Post: #1
Title: يا اخوانا طمننونا علي حمدوك
Author: Mahjob Abdalla
Date: 01-12-2021, 10:30 PM
Parent: #0
09:30 PM January, 12 2021 سودانيز اون لاين
Mahjob Abdalla-
مكتبتى
رابط مختصر
هل مشية الامارات دى لغرض تحاليل ام الشديد القوى؟
و لماذا اختار الامارات و ليس (لندن)؟
مهما بلدنا مفلسة لكن رئيسنا ما ممكن يمشى عشا ن (ملح) , و لو الموضوع دكاترة يا اخوانا قد جاء الوقت ان نعيد الثقة للطبيب السودانى.
ما ممكن مسئولينا لو الواحد عندو نزلة او عاوز يقلع ضرس يسافر ليها.
توطين العلاج يبدأ به المسؤولين قبل العامة.
المهم في هذا البوست عايزين نطمئن علي حبيب الشعب خصوصا و انو اخر رئيس وزراء ذهب الى ذاك البلد بكرعينه.
|
Post: #2
Title: Re: يا اخوانا طمننونا علي حمدوك
Author: خضر الطيب
Date: 01-12-2021, 10:33 PM
Parent: #1
يكونو دوهو يقاتل مع حفتر يا محجوب :)
ديل البمشي ليهم ما بجي راجع
و اللمام كان الأول و لن يكون الأخير
|
Post: #3
Title: Re: يا اخوانا طمننونا علي حمدوك
Author: Hamid Elsawi
Date: 01-12-2021, 10:43 PM
Parent: #2
سلام محجوب....
أمي قالت لي بخصوص حمدوك
(( أصلو مباراة العساكر غير المرض ما بتجيب حاجة))
قلت ليها أوسكار يا حاجة
|
Post: #18
Title: Re: يا اخوانا طمننونا علي حمدوك
Author: صديق مهدى على
Date: 01-15-2021, 03:38 PM
Parent: #2
خضر الطيب انت رجل قليل ادم لموك فى قفص وعدموك اسم النفس لو سألتك ماذا تعنى كلمة اللمام التى وصفت بها رجل غير عادى وهو الان غير موجود على ظهر الارض لكى يدافع عن نفسه يعنى اصبح من ضمن الموتى لماذا تتجرأ فى مداخلة وتؤديه مش عيب عليك يا خضر ياخ اختشى واكتب ما يفيد ويجمع الناس فى هذا المنبر اتمنى من بكرى ان يسحب مداخلتك لانها خصما عليك
|
Post: #4
Title: Re: يا اخوانا طمننونا علي حمدوك
Author: Asim Ali
Date: 01-12-2021, 11:49 PM
Parent: #1
Quote:
و لو الموضوع دكاترة يا اخوانا قد جاء الوقت ان نعيد الثقة للطبيب السودانى.
ما ممكن مسئولينا لو الواحد عندو نزلة او عاوز يقلع ضرس يسافر ليها.
توطين العلاج يبدأ به المسؤولين قبل العامة.
|
يامحجوب فى مستوصفات قبله مرضى من تشاد وربما دول افريقيه اخرى وجهتهم مشتشفيات كرويال كير وقضيل ..الخ
بغض النظر عن الامكانات دلى قطاع عام/خاص لكن يحتاج اهتمام وتطوير
لكن يبدو انو مع الازمات المتواليه انعكست القصه برضو على القطاع الصحى الخاص
|
Post: #5
Title: Re: يا اخوانا طمننونا علي حمدوك
Author: زهير عثمان حمد
Date: 01-12-2021, 11:57 PM
Parent: #4
يا محجوب أخوي
سلام
دا مرض العافية شوية ضغوط ترفع ضغط الدم ونوم قليل بالليل
كلها حاجات عمرو
ربنا يلطف بينا نحن عندنا قروش دكاترة راقية زي دي
|
Post: #6
Title: Re: يا اخوانا طمننونا علي حمدوك
Author: Mahjob Abdalla
Date: 01-13-2021, 02:04 PM
Parent: #5
شكرا
خضر
الصاوى
عاصم
زهير
ان شاءالله بس في اخبار عن السيد رئيس الوزراء.
