
مودتي التي تعلم ..
06-29-2016, 00:10 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
Quote: واذكر لو لم تخني الذاكرة طلبت مني مغادرة الصفحة وقد كان ..
مشرف سلام الحقيقة ردك دا شفتو قبيل بعد ما طالعت تساؤل الاخ عنك و بعدها كذلك طالعت رده بانه لا يذكر و انكم اهل و كدا. على اي حال الكلام دا هسه نقح في راسي الساعة الخامسة صباحا تقريبا كيف الكلام دا زول يطلب مني امرق من صفحتو و يجي يقول لي ما متذكر دا زي البيقول لي امرق من بيتي دا اول (تبادي) تاني الاخ قال انو قبل كدا طلب ذات الطلب من الاخ تمبس و معاهو واحد تاني و الله ما متذكرو و اخدو الموضوع عادي انا غايتو لا اكذبه و لكني اشك ان طلب ذلك من تمبس ان يكون الامر عاديا. و بعد داك يا مشرف الزول طلب منك في صفحة في الفيسبوك يشاهدها الآلاف مغادرة صفحته مناصرة لآخر او آخرين و اهو جاء اعتذر ليك في مداخلة في بوست عشان هو ما كان متذكر و الله يا (اللخو) اريتك اكان قلت متذكر لكن تعاملك مع الموضوع و كأنه لا قيمة له و كأن الآخر يفترض ان يقبل منك كل ما هو غير جميل و سعادتك تنسى افففف على اي حال جيد ليك يا مشرف ما عارف لشنو اتذكرت المثل الداير اكتبو تحت و بين قوسين دا (دقو في زفة و اعتذروا ليهو في غرفة)
06-29-2016, 06:26 AM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
Quote: تهديد لبنى أحمد حسين بسبب مقالها عن قوات الدعم السريع June 28, 2016 تهديد 2(حريات) رسالة تهديد : ما بين خراب ديار أهلكم .. ومضة عين .. ! لبنى أحمد حسين و تانى موت موت .. حياة حياة .. بسم الله أكتب … رب يجعل كيد الاعداء فى نحرهم . (وهذا البوست متابع من قبل قيادات قوات الدعم السريع .. وعلىّ اليمين تواصل فى التعدى على كرامة الناس بهذه الصورة السافرة ، تلقى يوم بيتكم تم هدمه فوق روؤوس الاشهاد.. ثم يواصل … أختك ام سروال قالت الالاف الاليات تجوب فى شوارع ام درمان لو واحد طائش منهم ودقشكم بواحدة من هذه الاليات شوف لو كيكى ما خبرت كاكا ).. تعليق : و معلوم أن حوادث الهدم والتخريب لمنازل الابرياء و اهاليهم وعلى رؤوس الاشهاد ليست حكرا للجرافات الاسرائيلية ، انما حدثت بدارفور وجبال النوبا ايضا ، ولربما قد آن الاوان لنقلها الى الخرطوم كما نرى عبر هذا التهديد . . وانى لأشهد بانها الرسالة الاكثر وقاحة .. و للتهديد بقية …. ( أنقل إلي أقرب الأقربيبن للبنى .. أننا وقفنا فى شتمها لنا وسبنا بدون وجه حق .. عليها أن تكتب بمسؤولية وإن تمادت فأسرتها ويكونوا مسؤولين عنها .. وإذا حصل ليها أي شيئ ما يلوموا زول لو لازوا بالصمت ولم يوقفوها فى حدها ) ( أنت واختك ام سروال ما بين خراب ديار أهلكم .. ومضة عين .. الزول يضرب تلفون لعيال أبا فى الدعم السريع .. وهم ح يقوموا بالواجب .. يدخل فيكم بدبابه من جنبة الحوش لما يمقرق بغادي .. ألحقوا أنفسكم وتلافوا الأمور التى لا تخدم مصلحة وطنا وتزيد تمزيقه .. هذه أم سروال والله ما كان لي أن أعترضها ولا أحبها أن تعرف عنى .. لولا انها كتبت أننا ابناء الغرب شعب رخيص الأرواح .. وعفنين ومتسخين .. نحن فى طنا تسبنا؟ ما الذي يجعلها أحسن منا؟ هل هى خلقها الله من نار ونحن خلقنا من طين؟ .. عشان تجي تتكبر علينا مثل ما قال إبليس .. أنك خلقتنى من نار وخلقته من طين ..) ورسالة التهديد هذه يا سادتى ليست مكالمة او رسالة قصيرة من هاتف مجهول ، ولا هى ايميل من حساب وهمى يتم اغلاقه بعد ارسال الرسالة ، ولا هى بالبريد العادى لا يوضح من المرسل ، كما انها ليست رسالة وجه لوجه تلقاها المرسل اليه ثم اختفى المرسل فى الزحام ..كلا .. فالجديد يا سادتى هو ان ناقل الرسالة / ( اعنى المراسلة بضم الواو ) شخص بلحمه و دمه واسمه الرباعى ويعيش بالولايات المتحدة الامريكية وليس شخص افتراضى او اسم حركى كما توهمت أول مرة . . و الجديد ثانيا انها جاءت على رؤوس الاشهاد ، كما التهديد بالهدم على رؤوس الاشهاد، أطلع عليها المئات ان لم يتجاوزوا الالف من قراء احد المواقع الكترونية التى اكن لها ولمؤسسها كل تقدير . دعونى أزجى الشكر للأخ بكرى ابوبكر مؤسس موقع سودانيزونلاين لايقافه هذه المهزلة ..كما أود أن اشكر الاخوة الكرام الذين تصدوا للذَّوْدُ عنى الاخ أمجد الجميعابى و الاخ دينق وآخرين ، والاول -اى الجميعابى- يتعرّض للتهديد مثلى بل وقبلى ، ويشهد الله لم اعرفه ولم يسبق لى ان التقيته او حادثته ولكنها شيمة الرجل السودانى و نخوته فى الدفاع عن أخواته .. حسنا وقد قرأنا التهديد فمن يقف خلفه ؟ .. يقول ناشر التهديد ان منشوره متابع من قبل قيادة قوات الدعم السريع ، واذا كان صادقا فهذا يعنى ان التهديد من العميد “أمن ” محمد حمدان دلقو حميدتي شخصيا . . أقول اللهم انى صائمة ، و أقول حسبى الله و نعم الوكيل ، و اقول اللهم اجعل كيدهم فى نحرهم. ثم أقول : أنا ( لبنى كلام رجال ) وكفى !.. و من لم يعرفنى ليسأل قبل ان ينقاد لمعارك لا يعرفها ولا يجيد فنونها ، ولا يعرف اتجاهاتها ريحها . جاءنى التهديد اعلاه ، باعتباره منك ، معى المستندات ارفقتها لكم ومع ذلك يا (محمد حمدان دلقو حميدتى) سأعتبر ناشر المنشور المدعو ( بريمة محمد آدم بلل) فاسق و جاءنى بنبأ منك غير صحيح ، و هأنا الآن أريد أن اتبيّن.. أفاسق من أدعى أنه رسولك ؟ أم هو رسول و ما عليه الا البلاغ ؟.. و مرفق ايضا مقالى : ( أهو اخصاء للجيش ام سقوط لراية الجهاد .. ام ماذا ؟ .. !) ليس من واجبى تفسير مقالى بعد كتابته ، وليس من شأنى ان كان لأحدهم عقد قام باسقاطهاعلى مقالى فخرج بسباب وشتم لم يرد ذكره ، وعموما الفهم قسم . أصل المقال المعتمد عندى مبذول هنا على (الراكوبة ) و على (حريات ) و (سودانايل) . . و كل من لديه عقل او طايوق يقرأ مقالى سيفهم ان كنت انا من كتب تلك العقد ، ام هى اسقاطات لشخص اسمه بريمه . أكرر و أصر على اى كلمة جاءت في مقالى : ( أهو اخصاء للجيش ام سقوط لراية الجهاد .. ام ماذا ؟ .. ! ) ، و لربما عبارة واحدة على استعداد لسحبها ان لم تك فى مكانها: ( ليغسلوا ملابسهم أولا).. ان كان بريمة محض فاسق ، فنأسف على الازعاج ، وان لم يك كذلك ..فانّا لنقول : أنا امرأة عندى الكبيرهو الله ، الله وحده لا شريك له .. وكفى !.. لبنى أحمد حسين . تهديد
