1940 - 2000إذاعة امدرمان كانت مكان للعطالي من اولاد امدرمانفي حكايات سطحية عن شخصيات عادية حولها الي أساطير.. نفخ ساي من عندهم لقوا الجو فاضي وكانت الإذاعة الوسيلة الوحيدة لنشر الوعي.. نشروا نمط غنائ واحد.. ضيعوا فرصة عظيمة في بناء القومية السودانية وضيعوا فرصة كبيرة كان يمكن أن تؤثر الإذاعة وتحث السودانين على بناء دولة كبيرة اعتمادا على الموارد الهائلة ولكنهم قدونا بي حكايات ود نفاش وبي اغنية '' أنا امدرمان ''كان بالإمكان أفضل مما كان، ولكنه الخمول الذهني وفقر الإبداع وضيق الأفق ما جعل أن التأثير للإذاعة لا يتعدى نشر حقيبةا لفن وحكايات ود نفاش. . بعد ظهور الإنترنت وظهور وسائط اخري تتعدى الإذاعة والتلفزيون، توفرت للسودانين منصات إعلامية أخرى أكثر تفاعلا وأكثر تطورا، ولا تزال الإذاعة تبث حركة الطيران من مطار الخرطوم ولاتزال بعض الفضائيات التي تدار بنفس العقلية التي كانت تدير الإذاعة تنشر برامج مثل ما يطلبه المستمعون ونشر رسائل المغتربين.. وغير قادرين على الإبتكار وتقديم ما ينهض بالسودان... يتبع
Post: #2 Title: Re: اولاد أدرمان ضيعوا 60 عام على السودان Author: اسامه العريفي Date: 11-26-2018, 01:40 PM Parent: #1
كدي قي البداية عدل عنوانك ده
Post: #23 Title: Re: اولاد أدرمان ضيعوا 60 عام على السودان Author: عبدالعظيم عثمان Date: 11-26-2018, 06:27 PM Parent: #2
Quote: كدي قي البداية عدل عنوانك ده
أبشر سقط حرف سهوا ولكن هم سقطوا 60 سنة من عمر السودان
Post: #3 Title: Re: اولاد أدرمان ضيعوا 60 عام على السودان Author: حاتم إبراهيم Date: 11-26-2018, 01:55 PM Parent: #1
تعرف يا عبد العظيم الإذاعة في بدايتها كانت معقل لقبيلة واحدة لدرجة أنهم في بدايات التسمية اقترحوا يسموها باسم القبيلة ذاتها.
Post: #4 Title: Re: اولاد أدرمان ضيعوا 60 عام على السودان Author: حاتم إبراهيم Date: 11-26-2018, 02:02 PM Parent: #1
عدم الفكرة خلاهم يسموا برنامج حقيبة الفن على حاوية الاسطوانات.
___ شنطة حديد بطبلة.
Post: #5 Title: Re: اولاد أدرمان ضيعوا 60 عام على السودان Author: أحمد الشايقي Date: 11-26-2018, 02:45 PM Parent: #4
شكرا يا رفيع
.... نقـد تأصيلـي
Post: #6 Title: Re: اولاد أدرمان ضيعوا 60 عام على السودان Author: adil amin Date: 11-26-2018, 02:56 PM Parent: #5
فعلا صحوة وان جات متاخرة وهذه هي علمانية وشيوعية اولاد ام درمان الضيعت السكة الحديد ومشروع الجزيرة الراحل صلاح احمد ابراهيم عن الخرطوم عاصمة الكعوك*...
تقول لي مثقفو الخرطوم كالصحراء لا تنبت فيها بذرة اخطات في التشبيه للصحراء في المساء روعة وبهرة وكانت الصحراء في ماضي الزمان شاعرا ذا قلم وقدرة لكنه استكان للخمول وللذبول واذل شعره فرط في خياله وما الخيال للصحرا ء الا الخضرة مثقفو الخرطوم قهوة ونومة وسهرة وسكرة تفحمني حلمك با هذا لقد اشبهتهم انت وهم في هجرة (ديوان بوق العاج منشورات دبي الثقافية ) ***
والشخصيات القومية التي يجب ان يحتفي بها الاعلام والاذاعة عبر العصور السيد عبدالرحمن المهدي= حزب الامة الاصل السيد علي الميرغني= حزب الشعب الديمقراطي الاستاذ محمود محمد طه=الحزب الجمهوري الدكتور جون قرنق \=الحركة الشعبية ديل اصحاب المشاريع الاستراتيجية من 1938 مؤتمر الخريجين ولحدي الليلة سيبك من متنطعين حسين خوجلي وايام لها ايقاع
Post: #7 Title: Re: اولاد أدرمان ضيعوا 60 عام على السودان Author: جمال ود القوز Date: 11-26-2018, 03:15 PM Parent: #6
مع خرطوميتي ميلاد ونشأة .. لكني شايف إنه الامر ده لزوم ما يلزم .. يعني لو مثلا كانت الاذاعة في الخرطوم .. مش كان الأكثرية المشغّلة ليها حتكون من الخرطوم ؟ .. وأكيد كان حتجيك نفس حكاوي شخصيات الخرطوم وأحياءه .. ناس أم در (القديمة) صحي شوية مزودين عبّارهم .. لكن تناول الأمر من الزاوية دي فيه اجحاف وشطط .. لكن أوافق على مبدأ كان بالإمكان أفضل مما كان ..
بيجوك ناس أم در بي كوكابهم ياعظمة ...
Post: #8 Title: Re: اولاد أدرمان ضيعوا 60 عام على السودان Author: محمد حيدر المشرف Date: 11-26-2018, 03:36 PM Parent: #7
Quote: يجوك ناس أم در بي كوكابهم ياعظمة .
لن يأتي احد امدرمان خارج قدرة التأثير الايجابي او السالب لما يشارف الثلاثة عقود الآن .. كمدينة وكفكرة على حد السواء .. ولقد وفرت "الانقاذ" مشكورة فرصة تامة لغيرامدرمان وابنائها في الحكم والاعلام والابداع وأخرجت أمدرمان من معادلات الوطن
المدهش حقا أنهم ما زالوا يلاحقون أمدرمان!!
كونوا بخير ابدعوا كما تريدون .. فقط اتمنى ان تطربوا لابداعكم لا أن تدمنوا غناء امدرمان كعادة سرية
Post: #12 Title: Re: اولاد أدرمان ضيعوا 60 عام على السودان Author: يحي قباني Date: 11-26-2018, 03:41 PM Parent: #8
هههههههههههههه
خلاص دفروك تفتح ( منشور ) تشتيتي عشان عمكم يجي و يشتت الكورة من زنقة الطاحونة الورط روحو فوقها ....
17 و نص ياخ ... هههههههه
انت بوست يني ما لو ؟
ود المشرف ... ما تقع في الفخ يا شفيف ... دي ( التكاتيك ) ههههههههههههههههههههههههه
Post: #28 Title: Re: اولاد أدرمان ضيعوا 60 عام على السودان Author: عبدالعظيم عثمان Date: 11-26-2018, 06:57 PM Parent: #8
Quote: لن يأتي احد امدرمان خارج قدرة التأثير الايجابي او السالب لما يشارف الثلاثة عقود الآن .. كمدينة وكفكرة على حد السواء .. ولقد وفرت "الانقاذ" مشكورة فرصة تامة لغيرامدرمان وابنائها في الحكم والاعلام والابداع وأخرجت أمدرمان من معادلات الوطن
المدهش حقا أنهم ما زالوا يلاحقون أمدرمان!!
كونوا بخير ابدعوا كما تريدون .. فقط اتمنى ان تطربوا لابداعكم لا أن تدمنوا غناء امدرمان كعادة سرية
زي حنس كلامك دا قالوا واحد من ناس أمدرمان (سموه براهم ظريف المدينة) وقت حدث إنقلاب الإنقاذ قال زمان اذا في مشكلة ما بتتحير تمشي ود نوباوي تتحلا لكن هسي تلم في حاج أيدام وين ( أبو نايل إيدام) وتلم في في أدم الطاهر وين بعدين الإنقاذ ي طلعت من ودنوباوي برعاية الصادق المهدي ولد أمدرمان
تطلب مننا نطرب لغير غناء أمدرمان كيف بس وبي وين بعد ما شوهت الإذاعة وجدان الناس السودانين محتاجين لي 160 سنة عشان يتخلصوا من رواسب إذاعة هنا أمدرمان
Post: #9 Title: Re: اولاد أدرمان ضيعوا 60 عام على السودان Author: محمد الأمين موسى Date: 11-26-2018, 03:38 PM Parent: #7
تعرف يا عبدالعظيم لقد كنت غاية في الحزن وأنا شاب أغادر السودان إلى المغرب عام 1984، ولم يسبق لي أن رأيت بلدي غبيش أو ما جاورها من مناطق في التلفزيون، ولم أر أو أسمع أي نموذج لفنون بلادي (الجراري وكدنداية وحسيس وهاجوري والطنبور البحاري والغرابي وغيرها) في التلفزة أو الإذاعة، وحتى عندما يرد الحديث عن القبائل لا حس ولا خبر عن القبائل التي تعيش في المنطقة، ولا بنوع الغلط تسمع لهجة منطقتك في عمل درامي... بكل بساطة تحس باستشكال وجودي محزن. وكل ذلك ينعكس الآن في ضعف المعرفة بتنوع الثقافة السودانية، لأن الأنا تصبح الآخر. يحاول العاصميون تمثيل أدوار درامية عن ناس نيالا (الدهباية مثالا) فتخزلهم اللهجة والمعرفة بالثقافة الجوانية لأهل البلد: اللبس خطأ، إلقاء التحية خطأ، تبادل النظرات خطأ... والآن تجري محاولات لتقديم الآخر (أي تقديمنا نحن) ولكنها لا تختلف عن المحاولات التي يمكن أن يقوم بها الآخر الصيني ضمن سعيه لتقليد الثقافة السودانية: نسمع أغنية جراري ولا علاقة لها بالجراري كما نعرفه؛ تسمع محاولة للكرير وهي لا تشبهه لا في الشكل ولا في المحتوى ولا في الحمولة الثقافية.
Post: #29 Title: Re: اولاد أدرمان ضيعوا 60 عام على السودان Author: عبدالعظيم عثمان Date: 11-26-2018, 07:06 PM Parent: #9
Quote: تعرف يا عبدالعظيم لقد كنت غاية في الحزن وأنا شاب أغادر السودان إلى المغرب عام 1984، ولم يسبق لي أن رأيت بلدي غبيش أو ما جاورها من مناطق في التلفزيون، ولم أر أو أسمع أي نموذج لفنون بلادي (الجراري وكدنداية وحسيس وهاجوري والطنبور البحاري والغرابي وغيرها) في التلفزة أو الإذاعة، وحتى عندما يرد الحديث عن القبائل لا حس ولا خبر عن القبائل التي تعيش في المنطقة، ولا بنوع الغلط تسمع لهجة منطقتك في عمل درامي... بكل بساطة تحس باستشكال وجودي محزن. وكل ذلك ينعكس الآن في ضعف المعرفة بتنوع الثقافة السودانية، لأن الأنا تصبح الآخر. يحاول العاصميون تمثيل أدوار درامية عن ناس نيالا (الدهباية مثالا) فتخزلهم اللهجة والمعرفة بالثقافة الجوانية لأهل البلد: اللبس خطأ، إلقاء التحية خطأ، تبادل النظرات خطأ... والآن تجري محاولات لتقديم الآخر (أي تقديمنا نحن) ولكنها لا تختلف عن المحاولات التي يمكن أن يقوم بها الآخر الصيني ضمن سعيه لتقليد الثقافة السودانية: نسمع أغنية جراري ولا علاقة لها بالجراري كما نعرفه؛ تسمع محاولة للكرير وهي لا تشبهه لا في الشكل ولا في المحتوى ولا في الحمولة الثقافية.
مؤلم حقا يا محمد الأمين أن لا يري الناس أنفسهم في إعلامهم ويجبرون علي تبني ثقافة أخري بالقوة (أي كانت ناعمة أو غيرها) العطالي ديل كان ممكن يقوموا بدور كبير لخدمة البلد والثقافة السودانية لكنهم بلا فكر قوم أتت إليهم المؤسسات وحشوها بكلام الشارع وحكايات الأزقة وحاولوا يقولوا الناس في الكلام المهبب الشغالين ينشروا فيه ل 60 سنة وأتتهم ثورة المعلومات من حيث لا يدروا ولا أتوقع أن أحد يسمع أمدرمان اليوم
لقوا ليهم فرصه وضيعوها علينا وأضاعوا معها السودان
Post: #10 Title: Re: اولاد أدرمان ضيعوا 60 عام على السودان Author: سيف الدين محجوب Date: 11-26-2018, 03:40 PM Parent: #7
جمال يا حبيب فعلاً خرطومنا دي لو كانت الإذاعة ولا التلفزيون فيها كنا سوينا البدع ياما وياما طلعوا فطاحل من أندينا كما يقولون جد خرطومنا الجنوبي منبع الإبداع ما داير أذكر إسم معين لآنو لو بديت ما بقيف والناس دي بتتخلع ويكثر الإستغراب ( معقول دا من الخرطوم جنوب ؟؟؟؟ )
ديم سلك براهو ما ساهل ويا خرج من مبدعين ؟ غايتو الجماعة ديل قاموا من النوم ولقو الكوم وجاتم باردة وساقو فيها وسوونا مستمعين ومتلقين بس
Post: #19 Title: Re: اولاد أدرمان ضيعوا 60 عام على السودان Author: جمال ود القوز Date: 11-26-2018, 04:40 PM Parent: #10
Quote: ديم سلك براهو ما ساهل ويا خرج من مبدعين ؟
الله .. الله عليك ياسيفو ياغالي .. والله فعلا ديم سلك براهو كفاية في جنوب الخرطوم .. عالم جميل كثير الحراك والفاعلية .. ويكتظ بمبدعين لاتخطئهم عين .. وفي شتى المجالات .. فن .. كورة .. سياسة .. كل شيء .. الديم بصفة عامة غرب وشرق .. كان في حوجة لاذاعة لوحدة ..
الامدرمانيان المعتّقان مشرف وحبيبنا قبة .. برضكم جيتو بي كوكابكم وزعلانين .. ههههه .. والله انتو الاتنين أنا اتوقعتكم تجوا البوست ده .. أبيت أصرح بي أسماءكم استباقا فتقوموا ماتجوا .. لكن لم تخذلوني اصلا والله جيتكم دايرنها .. عشان الحكي الجميل والسرديات الأمدرمانية .. فليتكم تعودوا لنا بمزيد من الحكي الامدرماني الجميل .. فتثروا البوست وتسيّكوا عظمة ده في قبولو .. ولاتركنوا كثيرا لتأولات أهداف ومرامي البوست .. زي ماقال قباني لأنه ما بالضرورة يكون التأويل ده صحيح ... فتقوموا تفوّتوا علينا الكثير من الجمال الكأن ممكن .. وتمددات بوست موعود بالكثير الكثير ..
تقديري للجميع ..
يادكتور محمد برضو ناس الشمال القصي .. النوبيون كان في حوجة للمزيد من اذاعة قومية تمثلهم ... فهل لقوا ما كانوا يأملون ! .. وكذا باقي نواحي هذا القطر المترامي .. كان في حوجة للمزيد من التنقيب والبحث .. في تراثه وحكاوية وشخوصه وتقاليده وتراثه .. وزي ماقال عظمة كان في الإمكان أفضل مما كان .. ولاتنسى الشرق وحكاوي القاش والتاكا وقضروف سعد .. وثغر السودان بورتسودان .. والغرب القريب والقصي وتنوعاته الثره .. أأأأيييه نقول شنو ونخلي شنو !! ..
Post: #11 Title: Re: اولاد أدرمان ضيعوا 60 عام على السودان Author: عبدالعظيم عثمان Date: 11-26-2018, 03:41 PM Parent: #7
بعد 13 عام على إنطلاق الإذاعة إندلعت الحرب في الجنوب كل ما فعلته الإذاعة تخصيص ركن (ركن الجنوب) ولقلة إدراك القائمين على أمر الإذاعة، إفتكروا أن المشكلة خاصة بأبناء الجنوب، كان يمكن أن يتم تدارك الأمر حينها وان تلعب الإذاعة دورا أكبر في توحيد السودانين وبناء قومية سودانية واحدة وشعور قومي واحد ولكنهم إختاروا الترويج لثقافة واحدة اسموها (ثقافة أدرمان)
Post: #13 Title: Re: اولاد أدرمان ضيعوا 60 عام على السودان Author: عبدالعظيم عثمان Date: 11-26-2018, 04:03 PM Parent: #11
السودان بلد متنوع ومتعدد لايمكن أن تصب كل الناس في قالب ثقافي واحد وتحاول تفرضه على الناس بإستخدام الوسيلة الإعلامية '' الوحيدة'' وتتجاهل الثقافات الأخري وتقدم لينا ود ابو دليية وبت قضيم ود البصير وتمرر الثقافة الواحدة على مدرالساعة.. وتقسم البلد كلها بين الهلال والمريخ وطه حمدتو يتغزل بفريقي العرضة شمالها وجنوبها.. الأفق أضيق من خرم الإبرة (كان بالإمكان أفضل مما كان)
Post: #14 Title: Re: اولاد أدرمان ضيعوا 60 عام على السودان Author: جلالدونا Date: 11-26-2018, 04:18 PM Parent: #13
واحدات يلدن و واحدات يحاكن والله صحى
Post: #15 Title: Re: اولاد أدرمان ضيعوا 60 عام على السودان Author: محمد البشرى الخضر Date: 11-26-2018, 04:27 PM Parent: #14
البوست دا يا عظمة وحاتم زي نكتة الأنصاري الفي الباص رفع كم الجلابية و ظهرات السكين و يحمّر لمولانا انصار السنة وقال يا المهدي الخلقتني ! كايسين ليكم مشاكل ساي
Post: #16 Title: Re: اولاد أدرمان ضيعوا 60 عام على السودان Author: Arif Nashed Date: 11-26-2018, 04:28 PM Parent: #14
ما الإذاعة براها مدرسة الدايات برضو في امدر ههههههههه
Post: #17 Title: Re: اولاد أدرمان ضيعوا 60 عام على السودان Author: جلالدونا Date: 11-26-2018, 04:30 PM Parent: #16
و السلخانة برضو يا عارف
Post: #26 Title: Re: اولاد أدرمان ضيعوا 60 عام على السودان Author: عبدالعظيم عثمان Date: 11-26-2018, 06:47 PM Parent: #7
Quote: ناس أم در (القديمة) صحي شوية مزودين عبّارهم .. لكن تناول الأمر من الزاوية دي فيه اجحاف وشطط .. لكن أوافق على مبدأ كان بالإمكان أفضل مما كان ..
يا ود القوز مزودينا حبتين شنو ياخ ديل حمومها بالجردل ضيعوا زمن الناس بي قصص فطيرة لا بتضحك ولا حاجة يعني حتي الضحك عاوزينه يكون علي مقاس قصصهم البايخة المصيبة بيكونوا قايلين روحهم شفوت ومقرمين
Post: #25 Title: Re: اولاد أدرمان ضيعوا 60 عام على السودان Author: عبدالعظيم عثمان Date: 11-26-2018, 06:41 PM Parent: #6
Quote: تقول لي مثقفو الخرطوم كالصحراء لا تنبت فيها بذرة اخطات في التشبيه للصحراء في المساء روعة وبهرة وكانت الصحراء في ماضي الزمان شاعرا ذا قلم وقدرة لكنه استكان للخمول وللذبول واذل شعره فرط في خياله وما الخيال للصحرا ء الا الخضرة مثقفو الخرطوم قهوة ونومة وسهرة وسكرة تفحمني حلمك با هذا لقد اشبهتهم انت وهم في هجرة
الناس ديل يا عادل أمين بعد ما فاتو المصرين والخواجات لقوا نفسهم في السهلة وتحت يدهم مؤسسات عاوزة فكر ومفكرين مشوا إحتلوا الحيشان الثلاثة ورأسهم ضرب بقوا أي زول عاطل ممكن يجي يحكي أي قصة في الإذاعة عشان كدا قدونا بي حكاوي زقاقات أمدرمان وحكاية سوق أمردمان ودار الرياضة أمدرمان .. عاوزين يملوا زمن البرنامج بأي حاجة
Post: #24 Title: Re: اولاد أدرمان ضيعوا 60 عام على السودان Author: عبدالعظيم عثمان Date: 11-26-2018, 06:34 PM Parent: #5
Quote: شكرا يا رفيع
.... نقـد تأصيلـي
سلامات مولانا الشايقي يا رفيع الناس ديل قدونا الزمن دا كله وما كانوا قايلين حيكون في إنترنت إحتكروا الإذاعة ومسكوا بينا زمن في الفاضي
Post: #22 Title: Re: اولاد أدرمان ضيعوا 60 عام على السودان Author: عبدالعظيم عثمان Date: 11-26-2018, 06:24 PM Parent: #4
Quote: عدم الفكرة خلاهم يسموا برنامج حقيبة الفن على حاوية الاسطوانات.
تعرف يا حاتم بعض العطالي شغالين يحتفلوا بي زول سافر الأبيض عشان يمشي يشوف ليه مرا كتبوا عنها شعر أصحابه وهو ما مشي.. إضطر يمشي بعدهم ويعسكر في المدينة حتي مناسبة زواج في المدينة وكتب ليه قصيدة ورجع أمدرمان ثاني تخيل الزول دا ضيع وقته والمصيبة العطالي ديل يغطوا الرحلة المهببة دي ويقدموه في الإذاعة كواحد من العباقرة في شعر الحقيبة
مسكوا زمن بالناس علي الفاضي
Post: #18 Title: Re: اولاد أدرمان ضيعوا 60 عام على السودان Author: حاتم إبراهيم Date: 11-26-2018, 04:34 PM Parent: #1
العالم دي بقت أخلاقا في نخرتا يا ود البشرى. عالمهم صغير جدا، زي الشفع.
___ اتمنى والله أصادف واحد عنده وزن فيهم.
Post: #20 Title: Re: اولاد أدرمان ضيعوا 60 عام على السودان Author: يحي قباني Date: 11-26-2018, 04:58 PM Parent: #18
يا ود القوز يا جميل
معليش ياخوي
ام درمان ما هملت عشان نناقش أمورها و تاريخها مع الياي و مساعدو
قول ليهم تلقوها عند الغافل ...
الزول العيان ده الله يشفيو بس ... حالته اتاخرت جدا .. هههه
Post: #21 Title: Re: اولاد أدرمان ضيعوا 60 عام على السودان Author: علي دفع الله Date: 11-26-2018, 06:15 PM Parent: #20
قلنا الكلام دا زمان طلعونا متخلفين وبتوع ضهاري
اكذوبة ام درمان اثرت على اللحياة السياسية والثقافية وحتى الرياضية
وهمة كبييييرة اسما ام درمان
ثانكس عظمة
Post: #27 Title: Re: اولاد أدرمان ضيعوا 60 عام على السودان Author: منتصر عبد الباسط Date: 11-26-2018, 06:48 PM Parent: #21
الأنا أعرفو أن أهل أمدرمان والمشتغلين بالفن فيها خاصة الموسيقى والدراما من كل أنحاء السودان فلو ثمة مشكلة فهي في كل السودان وليست أم درمان وحدها العندو شي يضيف ويطرح ما عنده المواعين اصبحت ما تدي الدرب منذ أكثر من عشرة أعوام والتي هي في واجهة هذه الستين بتاعتك دي 60 وهي ما نعيشه الأن . فأين طرحك ورؤيتك لنستفيد مجرد تبخيص مجهودات الغير لا يصنع شيئا مفيدا..
Post: #30 Title: Re: اولاد أدرمان ضيعوا 60 عام على السودان Author: عبدالعظيم عثمان Date: 11-26-2018, 07:13 PM Parent: #27
Quote: هههههههههههههه
خلاص دفروك تفتح ( منشور ) تشتيتي عشان عمكم يجي و يشتت الكورة من زنقة الطاحونة الورط روحو فوقها ....
كلمتكم فوق .... الأفق عندهم أضيق من سم الخياط ياهو جاكم واحد واقع بي خشمو تشتيت مين والناس نايمين
Post: #31 Title: Re: اولاد أدرمان ضيعوا 60 عام على السودان Author: عبدالعظيم عثمان Date: 11-26-2018, 07:21 PM Parent: #30
Quote: البوست دا يا عظمة وحاتم زي نكتة الأنصاري الفي الباص رفع كم الجلابية و ظهرات السكين و يحمّر لمولانا انصار السنة وقال يا المهدي الخلقتني ! كايسين ليكم مشاكل ساي
يا ود البشري الناس ديل مساكين بينا زمن 60 سنة يسمعونا غناهم ويحكوا لينا حكاوي وقصص فطيرة ... لازم يقيفوا قدام المرايا ويجردوا الحساب ويشوفوا كانوا يعملوا شنو طوال سنوات الإذاعة هل كان ممكن السودان كله يشوف نفسه في الإذاعة أو لا أبدا ما كوس مشاكل ولا شيء
بعدين ناسك ديل تعبانين تعب الموت
Post: #33 Title: Re: اولاد أدرمان ضيعوا 60 عام على السودان Author: عبدالعظيم عثمان Date: 11-26-2018, 07:28 PM Parent: #31
Quote: قلنا الكلام دا زمان طلعونا متخلفين وبتوع ضهاري
اكذوبة ام درمان اثرت على اللحياة السياسية والثقافية وحتى الرياضية
وهمة كبييييرة اسما ام درمان
ثانكس عظمة
تعرف يا علي دفع الله الناس بالجد ما قادرين يستوعبوا كمية الأخطاء الكارثية والفرص الضيعوها علي البلد دي
صاحبك أبوبكر صالح وقت حمبك من موضوع هلال مريخ وليه المركزية والإحتكار حتي في الكورة والتشجيع أستخدموا الإذاعة في ترسيخ أن أي سوداني مفروض يا يشجع الهلال أو المريخ وبعدين يشوف قصة فريق مدينته أو قريته أو أي حاجة ثانية تخيل مايكرفون الإذاعة كان بيمشي دار الرياضة أمدرمان عشان ينقل بياخة رواد دار الرياضة وينقلها علي أساس أناها طرائف وهم بيصنعوا مؤثرين وأعلام في المجال الرياضي غصب عن أي زول
ديل عطالي ولقوا ليهم مؤسسة مؤثرة في الوقت داك وإتهجموا وما عرفوا يديروها لصالح البلد ..
