Post: #1
Title: تمرد في قلب الخرطوم !!!
Author: محمد علي البصير
Date: 05-23-2019, 08:39 AM
08:39 AM May, 23 2019 سودانيز اون لاين
محمد علي البصير-ـ الرياض ـ السعودية
مكتبتى
رابط مختصر
تداول الجميع خلال الأيام الماضية ونشرت عدد من القنوات الفضائية المرموقة خبر وجود قوة مسلحة بأسلحة ثقيلة تحرس منزل السيد صلاح قوش رئيس جهاز الأمن والمخابرات المقال ـ
بل تصدت هذا القوة لأعلى جهة نيابية بالسودان وهو النائب العام ومنعه من دخول منزل قوش لإلقاء القبض عليه ضمن سير قضايا مرفوعة ضده وتفتيش المنزل ـ وهددت هذه القوة بضرب قوات الشرطة المرافقة له لتحول بذلك دون تنفيذ القانون .
هذا الحادث الغريب المريب أفصح عن تفاصيل غاية في الخطورة :
أولاً ـ قوش الأن مواطن عادي ـ فلم تخصص قوة لحراسة منزله ؟
لمن تتبع هذه القوة ومن أين تأتيها الأوامر ـ ؟
كيف يسمح لقوة مسلحة بسلاح فتاك وخطير للغاية مثل الدوشكا أن يكون منصوب في قلب حي سكني ـ ومدى خطورة ذلك على أمن وسلامة المواطنين ؟
كيف تمنع هذه القوة المسلحة النائب العام من أداء عمله بقوة السلاح ؟
الأن مر تقريباً 4 أيام على حدوث هذه الواقعة ولم نسمع أي رد فعل من المجلس العسكري وهو الجهة المناط بها حفظ الأمن بالبلد
حدث أمني خطير للغاية بهذا الحجم لا يحرك ساكناً !!!!!
عرفنانكم كمجلس أنكم غير مكترثين لتحقيق مطالب الثورة ولكم نوايا أصبحت مكشوفة للعيان ـ ولكن ماهى مبررات تقاعسكم عن الإضطلاع بدوركم في حفظ امن المواطن ؟؟
وأنفاذ القانون ضد قوة ليس لديها أي مسوغ قانوني يمنحها صلاحية ما قامت به .
هذا الفعل الإجرامي لا يخرج أبداً عن سياق قوة متمردة تحمل السلاح في قلب العاصمة .
|
Post: #2
Title: Re: تمرد في قلب الخرطوم !!!
Author: Yasir Elsharif
Date: 05-23-2019, 08:53 AM
Parent: #1
سلام يا أخي محمد علي البصير
وشكرا
بوست في صميم الصميم
..
أرجو أن يظل البوست فوق دائما.
|
Post: #3
Title: Re: تمرد في قلب الخرطوم !!!
Author: Kabar
Date: 05-23-2019, 09:07 AM
Parent: #2
البصير..حبابك يا صديق
واللــــه حيرتونا عدييييييل كده..!!
مجلس عسكري: ناس النخبة تشتم فيهو ليل ونهار..وبرضو زعلانين عشان ما اتصدى لتلك القوى المسلحة؟..
ما ممكن ، يا صديقي ، ناس تشتم المجلس العسكري ليل ونهار وبرضك دايراهو يقوم بواجبو؟
اعتبر المجلس العسكري عصابة عديييييل ودايرة توري قوى الحرية والتغيير النجوم في عز القايلة..اها الدبارة شنو؟..
ما هو واحد من اتنين:
يا تعتبروا المجلس العسكري شريك..وتبادلوه الإحترام ..عشان يشوف شغلو..!
يا كمان ..
تعتبروه خصم ..وتبطلوا النياصة والشكاية والجعير..يعني اسقطوهو للمرة الثالثة وشوفوا شغلكم..!
ويا حميدتي لو بتسمع كلامي: تاني ما ترسل عسكري يحوم في الحراية عشان الحناكيش تجي تملانا فقر وتريقة من شاكلة (فريق خلاء وبطيخ)..!
خلي الخرتوم دي تدور اسبوع واحد فقط..ابعد روحك منها وابعد عساكرك عنها..!
كبر
|
Post: #4
Title: Re: تمرد في قلب الخرطوم !!!
Author: عمر أبوعاقلة
Date: 05-23-2019, 09:08 AM
Parent: #2
لم تسقط بعد يا محمد
لازال السرطان الكيزاني يتمدد في البلاد ولابد من الاستئصال
وعلى شعبنا ومن يمثلهم تقع مهام جسيمة
إمّا أن تتحقق الآن وفي هذه الظروف
أو نعيش أبداً بين براثن اللصوص والعسكر
الله كريم
|
Post: #5
Title: Re: تمرد في قلب الخرطوم !!!
Author: محمد علي البصير
Date: 05-23-2019, 09:11 AM
Parent: #2
Quote: سلام يا أخي محمد علي البصير
وشكرا
بوست في صميم الصميم
|
مرحباً الحبيب د. ياسر
| Quote: أرجو أن يظل البوست فوق دائما. |
إن شاء الله
|
Post: #6
Title: Re: تمرد في قلب الخرطوم !!!
Author: محمد علي البصير
Date: 05-23-2019, 09:22 AM
Parent: #5
Quote: البصير..حبابك يا صديق
واللــــه حيرتونا عدييييييل كده..!!
مجلس عسكري: ناس النخبة تشتم فيهو ليل ونهار..وبرضو زعلانين عشان ما اتصدى لتلك القوى المسلحة؟..