_____________
شايف بتاع الجزائر و تونس ناطين علي المانيا و قالو عندهم مبادى نزلة.
|
Post: #7
Title: Re: يا اخوانا طمننونا علي حمدوك
Author: محمد البشرى الخضر
Date: 01-13-2021, 06:16 PM
Parent: #6
جاء في الاخبار انو راجع اليوم ان شاء الله
بعدين يا هبيب لو كان مشى لندن كان هناك من سيتساءل اشمعنى لندن ليه ما مشى باريس ؟
|
Post: #8
Title: Re: يا اخوانا طمننونا علي حمدوك
Author: Mutasim Idris
Date: 01-13-2021, 06:41 PM
Parent: #7
ان شاء الله بس يكونوا (فحصوهوا) كووووووويس ما يحتاج يرجع
للمراجعة.. الجرعات ان شاءالله كمان تكفيهو ما (يرسلوا ليه) ههههه.
Quote:
جاء في الاخبار انو راجع اليوم ان شاء الله
بعدين يا هبيب لو كان مشى لندن كان هناك من سيتساءل اشمعنى لندن ليه ما مشى باريس ؟ |
يا ودالبشري ناس دبي زااااتهم بمشوا لندن وباريس للعلاج هههههه.
محجوب وضيوفه سلام..
|
Post: #9
Title: Re: يا اخوانا طمننونا علي حمدوك
Author: Mahjob Abdalla
Date: 01-14-2021, 01:52 AM
Parent: #8
Quote: جاء في الاخبار انو راجع اليوم ان شاء الله
بعدين يا هبيب لو كان مشى لندن كان هناك من سيتساءل اشمعنى لندن ليه ما مشى باريس ؟ |
سلام ود البشرى
فعلا قالو حيعود منتصف الاسبوع و اللى هو (اليوم الاربعاء) و لكن هل عاد فعلا؟
ذهاب الامارات لانه مجانى و لو رئيس الدولة في جيب دولة تانية معناه القرار ليس في يدنا كدولة و هذا مصدر تخوفى.
الغربيين ما عندهم حاجات زى ده و لذلك ليس من الوارد محاولة التأثير علي القرارات.
فلو هو اختار الامارات لانو مجانى او ما عايز يكلف خزينة السودان, فده اكبر خطأ يمكن ان يرتكبه مسئول..
عموما نتمنى له الشفاء العاجل و العودة لممارسة مهامه.
_________________
شايف كمية الخمج من مدير مكتبو و فايز السليك!
|
Post: #10
Title: Re: يا اخوانا طمننونا علي حمدوك
Author: Mahjob Abdalla
Date: 01-14-2021, 01:55 AM
Parent: #9
Quote: يا ودالبشري ناس دبي زااااتهم بمشوا لندن وباريس للعلاج هههههه.
محجوب وضيوفه سلام |
سلام معتصم
العرب بمشو لندن للفسحة اكثر منه للعلاج. اذا كان علي موضوع العلاج, هم ممكن يجيبو تيم الدكاترة بطيارة خاصة و يرجعوهم في عملية لوز, بس زولنا ماشى علي الملح و في خطورة هنا. نعم دولتنا فقيرة و يدنا السفلى في كل المحافل و لكن تخيلنا او الوضع قد تغير بعد ذهاب البشير.
|
Post: #11
Title: Re: يا اخوانا طمننونا علي حمدوك
Author: محمد أبوجودة
Date: 01-14-2021, 12:37 PM
Parent: #10
سلام أخي محجوب،
والتحايا ليك ولضيوف البوست ..
والدعاء الطيّب بالسلامة والعودة الآمنة السالمة الغانِمة،
للأخ عبدالله آدم حمدوك، رئيس وزراء حكومتنا الانتقالية ..
وأطمئنك، بأن سيكون بخير.