Post: #32 Title: Re: اولاد أدرمان ضيعوا 60 عام على السودان Author: يحي قباني Date: 11-26-2018, 07:25 PM Parent: #30
عظمة مساعد الياي الوفي ههههههه
كدي خليك من ايّام سئ الذكر النميري
البلد تراها ماسكنها جماعتك ديل ليهم ٣٠ سنة و ما شايفلي زول من أمدرمان عنده اي سلطة او دور يا ربي ال٣٠ سنة ما كفاية تلحقوها من الضياع الضيعو ليها ولا. امدر
Post: #34 Title: Re: اولاد أدرمان ضيعوا 60 عام على السودان Author: عبدالعظيم عثمان Date: 11-26-2018, 07:37 PM Parent: #32
Quote: البلد تراها ماسكنها جماعتك ديل ليهم ٣٠ سنة و ما شايفلي زول من أمدرمان عنده اي سلطة او دور
جماعتي بين وين يا زول ( إنت خرفت ولا شنو) الترابي دا مرق من ودنوباوي وبرعاية وصال بت المهدي (يعني زولكم) كل الخوازيق من أمدرمان ... والكتل عبدالخالق محجوب من أمدرمان .. وعبدالخالق زاته من هناك ... بالجد يا قباني كان قدام أولاد أمدرمان فرصة تاريخية اذا شغلوا مخهم ونشروا الوعي عبر الإذاعة ولكنهم ما كانوا فاضي من حكايات موسي ود نفاش كدي إنت دا أفتح مخك وحاول تتخيل إذا الإذاعة السودانية كانت بتنشر في الوعي وضرورة حماية الشرعية الديمقراطية كان باقي ليك أولاد ود نوباوي عملوا إنقلاب مايو ولاكان بيت الصديق قام برعاية الأخوان الملسمين .. وما كان عبدالخالق محجوب مات
لكن مافي مشكلة انا لاقي ليك العذر (خايف مخك يكمل من كثرة التفكير)
بعدين أولاد أمدرمان ضيعوا علينا 60 سنة والكيزان 30 سنة ( بالله دي حالة)
Post: #36 Title: Re: اولاد أدرمان ضيعوا 60 عام على السودان Author: عبدالعظيم عثمان Date: 11-26-2018, 07:50 PM Parent: #34
يا منتصر المشكلة العطالي ديل حاصروا مياكرفون الإذاعة جوة الحوش، وما كان بيطلع الا الي دار الرياضة امدرمان ودا السبب الخلا اي مبدع في السودان يسافر ويجي امدرمان وىفتش ليه بيت عزابة (قصص كثيرة ومبدعين كتار) عملوا كدا.. كان الموضوع ممكن يتم بطرق أسهل بدل بهدلة المبدعين وتشردهم في حواري امدرمان.. معقولة بس
Post: #35 Title: Re: اولاد أدرمان ضيعوا 60 عام على السودان Author: تماضر الطاهر Date: 11-26-2018, 07:49 PM Parent: #32
Post: #37 Title: Re: اولاد أدرمان ضيعوا 60 عام على السودان Author: عبدالعظيم عثمان Date: 11-26-2018, 07:58 PM Parent: #35
المشكلة هسي نلقي لينا 60 سنة من وين تانى من وين نجيب ليكم ظروف عاشها السودان وكان يمكن أن ينطلق وينهض من وين نجيب ليكم مجتمع نقي خالي من الكراهية آمن متسامح متقبل لأي مشروع وطني ونسبج إجتماعي متماسك.. من وين نجيب ليكم 60 سنة تاني.. ضيعتوا علينا فرصة لن تتكرر، والعودة إلى المجتمع السوداني قبل 60 عام مستحيلة... عوقتونا يااخ... ألم يكن بينكم رجل رشيد لينيىر لكم الطريق موجها؟
Post: #39 Title: Re: اولاد أدرمان ضيعوا 60 عام على السودان Author: ABUHUSSEIN Date: 11-26-2018, 08:37 PM Parent: #37
صقر الجديان احرف من يصطاد الدبايب من إرتفاعات شاهقة لو دبيب اتحرك بجيه طاير و كف يمسكو يبهدلو و يخنقو ... كان معانا هنا واحد زي صقر الجديان دا لو كان موجود كان بعمل معاك البعملو صقر الجديان مع الدبيب .....
كنت قايلك (مداح) .... لكن لقيتك حاجة تانية (خالس) ...... لكن لمتين .... !!!!!!!
Post: #38 Title: Re: اولاد أمدرمان ضيعوا 60 عام على السودان Author: Amira Hussien Date: 11-26-2018, 08:13 PM Parent: #1
حرام ياناس ضياع الستين سنة تعلقوهو فى رقبة ناس امدرمان .......أحب امدرمان زمان وهسه ولى قدام
Post: #40 Title: Re: اولاد أمدرمان ضيعوا 60 عام على السودان Author: muntasir Date: 11-26-2018, 08:43 PM Parent: #38
سلام عبدالعظيم ما مشكلة بنسردب ليها لكن أخسم لينا تلاتين سنة الإنقاذ دي 😂
Post: #41 Title: Re: اولاد أمدرمان ضيعوا 60 عام على السودان Author: هاشم الحسن Date: 11-26-2018, 08:45 PM Parent: #1
يا عظمة تحيات مباركات؛ سأتفق معك أن السيرورة الاجتماعية والسياسية الراهنة قد تجاوزت النموذح الأمدرماني، وبالتالي أصبح من الضروري بل الحتمي تجاوز نموذجها الإعلامي التقليدي. وكلامك صحيح أن أم درمان وأولاد أم درمان قد تحكموا في مصير السودان طويلا. وسياسيا، فعلى الأقل للفترة ما بين (١٩٢٠ إلى ١٩٨٩) ومعلوم أنه قد كان فيها الصاح كما كان الخطأ. وأيضا؛ فصحيح أن تأثير أم درمان الثقافي والاجتماعي والسياسي لا يزال فاعلا وأن الاعلام القومي الصادر عن (جغرافيتها) لا يواكب التحولات ولا الضرورات إلا قليلا وببطء، (مع أن الإعلام المعني حكومي قومي، والحكومة الآن ليست أمدرمانية)
لكن السؤال هو: هل كان بالإمكان غير الذي كان؟
يعني؛ هل كان يمكن لأولاد وبنات سنار أو الفاشر أو غبيش أو الطينة أو كسلا أو مديسيسة أو مدني أو حوش بانقا وصراصر مثلا، أن يكونوا في موقع التأثير كما الذي أتيح لأمدرمان أو أن يصنعوا واقع السودان؟
قبل التلاحي، أين هو التحليل الضروري للشرط التاريخي والسياسي والاجتماعي والثقافي الذي جعل من أم درمان مصدرا للسلطة والثقافة والاعلام في السودان؟ أنت مثلا تقول عن دور أم درمان والإذاعة:
Quote: "كان بالإمكان أفضل مما كان، ولكنه الخمول الذهني وفقر الإبداع وضيق الأفق"
فهلا تفضلت بالشرح؟ مثلا: ما الذي كان بوسع الأمدرمانيين أن يفعلوه غير ما فعلوا وما حدث بالفعل؟ أعني ما هي الشروط (الموضوعية) التي لم يلتزموا بها أو اختاروا فتجاهلوها؟ ===== رغم كل المرارة في كلامك، أخشى أن عنوانك إنما يقول: إنك كنت قافل لفتوحك القومي على جوكر أمدرمان، ثم انخذلت جدا إذ لم يكن في يدها أي جوكر!!
Post: #42 Title: Re: اولاد أمدرمان ضيعوا 60 عام على السودان Author: محمد جمال الدين Date: 11-26-2018, 08:57 PM Parent: #41
متابعة.. وتحية وسلام
Post: #43 Title: Re: اولاد أمدرمان ضيعوا 60 عام على السودان Author: هاشم الحسن Date: 11-26-2018, 09:05 PM Parent: #42
(ما مشكلة بنسردب ليها).. هههها.. يا منص يا ود قلبا. ليك وحشة يا منتصر.. يعلم الله! وسلام وتحية كبيرة لمحمد جمال الدين.. تصدق كنت متذكرك وأنا بتداخل قبلك مباشرة. (ليس بالأمكان أحسن مما كان) :) ولّ كيف؟
Post: #44 Title: Re: اولاد أمدرمان ضيعوا 60 عام على السودان Author: محمد جمال الدين Date: 11-26-2018, 09:18 PM Parent: #43
Quote: وسلام وتحية كبيرة لمحمد جمال الدين.. تصدق كنت متذكرك وأنا بتداخل قبلك مباشرة. (ليس بالأمكان أحسن مما كان) :) ولّ كيف؟
والا لكان! .
القلوب شواهد والله.. والاله امون شاهد.. عارفك عارف😅 --- التحية لصاحب البوست وضيوفه الأكارم.. بالمتابعة "أعلاه" أعني بها انو الزول مستفيد لكن ما عنده شي يقوله!
Post: #45 Title: Re: اولاد أمدرمان ضيعوا 60 عام على السودان Author: محمد جمال الدين Date: 11-26-2018, 09:21 PM Parent: #44
لكن هاشم لازم يعمل غلاغل 😅
Post: #46 Title: Re: اولاد أمدرمان ضيعوا 60 عام على السودان Author: muntasir Date: 11-26-2018, 09:28 PM Parent: #44
سيدي الحسن الناس دي (بكاها رادي الدندهوب الغادي وأمدرمان تغني....) ما مشكلة خليل فرح منا ومن أندينا أهل البيت يا أبو هاشم الجزيري بقت مخازن وأولاد أمدرمان بقت مشاوي تعضي وتقوم
Post: #47 Title: Re: اولاد أمدرمان ضيعوا 60 عام على السودان Author: يحي قباني Date: 11-26-2018, 11:14 PM Parent: #46
ود ارو و مكي ... و البنّا خت الساس
اهداء لكل اهل السودان ... و اليايات لأ ... ههههه
Post: #48 Title: Re: اولاد أمدرمان ضيعوا 60 عام على السودان Author: محمد على طه الملك Date: 11-26-2018, 11:45 PM Parent: #47
سلامات عبد العظيم وزواره الأفاضل.. انتو كايسين ليكم دروة أو زي مابقولو شماعة.. غلط يا جماعة نبحث ونفسر اخفاقاتنا على أسس مناطقية أو جهوية أو اجتماعية.. امدرمان ما وقعت من السما.. ولا كانت متقوقعة داخل صدفة وظهرت قبل ستين سنة.. امدرمان مثلها مثل سائر السودان تعرضت للغزو والاضطهاد.. وفرض عليها كما فرض على سائر السودان ثقافة المستعمر.. حقو يكون السؤال شنو انعكاسات الأثر الثقافي الاستعماري خاصة التعليمي على النخب المتقدمة.. وهل له دور في وضعنا في ذيل الاعلام العربي ؟ بعدين انتو ناسين أثر التعليم النظامي الاستعماري ليه ؟ مش بدايته ( الكتاتيب ) مصري خديوي أزهري؟ طيب كنتو دايرين النتيجة تكون مختلفة كيف ؟ حقيقة نحن كهوامش ما كان عندنا تعليم ولا وعي كافي يؤهلنا للمنافسة .. ياها الخلاوى تعلم القرآن وتؤهل البعض ليفكون الخط.. لا وسائط تواصل ووسائل مواصلات كما الحال الآن.. تجعلنا منفتحين على أطراف السودان وما حولنا.. أهل العاصمة بحكم موقعهم المركزي اتيحت لهم فرص الاطلاع والتنوير الثقافي.. بس للاسف كان تنويرمرتبط بالمنافذ التي أتاحتها سياسات المستعمر.. قليلين الادركوا مبكرا من عشرينات القرن المنصرم .. وكتبوا منادين بأن يكون لنا أدب يعبر عن شخصيتنا الثقافية.. ناس أمدر لقو قدامهم هنا القاهرة وحاكوها لأنها كانت المتاح .. كتر خيرهم حاولو في حدود المستطاع سودنة المتاح في حدود معرفتهم ومحيطهم القريب.. يا جماعة السودان ما ابتعد كثير عن حاله في القرن الثامن عشر والتاسع عشر.. لا من حيث التطور الاجتماعي الجمعي ولا الاقتصادي ولا الثقافي .. عشان نمارس جلد الذات.. الظاهرة دي ذاتا دليل على اننا لم نبلغ شواطئ الوعي المعبر عن المصلحة الوطنية الجمعية.
Post: #49 Title: Re: اولاد أمدرمان ضيعوا 60 عام على السودان Author: منتصر عبد الباسط Date: 11-26-2018, 11:54 PM Parent: #48
عبد العظيم وصاحبو جداد الكتروني لا تنجروا معهم ويشغلوكم عن المواضيع الحيوية.
Post: #50 Title: Re: اولاد أمدرمان ضيعوا 60 عام على السودان Author: Asim Ali Date: 11-26-2018, 11:56 PM Parent: #47
ليه نحسب امدرمان وكانها شاذه عن الوطن ام درمان نموذج متقدم لما يجب ان يكون عليه السودان من تمازج وانصهار (سبيكه سودانيه خالصه عيار 24).. حتى المأخذعلى الاعلام بتجاوز الاطراف مابتصل لمستوى الادانه والتجريم بتضييع زمن ثقافى واجتماعى.
Post: #51 Title: Re: اولاد أمدرمان ضيعوا 60 عام على السودان Author: Khalid Basheer Date: 11-27-2018, 00:05 AM Parent: #50
سلام يا عبد العظيم...
Quote: اولاد أدرمان ضيعوا 60 عام على السودان
Quote: ضيعوا فرصة عظيمة في بناء القومية السودانية
يا عبد العظيم لا تسقط الانحطاط الذي نعاني منه طوال فترة عصابة الكيزان المجرمة (و أغلبهم إن لم يكونوا جميعهم ما من امدرمان) ، على مدينة ام درمان أو أي إخفاقات تاريخية سابقة ، تحتاج إلى نقد تاريخي موضوعي تستصحب فيه كل العوامل الاجتماعية و السياسية و الاقتصادية بقراءة عميقة ...تتجاوز حكاية امدرمان دي...لتدعم فرضياتك...لكن تعمم كدة ساي ...ما بتجي...دة شطط يا عظمة. هذه الفرضيات ـ إذا اعتبرناها كذلكـ ـ تتطلب توضيحها (في عضمها) فهي غير محكمة...ليه ؟ مثلا لانها لم تحدد و ما المقصود باولاد أمدرمان ؟ أولاد امدرمان كلهم ؟ من ولد في امدرمان و عاش فيها ؟ لحدي كم جد يعني ؟ من سكنها فقط ؟ و لا من كان منهم في منصب محدد و تسبب في "التضييع" ؟
Quote: إذاعة امدرمان كانت مكان للعطالي من اولاد امدرمان
طوالي تدعم المعلومة دي بالدلائل ...و تثبت انو الإذاعة كانت مكانا للعطالى ! أديك امثلة مختصرة جدا: عبد العزيز العميري ، محمد بشير عتيق ، أمينة عبد الرحيم عليهم رحمة الله ، ديل كلهم من قلب امدرمان و كلهم كانوا في إذاعة أمدرمان .... ولا واحد منهم كان عاطل .....!
Quote: وكانت الإذاعة الوسيلة الوحيدة لنشر الوعي
في أي فترة زمنية ؟ برضة لازم أدلة .... إذا كان تعريفك للوعي هنا يشمل الوعي المجتمعي كمعرفة تنظم سلوك المجتمع ، مثلا التعايش السلمي لأفراد المجتمع في حيز جغرافي (مدينة أمدرمان) فأمدرمان تمثل نموذجا رائعا للوعي المجتمعي لأنها ضمت إنسان السودان بمختلف إثنياته في مجتمع مدني متعايش. و بالتأكيد نشر الوعي لم يكن قصرا على إذاعة أمدرمان فقط......اقرا الكلام دة.... ((يجب على الشباب أن يقدموا أنفسهم للمجمتع السوداني ، ليس كجعليين أو شايقية...أو أي قبيلة أخرى. فقط عندما يتغلبوا على هذه المشاعر القبلية. يمكن أن يشعروا بوجودهم ووجود وطنهم ، و عندئذ فقط سيعملوا على نشر الشعور الوطني و الانتماء السوداني.)) ...الكلام دة نشر في مجلة الفجر حوالي سنة 1937 ...! فهل يحمل معاني الوعي بالقومية السودانبة و لا لا ؟ ...خالد الكد يرجح انو كاتب الكلام دة محمد عشري الصديق هو و أخوه عبد الله من مؤسسي جماعة الفجر في الموردة و الهاشماب.... الكلام دة في العشرينات يا عظمة. و مدرسة ابوروف كمان في العشرينات من تأسيس حسن و حسين الكد و كانوا يرفضون الطائفية. هذه الجماعات الثقافية مثال فقط لوجود قنوات للوعي عدا الإذاعة....بر ضو من امدرمان (يعني نعمل ليكم شنو ) ......................................................................................
Quote: اكذوبة ام درمان اثرت على اللحياة السياسية والثقافية وحتى الرياضية
يا علي.....شيل أكذوبة دي (شكلها خطأ مطبعي) بتلقى الجملة صحيحة ! .
Post: #52 Title: Re: اولاد أمدرمان ضيعوا 60 عام على السودان Author: يحي قباني Date: 11-27-2018, 00:37 AM Parent: #51
Quote: طوالي تدعم المعلومة دي بالدلائل ...و تثبت انو الإذاعة كانت مكانا للعطالى !
خالد بشير انت جادي ؟
ياخ دي عقد ساي من الياي و مساعدو ...
ما تنزعج ... دي ( تكاتيك ) ياخي هههههه
Post: #53 Title: Re: اولاد أمدرمان ضيعوا 60 عام على السودان Author: نادر الفضلى Date: 11-27-2018, 00:59 AM Parent: #47
مكرر الجابرى
Post: #54 Title: Re: اولاد أمدرمان ضيعوا 60 عام على السودان Author: نادر الفضلى Date: 11-27-2018, 01:18 AM Parent: #47
الأخ عبد العظيم وضيوفه سلام
البوست مكرر بعناوين تختلف ولو فتشنا سنلقى الأخ عبد العظيم عثمان له القدح المعلى فى فتح نفس حكوة أم ضبيبينة .. وقالوا المرة دى كمان الغرض فيه تشتيت ضفارى للكورة أو فلنقل تشتيت ضهارى للكورة. وفى كل مرة اللوم مردود
تاتى جينا لأمدرمان والعويل ورمى اللوم على أمدرمان وأولادها؟ ويظل زول الضهارى المقهور حافى ومتخلف ومهضوم الحقوق ومكبوت التراث ومهمش فنيا وإبداعيا .. وغير مسؤول عما حدث ويحدث بالسودان. ودا كلو وأبناء الضهارى منذ ما قبل الإستقلال وبعده سعى أولاد أمدرمان إليهم (لتنويرهم) بالتعليم تغربوا عن أمدرمان وعن مجتمعها الجميل (فى نظرهم). إبتعدوا عن أمدرمان بالليل (و(الخرطوم بالليل) وبكل حراكها الوطنى والسياسى والثقافى والإجتماعىى والفنى والرياضى من أجل تعليم وتنوير أهل الضهارى. ولسد الفراغ الوظيفى الحكومى ليس إيثارا بالوظائف ولكنها ضرورة إقتضتها المصلحة العامة ..
الإهتمام باالتعليم هو أساس النهوض بأى مجتمع والتنمية الإقتصادية. التعليم المجانى والداخلى من الإبتدائى وحتى الجامعى كان المستفيدون منه أبناء الضهارى .. ماذا فعلوا بعد تعليمهم وإعدادهم للنهوض بأقاليمهم؟ .. أبناء الضهارى أداروا ضهورهم لضهارىهم .. فما أبلغ مصطلح الضهارى هذا لم يعودوا لمواطنهم ومواطنيهم ليقودوا نهضتها ولكنهم قبعوا بالعاصمة .. الخرطوم طراوة والزول حلاوة .. فلاحة السفر لضهاريهم فى المناسبات الخاصة والأعياد
حسن الترابى وأتباعه أولاد ضهارى وتعمدوا أن يحكموا السودان بأولاد الضهارى بل وأن يقوموا بترييف العاصمة وتجريدها سماتها وهويتها فأصبحت ريفا ضخما .. لمدة ثلاثون عاما حكموا والنتيجة الأسوأ فى تاريخ البلاد والسقوط به فى هاوية سحيقة لا قاع لها .. وماذا فعلوا أين تأثيرهم وفى يدهم مفاتيح الإعلام والثقافة والمال والسلطة بل نهبوا وإغتنوا غنى فاحش، ماذا فعلوا ولا أسأل عن إصلاح السودان أو تنمية الريف .. بل عن تعميم نشر ثقافات وفنون الضهارى التى تشتكون أن أولاد أمدرمان وإذاعتهم هنا أمدرمان أهملتها .. ما زالت أغانى الحقيبة والأغنية الأمدرمانية بأنواعها وحقبها هى السائدة بل كانت عودة الشباب إليها للقديم .. وسيظل الفن الأصيل الجميل هو السائد وأكيد هنالك بعضه عند ناس الضهارى .. أمدرمان تذوقت وإستمتعت بما وصلها منه ولكنها ليست مسؤولية أبنائها الوصول إليه وترويجها وإن كانوا تبرعوا فى الماضى بذلك فى برامج مثل من ربوع السودان فالمسؤولية مسؤولية أبناء كل منطقة خاصة من تعلموا
أن تنشئ محطة خاصة إذاعية أو تلفزيونية فى كل أقليم أو مدينة ليس بالأمر العسير سواء مادياً أو فنياً فنصبح الشكاوى والعويل ورمى اللوم على أولاد أمدرمان لا معنى له (ربما حالة إدمان) .. ورونا همتكم وشطارتكم وأنشروا إلينا ما لديكم. وأخشى محطات الضهارى ستقجم عن مناطقها برامج التراث غناء ورقض، وفن حديث محلى بحظوظ ضئيلة لفنان فلتة لقلة المعروض، وينتهى الأمربالتركز على برامج الغناء الأمدرمانى وستظل أغانى الحقيبة خالدة وممتعة والغناء الأمدرمانى يفرض نفسه طوعاً
ومثلما جحا ظريف ظرفاء العرب عبر العصور .. سيظل موسى ود نفاش والهادى الضلالى وسينا ظرفاء حكاوى أمدرمان عبر الحقب لا يمل أولادها سماعاها مثلما لا يملون أعادة الإستماع لسرور و كرومة وإبراهيم عوض ومحمد أحمد عوضو وترباس وزيدان وغيرهم
وزى ما قال قبانى العارف عزو مستريح .. إنكريوا ورونا عزكم .. وفكونا من اللا موضوع يرحمكم الله
Post: #55 Title: Re: اولاد أمدرمان ضيعوا 60 عام على السودان Author: adil amin Date: 11-27-2018, 03:51 AM Parent: #54
Quote: صقر الجديان احرف من يصطاد الدبايب من إرتفاعات شاهقة لو دبيب اتحرك بجيه طاير و كف يمسكو يبهدلو و يخنقو ... كان معانا هنا واحد زي صقر الجديان دا لو كان موجود كان بعمل معاك البعملو صقر الجديان مع الدبيب .....
كنت قايلك (مداح) .... لكن لقيتك حاجة تانية (خالس) ...... لكن لمتين .... !!
القصة اذاعة بس ....القصة الناس البتمشي مصر وتجي تلهث في السودان والقصة المركز وقاطنيه ولقو مدسرة وادي سيدنا واتعلمو العلم الذى لا ينقع على حساب الاقاليم الستة القصة الماخور بتاع الصاغ صلاح سالم ر جل المخابرات المصري المتهتك الجا قال ليهم انتو عرب وعملهم ناصريين وشيوعيين وقعدو يصوتو في البلد بي الانقلابات هسة العجوز الما بستحي ده قال صقر الجديان شعار مايو وناس مهدي مصطقى الهادي والكشة واهانة الجنوبيين في المركز خلونا من ام درمان تحديدا اصلو التشوه الفكري يقود الي التشوه السياسي والتشوه السياسي يقود الي التشوه الثقاقي وعشان كده علقنا مع ناس المركز ديل 60 سنة حاصب فارغ مع متلازمة مصر ام الدنيا والضباط الاحرار رغم ان الدنيا عملت فحص دي ان ايه لقت مصر ما امها يا اخوي نحن ناس الضهاري عاجبنا وحيد القرن وعاجبنا علم الاستقلال ...تغيرو ليه ؟؟ https://up.top4top.net/
فعلا صقر الجديان شبهك بياكل الفطايس مش الثغابين بس يا ابوالحصين ... ***** توفيق ما شاف البوست ده ولي شنو **** ايوه يا عبدالعظيم الناس ديل رايح لهيم درب لحدي الليلة بعد ماتت الموميات بتاعة المشاريع المصرية في السودان في ام درمان وفضل بس باقي خردة بجيبهم حسين خوجلي في ايام لها ايقاع ويتونس معاهم في فضائية ام درمان ويا حليل زمن السيد عبدالرحمن والسيد علي والاستاذ محمود محمد طه وعبدالرحمن علي طه بلد كانت مليون ميل مريع كلها جاية تقعد في الخرطوم وتعاني لي شنو
Post: #56 Title: Re: اولاد أمدرمان ضيعوا 60 عام على السودان Author: MOHAMMED ELSHEIKH Date: 11-27-2018, 05:33 AM Parent: #55
تعالوا بعد ستين سنة قولوا "اولاد امدرمان" بوظوا علينا ثقافتنا الغذائية
Post: #57 Title: Re: اولاد أمدرمان ضيعوا 60 عام على السودان Author: Hatim Alhwary Date: 11-27-2018, 05:39 AM Parent: #55
Post: #58 Title: Re: اولاد أمدرمان ضيعوا 60 عام على السودان Author: Hatim Alhwary Date: 11-27-2018, 05:46 AM Parent: #57
ياهم ديلك جماعات الإسلام السياسي غازين عودهم في صدر الوطن مايقارب الثلاين سنة مشروعهم شنو؟
جو بي خبوبهم ومشروعهم الجهوي العنصري الاسلاموي...قدموا شنو "بديل" للسودان ؟
الوعي الريفي والرعوي دا غير الحروب والانقسامات قدم شنو؟
تجربة "ام درمان" الحضرية العلمانية دي بي هناتها آخير الف مرة
Post: #59 Title: Re: اولاد أمدرمان ضيعوا 60 عام على السودان Author: Ahmed Yassin Date: 11-27-2018, 06:54 AM Parent: #58
السلام جاكم بلد واسع .. متميز ومتعدد السحنات والثقافات الفريدة من بركاوي ورطب الشمال إلى الجنوب الواسع المجال ومن دار كردفانا غنينا عروس الرمال إلى وهضاب الشرق وبعد ما مان (ودعناك خلاص ياربوع ونجيلك تاني بعد إسبوع) بقى البرنامج مرتين في الاسبوع فتغيرت الخاتمة الى (ونجيك مرتين في سبوع ( دا الرباطابي .. وجنبو كانت اغاني (يوسف فتاكي) من الجنوب كان اسمها دار الاذاعة وهي اصلا بدت 1938م ورسميا بعد سنتين في بيت جالوص جنب ميدان الخليفة ..كانت بتبث الاناشيد الحماسية ايام الحرب وقوة دفاع السودان ودا موضوع طويل .. كانت بتشارك الناس افراحهم وحزانهم والامهم يطوروا الناس اكتر من كدة كيف يعني ، يعني تقول لي قومية واثنية ومالعبت دور حقيبة الفن الانتو بتستهزأوا بيها دي سواء كانت حديد او صفيحة حتى ياها فنك وتراثك وحفظت الاسطوانات البلاستيكية بتاعة دمتري البازار لغية ما صلاح احمد محمد صالح (سافر ونسى هواهو) وادى البرنامج لى علي شمو . ترك الاسطوانات وبقى يجيب الفنان لايف
Post: #61 Title: Re: اولاد أمدرمان ضيعوا 60 عام على السودان Author: Ahmed Yassin Date: 11-27-2018, 07:04 AM Parent: #59
نجي للفطالحة الكانوا بديروا العمل القومي العجيب دا رغم شح الامكانات انتوا قايلين العمل الاذاعي دا ساهل ولا هي نشرة بصوت حمدي بدرالدين وصالحين (الباص) وخلاص امسك عندك يا عبدالعظيم ياودعثمان متولي عيد .. دا خيروا على السودان كله .. واف داعي اكتب عنه وهو المؤسس خانجي.. دا موسوعة علمية متحركة محمد صالح فهمي .. وما ادراك ما فهمي .. في اللغة والنحو والصرف والنطق التاج حمد (الصاغ) جاء من الجيش للاذاعة صلاح احمد محمد صالح - عبدالرحمن احمد محمد صالح : متل الفوق والتحت كله منهم غني عن التعريف محمد خوجلي صالحين حمدي بدرالدين - حمدي بولاد -أحمد قباني - عبدالكريم قباني اسماعيل طه - يوسف ابوعاقلة - علم الدين حامد - صلاح لدين الفاضل - معتصم فضل ضوالبيت - صالح بانقا - عمر عثمان - يسين معني الفكي عبدالرحمن - حديد السراج - ايوب صديق سمير ابوسمرة ( دا تم طلبه رسميا وباي ثمن لاذاعة موسكو القسم العربي)
Post: #60 Title: Re: اولاد أمدرمان ضيعوا 60 عام على السودان Author: محمد عثمان Date: 11-27-2018, 06:58 AM Parent: #58
هلال مريخ برضو فى ام درمان
Post: #62 Title: Re: اولاد أمدرمان ضيعوا 60 عام على السودان Author: kamal omer Date: 11-27-2018, 07:08 AM Parent: #60
بالله نحنا اتولدنا و عمرنا ده كلو عشناهو في أم درمان، و ما عارفين إنها سبب بلاوي السودان كلو ؟ بعدين شنو البيخلي كل النازحين و المهجرين قسرياً كان بسبب الحروب أو الأوضاع الإقتصادية المتردية في عموم البلد يجي أم درمان تحديداً ؟ و ما بحري أو الخرطوم. يا عبد العظيم هل قابلت موسى ود نفاش تحديداً ؟ و حصل دخلت دار الرياضة بأم درمان ؟
Post: #63 Title: Re: اولاد أمدرمان ضيعوا 60 عام على السودان Author: adil amin Date: 11-27-2018, 09:04 AM Parent: #62
Quote: بالله نحنا اتولدنا و عمرنا ده كلو عشناهو في أم درمان، و ما عارفين إنها سبب بلاوي السودان كلو ؟ بعدين شنو البيخلي كل النازحين و المهجرين قسرياً كان بسبب الحروب أو الأوضاع الإقتصادية المتردية في عموم البلد يجي أم درمان تحديداً ؟ و ما بحري أو الخرطوم. يا عبد العظيم هل قابلت موسى ود نفاش تحديداً ؟ و حصل دخلت دار الرياضة بأم درمان ؟
ماخور الضباط الاحرار وعجبوني اولاد السرارة بتاع الصاغ صلاح ساالم1954 كان وين ؟؟واتسللت الماسونية والناصرية والشيوعية والاخوانجية عبره وتعليم ابناء السفلة ضيع السودان على حساب القبائل في الاقاليم الستة والله مدرسة وادي سيدنا دي لو كانت في عبري كان السودان دبه بقى زي الهند
انت بتعرف الفدرالية مثلا سنة 1956؟؟ الكان بعرفوها الجنوبيين ومحمودمحمد طه بس في امدرمان والشيوعية بتاعتكم دي كانت برستيج ساكت ذى ما قال صلاح احمد ابراهيم وعي ناس المركز المتدني وعقدهم النفسية خلتهم يقيلو بالمشاريع المصرية الجاهزة من حركة اللوا الابيض لحي الكيزان هسة وهم نفس الناس بعدين ما تصنف ساكت بعد ليك 1000 شخص من الاقليم الشمالي بس اسهم داخل وخارج السودان في نشاط رفع راس السودان وما عنده علاقة بي ام درمان جابتو القراية بس الخرطوم توفيق وينو مالو ما ظهر بتاع الضهاري
Post: #64 Title: Re: اولاد أمدرمان ضيعوا 60 عام على السودان Author: kamal omer Date: 11-27-2018, 09:53 AM Parent: #63
Quote: بعدين ما تصنف ساكت بعد ليك 1000 شخص من الاقليم الشمالي بس اسهم داخل وخارج السودان في نشاط رفع راس السودان وما عنده علاقة بي ام درمان جابتو القراية بس الخرطوم
يا أخينا منو الصنف عشان تجيب لي 1000 و لا 2000 ؟ بس ما تجي تسألني جنسيتي لونها أخضر و لا بني ؟
Post: #65 Title: Re: اولاد أمدرمان ضيعوا 60 عام على السودان Author: بلال زكريا Date: 11-27-2018, 10:26 AM Parent: #64
انت يا عبد العظيم ،، من أولاد وين ؟ عشان نشوف مقاس البير ، مويتنا بعيدٌ حدهاّ، وإن باضّ الديك ،، فما علي الدجاج من حرجْ،، أو - كما قال : سيدي - سيَنّا،،
Post: #66 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 11-27-2018, 10:30 AM Parent: #64
شكرا لكل المتداخلين، المتفقين مع جوهر الموضوع وايضا لأصحاب الرأي الذي يختلف وبرضه ترحيب بالمشاترين المتوهمين أن البوست لتشتيت الكورة وصرف الأنظار عن موضوع آخر (اتعودنا علي الكلام الفطير دا).. لكن المزايدة الرخيصة ورمي التهم بغرض تنفيس الموضوع حركات قديمة ومفهومة للقارئ والمتابع برجع لكل المداخلات بي رواقة..