ما ممكن ، يا صديقي ، ناس تشتم المجلس العسكري ليل ونهار وبرضك دايراهو يقوم بواجبو؟
اعتبر المجلس العسكري عصابة عديييييل ودايرة توري قوى الحرية والتغيير النجوم في عز القايلة..اها الدبارة شنو؟..
ما هو واحد من اتنين:
يا تعتبروا المجلس العسكري شريك..وتبادلوه الإحترام ..عشان يشوف شغلو..!
يا كمان ..
تعتبروه خصم ..وتبطلوا النياصة والشكاية والجعير..يعني اسقطوهو للمرة الثالثة وشوفوا شغلكم..!
ويا حميدتي لو بتسمع كلامي: تاني ما ترسل عسكري يحوم في الحراية عشان الحناكيش تجي تملانا فقر وتريقة من شاكلة (فريق خلاء وبطيخ)..!
خلي الخرتوم دي تدور اسبوع واحد فقط..ابعد روحك منها وابعد عساكرك عنها..!
كبر |
تحياتي الأخ كبر
والله ثلاث غلبني أستوعب منطقك
يارجل دي قوة بتاعة همبتة حارسا ليها بيت بتاع مواطن سوداني عادي
قوة مسلحة بدوشكا ـ أيوا دوشكا السلاح الخطير جداً الواحد دا
وخاتنو في قلب الخرطوم تحت تصرف ناس هددوا النائب العام ذاتو لدرجة إنو خاف على نفسو وقوتو ورجع
والموضوع دا الأن ليه 4 ايام ولسع ناس البرهان وحيمدتي عاملين رايحين
وتجي تقول لي حيرتونا !!!!!!!!!!!!!!!!!!!!
يا ستار
أنت مسمي طلبنا أنو القوة دي تعتقل ويصادر سلاحها وتقدم للمحاكمة لما أقدمت عليه ـ تسميه نياصة وجعيير و.............
لا لا يا كبر بالجد أصبحت مرتاب في تفكيرك ومنطقك
|
Post: #7
Title: Re: تمرد في قلب الخرطوم !!!
Author: محمد علي البصير
Date: 05-23-2019, 09:30 AM
Parent: #6
Quote: لم تسقط بعد يا محمد
لازال السرطان الكيزاني يتمدد في البلاد ولابد من الاستئصال
وعلى شعبنا ومن يمثلهم تقع مهام جسيمة
إمّا أن تتحقق الآن وفي هذه الظروف
أو نعيش أبداً بين براثن اللصوص والعسكر
الله كريم |
تحياتي أخوي عمر
الله أكرم
والله يا أخوي عمر ـ عرفنا إنو المجلس متواطئ مع الدولة العميقة
ومتساهل جداً مع فلول النظام
و....................... و............................................
لكن أن يغض الطرف عن حادثة التعدي على النائب العام في قلب العاصمة ومنعه حتى اللحظة من أداء عمله بواسطة قوة ممسلحة وجودها أصلاً غير قانوني دون أن يبدي المجلس أي رد فعل حتى اللحظة !!!!!!
دي تطور خطير جداً ومهدد أمني لحياة الناس
|
Post: #8
Title: Re: تمرد في قلب الخرطوم !!!
Author: Kabar
Date: 05-23-2019, 10:02 AM
Parent: #7
محمد علي البصير..حبابك يا صديقي
ضحكتني يا محمد..والدنيا اخر ليل..زمان الكيزان وكت ضاقوا ذرعا من صراحة حسن مكي سوهو مجنون وسفيه وبتكلم بره من راسو..!
ومالها يا محمد قوى شايلة دوشكا ولا شايلة قنابل نابالم ولا صواريخ عديييل..المشكلة شنو؟ بلد في فراغ دستوري لمدة تلاتة واربعين يوم..يعني متوقع شنو؟..
طيب اوقع ليك طرطشة حديثي السويتها كلام مجانين ..
الشرطة مسئولة عن حفظ الأمن الداخلي..اها الشرطة عجزت..!
الجيش تحت ادارة عبد الفتاح البرهان..وما بيتدخل في ظروف زي دي..!
فضل ليك شنو؟.. فضل ناس جهاز الأمن الوطني..والتسليح الأكبر عند الدعم السريع ناس حميدتي..وديل عملوا نايمين..وليه اصلا يتدخلوا وكتين الناس رامية طوبتهم..وبتشتهم ليل نهار..؟؟؟!
ابداها من اخونا دكتور ياسر الشريف القدامك ده..وامشى اقرا رأيه في الدعم السريع وحميدتي..
امشى اقرا راي كمال عباس (الذي يركب مكنة شيوعي في اليومين ديل)..
امشى اقرا رأي جعفر بشير (مؤتمر سوداني)
امشى اقرا راي بشاشا (مخلب موساد)..
امشى اقرا رأي استاذنا ترهاقا (بتاع موسيقى)..
امشى اقرا راي عيال زغاوة (محمد سليمان ، بشار صقر ، محمد نور عودو)..
امشى اقرا رأي عيال التنجر (ناس الهبيب محجوب عبد الله)..
وغيرهم كثر..غيرهم كثر..
الغالبية في هذا المنبر يا البصير بتشتم في حميدتي والدعم السريع (الذراع المسلح في جهاز الأمن الوطني الذي انحاز للثورة ومافي زول مقدر النقطة دي)..!
قلت لي دوشكا يا البصير؟..
ياخي ان شاء اهتا تمرق صواريخ عدييييل كده..المشكلة شنو يعني؟..
