50 باكستاني عادوا لباكستان من السودان و بعد الفحص كلهم لقوهم مصابين كورونا

09:24 AM May, 21 2020

سودانيز اون لاين
Osman Musa-
مكتبتى
رابط مختصر

الخمسين باكستاني كلهم بعد الوصول لمطار كراتشي بعد الفحص
لقوهم مصابين . دي كارثة.

حولا .. لو طلعوها بيها كلهم من السودان تبقى كارثة

إحتمال نفلا قليل منهم كان حاملها وداخل الطيارة إنتشرت

أعتقد الطيارات ناقل ممتاز للكورونا سواء عن طريق التكييف أو مباشرة

الأخ أستاذ نادر
سلامات
معاي مجموعة اشتغلنا توعية في سوق ليبيا . قبل موعد حظر السوق .
مسحنا السوق مربع مربع وشارع شارع .
وزعناليهم 4,ألف كمامة .
جات من فاعل خير .
أي واحد دفس كمامتو في جيبو. ودردق.
البلد دي عالم تاني .
بعدين بتاع الحل في المنقة داك دعايتو كانت قوية.
والشعب شعب انطباعي .
منقة يعني منقة .
( ابوسمكة هي الحل )
حتي ست الزلابية حاجة رتينة قالت الكمامة بتعمل ليها خمة نفس .
وهي اصلها عندها ضيق نفس و وجع حلق .
علي كل حال يا نادر التوعية في السودان صعبة.
والدخول عبر مطار الخرطوم فاك .

معناتو لو في فحص داخل السودان القصة حتكون مرعبة.
الخمسين باكستاني ديل كلهم رجال أعمال في العاصمة المثلثة.
فيهم حوالي 30 تجار ملايات في س ليبيا والسوق الشعبي امدرمان .
والعشرين فيهم تجار عطور زيتية واقمشة.
كلهم مختلطين بالجمهور .
وكلهم من المترددين علي المطارات والجمارك ومكاتب التخليص.
ربنا يستر .

دي يا عثمان طيارة اقلت 249 راكب طلع 20% منهم فحصهم ايجابي يوم 6 مايو
دي ممكن تدي مؤشر لنسبة الانتشار على الاقل في الخرطوم
20% نسبة كبيرة جدا, ربنا يستر على عباده

يا بشرى، أحسن الله عزاءكم، أعذرنا أنا خارج الأمارات
ضربت لمعاوية للتلفون، لقيتو برضو مضيعو

بخصوص العشرين في المية، أعتقد انها أكتر من كدا ويبدو ان ضعف الإمكانيات بخدم فينا في تكوين مناعة كبيرة وسط الناس، تسرع بانتهاء الوباء خلال الشهور الجاية

Quote: ويبدو ان ضعف الإمكانيات بخدم فينا في تكوين مناعة كبيرة وسط الناس، تسرع بانتهاء الوباء خلال الشهور الجاية

يا بكوووور قالوا الفيروس فقد 60 % من قوته وافتكر هسع الحايم فى السودان دة اصلا ما
عنده حيل والا لمتنا موت الضان اى زوول فى السودان خاتى ليه قرضة فى خسمه

ح تكون حصلت مناعة جماعية يا حمودي بس حدثت بثمن فادح في خسارة الأرواح.
نتمنى يكون فقد قوتو.

Quote: ح تكون حصلت مناعة جماعية يا حمودي بس حدثت بثمن فادح في خسارة الأرواح. نتمنى يكون فقد قوتو.

فقد قوتو وين اذا كان قبل كدا كان تقارسر يتقول انو فى تلاته انواع /تطور والان فى وخخان برضو ظهر الفيروس مع اختلاف فى الاعراض(ود الاخطر فى رصد ومحاصره الفيروس)وحسب تصريحات الباحثين انو برضو البحصل فى ووهان فيروس فى حاله تحول ،تطور

أخونا احمد حمودي
سلام
المشكلة لسع الناس بتجي مجموعات مجموعات تشاطر في الدفن في المقابر .
وبرضو صيوان العزاء والأكل والشراب .
والفاتحة باليدين.

ربك يلطف .

شكر الله سعيكم يا بكور ولا اراكم مكروها في عزيز لديكم
نعم قد تكون النسية اعلى من الـ 20% لكن اعتقد لسة بعيدين عن مناعة القطيع, اتذكر البريطيانيين في بداية الازمة كان بتكلموا عن 80 %

بالنسبة للباكستانيين ف يبدو انه نسبة الاصابات بين العائدين كبيرة من كل الاقاليم وليس السودان فقط
يوم 6 مايو مثلا قالوا ان نسبة الفحوصات الايجابية للعائدين من الامارات بلغت بين 40-50%
و النسبة عموما لكل العائ\ين حوالين 12% اغلبهم من الشرق الاوسط و فيهم جزء من الصين ومن الهند و من افريقيا

أخونا أبوبكر عباس
سلام
نعم الشغلانة اكتر بكتير .
ربك يكون في عون اهلنا .

محمد البشرى
سلام يا ود العم .
ولفقيدنا العزيز الرحمة.
اهلنا الباكستان ما دايرين ينسلوا من السودان .
وكل واحد يجيب التاني .
اها ويومهم اللفلفوا برش العودة لكراتشي .
بانت عليهم الكورونا .
تتذكر يا محمد الحالة 13 بتاع مربع 6 في سوق ليبيا؟
الحمد لله نفد منها .

