Post: #1
Title: مساعدة عاجلة: محتاج دواء أمكسولين .. Amoxicillin 500 mg Capsules
Author: Biraima M Adam
Date: 03-30-2018, 00:18 AM
00:18 AM March, 29 2018 سودانيز اون لاين
Biraima M Adam-أمريكا الشمالية
مكتبتى
رابط مختصر يا أخوانا وأخواتنا ..
مساعدة عاجلة .. الدواء دا رخيص سواء هنا في أمريكا أو في السودان .. حوالي 20 دولار فقط .. لكن بسبب شركتنا الشغالين فيها فقدت ال contract .. فقدنا الشغل موقتاً .. ومغروض في هذا الدواء.
بالله الزول الذي بحوزته هذا الدواء في أمريكا .. هنا عنوان منزلي .. وأنا متكفل بسعر الدواء وحق الترحيل سواء من داخل أمريكا أو خارجها .. وليكم عظيم الثواب .. نفس الأعراض التي عالجتها زمن طويل عادت لي وعطلت أشغالي ..
Bir Adam
1611Becontree lane 2C, Reston VA 20190
إيملي هنا
[email protected]
والله ولي التوفيق ..
بريمة
|
Post: #2
Title: Re: مساعدة عاجلة: محتاج دواء أمكسولين .. Amoxicillin
Author: Biraima M Adam
Date: 03-30-2018, 00:58 AM
Parent: #1
ألف شكر للأحباب ..
والله يحيروك السودانيين في نجدتهم .. أخ دكتور كريم من أخوتكم في غربتنا الجبارة .. قام بالواجب وبأسرع مما كنت أتصور ..
لا نملك أن نقل له ولكم أسمي أيات الإمتنان
بالله يا أخوانا الدعوات الصالحات لهذا الرجل الأنسان ..
لم أستأذنه في نشر أسمه وياليت فعلت ..
انا حسي جاري الصيدلية .. جري ..
بريمة
|
Post: #3
Title: Re: مساعدة عاجلة: محتاج دواء أمكسولين .. Amoxicillin
Author: يحي قباني
Date: 03-30-2018, 01:48 AM
Parent: #2
كفارة يا زول ...
بس الانتبيوتك ده تاخد ساااي من غير زيارة طبيب؟
مش أمكن فايروس بس و يمشي ...
|
Post: #4
Title: Re: مساعدة عاجلة: محتاج دواء أمكسولين .. Amoxicillin
Author: Biraima M Adam
Date: 03-30-2018, 02:13 AM
Parent: #3
ول أبا يحيي
الكيس بتاعتي شخصها لي طيب أثيوبي، زمان .. وهي عبارة عن بكتيريا معروفة.. وهي تصيب السودانيين بكثرة .. أخذت منه زمان علاجات .. وأنتهت الحالة .. رجعت السودان قبل أعوام .. وتاني رجعت لي الحالة والأن بصورة حادة ..
أنا ح أجري الفحوصات متى الجماعة يرجعوا لينا التأمين ..
بريمة
|
Post: #5
Title: Re: مساعدة عاجلة: محتاج دواء أمكسولين .. Amoxicillin
Author: محمد عبد الله الحسين
Date: 03-30-2018, 06:27 AM
Parent: #4
سلامات يا أخ بريمة
ربنا يشفيك و يعافيك
و إن شاء ما تشوف شر
السودانيون اهل مروءة و نجدة ...إن شاء الله ما تروح منهم ..
تحياتي
|
Post: #7
Title: Re: مساعدة عاجلة: محتاج دواء أمكسولين .. Amoxicillin
Author: Hassan Makkawi
Date: 03-30-2018, 06:53 AM
Parent: #5
Quote:
وهي عبارة عن بكتيريا معروفة..
وهي تصيب السودانيين بكثرة ..
|
السودانيين البشربوا من الحفير لا غير...
الله يشفيك سريع ياخ
|
Post: #6
Title: Re: مساعدة عاجلة: محتاج دواء أمكسولين .. Amoxicillin
Author: Osman Musa
Date: 03-30-2018, 06:51 AM
Parent: #1
سلامات يا شيخ العرب
كان تتصل علينا كان رسلنا ليك كرتونة أمكسولين و كرتونة حلو مر .
