Post: #2
Title: Re: أزعم أنني أتمتع بحاسة قوية احتمال أنها تخ
Author: طلحة عبدالله
Date: 01-03-2018, 03:50 PM
Parent: #1
لجمهور المعجبين الذي افتقدني هنا وهناك وفي حتات أخر
كنت مشغول جدا
ولا زلت ذلك الشخص .. خخخخخ
يتبع إن الله هون
|
Post: #3
Title: Re: أزعم أنني أتمتع بحاسة قوية احتمال أنها تخ
Author: طلحة عبدالله
Date: 01-03-2018, 03:54 PM
Parent: #2
الجزئية المقتبسة دي مقصودا بالمعنى الحرفي بتاعا ..
الكائن بطل البوست دا سيظل عندي عامل فيها ( تقرأ مدعي أو زاعم ).
يتبع إن الله هون .
|
Post: #4
Title: Re: أزعم أنني أتمتع بحاسة قوية احتمال أنها تخ
Author: طلحة عبدالله
Date: 01-03-2018, 04:00 PM
Parent: #3
أيها الأخوة الأعزاء
أصدقكم القول انو حاستي القوية جدا دي بستعين بيها أحيانا في
التوقعات بتاعت الكورة بنسبة مقدرة .. يعني مع القراءة الحصيفة
والخبرة وما شابه بتكون في حاسة سادسة 
....................
أختوهو ما تستعدوهو ولا تنرفزوهو
قلبو خاشع.. نورو ساطع .. سرو باتع ..
|
Post: #5
Title: Re: أزعم أنني أتمتع بحاسة قوية احتمال أنها تخ
Author: Maawya Hussein
Date: 01-03-2018, 04:09 PM
Parent: #4
سلامات يا طلحه
منابر الحوار او الفوروم عموما بتختلف عن مواقع التواصل الاجتماعي ..هناك ممكن تتواصل مع اولاد حلتك واهلك ودفعتك في الدراسه والعمل ..نحن خالطين الشغله شويه عشان كدا دايما بنورط روحنا في علاقات ( اضافيه) ضررا اكبر من نفعا (في الغالب الاعم ) ..
|
Post: #6
Title: Re: أزعم أنني أتمتع بحاسة قوية احتمال أنها تخ
Author: طلحة عبدالله
Date: 01-03-2018, 04:32 PM
Parent: #5
كل سنة وانت طيب يا معاوية
كلامك صحيح عشان كدا في الواتس والفيس وحتى منابر الحوار زي
حوش بكري دا في ناس بتعامل معاهم في حدود ضيقة جدا لو اضطررت للتعامل
معاهم .. وأحيانا يرتفع عندي مؤشر التحفظ إلى أعلى نقطة فاتجاهل حنان الواحد
منهم ولا أعيره حتى أذن من طين حتى ولو كان معاي سمن بلدي على عسل نحل أصلي .
بالنسبة لمجموعات الأهل بكون في تحفظ لكن ما زي تحفظي على الناس الما من أهلي
أبدا .. هنا التحفظ بكون سطحى جدا ومستحيل يصل اللحم الحي .. يعني مثلا عندي
اخوي الصغير لو استعان بى في خدمة مالية لغرض ما استجابتي ليهو بتكون قائمة
على أساس حاستي السادسة الممزوجة بشوية دردقة ليهو في الكلام .. وبناء على النتيجة
البتظهر لي ممكن أرسل ليهو المبلغ كلو أو جزء منه أو ما أرسل ليهو كلو كلو ..
مع العلم انو الدردقة دي ذااااااتا مرتبطة بالحساسة السادسة .. يعني مرات ممكن
أرسل ليهو القروش بدون ما أسألو ذاتو ... شفت كيف ؟
والله على ما أقول شهيد ما حصل احساسي في النقطة دي خاب .. خخخخخخ
مرة سألني مستغربا وخائفا : اتا بتعرف كيف ؟؟
.........
