|
|
|
 Re: مساعدة عاجلة: محتاج دواء أمكسولين .. Amoxicillin (Re: Biraima M Adam)
|
ألف شكر للأحباب ..
والله يحيروك السودانيين في نجدتهم .. أخ دكتور كريم من أخوتكم في غربتنا الجبارة .. قام بالواجب وبأسرع مما كنت أتصور ..
لا نملك أن نقل له ولكم أسمي أيات الإمتنان
بالله يا أخوانا الدعوات الصالحات لهذا الرجل الأنسان ..
لم أستأذنه في نشر أسمه وياليت فعلت ..
انا حسي جاري الصيدلية .. جري ..
بريمة
| |
  
|
|
|
|
|
|
|
|
Re: مساعدة عاجلة: محتاج دواء أمكسولين .. Amoxicillin (Re: يحي قباني)
|
ول أبا يحيي
الكيس بتاعتي شخصها لي طيب أثيوبي، زمان .. وهي عبارة عن بكتيريا معروفة.. وهي تصيب السودانيين بكثرة .. أخذت منه زمان علاجات .. وأنتهت الحالة .. رجعت السودان قبل أعوام .. وتاني رجعت لي الحالة والأن بصورة حادة ..
أنا ح أجري الفحوصات متى الجماعة يرجعوا لينا التأمين ..
بريمة
| |
|
|
|
|
|
|
|
|
|
Re: مساعدة عاجلة: محتاج دواء أمكسولين .. Amoxicillin (Re: Biraima M Adam)
|
الحبيب عثمان موسي،
سلام ..
Quote: سلامات يا شيخ العرب
كان تتصل علينا كان رسلنا ليك كرتونة أمكسولين و كرتونة حلو مر .
حبة أمكسولين مع جك حلو مر صباح مساء بعد شهر تكون زي جون سينا . |
ههههاي .. عارفك ماشي وين .. الوصفة أديها للعبار دينق يجربها .. وهو بدوره ح يتصل عليّ وح يورينى ظابطة أم لا ..
في الجبال، كانوا بسقونا بول الأبل منها .. ومن السعال الديكي بسقونا لبن الحمير .. أنا شخصياً كتلت كورية لبن حمير .. ولم أدر ما الشيئ حتى كملت كوريتي حتى كلموني ..
بريمة
| |
|
|
|
|
|
|
|
|
 Re: مساعدة عاجلة: محتاج دواء أمكسولين .. Amoxicillin (Re: Biraima M Adam)
|
الف حمدالله على السلامة
كلنا ذلك الرجل
المهم فى اتجاة جديد لحل مشلكة البكتريا الضارة
وهو عن طريق البكتريا الحميدة او ما يعرف ب gut microbiome
وهو من خلال تناول البكتريا فى شكل حبوب او تناول اطعمة
غنية بالبكتريا ( روب ، مخللات ، ...الخ )
اما ذكرت عن لبن الحمير فهو ذى فايدة مثبتة فى إرثنا
باختصار حاول مراجعة الوجبات الغذائية واعمل تجارب
وحاول ما أمكن تناول ما اعتد علية فى السودان
والشفاء من الله
| |
|
|
|
|
|
|
|
|
|
Re: مساعدة عاجلة: محتاج دواء أمكسولين .. Amoxicillin (Re: علاء سيداحمد)
|
يا عبار.
هسع أنت جايب أسمي ليه في بوستك المهبب ده؟
مادام جبت أسمي طيب هاك خم وصر.
أول حاجة أنت هنا بتخالف القوانين الامريكية، والبوست ده بيوديك في ستين داهية.
بعدين أنت زول متعلم كيف تتناول الادوية بمثل هذه الطريقة العشوائية؟
بطل بخل وأمشي لأقرب طبيب بيكشف عليك ب وح يكتب لك نفس الدواء.
لكن أنت زول (cheapass)
| |
|
|
|
|
|
|
|
|
|
Re: مساعدة عاجلة: محتاج دواء أمكسولين .. Amoxicillin (Re: عمر دهب)
|
وال ابا
شنوا الشغلاى ... ابيت العيش ولض امي .... كولاى بى كركرو مافى .... هاى تراء ود لض امى ..... المئ بارد خرباكم دوت كى .... وحات الكتاب ولض ابوك تشرب من المشيش كى وترقص المردوم مع غناء الحكامات عافية عافية ولض امى ..... الا انتوا شغلكم شنوا مع ابات عيون خضر بقارى ولا زنبوطى .... الا كان شغال أم جكاكا نشوف كلام الحكامات .
| |
|
|
|
|
|
|
|
|
|
Re: مساعدة عاجلة: محتاج دواء أمكسولين .. Amoxicillin (Re: عمر دهب)
|
ألف شكر يا شباب .. هاشم، علاء، عمر وعادل
إن شاء الله ربنا يحفظ الجميع ...
يا عادل الباهي .. إجابة سؤالك في البوست المعني .. بتاع فساد النوبيين ..
العبار دينق، أنت عارف سبب مجيئ أسمك .. الحبيب عثمان أكتشف حكاية الببسي وحبوب الأسبرين .. أو تخيل ليهو كده ..
وحسب النهج االثقافي لأمريكي .. أي عمل بدوه لصاحب الخبرة .. أو الخبز أديهو لخبازه .. وأنت من أهل الذكر في العبابير ..
-----------------------------------------------------
بالمناسبة قنعتوا من البوست بتاع الثعابين .. ولاّ نمشي نفور لي دم زول بهناك ..
وما تنسوا .. الموضوع برضو مسخن .. عن نوبيا والثعابين في الصفحة الأولي بوستات الزميلة أمنة مختار .. أنا متور نفس الجماعة بهناك مثل ما أفعل في بوست الثعابين.
اللهم أحفظ أهلنا المساكين الطيبين، خشاش الأرض وملحها .. في كل ربوع السودان ..
في أمريكا هنا .. يجيئ ثعبان تشيلوا في رأس أصعبك .. تحضر الشرطة وناس البيئة .. شيئ دروع .. وملاقط .. وذخائر مخدر stunt guns ..
في سودان العز .. ولاية بحالها .. تتعرض لكارثة بيئية .. ولا حتى زول مسؤول واحد يزور المنطقة ..
أنتم بلدنا السودان ما فيهو إدارة كوارث .. نهائياً؟؟ ؟ .. الحمد الله علي كل حال ..
حسب خبرتي في مجال البيئة .. هناك تحول بيئي يجري في مجري نهر النيل أو روافده .. وتحديداً الدارسين لا يجب أن يفكروا في صيد الأصلة
بل الجهد يجب أن يصب لماذا أختل الهرم الغذائي .. أنا ح أفتح بوست أبيض فيه وجوه الذين لم يفهموني .. وح نناقش مسألة البيئة هناك ..
بريمة
| |
|
|
|
|
|
|
| |
Biraima M Adam
يحي قباني
محمد عبد الله الحسين
Hassan Makkawi
Osman Musa
هاشم احمد ادم
علاء سيداحمد
Deng
عادل الباهي عبدالرازق
عمر دهب
أيمن نواى على
محمد بدرالدين
MOHAMMED ELSHEIKH
فيس بوك
تويتر
انستقرام
يوتيوب
بنتيريست