|
Re: 50 باكستاني عادوا لباكستان من السودان و ب (Re: نادر الفضلى)
|
الأخ أستاذ نادر سلامات معاي مجموعة اشتغلنا توعية في سوق ليبيا . قبل موعد حظر السوق . مسحنا السوق مربع مربع وشارع شارع . وزعناليهم 4,ألف كمامة . جات من فاعل خير . أي واحد دفس كمامتو في جيبو. ودردق. البلد دي عالم تاني . بعدين بتاع الحل في المنقة داك دعايتو كانت قوية. والشعب شعب انطباعي . منقة يعني منقة . ( ابوسمكة هي الحل ) حتي ست الزلابية حاجة رتينة قالت الكمامة بتعمل ليها خمة نفس . وهي اصلها عندها ضيق نفس و وجع حلق . علي كل حال يا نادر التوعية في السودان صعبة. والدخول عبر مطار الخرطوم فاك .
| |
|
|
|
|
|
|
Re: 50 باكستاني عادوا لباكستان من السودان و ب (Re: Osman Musa)
|
معناتو لو في فحص داخل السودان القصة حتكون مرعبة. الخمسين باكستاني ديل كلهم رجال أعمال في العاصمة المثلثة. فيهم حوالي 30 تجار ملايات في س ليبيا والسوق الشعبي امدرمان . والعشرين فيهم تجار عطور زيتية واقمشة. كلهم مختلطين بالجمهور . وكلهم من المترددين علي المطارات والجمارك ومكاتب التخليص. ربنا يستر .
| |
|
|
|
|
|
|
Re: 50 باكستاني عادوا لباكستان من السودان و ب (Re: أبوبكر عباس)
|
Quote: ويبدو ان ضعف الإمكانيات بخدم فينا في تكوين مناعة كبيرة وسط الناس، تسرع بانتهاء الوباء خلال الشهور الجاية |
يا بكوووور قالوا الفيروس فقد 60 % من قوته وافتكر هسع الحايم فى السودان دة اصلا ما عنده حيل والا لمتنا موت الضان اى زوول فى السودان خاتى ليه قرضة فى خسمه
| |
|
|
|
|
|
|
Re: 50 باكستاني عادوا لباكستان من السودان و ب (Re: أبوبكر عباس)
|
Quote: ح تكون حصلت مناعة جماعية يا حمودي بس حدثت بثمن فادح في خسارة الأرواح. نتمنى يكون فقد قوتو. |
فقد قوتو وين اذا كان قبل كدا كان تقارسر يتقول انو فى تلاته انواع /تطور والان فى وخخان برضو ظهر الفيروس مع اختلاف فى الاعراض(ود الاخطر فى رصد ومحاصره الفيروس)وحسب تصريحات الباحثين انو برضو البحصل فى ووهان فيروس فى حاله تحول ،تطور
| |
|
|
|
|
|
|
Re: 50 باكستاني عادوا لباكستان من السودان و ب (Re: أبوبكر عباس)
|
شكر الله سعيكم يا بكور ولا اراكم مكروها في عزيز لديكم نعم قد تكون النسية اعلى من الـ 20% لكن اعتقد لسة بعيدين عن مناعة القطيع, اتذكر البريطيانيين في بداية الازمة كان بتكلموا عن 80 %
بالنسبة للباكستانيين ف يبدو انه نسبة الاصابات بين العائدين كبيرة من كل الاقاليم وليس السودان فقط يوم 6 مايو مثلا قالوا ان نسبة الفحوصات الايجابية للعائدين من الامارات بلغت بين 40-50% و النسبة عموما لكل العائ\ين حوالين 12% اغلبهم من الشرق الاوسط و فيهم جزء من الصين ومن الهند و من افريقيا
| |
|
|
|
|
|
|
Re: 50 باكستاني عادوا لباكستان من السودان و ب (Re: أحمد محمد عمر)
|
تعزية مجلس إدارة النادي الاهلي مدني سيد الاتيام واقطاب الاهلي مدني ومشجعي سيد الاتيام يتقدمون بالتعازي لجميع الوسط الرياضي بمدني والسودان في فقداء الرياضة الفقيد ( يحي الرملي) والفقيد ( فيصل ابوجون) والفقيد ( محمد دبل قبينه ) والفقيد ( عماد كورنا) والفقيد ( جمال محمد) والفقيد ( فيصل ودالحداد ) سائلين المولي عز وجل الرحمة والمغفرة لجميع الفقداء وان يسكنهم فسيح جناته مع النبيين والصديقين والشهداء وان يلهم اهلهم وذويهم حسن العزاء والصبر والسلوان والتعازي موصولة لجميع اسر الفقداء وجميع الرياضيين بمدني والسودان إنا لله وإنا إليه راجعون
ربنا يلطف على أهلنا من الاستهتار. المتوفين طاولة كوتشينة جمعتهم وكانت سبب الإصابة بكورونا.