Post: #67 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 11-27-2018, 02:36 PM Parent: #66
ناس لقوا ليهم فرصه زي (الإذاعة) في 1940 بدل ما يبدو من ثورة 1924 ويعززوا الوحدة الوطنية ويبدوا بناء حقيقي ويختوا مداميك أعمدة البناء الدستوري ويشوفوا البيوحد الأمة السودانية يقوموا يعدوها لينا قصص وحكايات ويقدونا بي إنسان أمدرمان ويصنعوا أصنام عجوة الصباح ويقدومها لينا في برامج المنوعات بالليل وسهران يا ليل.. حنك عاضي عوقتونا يااااخ
Post: #68 Title: Re: اولاد أمدرمان ضيعوا 60 عام على السودان Author: ABUHUSSEIN Date: 11-27-2018, 03:12 PM Parent: #66
الجهل مصيبة المعاني و المثل الموجودة في اغاني الحقيبة لو عقلك الضامر دا بستوعبها ما كان احتجت لمثل هذا البوست... قصص ود نفاش و ظرفاء المدينة برضو اكبر من عقلك محتاج ليك توسعة كبيرة في فهمك و ذكاءك عشان تقدر تستفيد منها و تلحق بقية السودانيين اللي ادمنو سماع اذاعة ام درمان و استفادو منها .....
قلت لي الاذاعة السودانية كان فيها مجموعة عطالى بالمناسبة عطالى بال(ى) ما بال(ي) شايفك تعيد و تكرر فيها و هي خطأ .....
Post: #69 Title: Re: اولاد أمدرمان ضيعوا 60 عام على السودان Author: حاتم إبراهيم Date: 11-27-2018, 04:15 PM Parent: #1
Quote: وبرضه ترحيب بالمشاترين المتوهمين أن البوست لتشتيت الكورة وصرف الأنظار عن موضوع آخر (اتعودنا علي الكلام الفطير دا).. لكن المزايدة الرخيصة ورمي التهم بغرض تنفيس الموضوع حركات قديمة ومفهومة للقارئ والمتابع
هي فعلاً مزايدة رخيصة في ظاهرها، لكن ليها باطن غريق جداً لو تدري يا عبد العظيم ما أنت كمان يا عبد العظيم هبشت السلك الحي وهزيت البرستيج وطقيت الكنكيج!
___ هسع أنا أقدر أقول أنا حاتم بنانا ياخ ... ما كفاية؟ يقولوا علي شنو موهوم وعيان؟
Post: #70 Title: Re: اولاد أمدرمان ضيعوا 60 عام على السودان Author: محمد حيدر المشرف Date: 11-27-2018, 04:39 PM Parent: #1
يحى يا صديقنا الذي بكندا .. نصيحتك في البال والخاطر الجميل لكن دي ما قدرت افوتها .. وربما يكون في ذلك تحقيقا لرغبة صديقنا ود القوز
Quote: ترابي دا مرق من ودنوباوي وبرعاية وصال بت المهدي (يعني زولكم) كل الخوازيق من أمدرمان ... والكتل عبدالخالق محجوب من أمدرمان .. وعبدالخالق زاته من هناك ...
يا عظمة ياخ لم اكن اتصور قصور طرحك هنا يصل لهذه المرحلة من الخلخلة والهزال ..
لماذا, لو الامر كذلك, لم تكتب ان البشير من امدرمان لدراسته في الكلية الحربية مثلا .. او لعله كان عندو اصحاب امدرمانيين .. او شيء من هذا القبيل المضحك..
قلت لي عبدالخالق وقاتل عبدالخالق من امدرمان ؟! هل تعتقد ان اسرة النميري لو كانت قد استقرت بالكلاكلة لتغيرت حيثيات التاريخ السوداني المعاصر مثلا؟!
لربما اخطأ اهل امدرمان في تخصيص منزلة في اغلب حيشانهم الوسيعة لابناء الريف السوداني لتلقى الدراسة في مدارسها او مدارس الخرطوم .. ربما اخطأووا في ذلك ايضا ..
في اغلب طرحك الهزيل هذا لم اجد الا تباكي مكرر على اختيار مدينة امدرمان مقرا لاذاعة امدرمان .. عموما انتشرت الاذاعات انتشارا معقولا في كافة ارجاء السودان .. والتلفزيونات كذلك .. ذلك يثير تساؤلا مهما في السياق المهلهل بتاعك .. كيف اسهمت هذه التلفزيونات والاذاعات في تحقيق ما تدعي امكانية تحقيقه بسهولة من خلال اذاعة امدرمان؟!
نأتي لجهلك بمكنيزمات الابداع؟!
الابداع عملية خلق مرهونة بمآلاتها الجميلة .. ولذلك يجد الابداع طريقه للناس بحكم مآلات الخلق .. فان كان جميلا كان طريقه سالكا .. لا يمكنك ان تحظر تمدد الابداع الجيد بين الناس ...
الفنانة التي غنت مؤخرا أغنية كردفانية لطيفة جدا .. اسمها منو ؟! .. هدى عربي؟! (هل هي امدرمانية؟! .. لا اعلم!) .. المهم كانت هناك عملية خلق ممتازة انتشرت بمآلاتها الجميلة بين الناس .. هذا في راهن الزمان هذا وقد توفرت نوافذ عديدة للاعلام خارج الاطار الرسمي ولكن لو افترضنا وجود منتج ابداعي كهذا في منتصف السبعينيات, هل كانت ستموت؟!
الاجابة لا ..
اولا كانت ستفرض نفسها على اذاعة (امدرمان) .. فان لم تفرض نفسها على اذاعة امدرمان ستفرض نفسها على ذائقة المحيط الحي قليلا قبل ان تتمدد لمحيط اكبر وهكذا دونما حوجة للتباكي الذليل كالذي تفعل انت هنا
العوامل المؤثرة على الابداع خارج اطار المركز متعددة .. وفي اعتقادي ان جودة الصناعة عامل مهم (الانتاج والاخراج الفني والموسيقي الخ) ... وجود فنان كاحمد المصطفى في قلب المركز يضمن الى حد كبير امكانات هذه الصناعة/الانتاج لتخرج اغنيته بصورة مكتملة الاركان بمقايسس زمنها ومكانها ..
ماهي انجازات الاذاعات المحلية في بلورة تصوراتك الناقصة حول جدلية الهامش والمركز ؟! وهل خرجت الكرة السودانية من اطار الانحطاط العام بتمدد الدوري خارج المركز؟! .. لا لم يحدث ذلك بل استمر التراجع المخيف الذي لا يمكن اختزاله في سيطرة مدينة سودانية على الرياضة .. واي سيطرة ورئيس نادي الهلال من بورتسودان ورئيس المريخ من الجزيرة .. الا ان ذلك ليس مهما بالضرورة لانو اسباب تدهور الكرة في السودان لا تتعلق بجغرافية الناديين الكبيرين ولا مسقط راس الاعضاء والادارة واللعيبة
ثم واين هي امدرمان؟! اين تلك التي اخدت من المدينة رقي ناسها.. ومن القرية مبانيها؟! امدرمان كفكرة انهارت تماما بعد استباحة قوى الريف للقصر الجمهوري وصبوا كل ضغائنهم على النماذج الكويسه في السودان وهي قليلة جدا .. جامعة الخرطوم (الصنم الجاثم فوق صدر الثورة) .. ومشروع الجزيرة .. وامدرمان .. وأخلاق السودانيين الذين عادوا كما كائنات لا تحركها الا الضغائن.
Post: #71 Title: Re: اولاد أمدرمان ضيعوا 60 عام على السودان Author: حاتم إبراهيم Date: 11-27-2018, 05:03 PM Parent: #1
Quote: قرينا الجامعة مع بعض ولا فتحت صيدلية قصاد صيدلي ولا انت اسمح مني ولا اسم حاتم أكبر من اسم محمد .. +++ يا زول اعرف انت بتخاطب منو واعرف حدودك كويس ..
وأهو زي ما قلت ليك يا عبد العظيم، أنت طقيت البرستيج والكنكيج!
___ شفت داك قال شنو ودا قال شنو!
Post: #72 Title: Re: اولاد أمدرمان ضيعوا 60 عام على السودان Author: محمد حيدر المشرف Date: 11-27-2018, 05:12 PM Parent: #71
هههههه ..
.. باص
Post: #73 Title: Re: اولاد أمدرمان ضيعوا 60 عام على السودان Author: مامون أحمد إبراهيم Date: 11-27-2018, 08:05 PM Parent: #72
أنا أمدرمان - للشاعر المبدع : عبدالمنعم عبدالحي
أنا أمدرمان تأمل في ربوعي أنا السودان تمثل في نجوعي أنا ابن الشمال سكنته قلبي على ابن الجنوب ضميت ضلوعي أنا أم درمان سلوا النيلين عني وعن عزمات فتاي عند التجني فخير بنيك يا سودان مني سلوا الحادي سلوا الشادي المغني أنا أم درمان إذا ما قلت أعني فما نيل المطالب بالتمني تجيش النفس بالآمال لكن ولكن.. هذه لما لا تدعني أنا أم درمان مضى أمسي بنحسي غداً وفتاي يحطم قيد حبسي وأخرج للملأ في ثوب عرسي وابسم بعدما قد طال عبسي وأعلن والفضاء يعلن همسي وأهتف والورى يعرف حسي فيا سودان إذا ما النفس هانت أقدم للفداء روحي ونفسي ...............
عبدالعظيم عثمان سلام وتحية طيبة ،،
قبل ما ندخل معاك في لب الموضوع لدي سؤالين مهمين لو سمحت لي يا حبيب :
- ما رأيك في هذه القصيدة لعبدالمنعم عبدالحي ، بنظرة محايدة ومجردة ، ومن الناحية الإبداعية ؟؟
- وما هي مدلولات إحتفاء الأستاذ محمود محمد طه بهذه القصيدة ووصفها لها بأنها قصيدة مُلهمة ؟!!
سأعود بالتأكيد لو الله هون
تحياتي
Post: #74 Title: Re: اولاد أمدرمان ضيعوا 60 عام على السودان Author: نادر الفضلى Date: 11-27-2018, 08:28 PM Parent: #73
Quote: ناس لقوا ليهم فرصه زي (الإذاعة) في 1940 بدل ما يبدو من ثورة 1924 ويعززوا الوحدة الوطنية ويبدوا بناء حقيقي ويختوا مداميك أعمدة البناء الدستوري ويشوفوا البيوحد الأمة السودانية يقوموا يعدوها لينا قصص وحكايات ويقدونا بي إنسان أمدرمان ويصنعوا أصنام عجوة الصباح ويقدومها لينا في برامج المنوعات بالليل وسهران يا ليل.. حنك عاضي عوقتونا يااااخ
كتب الأخ عبد العظيم عثمان صاحب البوست الإقتباس أعلاه
يلاحظ أنه كلام مرسل بدون أى أساس أو معلومات أو منطق .. من يقرأه يظن أن كاتبه عاصر إذاعة هنا أمدرمان منذ عام 1940مداوم على سماعها ويعرف ما كانت تقدمه منذ ذاك التاريخ وحتى (60 سنة التى ضاعت على حسب زعمه).
فى الواقع لا هو معاصر ولا هو باحث مثابر بحث ودرس ورصد وقيم .. ولكن مجرد نجر وأهواء وإدمان العويل والتحسر والشكاوى فى محاولات بائسة مستحيلة النجاح بالتقليل من أمدرمان وأبنائها .. عندما يفتقد المنطق وتنعدم المصداقية .. يكون هذا النموذج
Post: #75 Title: Re: اولاد أمدرمان ضيعوا 60 عام على السودان Author: حاتم إبراهيم Date: 11-27-2018, 08:41 PM Parent: #74
قدم نموذجك إذن ودع لنا الحكم!
___ ماهو ردك برضو لم يخرج عن العويل والتحسر.
Post: #76 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 11-27-2018, 09:15 PM Parent: #75
اولا أمدرمان مدينة مصنوعة، تجمع الناس حول المهدي وقامت المدينة المصيبة الناس ديل بعد سنوات عملوا فيها (أنهم خرجوا من باطن أرض أمدرمان) والإستعلاء علي أبناء الريف السوداني والسخرية منهم والتهكم.. وهنا بدأت تتشكل محنة زول أمدرمان العمل فيها متحضر جدا وتلبستهم روح الباشاوية الخديوية.. عمدوا على محاكاة القاهرة في تأسيس فريقي الهلال والمريخ أسوة ب (للزمالك والأهلي) ".. واستلفوا التجربة المصرية في الإذاعة.. ما قتليكم الناس ديل عطالي
Post: #77 Title: Re: اولاد أمدرمان ضيعوا 60 عام على السودان Author: مامون أحمد إبراهيم Date: 11-27-2018, 10:14 PM Parent: #76
Quote: اولا أمدرمان مدينة مصنوعة، تجمع الناس حول المهدي وقامت المدينة المصيبة الناس ديل بعد سنوات عملوا فيها (أنهم خرجوا من باطن أرض أمدرمان) والإستعلاء علي أبناء الريف السوداني والسخرية منهم والتهكم.. وهنا بدأت تتشكل محنة زول أمدرمان العمل فيها متحضر جدا وتلبستهم روح الباشاوية الخديوية.. عمدوا على محاكاة القاهرة في تأسيس فريقي الهلال والمريخ أسوة ب (للزمالك والأهلي) ".. واستلفوا التجربة المصرية في الإذاعة.. ما قتليكم الناس ديل عطالي
عبدالعظيم سلامات ،، ياخي كده حتخلينا نضطر نستعجل الردود ونرتجل الحوار !! لأنو كلامك الأخير الفوق ده ما صحيح أبداً ،، وما عندو أي علاقة بى ناس أمدرمان !!! بعدين إنت قاصد منو ( بالناس ديل ) ؟!! ،، الناس ديل منو يعني ؟!!! الضمير راجع لى منو هنا ؟!!! ،،،، لأنو بي بساطة شديدة والكل يعلم وإنت من ضمنهم ، أنو أهل أمدرمان الإنت بتتكلم عنهم ديل ، ماهم في الحقيقة إلا ( جماع أهل السودان ) ،،،، أكرر ما هم إلا ( جماع أهل السودان ) من فتيح للخور للمغالق .... هم تحديداً : (( جماع كل أهل السودان في منطقة جغرافية واحدة )) ،، وده حال أي حلة في أمدرمان من الثلاثينيات وإلى الآن ،،، بتجد أن أهلها مزيج مكون من كل أنحاء السودان !! ،،، فإنت بتتكلم عن مين هنا وعن أي فصيل من الناس بأمدرمان ؟!!! ..... إضافة إلى حقيقة مهمة ماثلة للعيان على مدى التاريخ وهي أن أغلب المفكرين وكبار المتصوفة ، والعلماء ، والزعماء ، والأدباء ، والفنانين والمبدعين إستوطنوا فيها !! وبناء على كده ممكن نصحح ليك موضوع هذا البوست ليصبح أكثر موضوعية ،،، كأن تنتقد مثلاً : النخب السياسية بأمدرمان - طريقة ونظم التعليم - المثقفين السودانيين بأمدرمان - الحركات الأدبية والثقافية - طبقة الخريجين - جيل السودنة - قصر نظر صناع القرار ومخططي البرامج التعليمية والإعلامية والثقافية والإذاعية ،،،، أو تنتقد كل السودان كنهج كبلد وكمنظومة إجتماعية وسياسية وتاريخية ممثلة في أمدرمان ( كنموذج ) ،،، مثلاً يعني !!!!
هناك خلل في هذ الطرح المستهدف لأهل أمدرمان ، بينما هو يبطن على شىء غير واضح وغير منصف وغير حقيقي ، مع سبق الإصرار والترصد !!
خالص تحياتي .
Post: #78 Title: Re: اولاد أمدرمان ضيعوا 60 عام على السودان Author: adil amin Date: 11-28-2018, 04:17 AM Parent: #77
Quote: بس ما تجي تسألني جنسيتي لونها أخضر و لا بني ؟
اسالك ونص عشان اعرف العمق الحضاري بتاعك وضحالة المشاريع المباريها على حساب الشعب السوداني في كل الاقاليم ارجع اقرا مقالات د فيصل عبدالرحمن علي طه حول قانون الجنسية السوداني وكيف مصر وقفت عود احمر عشان تلغي هوية السودانيين من قبل الاستقلال وبعده ولا زال اعلامها الرخيص يلغي السودان ويقزم السودان حضاريا وفكريا وثقافيا وفنيا ايضا بالمامبو السوداني قانون الجنسية الخضرا والبنية 1957 مهم جدا لتشخيص الحالة التي واوصلت السودان الحضيض بحكم الاقليات المشوهة والمنبتة والوافدة في السودان بالدولة المركزية وبالمشاريع المصرية يا اخ زول ما بحترم حضارة السودان ولا يحتفي بها في الاذاعة والتلقزيون ولا فكر السودان الجمهوريين ولا احزاب ودين السودان الختمية والانصار ولا ابناء القبائل في السودان الجنوبيين والنوبة والفور ويتسمح بالكريمات ويتقعر باللغة العربية وقاعد ذى الصرصور تحت جذم المصريين يكون ((سوداني )) كيف ؟؟
https://up.top4top.net/
Post: #79 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 11-29-2018, 06:43 PM Parent: #78
امدرمان قبل المهدي كانت زيها وزي الدخينات وتريعة البجا والشقيلاب كل شيء فيها تمت صناعته وتاريخها بدأ حديثا قد يتجاوز المائة عام بقليل في لحظة دروشة إختار المهدي أمدرمان ،هذا الأمر لا علاقة له باي قداسة أو تميز .. يعني الصدفة وحدها وضعتهاتحت الأضواء في ذلك الزمان (عشان ما تقدونا وتطلعوها أم المدائن سلفقة ساي).. القدر ارسل لها دراويش المهدي ليقيموا شكلا من أشكال الحكم.. وتجمع الناس حول الفكرة.. إنتهت المهدية بكل شرورها وتركت إرثا من القهر والتسلط والهزيمة والدروشة.. على أنقاض هذه الثورة أو الحركة سمها ما شئت قامت هذه المدينة بروس.. وعند الإستعمار الثنائي (المصرى والانجليزي) كانت حاضرة تجمع ريفي حول النيل ولا تزال تحتفظ بذاكرة الجهادية ودروشة المهدية.. وعادت الظروف تضع الإذاعة في شبه المدينة، للأسف لم يكن المثقفين حينها رؤية توحد أهل السودان ولم يناقشوا التنوع الثقافي واكتفوا بتمثيل شكلي لأقاليم السودان ويبدأ إستهبال النخب والتلاعب بمستقبل البلد.. مؤتمر الخريجين كان تجربة غير ناضجة وتمت كلفتتة الأمر ونشأت تجمعات مهرجلة أطلقوا عليها أحزاب وبدأ صراع محموم لورثة المستعمر للسيطرة على المجتمع بإستخدام نفس الأدوات، عشان كدا موضوع كان الشعار =(التحرير قبل التعمير) هذا هو الجو الذي نشأت فيه الإذاعة يجيبو الوعي بالقضايا الحقيقية للناس من وين؟ وكانت الإذاعة مرأة تعكس إهتمامات المثقفين من اولاد امدرمان وحبهم لمدينهم المصنوعة بلا تاريخ، وعكست الوعي الزائف بقضايا البلد لم تكن مشكلة السودان العويصة هي الغناء ولم تكن مشكلة السودان الترفيه بل كانت مشكلة السودان الشعور القومي الموحد (فشل اولاد امدرمان في تسخير الإعلام لخدمة ممسكات الوحدة الوطنية).. ضيعوا على السودان فرصة كبيرة في محيط إقليمي كان مهيئا لأن يلعب هذا البلد دورا كبيرا وان ينهض قويا.. ولكن ضيق الأفق وقلة الوعي والأنانية عوقتنا وعوقت البلد...
Post: #80 Title: Re: اولاد أمدرمان ضيعوا 60 عام على السودان Author: adil amin Date: 11-30-2018, 04:56 AM Parent: #79
ولا زالو يا عبد العظيم يفعلون حتى على مستوى هذا البورد
Post: #81 Title: Re: اولاد أمدرمان ضيعوا 60 عام على السودان Author: يحي قباني Date: 11-30-2018, 05:07 AM Parent: #80
عادل امين ...
قوم لف هنا برضو ...
العقد مالياك انت و الياي ...
صفي النية يا زول و انعدل ...
Post: #82 Title: Re: اولاد أمدرمان ضيعوا 60 عام على السودان Author: حاتم إبراهيم Date: 11-30-2018, 05:43 AM Parent: #1
Quote: لم تكن مشكلة السودان العويصة هي الغناء ولم تكن مشكلة السودان الترفيه بل كانت مشكلة السودان الشعور القومي الموحد (فشل اولاد امدرمان في تسخير الإعلام لخدمة ممسكات الوحدة الوطنية).. ضيعوا على السودان فرصة كبيرة في محيط إقليمي كان مهيئا لأن يلعب هذا البلد دورا كبيرا وان ينهض قويا
Post: #83 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 11-30-2018, 10:18 AM Parent: #82
كان بجيبو شيخ يقرأ القرآن يفتحوا بيه برامج اليوم الشيخ بجي راكب حمار، ينزل من الحمار ويربطه جمب الباب وكانت الإذاعة تنقل نهيق الحمار على الهواء مباشرة عبر الأثير وبرضه تقولي :انا الدرة البصون بلدي.. ناس ما قادرين يفكوا الحمار ويربطوه بعيد عن مكان البث منتظرين منهم شنو يجيبو لينا الوعي بقضايا السودان القومية من وين (فاقد الشئ لا يعطيه)
Post: #84 Title: Re: اولاد أمدرمان ضيعوا 60 عام على السودان Author: adil amin Date: 11-30-2018, 12:43 PM Parent: #83
اردم يا عبدالعظيم دربك اخضر المركز ده هو علة العلل في السودان وبي مكوناته المشوهة التي عبث بها الصاغ صلاح سالم وقال ليهم انتو عرب وعمل ليهم ماخور الضباط الاحرار والله لو اخر حاكم انجليزي حكم السودان تقدس سره قبل يطفي النور ويمشي نقل العاصمة كوستي ما كانت قرود المركز دي ملت القصر الجمهوري والاذاعة والتلفزيون وكان حسين خوجلي بتاع الشرفة عبد المحمود عمل ليه فضائية اسمها كوستي الناس في الستة اقاليم قبائل دي حقيقة مرة ما عايزين يعترفو بيها 5% من الاقليات في المركز ومصرين على الدولة المركزية والالتفاف حول كل المشاريع الفدرالية والديمقراطية ايضا عبر العصور في السودان والدييمقراطية والفدرالية ما تجيب العينات دي ابد لسدة الحكم وهسة الشيوعيين بدل يرفسو الكيزان والسلفية المشاريع الوافدة المفضوحة عالميا يرفسو في الختمية والانصار والكيزان بدل يرفسو في الجمهرويين والحركة الشعبية والسلفية يرفسو الطرق الصوفية والكيزان والشيوعيين بضاعة مصرية معفنة عشان كده لا الاذاعة ولا النلفزيون لا تعبر عن السودان والسودانيين لحدي الان
Post: #85 Title: Re: اولاد أمدرمان ضيعوا 60 عام على السودان Author: يحي قباني Date: 11-30-2018, 01:47 PM Parent: #84
Quote: وهسة الشيوعيين بدل يرفسو الكيزان والسلفية المشاريع الوافدة المفضوحة عالميا يرفسو في الختمية والانصار والكيزان بدل يرفسو في الجمهرويين والحركة الشعبية
حيكومات تجي وحيكومات تغور تحكم بالحُجي بالدجل الكجور و مرة العسكري كسار الجبور يوم باسم النبي تحكمك القبور تعرف ياصبي مرة تلف تدور ولا تقول بري او تحرق بخور
Post: #86 Title: Re: اولاد أمدرمان ضيعوا 60 عام على السودان Author: امتثال عبدالله Date: 11-30-2018, 02:32 PM Parent: #85
ممكن يا عبد العظيم تدينا فكرة عن بوابة عبد القيوم المشهورة في السودان؟ ومنو هو عبد القيوم وليه ناس امدرمان محتفظين بالبواية الاثرية دي لغاية الان في قلب امدرمان بدل ما يحولوها لصينية مزدانه بالنوافير والاضاءات...لازم تكون للبوابة دي قصة وتاريخ ...يا ريت تنورنا...
Post: #87 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 11-30-2018, 02:44 PM Parent: #86
يا إمتثال تعرفي دي واحدة من النقاط المرتبطة بقداسة الشخوص والأماكن، اولاد أمدرمان حولوا مدينتهم إلى عروس أو بقرة مقدسة ونسجوا الأساطير والقصص.. هالات القداسة دي واحدة من رواسب ثقافة أمدرمان.. نشر ونجر الأساطير هو شغل أم درماني.. مثال قهوة جورج مشرفي، حوش الخليفة، بوابة عبدالقيوم.. هالات القداسة لابد من نسفها عشان لا تشكل عبئا على وعي الأجيال الجديدة... عشان كدا البوابة وصاحب البوابة ما عندي بيهم شغلة..
