تخيلوا .. دا حاصل في أمريكا .. دا مش أخير منه نرجع نسرح بالبقر؟

Quote: الاخ بريمه تحياتي ديار أهلك البقارة ليست كما تركتها منذ سنوات كل شيء تغيير بحق الان أقاليم السودان الحياة فيها أغلي من مدنية نيويورك أسال الاهل سوف تصاب بخيبة أمل أن قيادات المرحلة الانتقالية في غيهم يعمهون مع كل الود

Quote: العبار بريمة نفهم من كلامك ده أنت خلاص راجع السودان؟ لو راجع بالله كده كلمنا علشان هنالك في صف طويل في السفارة الامريكية في الخرطوم محتاجين لي خانتك دي.

Quote: بريمة فعلا مآسي عجيبة. كلامك (اخير منه نسرح بالبقر) ذكرني صاحبنا حسن من اولاد الميسيرية كان في نيويورك كان بقول (هسي حالتنا دي ما احسن منها ( السرى)

Quote: حبيبنا بريمه Nothing in The World is perfect 100% ومع ذلك تُعْتَبر أميركا جنة الله فى الأرض .

Quote: رغم إختلافي الكبير سياسياً معاك إلا إن ما يعجبني فيك إرتباطك بأهلك وأصلك والإعتزاز به وعدم التنكر له والإختباء منه بعض ابناء الهامش يا بريمة ملصوا جلدهم تماماً وتنكروا لإصولهم لا يسافرون لمجتمعاتهم ويسعون في تطويرها بل عاشوا في غربة عنها بين العواصم الغنية والمجتمعات التي لا تشبههم يحاولون المستحيل أن يكونون منها وأشرف لهم أن يكونوا مع أهلهم وأصولهم ومعاناتهم بعضهم كون المنظمات في الغربة باسم قضايا أهلهم في معسكرات النزوح ولم يذر هذه المعسكرات يوماً حتى بعد زوال حكومة الكيزان بقى يستمتع بنفس المنظمات التي لا قيمة لوجودها الآن غير المنافع الضيقة بعضهم إنضم لأوسخ القطاعات في الدول الغربية ليعيش عيشة هنيئة بأوسخ وظيفة على حساب الجوعى والمقتلين في الدول الفقيرة الواحد لا يملك إلا أن يبصق في وجوه هولاء النتنين

Quote: بلد العجائب تلقى فيها زول صحراوي للنهاية وعايش كأنو في قلب العالم التالت وزول تاني على النقيض تماما كأنوا عايش في كوكب بتاعو براهو حتى فهمهم للحرية الشخصية مختلف من الاوربيين

Quote: تقول المنزل ما فيه حريـة.. طيب فى المكتب المهندس يسقى البقر و اللا يليس الحوض؟ (مزحة)..

Quote: حبيبنا وأديبنا الرائع بريمة .. تحياتي في الغربة أو المهجر لا بد ان تحمل الوطن في دواخلك وتستحضره في المناسبات والتجمعات ما عارف أنا الوطن بالنسبة لي ضواحي الدنيا أقصى الشمال نحن هنا في الخليج كل قرية لها جمعية شقة مؤجرة بها كل شيء مؤثث مطبخ وثلاجة وسراير يعني بكل المقومات .. يسكنها العزاب وتكون استراحة للعاطل حتى يجد العمل .. والعابرين من أولاد البلد نتجمع فيها أيام الاجازات والجمعة وعند ما يكون في مأتم أو مناسبة تناول مشاكل قريتنا ونجمع تبرعات وكشف الماتم لدعم اسرة المتوفي كأنك وسط أهلك في البلد في جدة وحدها ما بين منطقة الدناقلة والمحس وسكوت حتى حلفا اكثر من 150 جمعية بمجرد دخولك للجمعية تنسى إنك في الغربة تستحضر القرية بكل تفاصيلها لغة وطعام وونسة وحكاوي وكوتشينه .. ثم بعد ذلك الروابط الثقافية والتراثية الممارسة دي مهمة نفسياً وصحياً وطن خارج الوطن شكر الحبيب الاديب بريمة

Quote: صراحة الشفتو في اركنساس و Alabama ما ممكن تشوففو في أي حتة أو في أي دولة في ما يعرف بالعالم المتحضر أمريكا وهمة كبيرة

Quote: بصراحة معاملتهم طيبة في مكان العمل .. وسكن معاهم في الكنباود مريح تحياتي بريمة الحبيب ..

Quote: العبار بريمة بلل. كلامك الفوق ده حنك بيش سلكت. أنت قاعد في أمريكا وماسك فيها بي ايديك وبي رجليك وعاضي بي اسنانك قوي وما داير تفك. تقول لي مربوط بي حبل !!

Quote: الجملة دى ما قادر أظبطها مع كلامك الأول ان امريكا صارت جحبم و المفروض نرجع بلدنا.. دا لو صرفنا النظر انو بلدنا الحين هى أمريكا (إضافة للسودان)

Quote: بريمة المقعدك شنو؟