قوى الحرية والتغيير غشت الشعب السوداني واتامرت مع المجلس العسكري على استمرار الفراغ الدستوري..يبقى ليه الجرسة؟؟؟..
بالمناسبة الدستور معطل..والوزارات معطلة.. النائب العام جاب السلطة من وين عشان يتهجم على المواطنين ساكت كده سمبلا؟..على قوى الحرية والتغيير الإجابة من غير لف ودوران؟..
شرحو: يا البصير البلد في حال فراغ دستوري..مافي قانون يا ابوي..والقوى المعتمدة عليها الناس في الحماية هي الجيش (البرهان) والذراع المسلح في جهاز الأمن الوطني (حميدتي/الدعم السريع) وديل زاغوا عديييييييييييييييل كده وعملوا نايمين..اها الدبارة شنو؟..
كبر
|
Post: #9
Title: Re: تمرد في قلب الخرطوم !!!
Author: بدرالدين بابكر مصطفى
Date: 05-23-2019, 10:12 AM
Parent: #8
انت يا كبر كان ما اخاف الكضبة زول قانون ..
في رأيك انتقاد الناس لي حميدتي ما صاح ؟؟
وعشان الناس انتقدوا حميدتي ما يجوا يطالبوهو بي تنفيذ القانون ؟؟
طيب المجلس العسكري هو زاتو بسوي في شنو ؟؟؟ مش قال نحن أو الطوفان ؟؟
مش أدى نفسو سلطات من راسو كدي ساااكت
السلطات دي مش بتحتم عليهو إنو ينفذ العدالة
بعدين بكضبو مالهم ؟؟
|
Post: #10
Title: Re: تمرد في قلب الخرطوم !!!
Author: NEWSUDANI
Date: 05-23-2019, 10:30 AM
Parent: #9
| Quote: قوى الحرية والتغيير غشت الشعب السوداني واتامرت مع المجلس العسكري على استمرار الفراغ الدستوري..يبقى ليه الجرسة؟؟؟.. |
دي بس لفهمي القاااصر جدا ياريت تشرحوها لينا وكان بتفتكروا الاعتراض جرسة ؟؟؟ يكون العمالة والارتزاق شرف في هذا الزمان الهزيل ،،،،،
ولمن لا يفهم مصير حميدتي أنه سيصفى من الكيزان متى ما أنفض هذا الميدان
Mark My word
|
Post: #11
Title: Re: تمرد في قلب الخرطوم !!!
Author: امتثال عبدالله
Date: 05-23-2019, 10:46 AM
Parent: #9
الفراغ الدستوري الحاصل الان سببه قوي التغيير والحرية وتجمع المهنيين ،،او بالاصح الوفد الذي يفاوض المجلس العسكري حول مجلس السيادة ،،في جدل بيزنطي لا يودي ولا بجيب ،،،،هذا المجلس العسكري ، وهو الان بدون اية سلطات تنفيذية ، والدليل هذه القوة المسلحة التي تحرس بيت السفاح قوش والمجلس عاجز عن القبض على هذه القوة المسلحة ،،هذا المجلس مؤقت وليس مجلس دائم،،فلماذا يضيعون كل هذا الوقت بدل تشكيل الحكومة المدنية التي بمقدورها تنفيذ القانون والقبض على كل رموز النظام السابق من اللصوص والحرامية وسفاكين الدماء،،،وكلما طال امد الفراغ الدستوري كلما ضاع امل الثوار في حكومة مدنية انتقالية لكنس اثار نظام اللصوص والحرامية والبدء في محاكمة رموز النظام السابق واولهم صلاح قوش الذي كان يعذب المعارضين السياسيين،،،
|
Post: #12
Title: Re: تمرد في قلب الخرطوم !!!
Author: محمد علي البصير
Date: 05-23-2019, 12:42 PM
Parent: #11
Quote: محمد علي البصير..حبابك يا صديقي
ضحكتني يا محمد..والدنيا اخر ليل..زمان الكيزان وكت ضاقوا ذرعا من صراحة حسن مكي سوهو مجنون وسفيه وبتكلم بره من راسو..!
ومالها يا محمد قوى شايلة دوشكا ولا شايلة قنابل نابالم ولا صواريخ عديييل..المشكلة شنو؟ بلد في فراغ دستوري لمدة تلاتة واربعين يوم..يعني متوقع شنو؟..
طيب اوقع ليك طرطشة حديثي السويتها كلام مجانين ..
الشرطة مسئولة عن حفظ الأمن الداخلي..اها الشرطة عجزت..!
الجيش تحت ادارة عبد الفتاح البرهان..وما بيتدخل في ظروف زي دي..!
فضل ليك شنو؟.. فضل ناس جهاز الأمن الوطني..والتسليح الأكبر عند الدعم السريع ناس حميدتي..وديل عملوا نايمين..وليه اصلا يتدخلوا وكتين الناس رامية طوبتهم..وبتشتهم ليل نهار..؟؟؟!
ابداها من اخونا دكتور ياسر الشريف القدامك ده..وامشى اقرا رأيه في الدعم السريع وحميدتي..
امشى اقرا راي كمال عباس (الذي يركب مكنة شيوعي في اليومين ديل)..
امشى اقرا رأي جعفر بشير (مؤتمر سوداني)
امشى اقرا راي بشاشا (مخلب موساد)..
امشى اقرا رأي استاذنا ترهاقا (بتاع موسيقى)..
امشى اقرا راي عيال زغاوة (محمد سليمان ، بشار صقر ، محمد نور عودو)..