Post: #88 Title: Re: اولاد أمدرمان ضيعوا 60 عام على السودان Author: يحي قباني Date: 12-01-2018, 07:37 AM Parent: #87
Quote: ممكن يا عبد العظيم تدينا فكرة عن بوابة عبد القيوم المشهورة في السودان؟ ومنو هو عبد القيوم وليه ناس امدرمان محتفظين بالبواية الاثرية دي لغاية الان في قلب امدرمان بدل ما يحولوها لصينية مزدانه بالنوافير والاضاءات...لازم تكون للبوابة دي قصة وتاريخ ...يا ريت تنورنا...
بتنا امتثال ... شكلك ما قريتي او ما فهمتي المقصود من البوست ده ...
ما علينا ... هاك افهمي تاريخ السودان ... وده من النت ليس الا .. و بما انك في امريكا ... سهل تفهمي كيف البلاد بتتمسك بي تاريخها و بي رموزها ... رجاء ما تسمعي للناس العيانة المغلولة دي ... ديل بكسروا في تاريخ البلد بدون فهم ... حقد مدفون ليس الا .. جزء من افرازات الانقاذ و انهيار البلد ... ______________________________________________________________________________________________ بوابة عبد القيوم :
ينحني النيل قليلاً تجاه الغرب لتحية تاريخ العاصمة الوطنية السودانية «أم درمان»، أو ليستريح في المكان قليلاً لعلّه يسهم في صنعه! عند هذا المنحنى الصغير، وعلى مبعدة أمتار قليلة من النهر العظيم، تقف شامخة «بوابة عبد القيوم»، إحدى أشهر بوابات المدن السودانية، رغم مرور أكثر من قرن وربع على تشييدها، وتصنّفها مصلحة الآثار وهيئة اليونيسكو ضمن الآثار الإنسانية الواجبة الحماية. شُيّدت (بوابة عبد القيوم) في عهد الخليفة عبد الله التعايشي بعد توليه الخلافة والحكم بعد وفاة الإمام محمد أحمد المهدي زعيم الثورة المهدية، التي حررت البلاد من الاستعمار التركي المصري في العام 1885. تقع البوابة بمحازاة النيل عند مدينة أم درمان دون أن يفصلها عنه إلاّ شارع يحمل اسم النيل، ويمر بها شارع «بوابة عبد القيوم» بين حي الموردة، وحي الملازمين جنوبًا. تختلف الروايات حول هذا المعلم الأثري وحول تسميته، فبعض الروايات تقول إنها كانت بوابة المدينة الجنوبية، أخذت اسمها من أحد قوّاد الثورة المهدية «عبد القيوم»، الذي أطلق عليها اسمه تخليدًا لسيرته، بينما تقول روايات مناوئة للمهدية، إنها كانت «بوابة الحريم»، وإن «عبد القيوم» مجرد حارس يثق فيه التعايشي. يقف عندها لحماية محظياته اللاتي يتجاوز عددهن المائة، ويُحول بين دخول الرجال عليهن، أو هرب إحداهن! يقول مدير دار الوثائق السودانية الأسبق، البروفسور الراحل محمد إبراهيم أبو سليم في كتابه «تاريخ الخرطوم»، إنّ البوابة كانت الحد الجنوبي للمدينة، بناها الخليفة عبد الله التعايشي في عام 1895 من الطين ولم يكن حولها سور، وجعل لها حارسًا وراتبًا من بيت المال، ثم بنى شرقها بعض المساكن وعُرفت لاحقًا بـ«حي ريد». لكن رئيس قسم التاريخ والحضارة بجامعة أم درمان الأهلية، د. فتح العليم عبد الله يحدث «الشرق الأوسط» عن رواية أخرى تقول، إنّ البوابة كانت مدخلاً لبيت «الحريم» الخاص بالخليفة عبد الله، وإن عبد القيوم الذي أخذت منه اسمها، واسمه الكامل «عبد القيوم جرقندي عباس»، كان المكلّف بحراسة المدخل إلى بيت النساء، وإن خليفة المهدي كان لا يثق في أحد غيره. ويوضّح عبد الله أن بيت الخليفة كان ممتدًا من مكانه الحالي حتّى مكان البوابة الحالية قبل أن يتعرض للهدم، والمكان المتبقي منه الآن هو مدخل بيت الضيافة السيادية والإدارية، ويوافقه في هذه الرواية، المؤرّخ الشعبي الأم درماني، شوقي بدري في أحد مقالاته التي تلقى رواجًا واسعًا. ويقول أستاذ الحضارة، إن البوابة بُنيت من الطين والحجارة، أسوة بالمباني الرسمية في عهد المهدية، وكان ارتفاعها الأصلي أطول ممّا هي عليه الآن، لكن الترميم غير العلمي أفسد هيئتها الحقيقية، وإنها كانت تشبه المباني النوبية في شمال السودان، يسدّها باب من خشب «الحراز» المجلوب من ضواحي مدينة سنار التاريخية جنوبي السودان. وشهدت البوابة، أول ترميم لها عام 1957 على عهد رئيس الوزراء وقتها عبد الله خليل، باعتبارها إرثًا مهدويًا على الدولة الاهتمام وحفظه، وعقب صدور قانون الآثار، أصبحت محمية تراثية، ثم تمت صيانتها مرة أخرى، ودوّن طلاب جامعة أم درمان الإسلامية 1994، أسماء شهداء «معركة كرري» على حجر من الرخام في بعض مساحتها. ورغم الروايات المتعددة حول كنه البوابة الأشهر في السودان، والذي لم تعرف مُدنه الأسوار والبوابات، فإنها تمثّل مزارًا يؤمه السياح والزوار من أنحاء العالم، الأمر الذي دفع «معتمد / محافظ» أم درمان الحالي، مجدي عبد العزيز إلى تزيين البوابة بنظام إنارة حديث، يضيء من أسفل إلى أعلى ليذكّر المارة ليلاً، بأن الحارس الأسطوري عبد القيوم كان «هنا».
Post: #89 Title: Re: اولاد أمدرمان ضيعوا 60 عام على السودان Author: Abdullah Idrees Date: 12-01-2018, 09:36 AM Parent: #88
Quote: نشروا نمط غنائ واحد.. ضيعوا فرصة عظيمة في بناء القومية السودانية وضيعوا فرصة كبيرة كان يمكن أن تؤثر الإذاعة وتحث السودانين على بناء دولة كبيرة اعتمادا على الموارد الهائلة
ودي مهمة الاذاعة يا عبدالعظيم ؟ الناس ديل لو طارو السما في النهاية هم مجرد افندية ، السؤال هل بناء دولة كبيرة كان سبب او احد اسباب انشاء الاذاعة ؟ هل اطلعت على لائحة تأسيس الاذاعة واهدافها ؟ كم كان مداها اصلا وكم كانت ساعات بثها ؟ هل يمكن لاي مذيع العمل بحرية في ظل 52 عاما من الحكم الشمولي ؟
Post: #90 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-01-2018, 09:47 AM Parent: #89
Quote: ودي مهمة الاذاعة يا عبدالعظيم ؟ الناس ديل لو طارو السما في النهاية هم مجرد افندية ، السؤال هل بناء دولة كبيرة كان سبب او احد اسباب انشاء الاذاعة ؟
هتلر غزا نصف أوروبا معتمداً على وزير دعايته غوبلز! الدعاية كانت إذاعية عابرة للمحيطات! لندن لم تصمد كمدينة ضد قصف هتلر إلا بإذاعتها التي انتقلت باستوديوهاتها إلى الأنفاق تحت الأرض.
___ لا يجهل دور الإذاعات إلا القادم من الصحراء، يستمتع بإذاعة صوت الإبل ويستأنس بالنجوم.
Post: #110 Title: Re: اولاد أمدرمان ضيعوا 60 عام على السودان Author: adil amin Date: 12-01-2018, 01:32 PM Parent: #85
طبعا يا ربع دماغ تنقل شعر انت ما فاهمو حميد ده لمن كان مع الشيوعيين بتاعين الخرطوم كان يظن الختمية والانصار والكجور اديان فالصو وليس قناعة السودانيين وهم ابدا ما استغلو انسان والبلد كانت ماشا بخير الانجليز مجانية السكن بيوت الحكومة مجانية العلاج مستشفيات الحكومة مجانية السفر ..التساريح مجانية التعليم والاعاشة حتى يوم 30 يونيو 1989 والسيد عبدالرحمن المهدي قيادة محترمة وليس متهتك السيد علي الميرغني قيادة محترمة واوليس متهتك الاستاذ محمود محمد طه قيادة محترمة وليس متهتك الدكتور جون قرنق قيادة محترمة ليس متهتك الدجل جا مع الشيوعيين والاخوان المسلمين وسلفية ابو منشار االسعودية وفرض بالانقلابات والدولة البوليسية وحميد لمن اتحرر من اصر وعيك ده مشا الشمالية نوري بقى يمجد حاجات اهله الختمية وبالغة محلية انت ما بتعرفا ونسا ايا م الخواء المزخرف ولكن صلاح احمد براهيم وصف الحالة الشيوعية البائسة تماما في ديوان شعره ده وانت في 2018 قاشر بي علمانية السكر وعدم الصلاة والصيام نحن سودانيين نحترم الدين الموجود في السودان في شكل ختمية وانصار وجمهوريين وطرق صوفية وكجور ولا تحكمنا القبور ولا مفروضة علينا عشان نحرق البخور ذى ما هو حاصل الان وانتو الشيوعيين تلعبو دور قذر في محاربة حاجات السودان على حساب الاخوان االمسلمين وسلفية ابو منشار ومشظو الترابي الدجال بي قملو في قوى الاجماع الوطني وهو سبب كل بلاوي السودان والسياسي الساقط والمتهتك عمره ما كان رمز للسودان والسودانيين عبر العصور وهذا ما يعاني منه الشيوعيين حتى اليوم
Quote: هم ناس جمهورية العاصمة المثلثة الذين قال عنهم الشاعر الراحل صلاح احمد ابراهيم عن الخرطوم عاصمة الكعوك*...
تقول لي مثقفو الخرطوم كالصحراء لا تنبت فيها بذرة اخطات في التشبيه للصحراء في المساء روعة وبهرة وكانت الصحراء في ماضي الزمان شاعرا ذا قلم وقدرة لكنه استكان للخمول وللذبول واذل شعره فرط في خياله وما الخيال للصحرا ء الا الخضرة مثقفو الخرطوم قهوة ونومة وسهرة وسكرة تفحمني حلمك با هذا لقد اشبهتهم انت وهم في هجرة (ديوان بوق العاج منشورات دبي الثقافية )
Post: #111 Title: Re: اولاد أمدرمان ضيعوا 60 عام على السودان Author: adil amin Date: 12-01-2018, 01:39 PM Parent: #110
وماركس مات قبل200 سنة والاتحاد السوفيتي ذاتو مات 1989 ونحن تحكمنا القبور مش كده والله فعلا ذى ما قال منصور خالد انتو ضايع ليكم درب والله لو اخر خواجة مشى وطفا النور 1956 نقل العاصمة كوستي ما كان الصاغ صلاح سالم لقى ليه متهتكين واقليات صنع منهم سياسيين ساقطين في خدمة مصر ام الدنيا في ميز الضباط الاحرار في ام درمان مسخو العلم والشعار والاقتصاد والتعليم والقوات النظامية وقنلو الازهري والسيد الهادي المهدي وحاكمو عبدالخالق محجوب نفسه ايضا بواسطة قاضي خسيس ..
Post: #91 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-01-2018, 10:52 AM Parent: #1
Quote: ودي مهمة الاذاعة يا عبدالعظيم ؟ الناس ديل لو طارو السما في النهاية هم مجرد افندية ، السؤال هل بناء دولة كبيرة كان سبب او احد اسباب انشاء الاذاعة ؟
يقول (مجرد أفندية)!
أوشكت بريطانيا على السقوط لدرجة أنها هربت كل مخزون بنكها المركزي من الذهب إلى كندا، هاليفاكس توطئة للمقاومة طويلة المدى من هناك بواسطة حكومة منفي أعادت هيئة الإذاعة البريطانية الثقة لسكان لندن في إمكانية الدفاع عن عاصمتهم بالبث من تحت الأرض.
ترى لماذا تصر دولة فرنسا أن يبلغ صوتها من إذاعة مونتي كارلو إلى كل العالم بأكثر من خمسة لغات؟
___ يبدو أن الفهم العام للأولاد يقصر الإذاعة على خدمة ما يطلبه المستمعون وعالم الرياضة.
Post: #92 Title: Re: اولاد أمدرمان ضيعوا 60 عام على السودان Author: Abdullah Idrees Date: 12-01-2018, 12:03 PM Parent: #91
Quote: هتلر غزا نصف أوروبا معتمداً على وزير دعايته غوبلز! الدعاية كانت إذاعية عابرة للمحيطات! لندن لم تصمد كمدينة ضد قصف هتلر إلا بإذاعتها التي انتقلت باستوديوهاتها إلى الأنفاق تحت الأرض.
وما لقيت مثال غير الدعاية النازية ؟ طيب هتلر خسر الحرب يبقى التقصير من هتلر وجيشو ولا من غوبلز ؟ حسب فكرة البوست غلطان غوبلز ، انت موافق مش كده ؟ غايتو مثل ما يطلع الا من حاتم ابراهيم
Quote: أوشكت بريطانيا على السقوط لدرجة أنها هربت كل مخزون بنكها المركزي من الذهب إلى كندا، هاليفاكس توطئة للمقاومة طويلة المدى من هناك بواسطة حكومة منفي أعادت هيئة الإذاعة البريطانية الثقة لسكان لندن في إمكانية الدفاع عن عاصمتهم بالبث من تحت الأرض. ترى لماذا تصر دولة فرنسا أن يبلغ صوتها من إذاعة مونتي كارلو إلى كل العالم بأكثر من خمسة لغات؟
تتكلم عن حكومات فرنسا والمانيا وانجلترا وتجي هنا تتكلم عن اولاد امدرمان ؟ غايتو " المابيك في الضلمة يحدر لك " .. دي سياسات دول بتضع خطط محددة وما علي الموظفين صغارا او كبارا الا انزالها الى ارض الواقع حسب تأهيلهم المهني وقدراتهم وامكانياتهم .. اها اولاد امدرمان ديل بنفذو سياسات الدولة الاعلامية والدعائية من اول حكومة وطنية والى الان ، زيهم وزي غوبلز البنفذ افكار هتلر وسياساتو .. ا
Post: #95 Title: Re: اولاد أمدرمان ضيعوا 60 عام على السودان Author: Abdullah Idrees Date: 12-01-2018, 12:33 PM Parent: #92
Quote: لندن لم تصمد كمدينة ضد قصف هتلر إلا بإذاعتها التي انتقلت باستوديوهاتها إلى الأنفاق تحت الأرض.
غايتو دي قريبة من الدفاع بالنظر ، ما بتلحقا لاكين بتشابي
Post: #97 Title: Re: اولاد أمدرمان ضيعوا 60 عام على السودان Author: امتثال عبدالله Date: 12-01-2018, 12:41 PM Parent: #92
يحى ود قباني شكرا كتير للمعلومة... وبيني وبينك انا ما فاهمة القصد من البوست لكن وجدت عبد العظيم اتكلم شوية عن تاريخ المهدية وفجاة خطر لي في بالي بوابة عبد القيوم لاني دائما بشوف البوابة دي في زياراتي لامدرمان،بلد الامان،،،،وكنت فقط عاوزة المعلومة عن تاريخ البوابة وليس اي غرض اخر من مصادر موثوقة ومؤكدة لاني مرات ما بثق في معلومات النت، لان النت مرات بيكرر معلومات بيكتبها ناس ما بيعرفوا تاريخ السودان،، وخاصة وانا قرات مرة ان بعض اولاد الخليفة عبد الله التعايشي ، خليفة المهدي، احياء ولا شك انهم يعرفون تاريخ هذه البوابة اكثر من غيرهم ، وقلت احتمال اجد المعلومة الصحيحة،،، اما الاحتفاظ باثار التاريخ فهذه مهمة جدا بالنسبة للدول التي تعتز وتفتخر بالاحداث الهامة في تاريخها، وانا بشوف في طريقي لزيارة ولايات اخرى في امريكا بالطريق السريع بعض مواقع اثرية قديمة تحكي شيئا عن تاريخ امريكا القديم، حتى ولو كان الاثر يدل على معركة هزم فيها الجيش الامريكي الاتحادي فانهم يحافظون عليها ويكتبوا ملخص عن المعركة.... شكرا مرة ثانية على المعلومة عن بوابة عبد القيوم، وناسف لصاحب البوست للخروج عن موضوع البوست الاساسي،، مع التحيات النواضر ،،
Post: #93 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-01-2018, 12:32 PM Parent: #1
كم كان يعادل الجنيه السوداني من الاسترليني قبل أن نصل محطة ود نفاش؟
Post: #94 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-01-2018, 12:33 PM Parent: #1
كم كان يعادل الجنيه السوداني من الاسترليني قبل أن نصل محطة ود نفاش؟
Post: #96 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-01-2018, 12:37 PM Parent: #1
ههههه غايتو يا إدريس طلعت فعلا جمالي صحراوي ساكت. الإذاعة ليست أقل من علم الدولة. فإذا سكتت فهذا يعني سقوط الدولة.
Post: #98 Title: Re: اولاد أمدرمان ضيعوا 60 عام على السودان Author: Asim Ali Date: 12-01-2018, 12:49 PM Parent: #96
Quote: ههههه غايتو يا إدريس طلعت فعلا جمالي صحراوي ساكت.
حاتم يدعى كذبا وزورا اصطفافه الى جانب المهمشين وياتى هنا ليكشف عن وحهه القمىء ويستخف ببساطتهم كانها سبه ونقيصه فى حقهم الجمالى فى الصحراء انفذ بصيره وواعمق وعى بفطرته من امثالك
Post: #99 Title: Re: اولاد أمدرمان ضيعوا 60 عام على السودان Author: munswor almophtah Date: 12-01-2018, 01:03 PM Parent: #98
Post: #100 Title: Re: اولاد أمدرمان ضيعوا 60 عام على السودان Author: munswor almophtah Date: 12-01-2018, 01:05 PM Parent: #99
Post: #101 Title: Re: اولاد أمدرمان ضيعوا 60 عام على السودان Author: munswor almophtah Date: 12-01-2018, 01:07 PM Parent: #100
Post: #102 Title: Re: اولاد أمدرمان ضيعوا 60 عام على السودان Author: munswor almophtah Date: 12-01-2018, 01:08 PM Parent: #101
Post: #103 Title: Re: اولاد أمدرمان ضيعوا 60 عام على السودان Author: munswor almophtah Date: 12-01-2018, 01:10 PM Parent: #102
Post: #104 Title: Re: اولاد أمدرمان ضيعوا 60 عام على السودان Author: munswor almophtah Date: 12-01-2018, 01:13 PM Parent: #103
.
Post: #105 Title: Re: اولاد أمدرمان ضيعوا 60 عام على السودان Author: munswor almophtah Date: 12-01-2018, 01:15 PM Parent: #104
.
Post: #106 Title: Re: اولاد أمدرمان ضيعوا 60 عام على السودان Author: munswor almophtah Date: 12-01-2018, 01:18 PM Parent: #105
.
Post: #107 Title: Re: اولاد أمدرمان ضيعوا 60 عام على السودان Author: munswor almophtah Date: 12-01-2018, 01:21 PM Parent: #106
.
Post: #108 Title: Re: اولاد أمدرمان ضيعوا 60 عام على السودان Author: munswor almophtah Date: 12-01-2018, 01:24 PM Parent: #107
.
Post: #109 Title: Re: اولاد أمدرمان ضيعوا 60 عام على السودان Author: munswor almophtah Date: 12-01-2018, 01:26 PM Parent: #108
.
Post: #113 Title: Re: اولاد أمدرمان ضيعوا 60 عام على السودان Author: adil amin Date: 12-01-2018, 01:41 PM Parent: #109
Quote: مثقفو الخرطوم قهوة ونومة وسهرة وسكرة
Post: #127 Title: Re: اولاد أمدرمان ضيعوا 60 عام على السودان Author: دفع الله ود الأصيل Date: 12-02-2018, 10:38 AM Parent: #98
/ سلام ي عبد العظيم و صحبه/ كويس أنك رجعتنا وراء شديد لناس ود نفاش و تور الجر وعمك عمر الزوحي ( بالمناسبة لسة عايش و حي ٌّ يرزقُ) و نحن لا نزال شهوداً عيايناً بياناً المُهدر كتير من زماننا هذا و في بلدنا . و دونك أاغني أغناني و نجوم الغد( نسختنا الخاصة لستار أكادي). و ذات ردٍ سريعٍ على سؤالٍ من أحدهم يظهر الفضول و الشمشرة بينما يبطن الريبة و روح المؤامرة ، بما مفاده : ياخوي إتا هسِّي معانا و لا مع طغمة اخيانة و الفساد؟ قلتلو: أعوذ بالله من الخيانة العظمى؛ كيف ياخي يعني ماك شايفني أخوك متقدم صفوف أهلي(الغبش أبان مسوحن موية) ، وهم يرفعون أكف الضراعة داعين: اللهم لا حيلة لنا إلا أن نغتنم نفحات هذه الشهور الحُرُم و قبايل المولد الشريف ، لنتوسل إليك يا رب ، و نقول :اللهم إنا نعوذ بك: من خرمة التمباك قُبال الفطور!! و من نُفاخ الحـلو مـر بعد السحور !! و من ليالي رمضان يحيوها لينا أغاني أغاني ناس عضام محمود وفرفور!! مع قهقهات عمك الجولگبن / السرقدور !! *******(((+++)))******* اللهم إنا نعوذ بك: من تماسيحٍ تشيلْ و تبلعْ، و من قلوبٍ ناكرة لا تخشعً و من بطونٍ لهفانةٍ لا تشبعْ، و من نفوسٍ دنيئةٍ لا تقنعْ ، و من ذرية تعبانة لا تنفعْ و من دعاء مردود ، فلا يُسمعْ *******(((+++)))****** اللهم إنا نعوذ بك: من امرأة عاقر برا أولادْ ، و من زولاً ممّكن كرشو قَدُر دا بالعيش برا بلادْ ، و من زولاً مربي دقنو طويلة لي صرتو برا مشهادْ *******(((+++)))******* اللهم نعوذ بك: من راعٍ ما يخاف الله في الرعيةً، و من ولاة ولايةٍ لا يبُتُّون في قضيْة، و من دواوينَ حسبة لا تقسم بالسويْة، و من زعاماتٍ جبانات و أسود ضاريةٍ علينا و في الحروب (نواعم)، فلا يخرجون في السريةْ؛ *******(((+++)))****** اللهم إنا نعوذ بك: من همزات الشياطينْ من المستنكحات و المستنكحينَ المتسلقينْ و من ناساً ما برحمو المسكينْ و من الجماعة البسافرو الصينْ اللهم آآمين يا رب العالمين!!
Post: #137 Title: Re: اولاد أمدرمان ضيعوا 60 عام على السودان Author: عمر دهب Date: 12-04-2018, 06:41 AM Parent: #98
يكفى العاصمه الوطنيه فخرا انها جمعت كل اهل السودان ويكفى اهلها فخرا انهم كانوا سودانين فقط .انجبت ثقافه عامه لكل البلد ورجال لكل البلد .
Post: #179 Title: Re: اولاد أمدرمان ضيعوا 60 عام على السودان Author: Hussein Mussa Date: 12-07-2018, 10:20 AM Parent: #98
امدرمان كفكرة انهارت تماما بعد استباحة قوى الريف للقصر الجمهوري وصبوا كل ضغائنهم على النماذج الكويسه في السودان وهي قليلة جدا .. جامعة الخرطوم (الصنم الجاثم فوق صدر الثورة) .. ومشروع الجزيرة .. وامدرمان .. وأخلاق السودانيين الذين عادوا كما كائنات لا تحركها الا الضغائن.
Post: #112 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-01-2018, 01:41 PM Parent: #1
مفاتيح البهجة أغلقت علينا جدية الموضوع.
Post: #114 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-01-2018, 02:41 PM Parent: #112
قداسة المدينة ولبوس الإستعلاء :- عجيب أمرهم، أبناء ضهاري تجمعوا في أمدرمان من كافة أنحاء السودان نسجوا الأساطير وبنوا شخوص المدينة، وفرزوا عيشتهم من باقي السودان ، وتحولت المدينة الريفية بقدرة قادر إلى منارة التنوير ومركز الإشعاع الوطني.. كيف لأبناء من الأقاليم ومن ارياف السودان يمارسوا هذا الكم من الإستعلاء على مناطقهم التي اتو منها وقاموا بتنميط أطراف السودان، دا بيوضح لينا عدم الوعي والإدراك بمسؤولية بناء الدولة، وغرقوا في الحيشان الثلاثة يمارسون الهرج
Post: #115 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-01-2018, 09:40 PM Parent: #114
Quote: فهلا تفضلت بالشرح؟ مثلا: ما الذي كان بوسع الأمدرمانيين أن يفعلوه غير ما فعلوا وما حدث بالفعل؟ أعني ما هي الشروط (الموضوعية) التي لم يلتزموا بها أو اختاروا فتجاهلوها؟
سلامات يا هاشم
بعد 13 عام من إفتتاح الإذاعة بدأ التمرد في الجنوب وبعد 18 عام من إفتتاح الإذاعة تم تأسيس مؤتمر البجا بشرق السودان
الأزمة السودانية العميقة والتشخيص الخاطئ للأزمة كان مصاحبا لإنطلاق الإذاعة , كان بالإمكان أن تعمل النخبة في ذلك الوقت بناء القومية السودانية ولكنهم إنشغلوا بحصر تركة الإستعمار وإقتسام الغنائم ولم يدركوا أن القومية يجب أن تسبق بناء الدولة , ولكنهم إختاروا أن يستنسخوا التجربة المصرية وحاولوا أن يلبسوا أهل السوق ثوب أمدرمان .. عشان كدا إشنغلوا بتأليف الأساطير ونقل حكاية الحارات والزقاقات الي المذياع ... كان يمكن أن يجد كل سوداني نفسه وثقافته في الإذاعة في ذلك الزمان .. خليل فرح النوبي لم يكن ليتمني أن يمشي حافيا في شوارع أمدرمان في الطريق الذي يشقه الترام ويقدل حافي القدين وحليق الرأس ... أذا كانت الإذاعة في شمال السودان وتبث غناء أهلنا النوبيين ... لكتب خليل فرح بالنوبية ...
فرض اللغة العربية ولسان العرب و شرح أشعار العرب والكلام الفاضي الكان تقدمه الإذاعة كان يكمن أن تقدم ثقافات أهل السودان دون أن تحاول صهر الجميع في صحراء الربع الخالي ليتحول السودان ترلة غير مرغوب فيها دا كله تم في أمدرمان .... تحياتي
Post: #116 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-01-2018, 09:50 PM Parent: #115
Quote: حقيقة نحن كهوامش ما كان عندنا تعليم ولا وعي كافي يؤهلنا للمنافسة .. ياها الخلاوى تعلم القرآن وتؤهل البعض ليفكون الخط.. لا وسائط تواصل ووسائل مواصلات كما الحال الآن.. تجعلنا منفتحين على أطراف السودان وما حولنا..