بريمة
06-29-2016, 06:33 AM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
تحية ودالمشرف وضيوفه من اهم الردود المقروءة رد الاخ حاتم الحوري وهو سيادة الوعي الريفي في السودان والذي ساهمت فيه السلطة بترييف المدن . واكثر ملمح لذلك خطابات الرئيس ونافع وغيرهم . الخطابات المشحونة بقيم الرجولة والشجاعة الساذجة والتحدي الذي يذكر بصراع وشكل الشوارع السودانية وطالعني الخلاء ولو راجل وهيع مشيت وجيت ولا قدرو قبضوني .. وفي ضبانة واحدة ركت عطفا علي النكتة الشهيرة تلك القيم التي يتم بها ازدراء الاخرين والتعالي عليهم وامر حكم الدول مختلف وامر السياسة والسياسة الخارجية مختلف
06-29-2016, 06:57 AM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5454
Quote: مساء الخير كل ما اقرا لبريمة تزداد قناعتي بان السبب الرئيس لتخلف السودان واستمرار فشل الدولة الحديثة فيه يعود الى تركيبة الوعي الريفي الرعوي الغالبة فيه وهو وعي عصي على التغيير والتطور طالما ظلت الانساق الاقتصادية والاجتماعية قائمة هو وعي بطبيعته مقاوم للاستقرار والازدهار والتطور تحياتي
الاخ حاتم، سلام .. آزول هاه .. طبعاً مؤخرة ذهنك تقارن بين المدينة والريف .. أو المدينة والبادية .. قيم البادية لا يوجد ربعها فى المدينة .. الشهامة والكرم، إغاثة الملهوف .. والوقوف بجانب الأنسان الضعيف .. وغيرها حقائق تشاهدها فى زمن يكون الأنسان أحوج لحاجته من غيره .. مثلاً فى عز الشتاء تلقي إنسان يعطي ثوبه لغيره فى زمن الحرب .. وهناك من يملص جلابيته أو عراقيه ويلبسه لأمرأة لسترها .. وهنا من يقاتل فى صفوفكم ولا يعرف عنكم شيئ حتى يزول الخطر .. تظهر معادن للبشر ما تكون متوقعها أبداً .. تلك هى البادية .. ونحن لا نستبدل قيمها بأي شيئ أخر ..
بريمة
06-29-2016, 07:52 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3466
Quote: يا جميعابي موش لو لبنى جابتك في مقالها؛ برضو أنت كاتب عادي!
يا أخي، حس الفكاهة والسخرية في كل كتابات حاتم الياس عالي جدا جدا ممكن عادي يكون قال للمشرف أطلع من صفحتي ويكون لا يقصد ذلك
أعتقد يا أمجد، إتّا لسه محتاج تمارين
ابوبكر يا زول نعل ما في عوجة مالك زعلان و القالك منو انا كاتب اصلا ذاتو انا زول بجي اعلق و اكتب ما عن لي هسه يوم واحد شفتني قاعد اعمل جنس رشاقتك دي. ابوبكر انت بليد و لا بتتبالد فكاهة شنو زول قال لزول امرق لي من صفحتي لمان بقالو حار جاء يسأل عنو زي الما عمل حاجة قام ذكروا عملتو قالو و الله ما متذكرا هسه امانة تحنيك ....... الفكاهة هنا وين. اما بالنسبة للتمارين ما ياهو نوعك دا قاعد انا حالقى دروة احسن منو وين اتمرن.