امشى اقرا رأي عيال التنجر (ناس الهبيب محجوب عبد الله)..
وغيرهم كثر..غيرهم كثر..
الغالبية في هذا المنبر يا البصير بتشتم في حميدتي والدعم السريع (الذراع المسلح في جهاز الأمن الوطني الذي انحاز للثورة ومافي زول مقدر النقطة دي)..!
قلت لي دوشكا يا البصير؟..
ياخي ان شاء اهتا تمرق صواريخ عدييييل كده..المشكلة شنو يعني؟..
قوى الحرية والتغيير غشت الشعب السوداني واتامرت مع المجلس العسكري على استمرار الفراغ الدستوري..يبقى ليه الجرسة؟؟؟..
بالمناسبة الدستور معطل..والوزارات معطلة.. النائب العام جاب السلطة من وين عشان يتهجم على المواطنين ساكت كده سمبلا؟..على قوى الحرية والتغيير الإجابة من غير لف ودوران؟..
شرحو: يا البصير البلد في حال فراغ دستوري..مافي قانون يا ابوي..والقوى المعتمدة عليها الناس في الحماية هي الجيش (البرهان) والذراع المسلح في جهاز الأمن الوطني (حميدتي/الدعم السريع) وديل زاغوا عديييييييييييييييل كده وعملوا نايمين..اها الدبارة شنو؟..
كبر |
No comments
|
Post: #13
Title: Re: تمرد في قلب الخرطوم !!!
Author: محمد علي البصير
Date: 05-23-2019, 12:43 PM
Parent: #12
Quote: انت يا كبر كان ما اخاف الكضبة زول قانون ..
في رأيك انتقاد الناس لي حميدتي ما صاح ؟؟
وعشان الناس انتقدوا حميدتي ما يجوا يطالبوهو بي تنفيذ القانون ؟؟
طيب المجلس العسكري هو زاتو بسوي في شنو ؟؟؟ مش قال نحن أو الطوفان ؟؟
مش أدى نفسو سلطات من راسو كدي ساااكت
السلطات دي مش بتحتم عليهو إنو ينفذ العدالة
بعدين بكضبو مالهم ؟؟ |
|
Post: #14
Title: Re: تمرد في قلب الخرطوم !!!
Author: محمد علي البصير
Date: 05-23-2019, 12:48 PM
Parent: #13
| Quote: ولمن لا يفهم مصير حميدتي أنه سيصفى من الكيزان متى ما أنفض هذا الميدان |
نعم
حميدتي لو بيحسن قراءة المشهد جيداً
لا ضامن لبقائقه سوى نجاح الثورة
والله لو ينصر الكيزان ويمنحهم العودة للمشهد سيكون هو أول ضحياهم
حتى قواته لن تكون له عاصم منهم
|
Post: #15
Title: Re: تمرد في قلب الخرطوم !!!
Author: Yassir Ahmed
Date: 05-23-2019, 12:49 PM
Parent: #1
كبر الماحنكوش لو كنت في السودان كان ح تعمل شنو؟ تعال ورينا عضلاتك في الخرطوم ، قال حناكيش قال
طيب تعال علم الثوار الرجالة ، وحق التذكرة ماشي جايي منهم ، يقول ليك مثقفين و علماء كمان وفي القانون ، سبحان الله
|
Post: #16
Title: Re: تمرد في قلب الخرطوم !!!
Author: sadig mirghani
Date: 05-23-2019, 01:27 PM
Parent: #1
بالجد الزول دا
كبر
الحناكيش ديل وقفوا ترس لي ناس الدعم السريع
واحد فيهم رجع متر ورا ماف ماتوا واقفين وصايمين
الواحد صدروا عريان ومقابل الرصاص
وعشان شنو عشان يفتحوا شارع النيل
ممكن يقتل مواطن
لكن ما بقدر يعتقل قوش
كبر
انت مع حميدتي قول كده وخلاص
ماتقعد تطبل ليهو
ورينا حميدتي بمثل ليك شنو
الامل
العمل
المستقبل
دي جهوية ليس الا
وفش غباين
قال حناكيش قال
قوم لف
|
Post: #17
Title: Re: تمرد في قلب الخرطوم !!!
Author: محمد علي البصير
Date: 05-23-2019, 02:22 PM
Parent: #16
| Quote: الفراغ الدستوري الحاصل الان سببه قوي التغيير والحرية وتجمع المهنيين ،،او بالاصح الوفد الذي يفاوض المجلس العسكري حول مجلس السيادة ،،في جدل بيزنطي لا يودي ولا بجيب ،،،،هذا المجلس العسكري ، وهو الان بدون اية سلطات تنفيذية ، والدليل هذه القوة المسلحة التي تحرس بيت السفاح قوش والمجلس عاجز عن القبض على هذه القوة المسلحة ،،هذا المجلس مؤقت وليس مجلس دائم،،فلماذا يضيعون كل هذا الوقت بدل تشكيل الحكومة المدنية التي بمقدورها تنفيذ القانون والقبض على كل رموز النظام السابق من اللصوص والحرامية وسفاكين الدماء،،،وكلما طال امد الفراغ الدستوري كلما ضاع امل الثوار في حكومة مدنية انتقالية لكنس اثار نظام اللصوص والحرامية والبدء في محاكمة رموز النظام السابق واولهم صلاح قوش الذي كان يعذب المعارضين السياسيين،،، |
المجلس العسكري يملك السطات كاملة
ولكن يوجهها حيث يريد ويمنعها حيث يريد
كيف تجرديه من السلطات وقراراته تترى كل يوم
وبالأمس اصدر قرار إعادة النقابات
وقبلها فك حظر تجميد أموال منظمات المؤتمر الوطني
وغيرها كثر
|
Post: #18
Title: Re: تمرد في قلب الخرطوم !!!