سلامات مولانا الملك
هم الناس ديل زاتم بتاعين خلاوي يعني لم تكن الفروقات كبيرة ولكن السؤال هو لماذا لم تهتم أجهزة الإعلام بالقضايا الحقيقية للشعب السوداني وفتحوا الإذاعة للحكاات والقصص؟ الأسوء من كدا الإستعلاء علي أهل الهامش تخيل في أعنية علي لسان قروية تقول : يا ربي متين نزور الخرطوم
ولانه ما كان في وسائل إتصال كان الدور كبير علي المؤسسات الإعلامية في نشر الوعي والتنوير لكن عوقونا الناس يا ملك
تحياتي
Post: #117 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-01-2018, 09:59 PM Parent: #116
Quote: هذه الفرضيات ـ إذا اعتبرناها كذلكـ ـ تتطلب توضيحها (في عضمها) فهي غير محكمة...ليه ؟ مثلا لانها لم تحدد و ما المقصود باولاد أمدرمان ؟ أولاد امدرمان كلهم ؟ من ولد في امدرمان و عاش فيها ؟ لحدي كم جد يعني ؟ من سكنها فقط ؟ و لا من كان منهم في منصب محدد و تسبب في "التضييع" ؟
سلام يا خالد بشير
الحديث هنا عن سكان أمدرمان بعد الثورة المهدية , وأغلبهم هاجروا الي المدينة من أرياف السودان المختلفه الي ريف جديد بجوار النيل يسمي أمدرمان .. منذ مؤتمر الخريجين ونشأة الأحزاب ووراثة الإستعمار والسودنة أمدرمان وأهلها حاضرين وبقوة في هذا التاريخ ... الإذاعة والتلفزيون والمسرح في أمدرمان عملوا شنو لصناعة الشعور القومي السوداني الموحد ( ولا الهواء) قونا بالحكايات وتسجيل حلقات مع العبادي وعبدالرحمن الريح والفنان الذري
تحياتي
Post: #119 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-01-2018, 10:10 PM Parent: #117
Quote: الإهتمام باالتعليم هو أساس النهوض بأى مجتمع والتنمية الإقتصادية. التعليم المجانى والداخلى من الإبتدائى وحتى الجامعى كان المستفيدون منه أبناء الضهارى .. ماذا فعلوا بعد تعليمهم وإعدادهم للنهوض بأقاليمهم؟ .. أبناء الضهارى أداروا ضهورهم لضهارىهم .. فما أبلغ مصطلح الضهارى هذا لم يعودوا لمواطنهم ومواطنيهم ليقودوا نهضتها ولكنهم قبعوا بالعاصمة .. الخرطوم طراوة والزول حلاوة .. فلاحة السفر لضهاريهم فى المناسبات الخاصة والأعياد
يا نادر ما تسأل نفسك ليه الفنانين والشعراء مترمتلين في بيوت العزابة في أمدرمان ما عذبتوهم حضنتوا كل شيء عندكم حتي لجنة النصوص وإجازة الصوت عندكم والرادي عندكم والحكومة والوزارات وكل شيء .... السودان كان في حاجة ماسة الي نسف هذه المركزية هذه الخلخلة التي أحدثها الإنترنت وثورة المعلومات قامت بالدور كامل الآن كصيرورة وليس نتيجة وعي مركزي
تحياتي
Post: #118 Title: Re: اولاد أمدرمان ضيعوا 60 عام على السودان Author: هاشم الحسن Date: 12-01-2018, 10:02 PM Parent: #115
تحياتي يا عظمة، تعليقا على كلامك الأخير فقط.. والأول ربما.
ولكن.. ما الذي يجعلك تفترض أن الأمدرمانيين بوقتهم، قد توفر لهم بوقتها، ما توفر لك من الوعي والفهم في وقتك هذا؟؟
قبيل قلنا ليك: هل كان بالإمكان أحسن مما كان؟ لو قلت نعم.. إذن كــــــيـــف؟ أشرح واستعن بالله!!
خلي بالك، خليل فرح غير كونه من صاي في صيصاب النوبة، فهو خرطومي الدرس والمعيشة.. برضو غنا لأم درمان؟ الكلام دا قبل الإذاعة ذاتها.. الإذاعة العملوها الإنجليز.. ناس أم درمان لقوها فعبروا بها عن ما أمكنهم.. وهل باليد حيلة؟ ثم لو أنهم [لو] قصروا في شيء،، فقد خدموا في أشياء.. وهل ينكر ضوء الشمس إلا من بعينه الرمد؟؟ يا راااجل!! ثم.. هل تظن أن خليل فرح مستلب أم درماني بليد باع اقاليمه وثقافته وووو وكذا وردي وووو؟؟ يا راااجل!!
برضو قلتا ليك: إنت لو ما ساي عايز تتلاحى مع اولاد قلبا.. فشكلك كنت قافل على ورق اترمى أو نزل أولريدي.. وجواكرك ... ماهن في يد أمدرمان.. بالتأكيد لم تعد..
Post: #120 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-01-2018, 10:20 PM Parent: #118
Quote: تحياتي يا عظمة، تعليقا على كلامك الأخير فقط.. والأول ربما.
ولكن.. ما الذي يجعلك تفترض أن الأمدرمانيين بوقتهم، قد توفر لهم بوقتها، ما توفر لك من الوعي والفهم في وقتك هذا؟؟
يا هاشم الناس ديل قلة وعيهم وإداركهم بضرورة تسخير رسالة الإذاعة للمصلحة الوطنية لا يسقط عنهم المسؤلية .. معقولة ما كانو عارفين أن خروج المستمعر يعني بناء دولة تعبر عن كل السودانين ؟ ومن أين أتي لهم الوعي بسودنة الوظائف الجمعيات الثقافية كانت في أمدرمان قبل الإستقلال ( يعني الحد الأدني من الوعي الذي يسمح لنا الآن بطرح هذه الأسئلة التاريخية كان موجود) هم إختاروا تحويل مدينتهم الي بقرة مقدسة ومارسوا الإستهبال والتهريج علي حساب قضايا الوطن الكبري (الناس مسيكين في قبولهم يا هاشم)
تحياتي
Post: #121 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-01-2018, 10:31 PM Parent: #120
Quote: ثم واين هي امدرمان؟! اين تلك التي اخدت من المدينة رقي ناسها.. ومن القرية مبانيها؟!امدرمان كفكرة انهارت تماما بعد استباحة قوى الريف للقصر الجمهوري وصبوا كل ضغائنهم على النماذج الكويسه في السودان وهي قليلة جدا .. جامعة الخرطوم (الصنم الجاثم فوق صدر الثورة) .. ومشروع الجزيرة .. وامدرمان .. وأخلاق السودانيين الذين عادوا كما كائنات لا تحركها الا الضغائن.
شكرا يا محمد حيدر كفيتني كثير مداد كلامك يخرج من قلب مملوء بالحسره علي ضياع نفوذ أولاد أمدرمان حسب كلامك (فكرة أمدرمان) قائمة علي السيطرة علي القصر الجمهوري وأن قوي الريف تستمر بالخضوع لساكني القصر الجمهوري بالله في زول واعي ممكن يكتب كلام زي دا ياخي الكيزان شغالين بي نفس خطابك دا وحشدوا كثير من البسطاء بهذا الخطاب المتهافت نفس كلامك دا يا محمد حيدر الكيزان بيستقطبوا بيه القبائل (نحنا أديناكم السلطة) وإنت جاي للأسف تبصم علي خطاب الحركة الإسلامية في شكل صورة زفرات حري ... يعني إنت عاوز أولاد أمدرمان يكونوا حكام وعاوز أهل الريف ( أصحاب الضغائن كما وصفتهم) يبعدوا عن القصر الجمهوري عشان ترجع الحاجات الكويسة للسودان ( غايتو إذا كان هذا لسان حال أمدرمان كان مفروض يفتح هذا البوست من زمان)
يا أولاد أمدرمان سؤال صريح : هل كلام محمد حيدر الفوق بمثلكم ؟
Post: #122 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-01-2018, 10:57 PM Parent: #121
غايتو يا محمد حيدر بعد الكلام الفوق دا (إذا كنت في حزب سياسي) مفروض يرجعوك مدرسة الكادر تانى ويعملوا ليك إعادة تنشئة سياسية ويعلموك أساسيات الخطاب السياسي والمحاذير والخطوط الوطنية الحمراء ياخي ما صاح تقول أهل الريف جو لي ضغائنهم للقصر الجمهوري الكلام دا بيفقد الإنتخابات ويظل سقطة تلازم السياسي طول عمره
Post: #123 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-02-2018, 03:30 AM Parent: #1
كلام محمد_لحسن طبيعي ومعبر ومتوقع. شارع الشنقيطي في أم درمان.
___ بالمناسبة.
Post: #124 Title: Re: اولاد أمدرمان ضيعوا 60 عام على السودان Author: ABUHUSSEIN Date: 12-02-2018, 05:06 AM Parent: #123
Quote: قداسة المدينة ولبوس الإستعلاء :- عجيب أمرهم، أبناء ضهاري تجمعوا في أمدرمان من كافة أنحاء السودان نسجوا الأساطير وبنوا شخوص المدينة، وفرزوا عيشتهم من باقي السودان ، وتحولت المدينة الريفية بقدرة قادر إلى منارة التنوير ومركز الإشعاع الوطني.. كيف لأبناء من الأقاليم ومن ارياف السودان يمارسوا هذا الكم من الإستعلاء على مناطقهم التي اتو منها وقاموا بتنميط أطراف السودان، دا بيوضح لينا عدم الوعي والإدراك بمسؤولية بناء الدولة، وغرقوا في الحيشان الثلاثة يمارسون الهرج
يعني أبناء الضهاري على قولك هم السبب ....!!!!!!!!!!! خلاصة العواسة بتاعتك دي إنو أبناء الأقاليم هم الفاعلون .... بدليل أن أم درمان مدينة مصنوعة من أبناء الضهاري و أبناء الأقاليم هم من دمروا السودان .....
إذا كان أولاد أم درمان و هم مجموعة عطالى على قولك عملوا دا كلو طيب لو كان عندهم كشك ليمون و شغالين فيه كان عملوا شنو ...؟؟؟؟ كان غزو أرض الحبشة و إحتلوا منابع النيل و عادوا بالحور الحبشيات و إتخذوهم جواري ...؟؟؟؟؟؟
قوم لف بلا فقر معاك ....
Post: #125 Title: Re: اولاد أمدرمان ضيعوا 60 عام على السودان Author: قسم الفضيل مضوي محمد Date: 12-02-2018, 07:57 AM Parent: #124
ثم واين هي امدرمان؟! اين تلك التي اخدت من المدينة رقي ناسها.. ومن القرية مبانيها؟!امدرمان كفكرة انهارت تماما بعد استباحة قوى الريف للقصر الجمهوري وصبوا كل ضغائنهم على النماذج الكويسه في السودان وهي قليلة جدا .. جامعة الخرطوم (الصنم الجاثم فوق صدر الثورة) .. ومشروع الجزيرة .. وامدرمان .. وأخلاق السودانيين الذين عادوا كما كائنات لا تحركها الا الضغائن. . . . . بهذا المقتبس يكون ود المشرف قد طبق نظرية الرصاص في الراس على نفسه ... . .. . والله ما رضيناها ليك ... تغمر الدمعات عينيك ... رغم كل خصام وجفوة ... برضو شفقانين عليك ......
Post: #126 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-02-2018, 09:07 AM Parent: #125
ملاذ حسين خوحلي في حوار مع حسن إسماعيل طالبت : اقفلوا حدود الخرطوم عشان ناس الأقاليم يخشوا العاصمة.. بالله شوفوا دي هي جاية من الريف السوداني وعاوزة يمنعوا أهل الريف من دخول الخرطوم... الكلام إتقال في قناة أمدرمان.. وحسين خوحلي قادينا الزمن دا كلو بي عظمة امدرمان لغاية ما خلا بتو تنسي الشرفة وأهل الريف الجهل مصيبة
Post: #128 Title: Re: اولاد أمدرمان ضيعوا 60 عام على السودان Author: دفع الله ود الأصيل Date: 12-02-2018, 11:23 AM Parent: #126
@ كم هي أمورنا مختلطة لدرجة تشتُتُ أفكارنا, تشابه مرابط أبقارنا و تشابك خطوط حنابل أمطارنا و تلاطم أمواج بحرانا.
# تعرف، ي عبد العظيم نحن بقى الرايح لينا في الموية كتير، ما يدي الدرب في زمانٍ تشابهت علينا فيه العجول و الأبقار فرحنا نفتح خشوم التماسيح , بحثاً عن لسان مسروق ؛ ضُبِط َلاحقاً بحوزة كلبٍ يلهث ؛ إن تحمل عليه يلهث أو تتركه يظل يلهثُ. و الهوية تظل ضائعةً في زحام المتناقضات. فكل ما يقال و يفتى به تجد أن له أذناً صاغيةً , تسمع و جهات مسؤولة و غير مسؤولة تنفذ و سلوك (دلدماسية)و غير دبلوماسية تنافح و تنبح كنبيح الكلب حرصاً على ضنبو. []-------------(((())))-----------[] [] فكلما وجدت شيخاً متعصباً في فقهه, متشدداً متزمتا في رأيه, متجهماً , لا يفر بسمةً و لا يفك تكشيرة ؛ و حسبت أن لا حظ له من النساء. لكنني أفاجاً على العكس بأن لهذا الصنف بالذات منهن مثنى ، فثلاث و رباع . كما له مآرب أخرى في أخريات. و هناك وليان أمور متعلقون به و بأمثاله للنخاعات ؛ و فتيات حالمات، و لشوشتهن غارقات ؛ و أمهات لأكف الضراعة رافعات!! [](فيا لسبحان الله) []-------------(((()))-----------[]
# قيل عنهم شباب متشبهين، يسبلون شعورهم إلى أنصاف ظهورهم ؛ و هم يُحَلَّونَ من أساور من ذهب و يلبسون ثياباً مًلُساً من سندس و إستبرق حتى( ضحك الشيب منهم و الشباب معاً) ، و لكنني أفاجأ بالفتيات يلاحقن أمثال هؤلاء في الطرقات؛ و يمشين وراءهم في دهاليز الأسواق و المولات؛ ربما لقناعة لديهن بأن الطيور على أشكالها تقع! (فيا سبحان الله) []-----------((()))---------] # أما هذا ، فيقال عنه رجل فظً غليظ القلب مع النساء،بحيث لا يأبه بمن تنظر إلية و يمتهن من يتوددن إليه. فقلت في نفسي أناجيها :لا بد أن ينفضَّ سامرهن من حوله! لكننيكثيراً ما أفاجأ بأن كثيراتٍ هن من فهمن مبدأ قوامة (الرجال على النساء) بمعنى أن الكلب لا بد أن يريد خانقه (فيا لسبحان الله) []----------((()))--------[] # و هذا رجل مهملٌ لنفسه منهمك في جمع الدنيا، لمستقبل لا ناقة له فيه و لا بعير ؛ لكونه جمل شايلالسُقَى و عطشان. فهو فاقد الأهلية لأدني مقومات الجاذبية لدى أية أنثى ، اللهم عدا واحدة لعلها ترى فيه عصامياً،ثم تقرر العيش في كنفه، فقط بمنطق أن تنعم بخيره مع شريك آخر ، سواه! (فيا سبحان الله) []-------------((())))-----------[] #و هذا رجل هلهلي يرتعد خوفا من ظلهفلا كلمة له بين أقرانه، يستحيي حين يجادل و يتصبب عرقا حين يطالب . فقلت لن تقبل امرأةٌبرجلٍ طريرٍ و لكن إذا بمن يجدن فيه ضالتهن، لا لكون في أثوابه أسدٌ هصور، و لكن لكي تؤول العصمة بيدها ليخلو لها الجو و تحياحياتها حرةً فتبيض و تصفر !! [](فيا سبحان الله) []-------------(((())))-----------] []حتى إنني صرت ُمضطراً لمسايرة قولهم إن : لكل ساقطة لاقطة بمفهوم عصري متجدد جداً!! م ن هنا فلا بد لكل حالم أن يقيض له الله فتاة أحلامه إن عاجلاً أم آجلاً على بسط من حرير . (بمشيئة العلي القدير) .
[] عمومن ، نحن لم وسوف لن ، نتبدل. كل ما في الأمر هنالك ، أ ننا نترفعت قليلاً عن كثيرٍٍ حينما تبين لنا أن لا شيء يستحق منا عنـــاء الانحناء تواضعاً لدرجة أن يصيبنا اعوجاج مزمنٌ في سلاسلنا الفقرية!!
Post: #129 Title: Re: اولاد أمدرمان ضيعوا 60 عام على السودان Author: دفع الله ود الأصيل Date: 12-02-2018, 11:40 AM Parent: #128
فيا حيا الله أخونا عبد العظيم عثمان ، مراراً و تكراراً. كلامك ساؤقنا و لامحالة َ طوعاً لنوغل برفقٍ للنبش في كثير مما هو مسكوتٌُ و متغاضى، فمتجاووزٌ عنه لدينا.
# فعلى خشبة مسرح حياتنا المنقول دوماً على الهواء مباشرتن في عز همبريب العراء الطلق، و بروحٍ نقدٍ عفوي بديع، نجد أنه حينما تُقرر قوةٌ خفيةٌ ما ، قطع الطريق على حصانٍ طائرٍ في عز انطلاقه لا يلوي على شي، و بقوة دفع وقودٍ حيوي ، على مضمار سباقه ، أو إلى نهايـة خـط سيره نحو وجهةٍ و غايةٍ ما، لا يحق له بلوغها و لا حتى بشق الأنفس، إذاً ، فما هو القول و ما العمل ؟! هل يجب أن يزرعوا مجرى المضمار بالحواجزو المطبات، أو حتى بالألغام المعبا’ بمسامير جا لنسف الحصان و راكبه؟! أم أنه لا بد من حيلة لوضع الحصان خلف العربة؟! أو إجفاله فقط لتحويل وجهته ليجري خبط عشواء؟! حتى يتسنى لهم تمرير مخططٍ ما في نفس يعقوب يريد قضاءه ، و لكن دون وقوع أحداثٍ مدوية أو خسائرَ جمة و فادحةٍ في أرواح غلابة و ممتلكات أبرياء. و حتى ينقطع دابر ما هو واصلٌ ما بين أقوالنا و كثير من مقاصدهاالبعيدة. فإن البعض يتنطعون بتحوير نوايانا و تحريف كلامنا من بعدمواضعه، كي يضيع الدرب في الموية لأمة بأسرها ،غير فتذهب ريحها مأسوف على شبابها ، بنهاية المطاف. عمونمن ، أرجو، إذا الخاطر سرح عنك ، تأكد إنو رغاحل ليك و هوب في ربى الأحلام .. قريب منك!! *******((((())))))********
Post: #130 Title: Re: اولاد أمدرمان ضيعوا 60 عام على السودان Author: Abdullah Idrees Date: 12-02-2018, 02:10 PM Parent: #129
Quote: غايتو يا إدريس طلعت فعلا جمالي صحراوي ساكت.
مالهم يا حاتم العربجية والرواعية ؟ عارف انو ما لقيت حجة مقنعة ترد بيها ففضلت تنسحب بطريقة ما ، لكن بدل تستهزيء بقطاع عريض من السودانيين ، كان من الافضل تطعني انا شخصيا وتكافي البلا بالبليلة ، لكنك مع افتقارك للحس السليم تفتقر للحكمة والذكاء ايضا .. الغريبة لمن اسامة الخواض تحدث عن ما اسماه ثقافة المنطقة الصناعية في ثنايا حوار له مع حاتم ، اتقبقب كويس واتشكلت لجنة للدفاع عن ناس المنطقة الصناعية ! يبدو انو العربجية والرواعية او ناس البوادي ما عندهم وجيع ! او يمكن لانو الاساءات دي صادرة من نعامة الملك شخصيا .. ممكن ..
Post: #131 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-02-2018, 04:30 PM Parent: #1
العربجي هنا هو من يمارس (هوس) اللغة العربية. وطبيعي لرجل البادية والصحراء أن تسقط من حساباته أهمية الإذاعة زيك كدة.
____ أساليبك رخيسة يا أخينا.
Post: #132 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-02-2018, 08:18 PM Parent: #131
يا قسم الفضيل صاحبك كاتل ملف بيكون بيرازي وبيفتش في مراقة لكن (نو وي) غرقان لي أضنيه سقطة المنبر بلقاء
Post: #133 Title: Re: اولاد أمدرمان ضيعوا 60 عام على السودان Author: adil amin Date: 12-03-2018, 05:33 AM Parent: #132
متلازمة حسين خوجلي صدقني يا عبدالعظيم ذى ما قلت ليك لو اخر حاكم انجليزي طفا النور ومشا نقل العاصمة كوستي كان بقينا ذى الهند وما ضاعت الديمقراطية بتاعة وست منستر ابدا من هو ناس الخرتوم ؟؟ الما عندهم طرف في الضهاري ؟؟ ده السؤال الذى يخيفهم ؟؟ من هم الهاشماب ومن هم اولاد الموردة ؟؟ وكيف تكونت العاصمة السودانية عبر ال200 سنة الاخيرة ؟ ومن الذي تعلم على حساب الاقاليم الستة في وادي سيدنا واعتنق الايدولجيات المصرية على حساب المشاريع الوطنية لشعورهم بالدونية حيال مصر المهببة .. دي تحلل في علم النفس السياسي الاجتماعي بمرجعية ابن خلدون وطبعا الفدرالية هي الحل من 1947؟ وكل يفر منها حتى الان ولو فصلو كل الاقاليم .. https://up.top4top.net/
شوفو اي زول ما عجبو كلامي ده يقول ويعمل كيوت ليه عشان ناسسو ليه بالصور والمقالات من كتب سودانية موثقة تعتبر رفرنس لسودانيين احرار لم يمارسو العهر الاكادمي في كتابة التاريخ المعاصر
Post: #134 Title: Re: اولاد أمدرمان ضيعوا 60 عام على السودان Author: Kabar Date: 12-03-2018, 07:42 AM Parent: #133
يا ديجانقو افرز يااااااااخ..
يعني تاني الواحد ما يطوف بيت ابونا سماعين الأزهري؟ ويعرج في القلعة وود مكي؟؟؟؟..عباسية ان شاء الله تطير عيشتك يااااااااااااااااااااااخ..!..يا ود فنقر: الولد يقبقب والبت تنقر (هوك لمن سنونك تطير يا عظمة)..!!,,موردة عيال عشري الصديق..ان شاء الله يكتلكم العطش وما تقدروا تصلوا النيل..!!.. يا بر يا ابو البتول..الله يرحمك يا فاطنة ياااااااااااااااااااااااااااخ..! دقنو الخدم ، سكنو بالعيدان.. التفتيش يطير يا ريتو يوم ما كان* حسب الرواية العندي من زول بيحكي كتلة السير لي استاك ، بعد ما زار بلدة ابوزبد المرين ، ودمو ساح ، بعد اسابيع ، في قاهرة المعز ولا مين كده ما عارف: امدرمان كان فيها نحاسين بتهز وترز: نحاس جدنا العطا اصول (امشى فتش عيالو منو في امسودان المجوبكة دي) ونحاس عبد القادر ود دليل (برضك امشي فتش..قطع شك لا جدك ولا جد مخالب الموساد حاتم ابراهيم..!!).. يبقى السؤال: الجابهم سيدنا الخليفة (هوي بلاش دغمسة: الزول ده سيد عيال ابا: بريمة ، الرفيق ياسر عرمان ، الشقيق عادل امين ، سماعين ، وتحت تحت يحى قباني..!!)..ديل من عيال امدرمان ولا عندك فهم تاني يا عبد العظيم؟..شفت امسودان دي ضيقة ككيف يا قريبي؟.. والأهم ليه يحى قباني مستعد يدافع عنهم لأنهم من امدرمان؟..ياخي دفاع ممكن يسقط حجري لو وقفت قدام يحى ، وبكل بساطة ممكن يقول لي ياخي انتا غرابي متعقد ساكت..وعيال الخليفة ديل اولادنا يا عمك؟.. شفت..الــــ Magic كيف يا عظمة؟.. المهم..
كتب عبد العظيم..
Quote: امدرمان قبل المهدي كانت زيها وزي الدخينات وتريعة البجا والشقيلاب كل شيء فيها تمت صناعته وتاريخها بدأ حديثا قد يتجاوز المائة عام بقليل في لحظة دروشة إختار المهدي أمدرمان ،هذا الأمر لا علاقة له باي قداسة أو تميز .. يعني الصدفة وحدها وضعتهاتحت الأضواء في ذلك الزمان (عشان ما تقدونا وتطلعوها أم المدائن سلفقة ساي).. القدر ارسل لها دراويش المهدي ليقيموا شكلا من أشكال الحكم.. وتجمع الناس حول الفكرة.. إنتهت المهدية بكل شرورها وتركت إرثا من القهر والتسلط والهزيمة والدروشة.. على أنقاض هذه الثورة أو الحركة سمها ما شئت قامت هذه المدينة بروس.. وعند الإستعمار الثنائي (المصرى والانجليزي) كانت حاضرة تجمع ريفي حول النيل ولا تزال تحتفظ بذاكرة الجهادية ودروشة المهدية.. وعادت الظروف تضع الإذاعة في شبه المدينة، للأسف لم يكن المثقفين حينها رؤية توحد أهل السودان ولم يناقشوا التنوع الثقافي واكتفوا بتمثيل شكلي لأقاليم السودان ويبدأ إستهبال النخب والتلاعب بمستقبل البلد.. مؤتمر الخريجين كان تجربة غير ناضجة وتمت كلفتتة الأمر ونشأت تجمعات مهرجلة أطلقوا عليها أحزاب وبدأ صراع محموم لورثة المستعمر للسيطرة على المجتمع بإستخدام نفس الأدوات، عشان كدا موضوع كان الشعار =(التحرير قبل التعمير) هذا هو الجو الذي نشأت فيه الإذاعة يجيبو الوعي بالقضايا الحقيقية للناس من وين؟ وكانت الإذاعة مرأة تعكس إهتمامات المثقفين من اولاد امدرمان وحبهم لمدينهم المصنوعة بلا تاريخ، وعكست الوعي الزائف بقضايا البلد لم تكن مشكلة السودان العويصة هي الغناء ولم تكن مشكلة السودان الترفيه بل كانت مشكلة السودان الشعور القومي الموحد (فشل اولاد امدرمان في تسخير الإعلام لخدمة ممسكات الوحدة الوطنية).. ضيعوا على السودان فرصة كبيرة في محيط إقليمي كان مهيئا لأن يلعب هذا البلد دورا كبيرا وان ينهض قويا.. ولكن ضيق الأفق وقلة الوعي والأنانية عوقتنا وعوقت البلد...
تاريخ المداخلة.. 29-11-2018, 05:43 PM
تحية للجميع هنا..
اشارة التاريخ ، تاريخ المداخلة ، اعني بها مصطفى مدثر ويحى قباني..! ربما لا احد يذكراو يتذكر..في يوم الخميس 29 نوفمبر 2012 كان رحيل العلامة الجميلة التشكيلية دكتورة البقيع بدوي محمد عبدالرحمن (من اسرة ابارو)..!!..طبعا عبد العظيم لم يقرأ مساهمتها في هذى الدنيا الفانية ..ومن عجب هي من اولاد امدرمان..!!! التحية لأستاذنا وصديقنا احمد الأمين الذي كتب عنها..يوم الحارة..يوم فقدها..!
ولكن..!
ماهو قصدك بالضبط يا عبد العظيم (بالمناسبة انا لست من ناس امدرمان ، يعني زول ضهاري ساكت وجيت بيها عابر زي قول عبد القادر سالم: انتا عابر سكة فايت ولا جيت قاصد تزورنا..الخ)..؟..هل تقصد الإذاعة (هنا امدرمان) ام تقصد امدرمان كلها من مجاميعها؟..لو قاصد الإذاعة.. فانا قلت هذا الكلام من قبل..ومستعد ادافع معاك عن موقفك..اما اذا قاصد امدرمان كلها فهنا نختلف بعض الشئ..!
فكرة (امدرمان مصنوعة) يا عبد العظيم ، قال بها استاذنا دكتور عبد الله حمدنا الله منذ تسعينات القرن الماضي (يعني انتا لاطش الفكرة وما عندك حتى الأخلاق البتخليك تنسب الحاجات لناسها الحقيقين..ودي فكرة الأمانة الفكرية..انت ما عندك الدقنوس البخليك تنجر عبارة زي دي..وكان الأجدى ان تنسب الحقوق لأصحابها)..! وحينما قال دكتور عبد الله حمدنا الله بتلك العبارة..كان سطحيا للغاية (معليش يا استاذنا) ويظن المعرفة هي التي يحتكرها ويعرفها هو فقط..!
امدرمان ، التي تطورت فيها حضارة (انسان ابوعنجة) قبل عشرة الف سنة (حسب تقديرات اهل الأركيولوجيا وبحوثهم التي لا يقرأها السودانيين والسودانيات امثال عبد العظيم عثمان..وغيره)..كانت موجودة قبل المهدي (عليه السلام)..ولم تكن مجرد حلة او قرية حسب خيالك القاصر يا عظمة الذي يجعل منها قرية مثلها ومثل الدخينات وتريعة البجا والشقيلاب..!!..ومالهن ديل يا عبد العظيم؟..يعني حاقر بيهن؟..صدقني انت انسان منبت..وما عندك فكرة عن تاريخ السودان..!!..البجا يا هاشم الحسن القاموا سموا الخرطوم خرطوم عشان تجي النطيحة والموقوذة وما اكل السبع وبغاث الطير من كل جنس تتريق عليهم..!!..عرفت ليه يا عبد العظيم بعض الناس هنا سألك: انت من وين يا اللخو؟..اعمل فيها رايح عشان عادل امين بكرة يجي يوريك المكشن بلا بصل..!!
