Quote: تخيلوا ..! .. أمريكا أم العالم المتحضر وأبوه كمان ..
بريمة
Post: #2 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-12-2020, 09:31 AM Parent: #1
بعد فترة الصحفي تاني جاء راجع ..
بريمة
Post: #3 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-12-2020, 09:49 AM Parent: #2
الصحفي تاني جاء راجع للمرة الثالثة ..
بريمة
Post: #4 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-12-2020, 09:54 AM Parent: #3
سبحان الله .. بواسطة هذا الصحفي .. الله فتح للزول أبواب الرزق ..
ما في زول ييأس من رحمة الله .. وسوف يأتيك رزقك المكتوب .. وحتى لو بعد معاناة ..
خطوة خطوة مثل هذا الشخص .. سوف يخرج السودان من الهوة التي نحن فيها ..
بريمة
Post: #5 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-12-2020, 10:29 AM Parent: #4
شيء مؤلم ..
بريمة
Post: #6 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-12-2020, 11:15 AM Parent: #5
بريمة
Post: #7 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-12-2020, 12:50 PM Parent: #6
عيونكم ما ح تغمض معاي من مآسي الدنيا .. الشايفنها في أمريكا ..
أحسن نبنوا وطنا ونعيشوا فيه عزاز ومكرمين .. بدل البهدلة في بلاد الغربة .. ما الذي يجعلنا أفضل من هؤلاء وهم أصحاب البلد؟
بريمة
Post: #8 Title: Re: تخيلوا .. دا حاصل في أمريكا .. دا مش أخير منه Author: زهير عثمان حمد Date: 07-12-2020, 02:45 PM Parent: #7
الاخ بريمه تحياتي
ديار أهلك البقارة ليست كما تركتها منذ سنوات كل شيء تغيير بحق الان أقاليم السودان الحياة فيها أغلي من مدنية نيويورك أسال الاهل سوف تصاب بخيبة أمل أن قيادات المرحلة الانتقالية في غيهم يعمهون مع كل الود
Post: #9 Title: Re: تخيلوا .. دا حاصل في أمريكا .. دا مش أخير منه Author: Deng Date: 07-12-2020, 03:00 PM Parent: #8
Quote: أحسن نبنوا وطنا ونعيشوا فيه عزاز ومكرمين .. بدل البهدلة في بلاد الغربة .. ما الذي يجعلنا أفضل من هؤلاء وهم أصحاب البلد؟
بريمة
العبار بريمة
نفهم من كلامك ده أنت خلاص راجع السودان؟
لو راجع بالله كده كلمنا علشان هنالك في صف طويل في السفارة الامريكية في الخرطوم محتاجين لي خانتك دي.
Post: #10 Title: Re: تخيلوا .. دا حاصل في أمريكا .. دا مش أخير منه Author: Ahmed Yassin Date: 07-12-2020, 03:06 PM Parent: #8
بريمة فعلا مآسي عجيبة. كلامك (اخير منه نسرح بالبقر) ذكرني صاحبنا حسن من اولاد الميسيرية كان في نيويورك كان بقول (هسي حالتنا دي ما احسن منها ( السرى)
Post: #11 Title: Re: تخيلوا .. دا حاصل في أمريكا .. دا مش أخير منه Author: ABDALLAH ABDALLAH Date: 07-12-2020, 03:23 PM Parent: #10
حبيبنا بريمه Nothing in The World is perfect 100% ومع ذلك تُعْتَبر أميركا جنة الله فى الأرض .