و كدي طالما زولك بتاع فكاهة ادينا نتماذج خلينا نتفكه معاكم بدل ما جيتنا يابس ساي
06-29-2016, 09:16 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2813
Quote: لا لا لا .. يا دكتور .. مالك مشيت بعيد كده .. لافكارك ورايك كامل الاحترام والتقدير ومساله الموية البارده .. اكيد تفهم من السياق انو ما تناول شخصي ليك انت ابدا واضح الكلام انه مقصود بيها ردود أفعال الشمال والوسط .. بما فيها انا وانت وغيرنا من سكان هذا الإقليم وانا يدى كمان في القطب المتجمد عديل .. اها رايك شنو ؟
يا دكتور انا مارديت على مداخلتك لى بالتفصيل خوفا من تكرار الكلام وخروج النقاش لمحاوله الاقناع .. وده ابدا ما هدفى هنا ولا في اى بوست يا حبيبنا انا ما بتكلم عن زنوج وعرب وانت اشرت ليها كم مره .. وحتى لو كانت دى فكرة بريمه فانا ما اشرت ليها ولا ختيتها في الاقتباسات القلت انها فكرة جديرة بالنقاش من بريمه
ولا بنظر للامر على اساس انه في مهدد زنجي او اى عرق اخر انا بتكلم عن دولة اقاليمها مسلحه ... على أسس قبيلة هذا التسليح الان يخضع لتحالفات بعضها مع الحكومه وبعضها ضد الحكومه ومع دول اخري
الان التجمع الانت بتسميه عصابات ده تجمع مسلح لقبيله اتقابلت مصالحها مع مصالح الحكومه بكره ممكن التحالفات دى تتغير اهدافها والحروب (خصوصا) حروب العصابات والحروب القبلية .. لن تركن فيها على حسن النوايا ولن ترتاح لقراءة التاريخ وعدم حصول او حصول اعتداءات
انظر فقط عندما تنهار الدولة مثلما حصل في ليبيا وسوريا لن تنفع النوايا الطيبه .. ولن يعرف القاتل لماذا يقتل .. ولا المقتول فيما قتل ..
يادكتور مفهوم القومية والدولة والهيكلة .. ده الان في غرفة الإنعاش محتضر وفى الرمق الأخير ولا مجال لشفاءه البته السودان ما حايعود نفس السودان القديم الاحنا بنعرفه
انظر الان الى التحالفات السياسية فقط (غير العسكرية) لا توجد قواسم مشتركه تجمع الناس .. حتى الإنقاذ التي من المفترض ان توحدنا بكرهنا لها .. لانتوحد الأحزاب التي كانت تجمع بداخلها تحالفات منسجمه بين مختلف الأقاليم والخلفيات العرقيه .. تشرذمت الان .. بسبب اختلاف المصالح ومساله البقاء ومساله مين اليدو في المويه ومين اليدو في النار
هذا هو محور النقاش الأساسي المنبثق من موضوع بريمه والانا كوته وعلقت عليه
(ما هو مصير الوسط والشمال في حال اتساع رقعة الحرب وازدياد تسليح القبائل في الأقاليم) في ظل : 1/ التشكيك الدائم في الجيش وقدرته 2/ عدم وجود معارضة متفقه قادرة على التحرك السياسي 3/ مدنية اهل الوسط والشمال وبعدهم عن تكوين تجمعات عسكرية وزهدهم حتى في قومية السودان (بدون تعميم مخل) لكن أصبحت همومنا هي الهجرة والهروب من السودان لعيش حياه افضل ...
نقاشنا عن سوء الحكومه وافعالها اصبح حديث مكرر ومفهوم ومتفق عليه نقاشنا عن تسبب سياسة الحكومه في خلق هذه المشكلات الكبيره واحياء القديم منها برضو اصبح مكرر ومفهوم وبعضنا يحمل المسؤلية أيضا للأطراف الأخرى ويى نسب متفاوته ..
لك التحية و السلام يا اخ وضاح ..كلام موزون ..
06-29-2016, 09:09 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
Quote: كل ما اقرا لبريمة تزداد قناعتي بان السبب الرئيس لتخلف السودان واستمرار فشل الدولة الحديثة فيه يعود الى تركيبة الوعي الريفي الرعوي الغالبة فيه وهو وعي عصي على التغيير والتطور طالما ظلت الانساق الاقتصادية والاجتماعية قائمة هو وعي بطبيعته مقاوم للاستقرار والازدهار والتطور تحياتي
على الصعيد الثقافي يا هواري تغلب علينا البداوة بالتاكيد ولم تتشكل بعد مجتمعات مدينية قوية كما كان متوقعا في وطن كما السودان.. وبالتأكيد ساهمت المظالم الحقيقية في مسالة توزيع الثروة والسلطة بالاضافة لخارطة التنمية غير المتوازنة وتخبط الاداء الاقتصادي وعدم وجود رؤية اقتصادية مستمدة من الواقع السوداني والاعتماد التام ولفترة طويلة على اقتصاد البترول وفقه السمسرة والفساد.. كل ذلك ساهم وبصورة فاعلة في ترييف المدينة وانتج واقع تكدس سكاني رهيب في الخرطوم مما قعد بقطاعات كالزراعة مثلا .. واقع هذه الهجرة للمدينة افضت فيما افضت لترييف المدينة مما حد كثيرا من عمليات التطور الطبيعي للمجتمع المديني ..