Author: عبدالعظيم عثمان
Date: 05-23-2019, 04:34 PM
Parent: #17
سلامات يا محمد
كبر حميدتي شريك بتاع شنو يا زول
دا زعيم مليشيا صعد للمجلس العسكري في ظل إنحطاط الدولة
ما مكن يكون شريك في اي سلطة مدنية
الحل في المواجهة المفتوحة حتي تحقيق السلطة المدنية الكاملة
وحميدتي يجهز نفسه للمحكمة
حقوق الضحايا من اهل دافور، إذا كان متورطا لازم يتحاكم
وجرائم الدعم السريع كلها تمشي المحاكم وبالقانون
|
Post: #19
Title: Re: تمرد في قلب الخرطوم !!!
Author: Abd Alla Elhabib
Date: 05-24-2019, 01:55 AM
Parent: #18
يارجل دي قوة بتاعة همبتة حارسا ليها بيت
بتاع مواطن سوداني عادي
————————————
أبدا، هو ليس مواطن سوداني عادي
بل : هو مجرم ؛ قاتل سارق كاذب
ومارس كل ما تأباه النفس السوية
من وسخ وعفن في بيوت الأشباح !!
قادة الجيش خونة وكيزان بإعتراف
الصحفي الكوز عبدالحميد في
لقاء بثته فضائية الخرطوم مؤخرا !
|
Post: #20
Title: Re: تمرد في قلب الخرطوم !!!
Author: Kabar
Date: 05-24-2019, 07:09 AM
Parent: #19
بدر الدين..حبابك
حتى اللحظة مافي زول انتقد حميدتي..
الموجود هو: حرامي ، مجرم ، اجنبي..الخ..وهذا ليس نقد وانما اتهامات جزافية..مكان اثباتها في المحاكم المختصة..دي واحدة..
التانية..كلكم على اجماع انو حميدتي كعب وتعيس وما نافع ، بسيطة اسقطوهو وجيبوا غيرو..!
لمن قال (نحن او الطوفان) رد الجماهير شنو؟ لو مكانهم اقول ليهو الطوفان واسقط المجلس العسكري وكل الجيش..!
لو دايرين تنقدوا حميدتي او المجلس العسكري..ليس بالكلام وانما بالفعل: قوى الحرية والتغيير تعلن دستورها الإنتقالي ، تعلن اسماء عضوية مجلس السيادة ورئيس الوزراء والحكومة المدنية والبرلمان الإنتقالي..وبعد داك تكون هي المسئولة عن حفظ الأمان والعدالة الإنتقالية والمحاسبات..!
كبر
|
Post: #21
Title: Re: تمرد في قلب الخرطوم !!!
Author: Kabar
Date: 05-24-2019, 07:11 AM
Parent: #20
الجرسة يا نيو سوداني: الناس ما معترفة بالمجلس العسكري ونائب رئيس المجلس العسكري والدعم السريع ، وبرضك بتطلب منو الحماية..!
طيب ما تفضوا الميدان عشان تخلصوا من حميدتي..!
شايف الحزب الشيوعي جاب النطيحة والموقوذة وبغاث الطير وما اكل السبع من لوردات الحرب عشان تدعموا في التفاوض مع المجلس العسكري..
النجيضة: الحزب الشيوعي ما عندو مستقبل..يعني لو الميدان اتفرتق..الحزب الشيوعي بيكون لحق امطرقا عراض..!
كبر
|
Post: #22
Title: Re: تمرد في قلب الخرطوم !!!
Author: Kabar
Date: 05-24-2019, 07:13 AM
Parent: #21
عبد العظيم الكضاب..
كلام قصير..اذا كان حميدتي ليس بشريك في التغيير والفترة الإنتقالية: خلي قوى الحرية والتغيير تعلن ذلك لجماهير الشعب السوداني وتوقف المفاوضات الآن ولا تنتظر بكرة ذاتو..وتشتغل تصعيد عشان تسقط حجر حميدتي والدعم السريع..دي دايرة ليها درس عصر..!
المجلس العسكري ما عندو أي قيمة بدون حميدتي والدعم السريع..وجربوا اقصاء حميدتي وخلوا جيوش لوردات الحرب البتحلم بتفكيك الجيش السوداني تتفاوض معاكم..!
اعمل دولتك (اذا بتقدر) واعمل محاكمك..واشتغل تطهير..وانتقامات بلا اساس..وشوف السودان لو يمشي لي قدام..!
انتو اتعلمتوا السياسة وين يا عبد العظيم؟ ولا الشغلانة عندكم شخطك بختك (كرتلة وكده)؟
كبر
|
Post: #23
Title: Re: تمرد في قلب الخرطوم !!!
Author: محمد علي البصير
Date: 05-24-2019, 09:36 AM
Parent: #22
Quote: كبر الماحنكوش لو كنت في السودان كان ح تعمل شنو؟ تعال ورينا عضلاتك في الخرطوم ، قال حناكيش قال
طيب تعال علم الثوار الرجالة ، وحق التذكرة ماشي جايي منهم ، يقول ليك مثقفين و علماء كمان وفي القانون ، سبحان الله |
| Quote: وفي القانون ، سبحان الله |
هو بالله كبر دا بتاع قانون !!!!!!!!!!!!!!!
والله بموقفو دا وهو يدعم البلطجة غير أهل أبداً للعمل في هذا المجال ابداً
|
Post: #24
Title: Re: تمرد في قلب الخرطوم !!!
Author: Kabar
Date: 05-24-2019, 10:09 AM
Parent: #23
كتب محمد علي البصير:
Quote:
هو بالله كبر دا بتاع قانون !!!!!!!!!!!!!!!
والله بموقفو دا وهو يدعم البلطجة غير أهل أبداً للعمل في هذا المجال ابداً
|
محمد علي البصير..
اكتب اليك في لحظة بالجد حزينة وانا اقرأ في اطراف المنتدى نعي الناعي الذي نعى رحيل استاذنا المحامي على محمود حسنين..!
كنت احترمك يا البصير..وظننت ان الأمر مجرد تبادل ارأء واختلاف في وجهات نظر..ولكن لم اكن اتصور ان الأمر سيصل هذا الإحتقار والتريقة من قبلك..!
اول من اثار حكاية كبر والقانون هو اخونا بدر الدين بابكر مصطفى (ارجع لمداخلتو فوق واقراها جيدا يا البصير لو بتعرف تقرا الحاجات صاح)..واتعاصرت مع بدر الدين في جامعة الخرطوم..ولمن انا كنت طالب مشغول في فصول دراسة القانون.. بدر الدين بابكر مصطفى كان كادر عنف يحمل السيخ لصالح ناس الإتجاه الإسلامي في جامعة الخرطوم (يعني كان رجرجة ودهماء وبغاث الطير على قول استاذنا دكتور احمد القرشي عليه السلام)..يبقى ليه ما بتقدر تتريق على بدر الدين؟ عشان جلابي ولا عشان كوز؟
Quote:
هو بالله كبر دا بتاع قانون !!!!!!!!!!!!!!!
|
بالحيل يا محمد علي البصير..كبر بتاع قانون..وفاهم في القانون كويس..!!
مشروع الدستور الإنتقالي السوداني2019/اعداد محمد النور كبر معلا
واها دي مساهمة كبر في دعم الثورة بمشروع دستور انتقالي..لم تسمع بيهو انت شخصيا في اباءك الأولين ولا الأخرين..ولا كل السودانيين والسودانيات..ووكتين عندك مزاج للتريقة..اهو انت وقوى الحرية والتغيير وما يسمى بخبراء القانون في الحرية والتغيير..اديتكم عشرة سنوات ضوئية..جيبوا مشروع دستور زي المشروع ده..!
وصدقني السفاهة ح تستمر معاك يا البصير..البقابلك متحزم..امرق ليهو ميــــطي..!
كبر
|
Post: #25
Title: Re: تمرد في قلب الخرطوم !!!
Author: محمد علي البصير
Date: 05-24-2019, 10:51 AM
Parent: #24
| Quote: ولكن لم اكن اتصور ان الأمر سيصل هذا الإحتقار والتريقة من قبلك..! |
إحتقار وتريقة ؟؟؟ !!!!
أين الإحتقار والتريقة ؟؟؟؟
أنا قلت أنك بتدعم البلطجة بعدم إدانتك لوجود قوة مسلحة تحرس منزل مواطن وتمنع تنفيذ القانون وهددت قوة أمنية نظامية
وقلت أنك بفعلك هذا غير أهل لتكون رجل قانون
وهذا ما قلته بالضبط :
| Quote: والله بموقفو دا وهو يدعم البلطجة غير أهل أبداً للعمل في هذا المجال ابداً |
أين التريقة والإحتقار هنا ؟؟؟
| Quote: وصدقني السفاهة ح تستمر معاك يا البصير |
كمان طلعتني سفيه كمان !!!!!!!!!
أنا لا أقبل منك هذه العبارة أبداً
وما قلته لك لا يرقى لأن تشتمني بهذا القدر
Quote: البقابلك متحزم..امرق ليهو ميــــطي..!
|
أنا شائف إنك عاوز تفتعل ليك مشكلة من عدم
|
Post: #26
Title: Re: تمرد في قلب الخرطوم !!!
Author: محمد علي البصير
Date: 05-24-2019, 11:58 AM
Parent: #25
Quote: سلامات يا محمد
كبر حميدتي شريك بتاع شنو يا زول
دا زعيم مليشيا صعد للمجلس العسكري في ظل إنحطاط الدولة
ما مكن يكون شريك في اي سلطة مدنية
الحل في المواجهة المفتوحة حتي تحقيق السلطة المدنية الكاملة
وحميدتي يجهز نفسه للمحكمة
حقوق الضحايا من اهل دافور، إذا كان متورطا لازم يتحاكم
وجرائم الدعم السريع كلها تمشي المحاكم وبالقانون |
هلا أخي عبد العظيم
تسلم
|
Post: #27
Title: Re: تمرد في قلب الخرطوم !!!
Author: محمد علي البصير
Date: 05-24-2019, 12:00 PM
Parent: #26
Quote: أبدا، هو ليس مواطن سوداني عادي
بل : هو مجرم ؛ قاتل سارق كاذب
ومارس كل ما تأباه النفس السوية
من وسخ وعفن في بيوت الأشباح !!
قادة الجيش خونة وكيزان بإعتراف
الصحفي الكوز عبدالحميد في
لقاء بثته فضائية الخرطوم مؤخرا ! |
أتفق معك أخي عبد الله الحبيب
|
Post: #28
Title: Re: تمرد في قلب الخرطوم !!!
