يا زول كان عندك إتفاق مع الكيزان بشأن وزارة الخارجية أطلع قوله للناس ما معقولة مع كل كشف وتعينات في الخارجية الناس تكتشف كيزان يمثلوا حكومة الثورة طيب كان الناس تقبل ب الهبوط الناعم والتسوية ونحفظ أرواح الشهداء إنت قادر تستوعب الكلام دا يا حمدوك الشعب السوداني عمل ثورة عظيمة وقدم تضحيات غالية عشان يبني دولة جديدة تقوم إنت تعيد تدوير الكيزان في السفارات إنت عاوز تصل لشنو
08-14-2020, 09:55 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
قصة السفراء دي انا ما عارف ليه الناس راضين بيها وممشينا للزول التعبان دا جمال الشيخ كوز كبير قدم أوراق إعتماده سفيراً للسودان في أثيوبيا اكثر من شهر الناس كلموك والأسافير ضجت والكلام وصلك وفات أضانك.. لكن إنت مصر عليه
البلد دي عدمت الكفاءات ولا المعني شنو؟
08-14-2020, 10:02 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
هنالك إتفاق تحت الطاولة السياسة يا عظمة جبل جليد الظاهر منه للعامة ربعه بس التلات ارباع تحت وفيها تسويات وترضيات وإسكات ناس ما يفتو المدسوس ومحاسيب ونسايب وكده يعني فعشان كده قلنا لجان المقاومة هي الحل لانه ديل الناس المافي زول ماسك عليهم حاجة ولا بيهمهم أي زول يرضى أو يطرشق .. حيبلوا من طرف ويواسو العالي واطي كلوو .. انت بس نادي معانا لجان المقاومة هي الحل ما تمش تروج للأشقاء لتولي المناصب وتعمل بنظام من لقى أحبابو نسى أصحابو .... ـــــــــــــــــــــــــــــــــــــــــــــــــــ
الشقيق والي الخرطوم عمل شنو في موضوع توزيع الدقيق ... أداهو للشركة ولا اتفق مع اللجان ...
08-14-2020, 11:07 AM
عبدالعظيم عثمان
عبدالعظيم عثمان
تاريخ التسجيل: 06-29-2006
مجموع المشاركات: 8399
موضوع لجان الأحياء توزع الدقيق المدعوم يا ود القوز دي طريقة عشوائية حتى إذا لجأ إليها الوالي من الأفضل حصر التوزيع في جهة واحدة ومراقبتها حتى لا يحدث إستغلال او فساد لكن إدخال لجان الأحياء في القصة دي حيفتح باب فوضي عواقبه وخيمة..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة