الثوار الآن على أعتاب القصر الجمهوري

11:55 AM January, 14 2019

سودانيز اون لاين
عمر التاج-KHT
مكتبتى
رابط مختصر

البوست أهديه للاخ احمد يس وآخرين من سودانيز وكل أهلنا الطيبين مع الاماني الطيبة

يا مسكين.

ياجدادة
البوست زي دا بفقد المنبر مصداقيته التي اكتسبها طوال سنين وسنين
تداخلي هنا رغم قراري بعدم التداخل مع الكيزان وامثالهم
تداخلي يعتبر بمثابة بلاغ لصاحب الحوش بحذف البوست

........
والقصر الشايفو بعيد دا اقرب للثوار من حبل الوريد انتظر وسترى

خليهو يتداعى.

ياها مقدراتو من يومو القال غرينتش طويل أخوانو.

الاخ عمر التاج .. سلامات

في بوست لك الان عن تحركات للحركات المسلحة من دنقلا او ليبيا او نحوه...

بالتاكيد خبرك في ذلك البوست خطأ وغلط ومكذوب ولا اساس له من الصحة .. بدلالة عدم تاكيدك للخبر بأي مصدر او جهة

شفت الاخوة طالبوك بمصدر او اثبات ورواغت ولم تجب بزعم الاحتفاظ بمصادرك

خصوصية المصادر دي يا اخ عمر التاج بتكون اذا كنت وكالة انباء او صحيفة او صحفي او جهة اعلامية لها وجودها
لكنك مجرد باسسورد في سودانيز اونلاين اللي هو منبر خاضع لسيادة وقوانين شخص فرد..

حجتك ضعيفة..
ورغم كل الدلائل والتاكيدات بفبركة خبرك وضرره وضرر انتشاره وتبنيه على الثوار بالداخل من الاخوة الزملاء المتداخلين لكنك لسه بتلاوي وتقاوت..

وجيت كمان فاتح بوست ابشع من الاول ..

فيآخي يا بطل مكاواة وملاواة
يا كمان اتخندق في خندقك مع الجداد الالكتروني واعلاميي غفلة الكيزان ..
واهو الرزيقي والطاهر التوم والبلال وكتر .. عاجباهم الشغلة ولا داسنها

وتذكر دوماً ...
انها سقطت تب #

ياتاج لا وريت الأخوان مصدر المعلومة الهامة الجبتها بعد ان رجح عدم دقتها ..
والآن قلت الثوار على أعتاب القصر الجمهوري ..
هل خلاص سيتم اقتحام القصر الجمهوري ولا كلامك ده كيفنو ؟ ..
انت بتحرق مصداقيتك إن لم تجيب أجدلة صحتك كلامك ده ..

- ما من عادتي أفتح بوست غوغائي أو هتافي مثل هذا،
ولكني فتحت هذا البوست لأول وآخر مرة استجابة لكل من جادلني في بوست (فتوح ليبيا)
- وما من عادتي كذلك أدافع عن نفسي وبرضو في البوست ده ما بهمني رأي أي كائن في توجهي ،
أنا انسان حر افكر كما أشاء وأقول ما أشاء وقت ما أشاء باذن الله ، أناقش الأفكار لا الأشخاص
ولا انتظر الأجر من مخلوق ولا أحصل مقابل ما أكتب معروفا، ومن كان قد منحني شق تمرة فليأتي هنا ويقول أنا أعطيتك كذا يوم كذا ..
- كذلك لا أدعي بأني ملتزم بخط معين ولا أنساق وراء الهتافات والضجيج وأحاول أن أكتب فقط ما أكتب بموضوعية وتجرد ،
وكثيرا ما استبق الاحداث (البوستات أدناه شاهدة) لأقدم خليطا من القراءة الواقعية والمستقبلية لمن يرغب
- كذلك ما من عادتي اكتب بوستات طويلة ولا أحبذ متابعة أو التداخل في البوستات الطويلة ،
في أغلب بوستاتي أكتفي برسالة بسيطة أرسلها في البوست لمن أحسبهم ثم اتوجه لبوست غيره
ولكن من غير العادة سافرغ بعضا من وقتي للرد على هذا أي مداخلة هنا وان صار البوست منبرا ..
و باختصار شديد هذه كل البوستات التي كتبتها منذ بداية هذه الثورة،
أضعها كلها في بوست واحد عسى ولعل أن يأتي الأغبياء والتافهون والاشباح القميئة
الذين قالوا اني عميل وجداد وكلام فارغ وتلج ، ويكونوا موضوعيين ويختاروا أي بوست من هذه ، لنعيد فيه ما فاتكهم من نقاش
1- عاجل قطر على الخط
2- مصر على الخط
3- الصحافة السعودية على خط الثورة
4- ليبيا على الخط
5- معتز يكشف عن قيادات رفيعة تتاجر في العملة
6- الحركة الاسلامية قد تتبرأ من البشير
7- البشير يعين لواء أمن مديرا للاتصالات
8- أمام البشير خياران لا ثالث لهما
9- البشير وبشار ورأس الحية
10- لو كنت المسؤول
11- استطلاع، هل تؤيد التدخل الدولي في السودان لحماية المتظاهرين
12- الجيش معذور
13- خلية عبد الواحد التابعة لجهاز الأمن
14- ولكم في القصاص حياة
15- قوات أممية في قلب الخرطوم
16- البشير يصدر قرارا جمهوريا بتشكيل لجنة تقصي في الاحداث
17- عمر البشير ينضم للثورة
18- شهادة بحث عقار مساحته 50 مليون متر مربع باسم نافذ انقاذي
19- يا جماعة تفتكروا الثورة حتى الان ناجحة بنسبة كم؟
20- احتجاجات السودان، لماذا هذا الصمت العربي والدولي
21- صور ومعلومات غريبة عن أجمل فتاة في الكون مرتين (2006 و 2018 )
22- أنفع رئيس ولا أنفع؟
23- الجنجويد مالاقين شغل
24- مسيرة الاربعاء بالساحة الخضراء، هل ينقلب السحر على الساحر
25- الطريق الى القصر
26- حشود البشير وسقوط الخرطوم
27- أنباء عن مشاركة حزب الامة بزعامة الصادق المهدي في مظاهرات الغد بامدرمان
28- كتائب الظل، ميزانية الظل ، حكومة الظل، مكانا وين؟
29- ثار الشعب ، ورقص البشير ، وفرحت وداد
30- المرحلة التالية ، والأخيرة
31- أقصر خطبة جمعة في تاريخ السودان
32- الشعبي: ما من الرجالة نقفز من السفينة
33- الدولار يعاود الصعود مجددا امام الجنيه السوداني
34- احدى سيارات الامن تحاول دهس المتظاهرين
35-



يمكن للجداد والقمل والقراد أن يبلغ تحت هنا
عن رابط لا يعمل

..
..
ابتدأ

ههههها اتا زعلتا ياجدادة
ول شنو
عموما بوستاتك دي كلها ما نفتح فيها ول واحد
ياخ نحن فاضين كمان
بس دي كلها بتاكد حاجة واحدة لكترتا
انك جدادة متفرغة
واحتمال كمان قاعد تدي الباصورد شدات لجدادت تانية
انت لست جدادة فقط
ولكن جدادات
......
اعصابك يا كوز الكتروني

انت بالذات يا عبد المنعم غير مرحب بيك في البوست ده، عارف ليه؟
اولا لأنك بتخجل، مش انت الخجلت لي قبل كده هههه،
ثانيا لانه المثل بقول البباري الجداد بوديهو الكوشة، وانت يا ريت لو مباري الجداد، انت مباري القراد يا اخي.
القرادة الإلكترونية أو الشبح المدعو حاتم بتاع التكتيك هههه، لن تنفعك تكاتيكك هنا، ولا نبذاتك ال٩٩، اختر اي بوست وقول انا عايز اناقش في كذا وكذا..
ومرحبا بقملك، اقصد قلمك.
بقية الشباب مرحبا والله ونورتونا، حا نرجع ليكم.
الحديث عن الثوار على أعتاب القصر، هي فعلا حقيقة، الثورة لم يتبق لها غير الدخول بلا استئذان، ومثل هذه البوستات التشجيعية هي خط المنبر الان،
ولكن الحذر للثوار، اي تأخير أو الطرق على الأبواب و انتظار فتحها يعني ١٠٠ خطوة للخلف، الطرق الذي نعرفه يكون للحديد وهو ساخن.

Quote: ههههها اتا زعلتا ياجدادة ول شنو عموما بوستاتك دي كلها ما نفتح فيها ول واحد ياخ نحن فاضين كمان بس دي كلها بتاكد حاجة واحدة لكترتا انك جدادة متفرغة واحتمال كمان قاعد تدي الباصورد شدات لجدادت تانية انت لست جدادة فقط ولكن جدادات ...... اعصابك يا كوز الكتروني

بالله يا عبد المنعم وديه لسته جلال أو كلم عارف يضيفوا ...
ما شايف اسموا بي هناك ...
احتسب يا عمر سبقوك فطاحله يربوا عددهم علي الــ 48

إنت يا عمر بالغتا أعتاب دي شنو كان تقول سيــ أو قد خليك حريف ياخ...

لكم حذرنا من هذا المتلون

ياسر احمد، وأياك أعني بالاهداء فوق، لأنك شبكتني مرتين بقولك لي (كلامك فيهو تخذيل للثوار)، واهو ده البوست الفيهو التشجيع والهاتف الانت عايزو، يلا اهتف.
بس حبيت انبهك وكل الثوار، الزول لما يكون موضوعي ما بنجر وراء الهتافات وبوسات البشريات وبس، أهلنا بقولوا اسمع كلام الببكيك وماتسمع كلام البضحكك، وانا بوستات فيها البضحكك والببكي، ولكن ينقصها القارئ الذكي، يعني مثلا البوست الانت شايفو مخزل أشر عليهو بوضوح، وتعال نناقشك فيهو عشان اثبت ليك انو قرايتك السابقة كانت ساذجة ولا تستوعب مابين السطور، وبعدين كتاباتي مافيها تلوين، يا ابيض يا اسود، الحاجة المقنع بيها بقولها وماعندي صغير ولا كبير، انت بس خت الرحمن في قلبك وقول أين هي الألوان التي تغشي بصرك وحانزيلها بكل هدوء،
يا محمد حمزة، مثلي لا يصنف هههه
وبعدين بوستات فيها غبائن اعتبرها مجرد ضياع زمن، يا اخي البني آدم عمرو كم عشان يضيعوا في داك سوى وداك فعل، اسه زي المغفلين البقولوا الثورة حقتنا برانا ديل، مش لو عندهم طايوق كانو اجتهدوا وضموا اكبر قدر من الناس والأفكار وبعد ما يستلموها يقولوا للناس انتو مامعانا؟، يا اخي البشير اول امس في حشده في الساحة الخضراء جاب المعارضين بتاعين قبل هبة ٢٠١٣ زاتهم عشان يخاطبوا مسيرة نصرته، في غباء ثوري أكثر من كده؟

الأخوة حيدر وعاطف، حبابكم
نفترض انا جبت بوست وطلع مضروب
هل في داعي لكل الشتائم وقلة الأدب ألفي البوست داك
كدي احصر لي في كم بوست ماعنده مصادر في المنبر ده،
ولا ديك ثوريات وداك ديكي، الديك الينقر رصينكم الفاضيات ديل
وبعدين انا جبت كلام من مصدر اثق فيه انه في حشود لقوات حفتر، بمشاركة العدل والمساواة على الحدود السودانية الليبيبة، وقوات الدعم السريع خرجت من امدرمان على طريق دنقلا لكي تستطلع الأمر، ده الخبر الجاب كثافة الناس ومصرين يعرفوا حتى المصادر الشخصية، يا اخي في كتابات علمية في المنبر ده انفتحت ليها بوستات بدون مصادر، وثانيا انا مقتنع بحق اي زول يشكك في خبري أو مصادري، ومن حقي اقتنع بها أو اكذبها احيانا، وإذا في واحد شاطر في المنبر ده حقوا يجيب الحدود فاضية ولا يقول قوات العدل زاتها ما موجودة في ليبيا أو ماعندها علاقة بحفتر،. ما مشكلة كل زول يقول الحاجة المقتنع بيها والقاري بين مصدق ومكذب.
النداء الأخير للشبح، ظاهر البوست خير لك من باطنه، زول عنده باسوورد البخليهو يتخفي ويكتب تحت شنو، ياها زاتها من خلي شبوحيته قلت فلوحيته ههه، خليك حريف، لو كترت الهضربة تحت بتتمسح بجرة قلم.

يا عمر القصد تحفيز الناس بالذات في الايام دي لان الناس متوترة

Quote: يا عمر القصد تحفيز الناس بالذات في الايام دي لان الناس متوترة

قصدك التكتيك المرحلي موش

Quote: القصد تحفيز الناس بالذات في الايام دي لان الناس متوترة

يلا بعد ما حفزنا الناس نسمعهم الكلام الببكيهم، ومع احترامي لتجمع المهنيين، وكل كيانات الثورة الادت ادورها بنجاح كبير حتى الآن، أقول التالي...
الثورة ليست نزهة لطيفة، وسلمية الثورة مجرد مرحلة ابتدائية يصعب الوصول لنهايتها اذا كانت على السلم الجديد ،وذلك لان اي ثائر وان طال باله وقوي ايمانه سينفد صبره من السلمية اذا طال امدها كما نفد صبره من السكات فهتف، البني آدم عنده حدود لصبره، والسوداني بالذات دمه حار ولن ينظر لقاتله وهو يقتطعه جزءا جزءا، و الثورة ان لم تستعجل حشدها الحاشد ستدخل المرحلة الثانوية، مع العلم ان اي نظام اذا لم يجهز عليه في مهد طغيانه فلن يقدر عليه إذا اخرج اسلحته القذرة، الكيزان اعرفهم حق معرفتي بالناس، وعندما قتلوا ٢٠٠ روح مسالمة من قبل لم يهتز لهم قلب أو تدخلهم تقوى، وعندما قتلوا آلاف في دارفور ومثلهم في الجنوب كان المجتمع الدولي يحاصرهم وينتظر عذابهم.
الان البشير في عز جبروته يختزن دكتاتوريته يفوق بها مبارك الذي قتل ١٥٠٠ ثائر، ويفوق السيسي الذي قتل ١٥٠٠ مواطن في يوم واحد، والكتائب التي عناها على عثمان والفاتح وغيرهم ما زال سيفها في غمدها، والمرتزقة الأجانب متعطشون ليجربوا اخر تقنياتهم الخبيثة، وهم يعلمون ان المجتمع الدولي - حتى الان- قد اعطي النظام تصريحا كاملا لتدمير البلاد وابادة العباد مقابل خدمات يؤديها.
ألا هل بلغت، ألا هل بلغت، اللهم فاشهد،
طيب الحل شنو؟
١- الرجوع لبداية المداخلة.
٢- سنعطيها من يطلبها.

يا عمر التاج
تجمع المهنيين وقوى المعارضة المتحالفة معه في الشارع
لديها منفستو كامل لمسار الثورة ووثائق منشورة مثل : وثيقة الخلاص الوطني
يا زول دا شغل تراكمي عمره 30 سنة.. عشان كدا كلامك بتاع ثم ماذا بعد (تمت الإجابه عليه)
شوف ليك موضوع تاني
لازلت في إنتظار تفسير منطقي لخبر (ليبا في الخط)
حتى إذا نجرت الخبر من راسك (الدوافع شنو)
حقك أن تحتفظ بي مصادرك
وحقنا أن نضعك في نفس مكان ودالباوقة وصلاح غريبة

Quote: كلامك بتاع ثم ماذا بعد (تمت الإجابه عليه)

الإجابة عليهو شنو يا عبد العظيم، الخطوات الجاية شنو عشان ننفذ بس#
طالما انت عضو في تجمع المهنيين وزول مهم لدرجة انك ممكن بجرة قلم تصنف الزول انه معاكم أو مع الخيانة، حقو تتبرع للثوار اللافين في الشارع ساكت وماعندهم تواصل مع لجنة أو كيان، حقو تقول لينا المرحلة الجاية المعروفة دي شنو؟ وإذا ادعيت انك زول صفوة وحا تدخر المعلومة لنفسك فاعلم انك زول ساكت، وتعال اقيف في الصف و نظر للمرحلة الجاية زينا كده.

يا زول انا لا صفوة ولا شئ
انت فاتح ليك بوست وتشكك في الثورة وأنها بلا مستقبل
وماعندها برنامج وبتسأل أسئلة دا ما وقتها
الوقت الآن وكت مقاومة وثورة، بي جنس اسئلتك دي انت قايل حتفرمل الثورة أو تشتت الثوار (غيرك كان أشطر)
بالمناسبة انا ما صنفتك مع ود الباوقة وصلاح غريبة، دا إنت عملته بي يدك
وبوستاتك هي الختتك في القفص مع رفاقتك
في إنتظار تفسيرك للخبر المنجور عن هجوم حركة العدل والمساواة وقوات ليبية
شفت ما تجيب تفسير ومصدر للكلام دا.. إنت عندي جدادة إلكترونية (حتى تثبت العكس)

ما حصل تداخلت مع هذا المشبوه اطلاقا!

قاطعوهو!

ولا أنا حصل الشرف والله يا بشاشا
بتذكر بس في بدايات تسجيلي للمنبر جيت انت واتشاكلت مع واحد تاني في واحد من بوستاتي
وقلت كمية من فاحش القول لامن اتدخل محسن خالد الله يطراه بالخير وقال لي زوغ من البوست ده
ومن يوم داك ما اتلاقينا .. ياه زمن يا صاحب حاتم .
بالمناسبة يا عزيزي القارئ ، الخموم البهضربوا في بوست ديل اغلبهم مادخلوا البوست ده الا مناصرين للشبح حاتم ،
يعني مجرد تبعية ومواقف معروفة ، فضل دينق وتتم الناقصة ..
البعض عنده مواقف سابقة معي زي الشبح حاتم ومنعم الخجل لي ، والصادقين نحن نعرفهم بصدقهم ونرد عليهم
والعايز يناقش بالمنطق مرحبا به، وأهو اختصرنا لكم الطريق وجبنا ليكم كل البوستات قدامكم

Quote: يا زول انا لا صفوة ولا شئ انت فاتح ليك بوست وتشكك في الثورة وأنها بلا مستقبل وماعندها برنامج وبتسأل أسئلة دا ما وقتها الوقت الآن وكت مقاومة وثورة، بي جنس اسئلتك دي انت قايل حتفرمل الثورة أو تشتت الثوار (غيرك كان أشطر) بالمناسبة انا ما صنفتك مع ود الباوقة وصلاح غريبة، دا إنت عملته بي يدك وبوستاتك هي الختتك في القفص مع رفاقتك

انت بعظمة كيبوردك قلت الخطوة الجاية معروفة
ولما سألناك عن الشئ المعروف طلعت ما عارفو يا عبد العظيم
معناتو ما في حاجة لي بكره معروفة ، على الأقل بالنسبة لك وبالنسبة لي
طيب تاني الفصاحة ليك شنو وأصنفك وأطلع روحك فوق كم؟
فرقك شنو من الشبح حاتم البنكت تحت ده ،
ماياكا نصيره من يوم معروف وماهر وهلم جرا، وكلامك كله كان عن الخسوسية
اسه الخسوسية دي بقت لك حارة وقت قلنا ليك عندنا مصادر خاصة ، يا بتاع الخسوسية
لا وكمان أنت وبشاشا شغالين بتصنفوا ، لا والله الثورة كان منتظراكم واطاتا أصبحت
الثورة عندها رجالها يا باشة ويا بشاشا ، ولما نتقابل وجه لوجه حاتعرفوا مين هم رجال الثورة
ثم ثانيا بوستاتي القلت بتصنفني هدي قدامك ، كم وتلاتين بوست من مابدأت الثوره
وروني انت وحاتم وبشاشا كتبتو شنو عن الثورة وفي الثوره ،غير فيديوهات الناس كلها شافتها في الفيس بوك قبل ما تدخل المنبر
الان الفرصة قدامك يا جدع, ألتقط القفاز وأمسك البوستات دي واحد واحد وقول لي انت وقفت ضد الثوره في الحتة دي
يلا فكر وما اظنك بتفكر لو بتفتكر أنو الثورة بتفرملها الأسئلة.
نرجع للجد، أنا ما عندي أي حزب أو تنظيم بفرض علي رأي أو قرار
وحتى لجان الثورة ما عندي معاها أي تنسيق وما عندي الرغبة أنسق مع أي كيان في الوقت الحالي
بناضل وبثور بي طريقتي الانت شايفها دي، ويوم ما تمسك انت وبشاشا السلطة -كان ربنا مد في العمر-
حاتلقوني واقف في حلقومكم وتاني حا أكتب لامن تسقط
ويكون في علمك ، أنا الآن بكتب عشان تسقط الحكومة دي
ومن اسه بعلن معارضتي للحكومة الجاية برضو
لاني قاري الوضع وعارف أنه الفترة الجاية هي فترة السباق على السلطة
وسأكون بالمرصاد لكل من طلب السلطة وهو لا يستحقها
موضوع فتح ليبيا ده حقو تصبر عليهو شوية
وكان ماكل فيك جنبه أمش اجتهد وأسأل الناس العايشين هناك، أو على الأقل فتش في النت ، صعبة دي؟
أسه أنا قوقلت في مجموعات وطلعت بخبرين ناقلين قريب من كلامي ده ، وقريب من زمني كمان ، يلا اجتهد أنت وكمل المعلومة أو حللها
أها وأزيدك بيت شعر، صباح اليوم انسحبت كمية من القوات الليبية مدعمة بقوات جبريل من داخل الحدود السودانية إلى داخل ليبيا

من فاحش القول؟

المندس، فاحش قول زي شنو مثلا، ثم مضحك مفردة فاحش من خشم واحد مشبوه زيك، من ادوات نظام الفسقة مما سجلتا هنا!

عندك وش تسوي فاحش كمان يامندس؟

اها لما نختها علي بلاطة في توصيف افعال امثالك، فهل هذا فاحش قول برضو؟


فاحش السلوك من الشخصيات الفاحشة توصف بمفردات قطع شك فاحشة، فالغلط وين يا فاحش؟

بشاشا انت البديت في البوست ده وكذبت قلت ما حصل اتداخلت معاي
وأنا قلت ليك اتداخلت بكلام فاحش اتذكره جيدا ، وجهت كلامك في بوستي لواحد اسمه مين كده عبد الفتاح
اذا عايز تقيم كلامك ابحثه في قوقل واستغفر لربك
وبعدين أنا ما مشبوه، لو عايز تقابلني بكتب ليك عنواني هنا تشرف وقت ما عايز
لكن المشبوه صاحبك الشبح العامل ليهو خمسة أسماء مستعارة في موقعين اسفيريين
ولو شاطر امش اعرف هو منو وشغال شنو ، وماشي بعيد ليه شوف موقفه من الثوره في المنبر ده
وبوستاتي القدامك دي فلفلها كويس وتعال غالط فيها زي ما عايز
نحن ما بنحجر على رأي أحد وما عندنا إرهاب فكري ضد أحد
أي زول حر في رأيه واعتقاده واعتناقه
ونؤمن بأن من أشراط أي ثوره الالتفاف حول الهدف المشترك وهو اسقاط النظام
مش التنفير والعوارة من شاكلة انت مشبوه وانت حرامي وما بنقبل بيك
الكلام ده قولوا بعد ما تنجز ثورتك وتأدي قسمك وزير ولا مدير جهاز،
وفي الوقت داك تعال اعتقلني وأتهمني وحقق معاي زي ما انت عايز
وهيهات تجدني بكسر ليك تلج ولا استعطفك ، حاشا وكلا وكل زول يجيب العندو

وين المناضل الجسور محمد البشري الخدر من الاكشن ده
____
الجابو العيش من القضارف مع الجمل طلعو كتار خلاض
تجيبو العيش تجيبو بنقو تجيبو مريسة تام زينو
قرودية و جدودية حاتم لا تختلف فيها قملتين
و تبرك بس