Post: #12 Title: Re: تخيلوا .. دا حاصل في أمريكا .. دا مش أخير منه Author: عبدالغني محمد الحاج Date: 07-12-2020, 03:31 PM Parent: #10
رغم إختلافي الكبير سياسياً معاك إلا إن ما يعجبني فيك إرتباطك بأهلك وأصلك والإعتزاز به وعدم التنكر له والإختباء منه بعض ابناء الهامش يا بريمة ملصوا جلدهم تماماً وتنكروا لإصولهم لا يسافرون لمجتمعاتهم ويسعون في تطويرها بل عاشوا في غربة عنها بين العواصم الغنية والمجتمعات التي لا تشبههم يحاولون المستحيل أن يكونون منها وأشرف لهم أن يكونوا مع أهلهم وأصولهم ومعاناتهم بعضهم كون المنظمات في الغربة باسم قضايا أهلهم في معسكرات النزوح ولم يذر هذه المعسكرات يوماً حتى بعد زوال حكومة الكيزان بقى يستمتع بنفس المنظمات التي لا قيمة لوجودها الآن غير المنافع الضيقة بعضهم إنضم لأوسخ القطاعات في الدول الغربية ليعيش عيشة هنيئة بأوسخ وظيفة على حساب الجوعى والمقتلين في الدول الفقيرة الواحد لا يملك إلا أن يبصق في وجوه هولاء النتنين
Post: #13 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-12-2020, 04:18 PM Parent: #12
ول أبا زهير، سلام ..
Quote: الاخ بريمه تحياتي
ديار أهلك البقارة ليست كما تركتها منذ سنوات كل شيء تغيير بحق الان أقاليم السودان الحياة فيها أغلي من مدنية نيويورك أسال الاهل سوف تصاب بخيبة أمل أن قيادات المرحلة الانتقالية في غيهم يعمهون مع كل الود
ول أبا زهير .. أخوك والله العظيم عايش المأساة بتفاصيلها الدقيقة .. هل تصدق كل الأسرة الممتدة .. حالياً أعرف أين يزرع الواحد منهم؟ .. وأين ترعي بهائمه ..؟ .. أنا مثل أخونا الشايقي الهميم .. يوم صحي ووجد جيرانه ولدوا لهم دحيش بدون ضنب .. الشايقي شايل هموم الجميع .. قعد متمحن يطفق يد في يد .. سألته زوجته أها يا فلا؟ .. (النون محزوفة قصداً) .. قال ليها ناس فلان .. ولدوا ليهم دحيش بدون ضنب .. لو وقع في الطين يجروا كيفن! شفت مثل صحبك الذي يهم علي ضنب الحمار .. دا أنا ذاتي ..
معضلتنا في تحقيق السلام .. لو السلام عم البلد .. نستطيع نحن في الريف تحريك عجلة الأنتاج .. غير كده ما في طريقة.
بريمة
Post: #14 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-12-2020, 04:28 PM Parent: #13
العبار دينق،
Quote: العبار بريمة
نفهم من كلامك ده أنت خلاص راجع السودان؟
لو راجع بالله كده كلمنا علشان هنالك في صف طويل في السفارة الامريكية في الخرطوم محتاجين لي خانتك دي.
وجودي هنا صار محكوم بتوفر أسباب الحياة لأسرنا التي صارت شبه معدمة في السودان .. أنا مثل القرد المربوط من ضنبه في الغربة .. لو قدرت يوم وأتملصت من الحبل .. المحيط الأطلنطي لو عوم نقطعه بغادي.
بريمة
Post: #15 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-12-2020, 04:55 PM Parent: #14
ول أبا أحمد يسين، سلامات ..
Quote: بريمة فعلا مآسي عجيبة. كلامك (اخير منه نسرح بالبقر) ذكرني صاحبنا حسن من اولاد الميسيرية كان في نيويورك كان بقول (هسي حالتنا دي ما احسن منها ( السرى)
إنسان لم يعش في البادية، ما ضاق طعم الحياة ..
الفديو نمرة 5 : On the Streets of Los Angelos .. أمشي للدقيقة 40 .. Stab City .. الناس "الهوم ليس" هناك أقرب لحياتي .. يوم لو طشيت من الإحباط ح أمشي للناس ديل .. تصدق يا أحمد، الناس ديل قنعوا من حياة المدن وضغوط الحياة .. ومشوا هناك كل زول يسوي له زريبة .. واليوم تسوي ليك زريبة أنت تمتلك تلك البقعة .. ويمكنك العيش فيها بسلام .. لا بوليس .. لا كهرباء .. لا موية نقية .. ولا قوانين .. تحمي نفسك بنفسك ..
