|
|
|
 Re: أزعم أنني أتمتع بحاسة قوية احتمال أنها تخ (Re: طلحة عبدالله)
|
سلامات يا طلحه
منابر الحوار او الفوروم عموما بتختلف عن مواقع التواصل الاجتماعي ..هناك ممكن تتواصل مع اولاد حلتك واهلك ودفعتك في الدراسه والعمل ..نحن خالطين الشغله شويه عشان كدا دايما بنورط روحنا في علاقات ( اضافيه) ضررا اكبر من نفعا (في الغالب الاعم ) ..
| |
  
|
|
|
|
|
|
|
|
Re: أزعم أنني أتمتع بحاسة قوية احتمال أنها تخ (Re: Maawya Hussein)
|
كل سنة وانت طيب يا معاوية
كلامك صحيح عشان كدا في الواتس والفيس وحتى منابر الحوار زي
حوش بكري دا في ناس بتعامل معاهم في حدود ضيقة جدا لو اضطررت للتعامل
معاهم .. وأحيانا يرتفع عندي مؤشر التحفظ إلى أعلى نقطة فاتجاهل حنان الواحد
منهم ولا أعيره حتى أذن من طين حتى ولو كان معاي سمن بلدي على عسل نحل أصلي .
بالنسبة لمجموعات الأهل بكون في تحفظ لكن ما زي تحفظي على الناس الما من أهلي
أبدا .. هنا التحفظ بكون سطحى جدا ومستحيل يصل اللحم الحي .. يعني مثلا عندي
اخوي الصغير لو استعان بى في خدمة مالية لغرض ما استجابتي ليهو بتكون قائمة
على أساس حاستي السادسة الممزوجة بشوية دردقة ليهو في الكلام .. وبناء على النتيجة
البتظهر لي ممكن أرسل ليهو المبلغ كلو أو جزء منه أو ما أرسل ليهو كلو كلو ..
مع العلم انو الدردقة دي ذااااااتا مرتبطة بالحساسة السادسة .. يعني مرات ممكن
أرسل ليهو القروش بدون ما أسألو ذاتو ... شفت كيف ؟
والله على ما أقول شهيد ما حصل احساسي في النقطة دي خاب .. خخخخخخ
مرة سألني مستغربا وخائفا : اتا بتعرف كيف ؟؟ 
.........
مثال القروش دا جبتو ليك لانو النكتوت دا أكتر حاجة حساسة ومحتاجة
تعامل من نوع خاص .. دي غربة وعرق وشيب رأس خخخخخخ
لكن طبعا الكلام دا ممكن تعمموا على حالات غير القروش .. يعني
مثلا نفس أخوي دا يقول لي أنا ماشي الحتة الفلانية للحاجة الفلانية
وأقول ليهو أمشى ولا ما تمشى .
| |
|
|
|
|
|
|
|
|
|
Re: أزعم أنني أتمتع بحاسة قوية احتمال أنها تخ (Re: طلحة عبدالله)
|
شنو يا علي دفع الله!
كاتب و مفضّل كمان! ساخي خربتوا علينا البورد يالمجّانية دي
اتّأ ما عارفو بقوم يصدّق كمان قال سادسة قال.. لا تامنة
| Quote: زي أبو حسين ومنو ومنو ديل لا منهم ولا عليهم |
في دي اتفّق - على مضض- الفقر دا وجوده زي عدمه واحد
يوقّفوه و يرجّعوه زول بجيب خبره ولاّ يفقده ماف
خخخخخ
| |
|
|
|
|
|
|
|
|
|
Re: أزعم أنني أتمتع بحاسة قوية احتمال أنها تخ (Re: طلحة عبدالله)
|
طيب
في ناس تنطبق عليهم العلامات الفوق دي
متدثرين بثوب الوقار وعاملين فيها أية حاجة نبيلة ومحتكرين
القيم والمثل والمبادىء وفي الحقيقة هم أبعد من ذلك بفراسخ
لكن ممكن عادى الزول يتعامل معاهم طالما الواحد فيهم ما داسي
عليك الحتة دي وبتعامل معاك بوشو الحقيقي الأنت عارفو .. ديل
أكيد عاملين ليك حساب واحترام خاص والا لمارسوا عليك
التذاكي والفهلوة زيك وبقية البسطاء ( يمكن قراءتها السذج) .. ديل
ما تخاف منهم وخليك طبيعي معاهم .
في واحدين تانين بطريقة أو باخرى نجحوا في بلفك ( تقرأ ركبوك الماسورة)
واتا اتعاملت معاهم على أساس أنهم فعلا يتمتعون بالصفات الطيبة ودرسوا
في مدرسة الأخلاق الحميدة .. وذات صدفة صادمة نزعوا عنهم القناع بمزاجم أو غصبا لتكتشف
أنهم أبعد مما كنت قايلم بعد الأرض من المريخ .. ديل ممكن تستفيد منهم بمراجعة
طريقتم الناجحة في الضحك على شنبك باعتبارها دروس وعبر فيها فائدة ليك ولزمانك
لكن ليس بالضرورة أن يكون هولاء سببا في أن تكفر بالآخر لتصبح شكاكا مرتابا متحفظا أمام الجميع
وإلا لما وجدت الذي لا تشك فيه وتتحفظ منه ... أو كما قال حكيم .
عايز أقول ..
النوايا الحسنة مطلوبة ولابد منها لأي زول عندو ثقة في نفسو وعارف قدرو
لكن دا ما معناهو انو الناس تكون مطية أو سرج ركوب لبعض شياطين الأنس ..
من المهم جدا التمسك بمبدأ أعقلها وتوكل، وأن تتوهط بجدارة في منطقة وسط
بين هذا وذاك فلا تكن جافا كل الجفاف حتى تتشقق اجتماعياتك ولا تكن هينا
لينا لتتخذك البراغيث مسكنا خخخخخخخ .
| |
|
|
|
|
|
|
| |
طلحة عبدالله
Maawya Hussein
صديق مهدى على
حامد بدري
علي دفع الله
حمد عبد الغفار عمر
محمد البشرى الخضر
Hassan Makkawi
فيس بوك
تويتر
انستقرام
يوتيوب
بنتيريست