أعتقد أن كل المجتعات الشبية بمجتمعنا قد خاضت هذا التناضح ما بين المديني والبدوي .. وهو تناضح ايجابي لو اتخذ مسارات صحيحة تفضي لتطور الذي هو مديني والذي هو بدوي في ذات الوقت .. مساراتنا لم تكن صحيحة وافضت لنتيجة نعيشها اليوم كاوضح ما يكون وتتمثل في تراجع ثقافة المدينة وارتدادها لمجاهل الوعي البدوي من جديد .. انظر فقط لتفشي خطاب القبيلة .. بل وانظر لعملية لجوء المثقف السوداني لمحاولة تثوير وتحديث مفهوم القبيلة وحتى يجد لها مكانا في البناء الحديث للدولة باعتبارها واقعا لا يمكن تجاوزه على الاطلاق, وفي الامر تسليم او خضوع للواقع الخاطيء جدا ..
ده موضوع كبير يا صاحبي .. وشهرا ما عندنا نفقتو الكاملة ويحتاج لحوار كبير باالتأكيد ولكن اشارتك نحو نموذج نافع علي نافع اشارة عبقرية دونما شك ..
تحياتي لك ولعبدالحفيظ
06-29-2016, 11:05 AM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
Quote: مساراتنا لم تكن صحيحة وافضت لنتيجة نعيشها اليوم كاوضح ما يكون وتتمثل في تراجع ثقافة المدينة وارتدادها لمجاهل الوعي البدوي من جديد
أنت يا زول ملك ملوك التنظير .. يا أخى أنا عشت فى البادية والمدينة .. ثقافة البادية وثقافة الحضر شيئين مختلفين تماماً .. نظم ثقافية مختلفة والسلام.
نديك مثال واحد فقط .. العربي عزه المسار .. هذه المقولة تفسر ليك كل شيئ .. وأهم شيئ العز مسار .. وليس هناك فى نظر أهل البادية عز وجاه فى الأستقرار .. المستقرون هم الفقراء مهما تراكمت ثرواتهم .. أهلنا البقارة يقول عن البقر (ديل أمهات العجيل ال في الدور مرّاح .. وديل أمهات الخصي فى المشيئ بنزاح .. وديل أمهات البكيرية فى الدور جراره .. وديل أمهات الفحل دنينة ما بنقطع حتى الصباح .. وديل أمهات جغمةً بارده فى البطن تنضم .. الما ساعيكن راقد بالهم) .. الكلام دا ليس كلام والسلام .. دا كلام فيه قيم مجتمعية .. الزول الما سعى البقر راقد بالهم .. الزول ده لو كان الرئيس عمر البشير أو ود المشرف أو غيرهم لو ما سعي البقر حتما هو راقد بالهم ..
كيف نحن الذين درسنا الأرشاد الزراعي علي النمط الأوروبي والذي ليس فيه أي إشارة لثقافة البادية السودانية نطبق تلك المعلبات مثل أفكار الحزب الشيوعي فى السودان علي البادية السودانية .. فشلت كل دراساتنا الجامعية وفوق الجامعية أن تستلهم واقع البادية وتتخذ منه أنموذج تبنى عليه تراكميا .. إلي حين أن يصل مثقف المدينة إلي فهم قيم البادية لن يكون هناك حل وسط.
البادية فيها مفاهيم الفروسية والفزع .. وفيها مفهوم الحلف .. ومفهوم الصف (العزل بين الفرقاء) .. وفيها مفاهيم الشوري (مجلس الأجاويد) .. كل هذه القيم المجتمعية عايزين نرميها بمجرد ظهور أستاذ خريج ..