أنا لما شفت الناس ديل يا أحمد .. قلت للمدام والله لأول مرة أعرف نحن البقارة أكبر "هوم ليس" في العالم !! .. لكن هناك فرق واضح بيننا وبينهم .. نحن نعيش الحياة بطرب وفرح غامر .. لكن هم لديهم الإحساس بالإحباط .. هم محتاجين يغيروا نظرتهم للحياة برمتها ..
وأظن الشعب السوداني بأكمله محتاج يعمل إعادة اكتشاف لطريقة عيشه بصورة مختلفة عن الذي يحصل، أنا متأكد ح يجد سعادة في العيش.
أمشي قدام في الفيدو نفسه .. للدقيقة 55 .. شوف الزول دا متفاءل بالحياة بشكل يفوق التصور .. ح تشوفوا ح تضحك لما تقع ليك قصته ..
بريمة
Post: #16 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-12-2020, 05:11 PM Parent: #15
الحبيب مولانا عبد الله، السلام عليم ..
Quote: حبيبنا بريمه Nothing in The World is perfect 100% ومع ذلك تُعْتَبر أميركا جنة الله فى الأرض .
بلا شك يا مولانا .. أمريكا جنة من جنات الله في الأرض لمن وجد المدخل السليم لها .. أحمد الله لم تتعثر وظيفتي منذ بداية الكورونا .. ومداوم من المنزل من أول يوم ظهر فيه المرض وحتى اليوم ..
لكن الزرة في المنزل ولزول بقاري حر طليق مثلي لا تنفع .. وأنا كتبت كثيراً في تراث البقارة .. أننا نصاب بالإحباط الشديد حينما نحصر في مكان واحد .. نظل مثل الأسود في حظيرة الحيوان .. أو طيور الجنة في أقفاص الأطفال في المنازل .. نحن اعتدنا علي العيش في البيئات الطليقة الواسعة .. ولا نريد أن يحكمنا الأحساس بالزمن .. أنا أشعر براتبة حينما يدخل عامل الزمن .. مثلاً نحن البقارة نفضل السير علي الأقدام أو علي الدواب بدل الأنتظار في خط طرق الموصلات ما بين الأبيض وكادقلي .. لو البقاري حسب الزمن وقال ليك ساعتين .. يعنى هو راكب جمل، حصان أو حمار أو راجل .. لكن ليس بالسيارة ..
وفوق ذلك الغزال تقول وطني ولا ملي بطني .. أنا أفتكر حان الوقت أن يبني السودانيون وطن يفخرون به وسط الأمم .. ونعود إلي حياتنا التي أعتدناها ..
بريمة
Post: #17 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-12-2020, 05:40 PM Parent: #16
ول أبا عبد الغني سلامات ..
Quote: رغم إختلافي الكبير سياسياً معاك إلا إن ما يعجبني فيك إرتباطك بأهلك وأصلك والإعتزاز به وعدم التنكر له والإختباء منه بعض ابناء الهامش يا بريمة ملصوا جلدهم تماماً وتنكروا لإصولهم لا يسافرون لمجتمعاتهم ويسعون في تطويرها بل عاشوا في غربة عنها بين العواصم الغنية والمجتمعات التي لا تشبههم يحاولون المستحيل أن يكونون منها وأشرف لهم أن يكونوا مع أهلهم وأصولهم ومعاناتهم بعضهم كون المنظمات في الغربة باسم قضايا أهلهم في معسكرات النزوح ولم يذر هذه المعسكرات يوماً حتى بعد زوال حكومة الكيزان بقى يستمتع بنفس المنظمات التي لا قيمة لوجودها الآن غير المنافع الضيقة بعضهم إنضم لأوسخ القطاعات في الدول الغربية ليعيش عيشة هنيئة بأوسخ وظيفة على حساب الجوعى والمقتلين في الدول الفقيرة الواحد لا يملك إلا أن يبصق في وجوه هولاء النتنين
الأختلاف سنة من سنن الحياة .. ولا يفسد للود قضية .. وأخشي أنك تقراني بأني سياسي .. أو شيئ من هذا القبيل .. وهنا يقع الخطأ ..