الغريبة يا عبد العظيم..مشروع عيال عشري الصديق ، القاعد يحتفل بيهو دكتور خالد حسين الكد وغيره ، المشروع الفكري القام خلا ناس امسودان تعرف البيها والعليها..والعك الحاصل اليوم (جدلية مركز وهامش) مارق من مكابدات ناس امدرمان..يبقى كيف ضيعوا ستين سنة من عمر السودان؟..ولا النقة الحايمة اليوم دي انت ما عندك فكرة عنها؟.. خلينا في المهم..يا عبد العظيم..نفترض (حسب زعمك) ستين سنة ضاعة..يعني شنو؟
استاذ الفلسفة السوداني ، دكتور صبري خليل عندو مفهوم ان الزمن السودان زمنين: زمن وجودي وزمن حضاري..! نشرح ليك اكتر :الزمن الوجودي بعمر الكرة الأرضية (التقديرات اربعة بليون سنة وشوية فكة) ، الزمن الحضاري (حسب تقديرات انسان الغرب الحضاري اهلك الخواجات: عشرة الف سنة)..انا بقول ليك (مسئول من الكلام ده) الزمن الحضاري السوداني اكتر من ربع مليون سنة..ككيف تحاسبو بستين سنة؟..ما تنسى انسان ابوعنجة (باللفة انسان امدرمان) زمنو الحضاري عشرة الف سنة..!
يبقى ليه نحن بنستسهل الحاجة بالطريقة دي يا عبد العظيم؟..كونك تكون زعلان من عيال امدرمان ياخي امشى اربط ليهم الشارع: يا دقيتهم يا دقوك..لكن امدرمان فكرة كبيرة يا قريبي..!
مخالب الموساد حاتم ابراهيم..شغال فرتقة..وعندهم خطة: السودان ده يتقسم لخمس دويلات بدت بانفصال الجنوب (امريكا بقى ليها بمبي..فاكرة انها ح تحسم تدخل الصين في المنطقة ، وهسع جاريين بكرعيهم وايديهم عشان يرجع السودان تاني يتوحد..!!)..ثم انفصال دارفور ، ثم انفصال جبال النوبة ، ثم انفصال الأنقسنا..!! وحتى ولو ، لا قدر الله ، السودان انفصل لعشرمية دويلة..يعني ح يقدروا تاريخ الوجود وتاريخ الزمن الحضاري؟..
اوكي..عيال امدرمان ما قدروا يخلقوا وعي قومي يوحد السودان..والستين سنة تعتبر ثانية في الزمن الوجودي السوداني ، وست دقايق في الزمن الحضاري السوداني..انت فهمك شنو في تصحيح الخطأ الذي تعتبره جسيم وداير ليهو دق طار وصفايح وقسوم ملك الطار (طبعا ما ح نجيب ليك قدورة وحمدي عباسية..وغيرهم من الخلايق الطافحة اليومين دي زي موية المجاري العفنة..!!!)..!!
الفكرة نشوف: هل انت جادي ولا الموضوع نياصة ساكت؟
اعفوا لينا يا محمود سراج وسيف الدسوقي ومحمد احمد عوض..!
كبر
Post: #135 Title: Re: اولاد أمدرمان ضيعوا 60 عام على السودان Author: adil amin Date: 12-03-2018, 08:02 AM Parent: #134
Quote: الشقيق عادل امين ،
دي حلوة ذى مصر الشقيقة والاشقاءالعرب يا زول ان قاعد عند جبل البركل العظيم ومشلخ كمان وجنسيتي خضرا وقبل سبعة الف سنة شوف انت دخلت السودان بتين ؟ وناسي الاربعة ديل هؤلاء هم رموز السودان الحقيقيين ان فقهو السيد عبدالرحمن رمز امدرمان الحقيقي المغيب والغرب والوسط=الانصار السيد علي الميرغني رمز بحري والشمال والشرق =الختمية ومحمود محمد طه فكر سوداني اصيل ومثقف حقيقي والدكتور جون قرنق صاحب افضل مشروع سياسي في السودان حتى الان ولو الاعلام المركزي رد اعتبار الاربعة ديل بكون فعلا اعلام سوداني وانت وريني من هم الاقليات او المكونات الاجتماعية في المركز التي ليس لها انعكاس في الهامش ؟؟ حددهم عديل كده ..يا كبر السودان ده 95% قبائل عندها اسماء واماكن في الاقاليم الستة والمركز (عافرين جايين من وين ) عايزك تحدد لي ال5% الما ا قبائل ديل منو ؟؟
Post: #136 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-03-2018, 06:21 PM Parent: #135
جوة امدرمان في درجات للأصالة ناس امدرمان القديمة يعتبرون ساكني امبدات ناس متهجمين على البقعة وديل ما أمدرمانين اي زول ما عنده علاقة بي مكي ود عروسه أو ودرو أو العمدة أو حي العرب يشوف ضهاري يتلم عليها.. الإستعلاء له جذور في أمدرمان عشان كدا العنصرية بايتة ومقيلة في امدر
Post: #138 Title: Re: اولاد أمدرمان ضيعوا 60 عام على السودان Author: يحي قباني Date: 12-04-2018, 01:47 PM Parent: #136
Quote: عبدالعظيم عثمان تاريخ التسجيل: 29-06-2006 مجموع المشاركات: 5141 للتواصل معنا
FaceBook تويتر Twitter YouTube Google Plus
Re: اولاد أمدرمان ضيعوا 60 عام على السودان (Re: adil amin)
جوة امدرمان في درجات للأصالة ناس امدرمان القديمة يعتبرون ساكني امبدات ناس متهجمين على البقعة وديل ما أمدرمانين اي زول ما عنده علاقة بي مكي ود عروسه أو ودرو أو العمدة أو حي العرب يشوف ضهاري يتلم عليها.. الإستعلاء له جذور في أمدرمان عشان كدا العنصرية بايتة ومقيلة في امدر
ههههههههههههه غلبتو الحيلة قال يجرب يقلب اولاد ام در على بعضهم ...
ولد ده ... العب غيرها يا بلبل ...
Post: #139 Title: Re: اولاد أمدرمان ضيعوا 60 عام على السودان Author: نادر الفضلى Date: 12-04-2018, 06:12 PM Parent: #138
يا عبد العظيم عثمان من باب أمانة الطرح (ورغم أنها ممفقودة فى كل سطر كتبته فى هدا البوست) ولكن وأنت تنتقد من أسميتهم أولاد امدرمان فمن الأمانة أولاً أن تعرف نفسك من أى ضهارى أنت ما تقول لى ود خرتوم أو خرتو بحرى .. لأنه حتضحك عليك الناس أكثر .. عرف ضهاريك عشان أولاد أمدرمان يردوا عليك بمعرفة تامة عن ضهاريك مثلما تعرف مدينتهم وربما يقدروا ظروفك ولا يجدوا ضرورة للرد ويكتفوا بأن تواصل الهضربة لعلها تكون متنفساً لك
* قلت لى أمدرمان مدينة مصنوعة ... ههههههه .. رغم أن حتى هذ الترهة ليست من بنات أفكارك!
Post: #140 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-04-2018, 07:43 PM Parent: #139
البوست عن امدرمان وعن ضياع 60 عام من عمر السودان تسبب فيه نفر من أبناء شبه المدينة... دافعوا عن مدينتكم... دافعوا عن رموز مدينتكم... تعالوا اشرحوا للناس عن سبب هذا العجز في توحيد السودان حول مشروع وطني قومي ينهض بهذا البلد المنكوب... محاولة مهاجمتي شخصيا هو هروب للإمام ومحاولة للالتفاف البوست قدامكم قولوا العندكم...
Post: #141 Title: Re: اولاد أمدرمان ضيعوا 60 عام على السودان Author: نادر الفضلى Date: 12-04-2018, 08:34 PM Parent: #140
يا عبد العظيم لو ما عرفنا إنت من وين .. ياتو ضهارى شبيت فيها بيكون هنا فى إخلال بمبادئ الحوار لأن الموضوع مربوط برمى اللوم على منطقة جغرافية بعينها وهى أمدرمان بأنها أثرت سلبا على ضهارى السودان .. لو كان موضوع عام غير مربوط جهويا كان تبريرك مقبولاً فى عدم الإفصاح عن ضهاريك!
معقولة تفتح كل يوم والتانى بوست فى نفس اللت والعجن والتهجم على أمدرمان وأبنائها .. وأنت تخفى أى ضهارك حدفت بك؟!
ومع إحترامى لشخصك ولمفهوم إختلاف اٍاراء .. فلا تظن أن ما تكتبه هنا فيه ذرة منطق .ز ولكن يعبر عن عدم مصداقية فى الطرح ومعذرة ففيه سطحية مبالغة .. ولو الزمن بيسمح لأهدرته لتبيان ذلك تفصيلاً .. رغم أعتدنا فى هذا المنبر عدم التراجع والإقرار بالخطأ وهنا ليس خطأ بل خطل تعرفه وتظن أنه مدارى والرد سيكون فقط لتبيانه .. وقبل هذا وذاك أفصح أى ضهارى أنجبتك وشببت فيها وظلمت بسبب أولاد أمدرمان
Post: #142 Title: Re: اولاد أمدرمان ضيعوا 60 عام على السودان Author: Mahjob Abdalla Date: 12-04-2018, 11:42 PM Parent: #141
Quote: الوعي الريفي والرعوي دا غير الحروب والانقسامات قدم شنو؟
Quote: امدرمان كفكرة انهارت تماما بعد استباحة قوى الريف للقصر الجمهوري وصبوا كل ضغائنهم على النماذج الكويسه في السودان وهي قليلة جدا
معقول ده رأيكم فينا يا ناس ام درمان.
___________________ غايتو يا عبدالعظيم لو طلعت ما مننا ناس الضهاري تكون بالغت لانو الشتائم دي كلها وقعت فينا و احنا في صمة خشمنا.
Post: #143 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-05-2018, 02:06 AM Parent: #142
يا محجوب الكلام الكتبه محمد حيدر مدافعا عن امدرمان هو ما يستبطنه كثير منهم، هو إتزنق وكب الكلام ومارجع البوست تاني.. هذه الصورة النمطية للريف والأقاليم السودانية مخزنة كما كتبها، هي ذاكرة جمعية لهم عبر عنها محمد.. ودي نقطة مهمة عند الحديث عن زوايا الوعي التي كانت تحيط بعملية إدارة مؤسسات الدولة بعد الإستعمار...
Post: #144 Title: Re: اولاد أمدرمان ضيعوا 60 عام على السودان Author: هاشم الحسن Date: 12-05-2018, 04:05 AM Parent: #143
تعرف يا عبدالعظيم، هذه الاستنكارات التي في المقتبس التالي ربما تبدو وجيهة ولكنها ليس بالضرورة صحيحة.. نناقشها في الونسة التالية..
Quote: يا هاشم الناس ديل قلة وعيهم وإداركهم بضرورة تسخير رسالة الإذاعة للمصلحة الوطنية لا يسقط عنهم المسؤلية.. معقولة ما كانو عارفين أن خروج المستمعر يعني بناء دولة تعبر عن كل السودانين ؟ ومن أين أتي لهم الوعي بسودنة الوظائف؟ الجمعيات الثقافية كانت في أمدرمان قبل الإستقلال ( يعني الحد الأدني من الوعي الذي يسمح لنا الآن بطرح هذه الأسئلة التاريخية كان موجود) هم إختاروا تحويل مدينتهم الي بقرة مقدسة ومارسوا الإستهبال والتهريج علي حساب قضايا الوطن الكبري (الناس مسيكين في قبولهم يا هاشم)
١) طبعا المقولة المشهورة (الجهل بالقانون لا يعفي من المسؤولية) لا تنطبق هكذا ضرية ضربة لازب في السياقات السياسية والاجتماعية والتاريخية والثقافية والمعرفية. هذا لأن القانون في العادة هو تعبير عن البداهة والتوافق الجمعي و(الكمون سينس) وليس هكذا هي كل الأحوال الإنسانية الأخرى. وعليه؛ فقلة الوعي ونقص الإدراك والجهل بضرورات البناء الوطني كما تبدو لك الآن (من شرقة المستقبل)، فأي منها سيكفي لأن يسقط المنصف كثيرا من المسؤولية عن عاتق الماضي وأن يخفف من فرط العتاب واللوم المبني على الآمال التي تكون بأثر رجعي كما هي أمالك المجهضة في الجيل الأمدرماني الأول. كل هذا بافتراض أنك ستقبل بالمنطقي جدا؛ أن تناقش التاريخ وفقا لمعطياته الواقعية وليس من منصة احباطاتك المستقبلية.
٢) تذكر الشعار الشهير من تاريخ الحركة الوطنية (الأمدرمانية).. أي شعار (التحرير قبل التعمير).. وتذكر تحذيرات جواهر لال نهرو الشهيرة لزعماء الدول المستقلة حديثا وكذا تنبيهات كوامي نكروما.. إذن القصور في فهم متطلبات بناء الدول، وفي معنى التحرير ومعنى التعمير، لم يكن مقصورا على النخبة السياسية في هذا السودان وحده.. مثلا: سودنة الوظائف.. بسيطة.. مستعجلين.. الأكفأ والمؤهل حسب تركة الاستعمار..!! ومثلا: الدولة القومية.. سهلة.. على نموذج وكمثال أكثر مدنها ارتباطا بمفهوم الدولة الحديثة الأوروبي..!! وتعلم، دولة الحداثة ــ أين ما كانت ــ فهي بطبيعتها، دولة قاهرة جدا.. تكره التنوع وتحب الوحدة ولو بالصهر في النار.. لاحقا عندما تفاقمت مسألة الجنوب فوق طاقة الآليات القاهرة للدولة الحديثة السودانية، فقد خرج بعض الأمدرمانيين (أيضا) بمفهوم وتصور (لبوتقة الصهر القومي) هذه.. أو كما عبرت عنها مدرسة (الغابة والصحراء) وآيدلوجيا (الآفروعربية) وكما قدمتا مثالهما السناري.. هذا أيضا اصطناع قهري على مثال ظنوا أنه الأفضل والأكثر تعبيرا عن الوحدة والدولة والأمة .. و وغيرها من تفضيلات ومسميات الدولة الحديثة..
٣) تقول أن الحد الأدنى من الوعي الذي يسمح لك بمسائلة أم درمان موجود.. حسنا.. إذن يجب أن تتقبل المثال الذي وفره لك (صاحبك كبر) عن مدرسة الموردة/الفجر وعن العَشْريين و زين العابدين عبدالتام وعلي عبد اللطيف وخالد الكد وغيرهم… أليس هذا دليلا كافيا على أن حراكا بل اصطلاما فكريا قد كان يحدث في أم درمان هذه ذاتها، وهو متصل من ذلك الماضي عينه، إلى تصوراتك (ما بعد الحداثية) هذه عينها.
٤) تقول: حولوها إلى بقرة المقدسة: ربما.. ولكن قبلا فلننظر في قولك هذا على نهج حمدنا الله ذاك؛ بالأصطناع.. ونسأل: هل من مدينة في هذا العالم ليست مصنوعة أو مصطنعة؟ أحيانا وكأنك مع الشانئين على أم درمان، أيا تكون أسبابهم، تتخذونها مسبة تسبون بها أم درمان؟ إذن قل لي أي مدينة من هذه الحواضر وهي غير مصنوعة/مصطنعة في مرحلة ما من التاريخ؟ كوستي.. بورتسودان.. عطبرة.. أربجي.. سنار.. الفاشر.. الخرطوم.. دنقلا.. نيالا.. مدني.. المناقل.. الأبيض الخ الخ. خذ كسلا في مقارنة (تخصنا) وقارنها بأم درمان: القاش/النيل/ *نبات الدرماء/ شجر الدوم/ الحلنقة/الجموعية.. السيد الحسن الميرغني/الإمام المهدي.. التركية/التركية.. الانجليز/الانجليز.. المدرسة الأهلية/المدرسة الأهلية.. السودنة/السودنة.. الخالق الناطق! الذي حدث لأمدرمان وجعل منها مركزية سودانية، هو نجاحها النسبي كبوتقة مصغرة صهرت مكوناتها الاجتماعية بما وفرته من ممكنات المدنية. وكلهقد حدث في ملابسات تاريخية واجتماعية معروفة.. فليس منطقا ولا يجوز الحكم عليها وعلى دورها بغير هذا التاريخ.. مأخوذ كمعطيات للتحليل .. ولمعرفة نتائجه وتصحيح تجربتها مستقبلا لو أحتيج لذلك، وليس كتهم وتشنيعات!! قيمة أم درمان ورمزيتها نشأت في ملابسات الاستعمار والتحرير (لمرتين) فتأيقنت كمعادل وطني ناجح ضد الخارجي وضد المستعمر.. ثم عندما قدمت مثالا حالما للبوتقة الوطنية، فقد أراد كثيرون أن يصنعوا من كل السودان صورة منها.. واضح أنهم لم ينجحوا.. ولكن هل كان بإمكان أم درمان أحسن مما كان.. أشك.. فالمستقبل لما يكن قد أتى بعد، ولا محاكمه ستصح بالأثر الرجعي!! وهكذا وجدها (أولاد قلبا).. برمزيتها التاريخية وبمثاليتها المدينية والوطنية، تلوح بأحلامها القومية.. لا شيئ في ذلك يخجل، ثم لاشيئ أبعد.. لا جنحة ولا جريمة.. =====
منصور خالد.. تحبه أنت يا عظمة.. أليس أمدرمانيا عاشقا لها ولرمزيتها ولأغنيات الحقيبة..؟ أليس هو منظر (الآفروعربية) الأكبر (قبل الأفريقية الغالبة على مشروع السودان الجديد)..؟ وما الأفروعربية في الحقيقة إلا اصطناع قسري للوطن على صورة سنّار!! وهل سنّار هي الفاشر مثلا أو هي حلفا أو قرورة أو حتى الكرمك؟ ثم أين هي سنّار؟ لقد انبعثت بمعناها في أم درمان.. أو.. قضي الذي فيه تستفتيان!!
أعتقد أن المقاربة التحليلية للتاريخ ستحتاج لمباصرات.. ولصبــــر.. أما الملاحاة فسهلة!! ======
من المنطقي جدا.. على الأقل أكثر منطقية من محاسبة متعلمي أم درمان الأوائل .. أن نحاسب الأقوال والمواقف الراهنة لأهل أم درمان (أولاد قلبا).. أي في حال استعلائهم بها أو تعاليهم على الإقليميين.. جملة أو في تنوعهم. من العادي والممكن وسيجوز وبل هو مطلوب أن تناقش وتحاسب مقولات محمد المشرف ويحي قباني وملاذ خوجلي مثلا أو غيرهم، خاصة لو إنها أهملت تبدلات الوقت والأوضاع، وتغافلت عن تصاعد التطلعات المشروعة لغير الأمدرمانيين، أو استهانت بها، أو استكانت واستمرأت الانفراد بامتيازات التاريخ وهالة الأيقنة الوطنية.. هذا ممكن وواجب ضروري عند حدوثه الآن وبحسابات الآن.. أما أن نلوم (الإذاعة) على تجاهلها لأغاني وموسيقى كردفان مثلا في الأربعينيات.. فهذا تزيّد وافتراء على الموضوعية.. وإلا ففكرة المدارس الأهلية في كل السودان قد نشأت في أم درمان عن مؤتمر الخريجين الذي في عالبه من أبناء أم درمان. في بوست جميل لصاحبه محمد النور كبر (جماليات النشاز) فقد حدث أن تحالفنا، وليس بالضرورة نرمي بنفس القوس، على نقد السيرورة الفنية والإعلامية والأكاديمية التي وكأنها تستمرأ الاستمرار في تجاهل فنون الشعوب السودانية.. ولكننا، كما أعتقد، لم نهمل أو نقفز على الظروف الموضوعية التي أنتجت هذه الحالة من الجهل والتجاهل، بقدر ما أشرنا إلى الضرورات المستجدة في الوعي بالتنوع وبأهمية التعبير عنه.. في نقاش آخر أثاره محمد جمال الدين، حول أغنية الحقيبة، من أين وكيف نشأت: كان اعتقادي إنها تطور أملته المرحلة وظروفها وتحدياتها الحضارية والثقافية.. قلت نشأت عن أصل في الشعرية السودانعربية (السوربية) في منطقة (الأبواب) ( قلب المنطقة المَرَوِّية/الموقَرِّية/الألُودية)، وكما تأطرت بـالأطار العربي في (سنار) وفي (التركية) وفي (المهدية) ثم تطرفت في ذلك تقليدا عربيا أملته ملابسات تاريخية وثقافية واجتماعية ناقشناها في محلها.. إذن أم درمان نفسها عبرت عمّا تأثرت به مما حولها في الإقليم الأقرب ومنه غالبية سكانها.. وربما لو اتصلت بغيره، موضوعيا، لعبرت عن ذلك أيضا! بل قل .. ألم يحدث هذا؟ الشاهد هو كيف قد تسارعت موسقة أمدرمان وألحانها وإيقاعها الأول في الحقيبة، إلى ونحو تنويعات (التم تم) الغرب أفريقية ــ ولو أنه يقال إنها قد جاءت من جهات كوستي (هنا استعين بذاكرتي عن رواية للوثيق أحمد طراوة) ــ وإلى غيرها لاحقا، وحتى ما نشهده الآن باضطراد ملحوظ، إلى موسقة الأرياف البعيدة والأقرب، بشروط موضوعية، في حال الإخلال بها وتجاهلها فلابد من نقد هذا الخلل.. شاهد آخر؛ لو أنه لم تحدث هزيمة كرري، ولم يعود (عرب دارفور) إلى ديارهم على إثرها، أو أصبحوا هم غالب سكان أم درمان من وقتها، بديلا عن النخبة المتعلمة المهدوية، وعن (أولاد البحر) وعن البقية من كوزموبوليتانية الخرطوم التركية، وعن المنبتين قبليا (في مصطلح يوشيكا كوريتا) الذين هم غالب جنود كتشنر.. لو لم يحدث ما حدث، هل كنا الآن سنكون من (ذواقة) السلم الموسيقي السباعي بدلا عن ما بثته إذاعة أم درمان إلى ذائقتنا من هذا السلم الخماسي والشعر سليل شعر الحقيبة؟ هذا سؤال افتراضي بالطبع.. لا محل له في المحاكمات، ولكنه مسدد نحو شباك واشتباكات وسياقات تحليل الوعي التاريخي والإجتماعي تحديدا!! ====
عبد العظيم لا يزال يتحدى:
Quote: تعالوا اشرحوا للناس عن سبب هذا العجز في توحيد السودان حول مشروع وطني قومي ينهض بهذا البلد المنكوب
يا عظمة.. أنت صاحب الأطروحة.. لمرتين سألتك أن تشرحها في سياقاتها الموضوعية وليس فقط من باب الملاحاة وتفريج الهموم والكرب السياسوي.. لم تفعل!! أشرح أنت .. لماذا تسأل أولاد قلبا أن يشرحوا لك (عجزا) في أجيالهم (السالفة) وهم لا يقرون لك بذرة منه؟؟ أسمع كلامي:ـ أنت محبط من خسارة رهاناتك أنت، على أم درمان، وربما على الأنجليز وعلى المهدية والتركية والسلكنة السنارية وعلى عيزانا ووو، وعلى كل هذا التاريخ الذي أورثك هذا الحاضر الخاسر!! لكن.. ما ذنبها (أم الدرماء) في سوء رهاناتك على أوراق لم تكن بيدها أبدا أو لم تعد موجودة على طاولة الحاضر؟ الجافلات خلّهن.. أقرع الواقفات.. الأحسن أن تلعب أوراق الحاضر.. تقع وتقوم بيها.. أرمي نردك.. وهذا تحدي مطروح لك أن ترينا كيف، من أي الأضابير وبأي الممكنات، ومن أين كانت (أم درمان) ستأتي لك بهذا (المشروع الوطني القومي الذي سينهض بهذا البلد المنكوب).. أليست هي أيضا ــ المسكينة ــ بعضا من، أو في قلب هذه النكبة؟؟ =====
نقطة مضيئة، و(ملاحيظ) على عتمة متوقعة فيها:-
Quote: الحديث عن زوايا الوعي التي كانت تحيط بعملية إدارة مؤسسات الدولة بعد الإستعمار...
هذا سيكون جيدا.. تفتيش زوايا الوعي الاحاطت بكل السيرورة السودانية. طبعا مستصحبين للتاريخ كواقع موضوعي وقع وحدث وفقا لاشتراطات وقته الموضوعية.. ولكن.. لكن.. أليس هذا بالضبط ما فعله كثير من هؤلاء (الأمدرمانيين) بالذات.. والأمثلة التالية لتناسب خطاب عبد العطيم كما أعرفه.. حتى لو لم يعجبوك، فأم درمان ليست هي كشّة والأزهري والصادق والصديق وعبدالله خليل والمحجوب والعبادي وسرور فقط.. هي أيضا عبدالخالق وخالد الكد ضد أبيه وعمه، والعشريين وعبيد حاج اللمين.. ووو.. أو كما قال كبر. و.. ومنصور!! ===== =====
*النجمة: في أصل اسم أم درمان.. *الدرماء؛ اسم لنبات أحمر الورق.. أو من كلمة (درم) التعني طريقة لمشي/حركة القنفذ (أبو القنفد) والأرنب والفأر وربما جملة من قوارض أخر.. أو من (درماء)؛ صفة لامرأة لا تستبين كعوبها ومرافقها (كما نساء الحقيبة ربما).. كلها تبدو كأصل مقنع جدا لإسم أم درمان.. فكلمة أم في السوربية تستخدم لتعني (ذات الشيء أو صاحبة الشيء) وليست كأم التي في (أم سودان) الكبرية التي تفيد وتكافيء ألف لام (الـ) التعريف.. أم هذا النبات أحمر الورق.. أم القنافذ، أم الفيران .. أم النساء مكتنزات السوق والأذرع.. إلخ إلخ.. هذا تقريب مقنع جدا، خاصة حكاية النبات أحمر الورق قد ربما كان يصلح لرعي الإبل.. هذه مفضلتي، أحبذها، فهي أكثر منطقية من حكاية الولد درمان وأمه الوحدانية!! وبالطبع، فيسأل من كل ذلك ــ ومن عقابيله ـ ثنائي الزملاء الأفاضل محمد جمال الدين ود. محمد عبدالله الحسين فقد أورداه في ثنايا بوستييييين (كترة الياءات مهمة هههههها) لهما، ولا يزالان بعدهما رهن القراءة والتداخل..!!
Post: #145 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-05-2018, 04:58 AM Parent: #144
هوس تعريب الأسماء.
Post: #146 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-05-2018, 05:07 AM Parent: #144
من حسن حظنا أنك لم تسمع بضرماء. لكنت لا محالة مرجعا الاسم هناك.
Post: #147 Title: Re: اولاد أمدرمان ضيعوا 60 عام على السودان Author: هاشم الحسن Date: 12-05-2018, 05:32 AM Parent: #146
{من حسن حظنا أنك لم تسمع بضرماء.} ههههههههه كح كح اااااكح ههها كح ااااااههااااااكح ههههاي!! سمعت بيها.. قالوا شبّت فيك في خط سبعتاشر ونص.. ضراما ضراما. لكن معليش ما حأضحك على نارك دي.. أصلا كتلتني بالضحك!!!