حبة أمكسولين مع جك حلو مر صباح مساء بعد شهر تكون زي جون سينا .
|
Post: #8
Title: Re: مساعدة عاجلة: محتاج دواء أمكسولين .. Amoxicillin
Author: Biraima M Adam
Date: 03-30-2018, 07:56 AM
Parent: #6
Quote: سلامات يا أخ بريمة
ربنا يشفيك و يعافيك
و إن شاء ما تشوف شر
السودانيون اهل مروءة و نجدة ...إن شاء الله ما تروح منهم ..
تحياتي |
شكراً ا دكتور محمد عبد الله ..
بريمة
|
Post: #9
Title: Re: مساعدة عاجلة: محتاج دواء أمكسولين .. Amoxicillin
Author: Biraima M Adam
Date: 03-30-2018, 08:00 AM
Parent: #8
الأخ حسن مكاوي
سلام
Quote: السودانيين البشربوا من الحفير لا غير...
الله يشفيك سريع ياخ |
أنت قاصد الدودة الشريطية .. لكن دي باكتيريا وليس دودة شريطية.
شكراً ..
بريمة
|
Post: #10
Title: Re: مساعدة عاجلة: محتاج دواء أمكسولين .. Amoxicillin
Author: Biraima M Adam
Date: 03-30-2018, 08:07 AM
Parent: #9
الحبيب عثمان موسي،
سلام ..
Quote: سلامات يا شيخ العرب
كان تتصل علينا كان رسلنا ليك كرتونة أمكسولين و كرتونة حلو مر .
حبة أمكسولين مع جك حلو مر صباح مساء بعد شهر تكون زي جون سينا . |
ههههاي .. عارفك ماشي وين .. الوصفة أديها للعبار دينق يجربها .. وهو بدوره ح يتصل عليّ وح يورينى ظابطة أم لا ..
في الجبال، كانوا بسقونا بول الأبل منها .. ومن السعال الديكي بسقونا لبن الحمير .. أنا شخصياً كتلت كورية لبن حمير .. ولم أدر ما الشيئ حتى كملت كوريتي حتى كلموني ..
بريمة
|
Post: #11
Title: Re: مساعدة عاجلة: محتاج دواء أمكسولين .. Amoxicillin
Author: هاشم احمد ادم
Date: 03-31-2018, 00:14 AM
Parent: #10
الف حمدالله على السلامة
كلنا ذلك الرجل
المهم فى اتجاة جديد لحل مشلكة البكتريا الضارة
وهو عن طريق البكتريا الحميدة او ما يعرف ب gut microbiome
وهو من خلال تناول البكتريا فى شكل حبوب او تناول اطعمة
غنية بالبكتريا ( روب ، مخللات ، ...الخ )
اما ذكرت عن لبن الحمير فهو ذى فايدة مثبتة فى إرثنا
باختصار حاول مراجعة الوجبات الغذائية واعمل تجارب
وحاول ما أمكن تناول ما اعتد علية فى السودان
والشفاء من الله
|
Post: #12
Title: Re: مساعدة عاجلة: محتاج دواء أمكسولين .. Amoxicillin
Author: علاء سيداحمد
Date: 03-31-2018, 00:51 AM
Parent: #11
الف حمدا لله على السلامة يا شيخ العرب وماتشوف شر
|
Post: #13
Title: Re: مساعدة عاجلة: محتاج دواء أمكسولين .. Amoxicillin
Author: Deng
Date: 03-31-2018, 01:16 AM
Parent: #12
يا عبار.
هسع أنت جايب أسمي ليه في بوستك المهبب ده؟
مادام جبت أسمي طيب هاك خم وصر.
أول حاجة أنت هنا بتخالف القوانين الامريكية، والبوست ده بيوديك في ستين داهية.
بعدين أنت زول متعلم كيف تتناول الادوية بمثل هذه الطريقة العشوائية؟
بطل بخل وأمشي لأقرب طبيب بيكشف عليك ب وح يكتب لك نفس الدواء.
لكن أنت زول (cheapass)
|
Post: #14
Title: Re: مساعدة عاجلة: محتاج دواء أمكسولين .. Amoxicillin
Author: عادل الباهي عبدالرازق
Date: 03-31-2018, 02:34 AM
Parent: #13
الكيس بتاعتي شخصها لي طيب أثيوبي، زمان .. وهي عبارة عن بكتيريا معروفة.