بريمة
06-29-2016, 07:53 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20358
صدقني كلام وضاح ، وعلى بوب..في الصميم.. مش لأنهم اتفقوا مع بريمة..لكن اعتبرها قراية محايدة ولازم تخلي بالك منها..(بالطبع التحية لوضاح وعلي بوب..والأخير ده حاتيها معانا قرض لكن زول عندو القدرة على التمييز بين الحاجات..سلامات يا ول ابا علي بوب..وكل سنة وانت طيب يااااااااااااااااخ..!!) بريمة زول كويس يا محمد.. ولو مغالطني ارجع شوف ارث المزيكا السودانية الوثقت ضربة قردود ام ردمي (دي كانت فرقان ناس بريمة يا محمد ) و جواب الزريقة محمد..وعلي سلام.. والمندوب ميرغني..(الناس ديل بريمة عارفهم زي جوع بطنو)..!!
صديقنا كمال عباس (السد العالي بعرفنا ، وما يعادل دفاع الهلال ناس تنقا والثعلب ويور ذاتو..ناهيك عن طارق احمد ادم..ياخي ضبانة ما تعدي بينهم..!!).. سجل ليهو توثيق..عجيب فيهو سيرة ول ابا فضيلي جماع..!
عارف يا كمال ، نحن العطاوة ، ذاتنا عارفين انو فضيلي زول قومي ووطني ..عشان كده ما قاعدين نقحمو في حاجاتنا المحلية.. لأنو زول ضو.. الضو ده النخبة السودانية بتسميهو وطني وقومي وشنو كده ما عارف..وراجع المنبر..حصل مرة قابلك انو بريمة قاعد يتلداح مع فضيلي..؟؟؟!! لست بالضرورة ان نعرف وطنية فضيلي جماع ، لأنو وقف مع الحركة الشعبية أو تضامن مع قريبو دينق الور أوالبينو أو حت ياسر عرمان ، وانما وطنية فضيلي نراها في مجالي ابعد واعمق ، قد تكون غايبة عن فضيلي في ذات نفسه..!!
فضيلي الذي يغني في اواخر ايام ديكتاتورية جعفر نميري ، فيكتب من مدينة الأبيض (الغناء زمن الخوف) ليدشن مفهوم ثقافة الخوف التي اكتشفها نشطاء وناشطات شيلي في امريكا اللاتنية ليغنوا رغم خوفهم ضد ديكتاتورية بينوشيه..!!..فضيلي الذي يكتب (الغناء زمن الخوف ) ثم يكتب بعده ، الياس فتح الرحمن (صوت الطائف اخر الليل) او محمد محي الدين (الرحيل على صوت فاطمة)..!!..هذى هي وطنية فضيلي التي نعرفها ، ونحن نضحك حينما نراها يباصر الوطنية في دعم حركات مسلحة مثل الحركة الشعبية..!!
وتظل للرجل وطنيته التي يفضلها ، ولكنا نحن ، جماهير المعجبين بشعره وتجربته الأدبية من (دموع القرية ) ، (المهدي في ضواحي الخرطوم ) ، (الغناء في زمن الخوف) ، (شارع في حي القبة) ، نحن من نرى أن افضل ما قدمه لنا من تجربة الوطنية ..اغنيات من شاكلة (كلم قمارينا)..حينما غناها الليجند عبد القادر سالم ، فكان صداها تجربة الشابة اميرة خير..وهي مواطنة ايطالية من اصول سودانية .. عندنا هذه هي الوطنية والقومية حينما تدخل اعتاب اوربا بجراة..ياخي ان شاء الله من باب الغزو الحضاري المضاد..!!
هنا آن لبريمة أن يمد رجليه..!!
ودمتم.. كبر
06-29-2016, 03:04 PM
كمال عباس كمال عباس
تاريخ التسجيل: 03-06-2009
مجموع المشاركات: 17143
Quote: صديقنا كمال عباس (السد العالي بعرفنا ، وما يعادل دفاع الهلال ناس تنقا والثعلب ويور ذاتو..ناهيك عن طارق احمد ادم..ياخي ضبانة ما تعدي بينهم..!!).. سجل ليهو توثيق..عجيب فيهو سيرة ول ابا فضيلي جماع..!