=====
تعال يا حاتم النقوليك.. ياخي مرات كدا.. أقول إنتا ألذ زول في المنبر دا.. والله صحي!! عليك جنس خفة.. دم. الله يخليك.. فالح!! ههههههيهيهيهيهيييهيهيهههها
حاول تنظر للبلد بعيونك. الناس الكانت مستقرة في البلد قبل اكتشاف عيال مورتا للبحر الأحمر ومرورهم الموسمي للحج ما كانوا بيعرفوا يسموا؟
___ الأخيرة دي ما عرفتها شهيق ولا نهيق.
Post: #149 Title: Re: اولاد أمدرمان ضيعوا 60 عام على السودان Author: adil amin Date: 12-05-2018, 07:32 AM Parent: #148
لو اخر خواجة محترم حكم السودان طفا النور ومشا 1956 نقل معاه العاصمة كوستي ما كان بكون في حاجة اسمها سودانيز اون لاين بوست بهذا العنوان جذور الازمة السودانية هي اقليات المركز ديل ؟؟ (الناكرين اصلهم للاسف ) هسة الكشة للجنوبيين عبر العصور ومن ثقافة شرطة الخرطوم لازمتا شنو يا ناس العاصمة من زمن مهدي مصطفى الهادي والقوميين العرب جلد 40000 جنوبية بتهمة الذى الفاضح خلال حقبة الكعوك دي كلها لازمتا شنو اسالو لبنى تكلمكم عن ازمة الهجين المستعرب في السودان وليه الجنوبيين ديل معززين في اركان السودان الستة (الاقاليم ) ما عدا الخرطوم مشككة ناس الخرطوم(جمهورية العاصمة المثلثة ديل شنو مع باقي السودان اذا كانو فعلا (سودانيين) مش كده يا حاتم؟؟ شوف ابراهيم دينق ده لو كان ما احترمو الشايفية كان اتعلم الطمبور ؟؟
شفت لمن جينا قرينا الجامعة في الخرطوم الثمانينات اقبح مناظر كانت معسكرات النازحين الجنوبيين في كل العاصمة وجنوب محطة بحري للسكة الحديد ووثقت كل ده في مجموعة فصصية (قطار الشمال الاخير ) وموجودة في البورد ده وبرضه مستمرين في الفلقصة لحدي الان والمسخرة في البورد اديهم يا حاتم بالحتة الفيها الحديدة لحدي ما ننقل العاصمة كوستي ان شاء الله ويكون فعلا عاصمة قومية تمثل كل السودان
Post: #150 Title: Re: اولاد أمدرمان ضيعوا 60 عام على السودان Author: adil amin Date: 12-05-2018, 07:38 AM Parent: #149
او نعمل فضائية اسمها (الحاج يوسف شارع واحد) يا حاتم وشعاراها (القدم بي القدم والامات الخدم )عشان ننقل مصارعة النوبة الجميلة التي تقام في الهواء الطلق زمان وكنت احضرها مع ناس الحاج يوسف وسفير اليابان في الزمن الجميل كان يعتبرا ذى رياضة السومو في اليابان مش احسن من ايام لها ايقاع والناس المملين بتاعين حسين خوجلي في فضائية ام درمان وشوف جلسن يا حلاتن وده احلى بوست في ختام 2018 يا عبدالعظيم https://up.top4top.net/
Post: #151 Title: Re: اولاد أمدرمان ضيعوا 60 عام على السودان Author: هاشم الحسن Date: 12-05-2018, 07:41 AM Parent: #148
معليش يا عظمة.. لكن صاحبك دا بتاع مشاكل ياخي، وعادي ممكن يقول للزميل الاتشرق بالضحك: يا حمار:) يا حاتم بالله ما تبوِّظ بوست عبدالعظيم بالإنصرافيات الضحلة الزي دي.. خليك في (أم درماء).. الراجل برضو صاحبك وما يستاهل والله!!
Quote: الناس الكانت مستقرة في البلد قبل اكتشاف عيال مورتا للبحر الأحمر ومرورهم الموسمي للحج ما كانوا بيعرفوا يسموا؟
بالله شوف (الموريين والمورتيين) متحدثي العربية المشوطنين ديل، كيف عبر اسلاف لهم بقرب القلزم وفوق عبابه ربما، وحتى مرقوها في الأطلسي، ثم نسوا الأول ليعيدوا اكتشافه عبر صحاري أم درماء:). هههههههااااهااااي... من شر البلية.. بالهوك أو بالكروك يا تآمن يا تآمن!! :) ثم، ويعني الناس الأولانيين ديلاك، ما كانو بعرفوا يسمولنا اسما تاني لي (أب حراز) و(أب زبد) ولا لي (أمات الدم ) و(أمات السدر والهجليج)؟؟
يا حاتم، في ذمتك، هسّع دا ما هدر لكلامك هذا (الخطير والهام جدا) وكان سيلقمهم أحجارا في داك البوست* أبو خريطة داااك؟؟!!
Post: #152 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-05-2018, 07:52 AM Parent: #151
Quote: يا حاتم، في ذمتك، هسّع دا ما هدر لكلامك هذا (الخطير والهام جدا) وكان سيلقمهم أحجارا في داك البوست* أبو خريطة داااك؟؟!!
اعتبرا تذكرة مجانية! لكن أنت متحسس مالك من هسع؟ البوست حتماً بغشاهو وأغشى أهلو.
___ وبدل الحجر بلقمهم جبل، من (مكطع_لحجار).
Post: #153 Title: Re: اولاد أمدرمان ضيعوا 60 عام على السودان Author: الصادق عز الدين Date: 12-05-2018, 08:12 AM Parent: #1
أم درمان غير !!!!
بس كان بالإمكان أفضل من ما كان
Post: #154 Title: Re: اولاد أمدرمان ضيعوا 60 عام على السودان Author: هاشم الحسن Date: 12-05-2018, 10:28 AM Parent: #153
تحية طيبة لك يا أخانا الصادق عز الدين.. ربما أكون مخطئا في أسبابي، ولكنني شعرت بتعاطف حقيقي مع مداخلتك هذه؛
Quote: أم درمان غير!!!! بس كان بالإمكان أفضل من ما كان
شعرت بك وكأنك أم درماني تتجاذبه المشاعر!! قلبك معها وشغوف بها وجدانيا، ولكن عقلك السياسي يود لو يحاسبها حساب منكر ونكير.. وهذا موقف عاطفي جدا وعصيب جدا وحتما سيحتاج إلى شجاعة كبيرة تستحق التقدير.
كنت أخشى إننا هنا كمن يبكي على لبن نظنه قد انسكب منا، مع إنه أبدا لم يثبت أن امتلأ به أي ضرع. لكن طالما أنت قد قلت: (كان بالإمكان أفضل مما كان).. فلابد إذن أن لك في الأمر رأي ورؤية. فيا ليتك لو تفيدنا بتوسع.. مثلا.. عبر مقاربات لما في هذه الأسئلة التالية (ليست موجهة لك حصر بالطبعا) أو أي أخرى شبيهة بها..
ما هي ممكنات أم درمان الفكرية والعملية التي كانت ستمنع ضياع ٦٠ عام على السودان؟ ولماذا فقط هي ممكنات لأمدرمان وليس لغيرها وكيف تحصلت عليها؟ وكيف كان يمكن أن تتبلور احتمالات ذلك الإمكان لتنعكس كمكتسبات وطنية كما نتصورها الآن؟ وكيف كان لغالب جيل الأزهري وعبدالرحمن المهدي مثلا، أن يفكروا كما يفكر الواثق كمير الآن؟ أو كيف كان ممكنا للمدينة أن تتعرف وتعبر عن هذا التنوع السوداني كما نشهده ونعرفه الآن؟ أو للإذاعة أن تكتشف مثل عبدالقادر سالم أو عمر احساس أو أحمد عمر الرباطابي في أربعينات تأسيسها؟ أو حتى كيف يمكن أن يقوم بالانقلابات (حتى أول السبعينات) سوى أبناء أم درمان؟ هل بالفعل كان ممكنا لأم درمان أن تقدم لنا غير هذا الذي قدمته من ١٩١٩ إلى ١٩٨٩؟ ألم يكن نموذجها في التعايش العرقي وثم الإنصهار المديني، وحتى قريبا جدا، هو النموذج المغري للجميع، أن يقولبوا عليه كل تنوع السودان؟ هل أتيحت في تلك الفترة نماذج أخرى ذات تأثير واغراء وطني.. أين؟ ولو كانوا أولاد زالنجي أو كورتي أو بورتسودان مثلا، فما هي احتمالات صيانتهم لهذه الستين سبعين عام من المكتسبات الوطنية المفترض أنها قد أهدرت أمدرمانيا؟ أم هي أمانينا في المدينة الفاضلة كأثينا أو البطلة كأسبرطة.. ثم نحاسب أمدرمان بقدر حجم خذلانها لأمانينا تلك، الأصلا هي مسقطة عليها عكسيا، من المستقبل الراهن على الماضي وقد ولى.. وربما أيضا، أمانينا نفسها ليست واقعية منذ البداية؟؟
فعلا أريد أن أفهم.. ولكن بالحيثيات المنطقية، في ضمن سياقاتها الجزئية والكلية!!
وشكري يا الصادق..
Post: #155 Title: Re: اولاد أمدرمان ضيعوا 60 عام على السودان Author: Biraima M Adam Date: 12-05-2018, 11:51 AM Parent: #154
عبد العظيم ..
مازالت المدينة الريفية الكبيرة .. وأبناءها .. لا يقدمون شئياً .. مؤتمر الخريجين أكبر كارثة مرت علي السودان .. خلق مجتمع صفوي كل أشواقه وتطلعاته تتجه نحو مصر المؤمنة .. وبلاد المستعمر .. وأنتجوا ثقافة لا تشبه السودان ولا السودانين إلا في حدها الأدني ..
بريمة
Post: #156 Title: Re: اولاد أمدرمان ضيعوا 60 عام على السودان Author: علي عبدالوهاب عثمان Date: 12-05-2018, 12:22 PM Parent: #155
الحبيب هاشم .. تحياتي .. أتفقنا معاك أو إختلفنا .. لديك مقدرة عالية في إيصال الفكرة ( ما شاء الله ) مكسب حقيقي لسودانيز وما المداخلة الاخيرة إلا نموذج رائع لمنح المعرفة من خلال الاسئلة
مع لصاحب البوست .. هناك بوستات لها علاقة بالموضوع للاستاذ الرائع محمد جمال الدين
Post: #157 Title: Re: اولاد أمدرمان ضيعوا 60 عام على السودان Author: Yassir Ahmed Date: 12-05-2018, 12:23 PM Parent: #1
دحين يا عبد العظيم مش دكتور محمد الواثق عنده ديوان شعر كامل إسمه أم درمان تحتضر
Post: #158 Title: Re: اولاد أمدرمان ضيعوا 60 عام على السودان Author: munswor almophtah Date: 12-06-2018, 03:34 AM Parent: #157
أهلها يكتبون دساتير السودان أدباً وفناً للكل وبلا توانى!!
Post: #159 Title: Re: اولاد أمدرمان ضيعوا 60 عام على السودان Author: adil amin Date: 12-06-2018, 05:14 AM Parent: #158
اكيد لحدي هسة ما بتعرفو الفرق بيم كوستي وام درمان مش كده في كوستي اي زول متصالح مع نفسه مع قبيلتو ومع دينو البعرفو ختمي انصاري جمهوري صوفي .. في ام درمان عندنا عرب من نوع خاص ناصري شيوعي اخواني ما يفرق بتلقاهم في ايام لها ايقاع والله يرحم ايام كتشنر وعتقاء حملته في تحديث السودان معقول لحدي الليلة ما سمعتو بي علم النفس السياسي الاجتماعي وعلاقة السياسة بالطبقة الاجتماعية التي تتعااطها في الدولةة\ ما تزعلو كلام قالو بن خلدون عن السياسي والقاضي والجند
قلنا ليكم الفدرالية هي الحل وب رؤية جون قرنق ترجع الاقاليم تحت شعار كل ديكا في بلدو عوعاي كل اقليم يعمرو ناسو بالديمقراطية والانتخابات هذا المركز المتعفن مرتبط بالمشاريع المصرية والدولية لحدي الليلة ولا يخدم السودان ابدا والان الحاكم بامر اللات الغا اهم مادة في الدستور 2005 المادة 57 عشان ما يبقى كلامكم ونسة فارغة ساكت احشو فكر ووعي سياسي حقيقي صخرة فوق الجسد كلما شدت اضلاعه صاح"احد..احد" وعلى "العروة" شد كان مولى لابي سفيان حينا ومرد طالبا "مولى الموال " مرت الايام وفي اثر الليال ودنا عام الفصال صار مولاه ابو سفيان مولي للابد امنا من كل امر..وعلى اية حال صار اعتى واشد صخرة فوق البلد كلما صاح به الدهماء"شورى" شد حبلا من مسد وعلى الكرسى شد ثم ماذا عن بلال؟! ابدا لا شيء جد عاش حمال بغال يخدم المولى على نصف ريال واذا جاع حمد والاجابات بلا معني ولا "نص" ورد "فارحنا يا سؤال؟!!" https://up.top4top.net/
Post: #160 Title: Re: اولاد أمدرمان ضيعوا 60 عام على السودان Author: adil amin Date: 12-06-2018, 06:16 AM Parent: #159
Quote: خلق مجتمع صفوي كل أشواقه وتطلعاته تتجه نحو مصر المؤمنة .. وبلاد المستعمر .. وأنتجوا ثقافة لا تشبه السودان ولا السودانين إلا في حدها الأدني ..
جماعة مصر ام الدنيا الشيوعيين والناصريين والاخوان المسلمين من اولاد ام درمان هل كانو فعلا صفوة اجتماعية ام خدم ساكت يا بريمة ..اسال كتشنر عشان تعرف وتطالو على سيد ام درمان السيد عبدالرحمن المهدي والانصار البمثلو السودانيين بالملاييين لي يوم الليلة اي شيوعي ناصري كوز سلفي من ام درمان يمرق لينا هنا ويورينا بالتطاول على الانصار والسيد عبدالرحمن المهدي ليه ؟؟ https://up.top4top.net/
Post: #161 Title: Re: اولاد أمدرمان ضيعوا 60 عام على السودان Author: علي دفع الله Date: 12-06-2018, 06:53 AM Parent: #160
الباشكاتب عادل امين شابكنا كان ينقلو العاصمة لكوستي سنار دي عيبا لي !!! خليك منصف
Post: #162 Title: Re: اولاد أمدرمان ضيعوا 60 عام على السودان Author: ABUHUSSEIN Date: 12-06-2018, 07:05 AM Parent: #161
في 14-09-2006 و في بوست كان عنوانه :- (( من ضيع السودان؟ بكل شفافية وهدوء وبعيدا عن المجالة و التعصب الحزبي)) و كانت أول مداخلة لكاتبة البوست كالتالي :-
Quote: من ضيع السودان؟ الاحزاب؟ سلبية المثقفين؟ واي حزب من الاحزاب لديه النصيب الاكبر في ضياع السودان؟ الاحزاب لانها ليس لديها برامج من اجل تنمية السودان؟ ام جهويتها والقبلية في داخلها ام كل ما زكر؟ ام السبب الاساسي البرنامج السياسي؟ ام الشعب الغلبان؟ ام الحركة الاسلامية؟
ماهو دورالحزبين الكبيرين في ازمة السودان؟ وماهو دور الاحزاب الصغيرة شيوعيين بعثيين واحزاب الجنوب والفدرالين الخ..؟ الحل تغيير برامج ام اصلاح احزاب ام ماذا؟
جاءت مشاركة كاتب هذا البوست الوحيدة و كانت خاتمة البوست كالتالي :-
Quote: الزميله هنادي بت الفضل تحياتي 1\ نزق اليمين وانحرافات اليسار 2\ترهل الوسط 3\تنامي الخطاب الجهوي العنصري وتمدده علي حساب الخطاب الوطني 4\اشاعه العنف والكراهيه وغياب التسامح وتشويه الشخصيه السودانيه 5\استمرار الحروب والمجاعات 6\غياب التنشئه السياسيه داخل المنظومات السياسيه 7\رغبات العسكريين وشغفهم الزايد للقصر الجمهوري 8\عسكره الحياة المدنيه 9\تراجع الخطاب المدني وتمدد الخطاب الديني المتطرف 10\عجز القوي السياسيه في بناء الدوله الديمقراطيه الحديثه 11\انسداد القنوات التنظيميه داخل الاحزاب وغياب الرؤي 12\لامبدائيه قوي الاسلام السياسي والتربص المستمر بالديمقراطيه 13\انشطار وتشظي القوي السياسيه 14\ضعف منظمات المجتمع المدني وعجزها عن التحرك في الفضاء غير السياسي 15\غياب التراص الوطني وادمان الانسياق العاطفي والشعارات هذه مسببات من جمله اسباب ادت الي هذا الواقع المأزوم من ضيع السودان هو من تسبب في ذلك مع تحياتي
Re: من ضيع السودان؟ بكل شفافية وهدوء وبعيدا عن المجالة و التعصب الحزبيRe: من ضيع السودان؟ بكل شفافية وهدوء وبعيدا عن المجالة و التعصب الحزبي 15 سبب و ليس فيها أم درمان .........!!!!!!!!!!!!!!!!!!!!! الجد شنو عشان تبقى أم درمان هي أس مشاكل السودان و إختفاء الـ15 سبب التي ذكرها (الحاقد) .....؟؟؟؟؟؟؟؟؟
Post: #163 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-06-2018, 07:49 AM Parent: #162
هاشم سلامات واحدة من مشاكل السودان أن الدولة كنظام إداري سبقت القومية وكان مفروض من الإعلام يسد الفرقة دي.. كان حقنا كثير من الدماء وكان نهض السودان قويا.. مش نجي هسي بعد أكثر من 60 سنة نفتش لي مؤتمر دستوري ونفتش لي خطاب قومي، يعني اولاد امدرمان العطالي ديل كان إشتغلوا في الحتة دي (بناء القومية السودانية) كان خلدوا تجربتهم بأحرف من نور في تاريخ السودان.. عوقونا ياااااخ
Post: #164 Title: Re: اولاد أمدرمان ضيعوا 60 عام على السودان Author: Abdullah Idrees Date: 12-06-2018, 12:25 PM Parent: #163
Quote: واحدة من مشاكل السودان أن الدولة كنظام إداري سبقت القومية وكان مفروض من الإعلام يسد الفرقة دي.. كان حقنا كثير من الدماء وكان نهض السودان قويا.. مش نجي هسي بعد أكثر من 60 سنة نفتش لي مؤتمر دستوري ونفتش لي خطاب قومي، يعني اولاد امدرمان العطالي ديل كان إشتغلوا في الحتة دي (بناء القومية السودانية) كان خلدوا تجربتهم بأحرف من نور في تاريخ السودان.. عوقونا ياااااخ
يا شيخنا بناء الدولة القومية دي مهمة كبيرة ومعقدة جدا اكبر من الاعلام والمذيعين واولاد امدرمان كلهم الجوة حوش الاذاعة والبرة .. دي مسئولية الحكومات ، مسئولية العقول المسئولة من ادارة البلد والتخطيط لمستقبلها ، الاعلام ما عندو علاقة مباشرة بالموضوع ده وخاصة لمن نتكلم عن المستقبل . الدولة القومية ، الاحساس بالانتماء ، الاندماج ، دي مواضيع يتم التخطيط لها على اعلى المستويات ، مين البخطط ؟ الاذاعيين ؟ الدولة القومية بتتبني بسيادة القانون واشاعة الحريات وتكافؤ الفرص ، بتدعما مقررات التعليم واشاعة ثقافة السلام والعمل والاشباع المادي (الاقتصاد) .. انت بتتكلم عن شغل بتاع بروباغاندا جوفاء يفترض يقومو بيها الاذاعيين والاعلاميين لبناء الدولة ، انت قايلهم ما قاموا بيها ؟ مايو شغلت البروباغاندا دي 16 سنة ، الراديو ينبح النهار ما طال "كلنا اخوان -- مافي جنوب بدون شمال الخ الخ بدون تنمية اقتصادية او بشرية ، بدون اهتمام بحقوق الانسان ، بدون مساواة وعدالة اجتماعية ، بدون تداول ديمقراطي للسلطة النتيجة كانت شنو ؟ طبعا معروفة .. اقول قولي هذا واعفيك من مشقة الاجابة ..
Post: #165 Title: Re: اولاد أمدرمان ضيعوا 60 عام على السودان Author: Abdullah Idrees Date: 12-06-2018, 12:41 PM Parent: #164
Quote: العربجي هنا هو من يمارس (هوس) اللغة العربية___
really ؟ دي جديدة .. الزول ده لو مهووس باللغة العربية ما كان اتخصص انجليزي ، اسهل ليهو العربي ، صح؟ التجويد ليس هوسا ، ده زول مجود ..
Quote: وطبيعي لرجل البادية والصحراء أن تسقط من حساباته أهمية الإذاعة زيك كدة.
من قال ليك انو البادية مافيها راديو وما فيها ناس بهتمو بالاذاعة ؟ انت غلطان ، ولو ان هذا ليس قصدك حكاية الصحراء والبدو دي مقروءة مع حكاية عربجي لندن (دليلين يحق لاي شخص تأويلهما ما شاء) بتوضح تماما نظرتك للعربجي او زول الخلا ، في الحالتين كان الهدف الانتقاص من المحاور بتشبيهه بالعربجي او الراعي .. يا حبيب مافي زول انكر قيمة الاذاعة او دورا لاكين ماممكن دور اذاعة لندن في الحرب العالمية يتجاوز انزال النورماندي مثلا ، يا رجل سلاح الجو البريطاني اسقط اكثر من الفين او ثلاثة الاف طائرة كان ممكن تساوي لندن بالارض ، بي اذاعتها .. وبروباغاندا هتلر في النهاية ماذا حققت ؟
Quote: أساليبك رخيسة يا أخينا.
مثل صحراوي : الجمل ما بشوف عوجة رقبتو
Post: #166 Title: Re: اولاد أمدرمان ضيعوا 60 عام على السودان Author: adil amin Date: 12-06-2018, 12:44 PM Parent: #164
Quote: الباشكاتب عادل امين شابكنا كان ينقلو العاصمة لكوستي سنار دي عيبا لي !!! خليك منصف
الفي سنار ديل وافدين ناكرين اصلهم ذى ناس المركز كوستي + الجزيرة ابا هي تاريخ السودان المهدية والرتب وخرجت ثورتين من الجزيرة ابا المهدية الام وطلعت الاتراك1885 المهدية الثانية السيد عبدالرحمن وطلعت الانجليز بي الانتخابات 1956
Quote: الكتاب بتاع محمد ابوالقاسم ده مهم جدا قرايته في هذه المرحلة لان الامر اضحى اوضح من الشمس والفرز الطبيعي التاريخي قادم .
قال المفكر السوداني الراحل .ثم كان على برطانيا مشكلة ان تواجه مخاطر اخرى وتتعلق القصة هنا بهجرة بعض قبائل الفلاتة والتكارير من غرب افريقيا في اثر معركة برومي في عام 1903 واستيلاء البرطانيين على شمال نيجريا وسقوط كانو و سوكوتو فقد تدفق(25000) من ابناء قبائل الفولاني الي السودان وقد خصصت لهم الحكومة مناطق استقرار في النيل الازرق مع اسناد سلطة الاشراف عليهم لزعيمهم (ماي وارنو) واحمدوا نيسان) الكتاب صفحة 182 **** تعقيب معظم الفلاتة لا ينتمون روحيا للطوائف السودانية ختمية واو انصار او طرق صوفية لانه وافدين على السودان لذلك معظمهم بقو انصار سنة وسلفيين بكو حرام وحرام ومنهم من عبر الي لسعودية الي جامعة ام القرى واتمشيخ على السودان وجلهم هم علماء الانقاذ
برضو باش كاتب ياورل ,,, كلام موثق في مشكلة كبيرة في السودان حتى الجنسية الخضرا والبنية ما حلتا وانت شيوعي مهببب امشي اقرا كتاب محمد ابو القاسم حاج حمد التاصيل لي سنار ده قايمبن بيه الفلاتة الكيزان وانصار السنة انا باصل للمهدية بس
Post: #167 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-06-2018, 01:04 PM Parent: #166
هوى ها بالله دا فهم!! إنت فاكر دور الإذاعة محصور في (كلنا اخوان) دا فهم تعبان خلاس ما بي جنس فهمك دا كانو شغالين حاشيننا حش بالكلام الفاضي
Post: #168 Title: Re: اولاد أمدرمان ضيعوا 60 عام على السودان Author: يحي قباني Date: 12-06-2018, 01:06 PM Parent: #166
و ما زال دون كيشوت يحارب في طواحين الهواء ...
قال عبد الرحمن المهدي ( خادم الإنجليز الوفي ) هو سيد أمدرمان ... ههههههههههههههههههه
Post: #169 Title: Re: اولاد أمدرمان ضيعوا 60 عام على السودان Author: Abdullah Idrees Date: 12-06-2018, 01:17 PM Parent: #168
Quote: هوى ها بالله دا فهم!! إنت فاكر دور الإذاعة محصور في (كلنا اخوان) دا فهم تعبان خلاس ما بي جنس فهمك دا كانو شغالين حاشيننا حش بالكلام الفاضي
اوكي اسي نحن في الصفحة التانية ، ولسة انت بتلخ وبتعجن في كلام سااي تعال ورينا بالنقاط واحد اتنين تلاتة ، شنو الحاجة المفروض يعملوها نااس الاذاعة عشان ننجز بناء الدولة الامة ؟ لن تخرج ابدا عن اطار البروباغاندا ... اذاعة شنو يا بوي البتبني ليها دولة ..
Post: #170 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-06-2018, 01:51 PM Parent: #169
الزول الفوق دا النقاش معاو مرهق وضياع وقت (دي المرة ال3)عشان كدا روق وخليك واقف في الصف
شكرا يا جمال على التنبيه تم تعديل المشاركة
Post: #180 Title: Re: اولاد أمدرمان ضيعوا 60 عام على السودان Author: جمال ود القوز Date: 12-07-2018, 10:46 AM Parent: #170
Quote: اب جلابية الفوق دا القاعد زي العاوز يتصور
يبقى كأنه والده !! .. ياعظمة ماتشخصن يأخ .. خليك في رأي عبد الله وحيدو .. أي نعم عبد الله لايووق لكنه فاهم ورزين .. بعدين الآخرين متابعين نقاشكم .. فماتياس من الوصول لابعد نقطة في النقاش .. هذا مع رأيي الثابت إنه كان بالإمكان أفضل مما كان .. لكن بصورة اخف وطأة مما تعتقده .. أي نعم البقرة المقدسة ماسورة لكن كمان ما قدر دا .. !! ..
Post: #171 Title: Re: اولاد أمدرمان ضيعوا 60 عام على السودان Author: adil amin Date: 12-06-2018, 02:01 PM Parent: #169
Quote: و ما زال دون كيشوت يحارب في طواحين الهواء ...
يا هودا عينة من كائنات ام درمان العجيبة البفتش ليهم كنموذج لجماعة الصاغ صلاح سالم الذين وصفهم الشاعر صلاح احمد ابراهيم
Quote: قال عنهم الشاعر الراحل صلاح احمد ابراهيم عن الخرطوم عاصمة الكعوك*...
تقول لي مثقفو الخرطوم كالصحراء لا تنبت فيها بذرة اخطات في التشبيه للصحراء في المساء روعة وبهرة وكانت الصحراء في ماضي الزمان شاعرا ذا قلم وقدرة لكنه استكان للخمول وللذبول واذل شعره فرط في خياله وما الخيال للصحرا ء الا الخضرة مثقفو الخرطوم قهوة ونومة وسهرة وسكرة تفحمني حلمك با هذا لقد اشبهتهم انت وهم في هجرة (ديوان بوق العاج منشورات دبي الثقافية )
ديل خدم المتهتك صلاح سالم وخلط الانحلال الاخلاقي بالسياسة بعد الاستقلال ويطالو علي السيد عبدالرحمن والسيد علي الرمز الروحي الذى يحرك الملاييين في كل السودان مش ام درمان بس المهدية طلعت الباش بذوق تجار الرقيق 1885 السيد عبدالرحمن طلع الانجليز بي حزب الامة الذى جمايرهه تسد الشمس حتى انتخابات 1986 وانت يا عقاب الشيوعيين التعيس مقعدين بس وعايز تعمل انتفاضة في 2018 بي بعاعيت الشيوعيين وهبي هبي يا كتوبر السيد عبدالرحمن سيد ام درمان والمريخ كمان احسن حاجات ام درمان https://up.top4top.net/
Post: #172 Title: Re: اولاد أمدرمان ضيعوا 60 عام على السودان Author: يحي قباني Date: 12-06-2018, 02:06 PM Parent: #171
Quote: السيد عبدالرحمن طلع الانجليز بي حزب الامة الذى جمايرهه تسد الشمس حتى انتخابات 1986
انا مش قلت ليك ما تخلي ثقافتك محصورة في كتاب المطالعة حق الاولية ...