أعتقد أن الأخ رئيس الوزراء، في زورته للإمارات في هذه الفترة
الحَرِجة جداً، لم يتمّ من جانبه إلّا بعد تحسيبٍ شديد..! وضمن تحسيبه
دا، ترتيب أمور طارئة! تهُمّ السودان آنياً وبشدّة. كإرهاصات الحرب
الحدودية مع إثيوبيا، مفاوضات سد النهضة، مذكرة التطبيع، مقترحات
الموازنة العامة لسنة2021، وحاجات حاجات حاجات ههههه
أرى أن نصبُر ونعزز - ذات الآن - قوى تحمــُّــلنا فالهَــمُّ والإحباطُ مُنتَشِرُ 
|
Post: #13
Title: Re: يا اخوانا طمننونا علي حمدوك
Author: Mahjob Abdalla
Date: 01-14-2021, 09:56 PM
Parent: #11
Quote: .! وضمن تحسيبه
دا، ترتيب أمور طارئة! تهُمّ السودان آنياً وبشدّة |
سلام ابوجودة
شكرا لمرورك الكريم.
هل هى زيارة عمل ام زيارة مرضية؟
لو زيارة عمل, بتكون في العلن و بنشوف في الاخبار (التقى سمو الامير و ناقشا العلاقات الثنائية و علي ذلك المنوال) و كانت حتكون يوم او يومين.
و لو زيارة مرضية, شخصيا ضد فكرة (الملح) او دولتنا كلها تكون في جيب دولة تانية ردا للجميل علي حساب هذه العطية.
|
Post: #12
Title: Re: يا اخوانا طمننونا علي حمدوك
Author: AMNA MUKHTAR
Date: 01-14-2021, 03:25 PM
Parent: #1
هو لكن عيان ؟!
وللا كذب على الشعب..
ومن متين الإمارات مشهورة بالطب؟
مفترض الناس تكون واضحة.
غير كدا ..سفروا الشعب كله الأمارات علشان يتعالج..
لو ما واثقين في الطب عندنا.
|
Post: #14
Title: Re: يا اخوانا طمننونا علي حمدوك
Author: Mahjob Abdalla
Date: 01-14-2021, 10:00 PM
Parent: #12
Quote: ومن متين الإمارات مشهورة بالطب؟
مفترض الناس تكون واضحة. |
سلام امنة
هم ناس الامارات ما عندهم في الطب و لا في اى شئ بس بالقروش بشترو اى شئ. ما يكونو ودوهو لحقنة التطعيم.
عموما انا ما مطمئن للزيارة دى نهائيا مهما كانت الاسباب. لو كانت عملية, حدودها يوم او يومين و لو علاجية هو مصاب او مجرد فحوصات.
|
Post: #15
Title: Re: يا اخوانا طمننونا علي حمدوك
Author: اخلاص عبدالرحمن المشرف
Date: 01-14-2021, 11:25 PM
Parent: #14
غايتو لندن اليومين ديل كورونتها غلبت الطب
والطبيب ، الموجة الثالثة بدأت ف ما في زول
يعتب بهناك ، اما باقي الحاجات فالله اعلم
|
Post: #16
Title: Re: يا اخوانا طمننونا علي حمدوك
Author: Mahjob Abdalla
Date: 01-15-2021, 02:14 PM
Parent: #15
سلام دكتورة اخلاص المشرف
اى نعم لندن مخيفة و تقريبا كل البلدان مخيفة هذه الايام و التوصية عالميا هو البقاء في المنزل او في حالة المسئولين البقاء داخل البلد.