Author: عبدالله الشقليني
Date: 05-24-2019, 03:56 PM
Parent: #27
Quote: البصير..حبابك يا صديق
واللــــه حيرتونا عدييييييل كده..!!
مجلس عسكري: ناس النخبة تشتم فيهو ليل ونهار..وبرضو زعلانين عشان ما اتصدى لتلك القوى المسلحة؟..
ما ممكن ، يا صديقي ، ناس تشتم المجلس العسكري ليل ونهار وبرضك دايراهو يقوم بواجبو؟
اعتبر المجلس العسكري عصابة عديييييل ودايرة توري قوى الحرية والتغيير النجوم في عز القايلة..اها الدبارة شنو؟..
ما هو واحد من اتنين:
يا تعتبروا المجلس العسكري شريك..وتبادلوه الإحترام ..عشان يشوف شغلو..!
يا كمان ..
تعتبروه خصم ..وتبطلوا النياصة والشكاية والجعير..يعني اسقطوهو للمرة الثالثة وشوفوا شغلكم..!
ويا حميدتي لو بتسمع كلامي: تاني ما ترسل عسكري يحوم في الحراية عشان الحناكيش تجي تملانا فقر وتريقة من شاكلة (فريق خلاء وبطيخ)..!
خلي الخرتوم دي تدور اسبوع واحد فقط..ابعد روحك منها وابعد عساكرك عنها..!
كبر |
الأكرم كبر
تحياتي
الكتاب المقتبس عنك الكيزان الأصل ما بيكتوبهو!!!!!!!!!!!!!!!
*
|
Post: #29
Title: Re: تمرد في قلب الخرطوم !!!
Author: Kabar
Date: 05-24-2019, 08:08 PM
Parent: #28
كتب البصير:
Quote:
أين التريقة والإحتقار هنا ؟؟؟
|
التريقة هنا في قولك:
Quote:
هو بالله كبر دا بتاع قانون !!!!!!!!!!!!!!!
والله بموقفو دا وهو يدعم البلطجة غير أهل أبداً للعمل في هذا المجال ابداً
|
ويبقى السؤال: أين هي البلطجة التي دعمها كبر؟..وهل من يدعم البلطجة هو كبر ام محمد على البصير؟
نعم انت من يدعم البلطجة يا محمد علي البصير..كيف؟
لأنك تريد تثبيت شرعية المجلس العسكري الإنتقالي السوداني وذلك بان تجعل منه دولة مشروعة وتطالبه بالقيام بواجباته من حماية واعتقالات وحفظ امن..!
يعني استمرار شرعية المجلس العسكري كدولة كاملة الدسم و في هذا اهدار للثورة ومطالبها المشروعة في حكومة مدنية تقود فترة انتقالية تعقبها ديموقراطية..!
اذن يا صديقي البلطجة هي ديكتاتورية المجلس العسكري الذي يريد ان يفرض نفسه كدولة في السودان تمسك بكل السلطات (سيادية ، تشريعية ، تنفيذية ، وقضائية) والبلطجة هي تسويق ذلك للبسطاء والإيحاء بان المجلس العسكري هو حاميهم وحامي الأمن لذلك من حقهم ان يطالبوه بالحماية..أي اجماع سكوت لتثبيت شرعية المجلس العسكري..!
يعني لمن تجي يا البصير تفتح ليك خيط بعنوان (تمرد في الخرطوم) وتضرب طبول التخويف بالإنفلات الأمني ، فهذا تمرير لأجندة المجلس العسكري ومحاولة بائسة لترويج شرعية هذا المجلس.. مع العلم ان كل الأحداث الأمنية التي حدثت في الست واربعين يوم الماضية مارقة من دقنوس المجلس العسكري وهذه هي اداته في التصعيد والترويج لكسب مشروعية في وسط الجماهير: يعني يسوق روحو بانو مهم وممكن يحفظ الأمن..والأنكي هناك جماهير ممكن تطالبوا بحفظ الأمن وكده..!!
كبر
|
Post: #30
Title: Re: تمرد في قلب الخرطوم !!!
Author: Kabar
Date: 05-24-2019, 08:11 PM
Parent: #29
عبد الله..حبابك يا صديق
كل سنة وانت طيب..وبعد
صحيح الكيزان لا يستطيعون كتابة مثل هذا المقتبس لأنهم لا يعرفون الصراحة والوضوح والصدق..وكذا بقية النخبة السودانية الأخرى سواءا كانت عسكرية او سياسية مدنية معارضة..!