أنا جئت المنبر لأسباب معلومة .. بسبب الحروب التي جعلتنا هناك نعيش حياة تحفها المخاطر الوجودية .. نحن حياتنا معرضة للتصفيات الجسدية .. الحركات المسلحة حاولت ومازال الأمر مستمر أن تحرمنا حق الحياة .. وفي ذلك المسعي أنا معلن للجميع هنا في المنبر بأنني سوف أقف مع الشيطان الأحمر من أجل حق أهلنا في العيش دون تهديد .. وهذا ما جعلني علي خلاف كبير مع أخوتنا السياسيين في الغرب .. همومهم تختلف جذرياً عن همومي .. مثلاً أنا أدافع عن 36 مرحال للرعاة تمتد ما بين الشمال والجنوب .. من غرب جبل مرة حتى شرق النيل الأبيض .. هي مراحيل موروثة تأريخياً للرعاة .. وتم إغلالها بسبب الحروب .. وبسبب ذلك ماتت ثروات الرعاة .. واختلت سبل عيشهم .. الزول الوحيد الذي يقاتل معي في هذا الجانب هو ول أبا محمد النور كبر .. وفي طوال ثلاثين عاماً الماضية ظللت لا ألوم الناس علي ما يفعلون .. ومن يتفهم مواقفنا يقف معنا .. هنا في المنبر شباب من أقصي الشمال والشرق .. عرفوا تماماً مقاصد مواقفنا ..
وبعدين يا ول أبا عبد الغني أنا لدي 4 شخصيات أسفيرية في هذا المنبر: بقاري، عربي، كاوبوي ونوباوي .. أكتر شخصيتين يصيبن الناس بالغلق هما عربي ونوباوي .. وهاتين الشخصيتين بحارب بيهم العنصرية .. لما أداوس الجلابة بداوسهم بشخصية نوباوي أو بقاري .. لما نقبل علي الحركات المسلحة أنا بالطبع عربي وعندي عقال في رأسي زي ما شايف ..ولما أنا أكتب في التراث البقاري (لدي 4 كتب .. وأثنين في الطريق) بكتب بصفتي بقاري .. وفي أمريكا أنا كاوبوي ..
بريمة
Post: #18 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-12-2020, 06:30 PM Parent: #17
[dakred]ٍSlab City
بريمة
Post: #19 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-12-2020, 06:39 PM Parent: #18
بريمة
Post: #20 Title: Re: تخيلوا .. دا حاصل في أمريكا .. دا مش أخير منه Author: Abdullah Idrees Date: 07-12-2020, 08:55 PM Parent: #19
بلد العجائب تلقى فيها زول صحراوي للنهاية وعايش كأنو في قلب العالم التالت وزول تاني على النقيض تماما كأنوا عايش في كوكب بتاعو براهو حتى فهمهم للحرية الشخصية مختلف من الاوربيين
Post: #21 Title: Re: تخيلوا .. دا حاصل في أمريكا .. دا مش أخير منه Author: Abureesh Date: 07-12-2020, 09:44 PM Parent: #20
Quote: لكن الزرة في المنزل ولزول بقاري حر طليق مثلي لا تنفع ..
هلا مهندس بريمة..
تقول المنزل ما فيه حريـة.. طيب فى المكتب المهندس يسقى البقر و اللا يليس الحوض؟ (مزحة).. شخصيا مما رجعت هنا قبل حوالى شهرين و نص و أنا محبوس لا أخرج من البيت إلا بعد كل يومين أو تلاتة.. و لأقل من ساعة.. بس شغل الكمبيوتر و النت لغاية مع الكمبيوتر نخ و فى أيامه الأخيرة.. و متصالح مع الوضع هذا. اساسا مغرم بالخلوة و هى البيئة المفضلة.