مثال القروش دا جبتو ليك لانو النكتوت دا أكتر حاجة حساسة ومحتاجة
تعامل من نوع خاص .. دي غربة وعرق وشيب رأس خخخخخخ
لكن طبعا الكلام دا ممكن تعمموا على حالات غير القروش .. يعني
مثلا نفس أخوي دا يقول لي أنا ماشي الحتة الفلانية للحاجة الفلانية
وأقول ليهو أمشى ولا ما تمشى .
|
Post: #7
Title: Re: أزعم أنني أتمتع بحاسة قوية احتمال أنها تخ
Author: صديق مهدى على
Date: 01-03-2018, 04:32 PM
Parent: #5
معاوية حسين سلام اها انت زول طويل عندك صلعة درست فى ليبيا
ولا انا غلطان
صديق مهدى على
تخريمة
طلحة دا زى الرايح ليهو الدرب فى الموية ههها
كل سنة وانت طيب طلحة
|
Post: #8
Title: Re: أزعم أنني أتمتع بحاسة قوية احتمال أنها تخ
Author: حامد بدري
Date: 01-03-2018, 04:41 PM
Parent: #7
Quote:
مثال القروش دا جبتو ليك لانو النكتوت دا أكتر حاجة حساسة ومحتاجة
|
نكتوت بجيب كوتيييينيو للبرشا كاااااااااك
مسا الخير
اقطع ضوراعي الكلمة دي مع اسكراتش مااستعملت الا في حواري مدني
اسكراتش قبل يطلع التلفون استعملناها في ميدان السلك مدني
|
Post: #9
Title: Re: أزعم أنني أتمتع بحاسة قوية احتمال أنها تخ
Author: طلحة عبدالله
Date: 01-03-2018, 04:47 PM
Parent: #8
سلام وكل سنة وانت طيب يا حامد يا بدري
والله ما عارف لكن مما فتحت على الدنيا لقيت الكلمة دي قدامي
مع العلم انو برضو من الجزيرة زي ما عارف .. ههههههه
صديق مهدي أهلا وشكرا على المرور يا اللخو .
|
Post: #10
Title: Re: أزعم أنني أتمتع بحاسة قوية احتمال أنها تخ
Author: علي دفع الله
Date: 01-03-2018, 05:36 PM
Parent: #9
كل عام وانت بالف خير يا كاتبي المفضل
|
Post: #11
Title: Re: أزعم أنني أتمتع بحاسة قوية احتمال أنها تخ
Author: حمد عبد الغفار عمر
Date: 01-03-2018, 06:42 PM
Parent: #10
شنو يا طلحة
ياخ في ناس خلقة الله طيبين وحساسين ورهيفين
يعني يعملوا شنو في البورد دا
يقلبوا ظهر المجن للناس ويظهروا بخلاف ما هم عليه؟
اديك أمثلة
1- ابو حسين
2- خليهو في سرك
3-
|
Post: #12
Title: Re: أزعم أنني أتمتع بحاسة قوية احتمال أنها تخ
Author: طلحة عبدالله
Date: 01-03-2018, 07:55 PM
Parent: #11
يا ملايين المراحب والله بالمخضرم على دفع الله
كل عام انت وأهلك أجمعين بخيرين يا عزيزي
|
Post: #13
Title: Re: أزعم أنني أتمتع بحاسة قوية احتمال أنها تخ
Author: طلحة عبدالله
Date: 01-03-2018, 07:56 PM
Parent: #12
حبابك يا حمدوف
والله زي أبو حسين ومنو ومنو ديل لا منهم ولا عليهم
دي الحاجة الاتضحت لي أخيرا غايتو .
كل سنة وانت طيب يا الحبيب
|
Post: #15
Title: Re: أزعم أنني أتمتع بحاسة قوية احتمال أنها تخ
Author: محمد البشرى الخضر
Date: 01-03-2018, 08:26 PM
Parent: #13
شنو يا علي دفع الله!