و لكن تظل الاسئلة حول زيارة رئيس الوزراء الي الامارات و البقاء فيها لاكثر من اسبوع, ما هى طبيعة الزيارة.
|
Post: #17
Title: Re: يا اخوانا طمننونا علي حمدوك
Author: محمد البشرى الخضر
Date: 01-15-2021, 02:59 PM
Parent: #16
في صفحة المقالات ثروت قاسم عامل ليه ورشة نجارة عديل كدا لموضوع زيارة الامارات دا
|
Post: #19
Title: Re: يا اخوانا طمننونا علي حمدوك
Author: Mahjob Abdalla
Date: 01-15-2021, 07:26 PM
Parent: #17
سلام ود البشرى
فعلا مقال ثروت قاسم نجارة من صنف تانى و ما قدرت اطلع منو بمعلومة غير عودة حمدوك في ليلة 14 يناير و كدا نقول حمدا لله علي السلامة يا حمدكه.
|
Post: #20
Title: Re: يا اخوانا طمننونا علي حمدوك
Author: علي عبدالوهاب عثمان
Date: 01-15-2021, 07:36 PM
Parent: #19
حبيبنا محجوب
احتمال كبير من اجل الحصول على لقاح كورونا
وكذلك الهروب من فخ العساكر المواجهة مع اثيوبيا
مع انه سيحضر مساندة العسكريين في قاعة الصداقة
تحياتي محجوب
|
Post: #21
Title: Re: يا اخوانا طمننونا علي حمدوك
Author: Mahjob Abdalla
Date: 01-16-2021, 03:14 AM
Parent: #20
هل فعلا يوجد اقتراح بتقاسم الارض مقابل سد النهضة؟
Quote: احتمال كبير من اجل الحصول على لقاح كورونا
وكذلك الهروب من فخ العساكر المواجهة مع اثيوبيا
مع انه سيحضر مساندة العسكريين في قاعة الصداقة |
سلام استاذ علي عبدالوهاب
حسب تسجيل واتسابى حايم و طبعا الواتسات مصدر اشاعات في احيان كثيرة, فأن رحلة لها علاقة بموضوع اثيوبيا و ليس هروبا منه و موضوعه الاساسى ما ورد في بوست ابوالريش في الرابط المرفق.
|
Post: #22
Title: Re: يا اخوانا طمننونا علي حمدوك
Author: معاوية المدير
Date: 01-16-2021, 08:20 AM
Parent: #21
سلامات يا محجوب .
يكون رفس بغادي !!!...
|
Post: #23
Title: Re: يا اخوانا طمننونا علي حمدوك
Author: الزبير بشير
Date: 01-16-2021, 09:39 AM
Parent: #1
الدكتور حمدوك
قال مشي اعمل فحوصات
غير كده اكون كذاب و احسن استقيل لعدم الشفافيه
ثانيا فحصات كان امشي مستشفى ام درمان التعليمي هو احسن من اهل الشهداء بتعالجوا في مستشفيات عامه.
حمدوك كثيرا ما يتحدث عن الشفافيه و دولة المؤسسات أبين لينا سبب الزياره.
غير كده اعتبرها اجازه عن العمل غير مدفوعه الأجر.
|
Post: #24
Title: Re: يا اخوانا طمننونا علي حمدوك
Author: عبدالقادر محمد
Date: 01-16-2021, 03:57 PM
Parent: #1
قلتها من قبل ان حمدوك اكبر خوازيقنا التي صنعناها وكذوب وخائب فهاجمونني ..!
|
Post: #25
Title: Re: يا اخوانا طمننونا علي حمدوك
Author: Mahjob Abdalla
Date: 01-16-2021, 05:21 PM
Parent: #24
| Quote: يكون رفس بغادي !!!... |
سلام معاوية
كيف اخبارك؟
في الغالب الاستاذ علي عبدالوهاب حيجي يسألك "رفس معناها شنو".
الاجابة: الكلمة دى معناها "حجة و زوغة" بلغة ناس السعودية.
|
Post: #26
Title: Re: يا اخوانا طمننونا علي حمدوك
Author: Mahjob Abdalla
Date: 01-16-2021, 05:26 PM
سلام الاخ الزبير الختمى
و الاخ عبدالقادر
نتمنى ان تحل المشكلة في الحدود الشرقية بطريقة دبلوماسية بعيدا عن الطرف (الثالث) الذى يسعى لتأجيج الصراع و كل الاطراف التى ترى السودان مجرد قصعة يأكلون ما بداخلها و يتركونها
|
|