المقتبس هو رفض لمنح المجلس العسكري شرعية غير مستحقة..لأن من يكتب عن تمرد في الخرطوم هذا يضرب طبول التخويف ليخلص لنتيجة معروفة وهي تلميع المجلس العسكري وبالتالي مطالبته بالقيام بواجبه كدولة مشروعة تحفظ الأمن وتعتقل الناس وتحل المشاكل الإقتصادية والسياسية والإجتماعية..وقعت ليك الفكرة؟
الكيزان هم من يرغبون في ان تكون للمجلس العسكري شرعية وسط الجماهير السودانية لأن هذا هو مجلسهم واخر خيار لهم لإستمرار هيمنتهم في البلد..لذلك لمن يجي مواطن زي كبر يقول لمروجي الشرعية الزائفة حيرتونا..بتكون في مشكلة..مش؟
المشكلة ليست في البصير وحده ، وانما انت والأخرين الذين تريدون تمرير ان فعلا من واجب المجلس العسكري حماية البلد..يعني اول امبارح يطلب منه التصدي لقوات عسكرية قاعدة امام بيت صلاح قوش لأن المجلس هو الدولة ، وامبارح عضوية المجلس قامت بزيارة للسعودية (يعني المجلس هو رئيس الدولة السودانية الشرعي ويحق له تمثيل السودان في المحافل الدولية) ومنها بكرة المجلس العسكري يرقص فوق رؤوسنا لأنه نال الشرعية..وقعت ليك الفكرة يا عبد الله؟
تفاوض القوى والحرية مع المجلس العسكري منح المجلس الشرعية يا عبد الله..وهكذا هو حال النخبة السودانية (مدنية وعسكرية) تعرف متى تتحالف في وقت الضيق والمطبات الخطرة ..يعني المجلس يعترف بشرعية الحرية والتغيير وهي بالمقابل تعترف بشرعية المجلس..والبلد تعيش فراغ دستوري وامني الى ان تفرض هذه النخبة شروطها على المساكين الواقفين في الإعتصام والذين قدموا تضحيات كبيرة لا تعني النخبة السياسية سواءا كانت مجلس عسكري او معارضة سياسية..!
كنت ساهديك قصيدة امل دنقل (ابانا الذي في المباحث) ومؤكد ستجدها في مكان ما..واتمنى أن تقرأها وتربط بينها وبين استجداء المجلس العسكري الإنتقالي السوداني ومحاولة البعض لمنح المجلس شرعية لا يستحقها ولم يكتسبها برضاء الجماهير..!
كبر
|
Post: #31
Title: Re: تمرد في قلب الخرطوم !!!
Author: معاوية المدير
Date: 05-24-2019, 10:34 PM
Parent: #30
ههههههههههههههههه،
محمد علي البصير والصحاب الهنا، بالله إنتو قاعدين تناقشوا في كبر !!!.
دا زول فارغ ساكت لا مبدأ له أدوهو صنة بس باكر بتلقوهو قلب 180
درجة، سيبوا العولآق يتعولق وأمضوا في طريقكم ...
|
Post: #32
Title: Re: تمرد في قلب الخرطوم !!!
Author: محمد علي البصير
Date: 05-25-2019, 05:12 AM
Parent: #31
Quote: الأكرم كبر
تحياتي
الكتاب المقتبس عنك الكيزان الأصل ما بيكتوبهو!!!!!!!!!!!!!!!
|
أشكرك أستاذ عبد الشقليني
مع التحيات
|
Post: #33
Title: Re: تمرد في قلب الخرطوم !!!
Author: محمد علي البصير
Date: 05-25-2019, 05:13 AM
Parent: #32
Quote: كتب البصير:
Quote:
أين التريقة والإحتقار هنا ؟؟؟
التريقة هنا في قولك:
Quote:
هو بالله كبر دا بتاع قانون !!!!!!!!!!!!!!!
والله بموقفو دا وهو يدعم البلطجة غير أهل أبداً للعمل في هذا المجال ابداً
ويبقى السؤال: أين هي البلطجة التي دعمها كبر؟..وهل من يدعم البلطجة هو كبر ام محمد على البصير؟
نعم انت من يدعم البلطجة يا محمد علي البصير..كيف؟
لأنك تريد تثبيت شرعية المجلس العسكري الإنتقالي السوداني وذلك بان تجعل منه دولة مشروعة وتطالبه بالقيام بواجباته من حماية واعتقالات وحفظ امن..!
يعني استمرار شرعية المجلس العسكري كدولة كاملة الدسم و في هذا اهدار للثورة ومطالبها المشروعة في حكومة مدنية تقود فترة انتقالية تعقبها ديموقراطية..!
اذن يا صديقي البلطجة هي ديكتاتورية المجلس العسكري الذي يريد ان يفرض نفسه كدولة في السودان تمسك بكل السلطات (سيادية ، تشريعية ، تنفيذية ، وقضائية) والبلطجة هي تسويق ذلك للبسطاء والإيحاء بان المجلس العسكري هو حاميهم وحامي الأمن لذلك من حقهم ان يطالبوه بالحماية..أي اجماع سكوت لتثبيت شرعية المجلس العسكري..!
يعني لمن تجي يا البصير تفتح ليك خيط بعنوان (تمرد في الخرطوم) وتضرب طبول التخويف بالإنفلات الأمني ، فهذا تمرير لأجندة المجلس العسكري ومحاولة بائسة لترويج شرعية هذا المجلس.. مع العلم ان كل الأحداث الأمنية التي حدثت في الست واربعين يوم الماضية مارقة من دقنوس المجلس العسكري وهذه هي اداته في التصعيد والترويج لكسب مشروعية في وسط الجماهير: يعني يسوق روحو بانو مهم وممكن يحفظ الأمن..والأنكي هناك جماهير ممكن تطالبوا بحفظ الأمن وكده..!!
كبر |
شكراً أستاذ كبر
مع التحيات
|
Post: #34
Title: Re: تمرد في قلب الخرطوم !!!
Author: محمد علي البصير
Date: 05-25-2019, 05:15 AM
Parent: #33
Quote: ههههههههههههههههه،
محمد علي البصير والصحاب الهنا، بالله إنتو قاعدين تناقشوا في كبر !!!.
دا زول فارغ ساكت لا مبدأ له أدوهو صنة بس باكر بتلقوهو قلب 180
درجة، سيبوا العولآق يتعولق وأمضوا في طريقكم ... |
تحياتي حبيبنا ود المدير
شرفت البوست
أعذرنا لو زعلناك
|
|