كاتب و مفضّل كمان! ساخي خربتوا علينا البورد يالمجّانية دي
اتّأ ما عارفو بقوم يصدّق كمان قال سادسة قال.. لا تامنة
| Quote: زي أبو حسين ومنو ومنو ديل لا منهم ولا عليهم |
في دي اتفّق - على مضض- الفقر دا وجوده زي عدمه واحد
يوقّفوه و يرجّعوه زول بجيب خبره ولاّ يفقده ماف
خخخخخ
|
Post: #14
Title: Re: أزعم أنني أتمتع بحاسة قوية احتمال أنها تخ
Author: طلحة عبدالله
Date: 01-03-2018, 08:01 PM
Parent: #11
طبعا يا حمدوف نمرة تلاتة دي عارفك قاصد بيها المستجير
وحتى لو ما قاصدو فالزول دا زي أكل السمك لو ما حبيتو
ما ممكن تكرهو أو تعافو أبدا .. صحيح أنو متطلع لدرجة التشوبر أحيانا
لكنه يظل مهضوما جدا حتي في شتارتو وتظارفو المعاط بجدارة .. خخخخخخخخخ
|
Post: #16
Title: Re: أزعم أنني أتمتع بحاسة قوية احتمال أنها تخ
Author: طلحة عبدالله
Date: 01-03-2018, 08:35 PM
Parent: #14
طيب
في ناس تنطبق عليهم العلامات الفوق دي
متدثرين بثوب الوقار وعاملين فيها أية حاجة نبيلة ومحتكرين
القيم والمثل والمبادىء وفي الحقيقة هم أبعد من ذلك بفراسخ
لكن ممكن عادى الزول يتعامل معاهم طالما الواحد فيهم ما داسي
عليك الحتة دي وبتعامل معاك بوشو الحقيقي الأنت عارفو .. ديل
أكيد عاملين ليك حساب واحترام خاص والا لمارسوا عليك
التذاكي والفهلوة زيك وبقية البسطاء ( يمكن قراءتها السذج) .. ديل
ما تخاف منهم وخليك طبيعي معاهم .
في واحدين تانين بطريقة أو باخرى نجحوا في بلفك ( تقرأ ركبوك الماسورة)
واتا اتعاملت معاهم على أساس أنهم فعلا يتمتعون بالصفات الطيبة ودرسوا
في مدرسة الأخلاق الحميدة .. وذات صدفة صادمة نزعوا عنهم القناع بمزاجم أو غصبا لتكتشف
أنهم أبعد مما كنت قايلم بعد الأرض من المريخ .. ديل ممكن تستفيد منهم بمراجعة
طريقتم الناجحة في الضحك على شنبك باعتبارها دروس وعبر فيها فائدة ليك ولزمانك
لكن ليس بالضرورة أن يكون هولاء سببا في أن تكفر بالآخر لتصبح شكاكا مرتابا متحفظا أمام الجميع
وإلا لما وجدت الذي لا تشك فيه وتتحفظ منه ... أو كما قال حكيم .
عايز أقول ..
النوايا الحسنة مطلوبة ولابد منها لأي زول عندو ثقة في نفسو وعارف قدرو
لكن دا ما معناهو انو الناس تكون مطية أو سرج ركوب لبعض شياطين الأنس ..
من المهم جدا التمسك بمبدأ أعقلها وتوكل، وأن تتوهط بجدارة في منطقة وسط
بين هذا وذاك فلا تكن جافا كل الجفاف حتى تتشقق اجتماعياتك ولا تكن هينا
لينا لتتخذك البراغيث مسكنا خخخخخخخ .
|
Post: #17
Title: Re: أزعم أنني أتمتع بحاسة قوية احتمال أنها تخ
Author: طلحة عبدالله
Date: 01-03-2018, 08:37 PM
Parent: #16
أبو العلمك اللغة الروسية
|
Post: #18
Title: Re: أزعم أنني أتمتع بحاسة قوية احتمال أنها تخ
Author: Hassan Makkawi
Date: 01-03-2018, 08:38 PM
Parent: #11
Quote:
ياخ في ناس خلقة الله طيبين وحساسين ورهيفين
|
Quote:
اديك أمثلة
1- ابو حسين
|
ابو حسين وين يلقى الحلاوات دى.....
تحيات للجميع
|
|