مافي مناعة يا ناس
وفيات بالجملة والله

تعزية
مجلس إدارة النادي الاهلي مدني سيد الاتيام واقطاب الاهلي مدني ومشجعي سيد الاتيام يتقدمون بالتعازي لجميع الوسط الرياضي بمدني والسودان في فقداء الرياضة الفقيد ( يحي الرملي) والفقيد ( فيصل ابوجون) والفقيد ( محمد دبل قبينه ) والفقيد ( عماد كورنا) والفقيد ( جمال محمد) والفقيد ( فيصل ودالحداد ) سائلين المولي عز وجل الرحمة والمغفرة لجميع الفقداء وان يسكنهم فسيح جناته مع النبيين والصديقين والشهداء وان يلهم اهلهم وذويهم حسن العزاء والصبر والسلوان
والتعازي موصولة لجميع اسر الفقداء وجميع الرياضيين بمدني والسودان
إنا لله وإنا إليه راجعون

ربنا يلطف على أهلنا من الاستهتار.
المتوفين طاولة كوتشينة جمعتهم وكانت سبب الإصابة بكورونا.

في موظفه كبيره في القضر الجمهوري اتوفت امبارح ربنا يرحما ويغقر ليها

يا معاوية حسين،
خبر الكوتشينة دا غير صحيح، والنادي الأهلي طلع توضيح
الأربعة كل واحد منهم توفى بسبب مختلف وفيهم واحدين طريحي السرير من زمن طويل ويمكن تلاتة ليس لهم علاقة بالنادي.

الأخ ابوبكر سلام
الخبر الاتكلم عنو أخونا معاوية خبر اكيد.
زي ما قالوا أهل مدني .
ربنا يرحمهم جميعا وعاجل الشفاء للمصابين .
بعدين يا أخ ابوبكر موضوع التباعد ده ضروري .

ربنا يرحموم يا ابوبكر ،، الخبر رسلو لي زول في الواتس

عموما في ارتفاع كبير لاعداد الوفيات في السودان في الايام الاخيره،، ممكن يكون بي كرونا او اهمال طبي لامراض مزمنه ربنا يلطف بالاهل في السودان

عبد الرحيم محمد حسين برضو انضم لضحايا الفيروس


عاجل | نقل القيادي بالنظام المعزول عبد الرحيم محمد حسين إلى مستشفى علياء بعد تدهور حالته الصحية وأظهرت الفحوصات الأولية إصابته بالتهاب رئوي حاد

ممكن تنزل لينا مصدر الخبر
نسبة لخطورة وتبعات الخبر
كما انني ظللت ابحث عن المصدر ولم. اجده
في الانتظار
تحياتي

تجمع المهنيين السودانيين يدعو لجان المقاومة للمشاركة الفاعلة في إحياء الذكرى الأولى لمجزرة القيادة العامة

الانقاذ قضت علي الاخضر واليابس في البلد ،، دا نعي اي تجمع المهنين

حكاية الباكستانيين دي ممكن تكون صحيحة فقط لو إفترضنا إنو مصدر العدوى بالنسبة لهم جميعاً كان مصدر واحد.
ولكن لا يمكن أن تكون صحيحة ومعبر ة عن أن المرض منتشر في السودان.
بمعنى أنها لا يمكن أن تكون عينة عشوائية تم إختيارها من سكان السودان.
فحتى لو إفترضنا أن نسبة المرضى بالكورونا في السودان عالية جداً، مثلاً تعادل 90%
فذلك يعني أن إحتمال إختيار شخص مصاب بالعدوى من بين مجموعة من الأشخاص هو 0.9
وإحتمال إختيار 50 شخص جميعهم مصابين بالعدوى من بين مجموعة من الأشخاص يساوي 0.9^50 (0.9 مرفوع للقوة 50) = 0.005
وهو إحتمال صغير جداً لدرجة كافية لنفي فرضية العشوائية في إختيار العينة.

حافظ، الذين تم اختبارهم ٢٤٩ راكب

*كارثة صحية متوقعة بمسجد بلال بجبرة بعد إصابة (50)باكستانيا بالكورنا كانوا يقيمون به*
الخرطوم :بكري خليفة

كشفت وكالة انباء أري نيوز بمدينة بيشاور الباكستانية عن إصابة (50)مواطن باكستاني بفايروس كورونا بعد ظهور نتيجة الفحص الذي أجري عليهم بعد وصولهم الي مدينة بيشاور قادمين من السودان فيما تم حجز بقية القادمين لمعرفة نتيجة الفحص وهم اخر دفعة من المواطنين الباكستانيين العالقين بالخرطوم البالغ عددهم حوالي (500) شخص وصلوا الي باكستان امس الاول عبر مطار الخرطوم وبإشراف السفارة الباكستانية منهم (400)باكستاني من جماعة التبليغ والدعوة يقيمون في مسجد بلال بجبرة منذ أكثر من شهرين بعد تفشي جائحة كورونا وتعزر سفرهم الي بلادهم واشارات مصادر الي ان المصابين بالفايروس من جماعة التبيلغ والدعوة مما ينذر بكارثة صحية بمسجد بلال بجبره والذي يتوجب علي السلطات بضرورة المسارعة في عمل الإجراءات اللازمة لتفادي كارثة صحية من المخالطين لهم بالمسجد

مرحب أخونا بلدي يا حبوب
ربك يبعد البلاء

وبالامس القريب فقط توفى ٤٧ شخص في الفتيحاب في يوم واحد بفيروس الكرونا
..يعني الفيروس بدا ينتشر بشراسة في السودان ويوف لن نعرف الارقام الحقيقية
لاعداد المصابين بالفيروس ولا عدد المتوفين فليس هناك احصائيات دقيقة كما ان
معظم المرضى لا يبلغون السلطات الصحية باصابتهم بالفيروس ،كما ان الكثيرين لا
يعرفون انهم مصابين بالفيروس ..
ونسال الله ان برفع هذا البلاء عن السودان وعن العالم اجمع،،،