| |
|
|
|
|
|
|
Re: 50 باكستاني عادوا لباكستان من السودان و ب (Re: Maawya Hussein)
|
حكاية الباكستانيين دي ممكن تكون صحيحة فقط لو إفترضنا إنو مصدر العدوى بالنسبة لهم جميعاً كان مصدر واحد. ولكن لا يمكن أن تكون صحيحة ومعبر ة عن أن المرض منتشر في السودان. بمعنى أنها لا يمكن أن تكون عينة عشوائية تم إختيارها من سكان السودان. فحتى لو إفترضنا أن نسبة المرضى بالكورونا في السودان عالية جداً، مثلاً تعادل 90% فذلك يعني أن إحتمال إختيار شخص مصاب بالعدوى من بين مجموعة من الأشخاص هو 0.9 وإحتمال إختيار 50 شخص جميعهم مصابين بالعدوى من بين مجموعة من الأشخاص يساوي 0.9^50 (0.9 مرفوع للقوة 50) = 0.005 وهو إحتمال صغير جداً لدرجة كافية لنفي فرضية العشوائية في إختيار العينة.
| |
|
|
|
|
|
|
Re: 50 باكستاني عادوا لباكستان من السودان و ب (Re: أبوبكر عباس)
|
*كارثة صحية متوقعة بمسجد بلال بجبرة بعد إصابة (50)باكستانيا بالكورنا كانوا يقيمون به* الخرطوم :بكري خليفة
كشفت وكالة انباء أري نيوز بمدينة بيشاور الباكستانية عن إصابة (50)مواطن باكستاني بفايروس كورونا بعد ظهور نتيجة الفحص الذي أجري عليهم بعد وصولهم الي مدينة بيشاور قادمين من السودان فيما تم حجز بقية القادمين لمعرفة نتيجة الفحص وهم اخر دفعة من المواطنين الباكستانيين العالقين بالخرطوم البالغ عددهم حوالي (500) شخص وصلوا الي باكستان امس الاول عبر مطار الخرطوم وبإشراف السفارة الباكستانية منهم (400)باكستاني من جماعة التبليغ والدعوة يقيمون في مسجد بلال بجبرة منذ أكثر من شهرين بعد تفشي جائحة كورونا وتعزر سفرهم الي بلادهم واشارات مصادر الي ان المصابين بالفايروس من جماعة التبيلغ والدعوة مما ينذر بكارثة صحية بمسجد بلال بجبره والذي يتوجب علي السلطات بضرورة المسارعة في عمل الإجراءات اللازمة لتفادي كارثة صحية من المخالطين لهم بالمسجد
| |
|
|
|
|
|
|
Re: 50 باكستاني عادوا لباكستان من السودان و ب (Re: Osman Musa)
|
وبالامس القريب فقط توفى ٤٧ شخص في الفتيحاب في يوم واحد بفيروس الكرونا ..يعني الفيروس بدا ينتشر بشراسة في السودان ويوف لن نعرف الارقام الحقيقية لاعداد المصابين بالفيروس ولا عدد المتوفين فليس هناك احصائيات دقيقة كما ان معظم المرضى لا يبلغون السلطات الصحية باصابتهم بالفيروس ،كما ان الكثيرين لا يعرفون انهم مصابين بالفيروس .. ونسال الله ان برفع هذا البلاء عن السودان وعن العالم اجمع،،،
| |
|
|
|
|
|
|
|