Post: #22 Title: Re: تخيلوا .. دا حاصل في أمريكا .. دا مش أخير منه Author: علي عبدالوهاب عثمان Date: 07-12-2020, 10:09 PM Parent: #21
حبيبنا وأديبنا الرائع بريمة .. تحياتي في الغربة أو المهجر لا بد ان تحمل الوطن في دواخلك وتستحضره في المناسبات والتجمعات ما عارف أنا الوطن بالنسبة لي ضواحي الدنيا أقصى الشمال نحن هنا في الخليج كل قرية لها جمعية شقة مؤجرة بها كل شيء مؤثث مطبخ وثلاجة وسراير يعني بكل المقومات .. يسكنها العزاب وتكون استراحة للعاطل حتى يجد العمل .. والعابرين من أولاد البلد نتجمع فيها أيام الاجازات والجمعة وعند ما يكون في مأتم أو مناسبة تناول مشاكل قريتنا ونجمع تبرعات وكشف الماتم لدعم اسرة المتوفي كأنك وسط أهلك في البلد في جدة وحدها ما بين منطقة الدناقلة والمحس وسكوت حتى حلفا اكثر من 150 جمعية بمجرد دخولك للجمعية تنسى إنك في الغربة تستحضر القرية بكل تفاصيلها لغة وطعام وونسة وحكاوي وكوتشينه .. ثم بعد ذلك الروابط الثقافية والتراثية الممارسة دي مهمة نفسياً وصحياً وطن خارج الوطن
شكر الحبيب الاديب بريمة ..
Post: #23 Title: Re: تخيلوا .. دا حاصل في أمريكا .. دا مش أخير منه Author: bakri abdalla Date: 07-12-2020, 10:42 PM Parent: #22
'
Quote: حبيبنا بريمه Nothing in The World is perfect 100% ومع ذلك تُعْتَبر أميركا جنة الله فى الأرض .
أخي عبدالله سلامات
من فضلك شيل من راسك الكلام الدخلوه ليك من شاكلة أمريكا جنة الله في الأرض وما شبة ذلك
سافر في أرض الله الواسعة وحتعرف
صراحة الشفتو في اركنساس و Alabama ما ممكن تشوففو في أي حتة أو في أي دولة في ما يعرف بالعالم المتحضر
أمريكا وهمة كبيرة
Post: #24 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-13-2020, 05:49 AM Parent: #23
ول أبا عبد الله، سلام ..
Quote: بلد العجائب تلقى فيها زول صحراوي للنهاية وعايش كأنو في قلب العالم التالت وزول تاني على النقيض تماما كأنوا عايش في كوكب بتاعو براهو حتى فهمهم للحرية الشخصية مختلف من الاوربيين
أمريكا عالم مليئ بالعجائب .. هل تابعت الفيديو الأخير الظهر فيه الشابتين .. بخصوص Slab City .. شيئ يحير .. في نفس الوقت يا عبد الله لو نظرت للجانب الاخر، أمريكا هي رائدة الفضاء، هي بلد الأختراعات المذهلة، هي بلاد الديمقراطية وحقوق الأنسان .. وأشياء أخري .. لما تشوف مثل هذه الصور لا تصدق أنها أمريكا .. أنا افتكر السبب هو الرأسمالية .. ما فيها رحمة .. وأي إنسان يحاولي التذاكي علي النظام الرأسمالي يلفظه .. ويرمي به في قارئة الطريق مثل هؤلاء الذين نرونهم.
بريمة
Post: #25 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-13-2020, 06:01 AM Parent: #24
باشمهندس أبو الريش، سلام ..
Quote: تقول المنزل ما فيه حريـة.. طيب فى المكتب المهندس يسقى البقر و اللا يليس الحوض؟ (مزحة)..
يا أخي كونك تقوم بهمة ونشاط .. وتلبس وتركب سيارتك .. وتذهب في الطريق .. وتقابل ناس وتتفاعل مع المجتمع الخارجي .. ثم تأتي البيت تقول لي ما تغيير ؟ ..
بالمناسبة تعريف الحرية .. في حد ذاته محتاج مراجعة .. ودا لاحظناه في المدن الأمريكية التي خرجت ضد الحظر .. الناس ضاق بيها الحال وكسرت الحظر .. أشياء كثيرة تحد من حرية الفرد غير يتسلط عليك شخص .. منها المرض .. الحروب .. والفلس كمان يحد من حريتك ..
بريمة
Post: #26 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-13-2020, 06:07 AM Parent: #25
ول أبا علي عبد الوهاب سلام ..
