يا حمدوك طلعت روحنا ياااخ.. تاني سفراء كيزان

09:36 AM August, 14 2020

سودانيز اون لاين
عبدالعظيم عثمان-
مكتبتى
رابط مختصر

يا زول كان عندك إتفاق مع الكيزان بشأن وزارة الخارجية
أطلع قوله للناس
ما معقولة مع كل كشف وتعينات في الخارجية
الناس تكتشف كيزان يمثلوا حكومة الثورة
طيب كان الناس تقبل ب الهبوط الناعم والتسوية
ونحفظ أرواح الشهداء
إنت قادر تستوعب الكلام دا يا حمدوك
الشعب السوداني عمل ثورة عظيمة وقدم تضحيات غالية
عشان يبني دولة جديدة
تقوم إنت تعيد تدوير الكيزان في السفارات
إنت عاوز تصل لشنو

قصة السفراء دي انا ما عارف ليه الناس راضين بيها
وممشينا للزول التعبان دا
جمال الشيخ كوز كبير قدم أوراق إعتماده
سفيراً للسودان في أثيوبيا
اكثر من شهر الناس كلموك والأسافير ضجت
والكلام وصلك وفات أضانك.. لكن إنت مصر عليه

البلد دي عدمت الكفاءات ولا المعني شنو؟

وإذا عرفتوا القنصل الجديد لقنصلية السودان في البحرين
المغصة حتشقكم

إصرار حكومة حمدوك على تعيين كيزان
في وزارة الخارجية.. لا يمكن تفسيره بسوء
الإختيار او عدم المعرفة

يبدو أن هنالك إتفاق تحت الطاولة بين جهة ما والجهة التي
أتت بحمدوك (الخارحية تترك كما هي)

ماعندي تفسير غير كداد

هنالك إتفاق تحت الطاولة
السياسة يا عظمة جبل جليد
الظاهر منه للعامة ربعه بس
التلات ارباع تحت وفيها تسويات وترضيات
وإسكات ناس ما يفتو المدسوس
ومحاسيب ونسايب وكده يعني
فعشان كده قلنا لجان المقاومة هي الحل
لانه ديل الناس المافي زول ماسك عليهم حاجة
ولا بيهمهم أي زول يرضى أو يطرشق ..
حيبلوا من طرف ويواسو العالي واطي كلوو ..
انت بس نادي معانا لجان المقاومة هي الحل
ما تمش تروج للأشقاء لتولي المناصب
وتعمل بنظام من لقى أحبابو نسى أصحابو ....
ـــــــــــــــــــــــــــــــــــــــــــــــــــ

الشقيق والي الخرطوم عمل شنو
في موضوع توزيع الدقيق ...
أداهو للشركة ولا اتفق مع اللجان ...

موضوع لجان الأحياء توزع الدقيق المدعوم يا ود القوز
دي طريقة عشوائية حتى إذا لجأ إليها الوالي
من الأفضل حصر التوزيع في جهة واحدة ومراقبتها
حتى لا يحدث إستغلال او فساد
لكن إدخال لجان الأحياء في القصة دي حيفتح باب فوضي
عواقبه وخيمة..