يابريمة الف لا بأس عليك وماتشوف شر
عندي أخبار انك فسدت .. فسلط الله عليك البكتيريا .. وأخشي أن لا يأتيكم القُمّل كمان
أجري القبب والخلاوي .. والدعوات الصالحات .. العودة إلي الله والتوبة النصوحة
مفتكر أنت سيدنا الخضر براك ؟؟؟ 
|
Post: #15
Title: Re: مساعدة عاجلة: محتاج دواء أمكسولين .. Amoxicillin
Author: عمر دهب
Date: 03-31-2018, 03:04 AM
Parent: #14
سلامتك وماتشوف شر
سحروك
|
Post: #16
Title: Re: مساعدة عاجلة: محتاج دواء أمكسولين .. Amoxicillin
Author: أيمن نواى على
Date: 03-31-2018, 03:59 AM
Parent: #15
وال ابا
شنوا الشغلاى ... ابيت العيش ولض امي .... كولاى بى كركرو مافى .... هاى تراء ود لض امى ..... المئ بارد خرباكم دوت كى .... وحات الكتاب ولض ابوك تشرب من المشيش كى وترقص المردوم مع غناء الحكامات عافية عافية ولض امى ..... الا انتوا شغلكم شنوا مع ابات عيون خضر بقارى ولا زنبوطى .... الا كان شغال أم جكاكا نشوف كلام الحكامات .
|
Post: #17
Title: Re: مساعدة عاجلة: محتاج دواء أمكسولين .. Amoxicillin
Author: أيمن نواى على
Date: 03-31-2018, 04:00 AM
Parent: #15
|
Post: #18
Title: Re: مساعدة عاجلة: محتاج دواء أمكسولين .. Amoxicillin
Author: Biraima M Adam
Date: 03-31-2018, 04:08 AM
Parent: #15
ألف شكر يا شباب .. هاشم، علاء، عمر وعادل
إن شاء الله ربنا يحفظ الجميع ...
يا عادل الباهي .. إجابة سؤالك في البوست المعني .. بتاع فساد النوبيين ..
العبار دينق، أنت عارف سبب مجيئ أسمك .. الحبيب عثمان أكتشف حكاية الببسي وحبوب الأسبرين .. أو تخيل ليهو كده ..
وحسب النهج االثقافي لأمريكي .. أي عمل بدوه لصاحب الخبرة .. أو الخبز أديهو لخبازه .. وأنت من أهل الذكر في العبابير ..
-----------------------------------------------------
بالمناسبة قنعتوا من البوست بتاع الثعابين .. ولاّ نمشي نفور لي دم زول بهناك ..
وما تنسوا .. الموضوع برضو مسخن .. عن نوبيا والثعابين في الصفحة الأولي بوستات الزميلة أمنة مختار .. أنا متور نفس الجماعة بهناك مثل ما أفعل في بوست الثعابين.
اللهم أحفظ أهلنا المساكين الطيبين، خشاش الأرض وملحها .. في كل ربوع السودان ..
في أمريكا هنا .. يجيئ ثعبان تشيلوا في رأس أصعبك .. تحضر الشرطة وناس البيئة .. شيئ دروع .. وملاقط .. وذخائر مخدر stunt guns ..
في سودان العز .. ولاية بحالها .. تتعرض لكارثة بيئية .. ولا حتى زول مسؤول واحد يزور المنطقة ..
أنتم بلدنا السودان ما فيهو إدارة كوارث .. نهائياً؟؟ ؟ .. الحمد الله علي كل حال ..
حسب خبرتي في مجال البيئة .. هناك تحول بيئي يجري في مجري نهر النيل أو روافده .. وتحديداً الدارسين لا يجب أن يفكروا في صيد الأصلة
بل الجهد يجب أن يصب لماذا أختل الهرم الغذائي .. أنا ح أفتح بوست أبيض فيه وجوه الذين لم يفهموني .. وح نناقش مسألة البيئة هناك ..
بريمة
|
Post: #19
Title: Re: مساعدة عاجلة: محتاج دواء أمكسولين .. Amoxicillin
Author: محمد بدرالدين
Date: 03-31-2018, 09:26 AM
Parent: #18
كفارة و سلامتك ما تشوف شر يا حبيب
نسال الله لك شفاءا لا يغادر سقما
مودتى
|
Post: #20
Title: Re: مساعدة عاجلة: محتاج دواء أمكسولين .. Amoxicillin
Author: MOHAMMED ELSHEIKH
Date: 03-31-2018, 12:22 PM
Parent: #19
سلامتك يا عبار
|
|