Quote: حبيبنا وأديبنا الرائع بريمة .. تحياتي في الغربة أو المهجر لا بد ان تحمل الوطن في دواخلك وتستحضره في المناسبات والتجمعات ما عارف أنا الوطن بالنسبة لي ضواحي الدنيا أقصى الشمال نحن هنا في الخليج كل قرية لها جمعية شقة مؤجرة بها كل شيء مؤثث مطبخ وثلاجة وسراير يعني بكل المقومات .. يسكنها العزاب وتكون استراحة للعاطل حتى يجد العمل .. والعابرين من أولاد البلد نتجمع فيها أيام الاجازات والجمعة وعند ما يكون في مأتم أو مناسبة تناول مشاكل قريتنا ونجمع تبرعات وكشف الماتم لدعم اسرة المتوفي كأنك وسط أهلك في البلد في جدة وحدها ما بين منطقة الدناقلة والمحس وسكوت حتى حلفا اكثر من 150 جمعية بمجرد دخولك للجمعية تنسى إنك في الغربة تستحضر القرية بكل تفاصيلها لغة وطعام وونسة وحكاوي وكوتشينه .. ثم بعد ذلك الروابط الثقافية والتراثية الممارسة دي مهمة نفسياً وصحياً وطن خارج الوطن
شكر الحبيب الاديب بريمة
أنتم في نعمة تحسدون عليها ..وبالمناسبة وصفك دا حال النوبيين في كل مكان ... وهذا يوفر حاضنة أجتماعية للفرد والجماعة .. أنا لا أتوقع يوماً يكون هناك نوبي إرهابي .. لكن أعملوا حساب من الكورونا .. مثل هذه التجمعات تساعد في أنتشار المرض.
بريمة
Post: #27 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-13-2020, 06:16 AM Parent: #26
بكري سلامات ..
Quote: صراحة الشفتو في اركنساس و Alabama ما ممكن تشوففو في أي حتة أو في أي دولة في ما يعرف بالعالم المتحضر
أمريكا وهمة كبيرة
بالله شفت شنو يا بكري؟ يا أخي فتو .. في قصصي بتاعت الكاوبوي البقاري .. مرة لموا فيني الكاوبويات .. واحد فيهم داير يجريني من أضاني .. تخيل!! .. صرخت فيهم Leave me alone .. طبعاً الصرخة دي قانونياً تدين الفرد لو قلتها في وجهه ثم تمادي .. أي واحد تصرخ فيه هكذا يجر واطي لأنه يعرف أنك فاهم القانون ..
بريمة
Post: #28 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-13-2020, 07:09 AM Parent: #27
بريمة
Post: #29 Title: Re: تخيلوا .. دا حاصل في أمريكا .. دا مش أخير منه Author: علي عبدالوهاب عثمان Date: 07-13-2020, 07:50 AM Parent: #28
الحبيب بريمة تحياتي اديبنا الرائع ( ليس بالخبز وحده يحيا الانسان ) الاغتراب عن البلد مشكلة كبيرة جداً خاصة إذا كان الشخص متعود على عادات وتقاليد الاجداد في البلد ونشأ في حاضنات بعيدة عن المدن .. رغم الدخل المادي ووسائل الحياة المريحة في الغربة ولكن يشعر الانسان أن هناك نقص جوانب كثيرة من حياته .. هكذا الانسان يحب موطنه وأصله صدقني الحبيب بريمة أنا عندما أكون في العاصمة أشعر أنني في غربة رغم أن أهلنا في العاصمة ربما أكثر من الموجودين في البلد ,, النيل والنخيل والزرع ليس لها طعم إلا في أرض الاجداد ألاحظ أن القدم لا يلصق بالأرض إلا سواقي الاجداد .. بمجرد الوصول الى البلد تشعر أنك وصلت نهاية التاريخ في الانتماء .. اشعر أنني شجرة أو نبتة أو حجر أو زرع في تلك الأرض .. التربية والنشأة في تلك الحاضنات مشكلتها أنك لا تستطيع أن تتعامل مع العالم الآخر .. ================ هناك عبارة تقول ( الوجه القبيح لأمريكا ugly face of America ) كان يرددها امريكي ( شارلي داتون ) من سياتيل كان مديرنا في الشغل يقول لا تنظر أمريكا من خلال ( واشنطون دي سي .. بنتاغون .. سي آي ايه )
بصراحة معاملتهم طيبة في مكان العمل .. وسكن معاهم في الكنباود مريح
تحياتي بريمة الحبيب ..
Post: #30 Title: Re: تخيلوا .. دا حاصل في أمريكا .. دا مش أخير منه Author: adil amin Date: 07-13-2020, 10:11 AM Parent: #29
قلنا ليك زمان امريكا فيها قبائل وفيها كعوك لمن القبائل تمسك البلد العدالة والاحترام بجي والرخا ولتخا https://top4top.io/
ذى السودان لو زح الكعوك بتاع المركز السودان يبقى رخا وتخا برضو السودان قبائل وكعوك زالقصة دي عالمية في امريكا الجنوبية ايضا في قصيدة تقول عندنا جاءو كان لنا الارض وكانو يحملون الانجيل اليوم اصحبنا نحمل الانجيل وهم يملكون الارض دونالد ترامب "جذور العنصرية"دونالد ترامب "جذور العنصرية"
Post: #31 Title: Re: تخيلوا .. دا حاصل في أمريكا .. دا مش أخير منه Author: عزالدين عباس الفحل Date: 07-13-2020, 10:41 AM Parent: #30
Post: #32 Title: Re: تخيلوا .. دا حاصل في أمريكا .. دا مش أخير منه Author: Deng Date: 07-13-2020, 10:54 AM Parent: #31
Quote: وجودي هنا صار محكوم بتوفر أسباب الحياة لأسرنا التي صارت شبه معدمة في السودان .. أنا مثل القرد المربوط من ضنبه في الغربة .. لو قدرت يوم وأتملصت من الحبل .. المحيط الأطلنطي لو عوم نقطعه بغادي.
بريمة
العبار بريمة بلل.
كلامك الفوق ده حنك بيش سلكت.
أنت قاعد في أمريكا وماسك فيها بي ايديك وبي رجليك وعاضي بي اسنانك قوي وما داير تفك. تقول لي مربوط بي حبل !!
Post: #33 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-13-2020, 05:56 PM Parent: #32
حبيبنا علي،
Quote: بصراحة معاملتهم طيبة في مكان العمل .. وسكن معاهم في الكنباود مريح
تحياتي بريمة الحبيب ..
وأهم شيئ أنهم لا يهتمون ماذا تلبس .. وماذا تأكل .. وماذا تعبد .... كل زول في أمريكا علي حاله .. الهندي يلبس ملابس هندية ويلبسون العمة الكبيرة يقال لها "تيربان"، ونحن نلبس الجلابية ونساءنا يلبسن التوب .. والصومالين والهنود يلبسون قرقاب .. وعيييك .. وزول يقول ليك عينك في راسك ما في.
بريمة
Post: #34 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-14-2020, 04:55 AM Parent: #33
العبار دينق .. أختشي!
Quote: العبار بريمة بلل.
كلامك الفوق ده حنك بيش سلكت.
أنت قاعد في أمريكا وماسك فيها بي ايديك وبي رجليك وعاضي بي اسنانك قوي وما داير تفك. تقول لي مربوط بي حبل !!
أنت بتخاف لما تشوف الحاجات الفوق دي ولا شنو؟ .. هناك أفظع من كده ..
بريمة
Post: #35 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 07-14-2020, 06:20 AM Parent: #34
العصابات .. MS-13
بريمة
Post: #36 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 10-17-2020, 03:03 PM Parent: #35
Quote: Abubakr Ahmed Abbasسوف يخرج يا بريمة، بعد أسلاك الكهرباء تعم الخلا!متين؟ ما عارف، لكن الأرض والماء دي بجوا ناس يستغلونها ولو بعد حين!أعجبني · رد · 1
]يا رب ..