جيد ماكتبته عن أديبنا فضيلي جماع ... ولكن علي سيرة الدفاع الفولاذي ـ أقول جيد أن ندافع عن مبدأ وعن موقف بل وحتي عن شخص ــ إذا ماكان علي حق ! وجيد أن ننتقد ونهاجم ذات الشخص إن أخطأ وشطح ومارس الهتر والإساءة ! ولكن من غير المفهوم أن يكون منطلق الدفاع هو مجرد العصبية الجهوية والقبلية والشللية!* إي أن نتحول لمجرد ظل ودرقة للدفاع السلبي ــ ندور مع شخص ما حيث يدور نزين باطله نبرر له ونسعي لأن نجعل من فسيخه شربات ! أو ندافع عما لايمكن الدفاع عنه!هذا موقف يخصم ولايضيف ـ بل ويعد خصما علي الموضوعية والمصداقية ــوعلي الإستقلالية الذاتية * هذا الدفاع السلبي مرهق ومشتت للذهن ومُضعف للقدرات ـوالتركيز ــ يحول تنقا لبرشم وطارق أحمد آدم لحبني ! ويجعل صاحبه يهدف كما الثعلب في مرماه ويقلش ويبيض الكورة في خط ستة ـ ويجعله سهل المراوغة و:"القياس"!! * كتب أخ كبر
Quote: فشنو يا صديقي ، حميدتي مرحلة محلية للغاية.. ونحن بنعرف كيف نصل العالمية رغم انف اوباش الشيوعيين ومن يتضامن معهم..!!القمر بيضوي..كلمات بسيطة.. حنينه.. اليهود عملوا منها فسيخ وشربات وقضيم وام جنقر عديييييييييييييييييييل...
خليل ـ فرح تغني(نحن ونحن الشرف الباذخ والحردلو ترنم (نحن الساس ونحن الرأس) وكانو يتغنوا بالوطن وشعبه لامجرد جهة أوقبيلة ــ ! عموما ليس ما يمنع أن نتغني ـ في ظروف صحية وطبيعية بالتراث والإرث والإبداع المحلي والقبلي ــ فدولة التعدد والتنوع قوتها في إعترافهابالتنوع والتعبير strength in diversity وunity in diversity هذا التنوع يمكن أن يشكل عنصر إلهام وإثراء وإضافة للبوتقة القومية إي credit إن أحسن توظيفه شخصيا إعتز بكل مكونات بلدي الإجتماعية والثقافية وأحاول عدم الوقوع في فخاخ الوجه السالب للجهوية والقبلية وخصوصا في هذا الجو المسموم الذي يخيم علي الوطن قلنا
Quote: البقارة (في عمومهم) كما أهلنا في إقاصي دارفور جزء من نسيجنا الإجتماعي وتركيبتنا الوطنية ـ والقبلية إسهمت وتسهم مع غيرها في رفعة الوطن وتكتوي بنار الإنقاذ وسياستها المدمرة ــ لانرضي المساس بهاأو تحقيرها أو الحط من قدرها ــ
القبائل ليست كما واحدا أو قطيعا يقاد أو بصمة واحدة لاتقبل التنوع ! وإنما هي مؤسسة إجتماعية تعج بالتنوع وتعدد الأراء والأفكار والمواقف والإنتماءت السياسية لذا من التعسف محاولةالتحدث بإسم قبيلة أو الوصاية علي خيارات أفرادها !
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد حيدر المشرف
بريمة محمد
Deng
كمال عباس
اسماعيل عبد الله محمد
Abuzar Omer
لطفى العمده
munswor almophtah
Hassan Makkawi
خالد العبيد
عزالدين عباس الفحل
مني عمسيب
Mannan
أحمد الشايقي
وضاح عبدالرحمن جابر
حاتم الياس
Hatim Alhwary
امجد الجميعابى
عبدالحفيظ ابوسن
عبداللطيف حسن علي
Kabar
فيس بوك
تويتر
انستقرام
يوتيوب
بنتيريست