سيدك عبد الرحمن المهدي خادم انجليز و متنفع من اموالهم و نفوذهم الذي كان ...
شئت ام ابيت ...
و النفهمك شي ... الشعب السودني ده تاني ما بتغش ( بالبيوت ) دي ...
دون كيشوت ... قلت لي ابو الدفاع طلع ورل ... ههههه
Post: #173 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-06-2018, 02:28 PM Parent: #172
وبرضك ما حيتغش ببيت فلاني وفلتكاني.
Post: #174 Title: Re: اولاد أمدرمان ضيعوا 60 عام على السودان Author: adil amin Date: 12-06-2018, 04:46 PM Parent: #172
Quote: انا مش قلت ليك ما تخلي ثقافتك محصورة في كتاب المطالعة حق الاولية ...
في كتاب المطالعة الاولية ما مقرر علينا كتاب استقلال السودان وجدلية التركيب ل محمد ابو القاسم حاج حمد والكلام الموثق ده وما مقرر علينا شعر صلاح احمد ابرهيم الواضح والفاضح السيد عبدالرحمن رقم كبير عند ((السودانيين )) يا مواطن وبتذكرني دائما في البورد به بي علاجيم جمع علجوم ايام لها ايقاع انت يتجلى فيك بؤس ا ولاد ام در مان في ادنى مستوياته عمر دفع الله من فصيلة الزواحف اعلى منك رتبة انت لا زالت من فصيلة البرمائيات وناس حسين خوجلي وكده قاق قاق قاق قيق قيق قيق قوق قوق قوق *** انت اقرا المداخلات بتواضع وزهينة مفتوحة عشان توعى
Post: #175 Title: Re: اولاد أمدرمان ضيعوا 60 عام على السودان Author: adil amin Date: 12-07-2018, 05:06 AM Parent: #174
قلت شنو يا قباني بتاع منهج طلائع مايو ومحي الدين صابر نحن اولاد وزير المعارف عبدالرحمن علي طه ومنقو قل لا عاش من يفصلنا مش انت عامل فيها منقط ام درمان دي كلمنا منو الهاشماب ديل ومنو اولاد الموردة ؟ ثانيا نحن ناصل للمهدية بس في ام درمان وفي السودان عشان ننتهي من مشاريع الصرف الصحي المصرية والماخور بتاع الصاغ صلاح سالم الشوه المركز وقاطنيه من 1953 وانت اعرف المهدي الذى جاء من الشمال اسس ام درمان دي ومعظم احياءها باسماء قادة المهدية ام بدة ود اورو ابوروف وغيرهم والملازمين ام درمان معقل الانصار وبالاضافة الي الذين جاءو مع الهجرة في فترة عبدالله التعايشي وجل سكانها من غرب السودان وعارفين نفسهم جو من وين لمن انت تقول السيد عبدالرحمن لا قيمة له وهو حفيد مؤسس ام درمان ذاتا ؟؟؟ عليك الله العندو هذيان ويعيش حالة دون كيشوتية منو ؟ انا ولا انت البتغالط في تاريخ وجغرافيا السودان لي يوم الليلة وتجتر تراهات الشيوعيين كالبقرة العجفاء .. سمعت بي سكرة يني البتمشي وتغني ده هندي كان في ام درمان والتحية والاجلال لكل الجاليات الاجنبية في ام درمان ايضا التي لم تنخرط في عمل سياسي مشين ضد السودان والسودانيين من هنود وشوام واغاريق ومن كل اصقاع الدنيا اها نعيد السؤال من هم الهاشماب ومن هم اولاد الموردة ؟؟
Post: #176 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-07-2018, 06:12 AM Parent: #1
Quote: وودي نقطة مهمة عند الحديث عن زوايا الوعي التي كانت تحيط بعملية إدارة مؤسسات الدولة بعد الإستعمار
حكى لي يا عبد العظيم واحد من ناس أمدرمان إنو لغاية التمانينات كانوا بيتعارفوا بحكم الهيمنة الأهالي مع موظفي الدولة، قال عادي بيمشي لمكاتب الحكومة ويسألوهوا بالله أنت ود ناس فلان ياسلام ما شاء الله ويقضوا ليهو غرضو وهو قاعد في كرسيهو.
حلقات موثقة في التلفزيون القومي عن ذكريات نافذين لو ركزت فيها حتسمع أنهم (اختاروا) الوظائف العايزنها.
بالبساطة دي.
Post: #177 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-07-2018, 06:35 AM Parent: #1
Quote: الزول ده لو مهووس باللغة العربية ما كان اتخصص انجليزي ، اسهل ليهو العربي ، صح؟ التجويد ليس هوسا ، ده زول مجود ..
أضانك وينا. هو ما قادر (يتعايش) مع عدم التشكيل وبيقلد في كلام المسلسلات الدينية كأنه سحبان، تقول لي تجويد، الجاااااابرو شنو السوداني دا؟
Quote: حكاية الصحراء والبدو دي مقروءة مع حكاية عربجي لندن (دليلين يحق لاي شخص تأويلهما ما شاء) بتوضح تماما نظرتك للعربجي او زول الخلا ، في الحالتين كان الهدف الانتقاص من المحاور بتشبيهه بالعربجي او الراعي ..
فهل كان بيغلبني أشبهو بالعربجي بتاع الدواب؟ مع احترامي لكل المهن، لكنه الغرض يا إدريس وللمرة التانية منك تحديداً وبأسلوبك الرخيس جداً، أسلوب الفتن، أعقل عشان احترمك.
حكاية الصحراء القصد منها العقلية، العقلية التي تدير الأمور وتقيمها زي عقليتك دي.
Quote: يا حبيب مافي زول انكر قيمة الاذاعة او دورا لاكين ماممكن دور اذاعة لندن في الحرب العالمية يتجاوز انزال النورماندي مثلا ، يا رجل سلاح الجو البريطاني اسقط اكثر من الفين او ثلاثة الاف طائرة كان ممكن تساوي لندن بالارض ، بي اذاعتها .. وبروباغاندا هتلر في النهاية ماذا حققت ؟
قلنا ليك انتقلت باستوديوهاتها للأنفاق تحت الأرض وظلت تبث لرفع الروح المعنوية، حاول تفهم. ولو سكتت الإذاعة كان استسلمت كل بريطانيا، أظن برضو قلنا ليك نقلوا كل ذهب البلد إلى هاليفاكس كندا فضل ليهم شنو ديل غير يقوموا جارين بعد دا لولا رحمنة الإذاعة؟
بروباغاندا هتلر قامت بسببها ألمانيا الحالية المتزعمة بالمارك بتاعها لكل دول الاتحاد الأوروبي انتاج بس! في أوج الحرب يا سفينة الصحراء المصانع الألمانية كانت تنتج دبابة على رأس كل ساعة وقع ليك؟ دلوقت الشعب الألماني لو اشتغل بس ساعتين في الصباح ما بيحتاج أكتر من كدة عشان يعيش.
Quote: The BBC's Wartime Broadcasting Service first went in to operation during the Second World War, the service was updated and on standby throughout the Cold War with studios and broadcast equipment hidden in secret bunkers across the UK. https://www.higgypop.com/news/wartime-broadcasting-service
__ جاي يحرف الموضوع يشتغل فتن رخيسة على حساب البوست.
Post: #181 Title: Re: اولاد أمدرمان ضيعوا 60 عام على السودان Author: munswor almophtah Date: 12-08-2018, 01:11 AM Parent: #178
.
Post: #182 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-08-2018, 08:05 AM Parent: #181
Quote: حكى لي يا عبد العظيم واحد من ناس أمدرمان إنو لغاية التمانينات كانوا بيتعارفوا بحكم الهيمنة الأهالي مع موظفي الدولة، قال عادي بيمشي لمكاتب الحكومة ويسألوهوا بالله أنت ود ناس فلان ياسلام ما شاء الله ويقضوا ليهو غرضو وهو قاعد في كرسيهو.
ياخي دا تواطوء عجيب تعرف يا حاتم مبلوعة اذا موضوع المحسوبية دا كان سلوك فردي لكن بهذه الصورة القبيحة مؤكد أنها ضيعت حقوق الناس علي حساب المحاسيب من الأهل والعشيرة والمعارف ... طبعا دا خلل كبير والمصيبة يكونوا ما خجلانين منه ويعتبروا الموضوع طبيعي وشكل من أشكال النخوة والتكافل ... عوقونا الناس ديل
Post: #183 Title: Re: اولاد أمدرمان ضيعوا 60 عام على السودان Author: يحي قباني Date: 12-08-2018, 11:13 AM Parent: #182
Quote: منو الهاشماب ديل ومنو اولاد الموردة ؟ ثانيا نحن ناصل للمهدية بس في ام درمان وفي السودان عشان ننتهي من مشاريع الصرف الصحي المصرية والماخور بتاع الصاغ صلاح سالم الشوه المركز وقاطنيه من 1953 وانت اعرف المهدي الذى جاء من الشمال اسس ام درمان دي ومعظم احياءها باسماء قادة المهدية
يا دون كيشوت انت ... حكمة ربك الاولى ... عن سؤالك عن الهاشماب ... جدي محمد سعيد احمد عثمان القباني رحمه الله والدته بت الشيخ ابو القاسم هاشم ...
و حكمة ربك التانية عن بيت المهدي .. الفاضل عبد الله الفاضل المهدي ود عمتي لزم ...
اها دي يحلوها كيف ؟ نقول اهلنا تقولوا واي ... ننكرهم تقولوا وايين !!
يازول خليك في طواحينك اخير ...
Post: #184 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-08-2018, 12:31 PM Parent: #183
ياخي مافي حاجة طلعت دين السوان زي التمييز الإجتماعي والعشائري دي أخطر من التميز الطبقي . بالوعي يمكن القضاء علي التمييز الطبقي ويمكن أن تحمي القوانين حقوق الفقراء والعمال وأصحاب الدخل المحدود لكن من الصعب التخلص من التمييز الإجتماعي علي أساس البيوت والعشائر لأنه الجينات الوراثية تحمل هذه الأوهام وتعطي أصحاها ما ليس لهم زول موهوم إنه من كرام المواطنين (جينيا) زي دا الدبارة معاه شنو ؟ بيشوف باقي الناس لئام والمقعد الأمامي حقه بالوراثة
اذا كانت الإذاعة قامت بالدور دا زمان كان بتكون ساعدت في توعية المواهيم ديل علي إعتبار أنها الوسيلة الإعلامية الوحيدة التي تصل الي كل البيوت (تقريبا) كان شخصت لينا المشكلة الإجتماعية ونوع الأمراض التي يعاني منها المجتمع وإشتغلت علي توعية الناس بمفاهيم المساواة والقيمة في الكفاءة وحسن الخلق كان حلت لينا مشاكل كثيرة
Post: #185 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-08-2018, 02:21 PM Parent: #1
أها تاني المريض جا يقول أنا ود ناس فلان.
Post: #186 Title: Re: اولاد أمدرمان ضيعوا 60 عام على السودان Author: Abdullah Idrees Date: 12-08-2018, 03:21 PM Parent: #185
Quote: معليش يا عبد العظيم، قلت النثقفو شوية المتصحر دا.
يا بوي انت مداخلاتك دي كلها irrelevant ، ده دور كلاسيكي بتقوم بيهو اي جهة اعلامية رسمية زي الازاعة او شعبية زي الحكامة مثلا ، لكن ليس منوطا به رفع حال بلد او ان تكون مسئولة بشكل رئيسي عن تدعيم هويته ، في النهاية الاعلام كلو بتوجهو السياسة العامة للدولة مش العكس .. انا اتفهم شغل الpackup البتعمل فيهو ده ، بس ما بالسطحية والاستسهال ده اتعب شوية ياخي اذاعة شنو البتهزم جيش دولة كان عندو اكتر اذاعات في الدنيا وشايفك الايام دي شغال "تثقيف تقيل" ، يا شيخنا الحاجات دي الناس قرتها زماااان وشاهدتا افلام سينمائية ووثائقية مش من ويكي .. شكلك كده قايم جديد في الحاجات دي بديت تقرا .. كونغراتس سودانيز اون لاين ..
Post: #188 Title: Re: اولاد أمدرمان ضيعوا 60 عام على السودان Author: حاتم إبراهيم Date: 12-08-2018, 03:28 PM Parent: #186
Quote: يا بوي انت مداخلاتك دي كلها irrelevant
زي دي كدة مثلاً
Quote: مالهم يا حاتم العربجية والرواعية ؟ +++ التجويد ليس هوسا ، ده زول مجود .. +++ وشايفك الايام دي شغال "تثقيف تقيل"
___ أدي قيمة لكلامك بالتركيز في الموضوع.
Post: #187 Title: Re: اولاد أمدرمان ضيعوا 60 عام على السودان Author: Abdullah Idrees Date: 12-08-2018, 03:25 PM Parent: #185
Quote: يبقى كأنه والده !! .. ياعظمة ماتشخصن يأخ ..
شكرا جمال .. اهلنا بقولو "البصر ما بعمى ، بتعمى البصيرة " فعلا ده ابوي - الله يرحمو - وشكرا عبدالعظيم على تعديل المداخلة
Post: #189 Title: Re: اولاد أمدرمان ضيعوا 60 عام على السودان Author: Abdullah Idrees Date: 12-08-2018, 03:37 PM Parent: #187
Quote: الزول الفوق دا النقاش معاو مرهق وضياع وقت (دي المرة ال3)عشان كدا روق وخليك واقف في الصف
خليني ازيد اللياقة شوية ، على قول جمال مش شايف نفسك رافع القزاز شوية يا بتاع "الاستعلاء" ؟ عايز تبقى لينا زي اولاد امدرمان انت كمان لمرهق شنو اسي طلب بسيط جدا ، يفترض انت تبدا بيهو البوست ده من تلقاء نفسك ، قبل ما يسألوك اعيدو ليك تاني انت وحاتم باك-أب :
Quote: تعال ورينا بالنقاط واحد اتنين تلاتة ، شنو الحاجة المفروض يعملوها نااس الاذاعة عشان ننجز بناء الدولة الامة ؟
Post: #190 Title: Re: اولاد أمدرمان ضيعوا 60 عام على السودان Author: Biraima M Adam Date: 12-08-2018, 03:40 PM Parent: #187
Quote: و ما زال دون كيشوت يحارب في طواحين الهواء .../quote]
أسم أصاب مكانه ..
بريمة
Post: #191 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-08-2018, 03:47 PM Parent: #187
Quote: فعلا ده ابوي - الله يرحمو - وشكرا عبدالعظيم على تعديل المداخلة
له الرحمة والمغفرة كامل الإعتذار الزميل عبدالله
Post: #192 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-08-2018, 04:04 PM Parent: #191
Quote: مش شايف نفسك رافع القزاز شوية يا بتاع "الاستعلاء" ؟ عايز تبقى لينا زي اولاد امدرمان انت كمان
لا أبدا لا إستعلاء ولا شيء ياخي بالغت اكيد ما عايز أمارس سلوك أولاد أمدرمان بعدين جاول تقرأ المداخلات كلها في إجاية لسؤالك ما تخليني اكرر ليك مداخلات كتبتها فوق
Post: #193 Title: Re: اولاد أمدرمان ضيعوا 60 عام على السودان Author: نادر الفضلى Date: 12-08-2018, 05:20 PM Parent: #192
Quote: يا دون كيشوت انت ... حكمة ربك الاولى ... عن سؤالك عن الهاشماب ... جدي محمد سعيد احمد عثمان القباني رحمه الله والدته بت الشيخ ابو القاسم هاشم ...
و حكمة ربك التانية عن بيت المهدي .. الفاضل عبد الله الفاضل المهدي ود عمتي لزم ...
يا يحيى .. ضحكت لامن قريت سئلت عن الهاشماب .. ما عارف ال D.N.A بتاعتك فيها ما يربطك بهم
خازوق كمان تسأل عن ود أرو وناس أرو .. أها أرو بقدرة قادر طلع قائد من قواد المهدية
Post: #194 Title: Re: اولاد أمدرمان ضيعوا 60 عام على السودان Author: نادر الفضلى Date: 12-08-2018, 05:30 PM Parent: #193
Quote:
Quote: حكى لي يا عبد العظيم واحد من ناس أمدرمان إنو لغاية التمانينات كانوا بيتعارفوا بحكم الهيمنة الأهالي مع موظفي الدولة، قال عادي بيمشي لمكاتب الحكومة ويسألوهوا بالله أنت ود ناس فلان ياسلام ما شاء الله ويقضوا ليهو غرضو وهو قاعد في كرسيهو.
ياخي دا تواطوء عجيب تعرف يا حاتم مبلوعة اذا موضوع المحسوبية دا كان سلوك فردي لكن بهذه الصورة القبيحة مؤكد أنها ضيعت حقوق الناس علي حساب المحاسيب من الأهل والعشيرة والمعارف ... طبعا دا خلل كبير والمصيبة يكونوا ما خجلانين منه ويعتبروا الموضوع طبيعي وشكل من أشكال النخوة والتكافل ... عوقونا الناس ديل
بالله عليكم شوفوا مستوى النقاش والطرح وصل وين .. دا زول فاتح بوست بيتباكى على حال السودان معطياته التى يبنى عليها مثل (حكى لى واحد ... ) وأصبحت الحكوة إذا قيلت أو نجرت حقيقة دامغة وبيبنى عليها الإنشاء والعبارات الفضفاضة ...
Post: #195 Title: Re: اولاد أمدرمان ضيعوا 60 عام على السودان Author: عبدالعظيم عثمان Date: 12-08-2018, 05:52 PM Parent: #194
Quote: بالله عليكم شوفوا مستوى النقاش والطرح وصل وين .. دا زول فاتح بوست بيتباكى على حال السودان معطياته التى يبنى عليها مثل (حكى لى واحد ... ) وأصبحت الحكوة إذا قيلت أو نجرت حقيقة دامغة وبيبنى عليها الإنشاء والعبارات الفضفاضة ...
يا نادر يعني إنت مهموم شديد بي مستوي النقاش وما بتهمك حقوق الناس الضاعت بسب المحسوبية والمعارف ... جهاز إستشعارك ما بقلط سوءات أمدرمان في نفس الوقت رافض المساس بي أمدرمان ... أرجع البصر كرتين يا نادر يمكن تتوسع دائرة شوفك
Post: #196 Title: Re: اولاد أمدرمان ضيعوا 60 عام على السودان Author: نادر الفضلى Date: 12-08-2018, 07:12 PM Parent: #195
با عبد العظيم الحمد لله شايف كويس وليس فقط غير متفق معك ولكن أراك تفتقد للموضوعية . ولا يزعجنى أو يهمنى إنتقاد أمدرمان ولكن أن يكون بقدر من المصداقية والموضوعية وادوات التحليل السليم. ما تقوله هنا لا يمس أمدرمان بسؤ ولكن ينعكس سلباً على غيرها من أقاليم السودان .. على أبناء الأقاليم أو الضهارى ما زالوا معوق وعالة على السودان لم ينهضوا بعد .. وإكتفوا بالبكاء والعويل ورمى اللوم على غيرهم. وما زالو متواكلين ويهربون من تحمل المسؤولية .. رغم أن الوطن فى قبضة أولاد الضهارى لمدة ثلاث حقب .. قرابة الثلاثون عاماً وما تسببوا فيه معروف وقد تتفق معى فى الإنهيار الإقتصادى والإجتماعى والأخلاقى والنهب والسرقة ولا يشبعون .. فإن لم تستطع عن الإجابة عن سؤال الأخ عبد الله إدريس ماذا كنت تود تفصيلاً ان تفعله إذاعة أندرمان فى الماضى فقل لنا ماذا يمكن أن تفعله إذاعة أمدرمان فى الحاضر لتنير الطريق وتقود حملة إصلاح الوطن الواحد فالحاضر والمستقبل هو الأهم .. ماذا تفعل الإذاعة لتخلصنا من نظام الضهارى النظام ملكى مستتر وعسكرى بوليسى متجبر .. وخبز يوزع بالرقم الوطنى؟ الهموم تفرق!
Post: #197 Title: Re: اولاد أمدرمان ضيعوا 60 عام على السودان Author: هاشم الحسن Date: 12-08-2018, 11:54 PM Parent: #1
Quote: واحدة من مشاكل السودان أن الدولة كنظام إداري سبقت القومية وكان مفروض من الإعلام يسد الفرقة دي.. كان حقنا كثير من الدماء وكان نهض السودان قويا..مش نجي هسي بعد أكثر من 60 سنة نفتش لي مؤتمر دستوري ونفتش لي خطاب قومي، يعني اولاد امدرمان العطالي ديل كان إشتغلوا في الحتة دي (بناء القومية السودانية) كان خلدوا تجربتهم بأحرف من نور في تاريخ السودان
يا عظمة تاني: ما قلت ليك (لثلاث مرات) إنك تبدو كمن كان مراهنا على (فرس أم درمان) فلم تسبق لك كما تشتهي الفوز لنفسك.. فالحكاية قامت أكلت معاك جنبة وعايز تفكها في تاريخ أولاد أم درمان، وحاضرهم كمان، وفي ماضي الإذاعة!! كنت أطمع في أن تفرد لنا حيثيات رهانك الخاسر هذا.. ولكن.. ولكن.. قدر ما حاحينا عصافيرك.. ابت تحط لينا في المتلة دي:) حتى (الإذاعة) فهل فعلا كان بيدها خيلا تهديه أو مال. ما قصرت؛ أن أهدتنا بعض ما أسعد لنا بعض الأحوال.. المال تلتو ولا كتلتو.. مثل من أيام زمان.. ولكن فقط عن الآن، وربما من الآن.. فلتكن مسائلتك للإذاعة ولتنهز إليها أعنّة السؤال.. سيكون موضوعيا، تماما.. من الآن ونحو المستقبل! إذ بلا أي مراعاة للظروف والسياقات الموضوعية التي أحاطت بالأمر القومي/الوطني كله، وقد اشار إليها الإخوان.. فالموضوع بهذه الطريقة لن يخرج عن الملاحاة والمكاجرات والمماحكات أو ليستغله بعضنا لتصفية الحسابات.. أو سيكون مجرد تفريغ للشحنة السالبة من احباطاتنا الوطنية، ولكن بتعليقها على الرقبة الغلط.. يعني ما في غير محلها.. هدر آخر.. أو.. فلنتواضع.. وترجع بنا، بهدوء شديد، لمناقشة هذه الجملة أدناه من كلامك.. في سياقاتها التاريخية بالله عليك.. {{واحدة من مشاكل السودان أن الدولة كنظام إداري سبقت القومية}} الدولة.. بناؤها ليس سهلا.. الدولة الحديثة عادة ما تستهل الصهر بالحديد والنار وليس بالإذاعة!! والقومية.. ليس هكذا ضربة لازب، وليس بالضرورة كما تتمثلها، أو تقولبها في المصهر والبوتقة.. أسأل منصور خالد! هذه الدولة التي كانت أم درمان أكثر حواضرها الوطنية تقدما معرفيا واستعدادا سياسيا وووو، ولكن، أشرخ لنا، شن نفرو مقدار ونوع هذا التقدم الفيها؟ وتعني الدولة السودانية الحديثة طبعا.. ألا يجب أن ننظر قبلها ولو قليلا، السلطنات الثلاث، وفتافيتهن، الحكم التركي.. المهدية.. الحكم الثنائي.. الاستقلال.. لا بد أن ذلك التاريخ، كما تعرفه وكما ستراه أوضح، فلا بد قد مر عبر وربما قد تسبب في خلل (قومي) كبير، وأنه، ففعلا لا تزال هناك (فرقات) كثيرة.. تعوق وتعوِّق.. ولكن.. أكنت تفضل أن تتهيأ لك المثالية القومية.. قبل الدولة..!! لو علمت لنا مثالا.. فأين تهيأ مثل هذا، في كل هذا التاريخ الإنساني؟؟
وتريد من الإذاعة (بنت الواقع) أن تسد لك كل القدود القومية؟! ومن قولة تيت!! {ذا كانت الإذاعة قامت بالدور دا زمان كان بتكون ساعدت في توعية المواهيم ديل علي إعتبار أنها الوسيلة الإعلامية الوحيدة التي تصل الي كل البيوت (تقريبا) كان شخصت لينا المشكلة الإجتماعية ونوع الأمراض التي يعاني منها المجتمع وإشتغلت علي توعية الناس بمفاهيم المساواة والقيمة في الكفاءة وحسن الخلق كان حلت لينا مشاكل كثيرة}.. دا كلام دا؟.. من زمان؟!.. تجيب ليك الحلول من وين!؟ ما ياهو بس.. من واقعنا ما من أكتر.. ولّ كيف؟ ما تاخدك حماسة وردي والشباب وتهتف بينا: (بل من أكتر).. دا حيبقى تزُّيد مننا ساي..
لسبب ما ذكرتني بكتاب القس سبنسر ترمنقهام؛ (الإسلام في السودان.. ترجمة فؤاد عكود): وعلى تحفظات كثيرة عليه، ففي الفصل الثامن من كتابه: أثر التغريب على السودان (صفحة ٢٤٣ وما بعدها) فقد قال (القس) عن (الأفندية) السودانيين بوقتها ـ ولو يقل (الأم درمانيين) فقط ــ قال عنهم مقولات سالبة جدا، وساخرة أو شامتة! بتفاصيل يمكن مقارنتها بما جاء في (مهارب المبدعين للنور حمد) أو بمقولات للحاج حمد، أو بما قاله منصور خالد عن الصفوة. وهي مقولات تعبر عن معاناتهم وحيرتهم، بوقتها، بين الواقع والتطلعات، وعن كيف تعبر هذه الحيرة عن نفسها في تصرفاتهم وفي حيواتهم المتشبهه بالانجليز ولكنها ايضا متعلقة بالظروف السودانية.. ليس عبثا أنه ولسبب ما فقد أخرج النور حمد طاهويين اثنين فقط من كل زمر (الهاربين).. هما محمود محمد طه وعبدالرحمن على طه. ولكن، ترمنجهام هذا، في نفس كلامه الساخر ذاك، فقد حاول أن يجد لملاحظاته، تفسيرا.. شفت كيف.. هذا الانجليزي الساخر منّا، حاول التفسير.. وأنت تبخل علينا.. بكامل الصورة!! =====
عادل أمين.. عجبتك المكاجرة.. وخلتك تستعجل بنا شغل أخبط ألزق.. قلت لينا (جد) عبدالرحمن المهدي هو الأسس أم درمان؟ يا راااجل!! بل وبهتّا لينا الراجل ينّي البسكر ويغني، في صمة سكرتو! قلت لينا هندي!! بتعرفو من وين انتا، يني دا؟ طيب من وين في الأهل أغاريق سنّار؟ دا هزار ومشاغبة ساي، أخف من شغبك بلون الجنسية.. الله يهدينا ويهديك!! هذا، رغم أنك سألت سؤالا مهما جدا، لو فردت له الإجابات الجادة، بدل المكاجرات، لعرف عبد العظيم عن؛ ما هي أصول ما يعتنقه ويفكر فيه من أفكار الآن؟ سيجدها أصول أم درمانية برضو؟ عجيــــــب! سؤال عادل هو: (منو الهاشماب ديل ومنو أولاد الموردة)؟ ودا زي كلام محمد النور كبر القالو قبيل برضو عن أولاد عشري. وممكن تضيف ليهم: و(منو الأبروفيين، ومنو كتّاب الفجر ومنو حسن صالح المطبعجي في ثوار ٢٤؟) المطبعجي دا حيرد اسمو مقرونا بعلي عبداللطيف، في كلام د. المعتصم أحمد الحاج في الفيديو التحت دا.. لمن سيلقي السمع.. =====
الفيديو دا برضو بمناسبة اشارة عادل أمين، لكتاب محمد أبو القاسم حاج حمد: كتاب عمدة.. مهم جدا، (السودان؛ المأزق التاريخي وآفاق المستقبل.. بجزئيه.. (جدلية التركيب) أظها في العنوان كما في غالب الجزء الأول. ربما لو فقط اتكأنا على نوع المعرفة التاريخية والسعة التحليلية التي فيه، لما أحتجنا ولا عبد العظيم، إلى المماحكات مع الأم درمانيين أو غيرهم.. جدلية التركيب.. سيرورة التاريخ.. الصيرورة النشتهيها.. كلو متوفر.. بالكوم.. ولكن، ما نيل المطالب بالتمني، ولا بالرهانات ولا بالزعل من خسارة الرهانات الما في محلّها..