بريمة
Post: #37 Title: Re: تخيلوا .. دا حاصل في أمريكا .. دا مش أخير منه Author: Abureesh Date: 10-17-2020, 04:32 PM Parent: #36
Quote: وجودي هنا صار محكوم بتوفر أسباب الحياة لأسرنا التي صارت شبه معدمة في السودان
سلام يا باش
الجملة دى ما قادر أظبطها مع كلامك الأول ان امريكا صارت جحبم و المفروض نرجع بلدنا..
دا لو صرفنا النظر انو بلدنا الحين هى أمريكا (إضافة للسودان)
Post: #38 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 10-17-2020, 08:06 PM Parent: #37
باشمهندس أبو الريش سلام ..
Quote: الجملة دى ما قادر أظبطها مع كلامك الأول ان امريكا صارت جحبم و المفروض نرجع بلدنا..
دا لو صرفنا النظر انو بلدنا الحين هى أمريكا (إضافة للسودان)
ترامب خرّب أمريكا .. بقت جحيم لا يطاق من الناحية العنصرية .. قربت أمريكا ترجع للفصل العنصري .. من نواحي مادية، أفضل بكثير من السودان .. وليس بالخبز وحده يحيا الأنسان .. عشان كده أي من يجد سبيل للعودة يعود .. كرامة الأنسان فوق كل شيئ .. نحن المعصورين غصباً عنا نأكل ذلة حتى يغير الله لنا الحال بأحسن حال.
بريمة
Post: #39 Title: Re: تخيلوا .. دا حاصل في أمريكا .. دا مش أخير منه Author: Arif Nashed Date: 10-17-2020, 09:00 PM
Quote: عشان كده أي من يجد سبيل للعودة يعود ..
بريمة المقعدك شنو؟
Post: #40 Title: Re: تخيلوا .. دا حاصل في أمريكا .. دا مش أخير منه Author: Abureesh Date: 10-17-2020, 09:09 PM Parent: #39
Quote: ترامب خرّب أمريكا .. بقت جحيم لا يطاق من الناحية العنصرية .. قربت أمريكا ترجع للفصل العنصري .. من نواحي مادية، أفضل بكثير من السودان .. وليس بالخبز وحده يحيا الأنسان .. عشان كده أي من يجد سبيل للعودة يعود .. كرامة الأنسان فوق كل شيئ .. نحن المعصورين غصباً عنا نأكل ذلة حتى يغير الله لنا الحال بأحسن حال.
ما للدرجة دى يا هندسة.. يعنى نأخذ حلوها ونخليها وكت المر؟ بعدين أحمد الله ياخ، انت لسة غرقان فى حلوها.. عندك الحقوق المدنية التى لا تطبق فى أى بلد اخر حتى فى أوروبا.. بس كيف تصل المحكمة. فى الكرونا يرسلوا الشيكات بالالاف لكل مواطن بدون فرز.. أظن حتى بل غيت زاتو استلم شيكو.. والمسلمين السود من افريقيا يرسلوا ليهم طائرات ينقذوهم من الكرونا والدفع للتذكرة على اقساط وبعد 6 شهور .. شوف الحكومة تعاملت كيف مع العالقين فى مصر؟
Post: #41 Title: Re: تخيلوا .. دا حاصل في أمريكا .. دا مش أخير منه Author: Abureesh Date: 10-17-2020, 09:14 PM Parent: #40
بعدين امريكا ليست ترامب.. وانا ضد كتير من سياسات ترامب الداخلية والخارجية.. لكن ما ممكن تعيش 30 سنة مرتاح، ولما يجى رئيس هباب زى دى تجرج، وحين ينتخب رئيس تانى تجى راجع.
Post: #42 Title: Re: تخيلوا .. دا حاصل في أمريكا .. دا مش أخير منه Author: Deng Date: 10-19-2020, 08:31 AM Parent: #41
أها يا جماعة.
أنا متبرع للعبار بريمة بلل بتزكرة طيارة أتجاه واحد، من واشنطن للخرطوم. ولكن بشرط أن لا يعود العبار مرة أخرى الى أمريكا!
Post: #43 Title: Re: تخيلوا .. دا حاصل في أمريكا .. دا مش أخير منه Author: Biraima M Adam Date: 10-19-2020, 07:41 PM Parent: #42
